ᱟᱡᱽᱢᱮᱨ ᱦᱚᱱᱚᱛ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
(ᱟᱡᱽᱢᱤᱨ ᱦᱚᱱᱚᱛ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search
ᱟᱡᱽᱢᱤᱨ ᱦᱚᱱᱚᱛ
अजमेर जिला
ᱨᱟᱡᱮᱥᱛᱷᱟᱱ ᱨᱮᱱᱟᱜ ᱦᱚᱱᱚᱛ
Rajastan Ajmer district.png
ᱫᱤᱥᱚᱢ ᱥᱤᱧᱚᱛ
ᱯᱚᱱᱚᱛ ᱨᱟᱡᱨᱥᱛᱷᱟᱱ
ᱠᱷᱚᱸᱰ (Division) ᱟᱡᱽᱢᱤᱨ ᱠᱷᱚᱱᱰ
ᱦᱮᱰᱠᱩᱣᱟᱴᱚᱨ ᱟᱡᱽᱢᱤᱨ ᱱᱟᱝᱜᱽᱨᱟᱦᱟ
ᱛᱚᱦᱥᱤᱞ 1. ᱠᱤᱥᱟᱱ ᱜᱟᱲ 2. ᱟᱡᱽᱢᱤᱨ 3. ᱥᱟᱨᱣᱟᱨ 4. ᱠᱮᱠᱨᱤ 5. ᱯᱮᱥᱮᱱᱜᱟᱱ 6. ᱱᱟᱥᱤᱨᱟ ᱵᱟᱫᱽ 7. ᱢᱟᱥᱩᱨᱟ 8. ᱵᱤᱭᱟᱣᱟᱨ 9. ᱵᱷᱤᱱᱟᱭ
ᱮᱨᱤᱭᱟ
 • Total 8481 ᱠᱤᱢᱤ (3275 ᱜᱟᱺᱴ ᱢᱟᱭᱤᱞ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ (᱒᱐᱑᱑)
 • Total ᱒,᱕᱒᱓,᱐᱕᱒
 • ᱰᱮᱱᱥᱤᱴᱤ 300/ᱠᱤᱢᱤ2 (800/ᱜᱟᱺᱴ ᱢᱟᱹᱭᱤᱞ)
ᱰᱮᱢᱚᱜᱽᱨᱟᱯᱷᱤᱠ
 • ᱥᱤᱠᱷᱱᱟᱹᱛ ᱫᱚᱨ ᱖᱙.᱓%
IST (UTC+05:30)
ᱥᱮᱨᱢᱟ ᱠᱮ ᱡᱟᱹᱯᱩᱫ 481.3 mm
ᱦᱚᱲ ᱫᱚᱨᱵᱟᱨ ᱢᱟᱹᱪᱤ
ᱨᱟᱭ ᱫᱚᱨᱵᱟᱨ ᱢᱟᱹᱪᱤ
ᱣᱮᱵᱽᱥᱟᱭᱤᱴ http://ajmer.rajasthan.gov.in

ᱟᱡᱽᱢᱤᱨ ᱦᱚᱱᱚᱛ ᱫᱚ ᱯᱟᱪᱷᱮ ᱥᱤᱧᱚᱛ ᱨᱮᱱᱟᱜ ᱨᱟᱡᱮᱥᱛᱷᱟᱱ ᱯᱚᱱᱚᱛ ᱨᱮᱭᱟᱜ ᱯᱮ ᱜᱮᱞ ᱯᱮ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱦᱚᱱᱚᱛ ᱠᱟᱱᱟ ᱟᱨ ᱟᱡᱽᱢᱤᱨ ᱱᱟᱝᱜᱽᱨᱟᱦᱟ ᱜᱮ ᱱᱚᱶᱟ ᱦᱚᱱᱚᱛ ᱨᱮᱱᱟᱜ ᱫᱚᱵᱷᱟᱹᱴᱤᱭᱟᱹ ᱴᱷᱟᱶ ᱠᱟᱱᱟ ᱾ ᱟᱡᱽᱢᱤᱨ ᱦᱚᱱᱚᱛ ᱫᱚ ᱟᱡᱽᱢᱤᱨ ᱠᱷᱚᱱᱰ ᱨᱮᱭᱟᱜ ᱢᱤᱫᱴᱟᱹᱝ ᱦᱟᱹᱴᱤᱧ ᱠᱟᱱᱟ ᱾ ᱜᱚᱴᱟ ᱦᱚᱱᱚᱛ ᱨᱮ ᱞᱮᱠᱷᱟ ᱜᱩᱴ ᱘,᱔᱘᱑ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱛᱮ ᱴᱚᱯᱟᱨ ᱮᱥᱮᱫ ᱟᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱦᱚᱲ ᱞᱮᱠᱷᱟ ᱫᱚ ᱦᱩᱭᱩᱜ ᱠᱟᱱᱟ ᱞᱮᱠᱷᱟ ᱜᱩᱴ : ᱒,᱕᱘᱑,᱙᱓᱓ ᱡᱚᱱᱟ, ᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱾

ᱚᱛᱱᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱦᱚᱱᱚᱛ ᱫᱚ ᱨᱟᱡᱮᱥᱛᱷᱟᱱ ᱯᱚᱱᱚᱛ ᱨᱮᱭᱟᱜ ᱛᱟᱞᱟ ᱢᱟᱞᱟ ᱨᱮ ᱛᱷᱟᱢ ᱜᱟᱹᱫᱤ ᱟᱠᱟᱱ ᱢᱮᱱᱟᱜ-ᱟ, ᱟᱨ ᱱᱚᱶᱟ ᱦᱚᱱᱚᱛ ᱨᱮᱭᱟᱜ ᱠᱚᱧᱮ ᱱᱟᱠᱷᱟ ᱨᱮ ᱫᱚ ᱱᱟᱜᱟᱣᱩᱨ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱥᱟᱢᱟᱝ ᱱᱟᱠᱷᱟ ᱫᱚ ᱡᱚᱭᱯᱩᱨ ᱦᱚᱱᱚᱛ ᱟᱨ ᱴᱚᱝᱠ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ, ᱮᱛᱚᱢ ᱱᱟᱠᱷᱟ ᱫᱚ ᱵᱷᱤᱞᱣᱟᱲᱟ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱟᱠᱟᱱᱟ ᱟᱨ ᱯᱟᱪᱷᱮ ᱱᱟᱠᱷᱟ ᱛᱮ ᱫᱚ ᱯᱟᱞᱤ ᱦᱚᱱᱚᱛ ᱛᱮ ᱜᱷᱮᱨᱟᱣ ᱮᱥᱮᱫ ᱢᱮᱱᱟᱜ-ᱟ ᱾

ᱱᱚᱶᱟ ᱟᱡᱽᱢᱤᱨ ᱦᱚᱱᱚᱛ ᱫᱚ ᱯᱚᱱᱭᱟ ᱦᱩᱰᱤᱧ ᱦᱚᱱᱚᱛ ᱨᱮ ᱦᱟᱹᱴᱤᱧ ᱟᱠᱟᱱᱟ, ᱚᱱᱟ ᱠᱚ ᱯᱚᱱᱭᱟ ᱦᱩᱰᱤᱧ ᱦᱚᱱᱚᱛ ᱠᱚ ᱫᱚ ᱦᱩᱭᱩᱜ ᱠᱟᱱᱟ- ᱑. ᱟᱡᱽᱢᱤᱨ ᱒. ᱵᱤᱭᱟᱣᱟᱨ ᱓. ᱠᱮᱠᱨᱤ ᱟᱨ ᱔. ᱠᱤᱥᱟᱱ ᱜᱟᱲ ᱾ ᱟᱨ ᱦᱚᱸ ᱱᱚᱶᱟ ᱦᱚᱱᱚᱛ ᱫᱚ ᱟᱨᱮ ᱜᱚᱴᱟᱝ ᱛᱟᱦᱥᱤᱞ ᱨᱮ ᱠᱚ ᱦᱟᱹᱴᱤᱧ ᱟᱠᱟᱫᱼᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ, ᱟᱡᱽᱢᱤᱨ, ᱵᱤᱭᱟᱣᱟᱨ, ᱵᱷᱤᱱᱟᱭ, ᱥᱟᱨᱣᱟᱨ, ᱯᱤᱥᱟᱱᱜᱟᱱ, ᱴᱟᱴᱚᱴᱤ, ᱱᱟᱥᱤᱨᱟ ᱵᱟᱫᱽ, ᱢᱟᱥᱩᱫᱟ, ᱠᱮᱠᱨᱤ ᱟᱨ ᱠᱤᱥᱟᱱ ᱜᱟᱲ ᱾

ᱯᱟᱹᱨᱥᱤ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱥᱤᱧᱚᱛ ᱦᱚᱲ ᱞᱮᱠᱷᱟ ᱛᱮ, ᱱᱚᱶᱟ ᱟᱡᱽᱢᱤᱨ ᱦᱚᱱᱚᱛ ᱨᱮ ᱥᱟᱭ ᱠᱚᱲᱟ ᱙᱔.᱔᱓% ᱦᱚᱲ ᱫᱚ ᱦᱤᱱᱫᱤ ᱯᱟᱹᱨᱥᱤ ᱠᱚ ᱞᱟᱲ ᱪᱟᱲ ᱮᱫᱼᱟ, ᱥᱟᱭ ᱠᱚᱲᱟ ᱑.᱘᱕ ᱦᱤᱥ ᱫᱚ ᱥᱤᱱᱫᱷᱤ ᱯᱟᱹᱨᱥᱤ ᱠᱚ ᱞᱟᱲ ᱪᱟᱲ ᱮᱫᱼᱟ ᱟᱨ ᱥᱟᱨᱮᱡ 0.᱙᱒% ᱦᱤᱥ ᱫᱚ ᱩᱨᱫᱷᱩ ᱯᱟᱹᱨᱥᱤ ᱠᱚ ᱞᱟᱲ ᱪᱟᱲ ᱮᱫᱼᱟ ᱟᱠᱚᱣᱟᱜ ᱯᱟᱹᱦᱤᱞ ᱜᱚᱜᱚ ᱯᱟᱹᱨᱥᱤ ᱢᱮᱱᱛᱮ᱾[᱑]

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱒᱐᱑᱑ ᱥᱮᱨᱢᱟ ᱨᱮᱭᱟᱜ ᱦᱚᱲ ᱞᱮᱠᱷᱟ ᱞᱮᱠᱟ ᱛᱮ ᱟᱡᱽᱢᱤᱨ ᱦᱚᱱᱚᱛ ᱨᱮᱭᱟᱜ ᱞᱮᱠᱷᱟ ᱫᱚ ᱞᱮᱠᱷᱟ ᱜᱩᱴ ᱒,᱕᱘᱑,᱙᱓᱓ ᱡᱚᱱᱟ᱾[᱒] ᱱᱚᱶᱟ ᱦᱚᱱᱚᱛ ᱫᱚ ᱥᱤᱧᱚᱛ ᱫᱤᱥᱚᱢ ᱨᱮᱱᱟᱜ ᱖᱔᱐ ᱜᱚᱴᱟᱝ ᱦᱚᱱᱚᱛ ᱠᱚ ᱢᱩᱫᱽ ᱨᱮ ᱑᱘᱑ ᱮᱞᱟᱱ ᱦᱚᱱᱚᱛ ᱯᱟᱲᱟᱣᱜ ᱠᱟᱱᱟ ᱾ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱢᱤᱫ ᱪᱟᱹᱣᱠᱟᱹ ᱠᱤᱞᱚ ᱢᱤᱴᱟᱨ ᱡᱟᱭᱜᱟ ᱨᱮ ᱓᱐᱕ ᱡᱚᱱᱟ ᱦᱚᱲ ᱠᱚ ᱜᱤᱨᱟᱹᱵᱟᱥ ᱟᱠᱟᱱ ᱢᱮᱱᱟᱜ ᱠᱚᱣᱟ ᱾ ᱯᱟᱨᱚᱢᱮᱱ ᱜᱮᱞ-ᱥᱮᱨᱢᱟ ᱒᱐᱐᱑ - ᱒᱐᱑᱑ ᱦᱟᱹᱵᱤᱡ ᱱᱚᱣᱟ ᱦᱚᱱᱚᱛ ᱨᱮᱭᱟᱜ ᱵᱟᱹᱰᱚᱜ ᱦᱟᱨ ᱫᱚ ᱛᱟᱦᱮᱸ ᱠᱟᱱᱟ ᱑᱘.᱔᱘% ᱾ ᱟᱡᱽᱢᱤᱨ ᱦᱚᱱᱚᱛ ᱨᱮ ᱢᱤᱫ ᱜᱮ-ᱥᱟᱭ ᱦᱮᱨᱮᱞ ᱵᱚᱫᱚᱞ ᱛᱮ ᱙᱕᱐ ᱡᱚᱱᱟ ᱢᱟᱭᱡᱤᱣ ᱢᱮᱱᱟᱜ ᱠᱚᱣᱟ ᱾ ᱟᱨ ᱥᱮᱪᱮᱫ ᱠᱚᱣᱟᱜ ᱦᱟᱨ ᱫᱚ ᱦᱩᱭᱩᱜ ᱠᱟᱱᱟ ᱗᱐.᱔᱖% ᱾

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. 2011 Census of India, Population By Mother Tongue
  2. "District Census 2011". Census2011.co.in. 2011. Retrieved 2011-09-30.