ᱟᱱᱩᱣᱟᱠ ᱦᱚᱲ

ᱟᱱᱩᱣᱟᱠ (Anyuak)
	ᱤᱛᱷᱤᱭᱳᱯᱤᱭᱟ ᱨᱮᱭᱟᱜ ᱫᱤᱢᱢᱟ ᱨᱮ ᱟᱱᱩᱣᱟᱠ ᱜᱤᱫᱽᱨᱟᱹ ᱠᱚ
ᱜᱩᱴ ᱦᱚᱲ ᱮᱞ
	᱒᱕᱐,᱐᱐᱐-᱓᱐᱐,᱐᱐᱐
ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ
	ᱥᱟᱢᱟᱝ ᱟᱯᱷᱨᱤᱠᱟ (ᱟᱥᱚᱠᱟᱭ ᱛᱮ ᱜᱟᱢᱵᱮᱞᱟ, ᱤᱛᱷᱤᱭᱳᱯᱤᱭᱟ, ᱟᱨ ᱮᱛᱚᱢ ᱥᱩᱫᱟᱱ)
Ethiopia	᱘᱙,᱐᱐᱐ (᱒᱐᱐᱗ ᱞᱮᱠᱷᱟ ᱡᱚᱠᱷᱟ)
South Sudan	᱑᱖᱕,᱐᱐᱐ (᱒᱐᱐᱘ ᱞᱮᱠᱷᱟ ᱡᱚᱠᱷᱟ)
ᱯᱟᱹᱨᱥᱤ ᱠᱚ
	ᱫᱷᱟ-ᱟᱱᱭᱩᱣᱟ (Dha Anywaa)
ᱫᱷᱚᱨᱚᱢ
	ᱤᱥᱟᱹᱭ ᱫᱷᱚᱨᱚᱢ, ᱟᱯᱷᱨᱤᱠᱟᱱ ᱦᱟᱯᱲᱟᱢ ᱫᱷᱚᱨᱚᱢ
ᱥᱩᱯᱩᱨ ᱥᱟᱹᱜᱟᱹᱭᱟᱱ ᱡᱟᱹᱛ ᱠᱚ
	ᱟᱪᱳᱞᱤ, ᱥᱤᱞᱞᱩᱠ, ᱮᱴᱟᱜ ᱞᱩᱣᱳ ᱦᱚᱲ ᱠᱚ, ᱮᱴᱟᱜ ᱱᱤᱞᱳᱴᱤᱠ ᱦᱚᱲ ᱠᱚ

ᱟᱱᱩᱣᱟᱠ, ᱡᱟᱦᱟᱸᱭ ᱫᱚ ᱟᱱᱭᱩᱣᱟ ᱟᱨ ᱟᱱᱭᱣᱟ (Anywaa) ᱢᱮᱱᱛᱮ ᱦᱚᱸ ᱠᱚ ᱵᱟᱰᱟᱭᱚᱜᱼᱟ, ᱩᱱᱠᱩ ᱫᱚ ᱥᱟᱢᱟᱝ ᱟᱯᱷᱨᱤᱠᱟ ᱨᱮᱱ ᱢᱤᱫ ᱞᱩᱣᱳ ᱱᱤᱞᱳᱴᱤᱠ ᱡᱟᱹᱛᱤ ᱜᱟᱫᱮᱞ ᱠᱟᱱᱟ ᱠᱚ ᱾ ᱟᱱᱩᱣᱟᱠ ᱫᱚ ᱢᱟᱨᱟᱝ ᱞᱩᱣᱳ ᱜᱷᱟᱨᱚᱸᱡᱽ ᱨᱮᱱ ᱠᱟᱱᱟ ᱠᱚ ᱾ ᱩᱱᱠᱩᱣᱟᱜ ᱯᱟᱹᱨᱥᱤ ᱫᱚ ᱫᱷᱟ-ᱟᱱᱭᱩᱣᱟ ᱠᱚ ᱢᱮᱛᱟᱜᱼᱟ ᱾ ᱱᱩᱠᱩ ᱫᱚ ᱟᱥᱚᱠᱟᱭ ᱛᱮ ᱯᱟᱪᱮ ᱤᱛᱷᱤᱭᱳᱯᱤᱭᱟ ᱨᱮᱭᱟᱜ ᱜᱟᱢᱵᱮᱞᱟ ᱴᱚᱴᱷᱟ ᱟᱨ ᱮᱛᱚᱢ ᱥᱩᱫᱟᱱ ᱨᱮ ᱠᱚ ᱛᱟᱦᱮᱸᱱᱟ ᱾ ᱜᱚᱴᱟ ᱫᱩᱱᱤᱭᱟᱹ ᱨᱮ ᱱᱩᱠᱩ ᱡᱟᱹᱛᱤ ᱨᱮᱱ ᱦᱚᱲ ᱠᱚᱣᱟᱜ ᱞᱮᱠᱷᱟ ᱫᱚ ᱒᱐᱐,᱐᱐᱐ ᱠᱷᱚᱱ ᱓᱐᱐,᱐᱐᱐ ᱜᱟᱱ ᱦᱩᱭᱩᱜᱼᱟ ᱾ ᱟᱭᱢᱟ ᱟᱱᱩᱣᱟᱠ ᱦᱚᱲ ᱱᱤᱛᱚᱜ ᱤᱥᱟᱹᱭ ᱫᱷᱚᱨᱚᱢ ᱠᱚ ᱢᱟᱱᱟᱣᱮᱫᱟ ᱾ ᱥᱤᱞᱞᱩᱠ ᱦᱚᱲ ᱠᱚ ᱛᱟᱭᱚᱢ, ᱱᱤᱞᱳᱴᱤᱠ ᱜᱟᱫᱮᱞ ᱠᱚ ᱢᱩᱫᱽ ᱨᱮ ᱱᱩᱠᱩ ᱜᱮ ᱯᱩᱭᱞᱩ ᱡᱟᱹᱛᱤ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱡᱟᱹᱥᱛᱤ ᱠᱟᱭᱛᱮ ᱤᱥᱟᱹᱭ ᱫᱷᱚᱨᱚᱢ ᱛᱮᱠᱚ ᱵᱚᱫᱚᱞ ᱟᱠᱟᱱᱟ ᱾

ᱱᱟᱜᱟᱢ (History)

ᱟᱢᱮᱨᱤᱠᱟᱱ ᱵᱮ-ᱞᱟᱵᱷᱟᱱ ᱜᱟᱶᱛᱟ ᱠᱟᱞᱪᱟᱨᱟᱞ ᱥᱚᱨᱵᱷᱤᱵᱷᱟᱞ ᱞᱮᱠᱟᱛᱮ, ᱟᱱᱩᱣᱟᱠ ᱦᱚᱲ ᱫᱚ ᱮᱛᱚᱦᱚᱵ ᱨᱮ ᱯᱤᱵᱳᱨ ᱜᱟᱰᱟ ᱟᱨ ᱥᱳᱵᱟᱛ ᱜᱟᱰᱟ ᱟᱨᱮ ᱦᱟᱥᱟ ᱨᱮ ᱠᱚ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱱᱤᱛᱚᱜᱟᱜ ᱮᱛᱚᱢ ᱥᱩᱫᱟᱱ ᱨᱮᱭᱟᱜ ᱥᱟᱢᱟᱝ ᱥᱮᱫ ᱤᱛᱷᱤᱭᱳᱯᱤᱭᱟ ᱥᱩᱨ ᱨᱮ ᱢᱮᱱᱟᱜᱼᱟ ᱾ ᱮᱴᱟᱜ ᱜᱟᱫᱮᱞ ᱠᱚᱣᱟᱜ ᱡᱟᱨᱯᱟ ᱠᱷᱟᱹᱛᱤᱨ, ᱱᱤᱛᱚᱜ ᱫᱚ ᱡᱟᱹᱥᱛᱤ ᱜᱟᱱ ᱟᱱᱩᱣᱟᱠ ᱦᱚᱲ ᱵᱟᱨᱳ ᱜᱟᱰᱟ ᱟᱨ ᱟᱠᱳᱵᱳ ᱜᱟᱰᱟ ᱟᱨᱮ ᱛᱮ ᱠᱚ ᱩᱪᱟᱹᱲ ᱟᱠᱟᱱᱟ ᱾^[᱒]

ᱟᱱᱩᱣᱟᱠ ᱫᱚ ᱢᱤᱫ ᱱᱤᱞᱳᱴᱤᱠ ᱦᱚᱲ ᱠᱟᱱᱟ ᱠᱚ ᱾ ᱩᱱᱠᱩ ᱫᱚ ᱟᱯᱟᱨ ᱱᱟᱭᱤᱞ ᱴᱚᱴᱷᱟ ᱨᱮ ᱥᱟᱭ ᱥᱮᱨᱢᱟ ᱠᱷᱚᱱ ᱠᱚ ᱛᱟᱦᱮᱸ ᱟᱹᱜᱩ ᱟᱠᱟᱱᱟ ᱟᱨ ᱱᱚᱣᱟ ᱦᱟᱥᱟ ᱫᱚ ᱟᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱦᱟᱥᱟ ᱢᱮᱱᱛᱮ ᱠᱚ ᱢᱟᱱᱟᱣᱟ ᱾

ᱟᱯᱟᱨ ᱱᱟᱭᱤᱞ ᱨᱮᱱ ᱮᱴᱟᱜ ᱱᱤᱞᱳᱴᱤᱠ ᱦᱚᱲ ᱠᱚ ᱞᱮᱠᱟ ᱵᱟᱝ ᱠᱟᱛᱮ (ᱡᱟᱦᱟᱸᱭ ᱫᱚ ᱥᱩᱢᱩᱝ ᱜᱟᱹᱭ-ᱰᱟᱝᱜᱽᱨᱟ ᱟᱹᱥᱩᱞ ᱪᱮᱛᱟᱱ ᱨᱮ ᱠᱚ ᱵᱷᱚᱨᱥᱟᱭᱟ), ᱟᱱᱩᱣᱟᱠ ᱦᱚᱲ ᱫᱚ ᱜᱩᱯᱤ ᱥᱟᱶᱛᱮ ᱪᱟᱥᱤ ᱦᱚᱸ ᱠᱟᱱᱟ ᱠᱚ ᱾ ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱩᱱᱠᱩ ᱨᱮᱱ ᱦᱟᱯᱲᱟᱢ ᱫᱚ ᱠᱚᱧᱮ ᱥᱮᱫ ᱨᱮᱱ ᱯᱮᱲᱟ ᱞᱩᱣᱳ ᱟᱨ ᱥᱤᱞᱞᱩᱠ ᱦᱚᱲ ᱠᱚ ᱥᱟᱶ ᱢᱤᱫ ᱜᱮ ᱛᱟᱠᱚᱣᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ, ᱩᱱᱠᱩᱣᱟᱜ ᱯᱟᱹᱨᱥᱤ ᱫᱚ ᱮᱛᱚᱢ ᱥᱮᱫ ᱨᱮᱱ ᱯᱮᱲᱟ ᱟᱪᱳᱞᱤ ᱦᱚᱲ ᱠᱚᱣᱟᱜ ᱯᱟᱹᱨᱥᱤ ᱥᱟᱶ ᱢᱮᱞ ᱢᱮᱱᱟᱜᱼᱟ ᱾

ᱞᱩᱣᱳ ᱦᱚᱲ ᱫᱚ ᱥᱟᱢᱟᱝ ᱟᱯᱷᱨᱤᱠᱟ ᱨᱮᱭᱟᱜ ᱟᱭᱢᱟ ᱴᱚᱴᱷᱟ ᱨᱮ ᱠᱚ ᱯᱟᱥᱱᱟᱣ ᱟᱠᱟᱱᱟ, ᱥᱩᱫᱟᱱ ᱟᱨ ᱤᱛᱷᱤᱭᱳᱯᱤᱭᱟ ᱥᱟᱶᱛᱮ; ᱩᱱᱠᱩ ᱫᱚ ᱡᱟᱦᱟᱸ ᱨᱮᱜᱮ ᱠᱚ ᱛᱟᱦᱮᱸᱱ, ᱟᱠᱚᱣᱟᱜ ᱟᱹᱨᱤᱪᱟᱹᱞᱤ ᱫᱚ ᱟᱹᱰᱤ ᱱᱟᱯᱟᱭ ᱛᱮ ᱠᱚ ᱡᱚᱜᱟᱣ ᱡᱚᱛᱚᱱ ᱟᱠᱟᱫᱟ ᱾ ᱥᱟᱢᱟᱝ ᱟᱯᱷᱨᱤᱠᱟ ᱨᱮᱱ ᱞᱩᱣᱳ-ᱨᱚᱲ ᱦᱚᱲ ᱫᱚ ᱥᱩᱫᱟᱱ ᱟᱨ ᱤᱛᱷᱤᱭᱳᱯᱤᱭᱟ ᱵᱮᱜᱚᱨ ᱦᱚᱸ ᱩᱜᱟᱱᱰᱟ, ᱠᱮᱱᱭᱟ, ᱛᱟᱱᱡᱟᱱᱤᱭᱟ ᱟᱨ ᱠᱚᱝᱜᱳ ᱨᱮ ᱠᱚ ᱧᱟᱢᱚᱜᱼᱟ ᱾ ᱩᱱᱠᱩᱣᱟᱜ ᱯᱟᱹᱨᱥᱤ ᱟᱨ ᱪᱟᱸᱜᱟ ᱯᱟᱹᱨᱥᱤ ᱠᱚᱫᱚ ᱱᱤᱞᱳ-ᱥᱟᱦᱟᱨᱟᱱ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱨᱮᱭᱟᱜ ᱠᱟᱱᱟ ᱾

ᱟᱵᱤᱥᱤᱱᱤᱭᱟᱱ ᱥᱟᱢᱨᱟᱡᱽ ᱚᱠᱛᱚ ᱨᱮ, ᱟᱭᱢᱟ ᱟᱱᱩᱣᱟᱠ ᱦᱚᱲ ᱫᱚ ᱠᱤᱥᱟᱹᱬ ᱟᱨ ᱨᱟᱡᱽ ᱜᱷᱟᱨᱚᱸᱡᱽ ᱠᱚ ᱦᱚᱛᱮᱛᱮ ᱠᱟᱹᱢᱤ ᱞᱟᱹᱜᱤᱫ ᱠᱚ ᱤᱫᱤ ᱞᱮᱫ ᱠᱚᱣᱟ ᱾ ᱟᱱᱩᱣᱟᱠ ᱴᱚᱴᱷᱟ ᱠᱚᱨᱮ ᱫᱚ ᱒᱐ ᱥᱟᱭ ᱥᱮᱨᱢᱟ ᱨᱮᱭᱟᱜ ᱮᱛᱚᱦᱚᱵ ᱥᱮᱫ ᱫᱟᱥ ᱯᱨᱚᱛᱷᱟ ᱫᱚ ᱪᱟᱵᱟ ᱞᱮᱱᱟ, ᱢᱮᱱᱠᱷᱟᱱ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱛᱟᱭᱚᱢ ᱱᱚᱣᱟ ᱫᱚ ᱟᱹᱰᱤ ᱠᱚᱢ ᱚᱠᱛᱚ ᱞᱟᱹᱜᱤᱫ ᱟᱨᱦᱚᱸ ᱨᱩᱣᱟᱹᱲ ᱞᱮᱱᱟ ᱾

ᱦᱭᱩᱢᱟᱱ ᱨᱟᱭᱤᱴ ᱣᱟᱪᱷ ᱞᱮᱠᱟᱛᱮ, ᱑᱙᱘᱐ ᱥᱮᱨᱢᱟ ᱦᱟᱹᱵᱤᱡ ᱤᱛᱷᱤᱭᱳᱯᱤᱭᱟ ᱨᱮᱭᱟᱜ ᱯᱟᱪᱮ ᱜᱟᱢᱵᱮᱞᱟ ᱴᱚᱴᱷᱟ ᱨᱮ ᱟᱱᱩᱣᱟᱠ ᱦᱚᱲ ᱜᱮ ᱡᱟᱹᱥᱛᱤ ᱠᱚ ᱛᱟᱦᱮᱸ ᱠᱟᱱᱟ ᱾^[᱓] ᱮᱱᱛᱮ ᱨᱮᱦᱚᱸ, ᱑᱙᱘᱔ ᱥᱮᱨᱢᱟ ᱠᱷᱚᱱ ᱰᱟᱨᱜᱽ ᱥᱚᱨᱠᱟᱨ ᱫᱚ ᱢᱤᱫ ᱫᱚᱦᱚᱲᱟ ᱜᱤᱨᱟᱹᱵᱟᱥ ᱯᱨᱚᱜᱽᱨᱟᱢ ᱮ ᱮᱛᱚᱦᱚᱵ ᱠᱮᱫᱟ, ᱡᱟᱦᱟᱸ ᱦᱚᱛᱮᱛᱮ ᱛᱟᱞᱢᱟ ᱤᱛᱷᱤᱭᱳᱯᱤᱭᱟ ᱨᱮᱭᱟᱜ ᱩᱥᱩᱞ ᱴᱚᱴᱷᱟ ᱠᱷᱚᱱ ᱖᱐,᱐᱐᱐ ᱦᱚᱲ ᱟᱱᱩᱣᱟᱠ ᱠᱚᱣᱟᱜ ᱦᱟᱥᱟ ᱜᱟᱢᱵᱮᱞᱟ ᱴᱚᱴᱷᱟ ᱛᱮ ᱠᱚ ᱩᱪᱟᱹᱲ ᱞᱮᱫ ᱠᱚᱣᱟ ᱾ ᱚᱱᱟ ᱥᱟᱶᱛᱮ ᱜᱮ, ᱜᱟᱢᱵᱮᱞᱟ ᱨᱮᱭᱟᱜ ᱯᱟᱪᱮ ᱥᱮᱫ ᱫᱚᱥᱟᱨ ᱥᱩᱫᱟᱱ ᱚᱲᱟᱜ ᱞᱟᱹᱲᱦᱟᱹᱭ ᱮᱛᱚᱦᱚᱵ ᱮᱱᱟ, ᱡᱟᱦᱟᱸ ᱠᱷᱟᱹᱛᱤᱨ ᱟᱭᱢᱟ ᱟᱥᱨᱚᱭ ᱠᱚᱭ ᱦᱚᱲ ᱱᱚᱣᱟ ᱴᱚᱴᱷᱟ ᱛᱮ ᱠᱚ ᱦᱮᱡ ᱞᱮᱱᱟ ᱾ ᱒᱐ ᱥᱟᱭ ᱥᱮᱨᱢᱟ ᱨᱮ ᱱᱩᱭᱮᱨ ᱦᱚᱲ ᱠᱚᱣᱟᱜ ᱥᱟᱢᱟᱝ ᱥᱮᱫ ᱯᱟᱥᱱᱟᱣ ᱠᱷᱟᱹᱛᱤᱨ ᱱᱚᱣᱟ ᱵᱚᱫᱚᱞ ᱫᱚ ᱟᱨᱦᱚᱸ ᱵᱟᱹᱲᱛᱤ ᱮᱱᱟ ᱾

᱑᱙᱙᱑ ᱥᱮᱨᱢᱟ ᱨᱮ ᱟᱯᱱᱟᱨ ᱛᱮ ᱞᱟᱹᱭᱚᱜ ᱠᱟᱱ ᱥᱚᱥᱞᱤᱥᱴ ᱤᱛᱷᱤᱭᱳᱯᱤᱭᱟ ᱦᱚᱲ ᱞᱚᱠᱛᱟᱱᱛᱨᱤᱠ ᱟᱹᱯᱱᱟᱹᱛ ᱨᱟᱹᱯᱩᱫ ᱮᱱ ᱛᱟᱭᱚᱢ, ᱜᱟᱢᱵᱮᱞᱟ ᱴᱚᱴᱷᱟ ᱨᱮ ᱡᱟᱹᱛᱤᱭᱟᱹᱨᱤ ᱛᱟᱯᱟᱢ ᱟᱨ ᱦᱤᱝᱥᱟᱹ ᱮᱛᱚᱦᱚᱵ ᱞᱮᱱᱟ ᱾^[᱓] ᱟᱭᱢᱟ ᱟᱱᱩᱣᱟᱠ ᱦᱚᱲ ᱜᱮ ᱟᱠᱚᱣᱟᱜ ᱢᱟᱨᱮ ᱦᱟᱥᱟ ᱨᱮ ᱮᱴᱟᱜ ᱡᱟᱹᱛᱤ ᱠᱚᱣᱟᱜ ᱵᱚᱞᱚᱱ ᱫᱚ ᱵᱟᱠᱚ ᱠᱩᱥᱤᱭᱟᱜ ᱠᱟᱱ ᱛᱟᱦᱮᱸᱫ, ᱟᱨ ᱩᱱᱠᱩ ᱠᱚ ᱵᱩᱡᱷᱟᱹᱣ ᱞᱮᱫᱟ ᱡᱮ ᱟᱠᱚᱣᱟᱜ ᱡᱟᱹᱛᱤᱭᱟᱹᱨᱤ ᱴᱚᱴᱷᱟ ᱫᱚ ᱦᱩᱰᱤᱧᱚᱜ ᱠᱟᱱᱟ ᱾ ᱑᱙᱑ ᱠᱷᱚᱱ ᱒᱐᱐᱐ ᱜᱮᱞᱟᱝ ᱥᱮᱨᱢᱟ ᱛᱟᱞᱟ ᱦᱟᱹᱵᱤᱡ, ᱜᱟᱢᱵᱮᱞᱟ ᱴᱚᱴᱷᱟ ᱨᱮ ᱟᱱᱩᱣᱟᱠ ᱟᱨ ᱮᱴᱟᱜ ᱦᱚᱲ ᱠᱚ ᱢᱩᱫᱽ ᱨᱮ ᱦᱩᱭ ᱟᱠᱟᱱ ᱡᱟᱹᱛᱤᱭᱟᱹᱨᱤ ᱛᱟᱯᱟᱢ ᱨᱮ ᱥᱟᱭ ᱥᱮᱨᱢᱟ ᱦᱚᱲ ᱠᱚ ᱜᱚᱡ ᱞᱮᱱᱟ ᱟᱨ ᱦᱟᱡᱟᱨ ᱦᱟᱡᱟᱨ ᱦᱚᱲ ᱚᱲᱟᱜ ᱫᱩᱣᱟᱹᱨ ᱠᱚ ᱵᱟᱹᱜᱤ ᱞᱮᱫᱼᱟ

᱒᱐᱐᱐ ᱜᱮᱞᱟᱝ ᱥᱮᱨᱢᱟ ᱨᱮ, ᱤᱛᱷᱤᱭᱳᱯᱤᱭᱟ ᱯᱷᱟᱹᱫᱽ ᱫᱚ ᱱᱚᱣᱟ ᱴᱚᱴᱷᱟ ᱨᱮ ᱦᱟᱹᱛᱭᱟᱹᱨ ᱥᱟᱵ ᱟᱠᱟᱫ ᱟᱱᱩᱣᱟᱠ ᱜᱟᱫᱮᱞ ᱠᱚ ᱫᱟᱵᱚᱱ ᱞᱟᱹᱜᱤᱫ ᱠᱟᱹᱢᱤ ᱠᱚ ᱮᱛᱚᱦᱚᱵ ᱞᱮᱫᱟ ᱾ ᱱᱚᱣᱟ ᱜᱟᱫᱮᱞ ᱠᱚᱫᱚ, ᱡᱟᱦᱟᱸᱭ ᱫᱚ ᱢᱤᱫᱴᱟᱹᱝ ᱥᱟᱶᱛᱟ ᱥᱮ ᱨᱟᱡᱽᱟᱹᱨᱤ ᱩᱭᱦᱟᱹᱨ ᱛᱮ ᱡᱩᱢᱤᱫᱽ ᱵᱟᱹᱱᱩᱜ ᱠᱚᱣᱟ, ᱩᱱᱠᱩ ᱫᱚ ᱮᱴᱟᱜ ᱡᱟᱹᱛᱤ ᱟᱨ ᱤᱛᱷᱤᱭᱳᱯᱤᱭᱟ ᱯᱷᱟᱹᱫᱽ ᱠᱚ ᱴᱟᱨᱜᱮᱴ ᱮᱫ ᱠᱚ ᱛᱟᱦᱮᱸᱫ ᱾ ᱱᱚᱣᱟ ᱴᱚᱴᱷᱟ ᱨᱮ ᱱᱟᱦᱟᱜ ᱜᱮ ᱥᱩᱱᱩᱢ ᱟᱨ ᱥᱚᱱᱟ ᱧᱟᱢ ᱟᱠᱟᱱ ᱠᱷᱟᱹᱛᱤᱨ ᱤᱛᱷᱤᱭᱳᱯᱤᱭᱟ ᱥᱚᱨᱠᱟᱨ ᱫᱚ ᱜᱟᱢᱵᱮᱞᱟ ᱨᱮ ᱥᱩᱞᱩᱠ ᱫᱚᱦᱚ ᱞᱟᱹᱜᱤᱫ ᱵᱟᱹᱲᱛᱤ ᱫᱷᱮᱭᱟᱱ ᱮ ᱮᱢ ᱟᱠᱟᱫᱟ ᱾

ᱡᱟᱹᱛᱤ-ᱡᱟᱹᱛᱤ ᱢᱩᱫᱽ ᱨᱮ ᱦᱤᱝᱥᱟᱹ ᱟᱨ ᱤᱛᱷᱤᱭᱳᱯᱤᱭᱟ ᱥᱚᱨᱠᱟᱨ ᱟᱜ ᱵᱷᱮᱫᱽ-ᱵᱷᱟᱣ ᱠᱷᱟᱹᱛᱤᱨ, ᱑᱙᱙᱐ ᱟᱨ ᱒᱐᱐᱐ ᱜᱮᱞᱟᱝ ᱥᱮᱨᱢᱟ ᱨᱮ ᱟᱭᱢᱟ ᱟᱱᱩᱣᱟᱠ ᱦᱚᱲ ᱫᱤᱥᱚᱢ ᱵᱟᱹᱜᱤ ᱠᱟᱛᱮ ᱮᱴᱟᱜ ᱛᱮ ᱠᱚ ᱥᱮᱱ ᱮᱱᱟ ᱾^[᱔] ᱟᱭᱢᱟ ᱦᱚᱲ ᱟᱢᱮᱨᱤᱠᱟ ᱨᱮᱭᱟᱜ ᱢᱤᱱᱮᱥᱳᱴᱟ ᱨᱮ ᱠᱚ ᱜᱤᱨᱟᱹᱵᱟᱥ ᱟᱠᱟᱱᱟ ᱾^[᱕]

ᱟᱹᱨᱤᱪᱟᱹᱞᱤ ᱟᱨ ᱫᱷᱚᱨᱚᱢ

ᱟᱱᱩᱣᱟᱠ ᱦᱚᱲ ᱫᱚ ᱟᱥᱚᱞ ᱨᱮ ᱟᱹᱰᱤ ᱡᱩᱢᱤᱫᱽ ᱥᱟᱶᱛᱟ ᱨᱮ ᱠᱚ ᱛᱟᱦᱮᱸᱱᱟ ᱟᱨ ᱵᱟᱦᱨᱮ ᱫᱩᱱᱤᱭᱟᱹ ᱥᱟᱶ ᱫᱚ ᱩᱱᱠᱩᱣᱟᱜ ᱥᱟᱹᱜᱟᱹᱭ ᱟᱹᱰᱤ ᱠᱚᱢ ᱜᱮ ᱛᱟᱦᱮᱸᱱᱟ ᱾^[᱒] ᱜᱟᱢᱵᱮᱞᱟ ᱴᱚᱴᱷᱟ, ᱡᱟᱦᱟᱸ ᱨᱮ ᱤᱛᱷᱤᱭᱳᱯᱤᱭᱟ ᱨᱮᱱ ᱟᱭᱢᱟ ᱟᱱᱩᱣᱟᱠ ᱦᱚᱲ ᱠᱚ ᱛᱟᱦᱮᱸᱱᱟ, ᱚᱱᱟ ᱫᱚ ᱢᱤᱫ ᱞᱟᱛᱟᱨ ᱵᱮᱰᱟ ᱴᱚᱴᱷᱟ ᱠᱟᱱᱟ ᱾ ᱱᱚᱣᱟ ᱴᱚᱴᱷᱟ ᱫᱚ ᱞᱚᱞᱚ ᱟᱨ ᱱᱟᱹᱭ ᱜᱟᱰᱟ ᱠᱷᱚᱱ ᱦᱤᱡᱩᱜ ᱠᱟᱱ ᱫᱟᱜ ᱛᱮ ᱯᱮᱨᱮᱡ ᱟᱠᱟᱱ ᱟᱹᱰᱤ ᱞᱮᱱᱰᱮ ᱦᱟᱥᱟ ᱛᱮ ᱛᱮᱭᱟᱨ ᱟᱠᱟᱱᱟ ᱾ ᱱᱚᱣᱟ ᱫᱚ ᱤᱛᱷᱤᱭᱳᱯᱤᱭᱟ ᱨᱮᱭᱟᱜ ᱮᱴᱟᱜ ᱴᱚᱴᱷᱟ ᱠᱷᱚᱱ ᱟᱹᱰᱤ ᱵᱷᱮᱜᱟᱨ ᱜᱮᱭᱟ, ᱪᱮᱫᱟᱜ ᱥᱮ ᱤᱛᱷᱤᱭᱳᱯᱤᱭᱟ ᱨᱮᱭᱟᱜ ᱵᱟᱹᱲᱛᱤ ᱜᱟᱱ ᱴᱚᱴᱷᱟ ᱫᱚ ᱤᱛᱷᱤᱭᱳᱯᱤᱭᱟ ᱩᱥᱩᱞ ᱴᱚᱴᱷᱟ ᱠᱟᱱᱟ ᱾

᱑᱙᱘᱐ ᱥᱮᱨᱢᱟ ᱨᱮ ᱤᱛᱷᱤᱭᱳᱯᱤᱭᱟ ᱥᱚᱨᱠᱟᱨ ᱟᱜ ᱫᱚᱦᱚᱲᱟ ᱜᱤᱨᱟᱹᱵᱟᱥ ᱯᱨᱚᱜᱽᱨᱟᱢ ᱛᱟᱭᱚᱢ, ᱩᱥᱩᱞ ᱴᱚᱴᱷᱟ ᱠᱷᱚᱱ ᱟᱭᱢᱟ ᱦᱚᱲ ᱟᱱᱩᱣᱟᱠ ᱠᱚᱣᱟᱜ ᱴᱚᱴᱷᱟ ᱨᱮ ᱠᱚ ᱜᱤᱭᱟᱹᱵᱟᱥ ᱞᱮᱫ ᱠᱚᱣᱟ ᱾^[᱓] ᱱᱚᱣᱟ ᱴᱚᱴᱷᱟ ᱛᱮ ᱦᱮᱡ ᱟᱠᱟᱱ ᱦᱚᱲ ᱠᱚ ᱢᱩᱫᱽ ᱨᱮ ᱛᱤᱜᱽᱨᱟᱭᱟᱱ, ᱚᱨᱚᱢᱚ, ᱠᱟᱢᱵᱟᱛᱟ, ᱟᱨ ᱟᱢᱦᱟᱨᱟ ᱡᱟᱹᱛᱤ ᱨᱮᱱ ᱦᱚᱲ ᱢᱮᱱᱟᱜ ᱠᱚᱣᱟ, ᱡᱟᱦᱟᱸᱭ ᱫᱚ ᱟᱱᱩᱣᱟᱠ ᱦᱚᱲ ᱠᱚᱫᱚ ᱡᱩᱢᱤᱫᱽ ᱛᱮ "ᱩᱥᱩᱞ ᱴᱚᱴᱷᱟ ᱨᱮᱱ ᱦᱚᱲ" ᱠᱚ ᱢᱮᱛᱟ ᱠᱚᱣᱟ ᱾ ᱑᱙᱙᱐ ᱟᱨ ᱒᱐᱐᱐ ᱜᱮᱞᱟᱝ ᱥᱮᱨᱢᱟ ᱨᱮ ᱟᱱᱩᱣᱟᱠ ᱟᱨ ᱱᱩᱠᱩ "ᱩᱥᱩᱞ ᱴᱚᱴᱷᱟ ᱨᱮᱱ ᱦᱚᱲ" ᱠᱚ ᱢᱩᱫᱽ ᱨᱮ ᱡᱟᱹᱛᱤᱭᱟᱹᱨᱤ ᱦᱤᱝᱥᱟᱹ ᱫᱚ ᱟᱹᱰᱤ ᱥᱟᱫᱷᱟᱨᱚᱱ ᱠᱟᱛᱷᱟ ᱛᱟᱦᱮᱸ ᱠᱟᱱᱟ ᱾ ᱟᱱᱩᱣᱟᱠ ᱠᱚᱣᱟᱜ ᱱᱚᱝᱠᱟᱱ ᱥᱟᱶᱛᱟ ᱟᱨ ᱱᱟᱜᱟᱢᱤᱭᱟᱹ ᱛᱟᱯᱟᱢ ᱠᱷᱟᱹᱛᱤᱨ, ᱠᱟᱞᱪᱟᱨᱟᱞ ᱥᱚᱨᱵᱷᱤᱵᱷᱟᱞ ᱞᱮᱠᱟᱱ ᱜᱟᱶᱛᱟ ᱠᱚ ᱞᱟᱹᱭᱟ ᱡᱮ ᱩᱱᱠᱩ ᱫᱚ "ᱵᱟᱦᱨᱮ ᱦᱚᱲ ᱪᱮᱛᱟᱱ ᱨᱮ ᱟᱹᱰᱤ ᱠᱚ ᱥᱚᱸᱫᱮᱦᱟ" ᱾^[᱒]

ᱟᱱᱩᱣᱟᱠ ᱟᱹᱛᱩ ᱠᱚᱫᱚ 'ᱦᱮᱰᱢᱮᱱ' ᱥᱮ ᱢᱩᱠᱷᱤᱭᱟᱹ ᱠᱚ ᱦᱚᱛᱮᱛᱮ ᱪᱟᱞᱟᱜᱼᱟ, ᱡᱟᱦᱟᱸᱭ ᱫᱚ ᱦᱚᱲ ᱠᱚ ᱵᱟᱠᱚ ᱠᱩᱥᱤ ᱟᱭ ᱠᱷᱟᱱ ᱟᱡᱟᱜ ᱢᱟᱹᱪᱤ ᱠᱷᱚᱱ ᱠᱚ ᱚᱪᱚᱜ ᱫᱟᱲᱮᱭᱟᱭᱟ ᱾^[᱒] ᱟᱱᱩᱣᱟᱠ ᱩᱭᱦᱟᱹᱨ ᱞᱮᱠᱟᱛᱮ ᱡᱟᱦᱟᱸᱭ ᱦᱚᱲ ᱜᱮ "ᱵᱚᱝᱜᱟ" ᱫᱚ ᱵᱟᱝ ᱠᱟᱱᱟᱭ, ᱟᱨ ᱡᱩᱫᱤ ᱢᱤᱫ ᱢᱩᱠᱷᱤᱭᱟᱹ ᱰᱤᱠᱴᱮᱴᱚᱨ (dictator) ᱞᱮᱠᱟᱭ ᱵᱮᱵᱷᱟᱨᱟ, ᱛᱚᱵᱮ ᱩᱱᱤ ᱫᱚ ᱯᱚᱫᱽ ᱠᱷᱚᱱ ᱠᱚ ᱚᱪᱚᱜ ᱮᱭᱟ ᱾

ᱱᱮᱛᱟᱨ ᱫᱚ ᱟᱭᱢᱟ ᱟᱱᱩᱣᱟᱠ ᱦᱚᱲ ᱤᱵᱷᱟᱱᱡᱮᱞᱤᱠᱟᱞ ᱤᱥᱟᱹᱭ ᱠᱟᱱᱟ ᱠᱚ ᱾ ᱟᱱᱩᱣᱟᱠ ᱠᱚᱣᱟᱜ ᱦᱟᱯᱲᱟᱢ ᱫᱷᱚᱨᱚᱢ ᱨᱮ ᱫᱟᱨᱮ ᱠᱚᱣᱟᱜ ᱟᱹᱰᱤ ᱢᱟᱨᱟᱝ ᱴᱷᱟᱶ ᱛᱟᱦᱮᱸ ᱠᱟᱱᱟ, ᱟᱨ ᱟᱭᱢᱟ ᱟᱹᱛᱩ ᱨᱮ ᱫᱚ "ᱥᱚᱱᱚᱛ ᱫᱟᱨᱮ" ᱦᱚᱸ ᱛᱟᱦᱮᱸ ᱠᱟᱱᱟ ᱾ ᱩᱱᱠᱩᱣᱟᱜ ᱦᱟᱯᱲᱟᱢ ᱫᱷᱚᱨᱚᱢ ᱨᱮ ᱢᱤᱫ ᱡᱚᱛᱚ ᱠᱷᱚᱱ ᱫᱟᱲᱮᱭᱟᱱ ᱟᱛᱢᱟ ᱪᱮᱛᱟᱱ ᱨᱮ ᱯᱟᱹᱛᱭᱟᱹᱣ ᱛᱟᱦᱮᱸ ᱠᱟᱱᱟ, ᱡᱟᱦᱟᱸᱭ ᱫᱚ 'ᱡᱣᱳᱠ' (Jwøk) ᱠᱚ ᱢᱮᱛᱟᱭ ᱠᱟᱱ ᱛᱟᱦᱮᱸᱫ ᱾^[᱒]

ᱥᱟᱹᱠᱷᱭᱟᱹᱛ

↑ "Atlas of Humanity". Atlas of Humanity.^{[permanent dead link]}
1 2 3 4 5 "The Anuak - A Threatened Culture". Cultural Survival.
1 2 3 "Ethiopia: Targeting the Anuak: Background and Context". Human Rights Watch.
↑ McGill, Doug (2003). The Minnesota Anuak.
↑ McGill, Doug (2004). Anuak in Minnesota fear for homeland. Minnesota Public Radio.

[1] "Atlas of Humanity". Atlas of Humanity.^{[permanent dead link]}

[:0-2] 1 2 3 4 5 "The Anuak - A Threatened Culture". Cultural Survival.

[:1-3] 1 2 3 "Ethiopia: Targeting the Anuak: Background and Context". Human Rights Watch.

[:2-4] McGill, Doug (2003). The Minnesota Anuak.

[:4-5] McGill, Doug (2004). Anuak in Minnesota fear for homeland. Minnesota Public Radio.

[᱑]

[᱒]

[᱓]

[᱔]

[᱕]