ᱟᱭᱮᱥᱟ ᱪᱚᱣᱫᱷᱚᱨᱤ

ᱟᱭᱮᱥᱟ ᱪᱚᱣᱫᱷᱚᱨᱤ (᱒᱗ ᱢᱟᱨᱪ ᱑᱙᱙᱖ - ᱒᱔ ᱡᱟᱱᱩᱣᱟᱨᱤ ᱒᱐᱑᱕) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱚᱱᱚᱞᱤᱭᱟᱹ ᱟᱨ ᱢᱚᱴᱤᱵᱷᱮᱥᱚᱱᱟᱞ ᱥᱯᱤᱠᱚᱨ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱟᱡᱟᱜ ᱜᱩᱨ ᱢᱟᱬᱟᱝ ᱢᱤᱫ ᱢᱟᱦᱟᱸ ᱢᱟᱬᱟᱝ ᱯᱟᱨᱥᱟᱞ ᱟᱠᱟᱱ ᱯᱚᱛᱚᱵ ᱢᱟᱭ ᱞᱤᱴᱤᱞ ᱮᱯᱤᱯᱷᱟᱱᱤᱥ ᱨᱮᱱᱤᱡ ᱚᱱᱚᱞᱤᱭᱟᱹ ᱠᱟᱱᱟᱭ᱾ ᱒᱐᱑᱙ ᱨᱮᱱᱟᱜ ᱦᱤᱱᱫᱤ ᱯᱷᱤᱞᱤᱢ ᱫᱤ ᱥᱠᱟᱭ ᱤᱡ ᱯᱤᱸᱠ ᱫᱚ ᱟᱡᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱᱟ᱾

ᱮᱛᱚᱦᱚᱵ ᱡᱤᱭᱚᱱ

ᱪᱚᱣᱫᱷᱚᱨᱤ ᱫᱚ ᱱᱤᱨᱮᱱ ᱪᱚᱣᱫᱷᱚᱨᱤ ᱨᱮᱱ ᱠᱩᱲᱤ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱭᱚᱢ! ᱵᱨᱟᱸᱰᱥ ᱟᱨ ᱟᱫᱤᱛᱤ ᱨᱮᱱᱟᱜ ᱠᱚᱧᱮ ᱮᱥᱤᱭᱟ ᱚᱯᱮᱨᱮᱥᱚᱱ ᱨᱮᱱᱤᱡ ᱯᱨᱮᱥᱤᱰᱮᱱᱴ ᱟᱨ ᱢᱮᱱᱴᱟᱞ ᱦᱮᱞᱛᱷ ᱠᱮᱭᱟᱨ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱨᱮᱱ ᱤᱥᱟᱱ ᱪᱚᱣᱫᱷᱚᱨᱤ ᱧᱩᱛᱩᱢᱟᱱ ᱢᱤᱫ ᱢᱟᱨᱟᱝ ᱵᱚᱭᱦᱟ ᱟᱨ ᱛᱟᱱᱭᱟ ᱪᱚᱣᱫᱷᱚᱨᱤ ᱧᱩᱛᱩᱢᱟᱱ ᱢᱤᱫ ᱢᱟᱨᱟᱝ ᱵᱩᱦᱤᱱ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ ᱮᱭᱟᱭ ᱪᱟᱸᱫᱚ ᱩᱢᱮᱨ ᱨᱮ ᱜᱚᱡ ᱮᱱᱟᱭ᱾ ᱪᱚᱣᱫᱷᱚᱨᱤ ᱫᱚ ᱥᱤᱵᱷᱤᱭᱚᱨ ᱠᱚᱢᱵᱟᱭᱤᱱᱰ ᱤᱢᱭᱩᱱᱳᱰᱮᱯᱷᱤᱥᱤᱭᱮᱱᱥᱤ (ᱮᱥᱥᱤᱟᱭᱰᱤ) ᱥᱟᱶ ᱮ ᱡᱟᱱᱟᱢ ᱞᱮᱱᱟ᱾ ᱡᱚᱠᱷᱚᱱ ᱩᱱᱤ ᱫᱚ ᱛᱩᱨᱩᱭ ᱪᱟᱸᱫᱚ ᱩᱢᱮᱨ ᱨᱮᱭ ᱛᱟᱦᱮᱸ ᱠᱟᱱᱟ, ᱩᱱ ᱚᱠᱛᱚ ᱩᱱᱤ ᱫᱚ ᱢᱤᱫ ᱵᱚᱱ ᱢᱮᱨᱳ ᱴᱨᱟᱱᱥᱯᱞᱟᱸᱴ ᱦᱟᱛᱟᱣ ᱦᱩᱭ ᱞᱮᱱ ᱛᱟᱭᱟ᱾ ᱠᱤᱢᱳᱛᱷᱮᱨᱟᱯᱤ ᱛᱟᱭᱚᱢ ᱢᱮᱰᱤᱠᱟᱞ ᱛᱷᱮᱨᱟᱯᱤ ᱨᱮᱱᱟᱜ ᱥᱟᱭᱤᱰ ᱤᱯᱷᱮᱠᱴ ᱞᱮᱠᱟᱛᱮ, ᱩᱱᱤ ᱫᱚ ᱯᱷᱩᱞᱢᱚᱱᱟᱨᱤ ᱯᱷᱟᱭᱵᱽᱨᱚᱥᱤᱥ ᱧᱩᱛᱩᱢᱟᱱ ᱢᱤᱫ ᱟᱹᱰᱤ ᱢᱟᱨᱟᱝ ᱟᱡᱟᱨ ᱦᱟᱛᱟᱣ ᱠᱮᱫᱟ - ᱢᱤᱫ ᱞᱮᱠᱟᱱ ᱦᱟᱞᱚᱛ ᱡᱟᱦᱟᱸ ᱫᱚ ᱞᱩᱝ ᱨᱮᱱᱟᱜ ᱵᱟᱝ ᱵᱚᱫᱚᱞ ᱜᱷᱟᱣ ᱮ ᱮᱛᱚᱦᱚᱵ ᱮᱫᱟ᱾

ᱠᱟᱹᱢᱤ ᱡᱤᱭᱚᱱ

ᱪᱚᱣᱫᱷᱚᱨᱤ ᱫᱚ ᱑᱕ ᱥᱮᱨᱢᱟ ᱩᱢᱮᱨ ᱠᱷᱚᱱ ᱟᱡᱟᱜ ᱜᱩᱨ ᱦᱟᱹᱵᱤᱡ ᱤᱱᱥᱯᱤᱨᱮᱥᱚᱱᱟᱞ ᱠᱟᱛᱷᱟᱭ ᱮᱢ ᱞᱮᱫᱟ᱾ ᱩᱱᱤ ᱫᱚ ᱤᱱᱠ ᱯᱷᱮᱞᱳ ᱧᱩᱛᱩᱢ ᱮᱢ ᱦᱩᱭ ᱞᱮᱱ ᱛᱟᱦᱮᱸᱱᱟ ᱟᱨ ᱒᱐᱑᱑ ᱟᱨ ᱒᱐᱑᱓ ᱤᱱᱠ ᱠᱚᱱᱯᱷᱟᱨᱮᱱᱥ ᱨᱮ ᱠᱟᱛᱷᱟᱭ ᱮᱢ ᱞᱮᱫᱟ᱾ ᱪᱚᱣᱫᱷᱚᱨᱤ ᱫᱚ ᱒᱐᱑᱓ ᱨᱮ ᱴᱤᱤᱰᱤᱮᱠᱥ ᱯᱩᱱᱮ ᱨᱮ ᱦᱚᱸ ᱢᱤᱫ ᱥᱯᱤᱠᱚᱨ ᱮ ᱛᱟᱦᱮᱸ ᱠᱟᱱᱟ᱾

ᱩᱱᱤ ᱫᱚ ᱢᱤᱫ ᱯᱚᱛᱚᱵ ᱮ ᱚᱞ ᱞᱮᱫᱟ ᱡᱟᱦᱟᱸ ᱫᱚ ᱟᱡᱟᱜ ᱜᱩᱨ ᱢᱟᱬᱟᱝ ᱢᱤᱫ ᱢᱟᱦᱟᱸ ᱢᱟᱬᱟᱝ ᱯᱟᱨᱥᱟᱞ ᱞᱮᱱᱟ᱾

ᱮᱴᱟᱜ ᱢᱤᱰᱤᱭᱟ ᱨᱮ ᱨᱤᱯᱨᱮᱡᱮᱱᱴᱮᱥᱚᱱ

ᱫᱤ ᱥᱠᱟᱭ ᱤᱡ ᱯᱤᱸᱠ, ᱟᱡᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱵᱮᱱᱟᱣ ᱟᱠᱟᱱ ᱯᱷᱤᱞᱤᱢ, ᱡᱟᱦᱟᱸ ᱫᱚ ᱥᱳᱱᱟᱞᱤ ᱵᱳᱥ ᱮ ᱰᱟᱭᱨᱮᱠᱴ ᱟᱠᱟᱫᱟ ᱟᱨ ᱯᱨᱤᱭᱟᱝᱠᱟ ᱪᱚᱯᱲᱟ ᱫᱚ ᱟᱫᱤᱛᱤ ᱪᱚᱣᱫᱷᱚᱨᱤ, ᱯᱷᱟᱨᱦᱟᱱ ᱟᱠᱛᱟᱨ ᱫᱚ ᱱᱤᱨᱮᱱ ᱪᱚᱣᱫᱷᱚᱨᱤ, ᱡᱟᱭᱨᱟ ᱣᱟᱥᱤᱢ ᱫᱚ ᱟᱭᱮᱥᱟ ᱪᱚᱣᱫᱷᱚᱨᱤ ᱟᱨ ᱨᱳᱦᱤᱛ ᱥᱩᱨᱮᱥ ᱥᱟᱨᱟᱯᱷ ᱫᱚ ᱤᱥᱟᱱ ᱪᱚᱣᱫᱷᱚᱨᱤ ᱞᱮᱠᱟᱛᱮ ᱠᱟᱹᱢᱤ ᱟᱠᱟᱫᱟ, ᱑᱑ ᱚᱠᱴᱚᱵᱚᱨ ᱒᱐᱑᱙ ᱨᱮ ᱛᱷᱤᱭᱮᱴᱚᱨ ᱨᱮ ᱨᱤᱞᱤᱡᱽ ᱦᱩᱭ ᱞᱮᱱᱟ᱾

ᱱᱮᱴᱯᱷᱞᱤᱠᱥ ᱨᱮ ᱫᱚ ᱰᱚᱠᱩᱢᱮᱱᱴᱟᱨᱤ, ᱵᱽᱞᱟᱠ ᱥᱟᱱᱥᱟᱭᱤᱱ ᱵᱮᱵᱤ ᱫᱚ ᱟᱡᱟᱜ ᱡᱤᱭᱚᱱ ᱵᱟᱵᱚᱛ ᱨᱮ ᱠᱟᱱᱟ᱾

ᱠᱟᱹᱢᱤ ᱠᱚ

ᱢᱟᱭ ᱞᱤᱴᱤᱞ ᱮᱯᱤᱯᱷᱟᱱᱤᱥ (᱒᱐᱑᱕) ᱡᱟᱦᱟᱸ ᱫᱚ ᱡᱤᱭᱚᱱ ᱵᱟᱵᱚᱛ ᱨᱮ ᱟᱡᱟᱜ ᱩᱭᱦᱟᱹᱨ ᱥᱮᱞᱮᱫ ᱢᱮᱱᱟᱜᱼᱟ ᱟᱨ ᱦᱚᱲ ᱠᱚ ᱟᱡᱟᱜ ᱡᱟᱨᱱᱤ ᱵᱟᱵᱚᱛ ᱨᱮ ᱵᱟᱰᱟᱭ ᱠᱚ ᱠᱷᱚᱡᱚᱜ ᱠᱟᱱ ᱛᱟᱦᱮᱸᱱᱟ ᱡᱟᱦᱟᱸ ᱫᱚ ᱡᱤᱭᱚᱱ ᱨᱮ ᱚᱱᱠᱟᱱ ᱟᱱᱟᱴ ᱠᱷᱚᱱ ᱥᱮᱱᱚᱜ ᱦᱚᱲ ᱠᱚ ᱜᱚᱲᱚ ᱫᱟᱲᱮᱭᱟᱠᱚ᱾