ᱟᱫᱟᱢ ᱥᱢᱤᱛᱷ

ᱣᱤᱠᱤᱯᱤᱰᱤᱭᱟ ᱠᱷᱚᱱ
Jump to navigation Jump to search
ᱟᱫᱟᱢ ᱥᱢᱤᱛᱷ

ᱟᱫᱟᱢ ᱥᱢᱤᱛᱷ ᱢᱤᱫ ᱥᱠᱚᱴᱤᱥ ᱠᱟᱹᱣᱰᱤ ᱥᱟᱬᱮᱥᱤᱭᱟᱹ ᱥᱟᱶ, ᱫᱟᱨᱥᱚᱱᱤᱠ,ᱚᱱᱚᱞᱤᱭᱟᱹ, ᱨᱟᱡᱽᱟᱹᱨᱤᱼ ᱠᱟᱹᱣᱰᱤᱟᱹᱨᱤ ᱟᱨ ᱥᱠᱚᱴᱤᱥ ᱫᱤᱥᱚᱢ ᱢᱟᱨᱥᱟᱞᱚᱜ ᱠᱟᱱ ᱚᱠᱛᱚ ᱨᱮ ᱟᱹᱰᱤ ᱜᱩᱱᱟᱱ ᱦᱚᱲ ᱠᱤᱱ ᱛᱟᱦᱮᱸ ᱠᱟᱱᱟᱭ ᱾ ᱥᱢᱤᱛᱷ ᱫᱚ ᱟᱡᱟᱜ ᱵᱟᱨᱭᱟ ᱠᱞᱟᱥᱤᱠ ᱠᱟᱹᱢᱤ ᱵᱟᱠᱷᱨᱟ ᱧᱩᱛᱩᱢ ᱦᱟᱠᱟᱱᱟᱭ , ᱢᱤᱫᱴᱟᱹᱝ ᱟᱡᱟᱜ ᱯᱚᱛᱚᱱ ᱟᱱ ᱤᱱᱠᱩᱣᱟᱨᱤ ᱤᱱᱴᱩ ᱫᱚ ᱱᱮᱪᱚᱨ ᱟᱱᱰ ᱠᱚᱡᱮᱥ ᱚᱯᱷ ᱣᱮᱞᱛᱷ ᱚᱯᱷ ᱱᱮᱥᱚᱱ (᱑᱗᱗᱖) ᱟᱨ ᱛᱷᱤᱭᱳᱨᱤ ᱚᱯᱷ ᱢᱳᱨᱟᱞ ᱥᱮᱱᱴᱤᱢᱮᱱᱴ (᱑᱗᱕᱙)᱾ ᱯᱩᱭᱞᱩ ᱦᱟᱜ ᱫᱚ ᱣᱮᱞᱛᱷ ᱚᱯᱷ ᱱᱮᱥᱚᱱ ᱦᱚᱸᱠᱚ ᱢᱮᱛᱟ ᱦᱟᱜᱼᱟ ᱾ ᱱᱟᱦᱟᱜ ᱯᱚᱛᱚᱵ ᱠᱟᱹᱣᱰᱤ ᱥᱟᱬᱮᱥ ᱨᱮᱱᱟᱜ ᱯᱩᱭᱞᱩ ᱠᱟᱹᱢᱤ ᱦᱚᱨᱟ ᱢᱮᱱᱛᱮᱫ ᱢᱟᱱᱚᱛ ᱮ ᱧᱟᱢ ᱦᱟᱠᱟᱫᱼᱟ ᱾ᱱᱚᱣᱟ ᱫᱚ ᱠᱟᱹᱣᱰᱤᱟᱹᱨᱤ ᱥᱟᱬᱮᱥ ᱨᱮᱱᱟᱜ ᱯᱩᱭᱩᱞᱩ ᱱᱟᱦᱟᱜ ᱠᱟᱹᱢᱤ ᱠᱟᱱᱟ ᱟᱨ ᱜᱨᱤᱠ ᱯᱟᱹᱨᱥᱤ ᱛᱮ ᱱᱚᱣᱟ ᱫᱚ "ᱢᱟᱜᱱᱚᱢ ᱚᱯᱩᱥ" ᱵᱟᱝ ᱤᱸᱞᱤᱥ ᱛᱮ ᱢᱟᱥᱴᱚᱨ ᱯᱤᱥ ᱵᱚᱱ ᱢᱮᱛᱟᱜ ᱠᱟᱱᱟ ᱾
ᱟᱫᱟᱢ ᱥᱢᱤᱛᱷ ᱭᱩᱱᱤᱵᱷᱚᱨᱥᱤᱴᱤ ᱚᱯᱷ ᱜᱞᱟᱲᱠᱳ ᱟᱨ ᱳᱠᱥᱯᱷᱳᱨᱰ ᱨᱮᱱᱟᱜ ᱵᱟᱞᱤᱭᱳᱞ ᱢᱟᱨᱝ ᱵᱤᱨᱫᱟᱹᱜᱟᱲ ᱨᱮ ᱥᱟᱶᱛᱟᱨᱤ ᱯᱷᱤᱞᱳᱥᱳᱯᱷᱤ ᱯᱟᱲᱷᱟᱣ ᱞᱮᱱᱟᱭ ᱾ ᱚᱱᱰᱮᱵᱤᱡ ᱟᱡ ᱫᱚ ᱯᱩᱭᱞᱩ ᱯᱟᱹᱴᱷᱩᱣᱟᱹ ᱠᱟᱱᱟᱭ ᱡᱟᱦᱟᱸᱭ ᱥᱠᱚᱴ ᱡᱳᱸ ᱥᱱᱮᱞ ᱵᱮᱨᱮᱫ ᱞᱮᱫ ᱥᱠᱳᱞᱟᱨᱥᱤᱯ ᱠᱷᱚᱱ ᱞᱟᱵᱷ ᱮ ᱧᱟᱢ ᱞᱮᱫᱼᱟ ᱾ ᱟᱡ ᱜᱞᱟᱥᱠᱳ ᱨᱮ ᱯᱨᱳᱯᱦᱮᱥᱚᱨ ᱞᱟᱹᱜᱤᱫ ᱫᱟᱣ ᱮ ᱧᱟᱢ ᱠᱮᱫᱼᱟ ᱾ ᱚᱱᱟ ᱚᱠᱛᱚ ᱨᱮ ᱟᱡ ᱫᱚ ᱛᱷᱤᱭᱳᱨᱤ ᱚᱯᱷ ᱢᱳᱨᱟᱞ ᱥᱮᱱᱴᱤᱢᱮᱱᱴᱥ ᱮ ᱚᱞ ᱟᱨ ᱯᱟᱨᱥᱟᱞ ᱠᱮᱫᱼᱟ ᱾ ᱟᱡᱟᱜ ᱛᱟᱭᱚᱢ ᱡᱤᱭᱚᱱ ᱨᱮ ᱟᱡ ᱦᱚᱲ ᱥᱮᱪᱮᱫ ᱟᱨ ᱯᱟᱲᱦᱟᱣ ᱨᱮᱱᱟᱜ ᱴᱷᱟᱶ ᱮ ᱟᱢᱮᱴ ᱠᱮᱫᱼᱟ ᱡᱟᱦᱟᱸ ᱠᱷᱟᱹᱛᱤᱨ ᱟᱡ ᱥᱟᱱᱟᱢ ᱭᱩᱨᱳᱯ ᱮ ᱫᱟᱬᱟ ᱠᱮᱫᱼᱟ ᱟᱨ ᱟᱭᱢᱟ ᱜᱮᱭᱟᱱᱛᱤ ᱦᱚᱲ ᱥᱟᱞᱟᱜ ᱮ ᱧᱟᱯᱟᱢ ᱞᱮᱱᱟ
ᱥᱢᱤᱛᱷ ᱫᱚ ᱠᱞᱟᱥᱤᱠᱟᱞ ᱯᱷᱨᱤ ᱢᱟᱨᱠᱮᱴ ᱤᱠᱳᱱᱳᱢᱤᱠ ᱛᱷᱤᱭᱳᱨᱤ ᱨᱤᱱᱤᱡ ᱵᱩᱱᱤᱭᱟᱹᱫ ᱮ ᱛᱚᱞ ᱞᱮᱫᱼᱟ ᱾ ᱡᱟᱹᱛᱤ ᱨᱮᱱᱟᱜ ᱥᱚᱢᱵᱷᱚᱲ ᱜᱮ ᱱᱟᱦᱟᱜ ᱠᱟᱹᱣᱰᱤ ᱥᱟᱬᱮᱥ ᱯᱟᱲᱦᱟᱣ ᱞᱟᱹᱜᱤᱫ ᱦᱚᱨ ᱰᱟᱦᱟᱨ ᱮ ᱩᱫᱩᱜ ᱞᱮᱫᱼᱟ ᱿ ᱱᱚᱣᱟᱨᱮ ᱟᱨ ᱟᱡᱟᱜ ᱮᱴᱟᱜ ᱠᱟᱹᱢᱤ ᱨᱮ ᱟᱡ ᱠᱷᱟᱹᱴᱩᱣᱟᱹ ᱨᱮᱱᱟᱜ ᱦᱟᱹᱴᱤᱧ ᱥᱟᱶ ᱟᱯᱱᱟᱨᱟᱜ ᱵᱷᱟᱹᱞᱟᱹᱭ ᱥᱣᱟᱨᱛᱷ ᱟᱨ ᱦᱮᱯᱨᱟᱣ ᱠᱟᱹᱣᱰᱤᱟᱹᱨᱤ ᱞᱟᱦᱟᱱᱛᱤ ᱞᱟᱹᱜᱤᱫ ᱱᱟᱣᱟ ᱩᱭᱦᱟᱹᱨ ᱮ ᱥᱚᱫᱚᱨ ᱠᱮᱫᱼᱟ ᱾ ᱟᱡ ᱟᱡᱟᱜ ᱚᱞ ᱠᱷᱟᱹᱛᱤᱨ ᱩᱞᱤᱭᱚᱢ ᱦᱳᱜᱟᱨᱛᱷ ᱟᱨ ᱡᱳᱱᱟᱛᱷᱚᱱ ᱥᱣᱤᱯᱷᱴ ᱠᱤᱱ ᱴᱚᱴᱣᱟᱥ ᱞᱮᱫᱼᱟ ᱾ ᱒᱐᱐᱕ ᱥᱟᱞ ᱨᱮ ᱟᱡᱟᱜ ᱯᱚᱛᱳᱵ ᱡᱟᱹᱛᱤ ᱨᱮᱱᱟᱜ ᱥᱚᱢᱵᱷᱚᱲ ᱡᱷᱚᱛᱚ ᱚᱠᱛᱚ ᱨᱮᱱᱟᱜ ᱑᱐᱐ ᱥᱚᱨᱮᱥ ᱯᱚᱛᱚᱵ ᱥᱟᱶ ᱧᱩᱛᱩᱢ ᱞᱮᱱᱟ ᱾

ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱬᱜᱟᱛ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱢᱤᱛᱷ ᱥᱠᱳᱴᱞᱟᱸᱫ ᱨᱮᱱᱟᱜ ᱯᱷᱟᱭᱤᱯ ᱨᱮᱱᱟᱜ ᱠᱤᱨᱠᱟᱞᱰᱤ ᱨᱮ ᱡᱟᱱᱟᱢ ᱞᱮᱱᱟᱭ ᱾ᱟᱡ ᱵᱟᱵᱟ ᱦᱚᱸ ᱟᱫᱟᱢ ᱥᱢᱤᱛᱷ ᱦᱚᱸ ᱥᱟᱭᱱᱮᱴ (senior solicitor)ᱞᱟᱹᱜᱤᱫ ᱥᱠᱚᱴᱤᱥ ᱚᱱᱞᱤᱭᱟᱹ, ᱩᱠᱤᱞ, ᱠᱚᱥᱴᱚᱢ ᱨᱤᱱᱤᱡ ᱠᱚᱢᱯᱴᱨᱚᱞᱚᱨ ᱛᱟᱦᱮᱸ ᱠᱟᱱᱟ ᱾ ᱑᱗᱗᱒ ᱟᱡ ᱥᱴᱨᱟᱛᱷᱮᱱᱰᱨᱤ ᱨᱤᱱᱤᱡ ᱨᱚᱵᱚᱨᱴ ᱰᱳᱣᱜᱞᱟᱥ ᱦᱚᱯᱚᱱ ᱮᱨᱟ ᱢᱟᱨᱜᱟᱨᱮᱴ ᱰᱚᱣᱜᱞᱟᱥ ᱥᱟᱶ ᱮ ᱵᱟᱯᱞᱟ ᱮᱱᱟ ᱾ᱟᱫᱟᱢ ᱥᱢᱤᱛᱷ ᱵᱟᱨ ᱥᱮᱨᱢᱟ ᱦᱩᱭᱞᱮᱱ ᱚᱠᱛᱚ ᱨᱮᱜᱮ ᱟᱡ ᱵᱟᱵᱟ ᱵᱚᱸᱜᱟ ᱛᱟᱞᱟ ᱮᱱᱟᱭ ᱾

ᱯᱟᱲᱦᱟᱣ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱡ ᱟᱭᱚ ᱥᱢᱤᱛᱷ ᱟᱹᱰᱤ ᱜᱮ ᱜᱚᱨᱚᱡᱟᱭ ᱛᱟᱦᱮᱸᱫ ᱿ ᱡᱟᱦᱟᱸ ᱠᱷᱟᱹᱛᱤᱨ ᱯᱚᱲᱦᱚᱱ ᱰᱟᱦᱟᱨ ᱥᱟᱶᱟᱨ ᱮᱱᱟ ᱾ ᱑᱗᱒᱙ ᱠᱷᱚᱱ ᱑᱗᱓᱗ ᱫᱷᱟᱹᱵᱤᱡ ᱠᱤᱨᱠᱠᱞᱟᱰᱤ ᱨᱮᱱᱟᱜ ᱵᱚᱨᱜ ᱤᱥᱠᱩᱞ ᱨᱮ ᱫᱟᱠᱷᱚᱞ ᱮᱱᱟᱭ , ᱱᱚᱣᱟ ᱟᱥᱲᱟ ᱚᱱᱟ ᱚᱠᱛᱳ ᱨᱮᱱᱟᱜ ᱡᱷᱚᱛᱚ ᱠᱷᱚᱱ ᱵᱷᱟᱹᱜᱤ ᱟᱥᱲᱟ ᱛᱟᱦᱮᱸ ᱠᱟᱱᱟ ᱾ᱳᱸᱫᱮ ᱟᱡ ᱞᱟᱴᱤᱱ, ᱮᱞᱠᱷᱟ, ᱱᱟᱜᱟᱢ ᱟᱨ ᱥᱚᱨᱮᱥ ᱚᱞ ᱮ ᱪᱮᱫ ᱠᱮᱫᱼᱟᱭ ᱿ ᱥᱢᱤᱛᱷ ᱑᱔ ᱥᱟᱞ ᱩᱢᱮᱨ ᱨᱮ ᱜᱞᱟᱥᱠᱳ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱫᱟᱠᱷᱚᱞ ᱮᱱᱟᱭ ᱾ᱚᱱᱰᱮ ᱯᱷᱨᱟᱱᱥᱤᱥ ᱦᱚᱪᱥᱚᱱ ᱛᱟᱹᱨᱤ ᱨᱮ ᱱᱚᱭᱛᱤᱠ ᱧᱮᱛᱮᱞ ᱮ ᱯᱟᱲᱷᱟᱣ ᱮᱱᱟ ᱾᱑᱗᱔᱐ ᱥᱟᱞ ᱨᱮ ᱚᱠᱥᱯᱷᱳᱨᱰ ᱨᱮᱱᱟᱜ ᱵᱟᱞᱞᱤᱭᱳᱞ ᱢᱟᱨᱟᱝ ᱵᱤᱨᱫᱟᱹᱜᱟᱲ ᱨᱮ ᱫᱟᱠᱷᱚᱞ ᱮᱱᱟᱭ ᱾

ᱢᱟᱪᱮᱫ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]