ᱟᱨᱤᱡᱽ ᱪᱚᱣᱫᱷᱩᱨᱤ
| ᱟᱨᱤᱡᱽ ᱪᱚᱣᱫᱷᱩᱨᱤ | |
|---|---|
| ᱢᱩᱬ ᱧᱩᱛᱩᱢ | اریج چوہدری |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱗ ᱢᱮ ᱑᱙᱙᱗ ᱤᱥᱞᱟᱢᱟᱵᱟᱫᱽ, ᱯᱟᱠᱤᱥᱛᱟᱱ |
| ᱥᱮᱪᱮᱫ | COMSATS University Islamabad |
| ᱠᱟᱹᱢᱤ | ᱮᱠᱴᱨᱮᱥ |
| ᱠᱟᱹᱢᱤ ᱚᱠᱛᱚ | 2020 - ᱱᱤᱛ |
| ᱩᱥᱩᱞ | 167.64 cm (5 ft 6 in) |
| ᱥᱟᱧᱩᱢ | Miss Pakistan World 2020 Miss Earth Pakistan 2020 Miss Eco Pakistan 2022 Miss Global Pakistan 2022 |
| ᱪᱚᱨᱚᱠ ᱦᱮᱯᱨᱟᱣ ᱥᱤᱨᱯᱟᱹ ᱡᱤᱛᱠᱟᱹᱨᱤᱭᱟᱹ | |
| ᱞᱟᱹᱴᱩ ᱦᱮᱯᱨᱟᱣ(ᱠᱩ) | Miss Pakistan World 2020, Miss Earth 2020 |
ᱟᱨᱤᱡᱽ ᱪᱚᱣᱫᱷᱩᱨᱤ (ᱩᱨᱫᱩ: اریج چوہدری; ᱡᱟᱱᱟᱢ ᱗ ᱢᱮ ᱑᱙᱙᱗) ᱫᱚ ᱯᱟᱠᱤᱥᱛᱟᱱᱤ ᱮᱠᱴᱨᱮᱥ ᱟᱨ ᱵᱤᱭᱩᱴᱤ ᱠᱩᱭᱤᱱ ᱠᱟᱱᱟᱭ ᱾ ᱩᱱᱤ ᱫᱚ ᱢᱤᱥ ᱯᱟᱠᱤᱥᱛᱟᱱ ᱣᱟᱨᱞᱰ ᱒᱐᱒᱐ ᱨᱮᱱᱟᱜ ᱡᱤᱛᱠᱟᱹᱨᱤᱭᱟᱹ ᱠᱟᱱᱟᱭ ᱟᱨ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮᱱᱟᱜ ᱨᱮᱯᱨᱮᱡᱮᱱᱴ ᱞᱟᱹᱜᱤᱫ ᱢᱤᱥ ᱮᱨᱛᱷ ᱒᱐᱒᱐ ᱨᱮ ᱵᱷᱚᱨᱪᱩᱭᱟᱞᱤ, ᱢᱤᱥ ᱤᱠᱚ ᱤᱱᱴᱚᱨᱱᱮᱥᱱᱟᱞ ᱟᱨ ᱢᱤᱥ ᱜᱞᱚᱵᱟᱞ ᱤᱱᱴᱚᱨᱱᱮᱥᱱᱟᱞ ᱨᱮ ᱵᱷᱮᱡᱟ ᱞᱮᱫᱮᱭᱟ ᱾ ᱩᱱᱤ ᱫᱚ ᱯᱨᱚᱯᱷᱮᱥᱚᱱ ᱦᱤᱥᱟᱹᱵᱽ ᱛᱮ ᱢᱤᱫ ᱥᱟᱭᱠᱚᱞᱚᱡᱤᱥᱴ ᱦᱚᱸ ᱠᱟᱱᱟᱭ ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱤᱱᱤᱡ ᱯᱩᱭᱞᱩ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱯᱟᱠᱤᱥᱛᱟᱱ ᱨᱤᱱᱤᱡ ᱦᱟᱥᱟ ᱠᱷᱚᱱ ᱥᱚᱡᱷᱮ ᱵᱤᱭᱩᱴᱤ ᱯᱮᱡᱮᱱᱴ ᱞᱟᱹᱜᱤᱫ ᱵᱟᱪᱷᱟᱣ ᱞᱮᱫᱮᱭᱟ ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱨᱤᱡᱽ ᱪᱚᱣᱫᱷᱩᱨᱤ ᱫᱚ ᱗ ᱢᱮ ᱑᱙᱙᱗ ᱨᱮ ᱡᱮᱫᱽᱫᱟ, ᱥᱟᱣᱫᱤ ᱟᱨᱚᱵᱤᱭᱟ ᱨᱮ ᱡᱟᱱᱟᱢ ᱞᱮᱱᱟᱭ ᱾ ᱩᱱᱤ ᱫᱚ ᱡᱮᱫᱽᱫᱟ ᱨᱮ ᱥᱯᱨᱤᱝᱦᱤᱞ ᱤᱱᱴᱚᱨᱱᱮᱥᱱᱟᱞ ᱥᱠᱩᱞ ᱟᱨ ᱯᱟᱠᱤᱥᱛᱟᱱ ᱨᱮ ᱵᱞᱩᱢᱯᱷᱤᱞᱰ ᱦᱚᱞ ᱥᱠᱩᱞ ᱠᱷᱚᱱ ᱟᱡᱟᱜ ᱥᱠᱩᱞᱤᱝ ᱮ ᱠᱚᱨᱟᱣ ᱠᱮᱫᱟ ᱟᱨ ᱛᱟᱭᱚᱢ ᱛᱮ ᱥᱟᱭᱠᱚᱞᱚᱡᱤ ᱨᱮ ᱜᱨᱮᱡᱩᱮᱥᱚᱱ ᱞᱟᱹᱜᱤᱫ ᱞᱟᱦᱚᱨ ᱨᱮ ᱠᱚᱢᱥᱟᱴᱥ ᱭᱩᱱᱤᱵᱷᱟᱨᱥᱤᱴᱤ ᱨᱮ ᱧᱩᱛᱩᱢ ᱚᱞ ᱠᱮᱫᱟ ᱾
ᱟᱡᱟᱜ ᱜᱷᱟᱨᱚᱸᱡᱽ ᱨᱮᱱᱟᱜ ᱡᱚᱲᱟᱣ ᱫᱚ ᱢᱩᱞᱛᱟᱱ, ᱯᱚᱧᱡᱟᱵᱽ ᱨᱮ ᱢᱮᱱᱟᱜᱼᱟ ᱟᱨ ᱩᱱᱤ ᱫᱚ ᱮᱠᱴᱚᱨ-ᱰᱤᱨᱮᱠᱴᱚᱨ ᱦᱟᱢᱡᱟ ᱟᱞᱤ ᱟᱵᱽᱵᱟᱥᱤ ᱨᱤᱱ ᱥᱟᱹᱜᱟᱹᱭ ᱦᱚᱲ ᱠᱟᱱᱟᱭ ᱾ ᱟᱡ ᱵᱟᱵᱟ ᱫᱚ ᱫᱩᱵᱟᱭ, ᱭᱩ.ᱮ.ᱤ., ᱟᱨ ᱠᱟᱛᱟᱨ ᱨᱮ ᱴᱨᱟᱱᱥᱞᱮᱥᱚᱱ ᱠᱚᱢᱯᱟᱹᱱᱤ ᱨᱤᱱᱤᱡ ᱢᱟᱹᱞᱤᱠ ᱠᱟᱱᱟᱭ ᱾ ᱟᱨᱤᱡᱽ, ᱜᱷᱟᱨᱚᱸᱡᱽ ᱨᱤᱱᱤᱡ ᱡᱚᱛᱚ ᱠᱷᱚᱱ ᱦᱩᱰᱤᱧ ᱦᱚᱯᱚᱱ ᱮᱨᱟ, ᱟᱡᱤᱡ ᱢᱤᱫ ᱵᱚᱭᱦᱟ ᱟᱨ ᱵᱟᱨᱭᱟ ᱵᱚᱭᱦᱟ ᱢᱮᱱᱟᱜ ᱠᱤᱱᱟ, ᱩᱱᱤ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱥᱟᱶ ᱵᱟᱱᱤ ᱜᱟᱞᱟ, ᱤᱥᱞᱟᱢᱟᱵᱟᱫᱽ ᱨᱮ ᱛᱟᱦᱮᱸᱱᱟᱭ ᱾[᱒]
ᱵᱤᱭᱩᱴᱤ ᱯᱮᱡᱮᱱᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱨᱤᱡᱽ ᱪᱚᱣᱫᱷᱩᱨᱤ ᱭᱟᱜ ᱯᱮᱡᱮᱱᱴ ᱠᱟᱹᱢᱤ ᱫᱚ ᱮᱛᱚᱦᱚᱵ ᱮᱱᱟ ᱡᱚᱠᱷᱚᱱ ᱩᱱᱤ ᱫᱚ ᱒᱐᱒᱐ ᱨᱮ ᱢᱤᱥ ᱯᱟᱠᱤᱥᱛᱟᱱ ᱣᱟᱨᱞᱰ ᱯᱮᱡᱮᱱᱴ ᱞᱟᱹᱜᱤᱫ ᱟᱯᱞᱟᱭ ᱠᱮᱫᱟ ᱾
ᱪᱚᱣᱫᱷᱩᱨᱤ ᱫᱚ ᱒᱕ ᱚᱜᱚᱥᱴ, ᱒᱐᱒᱐ ᱨᱮ ᱢᱤᱥ ᱯᱟᱠᱤᱥᱛᱟᱱ ᱣᱟᱨᱞᱰ ᱨᱮᱱᱟᱜ ᱴᱟᱭᱴᱚᱞ ᱮ ᱡᱤᱛᱠᱟᱹᱨ ᱠᱮᱫᱟ, ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱤᱱᱤᱡ ᱦᱟᱥᱟ ᱠᱷᱚᱱ ᱠᱤᱨᱤᱴ ᱧᱟᱢ ᱟᱠᱟᱫ ᱯᱩᱭᱞᱩ ᱠᱩᱲᱤ ᱜᱤᱫᱽᱨᱟᱹ ᱠᱟᱱᱟᱭ,
ᱟᱨᱤᱡᱽ ᱪᱚᱣᱫᱷᱩᱨᱤ, ᱒᱕ ᱢᱮ ᱒᱐᱒᱑ ᱨᱮ ᱯᱟᱠᱤᱥᱛᱟᱱ ᱣᱟᱨᱞᱰ ᱟᱨ ᱥᱟᱭᱨᱟ ᱨᱚᱭ ᱫᱚ ᱯᱩᱭᱞᱩ ᱢᱤᱥ ᱴᱨᱟᱱᱥ ᱯᱟᱠᱤᱥᱛᱟᱱ ᱵᱮᱱᱟᱣ ᱮᱱᱟ ᱠᱤᱱ ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱢᱤᱥ ᱯᱟᱠᱤᱥᱛᱟᱱ ᱒᱐᱒᱒ ᱨᱮ ᱦᱚᱦᱚ ᱦᱩᱭ ᱞᱮᱱᱟ ᱡᱟᱦᱟᱸ ᱫᱚ ᱞᱟᱦᱚᱨ, ᱯᱟᱠᱤᱥᱛᱟᱱ ᱨᱮ ᱦᱩᱭ ᱞᱮᱱᱟ ᱟᱨ ᱢᱤᱥ ᱮᱱᱰ ᱢᱤᱥᱴᱚᱨ ᱯᱟᱠᱤᱥᱛᱟᱱ ᱜᱞᱚᱵᱟᱞ ᱠᱤᱱ ᱠᱤᱨᱤᱴ ᱠᱮᱫ ᱠᱤᱱᱟ ᱾ ᱪᱚᱣᱫᱷᱩᱨᱤ, ᱒᱐᱒᱒ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱢᱩᱬ ᱠᱷᱚᱵᱚᱨ ᱠᱟᱜᱚᱡᱽ, ᱰᱚᱱ ᱨᱮ ᱥᱮᱨᱢᱟ ᱨᱮᱱᱟᱜ ᱪᱮᱛᱟᱱ ᱠᱷᱚᱵᱚᱨ ᱨᱮ ᱡᱟᱜᱟᱭ ᱵᱮᱱᱟᱣ ᱠᱮᱫᱟ ᱾ ᱒᱐᱒᱓ ᱨᱮ, ᱩᱱᱤ ᱫᱚ ᱢᱮᱥ ᱯᱟᱠᱤᱥᱛᱟᱱ ᱣᱟᱨᱞᱰ ᱒᱐᱒᱓, ᱢᱤᱥᱮᱥ ᱯᱟᱠᱤᱥᱛᱟᱱ ᱣᱟᱨᱞᱰ ᱒᱐᱒᱓ ᱟᱨ ᱫᱚᱥᱟᱨ ᱢᱤᱥ ᱴᱨᱟᱱᱥ ᱯᱟᱠᱤᱥᱛᱟᱱ ᱒᱐᱒᱓, ᱟᱞᱤᱱᱟ ᱠᱷᱟᱱ ᱠᱤᱱ ᱠᱤᱨᱤᱴ ᱠᱮᱫ ᱠᱤᱱᱟ ᱾[᱓]
ᱪᱚᱣᱫᱷᱩᱨᱤ ᱫᱚ ᱢᱤᱥ ᱮᱨᱛᱷ ᱒᱐᱒᱐ ᱨᱮ ᱥᱮᱞᱮᱫ ᱞᱮᱱᱟ ᱡᱟᱦᱟᱸ ᱫᱚ ᱯᱮᱱᱰᱮᱢᱤᱠ ᱠᱷᱟᱹᱛᱤᱨ ᱵᱷᱚᱨᱪᱩᱭᱟᱞᱤ ᱦᱩᱭ ᱞᱮᱱᱟ ᱾ ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱟᱭ ᱴᱷᱟᱶ ᱫᱟᱲᱮᱭᱟᱫᱼᱟ ᱾
᱒᱐᱒᱒ ᱥᱮᱨᱢᱟ ᱨᱮ, ᱟᱨᱤᱡᱽ ᱫᱚ ᱢᱤᱥ ᱤᱠᱚ ᱤᱱᱴᱚᱨᱱᱮᱥᱱᱟᱞ ᱒᱐᱒᱒ ᱦᱮᱯᱨᱟᱣ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱨᱮᱯᱨᱮᱡᱮᱱᱴ ᱠᱮᱫᱟ, ᱡᱟᱦᱟᱸ ᱫᱚ ᱤᱡᱤᱯᱴ ᱨᱮ ᱦᱩᱭ ᱞᱮᱱᱟ ᱾ ᱩᱱᱤ ᱫᱚ ᱢᱤᱥ ᱤᱠᱚ ᱯᱮᱡᱮᱱᱴ ᱨᱮ ᱯᱟᱠᱤᱥᱛᱟᱱ ᱨᱮᱱᱟᱜ ᱨᱮᱯᱨᱮᱡᱮᱱᱴ ᱟᱠᱟᱫ ᱛᱮᱥᱟᱨ ᱯᱟᱠᱤᱥᱛᱟᱱᱤ ᱦᱮᱯᱨᱟᱣᱤᱭᱟᱹ ᱠᱟᱱᱟᱭ ᱾
ᱟᱨᱤᱡᱽ ᱫᱚ ᱟᱡᱟᱜ ᱯᱩᱱᱭᱟᱹ ᱯᱮᱡᱮᱱᱴ ᱟᱨ ᱛᱮᱥᱟᱨ ᱤᱱᱴᱚᱨᱱᱮᱥᱱᱟᱞ ᱯᱮᱡᱮᱱᱴ ᱨᱮ ᱦᱟᱹᱴᱤᱧ ᱮ ᱦᱟᱛᱟᱣ ᱠᱮᱫᱟ ᱢᱤᱥ ᱜᱞᱚᱵᱟᱞ ᱒᱐᱒᱒ ᱨᱮ ᱡᱟᱦᱟᱸ ᱫᱚ ᱵᱟᱞᱤ, ᱤᱱᱰᱚᱱᱮᱥᱤᱭᱟ ᱨᱮ ᱵᱟᱞᱤ ᱱᱩᱥᱟ ᱫᱩᱣᱟ ᱤᱱᱴᱚᱨᱱᱮᱥᱱᱟᱞ ᱠᱚᱱᱵᱷᱮᱱᱥᱚᱱ ᱥᱮᱱᱴᱚᱨ ᱨᱮ ᱦᱩᱭ ᱞᱮᱱᱟ ᱾
ᱮᱠᱴᱤᱝ ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱒᱐ ᱨᱮ ᱢᱤᱥ ᱯᱟᱠᱤᱥᱛᱟᱱ ᱣᱟᱨᱞᱰ ᱠᱤᱨᱤᱴ ᱦᱟᱛᱟᱣ ᱠᱟᱛᱮ ᱪᱚᱣᱫᱷᱩᱨᱤ ᱭᱟᱜ ᱮᱠᱴᱤᱝ ᱠᱮᱨᱤᱭᱟᱨ ᱫᱚ ᱮᱛᱚᱦᱚᱵ ᱮᱱᱟ ᱾[᱔] ᱟᱡᱟᱜ ᱯᱩᱭᱞᱩ ᱵᱨᱮᱠ ᱫᱚ ᱰᱨᱟᱢᱟ ᱢᱟᱦᱤ ᱛᱟᱦᱮᱸ ᱠᱟᱱᱟ ᱾
ᱯᱟᱠᱤᱥᱛᱟᱱ ᱤᱱᱰᱟᱥᱴᱨᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱚᱣᱫᱷᱩᱨᱤ ᱫᱚ ᱯᱟᱠᱤᱥᱛᱟᱱᱤ ᱰᱨᱟᱢᱟ ᱤᱱᱰᱟᱥᱴᱨᱤ ᱨᱮ ᱥᱮᱞᱮᱫ ᱮᱱᱟ ᱩᱱ ᱡᱚᱠᱷᱚᱡ ᱩᱱᱤ ᱫᱚ ᱠᱚᱢᱥᱟᱴᱥ ᱭᱩᱱᱤᱵᱷᱟᱨᱥᱤᱴᱤ, ᱞᱟᱦᱚᱨ ᱨᱮ ᱯᱟᱲᱦᱟᱣ ᱮᱫ ᱛᱟᱦᱮᱸᱱ, ᱟᱨ ᱵᱮᱞᱤ ᱜᱟᱨᱞ ᱧᱩᱛᱩᱢ ᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ ᱾ ᱩᱱᱤ ᱫᱚ ᱦᱚᱢ ᱴᱤᱵᱷᱤ ᱨᱮ ᱥᱤᱛᱟᱢ ᱞᱮᱠᱟᱱ ᱰᱨᱟᱢᱟ ᱨᱮ ᱠᱟᱹᱢᱤ ᱟᱠᱟᱫᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱤᱫ ᱱᱮᱜᱮᱴᱤᱵᱷ ᱨᱚᱞ ᱮ ᱠᱷᱮᱞ ᱟᱠᱟᱫᱟ, ᱩᱱᱤ ᱫᱚ ᱮ.ᱟᱨ.ᱣᱟᱭ. ᱰᱤᱡᱤᱴᱟᱞ ᱨᱮ ᱥᱤᱨᱟᱛ-ᱮ-ᱢᱩᱥᱛᱟᱠᱤᱢ ᱟᱨ ᱮᱠᱥᱯᱨᱮᱥ ᱮᱱᱴᱚᱨᱴᱮᱱᱢᱮᱱᱴ ᱨᱮ ᱚᱭ ᱢᱚᱛᱤ ᱨᱮᱦᱚᱸ ᱧᱮᱞ ᱟᱠᱟᱱᱟ ᱾ ᱟᱡᱟᱜ ᱯᱩᱭᱞᱩ ᱰᱨᱟᱢᱟ ᱫᱚ ᱮᱞ.ᱴᱤ.ᱮᱱ. ᱯᱷᱮᱢᱤᱞᱤ ᱪᱮᱱᱮᱞ ᱨᱮ ᱢᱟᱦᱤ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱞᱤᱰ ᱠᱮᱨᱮᱠᱴᱚᱨ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱢᱤᱫ ᱯᱚᱡᱮᱴᱤᱵᱷ ᱠᱮᱨᱮᱠᱴᱚᱨ ᱮ ᱯᱨᱚᱡᱮᱠᱴ ᱠᱮᱫᱟ ᱾ ᱩᱱᱤ ᱫᱚ ᱢᱟᱨᱪ ᱒᱐᱒᱒ ᱨᱮ ᱟᱡᱟᱜ ᱯᱩᱭᱞᱩ ᱯᱷᱤᱞᱢ ᱫᱷᱟᱭ ᱪᱟᱞ ᱯᱩᱨᱟᱹᱣ ᱠᱮᱫᱟ ᱡᱟᱦᱟᱸ ᱫᱚ ᱰᱤᱥᱮᱢᱵᱚᱨ ᱒᱐᱒᱓ ᱨᱮ ᱨᱤᱞᱤᱡᱽ ᱮᱱᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "اریج چوہدری نے مس پاکستان کا اعزاز اپنے نام کر لیا". Voice of Sindh (in ᱩᱨᱫᱤ). 2020-09-02. Archived from the original on 2021-08-18. Retrieved 2021-08-18.
- ↑ "Miss Pakistan World Areej Chaudhary reflects on her success journey" (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2024-02-05. Retrieved 2024-02-12.
- ↑ "Areej Chaudhary, the first Miss Pakistan World from the soil of Pakistan". Its South Asian (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2020-09-12. Archived from the original on 2021-10-28. Retrieved 2021-08-18.
- ↑ "Starbuzz: Beauty with Brains". 26 November 2023.
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱟᱨᱤᱡᱽ ᱪᱚᱣᱫᱷᱩᱨᱤ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Miss Pakistan World Website