ᱟᱥᱢᱟ ᱦᱩᱥᱮᱱ
ᱥᱟᱦᱮᱵᱽᱡᱟᱫᱤ ᱟᱥᱢᱟ ᱦᱩᱥᱮᱱ (ᱩᱨᱫᱩ: عاصمہ حسین, ᱦᱤᱱᱫᱤ: अस्मा हुसैन, ᱡᱟᱱᱟᱢ ᱞᱚᱠᱷᱱᱟᱣ, ᱵᱷᱟᱨᱚᱛ) ᱫᱚ ᱢᱤᱫ ᱵᱷᱟᱨᱚᱛᱤᱭᱟᱹ ᱯᱷᱮᱥᱚᱱ ᱰᱤᱡᱟᱭᱱᱚᱨ ᱠᱟᱱᱟᱭ᱾
ᱩᱱᱤ ᱫᱚ ᱟᱣᱟᱫᱷ ᱨᱮᱱᱟᱜ ᱨᱟᱡᱽᱜᱷᱟᱨᱚᱸᱡᱽ ᱨᱮᱱ ᱠᱟᱱᱟᱭ ᱟᱨ ᱥᱩᱡᱟ-ᱩᱫ-ᱫᱳᱣᱞᱟ ᱨᱮᱱ ᱵᱚᱝᱥᱚ ᱠᱟᱱᱟᱭ᱾
ᱟᱥᱢᱟ ᱦᱩᱥᱮᱱ ᱫᱚ ᱑᱙᱙᱔ ᱨᱮ ᱟᱡᱟᱜ ᱯᱩᱭᱞᱩ ᱛᱩᱢᱟᱹᱞ ᱮ ᱩᱫᱩᱜ ᱞᱮᱫ ᱛᱟᱦᱮᱸᱫ, ᱟᱨ ᱚᱱᱟ ᱥᱮᱨᱢᱟ ᱜᱮ ᱩᱛᱛᱚᱨ ᱯᱨᱚᱫᱮᱥ ᱨᱮ ᱟᱥᱢᱟ ᱦᱩᱥᱮᱱ ᱤᱱᱥᱴᱤᱴᱭᱩᱴ ᱚᱯᱷ ᱯᱷᱮᱥᱚᱱ ᱴᱮᱠᱱᱚᱞᱚᱡᱤ (AIFT) ᱮ ᱛᱷᱟᱯᱚᱱ ᱞᱮᱫ ᱛᱟᱦᱮᱸᱫ᱾ ᱱᱚᱣᱟ ᱤᱱᱥᱴᱤᱴᱭᱩᱴ ᱫᱚ ᱵᱷᱟᱨᱚᱛ ᱥᱚᱨᱠᱟᱨ ᱟᱜ ᱱᱮᱥᱱᱟᱞ ᱠᱟᱣᱩᱱᱥᱤᱞ ᱯᱷᱚᱨ ᱵᱷᱚᱠᱮᱥᱱᱟᱞ ᱴᱨᱮᱱᱤᱝ ᱦᱚᱛᱮᱛᱮ ᱩᱯᱨᱩᱢ ᱮᱢ ᱟᱠᱟᱱᱟ᱾
ᱦᱩᱥᱮᱱ ᱫᱚ ᱭᱩᱛᱷ ᱟᱯᱞᱤᱯᱷᱴᱢᱮᱱᱴ ᱮᱱᱰ ᱣᱮᱞᱯᱷᱮᱭᱟᱨ ᱮᱥᱳᱥᱤᱭᱮᱥᱚᱱ (YUWA) ᱨᱮᱱᱟᱜ ᱪᱮᱭᱟᱨᱯᱟᱨᱥᱚᱱ ᱟᱨ ᱢᱮᱱᱮᱡᱤᱝ ᱰᱤᱨᱮᱠᱴᱚᱨ ᱠᱟᱱᱟᱭ, ᱡᱟᱦᱟᱸ ᱫᱚ ᱢᱤᱫ NGO ᱠᱟᱱᱟ᱾ ᱩᱱᱤ ᱫᱚ ᱞᱚᱠᱷᱱᱟᱣ ᱨᱮ ᱟᱥᱢᱟ ᱦᱩᱥᱮᱱ ᱯᱷᱮᱥᱚᱱ ᱦᱟᱣᱩᱥ (AHFH) ᱧᱩᱛᱩᱢ ᱛᱮ ᱢᱤᱫ ᱰᱤᱡᱟᱭᱱᱚᱨ ᱟᱣᱩᱴᱞᱮᱴ ᱦᱚᱸ ᱢᱮᱱᱟᱜ ᱛᱟᱭᱟ᱾
ᱩᱱᱤ ᱫᱚ FDCI, ᱣᱤᱞᱥ ᱤᱱᱰᱤᱭᱟ ᱯᱷᱮᱥᱚᱱ ᱣᱤᱠ, ᱵᱷᱟᱨᱚᱛ ᱨᱮᱱ ᱰᱤᱡᱟᱭᱱᱚᱨ ᱠᱚᱣᱟᱜ ᱠᱟᱣᱩᱱᱥᱤᱞ ᱨᱮᱱ ᱦᱟᱹᱴᱤᱧ ᱠᱟᱱᱟᱭ᱾
ᱟᱯᱱᱟᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱢᱟ ᱦᱩᱥᱮᱱ ᱫᱚ ᱟᱞᱤᱜᱚᱲ ᱢᱩᱥᱞᱤᱢ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱟᱲᱦᱟᱣ ᱞᱮᱱᱟᱭ᱾ ᱩᱱᱤ ᱫᱚ ᱟᱱᱤᱥ ᱟᱱᱥᱟᱨᱤ ᱥᱟᱶ ᱮ ᱵᱟᱯᱞᱟ ᱟᱠᱟᱱᱟ ᱟᱨ ᱟᱢᱤᱨᱟ ᱦᱩᱥᱮᱱ ᱟᱨ ᱱᱟᱭᱞᱟ ᱟᱱᱥᱟᱨᱤ ᱧᱩᱛᱩᱢ ᱛᱮ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱢᱟ ᱦᱩᱥᱮᱱ ᱤᱱᱥᱴᱤᱴᱭᱩᱴ ᱚᱯᱷ ᱯᱷᱮᱥᱚᱱ ᱴᱮᱠᱱᱚᱞᱚᱡᱤ (AIFT)
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱥᱢᱟ ᱦᱩᱥᱮᱱ ᱤᱱᱥᱴᱤᱴᱭᱩᱴ ᱚᱯᱷ ᱯᱷᱮᱥᱚᱱ ᱴᱮᱠᱱᱚᱞᱚᱡᱤ ᱫᱚ ᱑᱙᱙᱕ ᱨᱮ ᱛᱷᱟᱯᱚᱱ ᱞᱮᱱᱟ ᱟᱨ ᱩᱛᱛᱚᱨ ᱯᱨᱚᱫᱮᱥ ᱨᱮᱱ ᱜᱚᱵᱷᱚᱨᱱᱚᱨ ᱢᱳᱛᱤᱞᱟᱞ ᱵᱳᱨᱟ ᱦᱚᱛᱮᱛᱮ ᱩᱫᱽᱜᱷᱟᱴᱚᱱ ᱞᱮᱱ ᱛᱟᱦᱮᱸᱫ᱾ ᱱᱚᱣᱟ ᱫᱚ ᱥᱳᱥᱟᱭᱤᱴᱤᱡᱽ ᱨᱮᱡᱤᱥᱴᱨᱮᱥᱚᱱ ᱮᱠᱴ ᱛᱟᱹᱨᱤ ᱨᱮ ᱨᱮᱡᱤᱥᱴᱟᱨ ᱟᱠᱟᱱ ᱢᱤᱫ ᱟᱣᱩᱴᱳᱱᱳᱢᱚᱥ ᱵᱟᱝ-ᱥᱚᱨᱠᱟᱨᱤ ᱜᱟᱶᱛᱟ ᱠᱟᱱᱟ᱾
ᱟᱥᱢᱟ ᱦᱩᱥᱮᱱ ᱫᱚ ᱟᱡᱟᱜ ᱤᱱᱥᱴᱤᱴᱭᱩᱴ ᱧᱩᱛᱩᱢ ᱛᱮ ᱟᱹᱰᱤ ᱜᱟᱱ ᱯᱷᱮᱥᱚᱱ ᱥᱳ ᱮ ᱥᱟᱯᱲᱟᱣ ᱟᱠᱟᱫᱟ, ᱡᱟᱦᱟᱸ ᱨᱮ IAS ᱦᱟᱯᱛᱟ ᱑᱙᱙᱘ ᱞᱟᱹᱜᱤᱫ "ᱱᱟᱡᱟᱠᱟᱛ", ᱞᱚᱠᱷᱱᱟᱣ ᱠᱞᱚᱵᱽ ᱟᱨ ᱩᱛᱛᱚᱨ ᱯᱨᱚᱫᱮᱥ ᱠᱷᱟᱫᱤ ᱮᱱᱰ ᱵᱷᱤᱞᱮᱡᱽ ᱤᱱᱰᱚᱥᱴᱨᱤ ᱵᱳᱨᱰ ᱞᱟᱹᱜᱤᱫ "ᱠᱳᱥᱴᱩᱢᱥ ᱚᱯᱷ ᱟᱣᱟᱫᱷ" ᱥᱮᱞᱮᱫ ᱢᱮᱱᱟᱜᱼᱟ᱾ ᱑᱙᱙᱗ ᱨᱮ ᱵᱟᱨ ᱫᱤᱱ ᱞᱟᱹᱜᱤᱫ ᱢᱤᱫ ᱯᱷᱮᱥᱚᱱ ᱯᱷᱮᱥᱴᱤᱵᱷᱟᱞ ᱦᱚᱸ ᱡᱟᱦᱟᱝᱜᱤᱨᱟᱵᱟᱫᱽ ᱯᱮᱞᱮᱥ ᱨᱮ ᱟᱡ ᱦᱚᱛᱮᱛᱮ ᱥᱟᱯᱲᱟᱣ ᱞᱮᱱ ᱛᱟᱦᱮᱸᱫ᱾
ᱟᱥᱢᱟ ᱦᱩᱥᱮᱱ ᱯᱷᱮᱥᱚᱱ ᱦᱟᱣᱩᱥ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱚᱣᱟ ᱯᱷᱮᱥᱚᱱ ᱦᱟᱣᱩᱥ ᱫᱚ ᱩᱛᱛᱚᱨ ᱯᱨᱚᱫᱮᱥ ᱟᱨ ᱮᱴᱟᱜ ᱴᱚᱴᱷᱟ ᱨᱮᱱᱟᱜ ᱦᱟᱛ ᱛᱮ ᱵᱮᱱᱟᱣ ᱟᱠᱟᱱ ᱡᱤᱱᱤᱥ ᱟᱨ ᱥᱮᱴᱮᱨ ᱠᱚ ᱞᱟᱹᱜᱤᱫ ᱢᱤᱫ ᱨᱤᱴᱮᱞ ᱰᱤᱡᱟᱭᱤᱱ ᱟᱣᱩᱴᱞᱮᱴ ᱠᱟᱱᱟ᱾ ᱱᱚᱣᱟ ᱨᱮ ᱡᱟᱨᱤ ᱡᱟᱨᱫᱳᱡᱤ, ᱪᱤᱠᱟᱱ ᱠᱟᱹᱢᱤ, ᱢᱩᱠᱟᱭᱤᱥ, ᱮᱯᱞᱤᱠᱮ ᱟᱨ ᱴᱮᱞᱚᱨᱰ ᱜᱟᱨᱢᱮᱱᱴᱥ ᱞᱟᱹᱜᱤᱫ ᱢᱤᱫ ᱢᱮᱱᱩᱯᱷᱮᱠᱪᱟᱨᱤᱝ ᱭᱩᱱᱤᱴ ᱢᱮᱱᱟᱜᱼᱟ᱾ AIFT ᱨᱮᱱ ᱯᱟᱹᱴᱷᱩᱣᱟᱹ ᱠᱚ ᱯᱨᱮᱠᱴᱤᱠᱟᱞ ᱪᱮᱫ ᱦᱟᱛᱟᱣ ᱯᱨᱚᱥᱮᱥ ᱨᱮᱱᱟᱜ ᱦᱟᱹᱴᱤᱧ ᱞᱮᱠᱟᱛᱮ ᱥᱴᱩᱰᱤᱭᱳ ᱨᱮ ᱟᱠᱚᱣᱟᱜ ᱠᱟᱹᱢᱤ ᱠᱚ ᱩᱫᱩᱜ ᱥᱚᱫᱚᱨᱟ᱾