ᱱᱮᱭᱱᱤᱛᱟᱞ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱱᱮᱭᱱᱤᱛᱟᱞ
ᱱᱚᱜᱚᱨ
ᱱᱮᱭᱱᱤᱛᱟᱞ ᱡᱷᱤᱞ ᱥᱚᱦᱚᱨ ᱧᱮᱧᱮᱞ
ᱱᱮᱭᱱᱤᱛᱟᱞ ᱡᱷᱤᱞ ᱥᱚᱦᱚᱨ ᱧᱮᱧᱮᱞ
ᱮᱴᱟᱜ ᱧᱩᱛᱩᱢ: ᱥᱟᱨᱚᱣᱟᱨ ᱱᱚᱜᱚᱨ (ᱡᱷᱤᱞ ᱥᱚᱦᱚᱨ)
ᱱᱮᱭᱱᱤᱛᱟᱞ is located in Uttarakhand
ᱱᱮᱭᱱᱤᱛᱟᱞ
ᱱᱮᱭᱱᱤᱛᱟᱞ
ᱱᱮᱭᱱᱤᱛᱟᱞ is located in India
ᱱᱮᱭᱱᱤᱛᱟᱞ
ᱱᱮᱭᱱᱤᱛᱟᱞ
ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱴᱷᱟᱶ ᱥᱤᱧᱚᱛ ᱨᱮ
Coordinates: 29°23′42″N 79°26′56″E / 29.395°N 79.449°E / 29.395; 79.449Coordinates: 29°23′42″N 79°26′56″E / 29.395°N 79.449°E / 29.395; 79.449
ᱫᱤᱥᱚᱢᱥᱤᱧᱚᱛ
ᱯᱚᱱᱚᱛᱩᱛᱛᱚᱨᱟᱠᱷᱚᱸᱰ
ᱦᱚᱱᱚᱛᱱᱮᱭᱱᱤᱛᱟᱞ
ᱮᱨᱤᱭᱟ [᱑]
 • ᱞᱮᱠᱷᱟᱜᱩᱴ11.73 ᱠᱤᱢᱤ (4.53 ᱜᱟᱺᱴ ᱢᱟᱭᱤᱞ)
ᱩᱥᱩᱞ2084 ᱢᱤᱴᱚᱨ (6837 ᱯᱷᱩᱴ)
ᱞᱮᱠᱷᱟ ᱡᱚᱠᱷᱟ ᱥᱮᱨᱢᱟ(᱒᱐᱑᱑)
 • ᱞᱮᱠᱷᱟᱜᱩᱴ᱔᱑,᱓᱘᱗
 • ᱰᱮᱱᱥᱤᱴᱤ3500/ᱠᱤᱢᱤ2 (9100/ᱜᱟᱺᱴ ᱢᱟᱹᱭᱤᱞ)
ᱯᱟᱹᱨᱥᱤ
 • ᱥᱚᱨᱠᱟᱨᱤ ᱯᱟᱹᱨᱥᱤᱦᱤᱱᱫᱤ[᱒]
 • Nativeᱠᱩᱢᱚᱣᱱᱤ
IST (ᱭᱩᱴᱤᱥᱤ+᱐᱕:᱓᱐)
ᱯᱤᱱ ᱠᱳᱰ᱒᱖᱓᱐᱐᱑/᱒᱖᱓᱐᱐᱒
ᱴᱮᱞᱤᱯᱷᱚᱱ ᱠᱳᱰ+᱙᱑ - ᱕᱙᱔᱒
ᱜᱟᱹᱰᱤ ᱨᱤᱡᱤᱥᱴᱨᱤUK-04
ᱣᱮᱵᱽᱥᱟᱭᱤᱴnainital.nic.in

ᱱᱮᱭᱱᱤᱛᱟᱞ ᱫᱚ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱢᱤᱫ ᱧᱩᱛᱩᱢᱟᱱ ᱵᱩᱨᱩ ᱤᱞᱟᱠᱟ ᱠᱟᱱᱟ ᱾ ᱱᱮᱭᱱᱤᱛᱟᱞ ᱫᱚ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱠᱚᱨᱴ ᱨᱟᱡᱽᱜᱟᱲ ᱠᱟᱱᱟ, ᱯᱚᱱᱚᱛ ᱨᱮᱱᱟᱜ ᱦᱟᱭᱠᱚᱨᱴ ᱱᱚᱸᱰᱮ ᱜᱮ ᱢᱮᱱᱟᱜᱼᱟ, ᱟᱨ ᱠᱩᱢᱟᱣᱩᱱ ᱰᱤᱵᱤᱡᱚᱱ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱢᱮᱱᱟᱜ ᱤᱫᱤ ᱛᱮ ᱥᱟᱶᱛᱮ ᱢᱤᱫ ᱦᱚᱱᱚᱛ ᱦᱚᱸ ᱢᱮᱱᱟᱜᱼᱟ ᱾ ᱱᱚᱸᱰᱮ ᱩᱛᱛᱚᱨᱟᱠᱷᱚᱸᱰ ᱨᱤᱱᱤᱡ ᱯᱚᱱᱚᱛ ᱜᱚᱢᱠᱮ ᱦᱚᱸ ᱢᱮᱱᱟᱭᱟ, ᱱᱚᱣᱟ ᱨᱟᱡᱽᱵᱷᱚᱵᱚᱱ ᱨᱮ ᱛᱟᱦᱮᱸᱱᱟ ᱾ ᱱᱮᱭᱱᱤᱛᱟᱞ ᱡᱩᱢᱤᱫᱽ ᱯᱚᱱᱚᱛ ᱨᱮᱱᱟᱜ ᱥᱤᱛᱩᱝ ᱨᱤᱛᱩ ᱨᱟᱡᱽᱜᱟᱲ ᱛᱟᱦᱮᱸ ᱠᱟᱱᱟ ᱾ ᱱᱤᱭᱟᱹ ᱥᱤᱧᱚᱛ ᱨᱮᱱᱟᱜ ᱞᱮᱠ ᱰᱤᱥᱴᱨᱤᱠᱴ ᱠᱚ ᱢᱮᱛᱟᱜᱼᱟ, ᱪᱮᱫᱟᱜ ᱪᱮ ᱱᱚᱣᱟ ᱜᱚᱴᱟ ᱴᱷᱟᱶ ᱡᱷᱤᱞ ᱛᱮᱜᱮ ᱮᱛᱮᱫ ᱟᱠᱟᱱᱟ ᱾ 'ᱱᱮᱭᱱᱤ' ᱨᱮᱱᱟᱜ ᱟᱹᱲᱟᱹ ᱫᱚ ᱢᱮᱫ ᱟᱨ 'ᱛᱟᱞ' ᱨᱮᱱᱟᱜ ᱟᱹᱲᱟᱹ ᱫᱚ ᱡᱷᱤᱞ ᱾ ᱡᱷᱤᱞ ᱥᱚᱦᱚᱨ ᱱᱮᱭᱱᱤᱛᱟᱞ ᱫᱚ ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱧᱩᱛᱩᱢᱟᱱ ᱧᱮᱞᱡᱚᱝ ᱴᱷᱟᱶ ᱠᱟᱱᱟ ᱾ ᱵᱚᱨᱚᱯ ᱛᱮ ᱫᱟᱯᱟᱞ ᱟᱠᱟᱱ ᱵᱩᱨᱩ ᱛᱟᱞᱟ ᱨᱮ ᱵᱟᱥᱟ ᱟᱠᱟᱱᱟ ᱱᱚᱣᱟ ᱛᱷᱟᱱ ᱫᱚ ᱡᱷᱤᱞ ᱛᱮ ᱮᱛᱮᱫ ᱟᱠᱟᱱᱟ ᱾ ᱱᱤᱭᱟᱹ ᱠᱷᱚᱱ ᱟᱹᱰᱤ ᱢᱩᱬ ᱡᱷᱤᱞ ᱫᱚ ᱱᱮᱭᱱᱤ ᱡᱷᱤᱞ ᱠᱟᱱᱟ ᱚᱠᱚᱭᱟᱜ ᱧᱩᱛᱩᱢ ᱨᱮ ᱱᱚᱣᱟ ᱴᱷᱟᱶ ᱨᱮᱱᱟᱜ ᱧᱩᱛᱩᱢ ᱱᱮᱭᱱᱤᱛᱟᱞ ᱦᱩᱭ ᱮᱱᱟ ᱾ ᱚᱱᱟ ᱞᱟᱹᱜᱤᱫ ᱛᱮ ᱱᱚᱣᱟ ᱡᱷᱤᱞ ᱥᱚᱦᱚᱨ ᱦᱚᱸ ᱠᱚ ᱢᱮᱛᱟᱜᱼᱟ ᱾ ᱱᱮᱭᱱᱤᱛᱟᱞ ᱫᱚ ᱡᱟᱦᱟᱸ ᱠᱷᱚᱱᱮᱢ ᱧᱮᱞ ᱠᱷᱟᱱ, ᱱᱚᱣᱟ ᱫᱚ ᱟᱹᱰᱤ ᱢᱚᱡᱽ ᱜᱮ ᱧᱮᱞᱚᱜᱼᱟ ᱾

ᱱᱮᱭᱱᱤᱛᱟᱞ ᱫᱚ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱰᱮᱦᱨᱟᱰᱩᱱ ᱠᱷᱚᱱ ᱒᱘᱕ ᱠᱤᱞᱚᱢᱤᱴᱚᱨ (᱑᱗᱗ ᱢᱤᱞ) ᱟᱨ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱠᱷᱚᱱ ᱓᱔᱕ ᱠᱤᱞᱚᱢᱤᱴᱚᱨ (᱒᱑᱔ ᱢᱤᱞ) ᱥᱟᱺᱜᱤᱧ ᱨᱮ ᱵᱟᱦᱨᱮ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱠᱩᱢᱟᱣᱩᱱ ᱛᱟᱞᱦᱚᱛᱤ ᱨᱮ ᱢᱮᱱᱟᱜᱼᱟ ᱾ ᱫᱚᱨᱤᱭᱟ ᱟᱴᱮᱫ ᱠᱷᱚᱱ ᱒,᱐᱘᱔ ᱢᱤᱴᱚᱨ (᱖,᱘᱓᱗ ᱯᱷᱤᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ, ᱥᱚᱦᱚᱨ ᱫᱚ ᱢᱤᱫᱴᱟᱹᱝ ᱜᱷᱟᱴᱤ ᱨᱮ ᱢᱮᱱᱟᱜᱼᱟ, ᱚᱸᱰᱮ ᱢᱤᱫ ᱢᱮᱫ ᱞᱮᱠᱟᱱᱟᱜ ᱡᱷᱤᱞ ᱢᱮᱱᱟᱜᱼᱟ, ᱱᱚᱣᱟ ᱫᱚ ᱒ ᱢᱤᱞ ᱴᱚᱴᱷᱟ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱠᱷᱚᱱ ᱟᱹᱰᱤ ᱰᱮᱦᱮᱨ ᱱᱮᱭᱱᱟ ᱯᱤᱠ (᱒,᱖᱑᱕ ᱢᱤᱴᱚᱨ) ᱢᱮᱱᱟᱜᱼᱟ (᱘,᱕᱗᱙ ᱯᱷᱤᱴ) ᱠᱚᱧᱮ ᱨᱮ, ᱯᱟᱪᱮ ᱨᱮ ᱫᱨᱚᱯᱚᱛᱷᱟ (᱒,᱔᱓᱘ ᱢᱤᱴᱚᱨ (᱗,᱙᱙᱙ ᱯᱷᱤᱴ)) ᱟᱨ ᱮᱛᱚᱢ ᱨᱮ ᱟᱭᱟᱨᱯᱟᱴᱷᱟ (᱒,᱒᱗᱘ ᱢᱤᱴᱚᱨ (᱗,᱔᱗᱔ ᱯᱷᱤᱴ)) ᱢᱮᱱᱟᱜᱼᱟ ᱾ ᱩᱥᱩᱞ ᱪᱚᱴ ᱨᱮᱱᱟᱜ ᱥᱤᱠᱷᱟᱹᱨ ᱠᱷᱚᱱ, "ᱢᱚᱡᱽ ᱜᱮ ᱧᱮᱞᱚᱜ ᱮᱛᱚᱢ ᱥᱮᱫᱟᱜ ᱟᱹᱰᱤ ᱢᱟᱨᱟᱝ ᱴᱟᱺᱰᱤ ᱠᱷᱚᱱ ᱟᱨᱡᱟᱣ ᱦᱚᱸ ᱦᱩᱭ ᱫᱟᱨᱮᱭ ᱟ, ᱟᱨᱵᱟᱝ ᱠᱚᱧᱮ ᱨᱮ ᱢᱟᱨᱟᱝ ᱯᱮᱪᱤᱫᱟ ᱜᱷᱮᱸᱭ ᱨᱮᱱᱟᱜ ᱫᱨᱟᱵᱭᱟᱢᱟᱱ ᱠᱷᱚᱱ, ᱱᱚᱣᱟ ᱵᱚᱨᱯᱷᱤᱞᱤ ᱵᱩᱨᱩ ᱥᱤᱢᱟᱹ ᱨᱮᱱᱟᱜ ᱢᱟᱨᱟᱝ ᱯᱟᱴᱨᱤ ᱞᱮᱠᱟᱛᱮ ᱛᱚᱞ ᱟᱠᱟᱱᱟ ᱾"[᱓]

ᱚᱛᱱᱚᱜ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱮᱭᱱᱤᱛᱟᱞ ᱥᱚᱦᱚᱨ ᱫᱚ ᱑᱑.᱗᱓ ᱜᱟᱺᱴ ᱠᱤᱞᱚᱢᱤᱴᱚᱨ (᱔.᱕᱓ ᱜᱟᱺᱴ ᱢᱤᱞ) ᱜᱩᱴ ᱴᱚᱴᱷᱟ ᱨᱮ ᱟᱴᱮᱫ ᱟᱠᱟᱱᱟ, ᱟᱨ 29°23′N 79°27′E / 29.38°N 79.45°E / 29.38; 79.45 ᱨᱮ ᱢᱮᱱᱟᱜᱼᱟ,[᱔] ᱫᱚᱨᱤᱭᱟ ᱟᱴᱮᱫ ᱠᱷᱚᱱ ᱫᱚ ᱒,᱐᱘᱔ ᱢᱤᱴᱚᱨ (᱖,᱘᱓᱗ ᱯᱷᱤᱴ) ᱩᱥᱩᱞ ᱨᱮ ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱵᱩᱨᱩ ᱨᱮᱱᱟᱜ ᱰᱷᱚᱞᱟᱱ ᱟᱹᱰᱤ ᱥᱟᱸᱜᱮ ᱦᱚᱲ ᱠᱚ ᱛᱟᱦᱮᱸᱱ, ᱚᱸᱰᱮ ᱱᱟᱜ ᱩᱥᱩᱞ ᱫᱚ ᱑,᱙᱔᱐ᱼ ᱒,᱑᱐᱐ ᱢᱤᱴᱚᱨ (᱖,᱓᱖᱐ ᱼ ᱖,᱘᱙᱐ ᱯᱷᱤᱴ) ᱢᱮᱱᱟᱜᱼᱟ ᱾ ᱥᱩᱨ ᱨᱮᱱᱟᱜ ᱟᱹᱰᱤ ᱩᱥᱩᱞ ᱛᱷᱟᱱ ᱱᱮᱭ ᱯᱤᱠ ᱠᱟᱱᱟ, ᱚᱱᱟ ᱨᱮᱱᱟᱜ ᱩᱥᱩᱞ ᱫᱚ ᱒,᱖᱑᱙ ᱢᱤᱴᱚᱨ (᱘,᱕᱙᱓ ᱯᱷᱤᱴ) ᱢᱮᱱᱟᱜᱼᱟ ᱾ ᱱᱚᱣᱟ ᱥᱚᱦᱚᱨ ᱯᱚᱱᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱰᱮᱦᱨᱟᱰᱩᱱ ᱠᱷᱚᱱ ᱒᱘᱕ ᱠᱤᱞᱚᱢᱤᱴᱚᱨ (᱑᱗᱗ ᱢᱤᱞ) ᱥᱟᱺᱜᱤᱧ ᱨᱮ ᱵᱟᱦᱨᱮ ᱦᱮᱢᱟᱞ ᱵᱩᱨᱩ ᱨᱮᱱᱟᱜ ᱠᱩᱢᱟᱣᱩᱱ ᱛᱟᱞᱦᱚᱴᱤ ᱨᱮ ᱢᱮᱱᱟᱜᱼᱟ ᱟᱨ ᱥᱤᱧᱚᱛ ᱨᱮᱱᱟᱜ ᱨᱟᱡᱽᱜᱟᱲ ᱱᱟᱶᱟ ᱫᱤᱞᱞᱤ ᱠᱷᱚᱱ ᱓᱔᱕ ᱠᱤᱞᱚᱢᱤᱴᱚᱨ (᱒᱑᱔ ᱢᱤᱞ) ᱥᱟᱺᱜᱤᱧ ᱨᱮ ᱢᱮᱱᱟᱜᱼᱟ ᱾

ᱦᱚᱲ ᱞᱮᱠᱷᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

Historical population
ᱦᱚᱲ ᱞᱮᱠᱷᱟ ᱡᱚᱠᱷᱟ ᱦᱚᱲ ᱮᱞ
᱑᱘᱘᱑᱖,᱕᱗᱖
᱑᱘᱙᱑᱘,᱔᱕᱕28.6%
᱑᱙᱐᱑᱗,᱖᱐᱙-10.0%
᱑᱙᱑᱑᱑᱐,᱒᱗᱐35.0%
᱑᱙᱒᱑᱑᱑,᱒᱓᱐9.3%
᱑᱙᱓᱑᱙,᱗᱔᱑-13.3%
᱑᱙᱔᱑᱙,᱕᱓᱙-2.1%
᱑᱙᱕᱑᱑᱒,᱓᱕᱐29.5%
᱑᱙᱖᱑᱑᱔,᱔᱙᱕17.4%
᱑᱙᱗᱑᱒᱓,᱙᱘᱖65.5%
᱑᱙᱘᱑᱒᱔,᱘᱓᱕3.5%
᱑᱙᱙᱑᱒᱙,᱘᱓᱗20.1%
᱒᱐᱐᱑᱓᱘,᱖᱓᱐29.5%
᱒᱐᱑᱑᱔᱑,᱓᱗᱗7.1%
Source: 1881 – The Imperial Gazetteer of India[᱕]:82
1901–2011 – District Census Handbook: Nainital[᱑]:509–510
Naini Lake view at night

᱒᱐᱑᱑ ᱥᱟᱹᱦᱤᱛ ᱥᱤᱧᱚᱛ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱞᱮᱠᱟᱛᱮ, ᱱᱮᱭᱱᱤᱛᱟᱞ ᱨᱤᱱ ᱦᱚᱲ ᱮᱞ ᱫᱚ ᱔᱑,᱓᱗᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾[᱖] ᱠᱚᱲᱟ ᱟᱜ ᱦᱚᱲ ᱮᱞ ᱫᱚ ᱕᱒.᱓% ᱟᱨ ᱛᱤᱨᱞᱟᱹ ᱟᱜ ᱫᱚ ᱔᱗.᱗% ᱢᱮᱱᱟᱜᱼᱟ, ᱱᱚᱣᱟ ᱥᱚᱦᱚᱨ ᱨᱮ ᱜᱚᱴᱟ ᱑᱐᱐᱐ ᱠᱚᱲᱟ ᱨᱮ ᱙᱑᱑ ᱛᱤᱨᱞᱟᱹ ᱭᱟᱜ ᱡᱟᱱᱟᱝ ᱡᱟᱹᱱᱤ ᱢᱮᱱᱟᱜᱼᱟ, ᱱᱚᱣᱟ ᱩᱛᱛᱚᱨᱟᱠᱷᱚᱸᱰ ᱯᱚᱱᱚᱛ ᱡᱟᱱᱟᱝ ᱡᱟᱹᱱᱤ ᱜᱚᱴᱟ ᱑᱐᱐᱐ ᱠᱚᱲᱟ ᱟᱜ ᱙᱖᱓ ᱛᱤᱨᱞᱟᱹ ᱠᱷᱚᱱ ᱠᱚᱢ ᱜᱮᱭᱟ ᱾ ᱦᱚᱲ ᱮᱞ ᱰᱮᱱᱥᱤᱴᱤ ᱓᱕᱒᱗.᱔᱕ ᱦᱚᱲ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ ᱛᱟᱦᱮᱸ ᱠᱟᱱᱟ ᱾[᱑] ᱥᱚᱦᱚᱨ ᱨᱮ ᱜᱚᱴᱟ ᱜᱟᱺᱴ ᱠᱤᱞᱚᱢᱤᱴᱚᱨ ᱗᱙᱕.᱓᱑ ᱚᱲᱟᱜ ᱨᱮᱱᱟᱜ ᱰᱮᱱᱥᱤᱴᱤ ᱨᱮ ᱙,᱓᱓᱙ ᱚᱲᱟᱜ ᱛᱟᱦᱮᱸ ᱠᱟᱱᱟ ᱾[᱑] ᱙.᱕᱔% ᱦᱚᱲ ᱮᱞ ᱖ ᱵᱚᱪᱷᱚᱨ ᱠᱷᱚᱱ ᱠᱚᱢ ᱩᱢᱚᱨ ᱠᱚ ᱢᱮᱱᱟᱜ ᱠᱚᱣᱟ ᱾ ᱒᱐᱑᱑ ᱨᱮ, ᱱᱮᱭᱱᱤᱛᱟᱞ ᱨᱮᱱᱟᱜ ᱥᱮᱪᱮᱫ ᱫᱚᱨ ᱙᱒.᱙᱓% ᱛᱟᱦᱮᱸ ᱠᱟᱱᱟ, ᱱᱚᱣᱟ ᱩᱛᱚᱨᱟᱠᱷᱚᱸᱰ ᱯᱚᱱᱚᱛ ᱥᱮᱪᱮᱫ ᱗᱘.᱘᱒% ᱠᱷᱚᱱ ᱰᱮᱦᱮᱨ ᱛᱟᱦᱮᱸ ᱠᱟᱱᱟ ᱼ ᱥᱚᱦᱚᱨ ᱨᱮ ᱙᱖.᱐᱙% ᱠᱚᱲᱟ ᱟᱨ ᱘᱙.᱔᱗ ᱛᱤᱨᱞᱟᱹ ᱟᱜ ᱥᱮᱪᱮᱫ ᱢᱮᱱᱟᱜᱼᱟ ᱾[᱖]

ᱧᱮᱞᱡᱚᱝ ᱴᱷᱟᱶ ᱨᱮᱱᱟᱜ ᱫᱟᱜ ᱨᱮᱱᱟᱜ ᱩᱥᱩᱞ ᱨᱮ ᱥᱮᱯᱴᱮᱢᱵᱚᱨ ᱑᱘᱘᱐ ᱨᱮ ᱤᱫᱤ ᱠᱮᱫᱼᱟ ᱢᱤᱫ ᱱᱟᱯᱟᱭ ᱦᱚᱲ ᱞᱮᱠᱷᱟ ᱡᱚᱠᱷᱟ ᱫᱚ ᱥᱚᱦᱚᱨ ᱞᱟᱹᱜᱤᱫ ᱜᱩᱴ ᱑᱐,᱐᱕᱔ ᱦᱚᱲ ᱠᱚ ᱨᱩᱣᱟᱲ ᱮᱱᱟ ᱠᱚ ᱾[᱕] ᱡᱟᱦᱟᱸ ᱛᱤᱱᱟᱹᱜ, ᱑᱘᱘᱑ ᱨᱮ ᱟᱹᱢᱟᱹᱞᱮᱛ ᱦᱚᱲ ᱞᱮᱠᱷᱟ ᱡᱚᱠᱷᱟ ᱫᱚ ᱦᱚᱲ ᱮᱞ ᱫᱚ ᱨᱩᱣᱟᱹᱲ ᱠᱟᱫᱟᱼᱟ, ᱟᱨᱦᱚᱸ ᱟᱹᱰᱤ ᱠᱚᱢ ᱖,᱕᱗᱖ ᱨᱮ ᱾ ᱫᱚᱥᱟᱨ ᱜᱮᱞ ᱥᱮᱨᱢᱟ ᱨᱮ ᱦᱚᱲ ᱮᱞ ᱠᱮᱡ ᱠᱚ ᱵᱟᱲᱦᱟᱣ ᱮᱱᱟ ᱠᱚ, ᱑᱘᱙᱑ ᱨᱮ ᱘,᱔᱕᱕ ᱦᱚᱲ ᱠᱚ ᱦᱩᱭ ᱮᱱᱟ ᱾ ᱑᱙᱐᱑ ᱨᱮ ᱗,᱖᱐᱙ ᱨᱮ ᱞᱟᱛᱟᱨ ᱧᱩᱨ ᱮᱱᱟ ᱛᱟᱭᱚᱢ, ᱱᱚᱣᱟ ᱦᱤᱡᱩᱜ ᱡᱷᱚᱦ ᱵᱟᱨ ᱜᱮᱞ ᱥᱮᱨᱢᱟ ᱨᱮ ᱴᱟᱨᱦᱟᱣ ᱮᱱᱟ ᱠᱚ; ᱑᱙᱑᱑ ᱨᱮ ᱑᱐,᱒᱗᱐ ᱟᱨ ᱑᱙᱒᱑ ᱨᱮ ᱑᱑,᱒᱓᱐ ᱦᱚᱲ ᱾ ᱦᱚᱲ ᱮᱞ ᱨᱮ ᱟᱨ ᱢᱤᱫ ᱫᱷᱟᱣ ᱧᱩᱨ ᱮᱱᱟ, ᱛᱤᱥ ᱑᱙᱓᱑ ᱟᱨ ᱑᱙᱔᱑ ᱨᱮᱱᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱨᱮ ᱙,᱗᱔᱑ ᱟᱨ ᱙,᱕᱓᱙ ᱦᱚᱲ ᱮᱞ ᱨᱩᱣᱟᱹᱲ ᱮᱱᱟ ᱠᱚ, ᱟᱫᱚ ᱛᱤᱥ ᱠᱷᱚᱱ ᱞᱮᱛᱟᱨ ᱜᱨᱚᱴ ᱠᱚ ᱧᱮᱞ ᱠᱮᱫᱼᱟ, ᱛᱟᱭᱚᱢ ᱟᱜ ᱦᱚᱲ ᱞᱮᱠᱷᱟ ᱡᱚᱠᱷᱟ ᱥᱟᱶᱛᱮ ᱑᱖᱕᱑ ᱨᱮ ᱑᱒᱓᱕᱐ ᱦᱚᱲ ᱮᱞ ᱨᱩᱣᱟᱹᱲ ᱦᱮᱡ ᱮᱱᱟ ᱠᱚ ᱾ ᱑᱙᱔᱙ ᱨᱮ ᱑᱔᱔᱙᱕, ᱑᱙᱗᱑ ᱨᱮ ᱒᱓᱙᱘᱖, ᱑᱙᱘᱑ ᱨᱮ ᱒᱔᱘᱓᱕, ᱑᱙᱙᱑ ᱨᱮ ᱒᱙᱘᱓᱗, ᱒᱐᱐᱑ ᱨᱮ ᱓᱘᱖᱓᱐ ᱟᱨ ᱒᱐᱑᱑ ᱨᱮ ᱔᱑,᱓᱗᱗ ᱦᱚᱲ ᱠᱚ ᱛᱟᱦᱮᱸ ᱠᱟᱱᱟ ᱾

bar box
ᱱᱮᱭᱱᱤᱛᱟᱞ ᱨᱮ ᱫᱷᱚᱨᱚᱢ[᱖]
ᱫᱷᱚᱨᱚᱢ ᱥᱟᱭᱠᱚᱲᱟ
ᱦᱤᱱᱫᱩ
85.61%
ᱢᱩᱥᱞᱤᱢ
11.91%
ᱥᱤᱠᱷ
0.75%
ᱤᱥᱟᱭ
0.92%
ᱮᱴᱟᱜ
0.8%

ᱦᱚᱨ ᱰᱟᱦᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱥ ᱥᱴᱮᱥᱚᱱ, ᱱᱮᱭᱱᱤᱛᱟᱞ

ᱦᱚᱞᱫᱣᱟᱱᱤ ᱠᱷᱚᱱ ᱱᱮᱭᱱᱤᱛᱟᱞ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱑᱐᱙ (ᱢᱟᱲᱟᱝ ᱡᱟᱹᱛᱤᱭᱟᱹᱨᱤ ᱨᱟᱡᱽᱰᱟᱦᱟᱨ ᱘᱗) ᱫᱷᱟᱵᱤᱡ ᱥᱮᱴᱮᱨ ᱫᱟᱨᱮᱭ ᱟ,[᱗] ᱵᱟᱡᱽᱯᱩᱨ ᱠᱷᱚᱱ ᱔᱐ ᱠᱤᱞᱚᱢᱤᱴᱚᱨ (᱒᱕ ᱢᱤᱞ) ᱥᱟᱸᱜᱤᱧᱟ, ᱟᱨᱵᱟᱝ ᱯᱚᱱᱚᱛ ᱨᱟᱡᱽᱰᱟᱦᱟᱨ ᱑᱓ ᱛᱮ [᱘] ᱖᱐ ᱠᱤᱞᱚᱢᱤᱴᱚᱨ (᱓᱗ ᱢᱤᱞ) ᱥᱟᱸᱜᱤᱧᱟ ᱾ ᱥᱩᱨ ᱨᱮᱱᱟᱜ ᱩᱰᱟᱹᱱ ᱰᱟᱹᱦᱤ ᱨᱩᱫᱽᱨᱚᱯᱩᱨ ᱥᱩᱨ ᱯᱚᱸᱴᱱᱚᱜᱚᱨ ᱨᱮ ᱢᱮᱱᱟᱜᱼᱟ, ᱱᱮᱭᱱᱤᱛᱟᱞ ᱠᱷᱚᱱ ᱗᱑ ᱠᱤᱞᱚᱢᱤᱴᱚᱨ (᱔᱔ ᱢᱤᱞ) ᱾[᱙] ᱮᱞᱟᱭᱟᱸᱥ ᱮᱭᱟᱨ, ᱮᱭᱟᱨ ᱦᱮᱨᱤᱴᱮᱡᱽ ᱟᱨ ᱰᱮᱠᱠᱟᱱ ᱪᱟᱨᱴᱟᱨ ᱯᱮᱭᱟ ᱠᱟᱨᱤᱭᱟᱨ ᱢᱮᱱᱟᱜᱼᱟ, ᱱᱚᱣᱟ ᱩᱰᱟᱹᱱ ᱰᱟᱹᱦᱤ ᱫᱚ ᱫᱤᱞᱞᱤ, ᱰᱮᱦᱨᱟᱰᱩᱱ ᱟᱨ ᱯᱤᱛᱷᱚᱨᱜᱟᱲ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾[᱑᱐][᱑᱑][᱑᱒] ᱦᱚᱞᱫᱣᱟᱱᱤ ᱨᱮᱱᱟᱜ ᱵᱟᱦᱨᱮ ᱮᱞᱟᱠᱟ ᱨᱮ ᱥᱩᱨ ᱨᱮᱱᱟᱜ ᱢᱩᱬ ᱨᱮᱞᱣᱮ ᱥᱴᱮᱥᱚᱱ ᱠᱟᱴᱷᱜᱚᱫᱟᱢ ᱨᱮ ᱢᱮᱱᱟᱜᱼᱟ, ᱱᱚᱣᱟ ᱫᱤᱥᱚᱢ ᱨᱮᱱᱟᱜ ᱡᱚᱛᱚ ᱢᱩᱬ ᱥᱚᱦᱚᱨ ᱠᱷᱚᱱ ᱡᱚᱲᱟᱣ ᱟᱠᱟᱱᱟ ᱾ [᱑᱓]

ᱥᱟᱹᱠᱷᱭᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. ᱑.᱐ ᱑.᱑ ᱑.᱒ ᱑.᱓ District Census Handbook Nainital Part-A (PDF). Dehradun: Directorate of Census Operations, Uttarakhand.
  2. "52nd REPORT OF THE COMMISSIONER FOR LINGUISTIC MINORITIES IN INDIA" (PDF). nclm.nic.in. Ministry of Minority Affairs. p. 18. Archived from the original (PDF) on 25 May 2017. Retrieved 22 December 2018.
  3. Nainital District, The Imperial Gazetteer of India, volume 18, pp. 322–323. 1908
  4. Falling Rain Genomics, Inc – Nainital. Fallingrain.com.
  5. ᱕.᱐ ᱕.᱑ Hunter, W. W. (1886). The Imperial Gazetteer of India Volume VIII. London: Trubner & Co.
  6. ᱖.᱐ ᱖.᱑ ᱖.᱒ Nainital Population Census 2011.
  7. "Landslide spoils festivity, NH-87 blocked". Nainital: The Times of India. TNN. 17 August 2016. Retrieved 30 November 2016.
  8. "वर्ष 2016-17 में लोक निर्माण विभाग के अंतर्गत राज्य मार्ग की लम्बाई" (PDF). Retrieved 29 January 2020.
  9. "A gem in perfect setting". The Tribune. 11 May 2008. Retrieved 29 June 2009.
  10. "Alliance Air to start flights on Pantnagar-Dehradun route from Jan 4". The Economic Times. 28 December 2018. Retrieved 29 January 2020.
  11. "Comprehensive list of Awarded RCS Routes state wise" (PDF). Airport Authority of India. Archived from the original (PDF) on 27 February 2019. Retrieved 5 March 2019.
  12. "flight schedule of Air Deccan". Archived from the original on 12 June 2018. Retrieved 29 January 2020.
  13. Kishore, B.R. (2008). India : a travel guide (in ᱟᱝᱜᱽᱨᱮᱡᱤ). New Delhi: Fusion Books. p. 278. ISBN 9788128400674. Retrieved 11 January 2017. "NAINITAL; Railway Station : Kathgodam 35 kms"

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱪᱷᱟᱸᱪ:Wikisource1911Enc

ᱪᱷᱟᱸᱪ:ᱱᱮᱭᱱᱤᱛᱟᱞ ᱦᱚᱱᱚᱭ ᱪᱷᱟᱸᱪ:ᱠᱩᱢᱟᱣᱩᱱ ᱪᱷᱟᱸᱪ:ᱩᱛᱛᱚᱨᱟᱠᱷᱚᱸᱰ ᱨᱮᱱᱟᱜ ᱱᱚᱜᱚᱨᱯᱟᱞᱤᱠᱟ ᱠᱚ