ᱟᱭᱩᱝ ᱜᱟᱰᱟ

ᱟᱭᱩᱝ ᱜᱟᱰᱟ ᱫᱚ ᱤᱱᱫᱳᱱᱮᱥᱤᱭᱟ ᱨᱮᱱᱟᱜ ᱵᱟᱞᱤ ᱫᱤᱯ ᱨᱮ ᱢᱮᱱᱟᱜ ᱡᱚᱛᱚ ᱠᱷᱚᱱ ᱡᱤᱞᱤᱧ ᱜᱟᱰᱟ ᱠᱟᱱᱟ ᱾ ᱱᱚᱶᱟ ᱫᱚ ᱮᱛᱚᱢ ᱵᱩᱨᱩ ᱴᱚᱴᱷᱟ ᱠᱷᱚᱱ ᱖᱘.᱕ ᱠᱤᱞᱚᱢᱤᱴᱚᱨ ᱡᱤᱞᱤᱧ ᱞᱤᱸᱡᱤᱱ ᱠᱟᱱᱟ ᱾ ᱱᱚᱶᱟ ᱫᱚ ᱵᱚᱝᱜᱽᱞᱤ, ᱵᱟᱫᱩᱝ, ᱡᱤᱭᱟᱱᱤᱭᱟᱨ ᱨᱮᱡᱮᱱᱥᱤᱥ ᱟᱨ ᱰᱮᱱᱯᱟᱥᱟᱨ ᱥᱚᱦᱚᱨ ᱛᱟᱞᱟ ᱛᱮ ᱪᱟᱞᱟᱜ ᱠᱟᱱᱟ ᱾ ᱥᱟᱱᱩᱨ ᱨᱮ ᱱᱚᱶᱟ ᱫᱚ ᱵᱟᱫᱩᱝ ᱥᱟᱜᱚᱨ ᱨᱮ ᱦᱤᱡᱩᱜ ᱠᱟᱱᱟ ᱾^[᱑]^[᱒] ᱱᱚᱶᱟ ᱜᱟᱰᱟ ᱫᱟᱜ ᱨᱮ ᱨᱟᱯᱷᱴᱤᱝ ᱞᱟᱹᱜᱤᱫ ᱛᱮ ᱧᱩᱛᱩᱢᱚᱜ ᱠᱟᱱᱟ ᱾^[᱓]

ᱦᱟᱭᱰᱨᱚᱞᱚᱡᱤ

ᱟᱭᱩᱝ ᱜᱟᱰᱟ ᱨᱮᱱᱟᱜ ᱫᱟᱜ ᱞᱤᱸᱡᱤᱱ ᱵᱮᱥᱤᱱ ᱫᱚ ᱑᱐᱙.᱓᱐ ᱠᱤᱞᱚᱢᱤᱴᱚᱨ ᱡᱟᱭᱜᱟ ᱛᱮ ᱡᱚᱴᱮᱫᱮᱜᱼᱟ ᱾^[᱔] ᱟᱨ ᱱᱚᱶᱟ ᱨᱮᱱᱟᱜ ᱦᱟᱹᱴᱤᱧ ᱫᱚ ᱓᱐᱐.᱘᱔ ᱠᱤᱞᱚᱢᱤᱴᱚᱨ (᱓᱐,᱐᱐᱐ ᱦᱮᱠᱴᱟᱨ) ᱦᱟᱹᱴᱤᱧ ᱨᱮ ᱦᱤᱡᱩᱜᱼᱟ ᱾ ᱱᱚᱶᱟ ᱜᱟᱰᱟ ᱫᱚ ᱠᱤᱱᱛᱟᱢᱟᱱᱤ ᱥᱩᱨ ᱨᱮ ᱢᱮᱱᱟᱜᱼᱟ, ᱱᱚᱶᱟ ᱜᱟᱰᱟ ᱫᱚ ᱥᱮᱛᱮᱫ ᱠᱷᱚᱱ ᱖᱘.᱕ ᱠᱤᱞᱚᱢᱤᱴᱚᱨ ᱥᱟᱺᱜᱤᱧ, ᱵᱟᱞᱤ ᱨᱮᱱᱟᱜ ᱮᱛᱚᱢ ᱟᱨ ᱠᱚᱧᱮ ᱴᱚᱴᱷᱟ ᱦᱟᱹᱴᱤᱧ ᱠᱟᱛᱮ ᱯᱟᱰᱚᱝᱜᱟᱞᱚᱠ ᱫᱚᱨᱭᱟ ᱰᱷᱤᱯ ᱨᱮ ᱞᱤᱸᱡᱤ ᱥᱮᱴᱮᱨᱚᱜ ᱠᱟᱱᱟ ᱾ ᱪᱮᱛᱟᱱ ᱜᱟᱰᱟ ᱥᱮᱫ ᱨᱮ, ᱯᱮᱭᱟ ᱢᱟᱨᱟᱝ ᱥᱚᱦᱚᱫ ᱜᱟᱰᱟ ᱟᱭᱩᱝ ᱜᱟᱰᱟ ᱫᱟᱜ ᱨᱮ ᱫᱩᱞ ᱢᱮᱥᱟᱜ ᱠᱟᱱᱟ, ᱚᱱᱟ ᱠᱚ ᱫᱚ ᱦᱩᱭᱩᱜ ᱠᱟᱱᱟ ᱴᱩᱠᱮᱰ ᱵᱟᱝᱠᱩᱝ (Tukad Bangkung) ᱡᱟᱦᱟᱸ ᱫᱚ ᱯᱮᱞᱮᱜᱟ (Pelaga) ᱨᱮ ᱮᱛᱚᱢ ᱥᱮᱫ ᱠᱷᱚᱱ, ᱴᱩᱠᱮᱰ ᱢᱮᱝᱜᱟᱱᱤ (Tukad Menggani) ᱡᱟᱦᱟᱸ ᱫᱚ ᱠᱟᱴᱩᱨ (Catur) ᱨᱮ ᱮᱛᱚᱢ ᱥᱮᱫ ᱠᱷᱚᱱ ᱟᱨ ᱴᱩᱠᱮᱰ ᱥᱤᱯᱤ (Tukad Siap) ᱡᱟᱦᱟᱸ ᱫᱚ ᱠᱤᱱᱛᱟᱢᱟᱱᱤ (Kintamani) ᱨᱮ ᱮᱛᱚᱢ ᱥᱮᱫ ᱠᱷᱚᱱ ᱾ ᱱᱚᱶᱟ ᱯᱮᱭᱟ ᱜᱟᱰᱟ ᱫᱩᱞᱢᱤᱫ ᱫᱚ ᱯᱟᱭᱟᱝᱜᱟᱱ ᱨᱮ ᱢᱮᱱᱟᱜᱼᱟ ᱾

ᱚᱛᱱᱚᱜ

ᱟᱭᱩᱝ ᱜᱟᱰᱟ ᱨᱮᱱᱟᱜ ᱫᱟᱜ ᱡᱟᱭᱜᱟ ᱨᱮᱱᱟᱜ ᱥᱮᱨᱢᱟᱠᱤᱭᱟᱹ ᱮᱵᱷᱚᱨᱮᱡᱽ (average) ᱞᱚᱞᱚᱥᱚᱝ ᱫᱚ ᱑᱘.᱔ °C ᱠᱷᱚᱱ ᱒᱖.᱖ °C ᱛᱟᱞᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱫᱚ ᱩᱥᱩᱞ ᱤᱫᱤ ᱠᱟᱛᱮ ᱠᱚᱢ ᱰᱮᱦᱮᱨ ᱦᱩᱭ ᱫᱟᱲᱮᱭᱟᱜᱼᱟ ᱾ ᱜᱟᱰᱟ ᱨᱮᱱᱟᱜ ᱪᱮᱛᱟᱱ ᱥᱮᱫ ᱨᱮ ᱥᱮᱨᱢᱟᱠᱤᱭᱟᱹ ᱫᱟᱜᱼᱡᱟᱹᱲᱤ ᱫᱚ ᱡᱟᱹᱥᱛᱤ ᱜᱮ ᱛᱟᱦᱮᱸᱱᱟ, 1963-3242 ᱢᱤᱞᱤᱢᱤᱴᱚᱨ ᱥᱩᱨᱥᱩᱯᱩᱨ ᱛᱟᱦᱮᱸᱱᱟ ᱾ ᱞᱟᱛᱟᱨ ᱥᱮᱫ ᱫᱚ ᱫᱟᱜ ᱡᱟᱹᱲᱤ ᱪᱮᱛᱟᱱ ᱥᱮᱫ ᱩᱱᱟᱹᱜ ᱵᱟᱭ ᱦᱩᱭᱩᱜᱼᱟ ᱾ ᱛᱟᱞᱟ ᱥᱮᱫ ᱨᱮ ᱫᱚ 1998-3176 ᱢᱤᱞᱤᱢᱤᱴᱚᱨ ᱜᱟᱱ ᱫᱟᱜ ᱡᱟᱹᱲᱤ ᱦᱩᱭᱩᱜᱼᱟ ᱾ ᱞᱟᱛᱟᱨ ᱩᱛᱟᱹᱨ ᱨᱮ, ᱰᱮᱱᱯᱟᱥᱟᱨ ᱵᱟᱡᱟᱨ ᱵᱷᱤᱲᱟᱹᱣ ᱨᱮ ᱫᱚ ᱠᱚᱢᱚᱜᱼᱟ, ᱡᱟᱦᱟᱸ ᱫᱚ 1486-69 ᱵᱷᱤᱛᱨᱤ ᱨᱮ ᱛᱟᱦᱮᱸᱱᱟ ᱾

ᱚᱛ ᱵᱮᱵᱷᱟᱨ

ᱱᱚᱶᱟ ᱜᱟᱰᱟ ᱨᱮᱱᱟᱜ ᱫᱟᱜ ᱫᱚ ᱟᱥᱚᱠᱟᱭ ᱛᱮ ᱪᱟᱥ ᱵᱟᱥ ᱞᱮ ᱞᱟᱜᱟᱛᱚᱜ ᱠᱟᱱᱟ ᱾ ᱱᱚᱶᱟ ᱜᱟᱰᱟ ᱨᱮᱱᱟᱜ ᱪᱮᱛᱟᱱ ᱥᱮᱫ ᱫᱚ ᱧᱮᱞ ᱡᱚᱝ ᱦᱚᱸ ᱟᱹᱰᱤ ᱱᱟᱯᱟᱭᱟ, ᱟᱥᱚᱠᱟᱭ ᱛᱮ ᱯᱮᱴᱟᱝ ᱠᱷᱚᱱ ᱠᱟᱨᱟᱝᱥᱟᱨᱤ ᱦᱟᱹᱵᱤᱡ ᱾ ᱱᱚᱶᱟ ᱜᱟᱰᱟ ᱫᱚ ᱨᱟᱯᱷᱴᱤᱝ (Rafting) ᱞᱟᱹᱜᱤᱫ ᱦᱚᱸ ᱵᱷᱟᱹᱜᱤ ᱴᱷᱟᱶ ᱠᱟᱱᱟ ᱾

ᱥᱟᱹᱠᱷᱭᱟᱹᱛ

↑ Tukad Ayung at Geonames.org (cc-by); Last updated 2012-01-17; Database dump downloaded 2015-11-27
↑ ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named bappeda
↑ Sungai Ayung tempat Rafting di Bali - Bali Tours Club. Accessed August 2017.
↑ "Nama, Panjang dan Luas DAS Sungai-sungai di Provinsi Bali" (PDF). 2013.^{[dead link]}

[gn1650965-1] Tukad Ayung at Geonames.org (cc-by); Last updated 2012-01-17; Database dump downloaded 2015-11-27

[bappeda-2] ᱛᱩᱢᱟᱹᱞ ᱦᱩᱲᱟᱹᱜ:Invalid <ref> tag; no text was provided for refs named bappeda

[toursclub-3] Sungai Ayung tempat Rafting di Bali - Bali Tours Club. Accessed August 2017.

[dispu-4] "Nama, Panjang dan Luas DAS Sungai-sungai di Provinsi Bali" (PDF). 2013.^{[dead link]}

[᱑]

[᱒]

[᱓]

[᱔]