ᱟᱢᱤᱛᱟ ᱢᱟᱞᱤᱠ
ᱟᱢᱤᱛᱟ ᱢᱟᱞᱤᱠ (᱑᱙᱒᱑ - ᱒᱐ ᱯᱷᱮᱵᱽᱨᱩᱣᱟᱨᱤ ᱒᱐᱐᱙) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱢᱤᱰᱤᱭᱟ ᱠᱨᱤᱴᱤᱠ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱴᱟᱭᱤᱢ ᱢᱮᱜᱟᱡᱤᱱ ᱯᱟᱦᱴᱟ ᱠᱷᱚᱱ ᱵᱷᱟᱨᱚᱛ ᱨᱮᱱ "ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱠᱨᱤᱴᱤᱠ" ᱢᱮᱱᱛᱮ ᱠᱚ ᱞᱟᱹᱭ ᱥᱚᱫᱚᱨ ᱟᱠᱟᱫᱮᱭᱟ, ᱩᱱᱤ ᱫᱚ "ᱵᱷᱟᱨᱚᱛᱤᱭᱚ ᱢᱤᱰᱤᱭᱟ ᱨᱮᱱ ᱯᱩᱭᱞᱩ ᱛᱤᱨᱞᱟᱹ" ᱟᱨ "ᱵᱷᱟᱨᱚᱛ ᱨᱮᱱ ᱡᱚᱛᱚ ᱠᱷᱚᱱ ᱵᱷᱟᱹᱜᱤ ᱵᱟᱰᱟᱭ ᱠᱟᱱ ᱥᱤᱱᱮᱢᱟ ᱠᱚᱢᱮᱱᱴᱮᱴᱚᱨ" ᱠᱚ ᱢᱮᱛᱟᱣᱟᱭ ᱠᱟᱱ ᱛᱟᱦᱮᱸᱱᱟ᱾[᱑] ᱩᱱᱤ ᱫᱚ ᱑᱙᱔᱔ ᱥᱟᱞ ᱨᱮ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮ ᱟᱡᱟᱜ ᱠᱮᱨᱤᱭᱟᱨ ᱮ ᱮᱛᱚᱦᱚᱵ ᱞᱮᱫ ᱛᱟᱦᱮᱸᱱᱟ ᱟᱨ ᱛᱟᱭᱚᱢ ᱛᱮ ᱟᱭᱢᱟ ᱵᱷᱟᱨᱚᱛᱤᱭᱚ ᱠᱷᱚᱵᱚᱨ ᱠᱟᱜᱚᱡ ᱨᱮ ᱠᱚᱞᱚᱢᱤᱥᱴ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ, ᱚᱱᱟ ᱠᱚ ᱢᱩᱫᱽ ᱨᱮ ᱫᱟ ᱥᱴᱮᱴᱥᱢᱮᱱ, ᱫᱟ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ, ᱫᱟ ᱤᱱᱰᱤᱭᱟᱱ ᱮᱠᱥᱯᱨᱮᱥ ᱟᱨ ᱯᱟᱭᱤᱱᱤᱭᱚᱨ ᱥᱮᱞᱮᱫ ᱢᱮᱱᱟᱜᱼᱟ᱾[᱒] ᱩᱱᱤ ᱫᱚ ᱘᱗ ᱵᱚᱪᱷᱚᱨ ᱩᱢᱮᱨ ᱨᱮ ᱒᱐ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ ᱨᱮ ᱠᱟᱭᱞᱟᱥ ᱦᱟᱥᱯᱟᱛᱟᱞ ᱨᱮ ᱞᱩᱠᱮᱢᱤᱭᱟ ᱠᱷᱟᱹᱛᱤᱨ ᱮ ᱜᱩᱨ ᱮᱱᱟ᱾[᱓]
ᱜᱤᱫᱽᱨᱟᱹ ᱚᱠᱛᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱢᱤᱛᱟ ᱢᱟᱞᱤᱠ ᱫᱚ ᱑᱙᱒᱑ ᱥᱟᱞ ᱨᱮ ᱜᱩᱣᱟᱦᱟᱴᱤ, ᱟᱥᱟᱢ ᱨᱮᱭ ᱡᱟᱱᱟᱢ ᱞᱮᱱᱟ᱾
ᱯᱩᱭᱞᱩ ᱯᱷᱤᱞᱢ ᱡᱟᱦᱟᱸ ᱩᱱᱤ ᱧᱮᱞ ᱞᱮᱫ ᱛᱟᱦᱮᱸᱱᱟ ᱚᱱᱟ ᱫᱚ ᱪᱟᱨᱞᱤ ᱪᱟᱯᱞᱤᱱ ᱟᱜ ᱫᱟ ᱜᱳᱞᱰ ᱨᱟᱥ ᱛᱟᱦᱮᱸ ᱠᱟᱱᱟ, ᱚᱱᱟ ᱫᱚ ᱞᱳᱨᱮᱴᱳ ᱠᱚᱱᱵᱷᱮᱸᱴ ᱥᱤᱞᱚᱝ ᱨᱮᱱ ᱱᱚᱱᱥ ᱠᱚ ᱩᱫᱩᱜ ᱥᱚᱫᱚᱨ ᱞᱮᱫ ᱛᱟᱦᱮᱸᱱᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱙᱔᱔ ᱥᱟᱞ ᱨᱮ ᱢᱟᱞᱤᱠ ᱫᱚ ᱞᱚᱠᱷᱱᱚᱣ ᱨᱮ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱫᱚ ᱥᱟᱹᱱᱤᱵᱟᱨ ᱦᱤᱞᱚᱜ ᱤᱣᱨᱳᱯᱤᱭᱟᱱ ᱥᱮᱨᱮᱧ ᱨᱮᱭᱟᱜ ᱦᱟᱯᱛᱟᱠᱤᱭᱟ ᱞᱚᱸᱪ ᱟᱣᱟᱨ ᱯᱨᱳᱜᱨᱟᱢ ᱮ ᱩᱫᱩᱜ ᱥᱚᱫᱚᱨᱮᱫ ᱛᱟᱦᱮᱸᱱᱟ᱾ ᱚᱱᱟ ᱥᱮᱨᱢᱟ ᱜᱮ ᱩᱱᱤ ᱯᱨᱳᱜᱨᱟᱢ ᱮᱥᱤᱥᱴᱮᱱᱴ ᱨᱮᱭᱟᱜ ᱩᱪᱷᱟᱹᱱ ᱟᱠᱟᱱ ᱯᱳᱥᱴ ᱞᱟᱹᱜᱤᱫ ᱮ ᱟᱯᱞᱟᱭ ᱠᱮᱫᱟ ᱟᱨ ᱩᱱᱤ ᱫᱚ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱨᱮᱭᱟᱜ ᱫᱤᱞᱞᱤ ᱥᱴᱮᱥᱚᱱ ᱨᱮᱠᱚ ᱯᱳᱥᱴ ᱠᱮᱫᱮᱭᱟ᱾
ᱟᱢᱤᱛᱟ ᱢᱟᱞᱤᱠ ᱫᱚ ᱯᱩᱭᱞᱩ ᱨᱤᱯᱳᱨᱴᱟᱨ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱤᱱᱫᱤᱨᱟ ᱜᱟᱱᱫᱷᱤ ᱭᱟᱜ ᱤᱱᱴᱟᱨᱵᱷᱤᱭᱩ ᱦᱟᱛᱟᱣ ᱞᱮᱫ ᱛᱟᱦᱮᱸᱱᱟ ᱡᱚᱠᱷᱚᱱ ᱩᱱᱤ ᱞᱟᱞ ᱵᱟᱦᱟᱫᱩᱨ ᱥᱟᱥᱛᱨᱤ ᱭᱟᱜ ᱛᱟᱥᱠᱮᱱᱴ ᱨᱮ ᱜᱩᱨ ᱛᱟᱭᱚᱢ ᱵᱷᱟᱨᱚᱛ ᱨᱮᱱ ᱯᱨᱚᱫᱷᱟᱱᱢᱚᱱᱛᱨᱤ ᱮ ᱵᱮᱱᱟᱣ ᱮᱱᱟ᱾
᱑᱙᱖᱐ ᱥᱟᱞ ᱨᱮ ᱢᱟᱞᱤᱠ ᱫᱚ ᱠᱮᱱᱟᱰᱤᱭᱟᱱ ᱛᱤᱨᱞᱟᱹ ᱯᱨᱮᱥ ᱠᱞᱟᱵᱽ ᱨᱮᱭᱟᱜ ᱯᱩᱭᱞᱩ ᱯᱷᱮᱞᱳᱥᱤᱯ ᱠᱚ ᱮᱢᱟᱫᱮ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱩᱱᱤ ᱞᱟᱹᱜᱤᱫ ᱩᱱᱠᱩ ᱨᱮᱱ ᱢᱮᱢᱵᱚᱨ ᱥᱟᱶᱛᱮ ᱑᱐ ᱪᱟᱸᱫᱳ ᱞᱟᱹᱜᱤᱫ ᱵᱟᱥᱟᱜ ᱨᱮᱭᱟᱜ ᱠᱚ ᱵᱮᱵᱚᱥᱛᱟ ᱞᱮᱫ ᱛᱟᱦᱮᱸᱱᱟ᱾ᱛᱩᱢᱟᱹᱞ ᱦᱩᱲᱟᱹᱜ:Closing </ref> missing for <ref> tag
᱑᱙᱖᱐ ᱥᱟᱞ ᱨᱮ ᱢᱟᱞᱤᱠ ᱫᱚ ᱥᱟᱲᱤ ᱨᱮ ᱵᱤᱫᱮᱥᱤ ᱦᱚᱲ ᱵᱤᱨᱩᱫᱽ ᱨᱮ ᱢᱤᱫ ᱠᱮᱢᱯᱮᱱ ᱮ ᱪᱟᱹᱞᱩ ᱞᱮᱫ ᱛᱟᱦᱮᱸᱱᱟ᱾ ᱩᱱᱤ ᱢᱮᱱ ᱞᱮᱫᱟ, "ᱡᱩᱫᱤ ᱢᱳᱴᱟ ᱡᱤᱱᱥ ᱨᱮ ᱢᱤᱫ ᱵᱷᱟᱨᱚᱛᱤᱭᱚ ᱢᱮᱴᱨᱳᱱ ᱠᱷᱚᱱ ᱵᱟᱹᱲᱛᱤ ᱵᱟᱹᱲᱤᱡ ᱪᱮᱫ ᱦᱚᱸ ᱢᱮᱱᱟᱜ ᱠᱷᱟᱱ, ᱚᱱᱟ ᱫᱚ ᱢᱤᱫ ᱯᱩᱸᱰ ᱪᱤᱠᱟᱹᱱ ᱛᱤᱨᱞᱟᱹ ᱠᱟᱱᱟᱭ᱾ ᱡᱤᱞᱤᱧ, ᱟᱹᱪᱩᱨᱟᱱ ᱟᱨ ᱯᱟᱹᱣᱨᱟᱹ ᱨᱚᱝ ᱞᱮᱠᱟᱱ ᱩᱵ ᱠᱟᱛᱮ ᱰᱷᱟᱠᱟ ᱥᱟᱲᱤ ᱦᱚᱨᱚᱜ ᱠᱟᱛᱮᱫ᱾ ᱵᱤᱫᱮᱥᱤ ᱵᱟᱹᱦᱩ ᱠᱚ ᱫᱩᱞᱟᱹᱲ ᱠᱟᱛᱮᱫ ᱠᱚ ᱵᱩᱡᱷᱟᱹᱣᱟ ᱡᱮ ᱩᱱᱠᱩ ᱥᱟᱲᱤ ᱨᱮ ᱪᱮᱦᱨᱟ ᱠᱚ ᱧᱮᱞᱚᱜ ᱠᱟᱱᱟ, ᱡᱚᱠᱷᱚᱱ ᱩᱱᱠᱩ ᱜᱤᱝᱜᱷᱟᱢ ᱨᱮ ᱟᱹᱰᱤ ᱡᱤᱞᱤᱧ ᱠᱚ ᱧᱮᱞᱚᱜᱼᱟ᱾"
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Lonely death for a trailblazer – Analysis – DNA". Dnaindia.com. 26 February 2009. Retrieved 26 October 2012.
- ↑ "Amita Malik, RIP". news.outlookindia.com. Archived from the original on 6 October 2011. Retrieved 26 October 2012.
- ↑ [᱑] Archived ᱒᱗ ᱯᱷᱮᱵᱽᱨᱩᱣᱟᱨᱤ ᱒᱐᱐᱙ at the Wayback Machine.