ᱟᱠᱟᱝᱠᱷᱟ ᱥᱤᱝ

ᱟᱠᱟᱝᱠᱷᱟ ᱥᱤᱝ (ᱡᱟᱱᱟᱢ ᱗ ᱥᱮᱯᱴᱮᱢᱵᱚᱨ ᱑᱙᱘᱙ ᱵᱟᱨᱟᱬᱟᱥᱤ ᱩᱛᱛᱚᱨ ᱯᱨᱚᱫᱮᱥ ᱨᱮ) ᱢᱤᱫ ᱵᱷᱟᱨᱚᱛᱤᱭᱚ ᱵᱟᱥᱠᱮᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱟᱨ ᱵᱷᱟᱨᱚᱛ ᱛᱤᱨᱞᱟᱹ ᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱵᱟᱥᱠᱮᱴᱵᱚᱞ ᱴᱤᱢ ᱨᱮᱱᱟᱜ ᱢᱟᱨᱮ ᱠᱟᱯᱴᱟᱱ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱐᱔ ᱠᱷᱚᱱ ᱡᱟᱹᱛᱤᱭᱟᱹᱨᱤ ᱴᱤᱢ ᱞᱟᱹᱜᱤᱫ ᱮ ᱠᱷᱮᱞ ᱟᱠᱟᱫᱟ᱾^[᱑]^[᱒] ᱩᱱᱤ ᱟᱨ ᱟᱡᱤᱡ ᱢᱤᱥᱨᱟᱛ ᱫᱤᱵᱽᱭᱟ, ᱯᱨᱚᱥᱟᱱᱛᱤ, ᱟᱨ ᱯᱨᱚᱛᱤᱢᱟ ᱫᱚ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱵᱟᱥᱠᱮᱴᱵᱚᱞ ᱨᱮᱱ ᱯᱷᱮᱱᱴᱟᱥᱴᱤᱠ ᱯᱷᱳᱨ ᱞᱮᱠᱟᱛᱮ ᱠᱚ ᱵᱟᱰᱟᱭᱚᱜᱼᱟ, ᱟᱨ ᱩᱱᱠᱩ ᱫᱚ ᱥᱤᱝ ᱢᱤᱥᱨᱟᱛ ᱞᱮᱠᱟᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ᱾

ᱠᱷᱮᱞ ᱠᱮᱨᱤᱭᱚᱨ

᱒᱐᱐᱓ ᱨᱮ, ᱟᱠᱟᱝᱠᱷᱟ ᱥᱤᱝ ᱫᱚ ᱥᱤᱱᱤᱭᱚᱨ ᱱᱮᱥᱱᱟᱞᱥ ᱨᱮ ᱟᱡᱟᱜ ᱰᱮᱵᱭᱩ ᱠᱮᱫᱟ ᱟᱨ ᱩᱱᱤ ᱫᱚ ᱩᱛᱛᱚᱨ ᱯᱨᱚᱫᱮᱥ ᱴᱤᱢ ᱞᱟᱹᱜᱤᱫ ᱮ ᱠᱷᱮᱞ ᱞᱮᱫ ᱛᱟᱦᱮᱸᱫ ᱡᱚᱠᱷᱚᱱ ᱩᱱᱤ ᱫᱚ ᱑᱑ ᱟᱱᱟᱜ ᱜᱽᱨᱮᱰᱟᱨ ᱮ ᱛᱟᱦᱮᱸ ᱠᱟᱱᱟ᱾ ᱒᱐᱐᱔ ᱨᱮ, ᱩᱱᱤ ᱫᱚ ᱫᱤᱞᱞᱤ ᱴᱤᱢ ᱨᱮ ᱟᱡᱤᱡ ᱢᱤᱥᱨᱟᱛ ᱠᱚᱣᱟᱜ ᱠᱟᱹᱢᱤ ᱦᱚᱨᱟ ᱨᱮᱭ ᱯᱟᱸᱡᱟ ᱠᱮᱫᱟ᱾ ᱒᱐᱑᱐ ᱨᱮ, ᱟᱠᱟᱝᱠᱷᱟ ᱫᱚ ᱵᱷᱟᱨᱚᱛ ᱨᱮᱱᱟᱜ ᱯᱩᱭᱞᱩ ᱯᱨᱳᱯᱷᱮᱥᱱᱟᱞ ᱵᱟᱥᱠᱮᱴᱵᱚᱞ ᱞᱤᱜᱽ, ᱮᱢᱯᱤᱵᱤᱮᱞ ᱨᱮ ᱟᱹᱰᱤ ᱜᱚᱱ ᱟᱱ ᱠᱷᱮᱞᱚᱸᱰᱤᱭᱟᱹ ᱨᱮᱱᱟᱜ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ᱾ ᱩᱱᱤᱭᱟᱜ ᱧᱩᱛᱩᱢ ᱫᱚ ᱵᱷᱟᱨᱚᱛᱤᱭᱚ ᱵᱟᱥᱠᱮᱴᱵᱚᱞ ᱱᱟᱜᱟᱢ ᱵᱚᱦᱤ ᱨᱮ ᱥᱚᱫᱟᱭ ᱞᱟᱹᱜᱤᱫ ᱴᱚᱯ ᱯᱩᱱᱭᱟᱹ ᱠᱷᱮᱞᱚᱸᱰᱤᱭᱟᱹ ᱠᱷᱚᱱ ᱢᱤᱫ ᱞᱮᱠᱟᱛᱮ ᱥᱚᱫᱟᱭ ᱞᱟᱹᱜᱤᱫ ᱴᱷᱟᱶ ᱮ ᱵᱮᱱᱟᱣ ᱠᱮᱫᱟ ᱡᱟᱦᱟᱸᱭ ᱫᱚ ᱟᱭᱤᱮᱢᱡᱤ ᱨᱤᱞᱟᱭᱟᱸᱥ ᱥᱯᱚᱱᱥᱚᱨ ᱠᱟᱛᱮ ᱵᱷᱟᱨᱚᱛ ᱨᱮᱱᱟᱜ ᱵᱟᱥᱠᱮᱴᱵᱚᱞ ᱯᱷᱮᱰᱮᱨᱮᱥᱚᱱ ᱠᱷᱚᱱ "ᱮ ᱜᱽᱨᱮᱰ" ᱠᱚ ᱧᱟᱢ ᱞᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱵᱟᱥᱠᱮᱴᱵᱚᱞ ᱨᱮ ᱥᱟᱹᱫᱷᱟᱨᱚᱱ ᱞᱮᱠᱟᱛᱮ "ᱠᱟᱹᱴᱤᱡ ᱵᱤᱠᱱᱮᱥ" ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ᱾^[᱓]

ᱩᱱᱤ ᱫᱚ ᱟᱭᱢᱟ ᱡᱟᱹᱛᱤᱭᱟᱹᱨᱤ ᱟᱨ ᱯᱚᱱᱚᱛ ᱪᱟᱢᱯᱤᱭᱚᱱᱥᱤᱯ ᱨᱮ ᱥᱚᱨᱮᱥ ᱠᱷᱮᱞᱚᱸᱰᱤᱭᱟᱹ ᱨᱮᱱᱟᱜ ᱥᱤᱨᱯᱷᱟᱹ ᱛᱮᱠᱚ ᱢᱟᱱ ᱥᱚᱢᱟᱱ ᱟᱠᱟᱫᱮᱭᱟ᱾ ᱫᱤᱞᱞᱤ ᱤᱭᱩᱱᱤᱵᱷᱟᱨᱥᱤᱴᱤ ᱨᱮ ᱟᱡᱟᱜ ᱠᱟᱯᱴᱮᱱᱥᱤ ᱨᱮ, ᱩᱱᱤ ᱫᱚ ᱱᱮᱞᱞᱳᱨ ᱨᱮ ᱮᱞ ᱤᱱᱰᱤᱭᱟ ᱤᱭᱩᱱᱤᱵᱷᱟᱨᱥᱤᱴᱤ ᱵᱟᱥᱠᱮᱴᱵᱚᱞ ᱪᱟᱢᱯᱤᱭᱚᱱᱥᱤᱯ ᱨᱮ ᱢᱤᱫ ᱥᱚᱱᱟ ᱢᱮᱰᱟᱞ ᱮ ᱡᱤᱛᱠᱟᱹᱨ ᱠᱮᱫᱟ, ᱡᱟᱦᱟᱸᱨᱮ ᱟᱡᱤᱡ ᱢᱤᱥᱨᱟᱛ ᱯᱨᱚᱛᱤᱢᱟ ᱥᱤᱝ ᱥᱟᱶ ᱩᱱᱤ ᱫᱚ ᱡᱩᱜᱚᱯᱩᱛ ᱥᱚᱨᱮᱥ ᱠᱷᱮᱞᱚᱸᱰᱤᱭᱟᱹ ᱨᱮᱱᱟᱜ ᱥᱤᱨᱯᱷᱟᱹ ᱠᱚ ᱮᱢᱟᱫᱮ ᱛᱟᱦᱮᱸᱫ᱾

ᱱᱤᱡᱮᱨᱟᱜ ᱡᱤᱭᱚᱱ

ᱥᱤᱝ ᱫᱚ ᱵᱟᱥᱠᱮᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱚᱣᱟᱜ ᱜᱷᱟᱨᱚᱸᱡᱽ ᱠᱷᱚᱱ ᱮ ᱦᱮᱡ ᱟᱠᱟᱱᱟ᱾ ᱩᱱᱤ ᱫᱚ ᱥᱮᱱᱴ ᱥᱴᱤᱯᱷᱮᱱᱥ ᱠᱚᱞᱮᱡᱽ, ᱫᱤᱞᱞᱤ ᱨᱮ ᱟᱡᱟᱜ ᱟᱱᱰᱟᱨᱜᱽᱨᱮᱡᱩᱣᱮᱴ ᱯᱟᱲᱦᱟᱣ ᱮ ᱯᱩᱨᱟᱹᱣ ᱠᱮᱫᱟ᱾ ᱟᱡᱤᱡ ᱢᱤᱥᱨᱟᱛ ᱫᱤᱵᱽᱭᱟ, ᱯᱨᱚᱥᱟᱱᱛᱤ, ᱟᱨ ᱯᱨᱚᱛᱤᱢᱟ ᱫᱚ ᱵᱷᱟᱨᱚᱛᱤᱭᱚ ᱡᱟᱹᱛᱤᱭᱟᱹᱨᱤ ᱛᱤᱨᱞᱟᱹ ᱠᱚᱣᱟᱜ ᱵᱟᱥᱠᱮᱴᱵᱚᱞ ᱴᱤᱢ ᱨᱮ ᱨᱮᱯᱨᱮᱡᱮᱱᱴ ᱟᱠᱟᱫᱟ᱾ ᱢᱤᱥᱨᱟᱛ ᱠᱚ ᱛᱟᱞᱟ ᱨᱮ ᱢᱟᱨᱟᱝ ᱫᱚ ᱯᱨᱤᱭᱟᱝᱠᱟ ᱠᱟᱱᱟᱭ, ᱡᱟᱦᱟᱸᱭ ᱫᱚ ᱡᱟᱹᱛᱤᱭᱟᱹᱨᱤ ᱤᱱᱥᱴᱤᱴᱤᱭᱩᱴ ᱚᱯᱷ ᱥᱯᱳᱨᱴᱥ ᱵᱟᱥᱠᱮᱴᱵᱚᱞ ᱠᱳᱪ ᱠᱟᱱᱟᱭ᱾ ᱟᱡᱤᱡ ᱢᱤᱥᱨᱟᱛ ᱫᱤᱵᱽᱭᱟ ᱫᱚ ᱰᱮᱞᱟᱣᱮᱨ ᱤᱭᱩᱱᱤᱵᱷᱟᱨᱥᱤᱴᱤ ᱵᱟᱥᱠᱮᱴᱵᱚᱞ ᱴᱤᱢ ᱥᱟᱶ ᱠᱟᱹᱢᱤ ᱟᱠᱟᱫᱟ᱾ ᱟᱡᱤᱡ ᱵᱚᱭᱦᱟ ᱵᱤᱠᱨᱟᱱᱛ ᱥᱳᱞᱟᱝᱠᱤ ᱫᱚ ᱟᱭᱤᱼᱞᱤᱜᱽ ᱟᱨ ᱥᱟᱱᱛᱳᱥ ᱴᱨᱳᱯᱷᱤ ᱦᱮᱯᱨᱟᱣ ᱨᱮ ᱢᱤᱫ ᱯᱷᱩᱴᱵᱚᱞ ᱠᱷᱮᱞᱚᱸᱰᱤᱭᱟᱹ ᱠᱟᱱᱟᱭ᱾

ᱥᱟᱹᱠᱷᱭᱟᱹᱛ

↑ "Meet Ishant Sharma's Fiancee: Basketball Champ Pratima Singh". The Quint (in ᱟᱝᱜᱽᱨᱮᱡᱤ). Retrieved 2018-04-17.
↑ "Indian basketball sisters defy gender bias". Stabroek News (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2011-08-12. Retrieved 2018-04-17.
↑ "Akanksha is champ". The Times of India. Retrieved 2018-04-17.

ᱵᱟᱦᱨᱮ ᱡᱚᱱᱚᱲ

[1] "Meet Ishant Sharma's Fiancee: Basketball Champ Pratima Singh". The Quint (in ᱟᱝᱜᱽᱨᱮᱡᱤ). Retrieved 2018-04-17.

[2] "Indian basketball sisters defy gender bias". Stabroek News (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2011-08-12. Retrieved 2018-04-17.

[3] "Akanksha is champ". The Times of India. Retrieved 2018-04-17.

[᱑]

[᱒]

[᱓]