ᱟᱢᱤᱠᱟ ᱥᱟᱭᱤᱞ
| ᱟᱢᱤᱠᱟ ᱥᱟᱭᱤᱞ | |
|---|---|
.jpg) | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱜᱤᱛᱟᱥᱨᱤ ᱥᱟᱭᱤᱞ 12 November ᱦᱩᱜᱽᱞᱤ, ᱯᱚᱪᱷᱤᱢ ᱵᱟᱝᱞᱟ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | ᱥᱤᱝᱜᱟᱨ, ᱮᱠᱴᱨᱮᱥ, ᱢᱚᱰᱮᱞ |
ᱟᱢᱤᱠᱟ ᱥᱟᱭᱤᱞ (ᱡᱟᱱᱟᱢ ᱑᱒ ᱱᱚᱵᱷᱮᱢᱵᱚᱨ[᱑]) ᱢᱤᱫ ᱵᱷᱟᱨᱚᱛᱤᱭᱚ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱮᱠᱴᱨᱮᱥ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱦᱤᱱᱫᱤ ᱯᱟᱹᱨᱥᱤ ᱥᱤᱱᱮᱢᱟ, ᱣᱮᱵᱽ ᱥᱤᱨᱤᱡᱽ, ᱣᱮᱵᱽ ᱯᱷᱤᱞᱢ ᱟᱨ ᱴᱮᱞᱤᱵᱤᱡᱚᱱ ᱨᱮ ᱠᱟᱹᱢᱤ ᱞᱟᱹᱜᱤᱫ ᱩᱨᱩᱢ ᱢᱮᱱᱟᱭᱟ᱾ ᱩᱱᱤ ᱵᱟᱞᱵᱤᱨ ᱨᱤᱴᱟᱨᱱᱥ ᱨᱮ ᱵᱟᱭᱩ ᱯᱟᱨᱤ ᱨᱮᱭᱟᱜ ᱠᱮᱨᱮᱠᱴᱚᱨ ᱮ ᱮᱱᱮᱡ ᱞᱮᱫᱟ᱾[᱒]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱢᱤᱠᱟ ᱥᱟᱭᱤᱞ ᱯᱚᱪᱷᱤᱢ ᱵᱟᱝᱞᱟ ᱨᱮᱭᱟᱜ ᱦᱩᱜᱽᱞᱤ ᱦᱚᱱᱚᱛ ᱨᱮ ᱩᱛᱛᱚᱨᱯᱟᱨᱟ ᱨᱮ ᱡᱟᱱᱟᱢ ᱞᱮᱱᱟ[᱓] ᱟᱨ ᱱᱤᱛᱚᱝ ᱫᱚ ᱢᱩᱢᱵᱟᱭ ᱨᱮ ᱵᱟᱥᱟᱜ ᱠᱟᱱᱟ᱾ ᱟᱢᱤᱠᱟ ᱙ ᱥᱮᱨᱢᱟ ᱩᱢᱮᱨ ᱨᱮ ᱥᱟ ᱨᱮ ᱜᱟ ᱢᱟ ᱯᱟ ᱞᱤᱞ ᱪᱟᱢᱯᱥ ᱥᱮᱨᱮᱧ ᱨᱤᱭᱟᱞᱤᱴᱤ ᱥᱳ ᱨᱮ ᱢᱤᱫ ᱦᱮᱯᱨᱟᱣᱤᱭᱟᱹ ᱞᱮᱠᱟᱛᱮ ᱥᱤᱞᱵᱷᱟᱨ ᱥᱠᱨᱤᱱ ᱨᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫᱟ᱾
ᱟᱢᱤᱠᱟ ᱟᱡ ᱟᱭᱳ ᱴᱷᱮᱱ ᱕ ᱥᱮᱨᱢᱟ ᱩᱢᱮᱨ ᱠᱷᱚᱱ ᱥᱮᱨᱮᱧ ᱮ ᱪᱮᱫ ᱮᱦᱚᱵ ᱞᱮᱫᱟ᱾ ᱟᱢᱤᱠᱟ "ᱥᱟ ᱨᱮ ᱜᱟ ᱢᱟ ᱯᱟ" ᱨᱮᱱᱟᱜ ᱵᱟᱝᱞᱟ ᱵᱷᱟᱨᱥᱚᱱ ᱨᱮ ᱦᱚᱸ ᱦᱟᱛᱟᱣ ᱟᱠᱟᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱮᱴᱟᱜ ᱥᱮᱨᱮᱧ ᱨᱤᱭᱟᱞᱤᱴᱤ ᱥᱳ ᱨᱮ ᱦᱟᱛᱟᱣ ᱠᱮᱫᱟ ᱡᱮᱞᱮᱠᱟ - ᱥᱟ ᱨᱮ ᱜᱟ ᱢᱟ ᱯᱟ ᱱᱮᱥᱱᱟᱞ ᱴᱮᱞᱮᱱᱴ ᱦᱟᱱᱴ, ᱤᱱᱰᱤᱭᱟᱱ ᱟᱭᱰᱚᱞ, ᱥᱴᱟᱨ ᱵᱷᱳᱭᱤᱥ ᱚᱯᱷ ᱤᱱᱰᱤᱭᱟ ᱟᱨ ᱚᱞ ᱤᱱᱰᱤᱭᱟ ᱨᱮᱰᱤᱭᱳ ᱥᱳ᱾
ᱮᱠᱴᱨᱮᱥ ᱦᱤᱱᱫᱩᱥᱛᱟᱱᱤ ᱠᱞᱟᱥᱤᱠᱟᱞ ᱢᱩᱡᱤᱠ ᱨᱮ ᱯᱳᱥᱴ ᱜᱨᱮᱡᱩᱣᱮᱴ ᱠᱟᱱᱟᱭ ᱥᱟᱸᱜᱤᱛ ᱵᱤᱥᱟᱨᱟᱫ ᱞᱮᱠᱟᱛᱮ ᱯᱟᱥ ᱟᱠᱟᱱ᱾ ᱟᱢᱤᱠᱟ ᱫᱟᱵᱩᱨ, ᱠᱳᱞᱜᱮᱴ, ᱥᱟᱱᱛᱩᱨ, ᱩᱡᱟᱞᱟ ᱟᱨ ᱟᱭᱤᱯᱤᱮᱞ ᱞᱮᱠᱟᱱ ᱵᱨᱟᱸᱰᱥ ᱨᱮᱱᱟᱜ ᱴᱮᱞᱤᱵᱤᱡᱚᱱ ᱠᱚᱢᱟᱨᱥᱤᱭᱟᱞ ᱞᱟᱹᱜᱤᱫ ᱟᱡᱟᱜ ᱟᱲᱟᱝ ᱮ ᱮᱢ ᱟᱠᱟᱫᱟ᱾
ᱮᱠᱴᱨᱮᱥ ᱢᱤᱫ ᱠᱮᱸᱰᱤᱰ ᱤᱱᱴᱟᱨᱵᱷᱤᱭᱩ ᱨᱮ ᱢᱟᱱᱟᱣ ᱟᱠᱟᱫᱟ ᱡᱮ ᱩᱱᱤ ᱢᱩᱢᱵᱟᱭ ᱨᱮ ᱮᱛᱚᱦᱚᱵ ᱠᱟᱹᱥᱴᱤᱝ ᱫᱤᱱ ᱨᱮ ᱫᱟᱨᱟᱢ ᱫᱩᱣᱟᱹᱨ ᱥᱟᱯᱷᱟᱭ ᱞᱟᱹᱜᱤᱫ ᱢᱤᱫ ᱥᱟᱸᱜᱤᱛ ᱴᱤᱪᱟᱨ ᱞᱮᱠᱟᱛᱮ ᱠᱟᱹᱢᱤ ᱮ ᱦᱟᱛᱟᱣ ᱠᱮᱫᱟ᱾ ᱮᱠᱴᱨᱮᱥ ᱮ ᱟᱨ ᱨᱟᱦᱢᱟᱱ ᱫᱚ ᱟᱡᱟᱜ ᱥᱟᱸᱜᱤᱛ ᱤᱱᱥᱯᱤᱨᱮᱥᱟᱱ ᱢᱮᱱᱛᱮ ᱵᱩᱡᱷᱟᱣ ᱮᱫᱟ᱾ ᱩᱱᱤ ᱯᱨᱤᱭᱚᱝᱠᱟ ᱪᱳᱯᱲᱟ ᱫᱚ ᱟᱡᱟᱜ ᱮᱠᱴᱤᱝ ᱤᱱᱥᱯᱤᱨᱮᱥᱟᱱ ᱢᱮᱱᱛᱮ ᱵᱩᱡᱷᱟᱣ ᱮᱫᱟ᱾
ᱮᱠᱴᱤᱝ ᱵᱨᱮᱠᱛᱷᱨᱩ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱢᱤᱠᱟ ᱢᱤᱫ ᱠᱮᱨᱤᱭᱚᱨ ᱵᱨᱮᱠᱛᱷᱨᱩᱭ ᱟᱢᱮᱴ ᱠᱮᱫᱟ ᱡᱚᱠᱷᱚᱱ ᱩᱱᱤ ‘ᱩᱰᱟᱱ’ ᱥᱟᱶ ᱮᱛᱚᱦᱚᱵ ᱠᱟᱛᱮ ᱴᱮᱞᱤᱵᱤᱡᱚᱱ ᱨᱮ ᱮᱠᱴᱤᱝ ᱮ ᱮᱛᱚᱦᱚᱵ ᱠᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ‘ᱫᱤᱵᱭᱟ ᱫᱨᱤᱥᱴᱤ’, ‘ᱵᱟᱞᱵᱤᱨ ᱨᱤᱴᱟᱨᱱᱥ’, ᱮᱢᱟᱱ ᱞᱮᱠᱟᱱ ᱴᱮᱞᱤᱵᱤᱡᱚᱱ ᱥᱳᱯ ᱨᱮ ᱮᱠᱴᱤᱝ ᱞᱟᱹᱜᱤᱫ ᱪᱟᱞᱟᱣ ᱮᱱᱟ᱾
ᱟᱢᱤᱠᱟ ᱴᱮᱞᱤᱵᱤᱡᱚᱱ ᱥᱤᱨᱤᱡᱽ ᱡᱮᱞᱮᱠᱟ ‘ᱢᱮᱰᱟᱢ ᱥᱟᱨ’, ‘ᱞᱟᱞ ᱤᱥᱠ’, ‘ᱥᱟᱫᱤ ᱠᱮ ᱥᱤᱭᱟᱯᱮ’ ‘ᱜᱩᱱᱟᱦ’ ᱟᱨ ‘ᱟᱵᱷᱟᱭ’ ᱨᱮ ᱦᱚᱸ ᱢᱤᱫ ᱦᱟᱹᱴᱤᱧ ᱮ ᱛᱟᱦᱮᱸ ᱠᱟᱱᱟ᱾
ᱟᱢᱤᱠᱟ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ ᱢᱮᱱᱥᱟᱱ ᱟᱠᱟᱫᱟ ᱡᱮ "ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱦᱩᱭ ᱠᱟᱛᱮ, ᱤᱧ ᱵᱩᱡᱷᱟᱣ ᱠᱮᱫᱟ ᱡᱮ ᱤᱧ ᱮᱠᱴᱤᱝ ᱨᱮ ᱦᱚᱸ ᱛᱤᱧ ᱴᱷᱟᱹᱣᱠᱟᱹ ᱫᱟᱲᱮᱭᱟᱜᱼᱟ᱾ ᱤᱧ ᱥᱮᱨᱮᱧ ᱨᱤᱭᱟᱞᱤᱴᱤ ᱥᱳ ᱨᱮ ᱥᱮᱞᱮᱫ ᱞᱮᱱ ᱚᱠᱛᱚ ᱠᱷᱚᱱ ᱜᱮ ᱴᱮᱞᱤᱵᱤᱡᱚᱱ ᱤᱱᱰᱟᱥᱴᱨᱤ ᱦᱚᱛᱮᱛᱮ ᱟᱹᱰᱤ ᱨᱟᱹᱥᱠᱟᱹᱧ ᱵᱩᱡᱷᱟᱣ ᱠᱮᱫᱟ᱾ ᱤᱧ ᱢᱟᱱᱟᱣ ᱮᱫᱟ ᱡᱮ ᱤᱧ ᱥᱮᱨᱮᱧ ᱥᱤᱠᱟᱹᱨᱤᱭᱟᱹ ᱵᱮᱱᱟᱣ ᱨᱮᱭᱟᱜ ᱜᱚᱞ ᱥᱟᱶ ᱢᱩᱢᱵᱟᱭ ᱛᱮᱧ ᱦᱮᱡ ᱮᱱᱟ, ᱢᱮᱱᱠᱷᱟᱱ ᱮᱠᱴᱤᱝ ᱤᱧ ᱥᱮᱫ ᱮ ᱚᱨ ᱤᱫᱤ ᱠᱮᱫᱤᱧᱟ᱾ ‘ᱩᱰᱟᱱ’ ᱤᱧᱟᱜ ᱵᱷᱚᱨᱥᱟ ᱮ ᱵᱟᱹᱲᱛᱤ ᱠᱮᱫᱟ ᱟᱨ ᱵᱟᱹᱲᱛᱤ ᱞᱟᱹᱜᱤᱫ ᱪᱟᱞᱟᱜ ᱞᱟᱹᱜᱤᱫ ᱩᱫᱜᱟᱹᱣ ᱮ ᱮᱢᱟᱫ ᱫᱤᱧᱟ᱾"
ᱟᱢᱤᱠᱟ ᱱᱤᱛᱚᱝ ᱫᱚ ᱠᱚᱧᱮ ᱟᱯᱷᱨᱤᱠᱟᱱ ᱵᱨᱟᱸᱰ ᱤᱮᱥᱮᱱ ᱞᱟᱹᱜᱤᱫ ᱵᱷᱟᱨᱚᱛᱤᱭᱚ ᱵᱨᱟᱸᱰ ᱮᱢᱵᱮᱥᱮᱰᱚᱨ ᱦᱚᱸᱭ ᱠᱟᱱᱟ ᱡᱟᱦᱟᱸ ᱫᱚ ᱤᱵᱷᱳᱞᱩᱥᱟᱱ ᱥᱯᱳᱨᱴᱥ ᱱᱭᱩᱴᱨᱤᱥᱚᱱ ᱞᱮᱠᱟᱛᱮ ᱦᱚᱸ ᱵᱟᱰᱟᱭᱚᱜ ᱠᱟᱱᱟ᱾ ᱜᱞᱳᱵᱟᱞ ᱵᱨᱟᱸᱰ ᱮᱱᱰᱳᱨᱥᱚᱨ ᱥᱴᱟᱨ ᱠᱨᱤᱠᱮᱴᱟᱨ ᱡᱳᱱᱴᱤ ᱨᱳᱰᱥ ᱠᱟᱱᱟᱭ᱾ ᱮᱠᱴᱨᱮᱥ ᱢᱤᱫ ᱯᱷᱤᱴᱱᱮᱥ ᱯᱷᱨᱤᱠ ᱠᱟᱱᱟᱭ ᱟᱨ ᱢᱤᱞᱠᱷᱟ ᱥᱤᱝ ᱫᱚ ᱟᱡᱟᱜ ᱯᱷᱤᱴᱱᱮᱥ ᱤᱱᱥᱯᱤᱨᱮᱥᱟᱱ ᱢᱮᱱᱛᱮ ᱮ ᱵᱩᱡᱷᱟᱣ ᱮᱫᱟ᱾
ᱫᱤᱥᱚᱢ ᱨᱮ ᱠᱳᱵᱷᱤᱰᱼ᱑᱙ ᱤᱱᱰᱤᱭᱩᱥᱰ ᱞᱳᱠᱰᱟᱩᱱ ᱯᱳᱥᱴ ᱠᱟᱛᱮ, ᱮᱠᱴᱨᱮᱥ ᱟᱭᱢᱟ ᱳᱴᱤᱴᱤ ᱯᱞᱮᱴᱯᱷᱳᱨᱢ ᱞᱟᱹᱜᱤᱫ ᱣᱮᱵᱽ ᱥᱳ ᱜᱮ ᱠᱟᱹᱢᱤᱭᱮᱫᱟ ᱟᱨ ᱛᱤᱱᱟᱹᱜ ᱫᱷᱟᱹᱵᱤᱡ ᱴᱤᱵᱷᱤ ᱠᱷᱚᱱ ᱵᱨᱮᱠ ᱮ ᱦᱟᱛᱟᱣ ᱟᱠᱟᱫᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Amika Shail: My birthday was on Dhanteras so it was a double celebration - Times of India". The Times of India (in ᱟᱝᱜᱽᱨᱮᱡᱤ). 12 November 2020. Retrieved 2021-10-08.
- ↑ "Actress Amika Shail's showbiz tryst began with 'Little Champs', will next feature in Akshay Kumar's 'Laxmmi Bomb'". Zee News (in ᱟᱝᱜᱽᱨᱮᱡᱤ). 2020-07-23. Retrieved 2021-10-08.
- ↑ "Amika Shail Goes From 'Li'l Champs' to 'Laxmmi Bomb'". India West (in ᱟᱝᱜᱽᱨᱮᱡᱤ). Archived from the original on 2021-10-09. Retrieved 2021-10-08.