ᱟᱭᱟᱱ (ᱢᱚᱰᱮᱞ)
| ᱟᱭᱟᱱ ᱟᱞᱤ | |
|---|---|
 ᱟᱭᱟᱱ ᱟᱞᱤ | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Ayyan Ali ᱫᱩᱵᱟᱭ, United Arab Emirates |
| ᱫᱤᱥᱚᱢᱤᱭᱟᱹ | ᱯᱟᱠᱤᱥᱛᱟᱱᱤ |
| ᱠᱟᱹᱢᱤ | ᱢᱚᱰᱮᱞ |
| ᱠᱟᱹᱢᱤ ᱚᱠᱛᱚ | 2009 – ᱱᱤᱛ |
| ᱢᱚᱰᱮᱞᱤᱝ ᱤᱱᱯᱷᱚᱨᱢᱮᱥᱚᱱ | |
| ᱩᱵ ᱨᱝ | Black |
| ᱣᱮᱵᱽᱥᱟᱭᱤᱴ | ayyanworld |
ᱟᱭᱟᱱ ᱟᱞᱤ ᱵᱟᱝᱢᱟ ᱠᱷᱟᱹᱞᱤ ᱟᱭᱟᱱ (ᱩᱨᱫᱩ: ایان علی) ᱫᱚ ᱯᱟᱠᱤᱥᱛᱟᱱᱤ ᱢᱚᱰᱮᱞ ᱟᱨ ᱥᱮᱨᱮᱧ ᱵᱟᱰᱚᱦᱤ ᱠᱟᱱᱟᱭ᱾ ᱩᱱᱤ ᱫᱚ ᱒᱐᱑᱐ ᱥᱟᱞ ᱨᱮ ᱢᱚᱰᱮᱞᱤᱝ ᱮ ᱮᱛᱚᱦᱚᱵ ᱞᱮᱫᱟ ᱟᱨ ᱞᱚᱠᱥ ᱥᱴᱟᱭᱤᱞ ᱟᱣᱟᱨᱰ ᱞᱟᱹᱜᱤᱫ ᱯᱩᱱ ᱫᱷᱟᱣ ᱧᱩᱛᱩᱢ ᱮ ᱚᱞ ᱞᱮᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱭᱟᱱ ᱫᱚ ᱜᱮᱛᱩᱨᱩᱭ ᱥᱮᱨᱢᱟ ᱩᱢᱮᱨ ᱨᱮ ᱢᱚᱰᱮᱞ ᱞᱮᱠᱟᱛᱮ ᱟᱡᱟᱜ ᱠᱮᱨᱤᱭᱚᱨ ᱮ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱒᱐᱑᱐ ᱥᱟᱞ ᱨᱮ ᱢᱚᱰᱮᱞᱤᱝ ᱮ ᱮᱛᱚᱦᱚᱵ ᱞᱮᱫᱟ ᱟᱨ ᱥᱚᱨᱮᱥ ᱛᱤᱨᱞᱟᱹ ᱩᱫᱩᱜ ᱥᱚᱫᱚᱨ ᱢᱚᱰᱮᱞ ᱨᱮᱱᱟᱜ ᱢᱟᱹᱱ ᱮ ᱟᱢᱮᱴ ᱞᱮᱫᱟ᱾ ᱩᱱᱤ ᱫᱚ ᱞᱚᱠᱥ ᱥᱴᱟᱭᱤᱞ ᱟᱣᱟᱨᱰ ᱞᱟᱹᱜᱤᱫ ᱯᱩᱱ ᱫᱷᱟᱣ ᱧᱩᱛᱩᱢ ᱮ ᱚᱞ ᱞᱮᱫᱟ᱾
᱒᱐᱑᱐ ᱥᱟᱞ ᱨᱮ, ᱟᱭᱟᱱ ᱫᱚ ᱠᱮᱞᱵᱷᱤᱱ ᱠᱞᱮᱭᱤᱱ 'ᱵᱤᱭᱩᱴᱤ ᱚᱯᱷ ᱫᱟ ᱤᱭᱟᱨ ᱒᱐᱑᱐' ᱨᱮᱱᱟᱜ ᱢᱟᱹᱱ ᱠᱚ ᱮᱢᱟᱫᱮ ᱛᱟᱦᱮᱸᱫ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱩᱱᱠᱩᱣᱟᱜ ᱵᱨᱟᱸᱰ ᱮᱢᱵᱮᱥᱮᱰᱚᱨ ᱮ ᱵᱮᱱᱟᱣ ᱮᱱᱟ᱾ ᱚᱱᱟ ᱥᱮᱨᱢᱟ ᱜᱮ, ᱩᱱᱤ ᱫᱚ ᱞᱚᱠᱥ ᱥᱴᱟᱭᱤᱞ ᱟᱣᱟᱨᱰ ᱞᱟᱹᱜᱤᱫ ᱥᱚᱨᱮᱥ ᱛᱤᱨᱞᱟᱹ ᱩᱫᱩᱜ ᱥᱚᱫᱚᱨ ᱢᱚᱰᱮᱞ ᱞᱮᱠᱟᱛᱮ ᱟᱨ ᱒᱐᱑᱑ ᱥᱟᱞ ᱨᱮ ᱥᱚᱨᱮᱥ ᱛᱤᱨᱞᱟᱹ ᱢᱚᱰᱮᱞ ᱞᱮᱠᱟᱛᱮ ᱧᱩᱛᱩᱢ ᱮ ᱚᱞ ᱞᱮᱫᱟ᱾ ᱩᱱᱤᱭᱟᱜ ᱥᱮᱨᱮᱧ ᱵᱷᱤᱰᱤᱭᱳ ᱟᱨ ᱥᱤᱝᱜᱮᱞ ᱡᱟᱦᱟᱸ ᱫᱚ ᱤᱭᱩ ᱮᱱᱰ ᱟᱭᱤ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱒᱐᱑᱔ ᱨᱮ ᱤᱫᱽ ᱚᱠᱛᱚ ᱡᱩᱞᱟᱭ ᱪᱟᱸᱫᱚ ᱨᱮ ᱩᱪᱷᱟᱹᱱ ᱞᱮᱱ ᱛᱟᱦᱮᱸᱫ ᱟᱨ ᱱᱚᱣᱟ ᱫᱚ ᱩᱱᱠᱩ ᱠᱨᱤᱴᱤᱠ ᱠᱚ ᱯᱟᱦᱴᱟ ᱠᱷᱚᱱ ᱵᱟᱹᱲᱤᱡ ᱠᱚ ᱢᱮᱛᱟᱫᱮ ᱛᱟᱦᱮᱸᱫ᱾
ᱫᱚᱥ ᱟᱨ ᱟᱨᱮᱥᱴ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱔ ᱢᱟᱨᱪ ᱒᱐᱑᱕ ᱨᱮ, ᱯᱟᱠᱤᱥᱛᱟᱱ ᱮᱭᱟᱨᱯᱚᱨᱴ ᱥᱤᱠᱭᱩᱨᱤᱴᱤ ᱯᱷᱚᱨᱥ ᱫᱚ ᱟᱭᱟᱱ ᱮ ᱮᱨᱮᱥᱴ ᱠᱮᱫᱮᱭᱟ ᱟᱨ ᱩᱱᱤ ᱫᱚ ᱢᱚᱱᱤ ᱞᱚᱱᱰᱨᱤᱝ ᱞᱟᱹᱜᱤᱫ ᱫᱚᱥ ᱠᱚ ᱞᱟᱜᱟᱣ ᱠᱮᱫᱮᱭᱟ᱾ ᱩᱱᱤ ᱫᱚ ᱤᱥᱞᱟᱢᱟᱵᱟᱫᱽ ᱨᱮ ᱵᱮᱱᱟᱡᱤᱨ ᱤᱱᱴᱚᱨᱱᱮᱥᱱᱟᱞ ᱮᱭᱟᱨᱯᱚᱨᱴ ᱠᱷᱚᱱ ᱭᱩᱮᱮ ᱞᱟᱹᱜᱤᱫ ᱡᱟᱦᱟᱡᱽ ᱮ ᱪᱟᱞᱟᱜ ᱠᱟᱱ ᱛᱟᱦᱮᱸᱫ᱾ ᱟᱭᱟᱱ ᱫᱚ ᱢᱤᱫ ᱯᱨᱟᱭᱵᱷᱮᱴ ᱮᱭᱟᱨᱞᱟᱭᱤᱱ ᱛᱟᱞᱟᱛᱮ ᱫᱩᱵᱟᱭ ᱮ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱛᱤᱱ ᱨᱮ ᱮᱭᱟᱨᱯᱚᱨᱴ ᱥᱤᱠᱭᱩᱨᱤᱴᱤ ᱯᱷᱚᱨᱥ (ᱮᱮᱥᱮᱯᱷ) ᱩᱱᱤᱭᱟᱜ ᱡᱤᱱᱤᱥ ᱠᱚ ᱠᱟᱣᱩᱱᱴᱚᱨ ᱨᱮ ᱠᱚ ᱧᱮᱞ ᱠᱮᱫ ᱛᱟᱭᱟ ᱟᱨ ᱕᱐᱖,᱘᱐᱐ ᱰᱚᱞᱟᱨ ᱧᱟᱢ ᱠᱮᱫᱟ᱾ ᱩᱱᱤ ᱫᱚ ᱢᱤᱫ ᱠᱚᱥᱴᱚᱢ ᱡᱚᱡᱽ ᱥᱟᱢᱟᱝ ᱨᱮ ᱠᱚ ᱥᱚᱫᱚᱨ ᱠᱮᱫᱮᱭᱟ ᱡᱟᱦᱟᱸᱭ ᱫᱚ ᱩᱱᱤ ᱜᱮᱞ ᱯᱩᱱ ᱫᱤᱱ ᱞᱟᱹᱜᱤᱫ ᱡᱩᱰᱤᱥᱤᱭᱟᱞ ᱨᱤᱢᱟᱸᱰ ᱨᱮᱭ ᱵᱷᱮᱡᱟ ᱠᱮᱫᱮᱭᱟ᱾ ᱛᱟᱭᱚᱢ ᱛᱮ ᱩᱱᱤ ᱫᱚ ᱵᱤᱰᱤᱭᱳ ᱞᱟᱹᱜᱤᱫ ᱢᱤᱫ ᱢᱮᱰᱤᱠᱟᱞ ᱯᱷᱮᱥᱤᱞᱤᱴᱤ ᱛᱮᱠᱚ ᱤᱫᱤ ᱠᱮᱫᱮᱭᱟ᱾ ᱩᱱᱤᱭᱟᱜ ᱥᱩᱴᱠᱮᱥ ᱨᱮ ᱢᱮᱱᱟᱜ ᱕᱐᱐,᱐᱐᱐ ᱰᱚᱞᱟᱨ ᱫᱚ ᱯᱟᱠᱤᱥᱛᱟᱱ ᱠᱷᱚᱱ ᱵᱟᱦᱨᱮ ᱫᱤᱥᱚᱢ ᱠᱟᱹᱣᱰᱤ ᱤᱫᱤ ᱨᱮᱱᱟᱜ ᱞᱤᱜᱟᱞ ᱞᱤᱢᱤᱴ ᱠᱷᱚᱱ ᱵᱟᱹᱲᱛᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱑᱐,᱐᱐᱐ ᱰᱚᱞᱟᱨ ᱜᱮ ᱛᱟᱦᱮᱸ ᱠᱟᱱᱟ᱾ ᱯᱩᱪᱷᱱᱟᱹ ᱚᱠᱛᱚ ᱩᱱᱤ ᱫᱚ ᱢᱚᱱᱤ ᱞᱚᱱᱰᱨᱤᱝ ᱨᱮ ᱥᱮᱞᱮᱫ ᱟᱠᱟᱱ ᱟᱹᱰᱤ ᱜᱟᱱ ᱯᱟᱠᱤᱥᱛᱟᱱᱤ ᱨᱟᱡᱽᱱᱮᱛᱟ ᱟᱨ ᱢᱚᱰᱮᱞ ᱠᱚᱣᱟᱜ ᱧᱩᱛᱩᱢ ᱮ ᱞᱟᱹᱭ ᱥᱚᱫᱚᱨ ᱠᱮᱫᱟ ᱾ ᱑᱔ ᱡᱩᱞᱟᱭ ᱒᱐᱑᱕ ᱨᱮ, ᱟᱭᱟᱱ ᱫᱚ ᱡᱮᱞ ᱠᱷᱚᱱ ᱡᱟᱢᱤᱱ ᱛᱮᱭ ᱨᱟᱲᱟ ᱦᱟᱹᱴᱤᱧ ᱮᱱᱟ᱾
ᱠᱚᱥᱴᱚᱢ ᱤᱱᱥᱯᱮᱠᱴᱚᱨ ᱦᱚᱛᱮᱛᱮ ᱩᱱᱤ ᱮᱱᱮᱡ ᱮᱱᱟ ᱡᱟᱦᱟᱸᱭ ᱫᱚ ᱩᱱᱤ ᱮ ᱮᱨᱮᱥᱴ ᱠᱮᱫᱮᱭᱟ ᱩᱱᱤᱭᱟᱜ ᱜᱚᱡ ᱟᱭᱟᱱ ᱟᱞᱤᱭᱟᱜ ᱠᱟᱹᱣᱰᱤ ᱡᱷᱚᱜᱲᱟ ᱠᱮᱥ ᱨᱮ ᱢᱩᱬ ᱥᱟᱹᱠᱷᱤ ᱞᱮᱠᱟᱛᱮ ᱛᱟᱦᱮᱸ ᱠᱟᱱ ᱠᱚᱥᱴᱚᱢ ᱤᱱᱥᱯᱮᱠᱴᱚᱨ ᱨᱤᱱᱤᱡ ᱮᱨᱟ ᱫᱚ ᱞᱟᱹᱭ ᱠᱮᱫᱟ ᱡᱮ ᱟᱡᱤᱡ ᱡᱟᱶᱟᱭ ᱫᱚ ᱟᱭᱟᱱ ᱫᱩᱜ ᱫᱚᱦᱚᱭ ᱞᱟᱹᱜᱤᱫ ᱠᱚ ᱜᱚᱡ ᱠᱮᱫᱮᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱦᱨᱮ ᱡᱚᱱᱚᱲ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- Ayyan in SoundCloud