ᱟᱯᱷᱮᱢᱟᱭ ᱦᱚᱲ
| ᱜᱩᱴ ᱦᱚᱲ ᱮᱞ | |
|---|---|
| ~᱑,᱕᱓᱐,᱐᱐᱐ (ᱞᱮᱠᱷᱟ) (᱒᱐᱒᱕) | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
 Nigeria | |
| ᱮᱛᱥᱟᱠᱳ (ᱯᱟᱪᱮ, ᱛᱟᱞᱢᱟ, ᱥᱟᱢᱟᱝ) | ~᱗᱐᱕,᱐᱐᱐ (ᱞᱮᱠᱷᱟ) |
| ᱳᱣᱟᱱ (ᱯᱟᱪᱮ, ᱥᱟᱢᱟᱝ) | ~᱔᱐᱕,᱐᱐᱐ (ᱞᱮᱠᱷᱟ) |
| ᱟᱠᱳᱠᱳ-ᱮᱰᱳ | ~᱔᱒᱐,᱐᱐᱐ (ᱞᱮᱠᱷᱟ) |
| ᱯᱟᱹᱨᱥᱤ ᱠᱚ | |
| ᱟᱯᱷᱮᱢᱟᱭ[᱑] | |
| ᱫᱷᱚᱨᱚᱢ | |
| ᱤᱥᱟᱹᱭ ᱫᱷᱚᱨᱚᱢ, ᱤᱥᱞᱟᱢ, ᱦᱟᱯᱲᱟᱢ ᱯᱟᱹᱛᱭᱟᱹᱣ | |
ᱟᱯᱷᱮᱢᱟᱭ ᱦᱚᱲ (ᱡᱟᱦᱟᱸ ᱫᱚ ᱟᱯᱷᱮᱱᱢᱟᱭ ᱦᱚᱸ ᱠᱚ ᱚᱞᱟ) ᱫᱚ ᱱᱟᱭᱡᱮᱨᱤᱭᱟ ᱨᱮᱭᱟᱜ ᱮᱰᱳ ᱯᱚᱱᱚᱛ ᱨᱮᱱ ᱢᱤᱫ ᱢᱟᱨᱟᱝ ᱡᱟᱹᱛᱤ ᱜᱟᱫᱮᱞ ᱠᱟᱱᱟ ᱠᱚ ᱾ ᱱᱟᱜᱟᱢ ᱞᱮᱠᱟᱛᱮ ᱩᱱᱠᱩ ᱫᱚ ᱵᱮᱱᱤᱱ ᱥᱟᱢᱨᱟᱡᱽ ᱥᱟᱶ ᱡᱚᱯᱲᱟᱣ ᱢᱮᱱᱟᱜ ᱠᱚᱣᱟ ᱟᱨ ᱤᱰᱚᱣᱤᱰ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟ ᱠᱚ ᱾
ᱟᱯᱷᱮᱢᱟᱭ ᱦᱚᱲ ᱫᱚ ᱮᱰᱳ ᱯᱚᱱᱚᱛ ᱨᱮᱭᱟᱜ ᱛᱩᱨᱩᱭ ᱜᱚᱴᱟᱝ ᱥᱚᱨᱠᱟᱨᱤ ᱴᱚᱴᱷᱟᱨᱤ ᱨᱮ ᱠᱚ ᱛᱟᱦᱮᱸᱱᱟ: ᱮᱛᱥᱟᱠᱳ ᱯᱟᱪᱮ (ᱡᱟᱦᱟᱸ ᱨᱮᱭᱟᱜ ᱢᱩᱬᱩᱛ ᱟᱹᱯᱷᱤᱥ ᱫᱚ ᱟᱣᱩᱪᱤ ᱨᱮ ᱢᱮᱱᱟᱜᱼᱟ), ᱮᱛᱥᱟᱠᱳ ᱛᱟᱞᱢᱟ, ᱮᱛᱥᱟᱠᱳ ᱥᱟᱢᱟᱝ, ᱳᱣᱟᱱ ᱥᱟᱢᱟᱝ, ᱳᱣᱟᱱ ᱯᱟᱪᱮ ᱟᱨ ᱟᱠᱳᱠᱳ ᱮᱰᱳ ᱾ ᱱᱚᱣᱟ ᱴᱚᱴᱷᱟ ᱠᱚᱫᱚ ᱡᱩᱢᱤᱫᱽ ᱛᱮ ᱮᱰᱳ ᱠᱚᱧᱮ ᱛᱟᱞᱢᱟ ᱦᱚᱱᱚᱛ ᱠᱚ ᱢᱮᱛᱟᱜᱼᱟ ᱾
ᱮᱛᱥᱟᱠᱳ, ᱳᱣᱟᱱ, ᱟᱨ ᱟᱠᱳᱠᱳ-ᱮᱰᱳ ᱦᱚᱲ ᱠᱚᱫᱚ ᱡᱩᱢᱤᱫᱽ ᱛᱮ ᱟᱯᱷᱮᱱᱢᱟᱭ ᱠᱚ ᱢᱮᱛᱟ ᱠᱚᱣᱟ ᱾ ᱵᱨᱤᱴᱤᱥ ᱩᱯᱚᱱᱤᱵᱮᱥ ᱥᱟᱥᱚᱱ ᱚᱠᱛᱚ ᱨᱮ ᱱᱚᱣᱟ ᱴᱚᱴᱷᱟ ᱫᱚ ᱠᱩᱠᱩᱨᱩᱠᱩ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ, ᱡᱟᱦᱟᱸ ᱫᱚ ᱞᱟᱹᱲᱦᱟᱹᱭ ᱚᱠᱛᱚ ᱨᱮᱭᱟᱜ ᱢᱤᱫ ᱨᱟᱜᱽ ᱠᱷᱚᱱ ᱦᱮᱡ ᱟᱠᱟᱱᱟ ᱢᱮᱱᱛᱮ ᱞᱟᱹᱭᱚᱜᱼᱟ; ᱱᱤᱛᱚᱜ ᱫᱚ ᱱᱚᱣᱟ ᱧᱩᱛᱩᱢ ᱫᱚ ᱚᱯᱚᱢᱟᱱ ᱡᱚᱝ ᱢᱮᱱᱛᱮ ᱢᱟᱱᱟᱣᱚᱜ ᱠᱟᱱᱟ, ᱚᱱᱟᱛᱮ ᱥᱚᱨᱠᱟᱨ ᱱᱚᱣᱟ ᱧᱩᱛᱩᱢ ᱵᱚᱫᱚᱞ ᱠᱟᱛᱮ ᱟᱯᱷᱮᱢᱟᱭ ᱮ ᱫᱚᱦᱚ ᱟᱠᱟᱫᱟ ᱾[᱒] ᱟᱯᱷᱮᱢᱟᱭ ᱦᱚᱲ ᱠᱚ ᱢᱩᱫᱽ ᱨᱮ ᱯᱟᱹᱨᱥᱤ, ᱟᱹᱨᱤᱪᱟᱹᱞᱤ ᱟᱨ ᱱᱟᱜᱟᱢᱤᱭᱟᱹ ᱥᱟᱹᱜᱟᱹᱭ ᱟᱹᱰᱤ ᱜᱟᱹᱦᱤᱨ ᱜᱮᱭᱟ ᱾
ᱧᱩᱛᱩᱢ ᱟᱨ ᱚᱢᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱯᱷᱮᱢᱟᱭ ᱦᱚᱲ ᱫᱚ ᱟᱯᱷᱮᱱᱢᱟᱭ, ᱮᱛᱥᱟᱠᱳ , ᱮᱛᱥᱟᱠᱳᱨ, ᱤᱭᱮᱠᱷᱤ ᱥᱮ ᱭᱮᱠᱷᱤ ᱦᱚᱲ ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ ᱾ ᱵᱮᱱᱤᱱ ᱨᱮ ᱩᱱᱠᱩ ᱫᱚ ᱤᱵᱷᱤᱭᱳᱥᱟᱠᱳᱱ ᱥᱮ ᱤᱵᱷᱤᱭᱮᱥᱟᱠᱳᱱ ᱦᱚᱲ ᱠᱚ ᱢᱮᱛᱟ ᱠᱚᱣᱟ ᱾ "ᱟᱯᱷᱮᱢᱟᱭ" ᱧᱩᱛᱩᱢ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱵᱚᱱ ᱡᱩᱢᱤᱫᱽ ᱜᱮᱭᱟ", ᱟᱨ "ᱮᱛᱥᱟᱠᱳ" ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱡᱟᱦᱟᱸᱭ ᱟᱠᱚᱣᱟᱜ ᱰᱟᱴᱟ ᱠᱚ ᱥᱟᱡᱟᱣᱟ (file)", ᱱᱚᱣᱟ ᱫᱚ ᱢᱤᱫ ᱢᱟᱨᱮ ᱟᱹᱨᱤᱪᱟᱹᱞᱤ ᱰᱟᱴᱟ ᱞᱮᱱᱰᱮ (tooth sharpening) ᱵᱟᱵᱚᱛ ᱛᱮ ᱞᱟᱹᱭᱚᱜᱼᱟ ᱾ ᱚᱱᱠᱟ ᱜᱮ, ᱵᱮᱱᱤᱱ ᱧᱩᱛᱩᱢ 'ᱤᱵᱷᱤᱭᱮᱥᱟᱠᱳᱱ' ᱨᱮᱭᱟᱜ ᱢᱮᱱᱮᱛ ᱦᱚᱸ "ᱰᱟᱴᱟ ᱥᱟᱡᱟᱣ ᱦᱚᱲ ᱠᱚᱣᱟᱜ ᱜᱤᱫᱽᱨᱟᱹ" ᱠᱟᱱᱟ ᱾
'ᱳᱣᱟᱱ' ᱧᱩᱛᱩᱢ ᱫᱚ ᱚᱱᱟ ᱴᱚᱴᱷᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱡᱮᱞᱮᱧ ᱱᱟᱹᱭ ᱜᱟᱰᱟ 'ᱳᱱᱣᱟᱱ' ᱠᱷᱚᱱ ᱦᱮᱡ ᱟᱠᱟᱱᱟ ᱾ 'ᱳᱱᱣᱟᱱᱵᱩᱣᱟ' ᱠᱷᱚᱱ ᱜᱮ ᱱᱚᱣᱟ ᱫᱚ ᱠᱷᱟᱴᱚ ᱛᱮ 'ᱳᱣᱟᱱ' ᱦᱩᱭ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱡᱟᱦᱟᱸᱭ ᱠᱤᱥᱟᱹᱬ ᱛᱮ ᱨᱟᱹᱥᱠᱟᱹ ᱨᱮ ᱛᱟᱦᱮᱸᱱᱟᱭ" ᱾
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱯᱷᱮᱢᱟᱭ ᱯᱟᱹᱨᱥᱤ ᱫᱚ ᱢᱤᱫ ᱜᱳᱴᱳ-ᱩᱱᱮᱢᱮ-ᱭᱮᱠᱷᱤ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱮᱰᱳᱭᱮᱰ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱠᱚᱭᱮ-ᱛᱟᱞᱢᱟ ᱪᱟᱸᱜᱟ ᱨᱮ ᱞᱮᱠᱷᱟᱜᱼᱟ ᱾ ᱟᱯᱷᱮᱢᱟᱭ ᱫᱚ ᱮᱰᱳ ᱯᱟᱹᱨᱥᱤ ᱥᱟᱶ ᱟᱹᱰᱤ ᱢᱮᱥᱟ-ᱢᱤᱥᱤ ᱜᱮᱭᱟ ᱾
ᱟᱯᱷᱮᱢᱟᱭ ᱨᱮᱭᱟᱜ ᱟᱭᱢᱟ ᱚᱞ-ᱛᱚᱞ ᱪᱟᱸᱜᱟ ᱯᱟᱹᱨᱥᱤ ᱢᱮᱱᱟᱜᱼᱟ:
- ᱟᱣᱩᱪᱤ
- ᱟᱵᱷᱟᱭᱤᱱᱣᱩ
- ᱟᱵᱷᱤᱭᱮᱞᱮ
- ᱮᱠᱯᱮᱨᱤ
- ᱤᱵᱷᱤᱭᱟᱫᱟᱳᱵᱤ
- ᱮᱛᱚᱢ ᱤᱵᱤᱭᱮ
- ᱩᱣᱮᱯᱟ-ᱩᱣᱟᱱᱳ
- ᱩᱱᱮᱢᱮ
- ᱩᱡᱟᱭᱨᱩᱭᱮ
- ᱳᱣᱟᱱ
- ᱳᱠᱯᱮᱞᱞᱟ/ᱳᱠᱯᱮᱠᱯᱮ/ᱠᱚᱭᱮ ᱤᱵᱤᱭᱮ
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱯᱷᱮᱢᱟᱭ ᱫᱚ ᱟᱭᱢᱟ ᱜᱟᱱ ᱨᱟᱡᱽᱜᱟᱲ ᱟᱨ ᱜᱷᱟᱨᱚᱸᱡᱽ (ᱡᱟᱦᱟᱸ ᱫᱚ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱨᱟᱡᱟ ᱠᱚ ᱦᱚᱛᱮᱛᱮ ᱪᱟᱞᱟᱜ ᱠᱟᱱ ᱢᱟᱨᱟᱝ ᱟᱹᱛᱩ ᱥᱮ ᱵᱟᱡᱟᱨ) ᱛᱮ ᱛᱮᱭᱟᱨ ᱟᱠᱟᱱᱟ ᱾ ᱱᱚᱣᱟ ᱠᱚ ᱢᱩᱫᱽ ᱨᱮ ᱟᱭᱢᱟ ᱜᱟᱫᱮᱞ ᱜᱮ ᱟᱯᱷᱮᱢᱟᱭ ᱦᱚᱲ ᱠᱚᱣᱟᱜ ᱚᱢᱚᱱ ᱵᱟᱵᱚᱛ ᱟᱠᱚᱣᱟᱜ ᱱᱤᱡᱮᱨᱟᱜ ᱢᱚᱪᱟ-ᱱᱟᱜᱟᱢ ᱢᱮᱱᱟᱜ ᱛᱟᱠᱚᱣᱟ ᱾ ᱱᱟᱜᱟᱢᱤᱭᱟᱹ ᱠᱟᱛᱷᱟ ᱞᱮᱠᱟᱛᱮ, ᱱᱩᱠᱩ ᱫᱚ ᱳᱵᱟ ᱮᱣᱩᱣᱟᱨᱮ ᱟᱜ ᱥᱟᱥᱚᱱ ᱚᱠᱛᱚ ᱨᱮ ᱵᱮᱱᱤᱱ ᱥᱤᱴᱤ ᱠᱷᱚᱱ ᱠᱚ ᱩᱪᱟᱹᱲ ᱦᱮᱡ ᱞᱮᱱᱟ ᱾ ᱮᱣᱩᱣᱟᱨᱮ ᱧᱩᱛᱩᱢ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱡᱚᱛᱚᱣᱟᱜ ᱱᱟᱯᱟᱭ ᱜᱮᱭᱟ" ᱥᱮ "ᱮᱴᱠᱮᱴᱚᱬᱮ ᱪᱟᱵᱟ ᱟᱠᱟᱱᱟ" ᱾ ᱱᱚᱣᱟ ᱧᱩᱛᱩᱢ ᱫᱚ ᱑᱔᱓᱕-᱑᱔᱔᱐ ᱮ.ᱰᱤ. (AD) ᱚᱠᱛᱚ ᱨᱮ ᱵᱮᱱᱤᱱ ᱨᱮ ᱛᱟᱯᱟᱢ ᱠᱟᱱ ᱜᱟᱫᱮᱞ ᱠᱚ ᱢᱩᱫᱽ ᱨᱮ ᱥᱩᱞᱩᱠ ᱟᱨ ᱥᱟᱱᱛᱤ ᱨᱩᱣᱟᱹᱲ ᱨᱮᱭᱟᱜ ᱢᱤᱫ ᱩᱨᱩᱢ ᱠᱟᱱᱟ ᱾
ᱱᱚᱣᱟ ᱞᱟᱹᱲᱦᱟᱹᱭ ᱚᱠᱛᱚ ᱛᱟᱭᱚᱢ ᱜᱮ, ᱟᱠᱟᱞᱟᱠᱟ ᱟᱨ ᱟᱡ ᱨᱮᱱ ᱵᱟᱨᱭᱟ ᱠᱚᱲᱟ ᱮᱠᱯᱮᱭᱮ ᱟᱨ ᱳᱜᱽᱵᱟ ᱫᱚ ᱮᱛᱚᱢ-ᱥᱟᱢᱟᱝ ᱥᱮᱫ ᱠᱚ ᱩᱪᱟᱹᱲ ᱞᱮᱱᱟ ᱟᱨ ᱮᱛᱚᱦᱚᱵ ᱨᱮ ᱩᱞᱟ-ᱩᱵᱤᱭᱮ ᱨᱮ ᱠᱚ ᱵᱟᱥᱟ ᱞᱮᱱᱟ ᱾ ᱚᱱᱟ ᱛᱟᱭᱚᱢ ᱮᱴᱟᱜ ᱜᱟᱫᱮᱞ ᱠᱚ ᱵᱮᱱᱤᱱ ᱥᱟᱦᱟᱨ ᱠᱷᱚᱱ ᱠᱚᱧᱮ ᱥᱮᱫ ᱠᱚ ᱩᱪᱟᱹᱲ ᱞᱮᱱᱟ ᱾ ᱮᱱᱛᱮ ᱨᱮᱦᱚᱸ, ᱱᱟᱦᱟᱜ ᱫᱚ ᱱᱚᱣᱟ ᱥᱟᱹᱨᱤ ᱟᱠᱟᱱᱟ ᱡᱮ ᱵᱮᱱᱤᱱ ᱥᱟᱦᱟᱨ ᱠᱷᱚᱱ ᱦᱚᱲ ᱦᱤᱡᱩᱜ ᱞᱟᱦᱟ ᱨᱮᱦᱚᱸ ᱟᱯᱷᱮᱢᱟᱭᱞᱮᱱᱰ ᱨᱮ ᱦᱚᱲ ᱠᱚ ᱛᱟᱦᱮᱸ ᱠᱟᱱ ᱜᱮᱭᱟ ᱾
ᱴᱚᱴᱷᱟ ᱨᱮᱭᱟᱜ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱩᱱᱠᱩᱣᱟᱜ ᱩᱪᱟᱹᱲ ᱫᱚ ᱵᱮᱱᱤᱱ ᱠᱷᱚᱱ ᱑᱓ ᱥᱟᱭ ᱟᱨ ᱑᱕ ᱥᱟᱭ ᱥᱮᱨᱢᱟ ᱛᱟᱞᱟ ᱨᱮ ᱦᱩᱭ ᱞᱮᱱᱟ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱩᱱᱠᱩᱣᱟᱜ ᱦᱟᱯᱲᱟᱢ ᱠᱚᱫᱚ ᱮᱛᱚᱦᱚᱵ ᱨᱮ ᱮᱛᱚᱢ ᱤᱵᱤᱭᱮ ᱨᱮ ᱠᱚ ᱵᱟᱥᱟ ᱞᱮᱱᱟ, ᱚᱱᱟ ᱛᱟᱭᱚᱢ ᱮᱴᱟᱜ ᱴᱚᱴᱷᱟ ᱡᱮᱞᱮᱠᱟ ᱩᱣᱮᱯᱟ ᱩᱣᱟᱱᱳ, ᱳᱠᱯᱮᱞᱞᱟ,ᱩᱡᱟᱭᱨᱩᱭᱮ ᱮᱢᱟᱱ ᱴᱚᱴᱷᱟ ᱠᱚ ᱯᱮᱨᱮᱡ ᱠᱮᱫᱼᱟ ᱾
ᱟᱭᱢᱟ ᱳᱣᱟᱱ ᱥᱟᱶᱛᱟ ᱦᱚᱸ ᱟᱠᱚᱣᱟᱜ ᱚᱢᱚᱱ ᱫᱚ ᱵᱷᱮᱜᱟᱨ ᱵᱷᱮᱜᱟᱨ ᱚᱠᱛᱚ ᱨᱮ ᱵᱮᱱᱤᱱ ᱠᱷᱚᱱ ᱦᱩᱭ ᱟᱠᱟᱱ ᱩᱪᱟᱹᱲ ᱠᱟᱱᱟ ᱢᱮᱱᱛᱮ ᱠᱚ ᱞᱟᱹᱭᱟ ᱾ ᱪᱤᱯᱷ ᱡᱮᱠᱚᱵᱽ ᱤᱜᱷᱟᱨᱮᱵᱽᱵᱟᱣᱟᱜ ᱚᱞ ᱞᱮᱠᱟᱛᱮ, ᱳᱢᱳᱨᱳᱰᱤᱭᱳᱱ - ᱡᱟᱦᱟᱸᱭ ᱫᱚ ᱩᱣᱳᱠᱷᱟ ᱨᱮᱱ ᱦᱚᱲ ᱠᱚ ᱢᱩᱫᱽ ᱨᱮ 'ᱳᱰᱤᱭᱳᱱ' ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱮᱭᱟ - ᱩᱱᱤ ᱫᱚ ᱳᱵᱟ ᱮᱣᱮᱠᱟ ᱨᱮᱱ ᱢᱤᱫ ᱠᱚᱲᱟᱭ ᱛᱟᱦᱮᱸ ᱠᱟᱱᱟ ᱾ ᱳᱵᱟ ᱮᱣᱮᱠᱟ I ᱟᱡᱟᱜ ᱜᱩᱨ ᱛᱟᱭᱚᱢ ᱨᱟᱡᱽ ᱜᱟᱹᱫᱤ ᱦᱟᱛᱟᱣ ᱞᱟᱹᱜᱤᱫ ᱮᱴᱠᱮᱴᱚᱬᱮ ᱦᱩᱭ ᱞᱮᱱ ᱠᱷᱟᱹᱛᱤᱨ, ᱳᱢᱳᱨᱳᱰᱤᱭᱳᱱ ᱫᱚ ᱵᱮᱱᱤᱱ ᱥᱤᱴᱤ ᱵᱟᱹᱜᱤ ᱠᱟᱛᱮ ᱩᱣᱳᱠᱷᱟᱭᱮ ᱛᱮᱭᱟᱨ ᱞᱮᱫᱼᱟ ᱾ ᱩᱣᱳᱠᱷᱟ ᱧᱩᱛᱩᱢ ᱫᱚ ᱵᱮᱱᱤᱱ ᱟᱹᱲᱟᱹ "ᱩᱣᱳᱦᱟ" ᱠᱷᱚᱱ ᱦᱮᱡ ᱟᱠᱟᱱᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ "ᱵᱤᱨ" ᱾ ᱚᱠᱛᱚ ᱥᱟᱶᱛᱮ ᱱᱚᱣᱟ ᱧᱩᱛᱩᱢ ᱫᱚ ᱩᱣᱳᱠᱷᱟ ᱦᱩᱭ ᱮᱱᱟ ᱾[᱓]
ᱫᱷᱚᱨᱚᱢ ᱟᱨ ᱟᱹᱨᱤᱪᱟᱹᱞᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱮᱛᱥᱟᱠᱳ ᱦᱚᱲ ᱫᱚ ᱮᱛᱚᱦᱚᱵ ᱨᱮ ᱟᱯᱷᱨᱤᱠᱟ ᱨᱮᱭᱟᱜ ᱦᱟᱯᱲᱟᱢ ᱫᱷᱚᱨᱚᱢ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ ᱾ ᱮᱱᱛᱮ ᱨᱮᱦᱚᱸ, ᱤᱥᱟᱹᱭ ᱟᱨ ᱤᱥᱞᱟᱢ ᱫᱷᱚᱨᱚᱢ ᱦᱮᱡ ᱮᱱ ᱛᱟᱭᱚᱢ, ᱟᱭᱢᱟ ᱦᱚᱲ ᱜᱮ ᱱᱚᱣᱟ ᱠᱚ ᱫᱷᱚᱨᱚᱢ ᱛᱮ ᱠᱚ ᱩᱪᱟᱹᱲ ᱮᱱᱟ ᱾
ᱱᱮᱛᱟᱨ ᱚᱠᱛᱚ ᱨᱮ, ᱮᱛᱥᱟᱠᱳ ᱦᱚᱲ ᱫᱚ ᱦᱟᱯᱲᱟᱢ ᱫᱷᱚᱨᱚᱢ, ᱤᱥᱟᱹᱭ ᱫᱷᱚᱨᱚᱢ ᱟᱨ ᱤᱥᱞᱟᱢ ᱠᱚ ᱢᱟᱱᱟᱣᱮᱫᱟ ᱾[᱔] ᱮᱛᱥᱟᱠᱳ ᱦᱚᱲ ᱠᱚᱣᱟᱜ ᱵᱷᱮᱜᱟᱨ ᱵᱷᱮᱜᱟᱨ ᱥᱟᱶᱛᱟ ᱟᱨ ᱪᱟᱸᱜᱟ ᱯᱟᱹᱨᱥᱤ ᱛᱮ ᱵᱚᱝᱜᱟ ᱵᱩᱡᱷᱟᱹᱣ ᱞᱟᱹᱜᱤᱫ 'ᱳᱜᱷᱮᱱᱟ' , 'ᱳᱥᱤᱱᱮᱜᱽᱵᱟ' , 'ᱳᱥᱤ', ᱟᱨ 'ᱳᱥᱤᱭᱳ' ᱟᱹᱲᱟᱹ ᱠᱚ ᱵᱮᱵᱷᱟᱨᱚᱜᱼᱟ ᱾[᱕] ᱱᱟᱦᱟᱜ ᱫᱚ ᱮᱛᱥᱟᱠᱳ ᱦᱚᱲ ᱡᱟᱹᱥᱛᱤ ᱠᱟᱭᱛᱮ ᱤᱥᱟᱹᱭ ᱫᱷᱚᱨᱚᱢ ᱨᱮᱱ ᱠᱟᱱᱟ ᱠᱚ, ᱪᱮᱫᱟᱜ ᱥᱮ ᱮᱛᱚᱦᱚᱵ ᱨᱮ ᱫᱷᱚᱨᱚᱢ ᱯᱟᱥᱱᱟᱣᱤᱭᱟᱹ ᱢᱤᱥᱚᱱᱟᱨᱤ ᱠᱚ ᱟᱜᱮᱱᱮᱵᱳᱰ ᱨᱮᱭᱟᱜ ᱫᱟᱜ ᱟᱨᱮ ᱛᱮ ᱠᱚ ᱦᱮᱡ ᱞᱮᱱᱟ ᱾ ᱮᱱᱛᱮ ᱨᱮᱦᱚᱸ, ᱟᱣᱩᱪᱤ, ᱟᱜᱽᱵᱮᱰᱮ ᱟᱨ ᱳᱠᱯᱮᱞᱞᱟ ᱴᱚᱴᱷᱟ ᱠᱚᱨᱮ ᱫᱚ ᱢᱩᱥᱞᱟᱹ ᱦᱚᱲ ᱠᱚᱣᱟᱜ ᱮᱞ ᱰᱷᱮᱨ ᱜᱮ ᱧᱮᱞᱚᱜᱼᱟ ᱾
ᱮᱛᱥᱟᱠᱳ ᱦᱚᱲ ᱫᱚ ᱟᱠᱚᱣᱟᱜ ᱮᱛᱥᱟᱠᱳ ᱮᱱᱮᱡ-ᱥᱮᱨᱮᱧ ᱞᱟᱹᱜᱤᱫ ᱟᱹᱰᱤ ᱜᱮ ᱠᱚ ᱵᱟᱰᱟᱭᱚᱜᱼᱟ ᱾ ᱱᱩᱠᱩ ᱠᱟᱹᱨᱤᱜᱚᱞ ᱫᱚ ᱮᱰᱳ ᱟᱨ ᱰᱮᱞᱴᱟ ᱯᱚᱱᱚᱛ ᱨᱮᱱ ᱦᱚᱲ ᱠᱚ ᱥᱟᱶᱛᱮ ᱞᱟᱜᱳᱥ, ᱠᱟᱰᱩᱱᱟ, ᱠᱟᱱᱳ ᱟᱨ ᱟᱵᱩᱡᱟ ᱞᱮᱠᱟᱱ ᱢᱟᱨᱟᱝ ᱵᱟᱡᱟᱨ ᱠᱚᱨᱮ ᱦᱚᱲ ᱠᱚ ᱨᱟᱹᱥᱠᱟᱹ ᱦᱚᱪᱚ ᱮᱫ ᱠᱚᱣᱟ ᱾[᱖][᱗]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "Yekhee." Ethnologue.
- ↑ Udo, Reuben K. (1970). Geographical Regions of Nigeria.
- ↑ Bradbury, R. E. (1957). The Benin Kingdom and the Edo-Speaking Peoples of South-Western Nigeria.
- ↑ Nitzova, Petya (June 1992). "Islam and Christianity in south Eastern Europe". Religion Today.
- ↑ Mfonobong, Daniel. "Names of God in Different Nigerian Languages And Their Meanings".[permanent dead link]
- ↑ "Musicians, Groups, People and Society in Etsako East L.G.A".
- ↑ "Though we are mainly farmers, we love making music and melody in Ogbona". The Guardian.