ᱵᱷᱮᱴᱤᱠᱟᱱ ᱥᱤᱴᱤ: ᱨᱮᱱᱟᱜ ᱫᱚᱦᱲᱟᱭᱮᱱ ᱛᱟᱞᱟᱨᱮᱭᱟᱜ ᱯᱷᱟᱨᱟᱠ ᱠᱚ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Content deleted Content added
ᱱᱟᱥᱮ 12 revisions imported: Importing from Incubator
No edit summary
ᱫᱷᱟᱹᱲ ᱓᱓: ᱫᱷᱟᱹᱲ ᱓᱓:


[[Category:ᱤᱣᱨᱳᱯ]]
[[Category:ᱤᱣᱨᱳᱯ]]
[[Category:City]]
[[Category:ᱫᱤᱥᱟᱹᱢ]]
[[Category:ᱥᱚᱦᱚᱨ]]
[[Category:!Main category]]

᱑᱕:᱕᱔, ᱑ ᱱᱚᱵᱷᱮᱢᱵᱚᱨ ᱒᱐᱑᱘ ᱧᱮᱞᱟᱹᱨᱩ ᱞᱮᱠᱟᱛᱮ

ᱵᱷᱮᱴᱤᱠᱟᱱ ᱥᱤᱴᱤ ᱨᱮᱱᱟᱜ ᱡᱷᱟᱹᱱᱰᱤ
Coat of arms of the Vatican City
Europe location VAT

ᱵᱷᱮᱴᱤᱠᱟᱱ ᱥᱤᱴᱤ ᱫᱚ ᱤᱛᱟᱞᱤ ᱨᱮᱱᱟᱜ ᱨᱳᱢ ᱥᱚᱦᱚᱨ ᱵᱷᱤᱛᱨᱤ ᱨᱮ ᱢᱮᱱᱟᱜ ᱢᱤᱫ ᱯᱷᱩᱨᱜᱟᱹᱞ ᱫᱤᱥᱟᱹᱢ ᱠᱟᱱᱟ᱾ ᱯᱳᱯ ᱜᱮ ᱱᱚᱱᱰᱮᱱᱤᱜ ᱢᱩᱠᱷᱤᱭᱟᱹ ᱫᱚ᱾ ᱱᱤᱭᱟ ᱫᱚ ᱨᱳᱢᱟᱱ ᱠᱮᱛᱷᱚᱞᱤᱠ ᱪᱟᱨᱪ ᱜᱟᱫᱮᱞ/ᱡᱮᱜᱮᱛ ᱨᱮᱱᱟᱜ Headquerter ᱞᱮᱠᱟᱛᱮᱭ ᱠᱟᱹᱢᱤᱭᱟ᱾ ᱜᱚᱴᱟᱛᱮ ᱨᱳᱢ ᱛᱟᱞᱟ ᱨᱮ ᱢᱮᱱᱟᱜ ᱵᱷᱮᱴᱤᱠᱟᱱ ᱥᱤᱴᱤ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱡᱚᱛᱚᱠᱷᱚᱱ ᱠᱟᱹᱴᱤᱡ ᱫᱤᱥᱟᱢ ᱠᱟᱱᱟ᱾ ᱱᱤᱭᱟᱹ ᱨᱮᱱᱟᱜ ᱟᱭᱚᱛᱚᱱ ᱫᱚ ᱑᱑᱐ ᱮᱠᱚᱨ᱾

ᱮᱛᱚᱢ–ᱯᱟᱹᱪᱷᱤᱢ ᱱᱟᱠᱷᱟ ᱨᱳᱢ ᱨᱮᱱᱟᱜ ᱵᱩᱨᱩ ᱪᱮᱛᱟᱱ ᱢᱤᱫ triagle ᱮᱞᱟᱠᱟ ᱨᱮ, ᱛᱤᱵᱮᱨ ᱜᱟᱰᱟ ᱯᱟᱹᱪᱷᱤᱢ ᱨᱮ ᱵᱷᱮᱴᱤᱠᱟᱱ ᱥᱚᱦᱚᱨ ᱫᱚ ᱢᱮᱱᱟᱜᱼᱟ᱾ ᱠᱚᱸᱭᱮ–ᱯᱟᱹᱪᱷᱤᱢ ᱥᱮᱡ ᱨᱮ ᱯᱤᱭᱟᱛᱥᱟ ᱥᱟᱱ ᱯᱤᱭᱮᱛᱨᱳ ᱥᱮ ᱥᱮᱱᱴ ᱯᱤᱴᱟᱨ ᱪᱚᱛᱛᱚᱨ ᱵᱟᱜᱤ ᱠᱟᱛᱮᱜ ᱡᱚᱛᱚ ᱥᱮᱡ ᱜᱮ ᱵᱷᱮᱴᱤᱠᱟᱱ ᱥᱚᱦᱚᱨ ᱫᱚ ᱛᱟᱞᱟ ᱡᱩᱜᱽ ᱟᱨ ᱨᱮᱱᱮᱥᱟᱸ ᱚᱠᱛᱮ ᱵᱮᱱᱟᱣ ᱯᱟᱹᱪᱨᱤ ᱠᱚ ᱛᱮ ᱮᱥᱮᱫ ᱢᱮᱱᱟᱜᱼᱟ᱾ ᱯᱟᱹᱪᱨᱤ ᱵᱷᱤᱛᱨᱤ ᱨᱮ ᱢᱮᱱᱟᱜᱼᱟ ᱵᱟᱜᱣᱟᱱ, ᱱᱟᱱᱟᱦᱩᱱᱟᱹᱨ ᱫᱟᱞᱟᱱ ᱚᱲᱟᱜ ᱟᱨ ᱯᱷᱟᱭᱞᱟᱣ ᱡᱟᱜᱟ᱾ ᱡᱚᱛᱚ ᱠᱷᱚᱱ ᱢᱟᱨᱟᱝ ᱫᱟᱞᱟᱱ ᱫᱚ ᱦᱩᱭᱩᱜ ᱠᱟᱱᱟ ᱥᱮᱱᱴ ᱯᱤᱴᱟᱨ ᱨᱮᱱᱟᱜ ᱵᱮᱥᱤᱞᱤᱠᱟ, ᱚᱠᱟ ᱫᱚ ᱨᱳᱢᱟᱱ ᱠᱮᱛᱷᱚᱞᱤᱠ ᱠᱚᱣᱟᱜ ᱢᱟᱨᱟᱝ ᱜᱤᱨᱡᱟᱹ ᱠᱟᱱᱟ᱾ ᱵᱷᱮᱴᱤᱠᱟᱱ ᱥᱤᱴᱤ ᱨᱮ ᱢᱮᱱᱟᱜᱼᱟ ᱢᱤᱫ ᱢᱚᱦᱟᱠᱟᱥ ᱚᱵᱽᱡᱟᱨᱵᱷᱮᱴᱚᱨᱤ , ᱞᱟᱭᱵᱨᱮᱨᱤ ᱵᱷᱮᱴᱤᱠᱟᱱᱟ᱾

ᱵᱷᱮᱴᱤᱠᱟᱱ ᱥᱤᱴᱤ ᱨᱮᱱᱟᱜ ᱱᱤᱡᱮᱨ ᱥᱚᱝᱵᱤᱫᱷᱟᱱ, ᱰᱟᱠᱵᱮᱵᱚᱥᱛᱷᱟ, ᱥᱤᱞᱢᱳᱦᱚᱨ, ᱡᱷᱟᱱᱰᱤ ᱟᱨ ᱮᱴᱟᱜ ᱨᱟᱥᱴᱨᱤᱭᱚ ᱪᱤᱠᱷᱱᱟᱹ ᱠᱚ ᱢᱮᱱᱟᱜᱼᱟ᱾ ᱵᱷᱮᱴᱠᱟᱱ ᱨᱮᱱ ᱫᱚ ᱟᱠᱚᱨᱮᱱ ᱜᱮ ᱥᱮᱱᱟᱵᱟᱦᱤᱱᱤ ᱦᱚᱸ ᱢᱮᱱᱟᱜ ᱠᱚᱣᱟ, ᱩᱱᱠᱩᱣᱟᱜ ᱧᱤᱛᱩᱢ ᱫᱚ ᱥᱩᱭᱤᱥ ᱜᱟᱨᱰ; ᱱᱤᱭᱟᱹ ᱨᱮ ᱢᱮᱢᱵᱟᱨ ᱫᱚ ᱑᱐᱐ ᱜᱟᱱ᱾ ᱵᱷᱮᱴᱤᱠᱟᱱ ᱨᱮᱰᱤᱭᱳ ᱧᱤᱛᱩᱢᱟᱱ ᱥᱚᱨᱠᱟᱨᱤ ᱨᱮᱰᱤᱭᱳ ᱤᱥᱴᱮᱥᱚᱱ ᱠᱷᱚᱱ ᱜᱚᱴᱟ ᱫᱷᱟᱹᱨᱛᱤ ᱯᱳᱯ ᱣᱟᱜ ᱟᱲᱟᱝ ᱟᱧᱡᱚᱢᱚᱜᱼᱟ᱾ ᱒᱐᱐᱑ ᱥᱮᱨᱢᱟ ᱨᱮ ᱵᱷᱮᱴᱤᱠᱟᱱ ᱨᱮᱱ ᱦᱚᱲ ᱠᱚ ᱛᱟᱦᱮ ᱠᱟᱱᱟ ᱑᱐᱐᱐ ᱜᱟᱱ᱾ ᱱᱚᱱᱰᱮ ᱛᱟᱦᱮ ᱠᱟᱛᱮᱜ ᱯᱳᱯᱟᱜ ᱮᱢ ᱠᱟᱹᱢᱤ ᱯᱩᱨᱟᱹᱣ ᱠᱟᱛᱮᱜ ᱱᱟᱜᱚᱨᱤᱠᱚᱛᱛᱚ ᱧᱟᱢᱚᱜᱼᱟ᱾

ᱵᱷᱮᱴᱤᱠᱟᱱ ᱥᱤᱴᱤ ᱜᱮ ᱢᱩᱪᱟᱹᱫ ᱯᱳᱯ ᱨᱟᱥᱴᱨᱚ ᱫᱚ᱾ ᱠᱮᱛᱷᱚᱞᱤᱠ ᱜᱤᱨᱡᱟ ᱟᱭᱢᱟ ᱥᱮᱨᱢᱟ ᱞᱟᱦᱟᱨᱮ ᱛᱟᱞᱟ ᱤᱛᱟᱞᱤ ᱨᱮᱱᱟᱜ ᱟᱭᱢᱟ ᱡᱟᱜᱟ ᱨᱤᱜᱤ ᱱᱤᱭᱟ ᱨᱟᱥᱴᱨᱚ ᱠᱚ ᱵᱮᱱᱟᱣ ᱞᱮᱫᱟ᱾ ᱚᱠᱟ ᱨᱮᱱ ᱢᱩᱠᱷᱤᱭᱟᱹ ᱫᱚ ᱯᱳᱯ ᱠᱟᱱᱟᱭ᱾ ᱤᱛᱟᱞᱤ ᱥᱚᱨᱠᱟᱨ ᱟᱨ ᱯᱳᱯ ᱛᱟᱞᱟ ᱨᱮ ᱟᱭᱢᱟ ᱨᱚᱯᱚᱲ ᱛᱟᱭᱚᱢ ᱑᱙᱒᱙ ᱥᱮᱨᱢᱟ ᱨᱮ ᱞᱟᱛᱮᱨᱟᱱ ᱪᱩᱠᱛᱤ ᱛᱟᱞᱟ ᱛᱮ ᱵᱷᱮᱴᱤᱠᱟᱱ ᱥᱤᱴᱤ ᱫᱚ ᱛᱤᱝᱜᱩ ᱟᱠᱟᱱᱟ᱾ ᱱᱤᱭᱟᱹ ᱪᱩᱠᱛᱤ ᱛᱟᱞᱟ ᱨᱮ ᱠᱮᱛᱷᱚᱞᱤᱠ ᱜᱤᱨᱡᱟ ᱠᱷᱚᱛᱤᱯᱩᱨᱩᱱ ᱮᱢ ᱛᱟᱞᱟ ᱛᱮ ᱡᱚᱛᱚ ᱯᱳᱯ ᱨᱟᱥᱴᱨᱚ ᱠᱷᱚᱱ ᱫᱟᱵᱤ ᱠᱚ ᱚᱪᱚᱜ ᱠᱮᱫᱟ᱾ ᱟᱨ ᱯᱷᱩᱨᱜᱟᱹᱞ ᱵᱷᱮᱴᱤᱠᱟᱱ ᱥᱤᱴᱤ ᱠᱚ ᱧᱟᱢ ᱠᱮᱫᱟ᱾ ᱱᱤᱭᱟᱹ ᱨᱮᱱ ᱧᱮᱛᱚᱜ ᱤᱡ ᱢᱩᱠᱷᱤᱭᱟᱹ ᱫᱚ ᱯᱳᱯ ᱯᱷᱨᱟᱱᱥᱤᱥ᱾ ᱩᱱᱤ ᱫᱚ ᱒᱐᱑᱓ ᱥᱮᱨᱢᱟ ᱨᱮᱱᱟᱜ ᱑᱓ ᱢᱟᱨᱪ ᱫᱟᱭᱤᱫᱫᱚᱭ ᱦᱟᱛᱟᱣ ᱟᱠᱟᱫᱟ᱾

ᱱᱟᱜᱟᱢ

ᱤᱥᱟᱹᱭ ᱫᱷᱚᱨᱚᱢ ᱯᱟᱥᱱᱟᱣ ᱞᱟᱦᱟ ᱠᱷᱟᱭᱮᱜᱚᱱ ᱜᱮ ᱱᱤᱭᱟᱹ ᱡᱟᱜᱟ ᱫᱚ ᱥᱚᱱᱚᱛ ᱢᱮᱱ ᱛᱮ ᱠᱚ ᱞᱮᱠᱷᱟᱭᱮᱜ ᱠᱟᱱᱟ ᱛᱟᱦᱮᱱᱟ᱾ ᱨᱳᱢ ᱨᱮᱱᱟᱜ ᱱᱤᱭᱟᱹ ᱥᱮᱡ ᱫᱚ ᱚᱠᱚᱭ ᱦᱚᱸ ᱵᱟᱠᱚ ᱚᱲᱟᱜ ᱮᱜ ᱠᱟᱱ ᱛᱟᱦᱮᱱᱟ᱾ ᱥᱮ ᱚᱲᱟᱜ ᱵᱮᱱᱟᱣ ᱦᱚᱸ ᱵᱟᱠᱚ ᱨᱮᱵᱮᱱ ᱠᱟᱱ ᱛᱟᱦᱮᱱᱟ᱾ᱨᱳᱢᱟᱱ ᱨᱟᱡᱽ ᱚᱠᱛᱮ ᱱᱤᱭᱟᱹ ᱡᱟᱜᱟᱨᱮ ᱯᱷᱨᱤᱡᱤᱭᱟᱱ ᱫᱮᱵᱤ ᱥᱤᱵᱮᱞ ᱟᱨ ᱩᱱᱤ ᱨᱮᱱ ᱡᱟᱣᱟᱭ ᱟᱨᱴᱤᱥ ᱣᱟᱜ ᱫᱮᱣᱟ ᱥᱮᱣᱟ ᱦᱩᱭᱩᱜ ᱠᱟᱱ ᱛᱟᱦᱮᱱᱟ᱾ ᱡᱤᱥᱩ ᱡᱟᱱᱟᱢ ᱢᱤᱫ ᱥᱟᱭ ᱞᱟᱦᱟ ᱥᱮᱡ ᱟᱜᱨᱤᱯᱤᱱᱟ ᱫᱟ ᱮᱞᱰᱟᱨ(ᱡᱤᱥᱩ ᱞᱟᱦᱟ ᱑᱔ – ᱓᱓) ᱱᱤᱭᱟᱹ ᱚᱧᱪᱚᱞ ᱥᱮᱡ ᱯᱟᱦᱟᱲ ᱠᱚ ᱢᱟᱜ ᱥᱟᱯᱟ ᱠᱟᱛᱮᱜ ᱟᱹᱰᱤ ᱢᱟᱨᱟᱝ ᱵᱟᱜᱣᱟᱱ ᱮ ᱵᱮᱱᱟᱣ ᱞᱮᱫᱟ᱾ ᱛᱟᱭᱚᱢ ᱫᱟᱨᱟᱢ ᱥᱚᱢᱨᱟᱴ ᱠᱮᱞᱤᱜᱩᱞᱟ ᱱᱚᱱᱰᱮ ᱢᱤᱫ ᱴᱮᱱ ᱥᱟᱨᱠᱟᱥ ᱵᱮᱱᱟᱣ ᱨᱮᱱᱟᱜ ᱮ ᱠᱩᱨᱩᱢᱩᱴᱩ ᱞᱮᱫᱟ᱾ ᱢᱮᱱᱠᱷᱟᱱ ᱵᱟᱭ ᱯᱩᱨᱟᱹᱣ ᱫᱟᱨᱮ ᱞᱮᱫᱟ᱾ ᱛᱟᱭᱚᱢ ᱛᱮ ᱥᱚᱢᱨᱟᱴ ᱱᱤᱨᱳ ᱚᱱᱟ ᱥᱟᱨᱠᱟᱥ ᱮ ᱯᱩᱨᱟᱹᱣ ᱠᱮᱫᱟ᱾ ᱚᱱᱟᱛᱮ ᱱᱤᱭᱟᱹ ᱥᱟᱨᱠᱟᱥ ᱫᱚ "ᱱᱤᱨᱳᱣᱟᱜ ᱥᱟᱨᱠᱟᱥ" ᱠᱚ ᱢᱮᱛᱟᱜᱼᱟ᱾ ᱱᱟᱦᱟᱜ ᱫᱚ ᱚᱱᱟ ᱵᱷᱮᱴᱤᱠᱟᱱ ᱨᱮᱱᱟᱜ ᱨᱟᱹᱯᱩᱫ ᱥᱟᱨᱮᱡ ᱫᱚ ᱦᱩᱭᱩᱜ ᱠᱟᱱᱟ ᱵᱷᱮᱴᱤᱠᱟᱱ ᱳᱵᱮᱞᱤᱥᱠ᱾ ᱱᱤᱭᱟᱹ ᱳᱵᱮᱞᱤᱥᱠ ᱫᱚ ᱥᱚᱢᱨᱟᱴ ᱠᱮᱞᱤᱜᱩᱞᱟ ᱦᱮᱞᱤᱣᱯᱚᱞᱤᱥ ᱠᱷᱚᱱ ᱵᱷᱮᱴᱤᱠᱟᱱ ᱛᱮᱭ ᱟᱹᱜᱩ ᱞᱮᱫᱟ ᱥᱟᱨᱠᱟᱥ ᱨᱮᱱᱟᱜ ᱤᱥᱯᱤᱱᱟ ᱥᱟᱡᱟᱣ ᱞᱟᱹᱜᱤᱫ᱾ ᱖᱔ ᱥᱮᱨᱢᱟ ᱨᱮ ᱨᱳᱢ ᱨᱮ ᱢᱟᱨᱟᱝ ᱥᱮᱝᱜᱮᱞ ᱞᱚ ᱨᱮ ᱜᱚᱡ ᱟᱠᱟᱱ ᱦᱚᱲ ᱠᱚᱣᱟᱜ ᱛᱚᱯᱟ ᱦᱤᱥᱟᱹᱵᱽ ᱛᱮ ᱱᱤᱭᱟᱹ ᱡᱟᱜᱟ ᱵᱮᱵᱚᱦᱟᱨᱚᱜ ᱠᱟᱱ ᱛᱟᱦᱮᱱᱟ᱾ ᱥᱮᱫᱟᱭ ᱯᱟᱹᱛᱤᱭᱟᱣ ᱞᱮᱠᱟᱛᱮ ᱠᱚ ᱢᱮᱱᱟ ᱱᱤᱭᱟᱹ ᱥᱟᱨᱠᱟᱥ ᱨᱮᱱᱟᱜ ᱢᱩᱪᱟᱹᱫ ᱨᱮᱜᱤ ᱥᱮᱱᱴ ᱯᱤᱴᱟᱨ ᱫᱚ ᱠᱟᱛᱷᱟᱭ ᱵᱚᱦᱚᱜ ᱞᱟᱛᱟᱨ ᱟᱨ ᱡᱟᱝᱜᱟ ᱪᱮᱛᱟᱱ ᱥᱮᱡ ᱠᱟᱛᱮᱜ ᱠᱚ ᱠᱨᱩᱥ ᱞᱤᱫᱤᱭᱟ᱾ ᱥᱟᱨᱠᱟᱥ ᱨᱮᱱᱟᱜ ᱩᱞᱴᱟᱹᱣ ᱥᱮᱡ ᱨᱮ ᱢᱤᱫ ᱴᱮᱱ ᱛᱚᱯᱟ ᱢᱮᱱᱟᱜᱼᱟ, ᱚᱠᱟ ᱫᱚ ᱵᱷᱤᱭᱟ ᱠᱚᱨᱱᱮᱞᱤᱭᱟ ᱛᱮ ᱥᱟᱨᱠᱟᱥ ᱠᱷᱚᱱ ᱵᱮᱜᱟᱨ ᱟᱠᱟᱱᱟ᱾ ᱱᱤᱭᱟᱹ ᱵᱷᱮᱴᱤᱠᱟᱱ ᱨᱮᱜᱤ ᱥᱮᱫᱟᱭ ᱯᱮᱜᱟᱱ ᱫᱷᱚᱨᱚᱢ ᱠᱚ ᱨᱮᱱᱟᱜ ᱫᱮᱣᱟᱥᱮᱣᱟ ᱡᱟᱜᱟ ᱟᱨ ᱮᱴᱟᱜ ᱵᱮᱱᱟᱣᱟᱜ ᱠᱚ ᱵᱮᱱᱟᱣ ᱛᱟᱦᱮ ᱠᱟᱱᱟ᱾ ᱱᱤᱭᱟᱹ ᱡᱚᱛᱚ ᱜᱮ ᱵᱮᱱᱟᱣ ᱟᱠᱟᱱ ᱛᱟᱦᱮᱱᱟ ᱔ ᱠᱷᱨᱤᱥᱴᱟᱵᱽᱫᱚ ᱞᱟᱦᱟ ᱨᱮ᱾ ᱔ ᱠᱷᱨᱤᱥᱴᱟᱵᱽᱫᱚ ᱨᱮᱱᱟᱜ ᱮᱦᱚᱵᱽ ᱥᱮᱡ ᱥᱚᱢᱨᱟᱴ ᱠᱚᱱᱥᱴᱟᱱᱴᱟᱭᱤᱱ ᱤᱥᱟᱹᱭ ᱫᱷᱚᱨᱚᱢᱮ ᱦᱟᱛᱟᱣ ᱠᱮᱫᱟ᱾ ᱟᱨ ᱩᱱᱤ ᱜᱤ ᱵᱷᱮᱴᱤᱠᱟᱱ ᱨᱟᱱᱟᱜ ᱛᱟᱞᱟ ᱦᱟᱥᱟ ᱨᱮ ᱥᱮᱱᱴ ᱯᱤᱴᱟᱨᱟᱜ ᱵᱮᱥᱤᱞᱤᱠᱟ ᱭᱮ ᱵᱮᱱᱟᱣ ᱠᱮᱫᱟ᱾ ᱚᱱᱟ ᱡᱚᱠᱷᱚᱱ ᱯᱮᱜᱟᱱ ᱫᱷᱚᱨᱚᱢ ᱨᱮᱱᱟᱜ ᱵᱮᱱᱟᱣᱟᱜ ᱠᱚᱫᱚ ᱠᱚ ᱨᱟᱹᱯᱩᱫ ᱠᱮᱫᱟ᱾ ᱱᱤᱭᱟ ᱵᱮᱥᱤᱞᱤᱠᱟ ᱫᱚ ᱨᱟᱹᱯᱩᱫ ᱪᱟᱵᱟ ᱞᱮᱱᱟ᱾ ᱛᱟᱭᱚᱢ ᱫᱟᱨᱟᱢ ᱯᱳᱯ ᱠᱚᱣᱟᱜ ᱛᱚᱞᱟᱥ ᱛᱮ ᱨᱮᱦᱮᱫ ᱛᱮᱫ ᱫᱚ ᱨᱚᱯᱷᱟ ᱫᱚᱦᱚᱭ ᱨᱮᱱᱟᱜ ᱵᱮᱵᱚᱥᱛᱷᱟ ᱦᱩᱭᱮᱱᱟ᱾ ᱨᱮᱱᱮᱥᱟᱸ ᱚᱠᱛᱮ ᱱᱤᱭᱟᱹ ᱨᱮᱱᱟᱜ ᱞᱟ ᱠᱟᱹᱢᱤ ᱫᱚ ᱩᱥᱟᱹᱨᱟ ᱛᱟᱦᱮ ᱠᱟᱱᱟ᱾ ᱑᱙᱓᱙ ᱠᱷᱚᱱ ᱑᱙᱔᱑ ᱥᱮᱨᱢᱟ ᱛᱟᱞᱟ ᱨᱮ ᱯᱳᱯ ᱜᱮᱞᱵᱟᱨ ᱯᱤᱣᱩᱥ ᱣᱟᱜ ᱩᱫᱩᱜ ᱛᱮ ᱡᱚᱛᱚ ᱵᱮᱱᱟᱣᱟᱜ ᱦᱟᱥᱟ ᱠᱷᱚᱱ ᱚᱪᱚᱜ ᱦᱩᱭᱮᱱᱟ᱾

ᱨᱟᱡᱽᱱᱤᱛᱤ

ᱨᱳᱢᱟᱱ ᱨᱮᱫᱚ ᱨᱟᱡᱽᱛᱚᱱᱛᱨᱚ ᱪᱟᱞᱟᱜ ᱠᱟᱱᱟ᱾ ᱯᱳᱯ ᱜᱤ ᱱᱚᱱᱰᱮᱱᱤᱡ ᱫᱚ ᱢᱟᱨᱟᱜ ᱢᱩᱠᱷᱤᱭᱟᱹ᱾ ᱱᱚᱱᱰᱮᱱᱟᱜ ᱡᱚᱛᱚ ᱱᱤᱭᱚᱢ ᱠᱟᱹᱱᱩᱱ ᱯᱳᱯ ᱣᱟᱜ ᱟᱭᱩᱨ ᱛᱮ ᱪᱟᱞᱟᱜᱼᱟ᱾

ᱚᱛᱱᱚ

ᱵᱷᱮᱴᱤᱠᱟᱱ ᱨᱮᱱᱟᱜ volume ᱫᱚ ᱐ᱹ᱔᱔ squre km᱾ ᱱᱤᱭᱟᱹ ᱫᱚ ᱤᱛᱟᱞᱤ ᱨᱮᱱᱟᱜ ᱨᱳᱢ ᱥᱚᱦᱚᱨ ᱛᱟᱞᱟᱨᱮ ᱯᱟᱹᱪᱨᱤ ᱛᱮ ᱮᱥᱮᱫ ᱡᱟᱜᱟ ᱠᱟᱱᱟ᱾ ᱵᱷᱮᱴᱤᱠᱟᱱ ᱛᱟᱞᱟ ᱨᱮ ᱫᱚ ᱡᱚᱞᱟ ᱫᱟᱜ ᱵᱟᱹᱱᱩᱜᱼᱟ᱾ ᱱᱤᱭᱟ ᱥᱚᱦᱚᱨ ᱫᱚ ᱢᱤᱫ ᱴᱮᱱ ᱠᱟᱹᱴᱤᱡ ᱯᱟᱦᱟᱲ ᱪᱮᱛᱟᱱ ᱨᱮ ᱢᱮᱱᱟᱜᱼᱟ᱾ ᱚᱠᱟᱴᱟᱜ ᱨᱮᱱᱟᱜ ᱧᱤᱛᱩᱢ ᱫᱚ ᱵᱷᱮᱴᱤᱠᱟᱱ ᱵᱩᱨᱩ

ᱠᱟᱹᱣᱰᱤ ᱟᱹᱨᱤ

ᱱᱚᱱᱰᱮᱱᱟᱜ ᱠᱟᱹᱣᱰᱤ ᱟᱹᱨᱤ ᱟᱹᱰᱤ ᱡᱩᱫᱟᱹ ᱞᱮᱠᱟᱛᱮ ᱪᱟᱞᱟᱜᱼᱟ᱾ ᱫᱷᱟᱹᱨᱛᱤ ᱨᱮᱱ ᱨᱳᱢᱟᱱ ᱠᱮᱛᱷᱚᱞᱤᱠ ᱫᱷᱚᱨᱚᱢ ᱦᱟᱛᱟᱣ ᱠᱚᱣᱟᱜ ᱫᱟᱱ ᱛᱮ ᱱᱚᱱᱰᱮᱱᱟᱜ ᱠᱟᱹᱣᱰᱤ ᱟᱨᱤ ᱫᱚ ᱵᱟᱧᱪᱟᱣ ᱢᱮᱱᱟᱜᱼᱟ᱾ ᱚᱱᱟ ᱵᱟᱹᱜᱤ ᱠᱟᱛᱮᱜ ᱦᱚᱸ ᱮᱥᱴᱟᱢᱯ ᱟᱨ ᱫᱟᱲᱟᱱ ᱦᱚᱲ ᱠᱚ ᱞᱟᱹᱜᱤᱫ Memorandum ᱟᱹᱠᱷᱨᱤᱧ ᱠᱟᱹᱣᱰᱤ, ᱢᱤᱣᱡᱤᱭᱟᱢ ᱵᱚᱞᱚᱜ ᱯᱷᱤ ᱟᱨ ᱟᱭᱢᱟ ᱞᱮᱠᱟᱱ ᱚᱞ ᱚᱱᱚᱞ ᱠᱚ ᱟᱹᱠᱷᱨᱤᱧ ᱨᱮᱱᱟᱜ ᱠᱟᱹᱣᱰᱤ ᱛᱮᱜᱤ ᱱᱚᱱᱰᱮᱱᱟᱜ ᱠᱟᱹᱣᱰᱤ ᱟᱨᱤ ᱫᱚ ᱪᱟᱞᱟᱜ ᱠᱟᱱᱟ᱾

ᱯᱟᱹᱨᱥᱤ

ᱵᱷᱮᱴᱤᱠᱟᱱ ᱥᱤᱴᱤ ᱨᱮ ᱫᱚ ᱡᱟᱦᱟᱱ ᱥᱚᱨᱠᱟᱨᱤ ᱯᱟᱹᱨᱥᱤ ᱫᱚ ᱵᱟᱹᱱᱩᱜᱼᱟ᱾ ᱨᱳᱢᱟᱱ ᱠᱮᱛᱷᱚᱞᱤᱠ ᱫᱚ ᱜᱤᱨᱡᱟᱹ ᱨᱮᱱᱟᱜ ᱯᱟᱹᱨᱥᱤ ᱞᱮᱠᱟᱛᱮ ᱞᱮᱴᱤᱱ ᱯᱟᱹᱨᱥᱤ ᱠᱚ ᱢᱟᱱᱟᱣᱟ᱾

ᱞᱟᱠᱪᱟᱨ

ᱤᱥᱟᱹᱭ ᱫᱷᱚᱨᱚᱢ ᱨᱮᱱᱟᱜ ᱞᱟᱭ ᱞᱟᱠᱪᱟᱨ ᱜᱮ ᱱᱚᱱᱰᱮ ᱫᱚ ᱠᱚ ᱢᱟᱱᱟᱣᱟ᱾

ᱯᱷᱮᱰᱮᱛ