ᱟᱧᱡᱚᱞᱤ ᱯᱟᱴᱤᱞ
ᱟᱧᱡᱚᱞᱤ ᱯᱟᱴᱤᱞ ᱫᱚ ᱥᱤᱧᱚᱛ ᱨᱮᱱ ᱢᱤᱫ ᱠᱩᱲᱤ ᱟᱠᱴᱨᱮᱥ ᱠᱟᱱᱟᱭ ᱡᱟᱦᱟᱸᱭ ᱫᱚ ᱦᱤᱱᱫᱤ, ᱢᱟᱨᱟᱴᱷᱤ, ᱛᱮᱞᱩᱜᱩ ᱟᱨ ᱛᱟᱢᱤᱞ ᱯᱷᱤᱞᱢ ᱯᱨᱚᱰᱟᱠᱥᱚᱱ ᱨᱮ ᱠᱟᱹᱢᱤᱭᱟᱭ᱾ ᱩᱱᱤ ᱫᱚ ᱟᱹᱰᱤ ᱜᱟᱱ ᱥᱤᱨᱯᱷᱟᱹ ᱮ ᱧᱟᱢ ᱟᱠᱟᱫᱟ ᱚᱱᱟ ᱢᱩᱫᱽ ᱨᱮ ᱢᱤᱫ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ ᱟᱨ ᱢᱤᱫ ᱯᱷᱤᱞᱢᱯᱷᱮᱭᱟᱨ ᱢᱟᱨᱟᱴᱷᱤ ᱥᱤᱨᱯᱷᱟᱹ ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱔᱓ ᱟᱱᱟᱜ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱯᱷᱮᱥᱴᱤᱵᱟᱞ ᱚᱯᱷ ᱤᱱᱰᱤᱭᱟ ᱨᱮ ᱟᱡᱟᱜ ᱥᱨᱤᱞᱚᱝᱠᱟᱱ ᱯᱷᱤᱞᱢ ᱣᱤᱛ ᱭᱩ, ᱣᱤᱛᱷᱟᱣᱩᱴ ᱭᱩ ᱨᱮ ᱠᱟᱹᱢᱤ ᱞᱟᱹᱜᱤᱫ ᱟᱭᱤᱹᱮᱯᱷᱹᱮᱯᱷᱹᱟᱭᱤ ᱵᱮᱥᱴ ᱟᱠᱴᱚᱨ ᱥᱤᱨᱯᱷᱟᱹ (ᱛᱤᱨᱞᱟᱹ) ᱥᱤᱞᱵᱷᱟᱨ ᱯᱤᱠᱚᱠ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ᱾
ᱩᱱᱤ ᱫᱚ ᱫᱤᱞᱞᱤ ᱤᱱ ᱮ ᱰᱮ, ᱪᱟᱠᱨᱚᱵᱷᱤᱭᱩᱦ, ᱱᱭᱩᱴᱚᱱ ᱟᱨ ᱥᱨᱤᱞᱚᱝᱠᱟᱱ ᱯᱷᱤᱞᱢ ᱣᱤᱛ ᱭᱩ, ᱣᱤᱛᱷᱟᱣᱩᱴ ᱭᱩ ᱨᱮ ᱠᱟᱹᱢᱤ ᱠᱷᱟᱹᱛᱤᱨ ᱟᱹᱰᱤ ᱜᱟᱱ ᱥᱟᱨᱦᱟᱣ ᱮ ᱧᱟᱢ ᱟᱠᱟᱫᱟ᱾[᱑] ᱒᱐᱑᱓ ᱨᱮ, ᱩᱱᱤ ᱛᱮᱞᱩᱜᱩ ᱯᱷᱤᱞᱢ ᱱᱟᱟ ᱵᱟᱝᱜᱟᱨᱩ ᱛᱟᱞᱞᱤ ᱨᱮ ᱥᱴᱟᱨ ᱞᱮᱱᱟ ᱡᱟᱦᱟᱸ ᱞᱟᱹᱜᱤᱫ ᱩᱱᱤ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱥᱤᱨᱯᱷᱟᱹ – ᱵᱤᱥᱮᱥ ᱢᱮᱱᱥᱚᱱ[᱒] ᱟᱨ ᱯᱚᱱᱚᱛ ᱱᱟᱱᱫᱤ ᱥᱤᱨᱯᱷᱟᱹ ᱵᱮᱥᱴ ᱟᱠᱴᱨᱮᱥ ᱮ ᱧᱟᱢ ᱠᱮᱫᱟ᱾[᱓]
ᱩᱱᱤ ᱫᱚ ᱟᱡᱟᱜ ᱢᱟᱨᱟᱴᱷᱤ ᱯᱷᱤᱞᱢ ᱫᱟ ᱥᱟᱭᱞᱮᱱᱥ ᱞᱟᱹᱜᱤᱫ ᱵᱮᱥᱴ ᱯᱷᱤᱢᱮᱞ ᱰᱮᱵᱭᱩ ᱮ ᱡᱤᱛᱠᱟᱹᱨ ᱮᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱯᱟᱴᱤᱞ ᱫᱚ ᱢᱟᱨᱟᱴᱷᱤ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟ ᱟᱨ ᱱᱟᱥᱤᱠ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ ᱨᱮ ᱡᱟᱹᱛ ᱞᱮᱱᱟ᱾ ᱯᱟᱴᱤᱞ ᱫᱚ ᱟᱡᱟᱜ ᱪᱮᱛᱟᱱ ᱟᱥᱲᱟ ᱱᱟᱥᱤᱠ ᱨᱮ ᱯᱩᱨᱟᱹᱣ ᱠᱮᱫᱟ᱾ ᱑᱔ ᱵᱚᱭᱚᱥ ᱨᱮ, ᱩᱱᱤ ᱟᱡᱟᱜ ᱠᱟᱹᱢᱤ ᱞᱮᱠᱟᱛᱮ ᱯᱟᱨᱯᱷᱚᱨᱢᱮᱱᱥ ᱟᱨᱴ ᱯᱟᱲᱦᱟᱣ ᱨᱮᱱᱟᱜ ᱮ ᱜᱚᱴᱟ ᱠᱮᱫᱟ᱾ ᱩᱱᱤ ᱟᱡ ᱮᱸᱜᱟᱛ ᱵᱟᱵᱟᱭ ᱠᱩᱥᱤ ᱟᱫ ᱠᱤᱱᱟ ᱡᱮ ᱩᱱᱤ ᱯᱩᱱᱮ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱯᱟᱨᱯᱷᱚᱨᱢᱤᱝ ᱟᱨᱴᱥ ᱞᱟᱹᱜᱤᱫ ᱛᱟᱞᱢᱟ ᱨᱮ ᱠᱚ ᱵᱷᱮᱡᱟ ᱮᱭᱟ᱾ ᱡᱩᱱ ᱒᱐᱐᱗ ᱨᱮ, ᱩᱱᱤ ᱟᱡᱟᱜ ᱱᱟᱯᱟᱭ ᱞᱟᱹᱜᱤᱫ ᱥᱚᱱᱟ ᱢᱮᱰᱟᱞ ᱥᱟᱶ ᱟᱨᱴᱥ ᱨᱮ ᱵᱮᱪᱞᱚᱨ ᱰᱤᱜᱽᱨᱤ ᱧᱟᱢ ᱠᱮᱫᱟ᱾ ᱚᱱᱟ ᱥᱮᱨᱢᱟ ᱛᱟᱭᱚᱢ, ᱯᱟᱴᱤᱞ ᱫᱚ ᱱᱟᱶᱟ ᱫᱤᱞᱞᱤ ᱨᱮ ᱱᱮᱥᱱᱟᱞ ᱥᱠᱩᱞ ᱚᱯᱷ ᱰᱨᱟᱢᱟ ᱨᱮ ᱛᱷᱤᱭᱮᱴᱟᱨ ᱰᱤᱡᱟᱭᱤᱱ ᱨᱮ ᱢᱟᱥᱴᱟᱨᱥ ᱯᱟᱲᱦᱟᱣ ᱞᱟᱹᱜᱤᱫ ᱠᱚ ᱵᱟᱪᱷᱟᱣ ᱠᱮᱫᱮᱭᱟ᱾ ᱱᱚᱣᱟ ᱫᱚ ᱩᱱᱤ ᱥᱤᱧᱚᱛ ᱟᱨ ᱡᱮᱜᱮᱛ ᱡᱟᱹᱛᱤᱭᱟᱹᱨᱤ ᱯᱷᱤᱞᱢ ᱟᱨ ᱛᱷᱤᱭᱮᱴᱚᱨ ᱟᱠᱴᱚᱨ ᱟᱨ ᱰᱤᱨᱮᱠᱴᱚᱨ ᱠᱚ ᱥᱟᱶ ᱵᱟᱹᱲᱛᱤ ᱠᱟᱹᱢᱤ ᱨᱮᱱᱟᱜ ᱟᱹᱰᱤ ᱜᱟᱱ ᱫᱟᱣ ᱮ ᱩᱫᱩᱜ ᱟᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Gurvinder Singh bags Golden Peacock at IFFI 2012, Centenary Award to Mira Nair | DearCinema.com Archived ᱒᱒ ᱡᱟᱱᱩᱣᱟᱨᱤ ᱒᱐᱑᱓ at the Wayback Machine.
- ↑ "IndiaGlitz -". Archived from the original on 27 June 2015. Retrieved 13 October 2016.
- ↑ "Nandi Awards 2012 and 2013: Rajamouli, Ilayaraja, Samantha and Prabhas emerge winners". 1 March 2017.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ] |
ᱣᱤᱠᱤᱢᱤᱰᱤᱭᱟ ᱠᱚᱢᱚᱱᱥ ᱨᱮ Anjali Patil ᱵᱟᱵᱚᱛᱫᱽ ᱛᱮ ᱨᱮᱫ ᱢᱮᱱᱟᱜᱼᱟ ᱾. |
- ᱟᱧᱡᱚᱞᱤ ᱯᱟᱴᱤᱞ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
