ᱟᱨᱭᱟ ᱯᱟᱞᱞᱚᱢ

ᱟᱨᱭᱟ ᱯᱟᱞᱞᱚᱢ ᱫᱚ ᱠᱮᱨᱟᱞᱟ ᱨᱤᱱᱤᱡ ᱢᱤᱫ ᱥᱟᱶᱛᱟᱨᱤ ᱥᱩᱫᱷᱟᱨᱤᱭᱟᱹ, ᱠᱚᱢᱭᱩᱱᱤᱥᱴ, ᱯᱷᱮᱢᱤᱱᱤᱥᱴ ᱮ ᱛᱟᱦᱮᱸ ᱠᱟᱱᱟ,^[᱑] ᱡᱟᱦᱟᱸᱭ ᱫᱚ ᱪᱮᱛᱟᱱ ᱪᱟᱛᱟᱨ (ᱵᱽᱨᱟᱦᱢᱚᱱ) ᱛᱤᱨᱞᱟᱹ ᱠᱚᱣᱟᱜ ᱞᱟᱪᱟᱨᱦᱟᱛ ᱵᱤᱨᱩᱫᱷ ᱨᱮᱭ ᱞᱟᱹᱲᱦᱟᱹᱭ ᱞᱮᱫᱟ᱾

ᱥᱩᱫᱷᱟᱨ ᱠᱟᱹᱢᱤᱦᱚᱨᱟ

ᱟᱨᱭᱟ, ᱠᱟᱸᱡᱩᱨ ᱜᱟᱣᱨᱤ ᱟᱱᱛᱷᱮᱨᱡᱚᱱᱟᱢ, ᱠᱟᱸᱡᱩᱨ ᱠᱟᱞᱤ ᱟᱱᱛᱷᱮᱨᱡᱚᱱᱟᱢ ᱥᱟᱶᱛᱮ ᱵᱷᱤ.ᱴᱤ. ᱵᱷᱚᱴᱴᱟᱛᱷᱤᱨᱤᱯᱟᱫᱽ ᱟᱹᱭᱩᱨ ᱛᱮ ᱦᱩᱭ ᱞᱮᱱ ᱭᱟᱪᱟᱱᱟᱭᱟᱛᱨᱟ (ᱨᱮᱜᱮᱡ ᱦᱟᱲᱛᱟᱞ) ᱨᱮᱭ ᱥᱮᱞᱮᱫ ᱞᱮᱱᱟ, ᱡᱟᱦᱟᱸ ᱫᱚ ᱵᱽᱨᱟᱦᱢᱚᱱ ᱛᱤᱨᱞᱟᱹ ᱠᱚ ᱟᱠᱚᱣᱟᱜ ᱪᱚᱫᱚᱨ (ᱜᱷᱚᱥᱟ) ᱵᱚᱭᱠᱚᱴ ᱞᱟᱹᱜᱤᱫ ᱮ ᱩᱫᱽᱜᱟᱹᱣ ᱞᱮᱫ ᱠᱚᱣᱟ᱾ ᱭᱳᱜᱚᱠᱥᱮᱢᱟ ᱥᱚᱵᱷᱟ ᱨᱮᱱᱟᱜ ᱢᱤᱫ ᱡᱟᱨᱯᱟ ᱨᱮ, ᱡᱟᱦᱟᱸ ᱫᱚ ᱵᱷᱤ. ᱴᱤ. ᱵᱷᱚᱴᱴᱟᱛᱷᱤᱨᱤᱯᱟᱫᱽ ᱦᱚᱛᱮᱛᱮ ᱥᱟᱵᱚᱨᱱᱟ ᱟᱨ ᱵᱽᱨᱟᱦᱢᱚᱱ ᱛᱤᱨᱞᱟᱹ ᱠᱚᱣᱟᱜ ᱩᱛᱱᱟᱹᱣ ᱞᱟᱹᱜᱤᱫ ᱛᱷᱟᱯᱚᱱ ᱟᱠᱟᱱ ᱢᱤᱫ ᱜᱟᱶᱛᱟ, ᱵᱷᱤ.ᱴᱤ. ᱵᱷᱚᱴᱴᱟᱛᱷᱤᱨᱤᱯᱟᱫᱽ ᱟᱜ ᱚᱲᱟᱜ ᱨᱮ ᱟᱨᱭᱟ ᱯᱟᱞᱞᱚᱢ ᱟᱨ ᱯᱟᱨᱵᱷᱚᱛᱤ ᱱᱮᱱᱢᱮᱱᱤᱢᱟᱝᱜᱟᱞᱟᱢ ᱟᱜ ᱟᱹᱭᱩᱨ ᱛᱮ ᱠᱟᱫᱽᱡᱟᱱ ᱪᱷᱟᱛᱟ (ᱢᱟᱨᱟᱠᱩᱰᱟ) ᱵᱚᱭᱠᱚᱴ ᱞᱟᱹᱜᱤᱫ ᱢᱤᱫ ᱨᱮᱡᱚᱞᱩᱥᱚᱱ ᱯᱟᱥ ᱞᱮᱱᱟ, ᱡᱟᱦᱟᱸ ᱫᱚ ᱵᱽᱨᱟᱦᱢᱚᱱ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱯᱚᱛᱤᱵᱽᱨᱚᱛᱟ ᱨᱮᱱᱟᱜ ᱪᱤᱱᱦᱟᱹ ᱞᱮᱠᱟᱛᱮ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱟᱨ ᱠᱟᱫᱽᱡᱟᱱ ᱪᱷᱟᱛᱟ ᱵᱮᱜᱚᱨ ᱢᱤᱫ ᱨᱟᱹᱞᱤ ᱠᱚ ᱚᱰᱚᱠ ᱞᱮᱫᱟ᱾ ᱱᱚᱣᱟ ᱫᱚ ᱛᱟᱞᱤᱯᱟᱨᱟᱢᱵᱟ ᱥᱮᱥᱚᱱ ᱨᱮ ᱦᱚᱸ ᱟᱹᱭᱫᱟᱹᱨᱤ ᱞᱮᱱᱟ, ᱡᱟᱦᱟᱸ ᱨᱮ ᱯᱟᱨᱵᱷᱚᱛᱤ ᱱᱮᱱᱢᱟᱱᱤᱢᱟᱝᱜᱟᱞᱟᱢ, ᱟᱨᱭᱟᱯᱟᱞᱞᱚᱢ ᱟᱨ ᱫᱮᱵᱟᱠᱤ ᱱᱟᱨᱤᱠᱟᱴᱴᱟᱨᱤ ᱫᱚ ᱜᱷᱚᱥᱟ (ᱪᱚᱫᱚᱨ) ᱠᱚ ᱵᱚᱭᱠᱚᱴ ᱞᱮᱫᱟ ᱟᱨ ᱠᱚ ᱞᱟᱹᱭ ᱥᱚᱫᱚᱨ ᱞᱮᱫᱟ ᱡᱮ ᱯᱚᱛᱤᱵᱽᱨᱚᱛᱟ ᱫᱚ "ᱢᱟᱨᱟᱠᱩᱰᱟ" ᱨᱮ ᱵᱟᱹᱱᱩᱜᱼᱟ ᱟᱨ ᱩᱱᱠᱩ ᱚᱱᱟ ᱠᱚ ᱨᱟᱹᱯᱩᱫ ᱞᱮᱫᱟ᱾ ᱩᱱᱠᱩ ᱫᱚ ᱮᱴᱟᱜ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱞᱮᱠᱟ ᱥᱟᱹᱲᱤ ᱦᱚᱸ ᱠᱚ ᱦᱚᱨᱚᱜ ᱮᱦᱚᱵ ᱞᱮᱫᱟ᱾

ᱠᱮ. ᱮᱱ. ᱠᱩᱴᱴᱟᱱ ᱱᱟᱢᱵᱩᱫᱤᱨᱤ ᱟᱹᱭᱩᱨ ᱛᱮ ᱦᱩᱭ ᱞᱮᱱ ᱭᱳᱜᱚᱠᱥᱮᱢᱟ ᱥᱚᱵᱷᱟ ᱨᱮᱱᱟᱜ ᱯᱟᱡᱷᱩᱨ ᱥᱮᱥᱚᱱ ᱨᱮ, ᱟᱨᱭᱟ ᱫᱚ 'ᱟᱱᱛᱷᱟᱯᱩᱨᱟ ᱢᱟᱨᱫᱟᱱᱟᱱᱤᱥᱟᱱᱟᱢ' ᱧᱩᱛᱩᱢᱟᱱ ᱢᱤᱫ ᱨᱮᱡᱚᱞᱩᱥᱚᱱ ᱮ ᱩᱫᱩᱜ ᱞᱮᱫᱟ; ᱡᱟᱦᱟᱸ ᱨᱮᱱᱟᱜ ᱥᱟᱶᱦᱮᱫᱤᱭᱟᱹ ᱛᱚᱨᱡᱚᱢᱟ ᱫᱚ ᱚᱲᱟᱜ ᱵᱷᱤᱛᱨᱤ ᱨᱮᱱᱟᱜ ᱞᱟᱪᱟᱨᱦᱟᱛ ᱵᱚᱸᱫᱽ ᱠᱟᱱᱟ᱾ ᱩᱱᱤ ᱯᱤ. ᱯᱨᱤᱭᱟᱫᱟᱛᱛᱟ, ᱤ.ᱮᱥ. ᱥᱚᱨᱚᱥᱣᱚᱛᱤ, ᱟᱭ.ᱥᱤ. ᱯᱨᱤᱭᱟᱫᱟᱛᱛᱟ, ᱨᱮᱢᱟ ᱛᱷᱟᱢᱯᱩᱨᱟᱴᱴᱤ ᱟᱨ ᱤᱱᱫᱷᱤᱨᱟ ᱛᱷᱟᱢᱯᱩᱨᱟᱴᱴᱤ ᱥᱟᱶᱛᱮ ᱯᱟᱞᱤᱭᱟᱢ ᱥᱚᱛᱭᱟᱜᱨᱚᱦᱚ (᱑᱙᱔᱗-᱔᱘) ᱨᱮ ᱢᱩᱬᱩᱛ ᱨᱳᱞ ᱮ ᱠᱷᱮᱞ ᱞᱮᱫᱟ᱾^[᱒]

ᱟᱨᱭᱟ ᱯᱟᱞᱞᱚᱢ ᱫᱚ ᱢᱟᱞᱟᱵᱟᱨ ᱦᱚᱱᱚᱛ ᱵᱳᱨᱰ ᱨᱤᱱᱤᱡ ᱵᱟᱪᱷᱟᱣ ᱟᱠᱟᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱟᱛᱷᱩᱢᱩᱨᱤ ᱟᱱᱫᱚᱲ ᱨᱤᱱᱤᱡ ᱦᱚᱸ ᱟᱹᱭᱩᱨᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾

ᱩᱱᱤ ᱫᱚ ᱠᱮᱨᱟᱞᱟ ᱵᱽᱨᱟᱦᱢᱚᱱ ᱟᱨ ᱥᱟᱵᱚᱨᱱᱟ ᱛᱤᱨᱞᱟᱹ ᱠᱚ ᱢᱩᱫᱽ ᱨᱮ ᱯᱩᱭᱞᱩ ᱵᱟᱹᱭᱨᱟᱹ ᱵᱟᱯᱞᱟ ᱨᱮᱱᱟᱜ ᱵᱮᱵᱚᱥᱛᱟ ᱵᱮᱱᱟᱣ ᱨᱮ ᱢᱩᱬᱩᱛ ᱮ ᱛᱟᱦᱮᱸ ᱠᱟᱱᱟ᱾ ᱮᱢ.ᱟᱨ. ᱵᱷᱚᱴᱴᱟᱛᱷᱤᱨᱤᱯᱟᱫᱽ ᱟᱨ ᱟᱡᱤᱡ ᱮᱨᱟ ᱫᱚ ᱵᱟᱯᱞᱟ ᱛᱟᱭᱚᱢ ᱠᱤᱪᱷᱩ ᱚᱠᱛᱚ ᱞᱟᱹᱜᱤᱫ ᱯᱟᱞᱞᱚᱢ ᱜᱷᱟᱨᱚᱸᱡᱽ ᱥᱟᱶ ᱠᱤᱱ ᱛᱟᱦᱮᱸ ᱠᱟᱱᱟ᱾^[᱓]

ᱯᱟᱨᱥᱚᱱᱟᱞ ᱞᱟᱭᱤᱯᱷ

ᱟᱨᱭᱟ ᱯᱟᱞᱞᱚᱢ ᱫᱚ ᱠᱨᱤᱥᱱᱟᱱ ᱱᱟᱢᱵᱩᱛᱷᱤᱨᱤ ᱥᱟᱶ ᱮ ᱵᱟᱯᱞᱟ ᱞᱮᱱᱟ᱾ ᱩᱱᱤ ᱫᱚ ᱯᱩᱨᱟᱹ ᱚᱠᱛᱚ ᱠᱚᱢᱭᱩᱱᱤᱥᱴ ᱯᱟᱨᱴᱤ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱨᱮᱱ ᱯᱩᱱᱭᱟᱹ ᱜᱤᱫᱽᱨᱟᱹ ᱠᱚ ᱛᱟᱦᱮᱸ ᱠᱟᱱᱟ, ᱯᱮᱭᱟ ᱠᱩᱲᱤ ᱟᱨ ᱢᱤᱫ ᱠᱚᱲᱟ᱾ ᱠᱚᱲᱟ ᱜᱤᱫᱽᱨᱟᱹ ᱫᱚ ᱜᱤᱫᱽᱨᱟᱹ ᱩᱢᱮᱨ ᱨᱮᱭ ᱜᱚᱡ ᱮᱱᱟ᱾

ᱥᱟᱹᱠᱷᱭᱟᱹᱛ

↑ Staff Reporter (2012-02-06). "Women who made a difference". The Hindu (in Indian English). ISSN 0971-751X. Retrieved 2018-08-10.
↑ M.B., Smina (2014). "Paliyam Satyagraha: A Struggle for Public Domain" (PDF). VISTAS. 3: 65–69. Archived from the original (PDF) on 11 August 2018. Retrieved 10 August 2018.
↑ jdevika (2020-08-29). "Remembering Arya Pallom: Devaki Nilayangode". Swatantryavaadini (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2021-05-28.

ᱵᱟᱦᱨᱮ ᱡᱚᱱᱚᱲ

[1] Staff Reporter (2012-02-06). "Women who made a difference". The Hindu (in Indian English). ISSN 0971-751X. Retrieved 2018-08-10.

[2] M.B., Smina (2014). "Paliyam Satyagraha: A Struggle for Public Domain" (PDF). VISTAS. 3: 65–69. Archived from the original (PDF) on 11 August 2018. Retrieved 10 August 2018.

[:0-3] vika (2020-08-29). "Remembering Arya Pallom: Devaki Nilayangode". Swatantryavaadini (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). Retrieved 2021-05-28.

[᱑]

[᱒]

[᱓]