ᱟᱠᱠᱟ ᱢᱚᱦᱟᱫᱮᱵᱤ

ᱟᱠᱠᱟ ᱢᱚᱦᱟᱫᱮᱵᱤ (c. ᱑᱑᱓᱐–᱑᱑᱖᱐) ᱫᱚ ᱠᱟᱱᱱᱟᱰᱟ ᱥᱟᱶᱦᱮᱫ ᱨᱤᱱᱤᱡ ᱢᱤᱫ ᱮᱛᱚᱦᱚᱵ ᱚᱱᱚᱞᱤᱭᱟᱹ ᱠᱟᱱᱟᱭ^[᱑] ᱟᱨ ᱑᱒ ᱥᱟᱭ ᱥᱮᱨᱢᱟ ᱨᱮ ᱵᱮᱱᱟᱣ ᱟᱠᱟᱱ ᱞᱤᱝᱜᱟᱭᱚᱛ ᱫᱷᱚᱨᱚᱢ ᱨᱤᱱᱤᱡ ᱢᱤᱫ ᱧᱩᱛᱩᱢᱟᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ ᱾^[᱒] ᱩᱱᱤᱭᱟᱜ ᱔᱓᱐ ᱜᱚᱴᱟᱝ ᱵᱚᱪᱚᱱ (ᱢᱤᱫ ᱞᱮᱠᱟᱱ ᱫᱷᱚᱨᱚᱢ ᱚᱱᱚᱲᱦᱮ), ᱟᱨ Mantrogopya ᱛᱟᱦᱟ Yogangatrividh ᱧᱩᱛᱩᱢᱟᱱ ᱵᱟᱨᱭᱟ ᱠᱟᱹᱴᱤᱡ ᱚᱞ ᱫᱚ ᱠᱟᱱᱱᱟᱰᱟ ᱥᱟᱶᱦᱮᱫ ᱞᱟᱹᱜᱤᱫ ᱟᱡᱟᱜ ᱢᱟᱨᱟᱝ ᱮᱱᱮᱢ ᱠᱟᱱᱟ ᱾^[᱓] ᱟᱠᱠᱟ ("ᱢᱟᱨᱟᱝ ᱫᱟᱹᱭ" ᱵᱟᱝᱠᱷᱟᱱ "ᱟᱭᱳ") ᱟᱹᱲᱟᱹ ᱫᱚ ᱢᱤᱫ ᱢᱟᱱᱚᱛ ᱧᱩᱛᱩᱢ ᱠᱟᱱᱟ ᱡᱟᱦᱟᱸ ᱫᱚ ᱵᱟᱥᱟᱵᱷᱟᱱᱱᱟ, ᱥᱤᱫᱷᱷᱚᱨᱟᱢᱟ, ᱟᱨ ᱟᱞᱞᱟᱢᱟᱯᱨᱚᱵᱷᱩ ᱞᱮᱠᱟᱱ ᱥᱟᱹᱫᱷᱩ ᱠᱚ ᱩᱱᱤ ᱠᱚ ᱮᱢᱟᱫ ᱫᱮ ᱛᱟᱦᱮᱸᱫ ᱾ ᱱᱚᱶᱟ ᱫᱚ "ᱟᱱᱩᱵᱷᱚᱵᱚ ᱢᱚᱱᱴᱟᱯᱟ" ᱨᱮ ᱦᱩᱭᱩᱜ ᱠᱟᱱ ᱫᱷᱚᱨᱚᱢ ᱜᱟᱞᱚᱪ ᱨᱮ ᱩᱱᱤᱭᱟᱜ ᱩᱥᱩᱞ ᱴᱷᱟᱶ ᱮ ᱩᱫᱩᱜᱟ ᱾^[᱔] ᱩᱱᱤ ᱫᱚ ᱠᱟᱱᱱᱟᱰᱟ ᱥᱟᱶᱦᱮᱫ ᱟᱨ ᱠᱚᱨᱱᱟᱴᱚᱠ ᱨᱮᱱᱟᱜ ᱱᱟᱜᱟᱢ ᱨᱮ ᱢᱤᱫ ᱢᱟᱨᱟᱝ ᱛᱤᱨᱞᱟᱹ ᱢᱩᱴᱷᱟᱹᱱ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱭᱟ ᱾ ᱩᱱᱤ ᱫᱚ ᱵᱷᱚᱜᱚᱵᱟᱱ ᱥᱤᱵᱽ ("ᱪᱮᱱᱱᱟ ᱢᱟᱞᱞᱤᱠᱟᱨᱡᱩᱱ") ᱫᱚ ᱟᱡᱤᱡ ᱡᱟᱶᱟᱭ ᱞᱮᱠᱟᱛᱮᱭ ᱢᱟᱱᱟᱣ ᱞᱮᱫᱮᱭᱟ (ᱡᱟᱦᱟᱸ ᱫᱚ ᱥᱮᱨᱣᱟ ᱞᱮᱠᱟᱛᱮ 'ᱢᱚᱫᱷᱩᱨᱟ ᱵᱷᱟᱵᱽ' ᱵᱟᱝᱠᱷᱟᱱ 'ᱢᱚᱫᱷᱩᱨᱭᱚ' ᱵᱷᱚᱠᱛᱤ ᱠᱚ ᱢᱮᱛᱟᱜ-ᱟ) ᱾^[᱕]

ᱡᱤᱭᱚᱱ ᱪᱚᱨᱤᱛ

ᱟᱠᱠᱟ ᱢᱚᱦᱟᱫᱮᱵᱤ ᱫᱚ ᱑᱑᱓᱐ ᱥᱮᱨᱢᱟ ᱥᱩᱨ ᱥᱩᱯᱩᱨ ᱨᱮ ᱠᱚᱨᱱᱟᱴᱚᱠ ᱯᱚᱱᱚᱛ ᱨᱮᱱᱟᱜ ᱥᱤᱵᱽᱢᱚᱜᱽᱜᱟ ᱥᱩᱨ ᱩᱫᱩᱛᱟᱰᱤ ᱨᱮᱭ ᱡᱟᱱᱟᱢ ᱞᱮᱱᱟ ᱾^[᱖]^[᱗] ᱛᱤᱱᱟᱹᱜ ᱜᱟᱱ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱢᱮᱱ ᱞᱮᱠᱟᱛᱮ ᱩᱱᱤ ᱫᱚ ᱱᱤᱨᱢᱚᱞᱥᱮᱴᱴᱤ ᱟᱨ ᱥᱩᱢᱚᱛᱤ ᱧᱩᱛᱩᱢᱟᱱ ᱡᱩᱨᱤ-ᱯᱟᱹᱨᱤ ᱨᱤᱱᱤᱡ ᱦᱚᱯᱚᱱ ᱮᱨᱟᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱵᱟᱱᱟ ᱦᱚᱲ ᱜᱮ ᱥᱤᱵᱽ ᱵᱷᱚᱠᱛᱚ ᱠᱤᱱ ᱛᱟᱦᱮᱸ ᱠᱟᱱᱟ ᱾^[᱘] ᱯᱟᱪᱮ ᱫᱤᱥᱚᱢ ᱨᱮᱱᱟᱜ ᱯᱷᱮᱰᱟᱛ ᱠᱚ ᱞᱟᱹᱭᱟ ᱡᱮ ᱩᱱᱤᱭᱟᱜ ᱡᱤᱭᱚᱱ ᱵᱟᱵᱚᱛ ᱟᱹᱰᱤ ᱠᱚᱢ ᱜᱮ ᱵᱟᱰᱟᱭ ᱢᱮᱱᱟᱜ-ᱟ, ᱮᱱᱛᱮ ᱨᱮᱦᱚᱸ ᱥᱤᱧᱚᱛᱤᱭᱟᱹ ᱥᱟᱹᱫᱷᱩ-ᱪᱚᱨᱤᱛ, ᱦᱚᱲ ᱠᱟᱹᱦᱱᱤ ᱟᱨ ᱟᱡᱟᱜ ᱚᱱᱚᱲᱦᱮ ᱠᱚᱨᱮ ᱟᱭᱢᱟ ᱠᱟᱛᱷᱟ ᱚᱞ ᱢᱮᱱᱟᱜ-ᱟ ᱾ ᱟᱡᱟᱜ ᱢᱤᱫ ᱚᱱᱚᱲᱦᱮ ᱨᱮ ᱚᱞ ᱢᱮᱱᱟᱜ-ᱟ ᱡᱮ ᱩᱱᱤ ᱫᱚ ᱥᱤᱵᱽ ᱯᱟᱱᱛᱮ ᱞᱟᱹᱜᱤᱫ ᱟᱡᱟᱜ ᱡᱟᱱᱟᱢ ᱴᱷᱟᱶ ᱟᱨ ᱜᱷᱟᱨᱚᱸᱡᱽ ᱮ ᱵᱟᱹᱜᱤ ᱞᱮᱫᱟ ᱾^[᱖] ᱛᱷᱟᱨᱩ ᱟᱨ ᱞᱚᱞᱤᱛᱟ ᱦᱚᱸ ᱱᱚᱶᱟ ᱠᱟᱛᱷᱟ ᱠᱤᱱ ᱚᱞ ᱟᱠᱟᱫᱟ ᱡᱮ ᱠᱚᱣᱥᱤᱠᱚ ᱧᱩᱛᱩᱢᱟᱱ ᱢᱤᱫ ᱞᱚᱠᱟᱞ ᱡᱮᱭᱱ ᱨᱟᱡᱟ ᱩᱱᱤ ᱵᱟᱹᱯᱞᱟᱹ ᱞᱟᱹᱜᱤᱫ ᱮ ᱠᱷᱚᱡᱽ ᱞᱮᱫᱟ, ᱢᱮᱱᱠᱷᱟᱱ ᱟᱠᱠᱟ ᱢᱚᱦᱟᱫᱮᱵᱤ ᱫᱚ ᱚᱱᱟᱭ ᱵᱟᱨᱚᱱ ᱞᱮᱫᱟ ᱟᱨ ᱥᱤᱵᱽ ᱵᱷᱚᱠᱛᱤ ᱜᱮᱭ ᱟᱯᱱᱟᱨ ᱞᱮᱫᱟ ᱾^[᱖] ᱢᱮᱱᱠᱷᱟᱱ ᱱᱚᱶᱟ ᱠᱟᱛᱷᱟ ᱨᱮᱱᱟᱜ ᱯᱷᱮᱰᱟᱛ ᱫᱚ ᱯᱩᱥᱴᱟᱹᱣ ᱵᱟᱹᱱᱩᱜ-ᱟ ᱾^[᱙] ᱟᱡᱟᱜ ᱢᱤᱫ ᱵᱚᱪᱚᱱ ᱨᱮ ᱨᱟᱡᱟ ᱵᱟᱹᱯᱞᱟᱹ ᱞᱟᱹᱜᱤᱫ ᱯᱮᱭᱟ ᱥᱚᱨᱛᱚᱭ ᱫᱚᱦᱚ ᱞᱮᱫᱟ, ᱡᱟᱦᱟᱸ ᱨᱮ ᱢᱮᱱ ᱛᱟᱦᱮᱸ ᱠᱟᱱᱟ ᱡᱮ ᱩᱱᱤ ᱫᱚ ᱟᱡᱟᱜ ᱚᱠᱛᱚ ᱵᱷᱚᱠᱛᱤ ᱟᱨ ᱮᱴᱟᱜ ᱯᱟᱹᱴᱷᱩᱣᱟᱹ ᱠᱚ ᱥᱟᱶ ᱜᱟᱞᱚᱪ ᱨᱮᱭ ᱠᱷᱟᱸᱰᱟᱣᱟ, ᱨᱟᱡᱟ ᱥᱟᱶ ᱫᱚ ᱵᱟᱝ ᱾^[᱘] ᱛᱟᱞᱟ ᱡᱩᱜᱽ ᱨᱤᱱᱤᱡ ᱯᱟᱹᱴᱷᱩᱣᱟᱹ ᱟᱨ ᱚᱱᱚᱞᱤᱭᱟᱹ ᱦᱚᱨᱤᱦᱚᱨᱚ ᱟᱡᱟᱜ ᱡᱤᱭᱚᱱ ᱪᱚᱨᱤᱛ ᱨᱮ ᱚᱞ ᱟᱠᱟᱫᱟ ᱡᱮ ᱱᱚᱶᱟ ᱵᱟᱹᱯᱞᱟᱹ ᱫᱚ ᱠᱷᱟᱹᱞᱤ ᱧᱩᱛᱩᱢ ᱞᱟᱹᱜᱤᱫ ᱛᱟᱦᱮᱸ ᱠᱟᱱᱟ, ᱡᱚᱠᱷᱚᱱ ᱪᱟᱢᱟᱥᱟᱨᱟ ᱟᱜ ᱢᱮᱱ ᱞᱮᱠᱟᱛᱮ ᱥᱚᱨᱛᱚ ᱵᱟᱝ ᱠᱚ ᱢᱟᱱᱟᱣ ᱞᱮᱫ ᱛᱮ ᱵᱟᱹᱯᱞᱟᱹ ᱜᱮ ᱵᱟᱝ ᱦᱩᱭ ᱞᱮᱱᱟ ᱾^[᱘] ᱦᱚᱨᱤᱦᱚᱨᱚ ᱟᱜ ᱚᱞ ᱞᱮᱠᱟᱛᱮ, ᱡᱚᱠᱷᱚᱱ ᱨᱟᱡᱟ ᱠᱚᱣᱥᱤᱠᱚ ᱟᱡᱟᱜ ᱥᱚᱨᱛᱚᱭ ᱨᱟᱹᱯᱩᱫ ᱠᱮᱫᱟ, ᱟᱠᱠᱟ ᱢᱚᱦᱟᱫᱮᱵᱤ ᱫᱚ ᱨᱟᱡᱽ ᱵᱷᱚᱵᱚᱱ ᱮ ᱵᱟᱹᱜᱤ ᱠᱮᱫᱟ ᱾ ᱩᱱᱤ ᱫᱚ ᱟᱡᱟᱜ ᱡᱚᱛᱚᱣᱟᱜ, ᱮᱢᱟᱱ ᱠᱤᱪᱨᱤᱡ ᱠᱚ ᱦᱚᱸ ᱵᱟᱹᱜᱤ ᱠᱟᱛᱮ ᱥᱨᱤᱥᱟᱭᱤᱞᱚᱢ ᱛᱮᱭ ᱪᱟᱞᱟᱣ ᱮᱱᱟ, ᱡᱟᱦᱟᱸ ᱫᱚ ᱥᱤᱵᱽ ᱟᱜ ᱴᱷᱟᱶ ᱠᱟᱱᱟ ᱾^[᱘] ᱮᱴᱟᱜ ᱠᱟᱛᱷᱟ ᱞᱮᱠᱟᱛᱮ ᱨᱟᱡᱟ ᱟᱜ ᱫᱷᱚᱢᱠᱟᱣ ᱠᱷᱟᱹᱛᱤᱨ ᱩᱱᱤ ᱫᱚ ᱡᱚᱛᱚᱣᱟᱜ ᱮ ᱵᱟᱹᱜᱤ ᱞᱮᱫᱟ ᱾^[᱑᱐] ᱰᱟᱦᱟᱨ ᱨᱮ ᱩᱱᱤ ᱫᱚ ᱠᱚᱞᱭᱟᱬᱟ ᱥᱚᱦᱚᱨ ᱛᱮᱭ ᱪᱟᱞᱟᱣ ᱞᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱞᱤᱝᱜᱟᱭᱚᱛ ᱞᱟᱲᱟᱣᱱᱟ ᱨᱤᱱ ᱧᱩᱛᱩᱢᱟᱱ ᱦᱚᱲ ᱟᱞᱞᱟᱢᱟ ᱟᱨ ᱵᱟᱥᱟᱵᱷᱟ ᱥᱟᱶ ᱮ ᱧᱟᱯᱟᱢ ᱞᱮᱱᱟ ᱾^[᱖] ᱢᱚᱱᱮ ᱦᱩᱭᱩᱜ-ᱟ ᱡᱮ ᱡᱤᱭᱚᱱ ᱨᱮᱱᱟᱜ ᱢᱩᱪᱟᱹᱫ ᱚᱠᱛᱚ ᱨᱮ ᱩᱱᱤ ᱫᱚ ᱥᱨᱤᱥᱟᱭᱤᱞᱚᱢ ᱵᱩᱨᱩ ᱛᱮᱭ ᱪᱟᱞᱟᱣ ᱞᱮᱱᱟ ᱟᱨ ᱚᱸᱰᱮ ᱜᱮ ᱛᱚᱯᱚᱥᱭᱟ ᱠᱟᱛᱮᱭ ᱜᱩᱨ ᱞᱮᱱᱟ ᱾^[᱖] ᱢᱤᱫ ᱵᱚᱪᱚᱱ ᱞᱮᱠᱟᱛᱮ ᱡᱤᱭᱚᱱ ᱢᱩᱪᱟᱹᱫ ᱚᱠᱛᱚ ᱨᱮ ᱨᱟᱡᱟ ᱠᱚᱣᱥᱤᱠᱚ ᱚᱸᱰᱮ ᱪᱟᱞᱟᱣ ᱠᱟᱛᱮ ᱟᱠᱠᱟ ᱴᱷᱮᱱ ᱤᱠᱟᱹᱭ ᱠᱚᱭ ᱞᱮᱫᱟ ᱾^[᱘]

ᱱᱟᱜᱟᱢ

ᱱᱟᱦᱟᱜ ᱯᱟᱹᱴᱷᱩᱣᱟᱹ ᱠᱚ ᱩᱱᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱟᱨ ᱟᱹᱡᱟᱹᱫᱤ (emancipation) ᱞᱟᱹᱜᱤᱫ ᱢᱤᱫ ᱢᱟᱨᱟᱝ ᱦᱚᱲ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱭᱟ ᱾ ᱠᱚᱨᱱᱟᱴᱚᱠ ᱨᱮᱱᱟᱜ ᱚᱲᱟᱜ ᱚᱲᱟᱜ ᱨᱮ ᱩᱱᱤᱭᱟᱜ ᱧᱩᱛᱩᱢ ᱢᱮᱱᱟᱜ-ᱟ ᱾ ᱩᱱᱤ ᱫᱚᱭ ᱚᱞ ᱞᱮᱫᱟ ᱡᱮ ᱩᱱᱤ ᱫᱚ ᱠᱷᱟᱹᱞᱤ ᱧᱩᱛᱩᱢ ᱛᱮᱜᱮ ᱛᱤᱨᱞᱟᱹ ᱠᱟᱱᱟᱭ, ᱢᱮᱱᱠᱷᱟᱱ ᱟᱡᱟᱜ ᱢᱚᱱᱮ, ᱦᱚᱲᱢᱚ ᱟᱨ ᱟᱛᱢᱟ ᱫᱚ ᱥᱤᱵᱽ ᱟᱜ ᱠᱟᱱᱟ ᱾ ᱑᱒ ᱥᱟᱭ ᱥᱮᱨᱢᱟ ᱨᱮᱱᱟᱜ ᱨᱟᱡᱽᱟᱹᱨᱤ ᱮᱴᱠᱮᱴᱚᱬᱮ ᱚᱠᱛᱚ ᱨᱮ ᱩᱱᱤ ᱫᱚ ᱫᱷᱚᱨᱚᱢ ᱟᱨ ᱜᱭᱟᱱ ᱨᱮᱱᱟᱜ ᱰᱟᱦᱟᱨ ᱮ ᱵᱟᱪᱷᱟᱣ ᱞᱮᱫᱟ ᱾ ᱩᱱᱤ ᱫᱚ ᱠᱚᱞᱭᱟᱬᱟ ᱨᱮᱱᱟᱜ Anubhavamantapa ᱨᱮ ᱥᱮᱞᱮᱫ ᱠᱟᱛᱮ ᱧᱮᱱᱮᱞ ᱟᱨ ᱢᱩᱠᱛᱤ (Moksha) ᱵᱟᱵᱚᱛ ᱮ ᱛᱚᱯᱟᱨᱤ ᱞᱮᱫᱟ ᱾ ᱟᱡᱤᱡ ᱥᱟᱹᱨᱤ ᱡᱩᱨᱤ ᱵᱷᱚᱜᱚᱵᱟᱱ ᱥᱤᱵᱽ ᱯᱟᱱᱛᱮ ᱨᱮ ᱩᱱᱤ ᱫᱚ ᱡᱟᱱᱣᱟ, ᱵᱟᱦᱟ ᱟᱨ ᱪᱮᱬᱮ ᱠᱚ ᱟᱡᱤᱡ ᱜᱟᱛᱮᱭ ᱵᱮᱱᱟᱣ ᱞᱮᱫ ᱠᱚᱣᱟ ᱟᱨ ᱫᱷᱟᱹᱨᱛᱤ ᱨᱮᱱᱟᱜ ᱢᱚᱦᱚ-ᱢᱟᱭᱟᱭ ᱵᱟᱹᱜᱤ ᱞᱮᱫᱟ ᱾ ᱟᱠᱠᱟ ᱣᱟᱜ ᱜᱭᱟᱱ ᱯᱟᱱᱛᱮ ᱨᱮᱱᱟᱜ ᱠᱟᱛᱷᱟ ᱫᱚ ᱟᱹᱰᱤ ᱟᱞᱜᱟ ᱯᱟᱹᱨᱥᱤ ᱛᱮ ᱚᱞ ᱟᱠᱟᱱ ᱚᱱᱚᱲᱦᱮ ᱠᱚᱨᱮ ᱧᱟᱢᱚᱜ-ᱟ ᱾ ᱟᱡᱟᱜ ᱚᱱᱚᱲᱦᱮ ᱨᱮ ᱫᱷᱟᱹᱨᱛᱤ ᱨᱮᱱᱟᱜ ᱫᱩᱞᱟᱹᱲ ᱵᱟᱹᱜᱤ ᱠᱟᱛᱮ ᱤᱥᱣᱚᱨ ᱟᱜ ᱫᱩᱞᱟᱹᱲ ᱨᱮᱱᱟᱜ ᱠᱟᱛᱷᱟ ᱢᱮᱱᱟᱜ-ᱟ ᱾ ᱟᱡᱟᱜ ᱵᱚᱪᱚᱱ ᱨᱮ 'ᱤᱧ' (ego) ᱜᱚᱡ, ᱟᱥᱟ-ᱞᱚᱵᱷ ᱟᱨ ᱤᱱᱫᱽᱨᱤᱭᱚ ᱠᱚ ᱡᱤᱛᱠᱟᱹᱨ ᱨᱮᱱᱟᱜ ᱰᱟᱦᱟᱨ ᱞᱟᱹᱭ ᱟᱠᱟᱱᱟ ᱾ ᱠᱚᱣᱥᱤᱠᱚ ᱫᱚ ᱡᱮᱭᱱ ᱥᱚᱢᱟᱡᱽ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱥᱚᱢᱟᱡᱽ ᱫᱚ ᱠᱤᱥᱟᱹᱬ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱮᱴᱟᱜ ᱦᱚᱲ ᱠᱚ ᱩᱱᱠᱩ ᱵᱟᱝ ᱠᱚ ᱠᱩᱥᱤᱭᱟᱠᱚ ᱛᱟᱦᱮᱸᱫ ᱾ ᱟᱠᱠᱟ ᱫᱚ ᱠᱤᱥᱟᱹᱬ ᱡᱤᱭᱚᱱ ᱵᱟᱹᱜᱤ ᱠᱟᱛᱮ ᱢᱤᱫ ᱫᱟᱬᱟᱱ ᱥᱟᱹᱫᱷᱩ ᱞᱮᱠᱟᱛᱮ ᱥᱤᱵᱽ ᱟᱜ ᱥᱮᱨᱮᱧ ᱮ ᱥᱮᱨᱮᱧ ᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱟᱡ ᱞᱮᱠᱟᱱ ᱵᱷᱚᱠᱛᱚ ᱠᱚ ᱯᱟᱱᱛᱮ ᱞᱟᱹᱜᱤᱫ ᱮ ᱚᱰᱚᱠ ᱞᱮᱱᱟ ᱾ ᱩᱱᱤ ᱫᱚ ᱵᱤᱫᱚᱨ ᱡᱤᱞᱞᱟᱹ ᱨᱮᱱᱟᱜ ᱵᱟᱥᱟᱵᱷᱟᱠᱚᱞᱭᱟᱬᱟ ᱨᱮ ᱚᱱᱠᱟᱱ ᱦᱚᱲ ᱠᱚᱭ ᱧᱟᱢ ᱞᱮᱫ ᱠᱚᱣᱟ ᱟᱨ ᱩᱱᱠᱩ ᱞᱟᱹᱜᱤᱫ ᱟᱭᱢᱟ ᱵᱚᱪᱚᱱ ᱮ ᱚᱞ ᱞᱮᱫᱟ ᱾ ᱩᱱᱤᱭᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱰᱟᱦᱟᱨ ᱠᱷᱟᱹᱛᱤᱨ ᱩᱱ ᱡᱚᱦᱚᱜᱟᱜ ᱥᱚᱢᱟᱡᱽ ᱨᱮ ᱟᱹᱰᱤ ᱜᱟᱱ ᱮᱴᱠᱮᱴᱚᱬᱮ ᱦᱩᱭ ᱞᱮᱱᱟ, ᱱᱚᱛᱮ ᱟᱡᱤᱡ ᱜᱩᱨᱩ ᱟᱞᱞᱟᱢᱟ ᱯᱨᱚᱵᱷᱩ ᱦᱚᱸ ᱩᱱᱤ ᱟᱱᱩᱵᱷᱚᱵᱚ ᱢᱚᱱᱴᱟᱯᱟ ᱨᱮ ᱥᱮᱞᱮᱫ ᱞᱟᱹᱜᱤᱫ ᱟᱹᱰᱤ ᱮᱴᱠᱮᱴᱚᱬᱮᱭ ᱥᱟᱢᱟᱝ ᱞᱮᱫᱟ ᱾ ᱢᱮᱱ ᱟᱠᱚ ᱡᱮ ᱢᱚᱦᱟᱫᱮᱵᱤ ᱫᱚ ᱚᱠᱟ ᱠᱤᱪᱨᱤᱡ ᱦᱚᱸ ᱵᱟᱭ ᱦᱚᱨᱚᱜ ᱮᱫ ᱛᱟᱦᱮᱸᱫ ᱾ ᱠᱟᱹᱦᱱᱤ ᱞᱮᱠᱟᱛᱮ ᱤᱥᱣᱚᱨ ᱟᱜ ᱥᱟᱹᱨᱤ ᱫᱩᱞᱟᱹᱲ ᱟᱨ ᱵᱷᱚᱠᱛᱤ ᱠᱷᱟᱹᱛᱤᱨ ᱟᱡᱟᱜ ᱜᱚᱴᱟ ᱦᱚᱲᱢᱚ ᱫᱚ ᱩᱵ ᱛᱮ ᱴᱚᱯᱟᱨ ᱞᱮᱱᱟ ᱾ ᱟᱱᱩᱵᱷᱚᱵᱚ ᱢᱚᱱᱴᱟᱯᱟ ᱨᱤᱱ ᱡᱚᱛᱚ ᱵᱷᱚᱠᱛᱚ, ᱟᱥᱚᱠᱟᱭ ᱛᱮ ᱵᱟᱥᱟᱵᱷᱟᱱᱱᱟ, ᱪᱮᱱᱱᱟ ᱵᱟᱥᱟᱵᱷᱟᱱᱱᱟ, ᱠᱤᱱᱱᱟᱨᱤ ᱵᱚᱢᱢᱟᱭᱭᱟ, ᱥᱤᱫᱷᱷᱚᱨᱟᱢᱟ, ᱟᱞᱞᱟᱢᱟᱯᱨᱚᱵᱷᱩ ᱟᱨ ᱫᱟᱥᱤᱢᱟᱭᱭᱟ ᱩᱱᱤ "ᱟᱠᱠᱟ" (ᱢᱟᱨᱟᱝ ᱫᱟᱹᱭ) ᱢᱮᱱᱛᱮ ᱠᱚ ᱦᱚᱦᱚ ᱟᱫᱮ ᱛᱟᱦᱮᱸᱫ ᱾ ᱱᱚᱸᱰᱮ ᱠᱷᱚᱱ ᱜᱮ ᱩᱱᱤ ᱫᱚ ᱟᱠᱠᱟ ᱢᱮᱱᱛᱮᱭ ᱵᱮᱱᱟᱣ ᱮᱱᱟ ᱾ ᱟᱞᱞᱟᱢᱟ ᱩᱱᱤ ᱵᱷᱚᱜᱚᱵᱟᱱ ᱪᱮᱱᱱᱟ ᱢᱟᱞᱞᱤᱠᱟᱨᱡᱩᱱ ᱥᱟᱶ ᱢᱮᱥᱟ ᱨᱮᱱᱟᱜ ᱰᱟᱦᱟᱨ ᱮ ᱩᱫᱩᱜ ᱟᱫᱮᱭᱟ ᱾ ᱟᱠᱠᱟ ᱫᱚ ᱱᱚᱶᱟ ᱵᱚᱪᱚᱱ ᱥᱟᱶᱛᱮ ᱠᱚᱞᱭᱟᱬᱟᱭ ᱵᱟᱹᱜᱤ ᱠᱮᱫᱟ: ᱪᱷᱟᱸᱪ:Poemquote ᱡᱤᱭᱚᱱ ᱨᱮᱱᱟᱜ ᱯᱩᱭᱞᱩ ᱦᱟᱹᱴᱤᱧ ᱨᱮ ᱩᱱᱤ ᱫᱷᱟᱹᱨᱛᱤ ᱨᱮᱱᱟᱜ ᱡᱤᱱᱤᱥ ᱠᱚᱭ ᱵᱟᱹᱜᱤ ᱠᱮᱫᱟ; ᱫᱚᱥᱟᱨ ᱦᱟᱹᱴᱤᱧ ᱨᱮ ᱥᱚᱢᱟᱡᱽ ᱨᱮᱱᱟᱜ ᱱᱤᱭᱚᱢ ᱠᱚᱭ ᱵᱟᱹᱜᱤ ᱠᱮᱫᱟ ᱾ ᱛᱮᱥᱟᱨ ᱦᱟᱹᱴᱤᱧ ᱨᱮ ᱩᱱᱤ ᱥᱨᱤᱥᱤᱞᱟ ᱛᱮᱭ ᱪᱟᱞᱟᱣ ᱮᱱᱟ, ᱡᱟᱦᱟᱸ ᱫᱚ ᱪᱮᱱᱱᱟ ᱢᱟᱞᱞᱤᱠᱟᱨᱡᱩᱱ ᱟᱜ ᱢᱚᱱᱫᱤᱨ ᱟᱨ ᱥᱤᱵᱽ ᱵᱷᱚᱠᱛᱚ ᱠᱚᱣᱟᱜ ᱯᱩᱱᱟᱹᱭ ᱴᱷᱟᱶ ᱠᱟᱱᱟ ᱾ ᱟᱠᱠᱟ ᱣᱟᱜ ᱫᱷᱚᱨᱚᱢ ᱥᱟᱸᱜᱷᱟᱨ ᱫᱚ ᱥᱨᱤᱥᱟᱭᱤᱞᱚᱢ ᱨᱮᱱᱟᱜ ᱠᱟᱫᱟᱞᱤ ᱵᱤᱨ ᱨᱮ ᱢᱩᱪᱟᱹᱫ ᱮᱱᱟ, ᱡᱟᱦᱟᱸ ᱨᱮ ᱩᱱᱤ ᱪᱮᱱᱱᱟ ᱢᱟᱞᱞᱤᱠᱟᱨᱡᱩᱱ ᱥᱟᱶ ᱮ ᱢᱮᱥᱟ ᱮᱱᱟ (aikya) ᱢᱮᱱᱛᱮ ᱠᱚ ᱞᱟᱹᱭᱟ ᱾ ᱟᱡᱟᱜ ᱢᱤᱫ ᱧᱩᱛᱩᱢᱟᱱ ᱵᱚᱪᱚᱱ ᱨᱮᱱᱟᱜ ᱛᱚᱨᱡᱚᱢᱟ ᱫᱚ ᱱᱚᱝᱠᱟ: ᱪᱷᱟᱸᱪ:Poemquote ᱟᱡᱟᱜ ᱚᱱᱚᱲᱦᱮ ᱨᱮ ᱪᱮᱱᱱᱟ ᱢᱟᱞᱞᱤᱠᱟᱨᱡᱩᱱ ᱞᱟᱹᱜᱤᱫ ᱫᱩᱞᱟᱹᱲ, ᱠᱩᱫᱩᱢ ᱥᱟᱶ ᱢᱮᱥᱟ ᱟᱨ ᱟᱞᱜᱟ ᱡᱤᱭᱚᱱ ᱧᱮᱞᱚᱜ-ᱟ ᱾ ᱩᱱᱤᱭ ᱥᱮᱨᱮᱧ ᱞᱮᱫᱟ: ᱪᱷᱟᱸᱪ:Poemquote

ᱠᱟᱹᱢᱤ ᱠᱚ

ᱟᱠᱠᱟ ᱢᱚᱦᱟᱫᱮᱵᱤ ᱟᱜ ᱠᱟᱹᱢᱤ ᱠᱚᱫᱚ, ᱮᱴᱟᱜ ᱵᱷᱚᱠᱛᱤ ᱞᱟᱲᱟᱣᱱᱟ ᱨᱤᱱ ᱚᱱᱚᱞᱤᱭᱟᱹ ᱠᱚ ᱞᱮᱠᱟ ᱜᱮ, ᱟᱡᱟᱜ ankita ᱵᱟᱝᱠᱷᱟᱱ ᱥᱩᱦᱤ ᱧᱩᱛᱩᱢ ᱛᱮ ᱪᱤᱱᱦᱟᱹᱣ ᱜᱟᱱᱚᱜ-ᱟ ᱾^[᱑᱑] ᱟᱠᱠᱟ ᱢᱚᱦᱟᱫᱮᱵᱤ ᱫᱚ ᱪᱮᱱᱱᱟ ᱢᱟᱞᱞᱤᱠᱟᱨᱡᱩᱱ ᱧᱩᱛᱩᱢ ᱛᱮ ᱵᱷᱚᱜᱚᱵᱟᱱ ᱥᱤᱵᱽ ᱮ ᱦᱚᱦᱚ ᱟᱭ ᱛᱟᱦᱮᱸᱫ ᱾^[᱑᱑] ᱮ. ᱠᱮ. ᱨᱟᱢᱟᱱᱩᱡᱚᱱ ᱱᱚᱶᱟ ᱧᱩᱛᱩᱢ ᱨᱮᱱᱟᱜ ᱛᱚᱨᱡᱚᱢᱟ ᱫᱚ 'ᱢᱟᱹᱞᱤᱠ, ᱡᱟᱹᱥᱢᱤᱱ ᱵᱟᱦᱟ ᱞᱮᱠᱟ ᱯᱩᱸᱰ' (Lord, white as jasmine) ᱢᱮᱱᱛᱮᱭ ᱠᱚᱨᱟᱣ ᱟᱠᱟᱫᱟ ᱾^[᱑᱑] ᱟᱡᱟᱜ ᱧᱩᱛᱩᱢ ᱛᱮ ᱓᱕᱐ ᱜᱚᱴᱟᱝ ᱜᱟᱱ ᱚᱱᱚᱲᱦᱮ ᱵᱟᱝᱠᱷᱟᱱ ᱵᱚᱪᱚᱱ ᱢᱮᱱᱟᱜ-ᱟ ᱾^[᱑᱒] ᱟᱡᱟᱜ ᱚᱞ ᱠᱚᱨᱮ ᱫᱷᱟᱹᱨᱛᱤ ᱨᱤᱱ ᱠᱚᱲᱟ ᱠᱚ ᱥᱟᱶ ᱫᱩᱞᱟᱹᱲ ᱵᱟᱹᱜᱤ ᱠᱟᱛᱮ ᱤᱥᱣᱚᱨ ᱥᱟᱶ ᱫᱩᱞᱟᱹᱲ ᱨᱮᱱᱟᱜ ᱠᱟᱛᱷᱟ ᱚᱞ ᱢᱮᱱᱟᱜ-ᱟ ᱾ ᱟᱠᱠᱟ ᱢᱚᱦᱟᱫᱮᱵᱤ ᱟᱜ ᱚᱞ ᱫᱚ ᱥᱚᱢᱟᱡᱽ ᱨᱮᱱᱟᱜ ᱢᱟᱨᱮ ᱱᱤᱭᱚᱢ ᱠᱚ ᱵᱤᱨᱩᱫᱷ ᱛᱟᱦᱮᱸ ᱠᱟᱱᱟ ᱾^[᱑᱒] ᱛᱤᱱᱟᱹᱜ ᱜᱟᱱ ᱵᱚᱪᱚᱱ ᱨᱮ ᱩᱱᱤ ᱫᱚ ᱵᱷᱚᱠᱛᱚ ᱟᱨ ᱤᱥᱣᱚᱨ ᱛᱟᱞᱟ ᱨᱮ ᱫᱩᱞᱟᱹᱲ ᱨᱮᱱᱟᱜ ᱜᱟᱹᱦᱤᱨ ᱠᱟᱛᱷᱟᱭ ᱞᱟᱹᱭ ᱟᱠᱟᱫᱟ ᱾^[᱑᱓] ᱩᱱᱤᱭᱟᱜ ᱠᱟᱹᱢᱤ ᱠᱚᱫᱚ ᱠᱚᱲᱟ-ᱛᱤᱨᱞᱟᱹ ᱨᱮᱱᱟᱜ ᱵᱷᱮᱜᱟᱨ ᱦᱚᱸᱭ ᱢᱩᱪᱟᱹᱫᱟ; ᱢᱤᱫ ᱵᱚᱪᱚᱱ ᱨᱮ ᱩᱱᱤ ᱢᱮᱱᱟᱭ ᱡᱮ ᱥᱤᱵᱽ ᱜᱮ ᱢᱤᱫᱴᱟᱹᱝ ᱠᱚᱲᱟ ᱠᱟᱱᱟᱭ ᱟᱨ ᱱᱚᱶᱟ ᱫᱷᱟᱹᱨᱛᱤ ᱨᱤᱱ ᱡᱚᱛᱚ ᱠᱚᱲᱟ ᱠᱚᱫᱚ ᱩᱱᱤᱭᱤᱡ ᱮᱨᱟ ᱠᱟᱱᱟ ᱠᱚ ᱾^[᱙] ᱟᱡᱟᱜ ᱚᱱᱚᱲᱦᱮ ᱨᱮ ᱫᱷᱟᱹᱨᱛᱤ ᱨᱤᱱ ᱠᱚᱲᱟ ᱠᱚ ᱥᱟᱶ ᱥᱟᱹᱜᱟᱹᱭ ᱫᱚ ᱡᱟᱹᱱᱩᱢ ᱞᱮᱠᱟᱭ ᱢᱮᱱ ᱟᱠᱟᱫᱟ ᱾ ᱟᱡᱟᱜ ᱵᱚᱪᱚᱱ ᱨᱮ ᱢᱤᱫ ᱡᱟᱶᱟᱭ ᱟᱨ ᱢᱤᱫ ᱵᱷᱚᱠᱛᱚ ᱦᱩᱭᱩᱜ ᱨᱮᱱᱟᱜ ᱮᱴᱠᱮᱴᱚᱬᱮ ᱱᱚᱝᱠᱟᱭ ᱚᱞ ᱟᱠᱟᱫᱟ: ᱪᱷᱟᱸᱪ:Poemquote

ᱛᱚᱨᱡᱚᱢᱟ ᱟᱨ ᱮᱱᱮᱢ

ᱮ. ᱠᱮ. ᱨᱟᱢᱟᱱᱩᱡᱚᱱ ᱯᱩᱭᱞᱩ ᱫᱷᱟᱣ ᱱᱚᱶᱟ ᱵᱚᱪᱚᱱ ᱠᱚ ᱤᱝᱞᱤᱥ ᱛᱮ 'Speaking of Siva' ᱧᱩᱛᱩᱢ ᱛᱮᱭ ᱛᱚᱨᱡᱚᱢᱟ ᱞᱮᱫᱟ ᱾ ᱯᱚᱥᱴ-ᱠᱚᱞᱚᱱᱤᱭᱟᱞ ᱯᱟᱹᱴᱷᱩᱣᱟᱹ ᱛᱮᱡᱚᱥᱣᱤᱱᱤ ᱱᱤᱨᱚᱧᱡᱚᱱᱟ ᱫᱚ ᱱᱚᱶᱟ ᱛᱚᱨᱡᱚᱢᱟ ᱨᱮᱱᱟᱜ ᱠᱤᱪᱷᱩ ᱞᱟᱹᱭ ᱟᱠᱟᱫᱟᱭ ᱾^[᱑᱔] ᱠᱟᱱᱱᱟᱰᱟ ᱛᱚᱨᱡᱚᱢᱟᱤᱭᱟᱹ ᱵᱚᱱᱚᱢᱟᱞᱟ ᱵᱤᱥᱣᱚᱱᱟᱛᱷᱟ ᱱᱤᱛᱚᱜ ᱢᱤᱫ ᱱᱟᱶᱟ ᱤᱝᱞᱤᱥ ᱛᱚᱨᱡᱚᱢᱟ ᱨᱮᱭ ᱠᱟᱹᱢᱤ ᱠᱟᱱᱟ ᱾^[᱑᱕] ᱟᱠᱠᱟ ᱢᱚᱦᱟᱫᱮᱵᱤ ᱟᱜ ᱧᱩᱛᱩᱢ ᱛᱮ ᱟᱭᱢᱟ ᱰᱟᱦᱟᱨ^[᱑᱖] ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚ ᱧᱩᱛᱩᱢ ᱟᱠᱟᱱᱟ ᱾^[᱑᱗] ᱒᱐᱑᱐ ᱥᱮᱨᱢᱟ ᱨᱮ ᱠᱚᱨᱱᱟᱴᱚᱠ ᱨᱮᱱᱟᱜ ᱦᱚᱥᱯᱮᱴ ᱥᱩᱨ ᱨᱮ ᱑᱓ ᱥᱟᱭ ᱥᱮᱨᱢᱟ ᱨᱮᱱᱟᱜ ᱢᱤᱫ ᱫᱷᱤᱨᱤ ᱪᱤᱛᱟᱹᱨ ᱧᱟᱢ ᱟᱠᱟᱱᱟ, ᱡᱟᱦᱟᱸ ᱫᱚ ᱟᱠᱠᱟ ᱢᱚᱦᱟᱫᱮᱵᱤ ᱟᱜ ᱠᱟᱱᱟ ᱢᱮᱱᱛᱮ ᱠᱚ ᱢᱟᱱᱟᱣᱮᱭᱟ ᱾^[᱑᱘]

ᱱᱚᱶᱟ ᱦᱚᱸ ᱧᱮᱞ ᱢᱮ

* ᱦᱚᱨᱟᱞᱟᱭᱭᱟ
* ᱠᱩᱵᱷᱮᱢᱯᱩ

ᱥᱟᱹᱠᱷᱭᱟᱹᱛ

↑ Hipparagi, Abhijit (30 July 2013). "Interesting Facts About Karnataka: Kannada's First". Retrieved 14 April 2018.
↑ "banajiga debate "Making Sense of the Lingayat vs Veerashaiva Debate"". Archived from the original on 26 December 2024. Retrieved 31 March 2018.
↑ "Biography of a mystic poet". The Hindu. 26 September 2006. Retrieved 14 April 2018 – via www.thehindu.com.
↑ Mudde, Raggi (2011-09-23). "An Epitome of Feminism - Akka Mahadevi". Karnataka.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-02-05.
↑ Mudaliar, Chandra Y (1991). [[suspicious link removed] "Religious Experiences of Hindu Women: A Study of Akka Mahadevi"]. Mystics Quarterly. 17 (3): 137–146. ISSN 0742-5503. JSTOR 20717064. {{cite journal}}: Check |url= value (help)
1 2 3 4 5 Tharu, Susie; Lalita, K. (1991-01-01). Women Writing in India: 600 B.C. to the early twentieth century (in ᱟᱝᱜᱽᱨᱮᱡᱤ). Feminist Press at CUNY. p. 78. ISBN 9781558610279.
↑ "A pleasant surprise for the people". The Hindu. 22 March 2006. Retrieved 14 April 2018 – via www.thehindu.com.
1 2 3 4 5 Mudaliar, Chandra Y (1991-01-01). "Religious Experiences of Hindu Women: A Study of Akka Mahadevi". Mystics Quarterly. 17 (3): 137–146. JSTOR 20717064.
1 2 Ramaswamy, Vijaya (1992-01-01). "Rebels — Conformists? Women Saints in Medieval South India". Anthropos. 87 (1/3): 133–146. JSTOR 40462578.
↑ Michael, R. Blake (1983-01-01). "Women of the Śūnyasaṃpādane: Housewives and Saints in Vīraśaivism". Journal of the American Oriental Society. 103 (2): 361–368. doi:10.2307/601458. JSTOR 601458.
1 2 3 Tharu, Susie J.; Lalita, Ke (1991-01-01). Women Writing in India: 600 B.C. to the early twentieth century (in ᱟᱝᱜᱽᱨᱮᱡᱤ). Feminist Press at CUNY. p. 58. ISBN 9781558610279.
1 2 Tharu, Susie J.; Lalita, Ke (1991-01-01). Women Writing in India: 600 B.C. to the early twentieth century (in ᱟᱝᱜᱽᱨᱮᱡᱤ). Feminist Press at CUNY. p. 79. ISBN 9781558610279.
↑ Ramaswamy, Vijaya (1996-01-01). "Madness, Holiness, Poetry : The Vachanas Of Virasaivite Women". Indian Literature. 39 (3 (173)): 147–155. JSTOR 23336165.
↑ Niranjana, Tejaswini (1992). Siting translation: history, post-structuralism, and the colonial context. Berkeley: University of California Press. ISBN 978-0-520-07450-7.
↑ "Lively debate marks launch of Kannada classic in Harvard series". Deccan Herald. 17 January 2017. Retrieved 2017-03-31.
↑ "Junction in Shivamogga named after Akka Mahadevi". The Hindu (in ᱟᱝᱜᱽᱨᱮᱡᱤ). Shivamogga. 2016-04-12. Retrieved 2017-03-31.
↑ "Women's university renamed - Times of India". The Times of India. 2016-09-22. Retrieved 2017-03-31.
↑ "13th century bas relief of Akkamahadevi found in Chitradurga". Deccan Herald (in ᱟᱝᱜᱽᱨᱮᱡᱤ). 2010-11-01. Retrieved 2025-05-03.

ᱵᱟᱦᱨᱮ ᱡᱚᱱᱚᱲ

"Songs of Shiva Akka Mahadevi" translated by Vinaya Chaitanya

ᱪᱷᱟᱸᱪ:Lingayatism topics

[1] Hipparagi, Abhijit (30 July 2013). "Interesting Facts About Karnataka: Kannada's First". Retrieved 14 April 2018.

[2] "banajiga debate "Making Sense of the Lingayat vs Veerashaiva Debate"". Archived from the original on 26 December 2024. Retrieved 31 March 2018.

[3] "Biography of a mystic poet". The Hindu. 26 September 2006. Retrieved 14 April 2018 – via www.thehindu.com.

[4] Mudde, Raggi (2011-09-23). "An Epitome of Feminism - Akka Mahadevi". Karnataka.com (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2024-02-05.

[5] Mudaliar, Chandra Y (1991). [[suspicious link removed] "Religious Experiences of Hindu Women: A Study of Akka Mahadevi"]. Mystics Quarterly. 17 (3): 137–146. ISSN 0742-5503. JSTOR 20717064. {{cite journal}}: Check |url= value (help)

[:0-6] 1 2 3 4 5 Tharu, Susie; Lalita, K. (1991-01-01). Women Writing in India: 600 B.C. to the early twentieth century (in ᱟᱝᱜᱽᱨᱮᱡᱤ). Feminist Press at CUNY. p. 78. ISBN 9781558610279.

[7] "A pleasant surprise for the people". The Hindu. 22 March 2006. Retrieved 14 April 2018 – via www.thehindu.com.

[:3-8] 1 2 3 4 5 Mudaliar, Chandra Y (1991-01-01). "Religious Experiences of Hindu Women: A Study of Akka Mahadevi". Mystics Quarterly. 17 (3): 137–146. JSTOR 20717064.

[:4-9] 1 2 Ramaswamy, Vijaya (1992-01-01). "Rebels — Conformists? Women Saints in Medieval South India". Anthropos. 87 (1/3): 133–146. JSTOR 40462578.

[10] Michael, R. Blake (1983-01-01). "Women of the Śūnyasaṃpādane: Housewives and Saints in Vīraśaivism". Journal of the American Oriental Society. 103 (2): 361–368. doi:10.2307/601458. JSTOR 601458.

[:1-11] 1 2 3 Tharu, Susie J.; Lalita, Ke (1991-01-01). Women Writing in India: 600 B.C. to the early twentieth century (in ᱟᱝᱜᱽᱨᱮᱡᱤ). Feminist Press at CUNY. p. 58. ISBN 9781558610279.

[:2-12] 1 2 Tharu, Susie J.; Lalita, Ke (1991-01-01). Women Writing in India: 600 B.C. to the early twentieth century (in ᱟᱝᱜᱽᱨᱮᱡᱤ). Feminist Press at CUNY. p. 79. ISBN 9781558610279.

[13] Ramaswamy, Vijaya (1996-01-01). "Madness, Holiness, Poetry : The Vachanas Of Virasaivite Women". Indian Literature. 39 (3 (173)): 147–155. JSTOR 23336165.

[14] Niranjana, Tejaswini (1992). Siting translation: history, post-structuralism, and the colonial context. Berkeley: University of California Press. ISBN 978-0-520-07450-7.

[15] "Lively debate marks launch of Kannada classic in Harvard series". Deccan Herald. 17 January 2017. Retrieved 2017-03-31.

[16] "Junction in Shivamogga named after Akka Mahadevi". The Hindu (in ᱟᱝᱜᱽᱨᱮᱡᱤ). Shivamogga. 2016-04-12. Retrieved 2017-03-31.

[17] "Women's university renamed - Times of India". The Times of India. 2016-09-22. Retrieved 2017-03-31.

[18] "13th century bas relief of Akkamahadevi found in Chitradurga". Deccan Herald (in ᱟᱝᱜᱽᱨᱮᱡᱤ). 2010-11-01. Retrieved 2025-05-03.

[᱑]

[᱒]

[᱓]

[᱔]

[᱕]

[᱖]

[᱗]

[᱘]

[᱙]

[᱑᱐]

[᱑᱑]

[᱑᱒]

[᱑᱓]

[᱑᱔]

[᱑᱕]

[᱑᱖]

[᱑᱗]

[᱑᱘]