ᱟᱫᱤᱵᱟᱥᱤ ᱠᱟᱞᱭᱟᱱ ᱢᱟᱦᱟᱣᱤᱫᱭᱟᱞᱭ ᱪᱷᱟᱛᱨᱟᱣᱟᱥ ᱥᱟᱝᱠᱷᱭᱟ -᱐᱑ ᱟᱨ ᱐᱔ ᱫᱩᱢᱠᱟ
᱒᱕ ᱰᱤᱥᱮᱢᱵᱚᱨ ᱒᱐᱒᱕ ᱦᱤᱞᱚᱜ ᱥᱟᱱᱛᱟᱲᱤ ᱯᱟᱨᱜᱟᱱᱟ ᱢᱟᱦᱟᱵᱤᱰᱭᱟᱞᱟᱭᱟ ᱨᱮᱭᱟᱜ ᱴᱨᱟᱭᱵᱟᱞ ᱣᱮᱞᱯᱷᱟᱨ ᱠᱚᱞᱮᱡᱽ ᱦᱚᱥᱴᱮᱞ ᱑ ᱟᱨ ᱔ ᱨᱮᱱ ᱯᱟᱹᱴᱷᱩᱣᱟᱹ ᱠᱚ ᱟᱠᱚᱣᱟᱜ ᱨᱟᱹᱥᱠᱟᱹ ᱠᱚ ᱥᱚᱫᱚᱨ ᱠᱮᱫᱟ᱾ ᱫᱤᱥᱚᱢ ᱛᱟᱨᱟ ᱛᱮ ᱜᱚᱢᱠᱮ ᱫᱨᱳᱯᱫᱤ ᱢᱩᱨᱢᱩ ᱛᱮ ᱟᱠᱚᱣᱟᱜ ᱟᱭᱢᱟ ᱥᱟᱨᱦᱟᱣ ᱠᱚ ᱥᱚᱫᱚᱨ ᱠᱮᱫᱟ ᱾
ᱯᱟᱹᱴᱷᱩᱣᱟᱹ ᱠᱚ ᱢᱮᱱᱮᱫᱟ ᱡᱮ ᱱᱤᱛ ᱥᱟᱱᱛᱟᱲ ᱦᱚᱲ ᱠᱚ ᱟᱠᱚᱣᱟᱜ ᱟᱭᱳ ᱯᱟᱹᱨᱥᱤ ᱥᱟᱱᱛᱟᱞᱤ ᱟᱨ ᱟᱠᱚᱣᱟᱜ ᱡᱟᱹᱛᱤ ᱚᱞᱪᱤᱠᱤ ᱯᱟᱲᱦᱟᱣ ᱠᱟᱛᱮ ᱚᱱᱟ ᱨᱮᱭᱟᱜ ᱚᱱᱚᱞ, ᱦᱚᱠ ᱟᱨ ᱠᱟᱹᱢᱤ ᱠᱚ ᱵᱟᱹᱲᱛᱤ ᱠᱚ ᱵᱩᱡᱷᱟᱹᱣ ᱫᱟᱲᱮᱭᱟᱜ-ᱟ᱾ ᱱᱚᱣᱟ ᱛᱮ ᱥᱚᱢᱵᱚᱫᱷᱚᱱ ᱵᱟᱵᱚᱛ ᱡᱟᱜᱽᱣᱟᱨ ᱵᱟᱲᱦᱟᱣᱜᱼᱟ ᱟᱨ ᱟᱭᱢᱟ ᱞᱮᱠᱟᱱ ᱦᱮᱯᱨᱟᱣ ᱵᱤᱱᱤᱰ ᱨᱮ ᱩᱱᱠᱩ ᱞᱟᱵᱷ ᱠᱚ ᱧᱟᱢᱟ᱾
ᱱᱤᱭᱟᱹ ᱫᱚ ᱩᱫᱩᱜᱚᱜ ᱠᱟᱱᱟ ᱡᱮ ᱙᱒ ᱟᱭᱟᱜ ᱥᱚᱫᱚᱨ ᱥᱚᱫᱚᱨ ᱦᱚᱛᱮᱛᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱫᱚ ᱒᱒ ᱰᱤᱥᱮᱢᱵᱚᱨ ᱒᱐᱐᱓ ᱦᱤᱞᱚᱜ ᱵᱷᱟᱨᱚᱛ ᱥᱚᱫᱚᱨ ᱨᱮᱭᱟᱜ ᱤᱨᱟᱹᱞ ᱯᱟᱱᱛᱷᱟ ᱨᱮ ᱥᱮᱞᱮᱫ ᱞᱮᱱᱟ ᱾ ᱥᱟᱱᱛᱟᱞᱤ ᱯᱟ.ᱨᱥᱤ ᱫᱚ ᱵᱷᱟᱨᱚᱛ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱮ ᱡᱤᱣᱤᱫ ᱯᱟ.ᱨᱥᱤ ᱢᱮᱱᱛᱮ ᱵᱟᱱᱟᱣᱟ | ᱚᱞᱪᱤᱠᱤ ᱞᱤᱯᱤ ᱛᱮ ᱜᱚᱢᱠᱮ ᱥᱚᱫᱚᱨ ᱥᱚᱫᱚᱨ ᱫᱚ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱛᱟ ᱨᱮ ᱫᱟᱲᱮ ᱫᱟᱲᱮ ᱞᱟᱹᱜᱤᱫ ᱢᱤᱫ ᱛᱟᱹᱦᱤᱭᱟᱱ ᱯᱟᱹᱛᱤᱭᱟᱹᱣ ᱠᱟᱱᱟ | ᱱᱚᱣᱟ ᱠᱟᱹᱢᱤ ᱦᱚᱨᱟ ᱫᱚ ᱡᱟᱹᱛᱤ ᱫᱷᱟᱯ ᱨᱮ ᱥᱟᱱᱛᱟᱲᱤ ᱯᱟᱹᱨᱥᱤ ᱟᱨ ᱥᱟᱶᱛᱟ ᱨᱮᱭᱟᱜ ᱢᱟᱹᱱ ᱦᱟᱢᱮᱴ ᱨᱮ ᱢᱤᱫ ᱢᱟᱭᱤᱞ ᱫᱷᱤᱨᱤ ᱞᱮᱠᱟ ᱥᱟᱹᱵᱤᱛᱚᱜ-ᱟ | ᱱᱚᱶᱟ ᱚᱠᱛᱮ ᱨᱮ ᱯᱟᱹᱴᱷᱩᱣᱟᱹ ᱠᱚ ᱡᱟᱨᱠᱷᱟᱱ ᱢᱩᱲᱩᱫ ᱢᱟᱱᱣᱟ ᱥᱨᱤ ᱦᱮᱢᱚᱱ ᱥᱚᱨᱮᱱ ᱴᱷᱮᱱ ᱠᱚ ᱫᱟᱹᱵᱤ ᱠᱮᱫᱟ ᱡᱮ ᱩᱥᱟᱹᱨᱟ ᱜᱮ ᱚᱞᱪᱤᱠᱤ ᱥᱟᱱᱛᱟᱞ ᱨᱮ ᱠᱮᱜᱽ ᱠᱷᱚᱱ ᱯᱤᱡᱤ ᱥᱮᱪᱮᱫ ᱮᱦᱚᱵᱚᱜ ᱢᱟ, ᱡᱮᱢᱚᱱ ᱥᱟᱱᱛᱟᱲ ᱡᱟᱱᱟᱢ ᱯᱟᱹᱴᱷᱩᱣᱟᱹ ᱠᱚ ᱟᱠᱚ ᱟᱭᱳ ᱯᱟᱹᱨᱥᱤ ᱛᱮ ᱥᱮᱪᱮᱫ ᱠᱚ ᱧᱟᱢ ᱫᱟᱲᱮᱭᱟᱜ-ᱟ᱾
ᱱᱚᱣᱟ ᱚᱠᱛᱚ ᱨᱮ ᱥᱮᱞᱮᱫ ᱛᱟᱦᱮᱸᱠᱟᱱᱟ ᱯᱟᱹᱴᱷᱩᱣᱟᱹ ᱢᱟᱹᱦᱤᱛ ᱨᱟᱡᱮᱱᱫᱨ ᱢᱩᱨᱢᱩ, ᱱᱟᱦᱟᱜ ᱯᱟᱹᱴᱷᱩᱣᱟᱹ ᱨᱚᱦᱤᱛ ᱢᱩᱨᱢᱩ, ᱯᱟᱨᱮᱥ ᱢᱩᱨᱢᱩ, ᱢᱟᱨᱮ ᱯᱟᱹᱴᱷᱩᱣᱟᱹ ᱨᱤᱛᱷᱮᱥ ᱢᱩᱨᱢᱩ, ᱢᱟᱨᱮ ᱯᱟᱹᱴᱷᱩᱣᱟᱹ ᱥᱩᱨᱮᱥ ᱦᱮᱢᱵᱨᱚᱢ, ᱯᱤᱴᱟᱨ ᱦᱮᱢᱵᱨᱚᱢ, ᱥᱤᱵᱩ ᱢᱩᱨᱢᱩ, ᱵᱤᱨᱮᱱᱫᱨ ᱠᱤᱥᱠᱩ, ᱟᱨᱩᱱ ᱥᱚᱨᱮᱱ, ᱥᱟᱱᱡᱮ ᱴᱩᱠᱟᱨ, ᱞᱤᱠᱷᱮᱱᱫᱨ ᱢᱟᱨᱢᱩ, ᱦᱟᱱᱫᱩ, ᱟᱢᱤᱴ ᱢᱩᱨᱢᱩ, ᱥᱟᱱᱡᱟᱭ ᱵᱮᱥᱨᱟ, ᱟᱢᱚᱱ ᱢᱟᱨᱟᱱᱰᱤ, ᱢᱟᱦᱟᱨᱟᱱᱟ ᱦᱮᱢᱵᱨᱚᱢ, ᱨᱟᱭᱥᱮᱱ ᱵᱟᱥᱠᱤ, ᱨᱩᱯᱞᱟᱞ ᱢᱩᱨᱢᱩ, ᱤᱜᱽᱱᱟᱴᱤᱭᱩᱥ ᱢᱩᱨᱢᱩ, ᱯᱨᱟᱣᱮᱥ ᱴᱩᱰᱩ, ᱟᱢᱟᱨ ᱦᱟᱱᱥᱫᱟ, ᱥᱩᱵᱷᱟᱥ ᱪᱟᱱᱫᱨᱟ ᱢᱩᱨᱢᱩ, ᱦᱟᱨᱤᱠᱤᱥᱚᱨ ᱠᱤᱥᱠᱩ, ᱨᱟᱢᱠᱨᱤᱥᱱᱟ ᱴᱩᱰᱩ, ᱥᱩᱵᱚᱫᱷ ᱴᱩᱰᱩ, ᱥᱩᱱᱤᱨᱟᱢ ᱢᱩᱨᱢᱩ, ᱮᱢᱟᱱ.