ᱟᱣᱟᱱᱛᱤᱵᱟᱭ
ᱢᱚᱦᱟᱨᱟᱱᱤ ᱟᱣᱟᱱᱛᱤᱵᱟᱭ ᱞᱚᱫᱷᱤ (᱑᱖ ᱟᱜᱚᱥᱴ ᱑᱘᱓᱑ – ᱒᱐ ᱢᱟᱨᱪ ᱑᱘᱕᱘) ᱫᱚ ᱢᱤᱫ ᱨᱟᱹᱱᱤ-ᱥᱟᱥᱚᱱᱤᱭᱟᱹ ᱟᱨ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭᱤᱡ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱢᱚᱫᱷᱭᱚ ᱯᱨᱚᱫᱮᱥ ᱨᱮᱱᱟᱜ ᱨᱟᱢᱜᱚᱲ (ᱱᱮᱛᱟᱨᱟᱜ ᱫᱤᱱᱫᱚᱨᱤ) ᱨᱮᱱᱤᱡ ᱨᱟᱹᱱᱤ ᱮ ᱛᱟᱦᱮᱸ ᱠᱟᱱᱟ᱾ ᱑᱘᱕᱗ ᱨᱮᱱᱟᱜ ᱵᱷᱟᱨᱚᱛᱤᱭᱚ ᱵᱤᱫᱽᱨᱚᱦ ᱚᱠᱛᱚ ᱨᱮ ᱵᱨᱤᱴᱤᱥ ᱤᱥᱴ ᱤᱱᱰᱤᱭᱟ ᱠᱚᱢᱯᱟᱹᱱᱤ ᱨᱮᱱᱤᱡ ᱵᱤᱨᱳᱫᱷᱤ ᱛᱟᱦᱮᱸ ᱠᱟᱛᱮ, ᱩᱱᱤ ᱵᱟᱵᱚᱛ ᱛᱮ ᱠᱟᱹᱡ ᱠᱷᱚᱵᱚᱨ ᱢᱮᱱᱟᱜᱼᱟ ᱟᱨ ᱫᱚᱢᱮ ᱜᱟᱱ ᱫᱚ ᱞᱳᱠᱚᱠᱛᱤ ᱠᱷᱚᱱ ᱦᱤᱡᱩᱜᱼᱟ᱾ ᱒᱑ ᱥᱟᱭᱟᱱᱟᱜ ᱥᱮᱨᱢᱟ ᱨᱮ, ᱩᱱᱤ ᱫᱚ ᱞᱳᱫᱷᱤ ᱥᱟᱶᱛᱟ ᱨᱮ ᱢᱤᱫ ᱨᱟᱡᱽᱟᱹᱨᱤ ᱟᱭᱠᱚᱱ ᱞᱮᱠᱟᱛᱮ ᱵᱮᱵᱷᱟᱨ ᱦᱩᱭ ᱟᱠᱟᱱᱟ᱾
.jpg)
ᱟᱣᱟᱱᱛᱤᱵᱟᱭ ᱞᱚᱫᱷᱤ ᱫᱚ ᱑᱖ ᱟᱜᱚᱥᱴ ᱑᱘᱓᱑ ᱥᱟᱞ ᱨᱮ ᱞᱳᱫᱷᱤ ᱜᱷᱟᱨᱚᱸᱡᱽ ᱨᱮ ᱢᱟᱱᱠᱮᱦᱟᱰᱤ ᱟᱹᱛᱩ ᱦᱚᱱᱚᱛ ᱥᱤᱣᱱᱤ ᱨᱮ ᱡᱟᱹᱢᱤᱱᱫᱟᱨ ᱨᱟᱣ ᱡᱩᱡᱷᱟᱨ ᱥᱤᱝ ᱟᱜ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟ᱾ ᱩᱱᱤ ᱫᱚ ᱨᱟᱢᱜᱚᱲ (ᱱᱮᱛᱟᱨᱟᱜ ᱫᱤᱱᱫᱚᱨᱤ) ᱨᱮᱱᱤᱡ ᱨᱟᱡᱟ ᱞᱚᱠᱷᱢᱚᱱ ᱥᱤᱝ ᱟᱜ ᱠᱚᱲᱟ ᱜᱤᱫᱽᱨᱟᱹ ᱯᱨᱤᱱᱥ ᱵᱤᱠᱨᱟᱢᱟᱫᱤᱛᱭᱚ ᱥᱤᱝ ᱞᱚᱫᱷᱤ ᱥᱟᱶ ᱵᱟᱯᱞᱟ ᱦᱩᱭ ᱞᱮᱱᱟ᱾ ᱩᱱᱠᱩᱱ ᱨᱮᱱ ᱵᱟᱨᱭᱟ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟ, ᱠᱩᱱᱣᱟᱨ ᱟᱢᱟᱱ ᱥᱤᱝ ᱟᱨ ᱠᱩᱱᱣᱟᱨ ᱥᱮᱨ ᱥᱤᱝ᱾ ᱑᱘᱕᱐ ᱥᱟᱞ ᱨᱮ ᱨᱟᱡᱟ ᱞᱚᱠᱷᱢᱚᱱ ᱥᱤᱝ ᱮ ᱜᱚᱡ ᱮᱱᱟ ᱟᱨ ᱨᱟᱡᱟ ᱵᱤᱠᱨᱟᱢᱟᱫᱤᱛᱭᱚ ᱥᱤᱝ ᱫᱚ ᱥᱤᱝᱜᱟᱥᱚᱱ ᱮ ᱦᱟᱛᱟᱣ ᱠᱮᱫᱟ᱾ ᱟᱡᱤᱡ ᱵᱟᱱᱟᱨ ᱠᱚᱲᱟ ᱜᱤᱫᱽᱨᱟᱹ ᱠᱟᱹᱴᱤᱡ ᱜᱮ ᱠᱤᱱ ᱛᱟᱦᱮᱸ ᱠᱟᱱᱟ ᱛᱚᱠᱷᱚᱱ ᱨᱟᱡᱟ ᱫᱚ ᱟᱹᱥᱩᱥᱛᱷ ᱮ ᱵᱮᱱᱟᱣ ᱮᱱᱟ᱾ ᱢᱤᱫ ᱨᱟᱹᱱᱤ ᱞᱮᱠᱟᱛᱮ ᱩᱱᱤ ᱫᱚ ᱯᱚᱱᱚᱛ ᱨᱮᱱᱟᱜ ᱠᱟᱹᱢᱤ ᱱᱟᱯᱟᱭ ᱛᱮ ᱮ ᱪᱟᱞᱟᱣ ᱠᱮᱫᱟ᱾ ᱠᱟᱹᱴᱤᱡ ᱠᱚᱲᱟ ᱜᱤᱫᱽᱨᱟᱹ ᱠᱤᱱ ᱨᱮᱱ ᱜᱟᱨᱰᱤᱭᱟᱱ ᱛᱟᱦᱮᱸ ᱠᱟᱛᱮ, ᱠᱷᱚᱵᱚᱨ ᱟᱸᱡᱚᱢ ᱠᱟᱛᱮ ᱵᱨᱤᱴᱤᱥ ᱫᱚ ᱨᱟᱢᱜᱚᱲ ᱯᱚᱱᱚᱛ ᱨᱮ "ᱠᱚᱨᱴ ᱚᱯᱷ ᱣᱟᱨᱰᱥ" ᱨᱮᱱᱟᱜ ᱮᱠᱥᱚᱱ ᱠᱚ ᱦᱟᱛᱟᱣ ᱠᱮᱫᱟ ᱟᱨ ᱯᱚᱱᱚᱛ ᱨᱮᱱᱟᱜ ᱪᱟᱪᱞᱟᱣ ᱞᱟᱹᱜᱤᱫ ᱥᱮᱠᱷ ᱥᱟᱨᱵᱟᱨᱟᱦᱠᱟᱨ ᱮ ᱵᱟᱦᱟᱞ ᱠᱮᱫᱮᱭᱟ᱾ ᱩᱱᱤ ᱢᱩᱦᱟᱢᱢᱟᱫ ᱟᱵᱽᱫᱩᱞᱞᱟᱦ ᱥᱟᱶᱛᱮ ᱨᱟᱢᱜᱚᱲ ᱠᱚ ᱵᱷᱮᱡᱟ ᱠᱮᱫᱮᱭᱟ᱾ ᱱᱚᱣᱟ ᱫᱚ ᱵᱮᱼᱤᱡᱽᱡᱚᱛ ᱵᱩᱡᱷᱟᱹᱣ ᱠᱟᱛᱮ ᱨᱟᱹᱱᱤ ᱫᱚ ᱥᱟᱨᱵᱟᱨᱟᱦᱠᱟᱨ ᱠᱚ ᱨᱟᱢᱜᱚᱲ ᱠᱷᱚᱱ ᱮ ᱞᱟᱜᱟ ᱠᱮᱫ ᱠᱚᱣᱟ᱾ ᱱᱚᱣᱟ ᱢᱩᱸᱫᱽ ᱨᱮ ᱨᱟᱡᱟ ᱫᱚᱭ ᱜᱚᱡ ᱮᱱᱟ ᱟᱨ ᱡᱚᱛᱚ ᱫᱟᱹᱭᱤᱠᱛᱚ ᱨᱟᱹᱱᱤ ᱪᱮᱛᱟᱱ ᱨᱮ ᱦᱮᱡ ᱮᱱᱟ᱾ ᱩᱱᱤ ᱯᱚᱱᱚᱛ ᱨᱮᱱ ᱪᱟᱹᱥᱤ ᱠᱚ ᱵᱨᱤᱴᱤᱥ ᱟᱜ ᱤᱱᱥᱴᱨᱚᱠᱥᱚᱱ ᱵᱟᱝ ᱢᱟᱱᱟᱣ ᱞᱟᱹᱜᱤᱫ ᱮ ᱟᱫᱮᱥ ᱠᱮᱫ ᱠᱚᱣᱟ᱾ ᱱᱚᱣᱟ ᱨᱤᱯᱷᱚᱨᱢ ᱠᱟᱹᱢᱤ ᱫᱚ ᱨᱟᱹᱱᱤ ᱭᱟᱜ ᱯᱚᱯᱩᱞᱟᱨᱤᱴᱤ ᱮ ᱵᱟᱹᱲᱛᱤ ᱠᱮᱫᱟ᱾