ᱟᱡᱤᱡᱤᱭᱟ ᱢᱟᱥᱡᱤᱫᱽ
| ᱟᱡᱤᱡᱤᱭᱟ ᱢᱟᱥᱡᱤᱫᱽ | |
|---|---|
 ᱒᱐᱒᱑ ᱨᱮ ᱟᱡᱤᱡᱤᱭᱟ ᱢᱟᱥᱡᱤᱫᱽ | |
| Religion | |
| Affiliation | ᱤᱥᱞᱟᱢ |
| Ecclesiastical or organisational status | ᱡᱩᱢᱢᱟ ᱢᱚᱥᱡᱤᱫᱽ |
| Status | Active |
| Location | |
  ᱛᱮᱞᱮᱝᱜᱟᱱᱟ ᱨᱮ ᱴᱷᱟᱶ | |
| Geographic coordinates | 17°14′04″N 78°15′48″E / 17.23456°N 78.26344°ECoordinates: 17°14′04″N 78°15′48″E / 17.23456°N 78.26344°E |
ᱟᱡᱤᱡᱤᱭᱟ ᱢᱟᱥᱡᱤᱫᱽ, ᱡᱟᱦᱟᱸ ᱫᱚ ᱢᱟᱡᱤᱫᱽ-ᱮ-ᱟᱡᱤᱡᱤᱭᱟ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ (ᱩᱨᱫᱩ ᱛᱮ: مسجد عزیزیہ; ᱦᱤᱱᱫᱤ ᱛᱮ: मस्जिद अजीजिया; ᱛᱮᱞᱩᱜᱩ ᱛᱮ: మస్జిద్ అజీజియా) ᱫᱚ ᱡᱩᱢᱟ ᱢᱟᱥᱡᱤᱫᱽ ᱠᱟᱱᱟ, ᱡᱟᱦᱟᱸ ᱫᱚ ᱢᱮᱦᱫᱤᱯᱟᱴᱱᱟᱢ ᱨᱮ ᱢᱮᱱᱟᱜᱼᱟ, ᱛᱮᱞᱮᱝᱜᱟᱱᱟ ᱯᱚᱱᱚᱛ ᱨᱮᱱᱟᱜ ᱦᱟᱭᱫᱨᱟᱵᱟᱫᱽ ᱦᱚᱱᱚᱛ ᱨᱮ ᱾
ᱱᱚᱣᱟ ᱫᱚ ᱢᱮᱦᱫᱤᱯᱟᱴᱱᱟᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱥᱡᱤᱫᱽ ᱠᱟᱱᱟ ᱑᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱦᱚᱲ ᱫᱩᱲᱩᱵ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱢᱟᱥᱡᱤᱫᱽ ᱫᱚ ᱑᱙᱖᱖[᱑] ᱥᱟᱞᱮ ᱨᱮ ᱵᱮᱱᱟᱣ ᱞᱮᱱᱟ ᱟᱨ ᱱᱚᱣᱟ ᱵᱤᱞᱰᱤᱝ ᱨᱮ ᱯᱩᱱᱭᱟ ᱛᱟᱞᱟ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱢᱟᱥᱡᱤᱫᱽ ᱵᱮᱜᱚᱨ, ᱵᱷᱟᱨᱚᱛ ᱨᱮᱱᱟᱜ ᱤᱥᱞᱟᱢᱤᱠ ᱥᱴᱩᱰᱮᱱᱴᱥ ᱚᱨᱜᱟᱱᱟᱭᱡᱮᱥᱚᱱ ᱟᱨ ᱡᱟᱢᱟᱛ-ᱮ-ᱤᱥᱞᱟᱢᱤ ᱦᱤᱱᱫᱽ ᱨᱮᱱᱟᱜ ᱤᱥᱞᱟᱢᱤᱠ ᱥᱮᱱᱴᱟᱨ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱦᱚᱸ ᱢᱮᱱᱟᱜᱼᱟ ᱾[᱒]
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱨᱮᱱᱟᱜ ᱵᱩᱱᱤᱭᱟᱹᱫᱽ ᱫᱷᱤᱨᱤ ᱫᱚ ᱑᱙᱖᱖ ᱥᱟᱞᱮ ᱨᱮ ᱟᱵᱽᱫᱩᱞ ᱦᱟᱯᱷᱤᱡᱽ ᱠᱷᱟᱱ ᱮ ᱫᱚᱦᱚ ᱞᱮᱫᱼᱟ, ᱟᱨ ᱩᱱᱤ ᱫᱚ ᱟᱡ ᱵᱟᱵᱟ ᱟᱜ ᱧᱩᱛᱩᱢ ᱟᱵᱽᱫᱩᱞ ᱟᱡᱤᱡᱽ ᱧᱩᱛᱩᱢ ᱛᱮ ᱢᱟᱥᱡᱤᱫᱽ ᱮ ᱧᱩᱛᱩᱢ ᱞᱮᱫᱼᱟ ᱾
ᱥᱩᱵᱤᱫᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱷᱚᱨᱚᱢ ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱢᱟᱥᱡᱤᱫᱽ ᱫᱚ ᱢᱮᱦᱫᱤᱯᱟᱴᱱᱟᱢ ᱨᱮᱱᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱢᱟᱥᱡᱤᱫᱽ ᱠᱟᱱᱟ ᱡᱟᱦᱟᱸ ᱨᱮ ᱯᱩᱱᱭᱟ ᱛᱟᱞᱟ ᱢᱮᱱᱟᱜᱼᱟ ᱡᱟᱦᱟᱸ ᱨᱮ ᱑᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱯᱩᱡᱟᱹᱨᱤ ᱠᱚ ᱫᱩᱲᱩᱵ ᱫᱟᱲᱮᱭᱟᱜᱼᱟ ᱾ ᱱᱚᱣᱟ ᱨᱮ ᱡᱚᱛᱚ ᱛᱟᱞᱟ ᱨᱮ ᱜᱮ ᱣᱩᱫᱩ ᱠᱷᱟᱱᱟ (ᱚᱵᱽᱞᱩᱥᱚᱱ ᱥᱮᱱᱴᱟᱨ) ᱢᱮᱱᱟᱜᱼᱟ ᱾ ᱱᱚᱣᱟ ᱫᱚ ᱡᱚᱛᱚ ᱦᱟᱯᱛᱟ ᱨᱮ ᱡᱩᱢᱟ ᱨᱮᱱᱟᱜ ᱯᱩᱡᱟᱹ ᱠᱚ ᱦᱟᱛᱟᱣ ᱮᱫᱼᱟ ᱟᱨ ᱮᱭᱟᱡᱟᱡᱽ ᱢᱳᱦᱤᱩᱫᱤᱱ ᱣᱟᱥᱮᱢ ᱦᱚᱛᱮᱛᱮ ᱫᱷᱚᱨᱚᱢ ᱵᱷᱟᱥᱟᱱ (ᱵᱟᱭᱟᱱ) ᱮᱢᱚᱜᱼᱟ ᱡᱟᱦᱟᱸ ᱫᱚ ᱠᱩᱨᱟᱱ ᱟᱨ ᱥᱩᱱᱟᱦ ᱪᱮᱛᱟᱱ ᱨᱮ ᱵᱮᱥ ᱠᱟᱛᱮᱫ ᱱᱤᱛᱚᱜ ᱟᱨ ᱟᱹᱰᱤ ᱱᱟᱦᱟᱜ ᱥᱟᱶᱛᱟᱼᱤᱠᱚᱱᱚᱢᱤᱠ ᱤᱥᱩ ᱠᱚ ᱪᱮᱛᱟᱱ ᱨᱮ ᱯᱷᱚᱠᱚᱥ ᱮᱫᱼᱟ ᱾ ᱛᱤᱨᱞᱟᱹ ᱠᱚ ᱦᱚᱸ ᱯᱩᱡᱟᱹ ᱨᱮ ᱥᱮᱞᱮᱫ ᱫᱟᱲᱮᱭᱟᱜᱼᱟ ᱾
ᱵᱟᱝ ᱫᱷᱚᱨᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱟᱥᱡᱤᱫᱽ ᱵᱮᱜᱚᱨ ᱱᱚᱣᱟ ᱫᱚ "ᱥᱟᱶᱛᱟ ᱛᱟᱞᱢᱟ" ᱞᱮᱠᱟᱛᱮᱦᱚᱸ ᱠᱟᱹᱢᱤ ᱠᱟᱱᱟ ᱾ ᱢᱟᱥᱡᱤᱫᱽ ᱫᱚ ᱦᱚᱲᱢᱚ ᱥᱟᱶᱟᱨ, ᱥᱮᱪᱮᱫ, ᱪᱟᱹᱠᱨᱤ ᱮᱢᱟᱱ ᱠᱚᱨᱮᱱᱟᱜ ᱤᱥᱩ ᱠᱚ ᱥᱚᱞᱦᱮ ᱨᱮ ᱜᱚᱲᱚ ᱮᱢ ᱮᱫᱼᱟ ᱾ ᱱᱚᱣᱟ ᱫᱚ ᱨᱮᱸᱜᱮᱡ ᱦᱚᱲ ᱠᱚ ᱫᱷᱚᱨᱚᱢ ᱵᱟᱝ ᱧᱮᱞ ᱠᱟᱛᱮ ᱰᱟᱠᱛᱚᱨᱤ ᱜᱚᱲᱚ ᱮᱢ ᱮᱫᱼᱟ, ᱟᱨ ᱯᱟᱡᱟᱨ ᱯᱩᱡᱟᱹ ᱛᱟᱭᱚᱢ ᱯᱷᱨᱤ ᱵᱽᱞᱚᱰ ᱯᱨᱮᱥᱟᱨ ᱟᱨ ᱥᱩᱜᱟᱨ ᱞᱮᱵᱮᱞ ᱴᱮᱥᱴᱤᱝ ᱮᱢ ᱮᱫᱼᱟ ᱾
ᱢᱟᱥᱡᱤᱫᱽ ᱥᱟᱶᱛᱟ ᱨᱮᱸᱜᱮᱡ ᱦᱚᱲ ᱠᱚ ᱵᱤᱱᱟ ᱵᱟᱰᱟᱭ ᱥᱩᱫ ᱛᱮ ᱥᱚᱱᱟ ᱞᱚᱱ ᱮᱢᱚᱜ ᱠᱟᱱᱟ ᱟᱨ ᱪᱷᱟᱹᱰᱣᱤ ᱟᱨ ᱵᱩᱰᱷᱤ ᱦᱚᱲ ᱠᱚ ᱯᱮᱱᱥᱚᱱ ᱮᱢᱚᱜ ᱠᱟᱱᱟ ᱾ ᱢᱟᱥᱡᱤᱫᱽ ᱫᱚ ᱱᱚᱴᱤᱥ ᱵᱚᱨᱰ ᱨᱮ ᱵᱷᱮᱜᱟᱨ ᱵᱷᱮᱜᱟᱨ ᱥᱚᱨᱠᱟᱨ ᱵᱤᱵᱷᱟᱜ ᱨᱮ ᱪᱟᱹᱠᱨᱤ ᱠᱷᱟᱹᱞᱤ ᱨᱮᱱᱟᱜ ᱮᱱᱟᱣᱩᱱᱥᱢᱮᱱᱴ ᱦᱚᱸ ᱩᱫᱩᱜ ᱮᱫᱼᱟ ᱾
ᱢᱟᱥᱡᱤᱫᱽ ᱨᱮ ᱤᱱᱴᱚᱨᱼᱯᱷᱮᱴ ᱨᱮᱱᱟᱜ ᱫᱟᱭᱞᱚᱜ ᱞᱟᱹᱜᱤᱫ ᱢᱤᱫ ᱤᱥᱞᱟᱢᱤᱠ ᱥᱮᱱᱴᱟᱨ ᱵᱮᱱᱟᱣ ᱠᱟᱛᱮ ᱱᱚᱣᱟ ᱥᱟᱶᱛᱟ ᱥᱮᱵᱟ ᱠᱚ ᱯᱟᱥᱱᱟᱣ ᱨᱮᱱᱟᱜ ᱯᱞᱟᱱ ᱦᱚᱸ ᱢᱮᱱᱟᱜᱼᱟ ᱾
ᱚᱱᱞᱟᱭᱤᱱ ᱦᱟᱡᱤᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱢᱟᱥᱡᱤᱫᱽ ᱫᱚ ᱴᱚᱴᱷᱟ ᱨᱮᱱᱟᱜ ᱠᱤᱪᱷᱩ ᱜᱟᱱ ᱢᱟᱥᱡᱤᱫᱽ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟ ᱡᱟᱦᱟᱸ ᱨᱮ ᱚᱱᱞᱟᱭᱤᱱ ᱦᱟᱡᱤᱨ ᱢᱮᱱᱟᱜᱼᱟ ᱾ ᱡᱩᱢᱟ ᱟᱨ ᱨᱚᱢᱡᱟᱱ ᱚᱠᱛᱚ ᱨᱮᱱᱟᱜ ᱫᱷᱚᱨᱚᱢ ᱵᱷᱟᱥᱟᱱ ᱫᱚ ᱭᱩᱴᱭᱩᱵᱽ ᱨᱮ ᱩᱪᱷᱟᱹᱱᱚᱜᱼᱟ ᱾[᱓] ᱱᱚᱣᱟ ᱨᱮᱱᱟᱜ ᱠᱟᱹᱢᱤ ᱠᱚ ᱯᱟᱥᱱᱟᱣ ᱞᱟᱹᱜᱤᱫ ᱢᱟᱥᱡᱤᱫᱽ ᱨᱮᱱᱟᱜ ᱧᱩᱛᱩᱢ ᱛᱮ ᱢᱤᱫ ᱯᱷᱮᱥᱵᱩᱠ[᱔] ᱮᱠᱟᱣᱩᱱᱴ ᱦᱚᱸ ᱡᱷᱤᱡ ᱟᱠᱟᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Khan, Ali (2012-08-12). "Masjid-e-Azizia: more than a place of worship". The Siasat Daily - Archive (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2021-04-21.
- ↑ "Azizia Mosque Hyderabad Telangana History & Architecture". www.astrolika.com. Retrieved 2021-04-21.
- ↑ "Masjid Azizia - YouTube". www.youtube.com. Retrieved 2021-04-21.
- ↑ "Azizia Masjid". www.facebook.com (in ᱟᱝᱜᱽᱨᱮᱡᱤ). Retrieved 2021-04-21.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Azizia Masjid on Facebook