ᱟᱯᱷᱨᱤᱠᱟ ᱨᱮ ᱜᱤᱫᱽᱨᱟᱹ ᱥᱟᱶᱟᱨ ᱟᱨ ᱯᱩᱥᱴᱤ

ᱟᱯᱷᱨᱤᱠᱟ ᱨᱮ ᱜᱤᱫᱽᱨᱟᱹ ᱥᱟᱶᱟᱨ ᱟᱨ ᱯᱩᱥᱴᱤ ᱫᱚ ᱟᱯᱷᱨᱤᱠᱟ ᱨᱮᱭᱟᱜ ᱟᱭᱢᱟ ᱫᱤᱥᱚᱢ ᱠᱚᱨᱮ ᱜᱤᱫᱽᱨᱟᱹ ᱠᱚ ᱠᱷᱚᱱ ᱡᱩᱣᱟᱹᱱ ᱠᱚᱣᱟᱜ ᱦᱚᱲᱢᱚ ᱥᱟᱶᱟᱨ ᱥᱟᱶ ᱡᱚᱲᱟᱣ ᱢᱮᱱᱟᱜᱼᱟ ᱾ ᱦᱚᱲᱢᱚ ᱥᱟᱶᱟᱨ ᱨᱮᱭᱟᱜ ᱚᱫᱷᱤᱠᱟᱨ ᱟᱨ ᱯᱩᱥᱴᱤ ᱟᱨ ᱯᱩᱨᱟᱹᱣ ᱡᱚᱢᱟᱜ ᱫᱚ ᱡᱮᱡᱟᱹᱛᱤᱭᱟᱹᱨᱤ ᱞᱮᱠᱟᱛᱮ ᱩᱨᱩᱢᱚᱜ ᱠᱟᱱ ᱢᱟᱱᱣᱟ ᱚᱫᱷᱤᱠᱟᱨ ᱠᱟᱱᱟ ᱡᱟᱦᱟᱸ ᱫᱚ ᱡᱮᱡᱟᱹᱛᱤᱭᱟᱹᱨᱤ ᱪᱩᱠᱛᱤ ᱦᱚᱛᱮᱛᱮ ᱨᱩᱠᱷᱤᱭᱟᱹ ᱟᱠᱟᱱᱟ ᱾ ᱢᱤᱞᱮᱱᱤᱭᱚᱢ ᱰᱮᱵᱷᱞᱚᱯᱢᱮᱱᱴ ᱜᱳᱞᱥ (ᱮᱢᱰᱤᱡᱤ) ᱑, ᱔, ᱕ ᱟᱨ ᱖ ᱫᱚ ᱩᱫᱩᱜᱮᱫᱟᱭ, ᱡᱮᱞᱮᱠᱟ ᱜᱤᱫᱽᱨᱟᱹ ᱥᱟᱶᱟᱨ ᱞᱮᱠᱟᱛᱮ ᱨᱮᱸᱜᱮᱡ, ᱟᱠᱟᱞ, ᱜᱤᱫᱽᱨᱟᱹ ᱜᱩᱡᱩᱜ, ᱮᱸᱜᱟᱛ ᱥᱟᱶᱟᱨ, ᱮᱪᱟᱭᱵᱷᱤ/ᱮᱰᱥ ᱪᱟᱵᱟᱭ, ᱢᱮᱞᱮᱨᱤᱭᱟ, ᱴᱤᱵᱤ ᱟᱨ ᱮᱴᱟᱜ ᱟᱡᱟᱨ ᱠᱚ ᱪᱮᱫ ᱞᱮᱠᱟ ᱟᱹᱰᱤ ᱡᱟᱹᱨᱩᱲᱟᱱᱟᱜ ᱠᱟᱱᱟ ᱾^[᱑] ᱱᱚᱣᱟ ᱠᱚ ᱠᱤᱨᱭᱟᱹ ᱟᱨ ᱟᱫᱚᱨᱥᱚ ᱛᱟᱦᱮᱸᱱ ᱨᱮᱦᱚᱸ, ᱥᱟᱹᱨᱤ ᱠᱟᱛᱷᱟ ᱫᱚ ᱱᱚᱣᱟ ᱠᱟᱱᱟ ᱡᱮ ᱦᱩᱰᱤᱧ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱵᱟᱹᱲᱛᱤ ᱜᱩᱡᱩᱜ, ᱟᱥᱚᱠᱟᱭ ᱛᱮ ᱟᱯᱷᱨᱤᱠᱟ ᱨᱮ, ᱪᱤᱱᱛᱟᱹ ᱨᱮᱭᱟᱜ ᱠᱟᱨᱚᱱ ᱦᱩᱭ ᱟᱠᱟ ᱢᱮᱱᱟᱜᱼᱟ ᱾ ᱥᱩᱭᱰᱮᱱ ᱞᱮᱠᱟᱱ ᱞᱟᱦᱟᱱᱛᱤ ᱫᱤᱥᱚᱢ ᱠᱚᱨᱮ ᱡᱟᱱᱟᱢ ᱟᱠᱟᱱ ᱜᱤᱫᱽᱨᱟᱹ ᱠᱚᱣᱟᱜ ᱑ ᱥᱮᱨᱢᱟ ᱩᱢᱮᱨ ᱢᱟᱬᱟᱝ ᱨᱮ ᱜᱩᱡᱩᱜ ᱨᱮᱭᱟᱜ ᱵᱚᱛᱚᱨ ᱑ ᱥᱟᱭᱠᱚᱲᱟ ᱠᱷᱚᱱ ᱦᱚᱸ ᱠᱚᱢ ᱜᱮᱭᱟ, ᱢᱮᱱᱠᱷᱟᱱ ᱞᱟᱦᱟᱱᱛᱤᱜ ᱠᱟᱱ ᱫᱤᱥᱚᱢ ᱠᱚᱨᱮ ᱡᱟᱱᱟᱢ ᱟᱠᱟᱱ ᱜᱤᱫᱽᱨᱟᱹ ᱠᱚ ᱞᱟᱹᱜᱤᱫ, ᱵᱚᱛᱚᱨ ᱫᱚ ᱑0 ᱥᱟᱭᱠᱚᱲᱟ ᱥᱮ ᱚᱱᱟ ᱠᱷᱚᱱ ᱵᱟᱹᱲᱛᱤ ᱢᱮᱱᱟᱜᱼᱟ ᱾ ᱞᱟᱦᱟᱱᱛᱤᱜ ᱠᱟᱱ ᱫᱤᱥᱚᱢ ᱠᱚᱨᱮ, ᱠᱤᱥᱟᱹᱬ ᱟᱨ ᱨᱮᱸᱜᱮᱡ ᱟᱨ ᱵᱟᱡᱟᱨ ᱟᱨ ᱟᱹᱛᱩ ᱫᱤᱥᱚᱢ ᱠᱚ ᱛᱟᱞᱟ ᱨᱮ ᱟᱹᱰᱤ ᱢᱟᱨᱟᱝ ᱵᱷᱮᱜᱮᱫ ᱢᱮᱱᱟᱜᱼᱟ ᱾^[᱒]^[᱑] ᱱᱚᱣᱟ ᱢᱟᱨᱟᱝ ᱵᱷᱮᱜᱮᱫ ᱠᱚ ᱫᱚ ᱯᱩᱭᱞᱩ ᱟᱨ ᱞᱮᱛᱟᱲ ᱩᱯᱱᱤᱵᱮᱥᱤᱭᱟᱹ ᱥᱟᱥᱚᱱ ᱨᱮᱭᱟᱜ ᱚᱨᱡᱚ ᱠᱟᱱᱟ ᱜᱚᱴᱟ ᱟᱯᱷᱨᱤᱠᱟ ᱨᱮ ᱾ ᱯᱩᱥᱴᱤ ᱚᱵᱷᱟᱵᱽ ᱨᱮᱭᱟᱜ ᱢᱤᱫ ᱡᱤᱞᱤᱧ ᱟᱨ ᱟᱸᱴ ᱱᱟᱜᱟᱢ ᱢᱮᱱᱟᱜᱼᱟ ᱟᱨ ᱞᱮᱛᱟᱲ ᱢᱮᱱᱟᱜ ᱜᱮᱭᱟ, ᱡᱟᱦᱟᱸ ᱨᱮᱭᱟᱜ ᱵᱟᱹᱲᱛᱤ ᱦᱟᱹᱴᱤᱧ ᱫᱚ ᱯᱩᱭᱞᱩ ᱩᱯᱱᱤᱵᱮᱥᱤᱭᱟᱹ ᱥᱟᱥᱚᱱ ᱞᱟᱫᱮ ᱠᱷᱚᱱ ᱥᱤᱨᱡᱟᱹᱣ ᱟᱠᱟᱱᱟ ᱾ ᱤᱣᱨᱳᱯᱤᱭᱟᱱ ᱮᱥᱮᱨ ᱥᱟᱶᱛᱮ, ᱟᱯᱷᱨᱤᱠᱟᱱ ᱪᱟᱹᱥᱤ ᱠᱚ ᱦᱟᱥᱟ ᱨᱮ ᱪᱮᱫ ᱟᱨ ᱪᱮᱫ ᱞᱮᱠᱟ ᱪᱟᱥ ᱦᱩᱭᱩᱜᱼᱟ ᱚᱱᱟ ᱵᱟᱵᱚᱛ ᱛᱮ ᱫᱤᱥᱟᱹ ᱮᱢ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾^[᱓] ᱢᱟᱦᱟᱫᱮᱥ ᱨᱮᱭᱟᱜ ᱵᱟᱹᱲᱛᱤ ᱴᱷᱟᱶ ᱨᱮ ᱞᱟᱹᱜᱩ ᱟᱨ ᱯᱟᱥᱱᱟᱣ ᱟᱠᱟᱱ ᱢᱤᱫ ᱪᱟᱥ ᱦᱚᱨᱟ ᱫᱚ ᱛᱟᱦᱮᱸ ᱠᱟᱱᱟ ᱢᱚᱱᱚᱠᱨᱚᱯᱤᱝ (ᱮᱠᱞᱟ ᱪᱟᱥ), ᱥᱮ ᱠᱮᱥ ᱠᱨᱚᱯᱥ (ᱠᱟᱹᱣᱰᱤ ᱪᱟᱥ) ᱵᱮᱵᱷᱟᱨ ᱾ ᱠᱮᱥ ᱠᱨᱚᱯᱥ ᱫᱚ ᱟᱯᱱᱟᱨ ᱵᱮᱵᱷᱟᱨ ᱵᱚᱫᱚᱞ ᱛᱮ ᱵᱮᱯᱟᱨ ᱵᱮᱵᱷᱟᱨ ᱞᱟᱹᱜᱤᱫ ᱪᱟᱥ ᱟᱨᱡᱟᱣ ᱠᱟᱱᱟ ᱾ ᱱᱚᱣᱟ ᱠᱟᱹᱢᱤ ᱨᱮ ᱵᱟᱹᱲᱛᱤ ᱠᱟᱭᱛᱮ ᱢᱩᱬᱩᱛ ᱪᱟᱥ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱡᱟᱦᱟᱸ ᱫᱚ ᱢᱤᱫ ᱦᱟᱥᱟ ᱨᱮ ᱥᱮᱨᱢᱟ ᱯᱤᱪᱷᱤ ᱪᱟᱥ ᱦᱩᱭᱩᱜᱼᱟ, ᱡᱟᱦᱟᱸ ᱠᱷᱟᱹᱛᱤᱨ ᱵᱷᱮᱜᱟᱨ ᱵᱷᱮᱜᱟᱨ ᱪᱟᱥ ᱨᱮᱭᱟᱜ ᱚᱵᱷᱟᱵᱽ, ᱦᱟᱥᱟ ᱠᱷᱚᱭᱚᱜ ᱟᱨ ᱦᱟᱥᱟ ᱨᱮᱭᱟᱜ ᱜᱩᱱ ᱠᱚᱢᱚᱜᱼᱟ ᱾ ᱪᱟᱹᱥᱤ ᱠᱚ ᱱᱟᱣᱟ ᱪᱟᱥ ᱟᱨ ᱱᱟᱣᱟ ᱪᱟᱥ ᱦᱚᱨᱟ ᱛᱮ ᱩᱪᱟᱹᱲᱚᱜ ᱨᱮᱭᱟᱜ ᱫᱟᱵᱤ ᱠᱷᱟᱹᱛᱤᱨ, ᱯᱩᱥᱴᱤ ᱚᱵᱷᱟᱵᱽ ᱨᱮᱭᱟᱜ ᱫᱚᱨ ᱟᱹᱰᱤ ᱵᱟᱹᱲᱛᱤ ᱮᱱᱟ ᱾^[᱓]

ᱟᱯᱷᱨᱤᱠᱟ ᱨᱮ ᱜᱤᱫᱽᱨᱟᱹ ᱥᱟᱶᱟᱨ ᱟᱨ ᱯᱩᱥᱴᱤ ᱨᱮᱭᱟᱜ ᱯᱟᱥᱱᱟᱣ ᱟᱨ ᱜᱟᱹᱦᱤᱨ

ᱡᱮᱜᱮᱛ ᱡᱟᱠᱟᱛ ᱨᱮ, ᱜᱤᱫᱽᱨᱟᱹ ᱜᱩᱡᱩᱜ ᱠᱚᱢ ᱨᱮᱭᱟᱜ ᱠᱩᱨᱩᱢᱩᱴᱩ ᱨᱮ ᱟᱹᱰᱤ ᱱᱟᱯᱟᱭ ᱞᱟᱦᱟᱱᱛᱤ ᱦᱩᱭ ᱟᱠᱟᱱᱟ ᱾ ᱡᱮᱜᱮᱛ ᱨᱮ ᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱜᱩᱡᱩᱜ ᱠᱚᱣᱟᱜ ᱮᱞ ᱑᱙᱙᱐ ᱨᱮ ᱟᱢᱫᱟᱡᱽ ᱑᱒ ᱢᱤᱞᱤᱭᱚᱱ ᱠᱷᱚᱱ ᱒᱐᱑᱑ ᱨᱮ ᱖.᱙ ᱢᱤᱞᱤᱭᱚᱱ ᱛᱮ ᱠᱚᱢ ᱟᱠᱟᱱᱟ; ᱟᱨ ᱑᱙᱙᱐ ᱠᱷᱚᱱ ᱡᱮᱜᱮᱛ ᱨᱮ ᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱜᱩᱡᱩᱜ ᱫᱚᱨ ᱔᱑ ᱥᱟᱭᱠᱚᱲᱟ ᱠᱚᱢ ᱟᱠᱟᱱᱟ – ᱑᱙᱙᱐ ᱨᱮ ᱑,᱐᱐᱐ ᱡᱤᱣᱤᱫ ᱡᱟᱱᱟᱢ ᱨᱮ ᱘᱗ ᱜᱩᱡᱩᱜ ᱠᱷᱚᱱ ᱒᱐᱑᱑ ᱨᱮ ᱕᱑ ᱛᱮ ᱾^[᱔] ᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮᱱ ᱜᱤᱫᱽᱨᱟᱹ ᱠᱚ ᱢᱩᱫᱽ ᱨᱮ ᱜᱩᱡᱩᱜ ᱨᱮᱭᱟᱜ ᱢᱩᱬᱩᱛ ᱠᱟᱨᱚᱱ ᱠᱚᱫᱚ ᱦᱩᱭᱩᱜ ᱠᱟᱱᱟ ᱱᱤᱢᱳᱱᱤᱭᱟ (᱑᱘ ᱥᱟᱭᱠᱚᱲᱟ), ᱚᱠᱛᱚ ᱢᱟᱬᱟᱝ ᱡᱟᱱᱟᱢ ᱨᱮᱭᱟᱜ ᱮᱴᱠᱮᱴᱚᱬᱮ (᱑᱔ ᱥᱟᱭᱠᱚᱲᱟ), ᱤᱡ ᱵᱤᱰᱟᱹᱣ / ᱰᱟᱭᱨᱤᱭᱟ (᱑᱑ ᱥᱟᱭᱠᱚᱲᱟ), ᱡᱟᱱᱟᱢ ᱚᱠᱛᱚ ᱨᱮᱭᱟᱜ ᱮᱴᱠᱮᱴᱚᱬᱮ (᱙ ᱥᱟᱭᱠᱚᱲᱟ), ᱟᱨ ᱢᱮᱞᱮᱨᱤᱭᱟ (᱗ ᱥᱟᱭᱠᱚᱲᱟ) ᱾ ᱡᱮᱜᱮᱛ ᱡᱟᱠᱟᱛ ᱨᱮ, ᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱜᱩᱡᱩᱜ ᱨᱮᱭᱟᱜ ᱯᱮ ᱦᱟᱹᱴᱤᱧ ᱠᱷᱚᱱ ᱢᱤᱫ ᱦᱟᱹᱴᱤᱧ ᱠᱷᱚᱱ ᱵᱟᱹᱲᱛᱤ ᱫᱚ ᱯᱩᱥᱴᱤ ᱚᱵᱷᱟᱵᱽ ᱠᱷᱟᱹᱛᱤᱨ ᱦᱩᱭᱩᱜ ᱠᱟᱱᱟ ᱾ ᱟᱯᱷᱨᱤᱠᱟ ᱨᱮ, ᱜᱮᱞᱟᱝ ᱥᱮᱨᱢᱟ ᱠᱚᱨᱮ ᱠᱤᱪᱷᱩ ᱞᱟᱦᱟᱱᱛᱤ ᱦᱚᱸ ᱧᱮᱞ ᱟᱠᱟᱱᱟ ᱾ ᱮᱴᱟᱜ ᱴᱚᱴᱷᱟ ᱠᱚ ᱥᱟᱶ ᱡᱩᱨᱤ ᱞᱮᱠᱷᱟᱱ, ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱨᱮ ᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮ ᱜᱩᱡᱩᱜ ᱠᱚᱢᱚᱜ ᱨᱮᱭᱟᱜ ᱫᱚᱨ ᱟᱹᱰᱤ ᱩᱥᱟᱹᱨᱟ ᱧᱮᱞ ᱟᱠᱟᱱᱟ, ᱡᱟᱦᱟᱸ ᱨᱮ ᱥᱮᱨᱢᱟᱠᱤᱭᱟᱹ ᱠᱚᱢᱚᱜ ᱫᱚᱨ ᱑᱙᱙᱐-᱒᱐᱐᱐ ᱟᱨ ᱒᱐᱐᱐-᱒᱐᱑᱑ ᱛᱟᱞᱟ ᱨᱮ ᱵᱟᱨ ᱜᱩᱱ ᱦᱩᱭ ᱟᱠᱟᱱᱟ ᱾^[᱕] ᱮᱱᱛᱮᱨᱮᱦᱚᱸ, ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱨᱮ ᱜᱤᱫᱽᱨᱟᱹ ᱜᱩᱡᱩᱜ ᱨᱮᱭᱟᱜ ᱮᱞ ᱫᱚ ᱱᱤᱛ ᱦᱚᱸ ᱵᱚᱛᱚᱨᱟᱱ ᱜᱮᱭᱟ ᱾ ᱱᱚᱣᱟ ᱴᱚᱴᱷᱟ ᱨᱮᱜᱮ ᱒᱐᱑᱑ ᱨᱮ ᱕ ᱥᱮᱨᱢᱟ ᱠᱷᱚᱱ ᱠᱚᱢ ᱩᱢᱮᱨ ᱨᱮᱱ ᱓,᱓৭᱐,᱐᱐᱐ ᱜᱤᱫᱽᱨᱟᱹ ᱠᱚ ᱜᱚᱡ ᱟᱠᱟᱱᱟ (WHO, ᱒᱐᱑᱒) ᱡᱟᱦᱟᱸ ᱫᱚ ᱫᱤᱱᱟᱹᱢ ᱙,᱐᱐᱐ ᱜᱤᱫᱽᱨᱟᱹ ᱜᱩᱡᱩᱜ ᱥᱚᱢᱟᱱ ᱠᱟᱱᱟ, ᱟᱨ ᱴᱤᱲᱤᱡ ᱯᱤᱪᱷᱤ ᱛᱩᱨᱩᱭ ᱜᱤᱫᱽᱨᱟᱹ ᱠᱚ ᱜᱩᱡᱩᱜ ᱠᱟᱱᱟ ᱾^[᱑] ᱡᱮᱜᱮᱛ ᱡᱟᱠᱟᱛ ᱨᱮ ᱓ ᱢᱤᱞᱤᱭᱚᱱ ᱱᱟᱣᱟ ᱡᱟᱱᱟᱢ ᱜᱩᱡᱩᱜ ᱠᱷᱚᱱ, ᱟᱢᱫᱟᱡᱽ ᱑.᱑ ᱢᱤᱞᱤᱭᱚᱱ ᱫᱚ ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱨᱮ ᱧᱟᱢᱚᱜᱼᱟ (WHO, ᱒᱐᱑᱒) ᱾^[᱑] ᱜᱤᱫᱽᱨᱟᱹ ᱜᱩᱡᱩᱜ ᱨᱮᱭᱟᱜ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱫᱚᱨ ᱫᱚ ᱥᱟᱵᱽ-ᱥᱟᱦᱟᱨᱟᱱ ᱟᱯᱷᱨᱤᱠᱟ ᱨᱮ ᱢᱮᱱᱟᱜᱼᱟ, ᱡᱟᱦᱟᱸ ᱨᱮ ᱙ ᱜᱚᱴᱟᱝ ᱜᱤᱫᱽᱨᱟᱹ ᱠᱷᱚᱱ ᱑ ᱦᱚᱲ ᱕ ᱥᱮᱨᱢᱟ ᱢᱟᱬᱟᱝ ᱨᱮᱠᱚ ᱜᱩᱡᱩᱜ ᱠᱟᱱᱟ; ᱟᱨ ᱮᱛᱚᱢ ᱮᱥᱤᱭᱟ ᱨᱮ ᱑᱖ ᱜᱤᱫᱽᱨᱟᱹ ᱠᱷᱚᱱ ᱑ ᱦᱚᱲ ᱾^[᱑]^[᱔]

ᱥᱟᱹᱠᱷᱭᱟᱹᱛ

1 2 3 4 5 Marope, P.T.M.; Kaga, Y. (2015). Investing against Evidence: The Global State of Early Childhood Care and Education (PDF). Paris, UNESCO. pp. 170–182. ISBN 978-92-3-100113-0.
↑ UNICEF. 2008. The State of the World's Children: Child Survival. New York, UNICEF.
1 2 Rijpma, Sjoerd (1996-04-01). "Malnutrition in the history of tropical Africa". Civilisations. Revue internationale d'anthropologie et de sciences humaines (in ᱟᱝᱜᱽᱨᱮᱡᱤ) (43–2): 45–63. doi:10.4000/civilisations.1565. ISSN 0009-8140.
1 2 UN Inter-agency Group for Child Mortality Estimation. 2012. Levels and Trends in Child Mortality. New York, UNICEF.
↑ UNICEF. 2013. The State of the World's Children: Children with Disabilities. New York, UNICEF.

[:1-1] 1 2 3 4 5 Marope, P.T.M.; Kaga, Y. (2015). Investing against Evidence: The Global State of Early Childhood Care and Education (PDF). Paris, UNESCO. pp. 170–182. ISBN 978-92-3-100113-0.

[2] UNICEF. 2008. The State of the World's Children: Child Survival. New York, UNICEF.

[:03-3] 1 2 Rijpma, Sjoerd (1996-04-01). "Malnutrition in the history of tropical Africa". Civilisations. Revue internationale d'anthropologie et de sciences humaines (in ᱟᱝᱜᱽᱨᱮᱡᱤ) (43–2): 45–63. doi:10.4000/civilisations.1565. ISSN 0009-8140.

[:0-4] 1 2 UN Inter-agency Group for Child Mortality Estimation. 2012. Levels and Trends in Child Mortality. New York, UNICEF.

[5] UNICEF. 2013. The State of the World's Children: Children with Disabilities. New York, UNICEF.

[᱑]

[᱒]

[᱓]

[᱔]

[᱕]