ᱟᱱᱤᱛᱟ ᱜᱩᱯᱛᱟ

ᱟᱱᱤᱛᱟ ᱜᱩᱯᱛᱟ
ᱟᱱᱤᱛᱟ ᱜᱩᱯᱛᱟ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	ᱜᱚᱴᱟᱜᱩᱴᱤ 1983 (age 41–42)
ᱫᱤᱥᱚᱢᱤᱭᱟᱹ	ᱥᱤᱧᱚᱛᱤᱭᱟᱹ
ᱧᱩᱢᱱᱟᱢ	empowering other women

ᱟᱱᱤᱛᱟ ᱜᱩᱯᱛᱟ ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱥᱟᱶᱛᱟ ᱠᱟᱨᱵᱟᱨᱤᱭᱟᱹ, ᱚᱨᱜᱟᱱᱤᱠ ᱪᱟᱹᱥᱤ ᱟᱨ ᱟᱹᱫᱤᱵᱟᱹᱥᱤ ᱮᱠᱴᱤᱵᱤᱥᱴ ᱠᱟᱱᱟᱭ᱾ ᱩᱱᱤ ᱫᱚ ᱕᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱟᱹᱛᱩ ᱴᱚᱞᱟ ᱨᱤᱱ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱥᱮᱪᱮᱫ ᱮ ᱥᱟᱡᱟᱣ ᱟᱠᱟᱫᱟ᱾

ᱡᱤᱭᱚᱱ

ᱜᱩᱯᱛᱟ ᱫᱚ ᱢᱤᱫ ᱨᱮᱸᱜᱮᱡ ᱜᱷᱟᱨᱚᱸᱡᱽ ᱠᱷᱚᱱ ᱦᱮᱡ ᱟᱠᱟᱱᱟᱭ ᱟᱨ ᱩᱱᱤ ᱟᱡᱤᱡ ᱜᱚᱲᱚᱢ ᱦᱟᱲᱟᱢ ᱢᱤᱫ ᱠᱩᱲᱤ ᱜᱤᱫᱽᱨᱟᱹᱭ ᱠᱩᱴᱟᱹᱢ ᱮᱫ ᱠᱟᱱ ᱧᱮᱞ ᱧᱟᱢ ᱠᱮᱫᱮᱭᱟ ᱡᱟᱦᱟᱸᱭ ᱫᱚ ᱩᱱᱤ ᱟᱡᱤᱡ ᱜᱤᱫᱽᱨᱟᱹ ᱠᱚ ᱡᱟᱱᱟᱢ ᱞᱟᱹᱜᱤᱫ ᱦᱟᱛᱟᱣ ᱠᱮᱫᱮᱭᱟ᱾ ᱩᱱᱤ ᱛᱟᱭᱚᱢ ᱛᱮ ᱞᱟᱹᱭ ᱠᱮᱫᱟ ᱡᱮ ᱩᱱᱤ ᱦᱟᱛᱟᱣ ᱠᱮᱫᱟ ᱠᱟᱱᱟ ᱠᱩᱲᱤ ᱜᱤᱫᱽᱨᱟᱹ ᱥᱮᱪᱮᱫ ᱮ ᱧᱟᱢ ᱞᱮᱠᱷᱟᱱ ᱩᱱᱤ ᱟᱡᱟᱜ ᱥᱚᱨᱦᱟᱫᱽ ᱨᱮᱱᱟᱜ ᱯᱟᱹᱨᱤ ᱢᱟᱱᱟ ᱞᱟᱹᱜᱤᱫ ᱥᱟᱦᱟᱥ ᱮ ᱧᱟᱢ ᱠᱮᱫᱟ᱾

ᱩᱱᱤ ᱫᱚ ᱵᱷᱳᱡᱯᱩᱨ ᱵᱤᱦᱟᱨ ᱠᱷᱚᱱ ᱦᱟᱹᱡᱩᱜ ᱠᱟᱱᱟᱭ ᱚᱸᱰᱮ ᱩᱱᱤ ᱫᱚ ᱛᱤᱨᱞᱟᱹ ᱠᱚ ᱕᱐,᱐᱐᱐ ᱠᱷᱚᱱ ᱵᱟᱹᱲᱛᱤ ᱟᱹᱛᱩ ᱴᱚᱞᱟ ᱨᱤᱱ ᱛᱤᱨᱞᱟᱹ ᱠᱚ ᱛᱤ ᱦᱚᱛᱮᱛᱮ ᱵᱮᱱᱟᱣ ᱥᱟᱢᱟᱱ, ᱠᱨᱳᱪᱮ ᱟᱨ ᱜᱟᱦᱟᱬᱟ ᱨᱮ ᱥᱮᱪᱮᱫ ᱮ ᱥᱟᱡᱟᱣ ᱟᱠᱟᱫᱟ᱾

ᱩᱱᱤ ᱟᱨ ᱟᱡᱤᱡ ᱵᱚᱭᱦᱟ ᱑᱙᱙᱓ ᱨᱮ ᱡᱚᱠᱷᱚᱱ ᱩᱱᱤ ᱜᱮᱞ ᱥᱮᱨᱢᱟ ᱨᱤᱱᱤᱡ ᱮ ᱛᱟᱦᱮᱸ ᱠᱟᱱᱟ ᱵᱷᱳᱡᱯᱩᱨ ᱢᱟᱦᱤᱞᱟ ᱠᱟᱞᱟ ᱠᱮᱸᱫᱽᱨᱚ ᱜᱟᱶᱛᱟ ᱠᱤᱱ ᱵᱮᱱᱟᱣ ᱠᱮᱫᱟ ᱟᱨ ᱛᱟᱭᱚᱢ ᱛᱮ ᱜᱩᱯᱛᱟ ᱚᱱᱟ ᱨᱤᱱᱤᱡ ᱯᱨᱮᱥᱤᱰᱮᱱᱴ ᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱜᱟᱶᱛᱟ ᱛᱤᱨᱞᱟᱹ ᱠᱚ ᱩᱫᱽᱜᱟᱹᱣ ᱟᱠᱚ ᱛᱟᱦᱮᱸᱱ ᱡᱮ ᱩᱱᱠᱩ ᱫᱚ ᱥᱮᱞᱮᱫ ᱢᱮᱥᱟᱜ ᱢᱟ ᱟᱨ ᱩᱱᱠᱩ ᱠᱚ ᱞᱟᱹᱭᱟ ᱡᱮ ᱩᱱᱠᱩ ᱠᱟᱹᱣᱰᱤ ᱠᱚ ᱠᱟᱢᱟᱣ ᱞᱮᱠᱷᱟᱱ ᱩᱱᱠᱩ ᱟᱠᱚᱣᱟᱜ ᱜᱤᱫᱽᱨᱟᱹ ᱟᱥᱲᱟ ᱠᱚ ᱵᱷᱮᱡᱟ ᱫᱟᱲᱮᱭᱟᱜᱼᱟ᱾ ᱱᱚᱣᱟ ᱜᱟᱶᱛᱟ ᱵᱚᱫᱚᱞ ᱮᱱᱟ ᱡᱚᱠᱷᱚᱱ ᱱᱚᱣᱟ ᱢᱤᱫ ᱥᱳᱥᱟᱭᱤᱴᱤ ᱞᱮᱠᱟᱛᱮ ᱨᱮᱡᱤᱥᱴᱟᱨ ᱦᱩᱭ ᱞᱮᱱᱟ ᱚᱱᱟ ᱞᱟᱹᱜᱤᱫ ᱥᱚᱨᱠᱟᱨ ᱠᱷᱚᱱ ᱠᱟᱹᱣᱰᱤ ᱮ ᱧᱟᱢ ᱫᱟᱲᱮᱭᱟᱜᱼᱟ᱾ ᱱᱚᱣᱟ ᱜᱟᱶᱛᱟ ᱫᱚ ᱟᱨᱟᱦ ᱨᱮ ᱢᱮᱱᱟᱜᱼᱟ ᱟᱨ ᱱᱚᱣᱟ ᱞᱟᱹᱭ ᱮᱫᱟᱭ ᱡᱮ ᱱᱩᱭ ᱫᱚ ᱑᱐,᱐᱐᱐ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱠᱟᱹᱢᱤ ᱮ ᱵᱮᱱᱟᱣ ᱠᱮᱫᱟ᱾ ᱩᱱᱤᱭᱟᱜ ᱜᱟᱶᱛᱟ ᱫᱚ ᱥᱟᱶᱛᱟ ᱥᱟᱬᱮᱥ ᱨᱮᱱᱟᱜ ᱴᱟᱴᱟ ᱤᱱᱥᱴᱤᱴᱭᱩᱴ (TISS) ᱟᱨ ᱰᱤᱥᱤ ᱦᱮᱱᱰᱤᱠᱨᱟᱯᱷᱴ ᱠᱚ ᱜᱟᱛᱮ ᱞᱮᱠᱟᱭ ᱦᱟᱛᱟᱣ ᱠᱮᱫ ᱠᱚᱣᱟ᱾

᱒᱐᱑᱗ ᱨᱮ ᱱᱤᱛᱤ ᱟᱭᱳᱜᱽ, ᱯᱟᱵᱽᱞᱤᱠ ᱯᱳᱞᱤᱥᱤ ᱵᱤᱪᱟᱹᱨ ᱴᱟᱝᱠ ᱩᱱᱤ ᱫᱚ "ᱛᱤᱨᱞᱟᱹ ᱵᱚᱫᱚᱞ ᱥᱤᱧᱚᱛ ᱥᱤᱨᱯᱷᱟᱹ" ᱮ ᱮᱢᱟᱫᱮᱭᱟ᱾

᱘ ᱢᱟᱨᱪ ᱒᱐᱒᱒ ᱨᱮ, ᱩᱱᱤ ᱫᱚ ᱱᱟᱣᱟ ᱫᱤᱞᱞᱤ ᱨᱮ ᱯᱨᱮᱥᱤᱰᱮᱱᱴᱤᱭᱟᱞ ᱢᱟᱦᱟᱞ (ᱨᱟᱥᱴᱨᱚᱯᱚᱛᱤ ᱵᱷᱚᱵᱚᱱ) ᱨᱮ ᱥᱤᱧᱚᱛ ᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱡᱚᱛᱚ ᱠᱷᱚᱱ ᱪᱮᱛᱟᱱ ᱥᱤᱨᱯᱷᱟᱹ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱧᱟᱢ ᱞᱟᱹᱜᱤᱫ ᱱᱮᱣᱛᱟ ᱦᱩᱭ ᱮᱱᱟ᱾ ᱥᱤᱧᱚᱛ ᱨᱮ COVID-᱑᱙ ᱢᱟᱦᱟᱢᱟᱨᱤ ᱠᱷᱟᱹᱛᱤᱨ ᱢᱟᱲᱟᱝ ᱥᱮᱨᱢᱟ ᱨᱮ ᱪᱮᱫ ᱦᱚᱸ ᱥᱤᱨᱯᱷᱟᱹ ᱵᱟᱹᱱᱩᱜ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱠᱷᱟᱹᱛᱤᱨ ᱥᱚᱨᱠᱟᱨ ᱫᱚ ᱢᱟᱲᱟᱝ ᱥᱮᱨᱢᱟ ᱟᱨ ᱱᱚᱣᱟ ᱥᱮᱨᱢᱟ ᱨᱮᱱ ᱥᱤᱨᱯᱷᱟᱹ ᱡᱤᱛᱠᱟᱹᱨᱤᱭᱟᱹ ᱠᱚᱭ ᱱᱮᱣᱛᱟ ᱠᱮᱫ ᱠᱚᱣᱟ᱾ ᱯᱨᱮᱥᱤᱰᱮᱱᱴ ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱫᱚ ᱜᱩᱯᱛᱟ ᱟᱨ ᱒᱘ ᱮᱴᱟᱜ ᱛᱤᱨᱞᱟᱹ ᱠᱚ ᱥᱤᱨᱯᱷᱟᱹᱭ ᱮᱢᱟᱫ ᱠᱚᱣᱟ᱾ ᱥᱤᱨᱯᱷᱟᱹ ᱢᱟᱬᱟᱝ ᱧᱤᱫᱟᱹ ᱩᱱᱠᱩ ᱢᱩᱠᱷᱭᱟᱹ ᱢᱚᱱᱛᱨᱤ ᱱᱚᱨᱮᱱᱫᱨᱚ ᱢᱳᱫᱤ ᱥᱟᱶ ᱧᱟᱯᱟᱢ ᱞᱟᱹᱜᱤᱫ ᱧᱟᱢ ᱠᱮᱫᱟ᱾