ᱨᱩᱵᱮᱱ ᱨᱩᱥᱮᱱ ᱠᱤᱥᱠᱩ
| ᱨᱩᱵᱮᱱ ᱨᱩᱥᱮᱱ ᱠᱤᱥᱠᱩ ᱨᱟᱯᱟᱡᱽ Ruben Rosen Kisku Rapaz | |
|---|---|
| ᱢᱩᱬ ᱧᱩᱛᱩᱢ | ᱨᱩᱵᱮᱱ ᱨᱩᱥᱮᱱ ᱠᱤᱥᱠᱩ |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | ᱥᱟᱱᱛᱟᱲ ᱯᱟᱨᱜᱟᱱᱟ |
| ᱮᱴᱟᱜ ᱧᱩᱛᱩᱢ | ᱟᱨ. ᱟᱨ. ᱠᱮ. ᱨᱟᱯᱟᱡᱽ |
| ᱥᱮᱪᱮᱫ | ᱞᱟᱯᱷᱟᱝ ᱥᱮᱪᱮᱫ |
| ᱠᱟᱹᱢᱤ | ᱛᱚᱨᱡᱚᱢᱟᱭᱤᱡ |
| ᱧᱩᱢᱦᱟᱞᱟᱝ ᱠᱟᱹᱢᱤ |
|
ᱨᱩᱵᱮᱱ ᱨᱩᱥᱮᱱ ᱠᱤᱥᱠᱩ ᱨᱟᱯᱟᱡᱽ (Ruben Rosen Kisku Rapaz) ᱫᱚ ᱞᱟᱯᱷᱟᱝ ᱥᱮᱪᱮᱫ ᱮ ᱧᱟᱢ ᱞᱮᱫ ᱢᱤᱥᱚᱱᱟᱨᱤ ᱡᱩᱜᱽ ᱨᱮᱱ ᱢᱤᱫ ᱧᱩᱛᱩᱢᱟᱱ ᱦᱚᱲ ᱮ ᱛᱟᱦᱮᱸ ᱠᱟᱱᱟ᱾ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱ ᱱᱩᱭ ᱦᱚᱲ ᱫᱚ ᱛᱚᱨᱡᱚᱢᱟᱭᱤᱡ ᱞᱮᱠᱟᱛᱮ ᱧᱩᱛᱩᱢ ᱮ ᱦᱟᱢᱮᱴ ᱞᱮᱫᱼᱟ᱾ ᱥᱟᱱᱛᱟᱲᱤ ᱥᱟᱶᱦᱮᱫ ᱨᱮ ᱫᱚ ᱩᱱᱤ ᱟᱨ. ᱟᱨ. ᱠᱮ. ᱨᱟᱯᱟᱡᱽ ᱧᱩᱛᱩᱢ ᱛᱮᱜᱮ ᱵᱟᱹᱲᱛᱤ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾[᱑]
ᱨᱚᱵᱚᱨᱴ ᱠᱟᱥᱴᱮᱭᱟᱨᱥ (Robert Carstairs) ᱫᱚ ᱑᱘᱘᱕ ᱥᱟᱞ ᱠᱷᱚᱱ ᱑᱘᱙᱘ ᱥᱟᱞ ᱦᱟᱹᱵᱤᱡ ᱥᱟᱱᱛᱟᱲ ᱯᱟᱨᱜᱟᱱᱟ ᱨᱮᱱ ᱰᱮᱯᱩᱴᱤ ᱠᱚᱢᱤᱥᱚᱱᱟᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱱᱚᱣᱟ ᱯᱚᱫᱽ ᱨᱮ ᱛᱟᱦᱮᱸᱱ ᱚᱠᱛᱚ ᱜᱮ ᱱᱚᱣᱟ ᱴᱚᱴᱷᱟ ᱨᱮ ᱦᱩᱭ ᱞᱮᱱ ᱥᱟᱱᱛᱟᱲ ᱦᱩᱞ ᱪᱮᱛᱟᱱ ᱴᱮᱦᱟᱸᱰ ᱠᱟᱛᱮ ᱢᱤᱫᱴᱟᱹᱝ ᱜᱟᱢᱟᱢ ᱮ ᱚᱞ ᱞᱮᱫᱼᱟ᱾ ᱤᱝᱨᱟᱹᱡᱤ ᱛᱮ ᱚᱞ ᱟᱠᱟᱱ ᱱᱚᱣᱟ ᱜᱟᱢᱟᱢ ᱨᱮᱭᱟᱜ ᱧᱩᱛᱩᱢ ᱫᱚ "HARMAS VILLAGE"᱾ ᱱᱚᱣᱟ ᱜᱟᱢᱟᱢ ᱫᱚ ᱯᱩᱠᱷᱩᱨᱤᱭᱟᱹ ᱨᱮᱭᱟᱜ ᱥᱟᱱᱛᱟᱲ ᱢᱤᱥᱚᱱ ᱯᱨᱮᱥ ᱠᱷᱚᱱ ᱑᱙᱓᱕ ᱥᱟᱞᱮ ᱨᱮ ᱯᱚᱛᱚᱵ ᱞᱮᱠᱟᱛᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱢᱟᱨᱟᱝ ᱜᱟᱢᱟᱢ ᱫᱚ ᱨᱩᱵᱮᱱ ᱨᱩᱥᱮᱱ ᱠᱤᱥᱠᱩ ᱨᱟᱯᱟᱡᱽ ᱥᱟᱱᱛᱟᱲᱤ ᱛᱮᱭ ᱛᱚᱨᱡᱚᱢᱟ ᱠᱮᱫᱼᱟ ᱟᱨ ᱧᱩᱛᱩᱢ ᱫᱚ "ᱦᱟᱲᱢᱟᱣᱟᱜ ᱟᱛᱳ" ᱮ ᱫᱚᱦᱚ ᱠᱮᱫᱼᱟ᱾ ᱛᱚᱨᱡᱚᱢᱟ ᱟᱠᱟᱱ ᱱᱚᱣᱟ ᱯᱚᱛᱚᱵ ᱫᱚ ᱠᱚᱞᱠᱟᱛᱟ ᱨᱮᱭᱟᱜ ᱟᱯᱟᱨ ᱥᱟᱨᱠᱩᱞᱟᱨ ᱨᱳᱰ ᱨᱮ ᱢᱮᱱᱟᱜ ᱯᱨᱤᱱᱴᱤᱝ ᱦᱟᱣᱩᱥ ᱠᱷᱚᱱ ᱑᱙᱔᱖ ᱥᱟᱞᱮ ᱨᱮ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾ ᱱᱚᱣᱟ ᱨᱮᱱ ᱯᱟᱨᱥᱟᱞᱤᱭᱟᱹ ᱫᱚᱠᱚ ᱛᱟᱦᱮᱸ ᱠᱟᱱᱟ ᱥᱟᱱᱛᱟᱲ ᱮᱰᱩᱠᱮᱥᱚᱱ ᱠᱚᱢᱤᱴᱤ, ᱫᱩᱢᱠᱟᱹ, ᱥᱟᱱᱛᱟᱲ ᱯᱟᱨᱜᱟᱱᱟ᱾ ᱜᱟᱢᱟᱢ ᱠᱟᱱ ᱨᱮᱦᱚᱸ ᱱᱚᱣᱟ ᱯᱚᱛᱚᱵ ᱠᱷᱚᱱ ᱥᱤᱫᱚ-ᱠᱟᱹᱱᱦᱩ ᱟᱜ ᱟᱹᱭᱩᱨ ᱛᱮ ᱦᱩᱭ ᱞᱮᱱ ᱥᱟᱱᱛᱟᱲ ᱦᱩᱞ ᱨᱮᱭᱟᱜ ᱥᱟᱶᱛᱟ ᱟᱹᱨᱤ, ᱨᱟᱡᱽᱼᱟᱹᱨᱤ ᱠᱟᱛᱷᱟ ᱠᱚ ᱟᱭᱢᱟ ᱵᱟᱰᱟᱭ ᱧᱟᱢᱚᱜᱼᱟ᱾ ᱱᱚᱣᱟ ᱞᱮᱠᱟ ᱛᱮ ᱯᱚᱛᱚᱵ ᱨᱮᱭᱟᱜ ᱡᱩᱫᱟᱹ ᱜᱩᱱ ᱢᱟᱹᱱ ᱢᱮᱱᱟᱜᱼᱟ, ᱚᱱᱟ ᱨᱮ ᱫᱚ ᱪᱮᱫ ᱫᱤᱜᱽᱫᱷᱟᱹ ᱵᱟᱹᱱᱩᱜᱼᱟ᱾[᱒]
ᱞᱟᱹᱭ ᱛᱚᱨᱟ ᱞᱟᱹᱠ ᱠᱟᱱᱟ, ᱧᱩᱛᱩᱢᱟᱱ ᱦᱚᱲ ᱥᱩᱵᱚᱞ ᱢᱟᱨᱰᱤ I.A.S. ᱥᱚᱨᱠᱟᱨᱤ ᱪᱮᱛᱟᱱ ᱦᱩᱫᱟᱹ ᱨᱮ ᱛᱟᱦᱮᱸᱱ ᱚᱠᱛᱚ ᱱᱚᱣᱟ ᱢᱟᱨᱟᱝ ᱜᱟᱢᱟᱢ ᱨᱮᱭᱟᱜ ᱵᱟᱝᱞᱟ ᱛᱚᱨᱡᱚᱢᱟᱭ ᱠᱚᱨᱟᱣ ᱞᱮᱫᱼᱟ᱾ ᱧᱩᱛᱩᱢ ᱮ ᱫᱚᱦᱚ ᱞᱮᱫᱟ "ᱦᱟᱲᱢᱟᱨ ᱜᱨᱟᱢ"᱾ ᱱᱚᱣᱟ ᱯᱚᱛᱚᱵ ᱫᱚ ᱩᱱᱤᱭᱟᱜ ᱜᱩᱨ ᱛᱟᱭᱚᱢ ᱪᱷᱟᱯᱟ ᱥᱚᱫᱚᱨ ᱞᱮᱱᱟ᱾[᱓]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ. ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. ᱑᱗᱕.
{{cite book}}:|access-date=requires|url=(help) - ↑ ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ. ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. ᱑᱗᱕.
{{cite book}}:|access-date=requires|url=(help) - ↑ ᱦᱮᱢᱵᱽᱨᱚᱢ, ᱯᱚᱨᱤᱢᱚᱞ. ᱥᱟᱶᱛᱟᱞᱤ ᱥᱟᱦᱤᱛᱛᱮᱨ ᱤᱛᱤᱦᱟᱥ. ᱱᱤᱨᱢᱚᱞ ᱵᱩᱠ ᱮᱡᱮᱱᱥᱤ. p. ᱑᱗᱕.
{{cite book}}:|access-date=requires|url=(help)