ᱦᱤᱱᱫᱤ ᱣᱤᱠᱤᱯᱤᱰᱤᱭᱟ

ᱦᱤᱱᱫᱤ ᱣᱤᱠᱤᱯᱤᱰᱤᱭᱟ
हिन्दी विकि

Screenshot .
ᱭᱩ.ᱟᱨ.ᱮᱞ	hi.wikipedia.org
ᱵᱮᱯᱟᱨᱤᱭᱟᱹ	N
ᱩᱰᱷᱟᱹᱣ ᱢᱟᱦᱟ	11 July 2003

ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱫᱚ ᱣᱤᱠᱤᱢᱤᱰᱤᱭᱟ ᱯᱷᱟᱣᱱᱰᱮᱥᱚᱱ ᱨᱮᱱᱟᱜ ᱣᱤᱠᱤᱯᱤᱰᱤᱭᱟ ᱯᱨᱚᱠᱚᱞᱯᱚ ᱨᱮᱱᱟᱜ ᱦᱤᱱᱫᱤ ᱵᱷᱟᱨᱥᱚᱱ ᱠᱟᱱᱟ᱾ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱮᱛᱦᱚᱵ ᱫᱚ ᱒᱐᱐᱓ ᱥᱮᱨᱢᱟ ᱨᱮᱱᱟᱜ ᱡᱩᱞᱟᱭ ᱪᱟᱸᱫᱚ ᱦᱩᱭ ᱟᱠᱟᱱᱟ᱾ ᱠᱚᱧᱮ ᱮᱥᱤᱭᱟ ᱨᱮᱱᱟᱜ ᱡᱚᱛᱚᱠᱷᱚᱱ ᱞᱟᱹᱴᱩ ᱣᱤᱠᱤᱯᱤᱰᱤᱭᱟ ᱫᱚ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱠᱟᱱᱟ᱾ ᱡᱩᱞᱟᱭ ᱒᱐᱒᱐ ᱥᱮᱨᱢᱟ ᱞᱮᱠᱟᱛᱮ ᱱᱚᱣᱟ ᱣᱤᱠᱤᱯᱤᱰᱤᱭᱟ ᱨᱮ ᱑,᱔᱐,᱑᱔᱘ ᱜᱚᱴᱟᱝ ᱟᱨᱴᱤᱠᱮᱹᱞ ᱢᱮᱱᱟᱜᱼᱟ᱾ ᱱᱚᱣᱟ ᱨᱮᱱ ᱵᱮᱵᱷᱟᱨᱤᱭᱟᱹ ᱫᱚ ᱕,᱗᱑,᱐᱐᱐ ᱜᱚᱴᱟᱝ ᱢᱮᱱᱟᱜ ᱠᱳᱣᱟ᱾ ᱘ ᱡᱚᱱ ᱪᱟᱪᱞᱟᱣᱤᱭᱟᱹ ᱟᱨ ᱓,᱕᱗᱖ ᱜᱚᱴᱟᱝ ᱨᱮᱫ ᱢᱮᱱᱟᱜᱼᱟ᱾ ᱱᱚᱣᱟ ᱣᱤᱠᱤᱯᱤᱰᱤᱭᱟ ᱨᱮ ᱔᱘,᱕᱗,᱙᱓᱗ ᱫᱷᱟᱣ ᱥᱟᱯᱲᱟᱣ ᱦᱩᱭ ᱟᱠᱟᱱᱟ᱾

ᱜᱩᱜᱚᱞ ᱴᱨᱟᱱᱥᱞᱮᱴᱚᱨ ᱨᱮᱱᱟᱜ ᱵᱮᱵᱷᱟᱨ

ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱑᱑ ᱡᱩᱞᱟᱭ ᱒᱐᱐᱓ ᱥᱮᱨᱢᱟ ᱨᱮ ᱪᱟᱹᱞᱩ ᱟᱠᱟᱱᱟ᱾ ᱒᱐᱑᱘ ᱥᱮᱨᱢᱟ ᱨᱮ ᱜᱩᱜᱚᱞ ᱮ ᱞᱟᱹᱭ ᱞᱮᱫᱟ ᱡᱮ ᱩᱱᱠᱩ ᱫᱚ ᱦᱤᱱᱫᱤ ᱣᱤᱠᱤᱯᱤᱰᱤᱭᱟᱱ ᱠᱩ ᱥᱟᱶ ᱤᱝᱨᱮᱡᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱟᱨᱴᱤᱠᱮᱹᱞ ᱠᱩ ᱦᱤᱱᱫᱤ ᱛᱮ ᱠᱩ ᱛᱚᱨᱡᱚᱢᱟᱭ ᱫᱟ ᱡᱟᱸᱦᱟᱸ ᱫᱚ ᱒᱐᱐᱘ ᱠᱷᱚᱱ ᱮᱛᱦᱚᱵ ᱟᱠᱟᱱᱟ᱾ ᱜᱩᱜᱚᱞ ᱛᱚᱨᱡᱚᱢᱟ ᱟᱨ ᱮᱱᱮᱢᱤᱭᱟᱹ ᱠᱩ ᱥᱟᱯᱲᱟᱣᱛᱮ ᱖᱐᱐,᱐᱐᱐ ᱟᱲᱟᱹ ᱠᱚ ᱛᱚᱨᱡᱚᱢᱟᱣ ᱟᱠᱟᱫᱟ᱾

ᱠᱷᱚᱸᱫᱽᱨᱚᱝ

᱒᱐᱑᱙ ᱥᱮᱨᱢᱟ ᱞᱮᱠᱟᱛᱮ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱕᱕ ᱦᱟᱡᱟᱨ ᱟᱞᱟᱫᱟ ᱛᱷᱚᱠ ᱢᱮᱱᱟᱜᱼᱟ ᱡᱟᱸᱦᱟᱸ ᱵᱷᱤᱛᱨᱤᱨᱮ ᱕᱕ᱹ᱖᱘% ᱟᱜ ᱫᱚ ᱛᱷᱚᱠ ᱱᱮᱢᱮᱥᱯᱮᱥ ᱨᱮ ᱥᱟᱦᱴᱟ ᱵᱟᱹᱱᱩᱜᱼᱟ ᱾ ᱱᱚᱣᱟ ᱯᱟᱹᱨᱥᱤ ᱨᱮᱱᱟᱜ ᱣᱤᱠᱤᱯᱤᱰᱤᱭᱟ ᱵᱷᱟᱨᱥᱚᱱ ᱨᱮᱱᱟᱜ ᱟᱨᱴᱤᱠᱮᱹᱞ ᱨᱮ ᱜᱚᱲᱮ ᱕ ᱜᱚᱴᱟᱝ ᱛᱷᱚᱠ ᱢᱮᱱᱟᱜ-ᱟ ᱡᱟᱸᱦᱟᱸ ᱨᱮ ᱟᱨᱴᱤᱠᱮᱹᱞ ᱠᱚᱨᱮ ᱟᱞᱟᱫᱟ ᱛᱷᱚᱠ ᱨᱮᱱᱟᱜ ᱦᱟᱨ ᱐ᱹ᱔᱒᱾ Nature ᱛᱷᱚᱠ ᱨᱮ ᱡᱚᱛᱚᱠᱷᱚᱱ ᱡᱟᱹᱥᱛᱤ ᱟᱨᱴᱤᱠᱮᱹᱞ (᱒᱗%) ᱟᱨ ᱥᱟᱬᱮᱥ ᱛᱷᱚᱠ ᱨᱮ ᱑᱖% ᱟᱨᱴᱤᱠᱮᱹᱞ ᱢᱮᱱᱟᱜᱼᱟ᱾ ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱵᱮᱵᱥᱟ ᱵᱟᱱᱤᱡᱽ ᱟᱨ ᱢᱟᱹᱱᱢᱤ ᱠᱳᱣᱟᱜ ᱥᱟᱛᱟᱢ ᱪᱮᱛᱟᱱ ᱡᱟᱸᱦᱟᱸ ᱟᱨᱴᱤᱠᱮᱹᱞᱠᱩ ᱢᱮᱱᱟᱜᱼᱟ ᱚᱱᱟᱠᱩ ᱜᱮ ᱜᱚᱲᱮ ᱱᱟᱯᱟᱭ ᱟᱨᱴᱤᱠᱮᱹᱞ ᱠᱟᱱᱟ᱾ ᱢᱟᱡᱷᱮ ᱢᱟᱡᱷᱮ ᱟᱹᱭᱤᱱ ᱠᱟᱹᱱᱩᱱ ᱨᱮᱱᱟᱜ ᱟᱨᱴᱤᱠᱮᱹᱞ ᱠᱚᱦᱚᱸ ᱡᱟᱹᱥᱛᱤ ᱠᱚ ᱯᱟᱲᱦᱟᱣ ᱟᱠᱟᱫᱟ ᱥᱮ ᱜᱚᱲ ᱦᱤᱥᱟᱹᱵᱛᱮ ᱚᱱᱟ ᱠᱚᱨᱮ ᱢᱟᱹᱱᱢᱤ ᱠᱳᱣᱟᱜ ᱟᱜᱽᱨᱚᱦᱚ ᱢᱮᱱᱟᱜᱼᱟ᱾

ᱴᱟᱭᱤᱢᱞᱟᱭᱤᱱ

• ᱑᱑ ᱡᱩᱞᱟᱭ ᱒᱐᱐᱓ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱪᱟᱹᱞᱩ ᱟᱠᱟᱱᱟ᱾
• ᱒᱕ ᱡᱟᱱᱩᱣᱟᱨᱤ ᱒᱐᱐᱕ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱑,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱑᱖ ᱡᱟᱱᱩᱣᱟᱨᱤ ᱒᱐᱐᱗ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱕,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱑᱔ ᱢᱟᱨᱪ ᱒᱐᱐᱗ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱑᱐,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱖ ᱰᱤᱥᱮᱢᱵᱚᱨ ᱒᱐᱐᱗ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱑᱕,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱒᱙ ᱢᱮ ᱒᱐᱐᱘ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱒᱐,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱑᱑ ᱡᱩᱞᱟᱭ ᱒᱐᱐᱘ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱢᱚᱬᱮ ᱥᱮᱨᱢᱟ ᱯᱩᱨᱟᱣ ᱟᱠᱟᱱᱟ᱾
• ᱙ ᱢᱮ ᱒᱐᱐᱙ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱓᱐,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱘ ᱥᱮᱯᱴᱮᱢᱵᱚᱨ ᱒᱐᱐᱙ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱫᱚ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱠᱚ ᱵᱷᱤᱛᱨᱤᱨᱮ ᱡᱚᱛᱚᱠᱷᱚᱱ ᱞᱟᱹᱴᱩ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱵᱷᱟᱨᱥᱚᱱ ᱦᱩᱭ ᱟᱠᱟᱱᱟ᱾
• ᱑᱔ ᱥᱮᱯᱴᱮᱢᱵᱚᱨ ᱒᱐᱐᱙ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱕᱐,᱐᱐᱐ ᱜᱚᱴᱟᱝ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱑᱓ ᱯᱷᱮᱵᱨᱩᱣᱟᱨᱤ ᱒᱐᱑᱐ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱒᱕,᱐᱐᱐ ᱠᱷᱚᱱ ᱡᱟᱹᱥᱛᱤ ᱥᱚᱦᱮᱫ ᱠᱚ ᱵᱮᱱᱟᱣ ᱟᱠᱟᱱᱟ᱾
• ᱒᱐ ᱡᱩᱱ ᱒᱐᱑᱐ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱓᱐,᱐᱐᱐ ᱠᱷᱚᱱ ᱡᱟᱹᱥᱛᱤ ᱥᱚᱦᱮᱫ ᱠᱚ ᱵᱮᱱᱟᱣ ᱟᱠᱟᱱᱟ᱾
• ᱒᱖ ᱱᱚᱵᱷᱮᱢᱵᱚᱨ ᱒᱐᱑᱐ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱓᱗,᱐᱐᱐ ᱠᱷᱚᱱ ᱡᱟᱹᱥᱛᱤ ᱥᱚᱦᱮᱫ ᱠᱚ ᱵᱮᱱᱟᱣ ᱟᱠᱟᱱᱟ᱾
• ᱒᱙ ᱡᱟᱱᱩᱣᱟᱨᱤ ᱒᱐᱑᱑ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱔᱐,᱐᱐᱐ ᱠᱷᱚᱱ ᱡᱟᱹᱥᱛᱤ ᱥᱚᱦᱮᱫ ᱠᱚ ᱵᱮᱱᱟᱣ ᱟᱠᱟᱱᱟ᱾
• ᱑᱔ ᱟᱜᱚᱥᱴ ᱒᱐᱑᱑ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱕᱐,᱐᱐᱐ ᱠᱷᱚᱱ ᱡᱟᱹᱥᱛᱤ ᱥᱚᱦᱮᱫ ᱠᱚ ᱵᱮᱱᱟᱣ ᱟᱠᱟᱱᱟ᱾
• ᱓᱐ ᱟᱜᱚᱥᱴ ᱒᱐᱑᱑ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱑᱐᱐,᱐᱐᱐ ᱜᱚᱴᱟᱝ ᱠᱷᱚᱱ ᱡᱟᱹᱥᱛᱤ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾
• ᱒᱑ ᱰᱤᱥᱮᱢᱵᱚᱨ ᱒᱐᱑᱙ - ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮ ᱑᱓᱔,᱓᱓᱘ ᱜᱚᱴᱟᱝ ᱠᱷᱚᱱ ᱡᱟᱹᱥᱛᱤ ᱟᱨᱴᱤᱠᱮᱹᱞ ᱯᱩᱨᱟᱣ ᱟᱠᱟᱱᱟ᱾

ᱵᱮᱵᱷᱟᱨᱤᱭᱟᱹ ᱟᱨ ᱪᱟᱪᱞᱟᱣᱤᱭᱟᱹᱠᱚ

ᱦᱤᱱᱫᱤ ᱣᱤᱠᱤᱯᱤᱰᱤᱭᱟ ᱨᱮᱱᱟᱜ ᱮᱥᱴᱮᱴᱤᱥᱴᱤᱠᱥ

ᱵᱮᱵᱷᱟᱨᱤᱭᱟᱹ ᱮᱞᱮᱞ	ᱟᱨᱴᱤᱠᱮᱹᱞ ᱮᱞᱮᱞ	ᱨᱮᱫ ᱮᱞᱮᱞ	ᱪᱟᱪᱞᱟᱣᱤᱭᱟᱹ ᱮᱞᱮᱞ
809573	161344	4390	7

ᱵᱟᱨᱦᱮ ᱡᱚᱱᱚᱲ

• ᱦᱤᱱᱫᱤ ᱣᱤᱠᱤᱯᱤᱰᱤᱭᱟ