ᱟᱪᱟᱞᱟ ᱥᱟᱪᱫᱮᱵᱽ
ᱟᱪᱟᱞᱟ ᱥᱟᱪᱫᱮᱵᱽ (᱓ ᱢᱮ ᱑᱙᱒᱐ – ᱓᱐ ᱮᱯᱨᱤᱞ ᱒᱐᱑᱒) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱦᱤᱱᱫᱤ ᱯᱟᱹᱨᱥᱤ ᱯᱷᱤᱞᱢ ᱤᱱᱰᱟᱥᱴᱨᱤ ᱨᱮᱱᱟᱜ ᱠᱞᱟᱥᱤᱠ ᱯᱷᱤᱞᱢ ᱨᱮ ᱧᱮᱞ ᱞᱮᱱᱟ, ᱡᱟᱦᱟᱸᱭ ᱫᱚ ᱟᱡᱟᱜ ᱠᱟᱹᱢᱤ ᱢᱤᱫ ᱜᱤᱫᱽᱨᱟᱹ ᱮᱠᱴᱚᱨ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱫᱟ᱾ ᱛᱟᱭᱚᱢ ᱛᱮ ᱩᱱᱤ ᱦᱤᱱᱫᱤ ᱯᱷᱤᱞᱢ ᱨᱮ ᱮᱸᱜᱟᱛ ᱟᱨ ᱦᱟᱲᱟᱢ ᱮᱸᱜᱟᱛ ᱨᱳᱞ ᱞᱟᱹᱜᱤᱫ ᱵᱟᱰᱟᱭ ᱮᱱᱟᱭ᱾ ᱟᱡᱟᱜ ᱟᱹᱰᱤ ᱩᱭᱦᱟᱹᱨ ᱫᱚᱦᱚ ᱞᱮᱠᱟᱱ ᱨᱳᱞ ᱣᱟᱠᱛ ᱨᱮ ᱵᱟᱞᱨᱟᱡ ᱥᱟᱦᱱᱤ ᱟᱜ ᱮᱨᱟ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ (᱑᱙᱖᱕) ᱟᱨ ᱫᱤᱞᱣᱟᱞᱮ ᱫᱩᱞᱦᱟᱱᱤᱭᱟ ᱞᱮ ᱡᱟᱟᱭᱮᱸᱜᱮ ᱨᱮ ᱠᱟᱡᱚᱞ ᱟᱜ ᱦᱟᱲᱟᱢ ᱮᱸᱜᱟᱛ (᱑᱙᱙᱕)᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱪᱟᱞᱟ ᱥᱟᱪᱫᱮᱵᱽ ᱓ ᱢᱮ ᱑᱙᱒᱐ ᱥᱟᱞ ᱨᱮ ᱯᱮᱥᱟᱣᱟᱨ ᱨᱮ ᱡᱟᱱᱟᱢ ᱞᱮᱱᱟᱭ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱪᱟᱞᱟ ᱵᱷᱟᱨᱚᱛ ᱨᱮᱭᱟᱜ ᱦᱟᱹᱴᱤᱧ ᱢᱟᱲᱟᱝ ᱟᱞ ᱤᱱᱰᱤᱭᱟ ᱨᱮᱰᱤᱭᱳ, ᱞᱟᱦᱳᱨ ᱟᱨ ᱛᱚᱵᱮ ᱫᱤᱞᱞᱤ ᱟᱞ ᱤᱱᱰᱤᱭᱟ ᱨᱮᱰᱤᱭᱳ ᱞᱟᱹᱜᱤᱫ ᱠᱟᱹᱢᱤ ᱞᱮᱫᱟ᱾ ᱟᱪᱟᱞᱟ ᱯᱷᱮᱥᱟᱱᱮᱵᱟᱞ ᱣᱟᱭᱤᱯᱷ (᱑᱙᱓᱘) ᱥᱟᱶ ᱟᱡᱟᱜ ᱯᱷᱤᱞᱢ ᱮᱛᱚᱦᱚᱵ ᱮ ᱵᱮᱱᱟᱣ ᱠᱮᱫᱟ, ᱟᱨ ᱑᱓᱐ ᱠᱷᱚᱱ ᱵᱟᱹᱲᱛᱤ ᱦᱤᱱᱫᱤ ᱯᱷᱤᱞᱢ ᱨᱮ ᱮᱠᱴᱤᱝ ᱠᱮᱫᱟ᱾ ᱩᱱᱤ ᱟᱭᱢᱟ ᱭᱟᱥ ᱨᱟᱡ ᱯᱷᱤᱞᱢ ᱨᱮ ᱠᱟᱹᱢᱤ ᱟᱠᱟᱫᱟ, ᱭᱟᱥ ᱪᱳᱯᱲᱟ ᱭᱟᱜ ᱯᱩᱭᱞᱩ ᱯᱨᱳᱰᱟᱠᱥᱚᱱ ᱫᱟᱟᱜᱽ ᱯᱷᱤᱞᱢ: ᱮ ᱯᱳᱭᱮᱢ ᱚᱯᱷ ᱞᱟᱵᱷ (᱑᱙᱗᱓) ᱟᱨ ᱪᱟᱱᱫᱽᱱᱤ (᱑᱙᱘᱙) ᱟᱨ ᱫᱤᱞᱣᱟᱞᱮ ᱫᱩᱞᱦᱟᱱᱤᱭᱟ ᱞᱮ ᱡᱟᱟᱭᱮᱸᱜᱮ (᱑᱙᱙᱕) ᱞᱮᱠᱟᱱ ᱯᱷᱤᱞᱢ ᱨᱮ᱾ ᱟᱡᱟᱜ ᱮᱴᱟᱜ ᱠᱟᱛᱷᱟ ᱠᱚ ᱫᱚᱦᱚᱭ ᱞᱮᱠᱟᱱ ᱯᱷᱤᱞᱢ ᱯᱨᱮᱢ ᱯᱩᱡᱟᱟᱨᱤ, ᱢᱮᱨᱟ ᱱᱟᱟᱢ ᱡᱳᱠᱟᱨ, ᱦᱟᱨᱮ ᱨᱟᱟᱢᱟ ᱦᱟᱨᱮ ᱠᱨᱩᱥᱱᱟ ᱟᱨ ᱟᱟᱱᱫᱟᱟᱡᱽ ᱛᱟᱦᱮᱸ ᱠᱟᱱᱟ, ᱤᱝᱜᱽᱞᱤᱥ ᱯᱷᱤᱞᱢ ᱨᱮ ᱠᱟᱹᱢᱤ ᱵᱮᱜᱚᱨ ᱡᱮᱞᱮᱠᱟ ᱢᱟᱨᱠ ᱨᱳᱵᱽᱥᱚᱱ ᱟᱜ ᱱᱟᱭᱤᱱ ᱟᱣᱟᱨᱥ ᱴᱩ ᱨᱟᱟᱢᱟ (᱑᱙᱖᱓) ᱟᱨ ᱢᱟᱨᱪᱮᱸᱴ ᱟᱭᱵᱷᱟᱨᱤ ᱭᱟᱜ ᱫᱟ ᱦᱟᱣᱩᱥᱦᱳᱞᱰᱟᱨ (᱑᱙᱖᱓)᱾ ᱢᱮᱱᱠᱷᱟᱱ, ᱟᱡᱟᱜ ᱟᱹᱰᱤ ᱵᱟᱹᱲᱛᱤ ᱠᱟᱛᱷᱟ ᱫᱚᱦᱚ ᱞᱮᱠᱟᱱ ᱨᱳᱞ ᱣᱟᱠᱛ (᱑᱙᱖᱕) ᱨᱮ ᱵᱟᱞᱨᱟᱡ ᱥᱟᱦᱱᱤ ᱟᱜ ᱮᱨᱟ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ,[᱑] ᱚᱠᱟ ᱨᱮ ᱦᱤᱴ ᱥᱮᱨᱮᱧ ᱮ ᱢᱮᱨᱤ ᱡᱳᱦᱨᱟ ᱡᱟᱟᱵᱤᱱ ᱟᱡ ᱪᱮᱛᱟᱱ ᱨᱮ ᱪᱤᱛᱨᱟᱝᱠᱟᱱ ᱞᱮᱱᱟ᱾[᱒]
ᱱᱤᱡᱮᱨ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱪᱟᱞᱟ ᱠᱞᱤᱯᱷᱚᱨᱰ ᱰᱚᱜᱽᱞᱟᱥ ᱯᱤᱴᱟᱨᱥ ᱥᱟᱶ ᱵᱟᱯᱞᱟ ᱛᱟᱭᱚᱢ ᱯᱩᱱᱮ ᱨᱮᱱ ᱨᱮᱡᱤᱰᱮᱱᱴ ᱮ ᱵᱮᱱᱟᱣ ᱮᱱᱟ, ᱚᱠᱟ ᱨᱮ ᱯᱩᱱᱮ ᱨᱮᱭᱟᱜ ᱵᱷᱳᱥᱟᱨᱤ ᱤᱱᱰᱟᱥᱴᱨᱤᱭᱟᱞ ᱤᱥᱴᱮᱴ ᱨᱮ ᱢᱳᱨᱤᱥ ᱤᱞᱮᱠᱴᱨᱳᱱᱤᱠᱥ ᱧᱩᱛᱩᱢᱟᱱ ᱟᱡᱟᱜ ᱢᱤᱫ ᱯᱷᱮᱠᱴᱟᱨᱤ ᱛᱟᱦᱮᱸ ᱠᱟᱱᱟ, ᱱᱚᱣᱟ ᱰᱟᱭᱳᱰ ᱞᱮᱠᱟᱱ ᱠᱟᱹᱴᱤᱡ ᱤᱞᱮᱠᱴᱨᱳᱱᱤᱠᱥ ᱦᱟᱹᱴᱤᱧ ᱮ ᱯᱨᱚᱰᱭᱩᱥ ᱮᱫ ᱛᱟᱦᱮᱸᱱ᱾ ᱛᱟᱭᱚᱢ ᱛᱮ ᱯᱷᱮᱠᱴᱟᱨᱤ ᱯᱤᱨᱟᱢᱟᱞ ᱜᱩᱴ ᱠᱚ ᱵᱟᱹᱠᱷᱨᱤ ᱠᱟᱫᱟ᱾ ᱟᱨ ᱦᱚᱸ ᱯᱷᱤᱞᱢᱤ ᱢᱳᱰ ᱨᱮ, ᱥᱟᱪᱫᱮᱵᱽ ᱫᱚ ᱯᱤᱴᱟᱨᱥ ᱥᱟᱶ ᱢᱩᱢᱵᱟᱭ ᱨᱮ ᱢᱤᱫ ᱯᱷᱤᱞᱢ ᱨᱮᱭᱟᱜ ᱥᱮᱴ ᱨᱮ ᱭᱟᱥ ᱪᱳᱯᱲᱟ ᱦᱚᱛᱮᱛᱮ ᱩᱫᱩᱜ ᱦᱩᱭ ᱞᱮᱱᱟ᱾ ᱯᱤᱴᱟᱨᱥ ᱤᱡ ᱯᱩᱭᱞᱩ ᱮᱨᱟ ᱩᱱ ᱡᱚᱠᱷᱚ ᱜᱩᱨ ᱞᱮᱱ ᱛᱟᱦᱮᱸᱱ ᱟᱨ ᱥᱟᱪᱫᱮᱵᱽ ᱟᱡ ᱛᱮᱦᱚᱸ ᱢᱤᱫ ᱰᱤᱵᱷᱳᱨᱥᱤ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱠᱤᱱ ᱵᱟᱯᱞᱟ ᱮᱱᱟᱠᱤᱱ᱾ ᱢᱤᱫ ᱢᱮᱠᱟᱱᱤᱠᱟᱞ ᱤᱸᱡᱤᱱᱤᱭᱟᱨ, ᱯᱤᱴᱟᱨᱥ ᱟᱜ ᱵᱷᱳᱥᱟᱨᱤ ᱨᱮ ᱢᱤᱫ ᱯᱷᱮᱠᱴᱟᱨᱤ ᱛᱟᱦᱮᱸ ᱠᱟᱱᱟ ᱟᱨ ᱱᱩᱠᱤᱱ ᱡᱩᱨᱤ ᱦᱟᱰᱟᱯᱥᱟᱨ ᱛᱮ ᱥᱤᱯᱴᱤᱝ ᱞᱟᱦᱟᱨᱮ ᱠᱤᱪᱷᱩ ᱚᱠᱛᱚ ᱞᱟᱹᱜᱤᱫ ᱚᱱᱟ ᱮᱨᱤᱭᱟ ᱨᱮ ᱢᱮᱱᱟᱜ ᱢᱤᱫ ᱵᱟᱸᱜᱽᱞᱳ ᱨᱮ ᱠᱤᱱ ᱵᱟᱥᱟ ᱞᱮᱱ ᱛᱟᱦᱮᱸᱱ᱾ ᱯᱤᱴᱟᱨᱥ ᱜᱩᱨ ᱛᱟᱭᱚᱢ, ᱟᱪᱟᱞᱟ ᱮᱠᱞᱟ ᱜᱮᱭ ᱛᱟᱦᱮᱸ ᱮᱱᱟ᱾ ᱟᱡᱟᱜ ᱜᱩᱨ ᱠᱷᱚᱱ ᱢᱚᱬᱮ ᱥᱮᱨᱢᱟ ᱢᱟᱲᱟᱝ, ᱩᱱᱤ ᱟᱡᱟᱜ ᱯᱷᱮᱴ ᱯᱩᱱᱮ ᱨᱮ ᱡᱟᱱᱥᱮᱣᱟ ᱯᱷᱟᱣᱩᱱᱰᱮᱥᱟᱱ ᱠᱚ ᱮᱢ ᱠᱮᱫᱟ, ᱢᱤᱫ ᱪᱟᱨᱤᱴᱮᱵᱟᱞ ᱳᱨᱜᱮᱱᱟᱭᱤᱡᱮᱥᱚᱱ, ᱱᱚᱣᱟ ᱥᱚᱨᱛ ᱨᱮ ᱡᱮ ᱩᱱᱠᱩ ᱡᱤᱣᱤᱱ ᱫᱷᱟᱹᱵᱤᱡ ᱟᱡᱟᱜ ᱧᱮᱞ ᱫᱚᱦᱚᱭ ᱢᱟ᱾[᱓]
ᱥᱮᱯᱴᱮᱢᱵᱚᱨ ᱒᱐᱑᱑ ᱥᱟᱞ ᱨᱮ, ᱟᱪᱟᱞᱟ ᱟᱡᱟᱜ ᱚᱲᱟᱜ ᱨᱮ ᱥᱞᱤᱯ ᱠᱟᱛᱮ ᱧᱩᱨ ᱮᱱᱟ᱾ ᱟᱡᱟᱜ ᱡᱟᱝᱜᱟ ᱨᱮ ᱯᱷᱨᱮᱠᱪᱟᱨ ᱞᱟᱹᱜᱟᱣ ᱮᱱᱟ᱾ ᱚᱱᱟ ᱛᱟᱭᱚᱢ, ᱩᱱᱤ ᱟᱡᱟᱜ ᱫᱷᱤᱢᱟᱠ ᱨᱮ ᱟᱭᱢᱟ ᱤᱢᱵᱚᱞᱤᱡᱤᱢ ᱧᱟᱢ ᱞᱮᱱᱟ᱾ ᱱᱚᱣᱟ ᱨᱮᱭᱟᱜ ᱨᱤᱡᱟᱞᱴ ᱨᱮ ᱯᱩᱨᱟᱹ ᱯᱮᱨᱟᱞᱟᱭᱤᱥᱤᱥ ᱟᱨ ᱟᱡᱟᱜ ᱧᱮᱞ ᱦᱟᱹᱴᱤᱧ ᱨᱮ ᱵᱟᱹᱲᱤᱡ ᱦᱩᱭ ᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Achla Sachdev at msn movies". Archived from the original on 2 December 2007.
- ↑ "Achala Sachdev, original Zohra Jabeen, is dead". The Indian Express. 1 May 2012. Retrieved 25 December 2012.
- ↑ Death report in Times of India
ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ᱟᱪᱟᱞᱟ ᱥᱟᱪᱫᱮᱵᱽ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)
- Achla Sachdev Filmography