ᱟᱯᱷᱨᱤᱠᱟᱱ ᱤᱣᱱᱤᱭᱚᱱ

ᱣᱤᱠᱤᱯᱤᱰᱤᱭᱟ ᱠᱷᱚᱱ
(ᱟᱯᱷᱨᱤᱠᱟ ᱤᱣᱱᱤᱭᱚᱱ ᱠᱷᱚᱱ ᱟᱹᱪᱩᱨ ᱦᱮᱡᱠᱟᱱᱟ)
Jump to navigation Jump to search

ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱫᱚ ᱢᱤᱫ ᱤᱱᱴᱟᱨᱱᱮᱥᱱᱟᱞ ᱚᱨᱜᱟᱱᱟᱭᱡᱮᱥᱚᱱ ᱠᱟᱱᱟ, ᱚᱠᱟ ᱫᱚ ᱟᱯᱷᱨᱤᱠᱟ ᱨᱮᱱᱟᱜ ᱕᱕ ᱜᱚᱴᱮᱡ ᱫᱤᱥᱟᱹᱢ ᱠᱚ ᱱᱤᱭᱮ ᱛᱮ ᱵᱮᱱᱟᱣ ᱟᱠᱟᱱᱟ᱾ ᱱᱤᱭᱟᱹ ᱨᱮᱱᱟᱜ ᱦᱮᱰᱠᱚᱣᱟᱨᱴᱟᱨ ᱫᱚ ᱤᱛᱷᱤᱣᱯᱤᱭᱟ ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱟᱫᱫᱤᱥ ᱟᱵᱟᱵᱟ ᱨᱮ᱾ ᱟᱯᱷᱨᱤᱠᱟ ᱥᱟᱵᱠᱚᱱᱴᱤᱱᱮᱱᱴ ᱨᱮᱱᱟᱜ ᱫᱤᱥᱟᱹᱢ ᱠᱚ ᱛᱟᱞᱟ ᱨᱮ ᱜᱚᱬᱚ ᱜᱚᱯᱬᱚ ᱛᱤᱝᱜᱩᱭ ᱞᱟᱹᱜᱤᱫ ᱛᱮ ᱟᱯᱷᱨᱤᱠᱟ ᱤᱣᱱᱤᱭᱚᱱ ᱫᱚ ᱵᱮᱱᱟᱣ ᱨᱟᱠᱟᱵ ᱟᱠᱟᱱᱟ᱾ ᱒᱒ᱼ᱒᱕ ᱢᱮ ᱑᱙᱖᱓ ᱟᱯᱷᱨᱤᱠᱟ ᱨᱮᱱ ᱓᱒ ᱫᱤᱥᱟᱹᱢ ᱨᱮᱱ ᱢᱩᱠᱷᱤᱭᱟᱹ ᱠᱚ ᱤᱛᱷᱤᱣᱯᱤᱭᱟ ᱨᱮᱱᱟᱜ ᱨᱟᱡᱽᱫᱷᱟᱹᱱᱤ ᱟᱫᱫᱤᱥ ᱟᱵᱟᱵᱟ ᱨᱮ ᱠᱚ ᱥᱮᱢᱞᱮᱫ ᱞᱮᱱᱟ᱾ ᱚᱱᱟ ᱥᱮᱢᱞᱮᱫ ᱨᱮ ᱥᱚᱱᱚᱫᱽ ᱟᱛᱟᱝ ᱢᱩᱫᱽ ᱛᱮ ᱒᱕ ᱢᱮ ᱑᱙᱖᱓ ᱥᱮᱨᱢᱟ ᱨᱮ Organisation of African Unity(OAU) ᱛᱤᱸᱜᱩ ᱭᱮᱱᱟ᱾ ᱒᱕ ᱢᱮ ᱢᱟᱹᱦᱤᱛ ᱫᱚ ᱟᱯᱷᱨᱤᱠᱟ ᱯᱷᱩᱨᱜᱟᱹᱞ ᱢᱟᱦᱟ ᱱᱮᱱᱰᱟᱭᱮᱱᱟ᱾ ᱱᱤᱭᱟ ᱥᱚᱝᱥᱛᱷᱟ ᱨᱮᱱᱟᱜ ᱨᱮᱦᱮᱫ ᱠᱟᱛᱷᱟ ᱫᱚ – ᱟᱯᱷᱨᱤᱠᱟ ᱨᱮᱱᱟᱜ ᱫᱤᱥᱟᱹᱢ ᱠᱚ ᱛᱟᱞᱟᱨᱮ ᱤᱣᱱᱤᱴᱤ, ᱜᱚᱬᱚ ᱜᱚᱯᱬᱚ ᱠᱮᱴᱮᱡ, ᱚᱸᱰᱮᱱᱟᱜ ᱤᱭᱚᱭ ᱰᱮᱵᱷᱮᱞᱚᱯ, ᱟᱯᱷᱨᱤᱠᱟ ᱨᱮᱱᱟᱜ ᱫᱤᱥᱟᱹᱢ ᱠᱚ ᱨᱮᱱᱟᱜ ᱥᱳᱵᱷᱮᱨᱮᱱᱴᱤ ᱟᱨ ᱯᱷᱩᱨᱜᱟᱹᱞ ᱨᱩᱠᱷᱤᱭᱟᱹ ᱚᱱᱟ ᱥᱟᱶ ᱤᱱᱴᱟᱨᱱᱮᱥᱱᱟᱞ ᱜᱚᱬᱚ ᱦᱟᱛᱟᱣ᱾ ᱒᱒ ᱯᱷᱮᱵᱨᱩᱣᱟᱨᱤ ᱑᱙᱘᱒ ᱯᱟᱹᱪᱷᱤᱢ ᱥᱟᱦᱟᱨᱟ ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱨᱮᱭ ᱥᱮᱞᱮᱫ ᱮᱱ ᱛᱮ ᱵᱮᱱᱟᱣ ᱚᱠᱛᱮ ᱨᱮᱱ ᱢᱮᱢᱵᱟᱨ ᱢᱚᱨᱚᱠᱠᱳ ᱑᱒ ᱱᱚᱵᱷᱮᱢᱵᱚᱨ ᱑᱙᱘᱔ ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱠᱷᱚᱱᱮ ᱩᱰᱩᱝ ᱮᱱᱟ᱾ᱢᱚᱨᱚᱠᱠᱳ ᱫᱚ ᱯᱟᱹᱪᱷᱤᱢ ᱥᱟᱦᱟᱨᱟ ᱫᱚ ᱟᱠᱚᱣᱟᱜ ᱫᱟᱹᱠᱷᱤᱱ ᱯᱨᱚᱫᱮᱥ ᱢᱮᱱ ᱛᱮ ᱠᱚ ᱢᱮᱛᱟᱜᱼᱟ᱾ ᱑᱙᱗᱕ ᱥᱮᱨᱢᱟ ᱨᱮ ᱢᱚᱨᱚᱠᱠᱳ ᱯᱟᱹᱪᱷᱤᱢ ᱥᱟᱦᱟᱨᱟ ᱫᱚ ᱟᱠᱚᱣᱟᱜ ᱫᱤᱥᱟᱹᱢ ᱥᱟᱶ ᱠᱚ ᱥᱮᱞᱮᱫ ᱠᱮᱫᱟ᱾ ᱙ ᱡᱩᱞᱟᱭ ᱒᱐᱐᱒ OAU ᱨᱮᱱᱟᱜ ᱧᱤᱛᱩᱢ ᱵᱚᱫᱚᱞ ᱠᱟᱛᱮᱜ African Union(AU) ᱦᱩᱭᱮᱱᱟ᱾ ᱒᱕ ᱢᱮ ᱒᱐᱑᱓ ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱨᱮᱱᱟᱜ ᱕᱐ ᱥᱮᱨᱢᱟ ᱯᱩᱨᱟᱹᱣ ᱮᱱᱟ᱾ ᱓᱓ ᱥᱮᱨᱢᱟ ᱛᱟᱭᱚᱱ ᱓᱐ ᱡᱟᱱᱩᱣᱟᱨᱤ ᱒᱐᱑᱗ ᱢᱚᱨᱚᱠᱠᱳ ᱫᱚ ᱟᱨᱦᱚᱸ ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱨᱮᱭ ᱥᱮᱞᱮᱫ ᱨᱩᱣᱟᱲᱮᱱᱟ᱾ ᱚᱱᱟ ᱛᱮ ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱨᱮᱱ ᱧᱮᱛᱚᱜ ᱢᱮᱢᱵᱟᱨ ᱫᱚ ᱕᱕ ᱜᱚᱴᱮᱡ ᱫᱤᱥᱟᱹ᱾ ᱥᱮᱫᱟᱭ ᱨᱮᱱᱟᱜ ᱟᱯᱷᱨᱤᱠᱟ ᱠᱚᱢᱤᱣᱱᱤᱴᱤ(African Economic Community)ᱟᱨ ᱚᱨᱜᱟᱱᱟᱭᱡᱮᱥᱚᱱ ᱚᱵᱽ ᱟᱯᱷᱨᱤᱠᱟᱱ ᱤᱣᱱᱤᱴᱤ(Organisation of African Unity) ᱱᱤᱭᱟᱹ ᱵᱟᱨᱮᱭᱟ ᱥᱚᱝᱥᱛᱷᱟ ᱢᱤᱫ ᱠᱟᱛᱮᱜ ᱟᱯᱷᱨᱤᱠᱟ ᱤᱣᱱᱤᱭᱚᱱ ᱵᱮᱱᱟᱣ ᱟᱠᱟᱱᱟ|

ᱟᱯᱷᱨᱤᱠᱟᱱ ᱤᱣᱱᱤᱭᱚᱱ

ᱢᱮᱢᱵᱟᱨ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱯᱷᱨᱤᱠᱟᱱ ᱤᱣᱱᱤᱭᱚᱱ ᱨᱮᱭᱟᱜ ᱕᱕ ᱜᱚᱴᱮᱡ ᱢᱮᱢᱵᱟᱨ ᱫᱤᱥᱟᱹᱢ ᱠᱚᱣᱟᱜ ᱧᱤᱛᱩᱢ–

ᱯᱷᱮᱰᱮᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱮᱴᱟᱜ ᱥᱚᱝᱜᱮᱛᱮᱱᱟᱜ ᱡᱟᱜᱟ ᱠᱚ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]