ᱟᱱᱩᱨᱟᱫᱷᱟ ᱨᱟᱭ
ᱟᱱᱩᱨᱟᱫᱷᱟ ᱨᱟᱭ (ᱡᱟᱱᱟᱢ ᱑᱙᱖᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱩᱯᱱᱟᱭᱥᱠᱟᱨ, ᱚᱝᱜᱟᱨᱠᱚᱨ ᱟᱨ ᱥᱚᱝᱯᱟᱫᱚᱠ ᱠᱟᱱᱟᱭ ᱾ ᱩᱱᱤ ᱫᱚ ᱢᱚᱬᱮ ᱜᱚᱴᱟᱝ ᱩᱯᱱᱟᱭᱥ ᱮ ᱚᱞ ᱟᱠᱟᱫᱟ: ᱮᱱ ᱮᱴᱞᱮᱥ ᱚᱯᱷ ᱤᱢᱯᱚᱥᱤᱵᱚᱞ ᱞᱚᱝᱜᱤᱝ (᱒᱐᱐᱘), ᱫᱟ ᱯᱷᱚᱞᱰᱮᱰ ᱟᱨᱛᱷ (᱒᱐᱑᱑), ᱥᱞᱤᱯᱤᱝ ᱚᱱ ᱡᱩᱯᱤᱴᱚᱨ (᱒᱐᱑᱕), ᱚᱞ ᱫᱟ ᱞᱤᱵᱷᱥ ᱵᱷᱤ ᱱᱮᱵᱷᱚᱨ ᱞᱤᱵᱷᱰ (᱒᱐᱑᱘), ᱟᱨ ᱫᱟ ᱟᱨᱛᱷᱥᱯᱤᱱᱚᱨ (᱒᱐᱒᱑) ᱾
ᱡᱤᱣᱱᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱭ ᱟᱨ ᱩᱱᱤᱭᱟᱜ ᱡᱟᱣᱟᱭ, ᱯᱨᱚᱠᱟᱥᱚᱠ ᱨᱩᱠᱩᱱ ᱟᱰᱣᱟᱱᱤ, ᱨᱟᱱᱤᱠᱷᱮᱛ ᱨᱮ ᱠᱤᱱ ᱛᱟᱦᱮᱱᱟ ᱾[᱑]
ᱠᱟᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱚᱞ ᱛᱚᱞ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱨᱟᱭ ᱟᱜ ᱯᱩᱭᱞᱩ ᱩᱯᱱᱟᱭᱥ, ᱮᱱ ᱮᱴᱞᱮᱥ ᱚᱯᱷ ᱤᱢᱯᱚᱥᱤᱵᱚᱞ ᱞᱚᱝᱜᱤᱝ, ᱯᱟᱨᱠᱟᱥᱚᱱ ᱞᱟᱹᱜᱤᱫ ᱛᱮ ᱚᱪᱷᱮ ᱞᱟᱜᱟᱣ ᱠᱮᱫᱟᱭ ᱛᱟᱦᱮᱱ ᱡᱚᱠᱷᱚᱱ ᱩᱱᱤ ᱫᱚ ᱚᱱᱚᱞᱤᱭᱟᱹ ᱟᱨ ᱯᱨᱚᱠᱟᱥᱚᱠ ᱠᱨᱤᱥᱴᱚᱯᱷᱚᱨ ᱢᱮᱠᱞᱮᱦᱚᱥ ᱥᱟᱞᱟᱜ ᱮᱛᱚᱦᱚᱵ ᱥᱟᱦᱴᱟ ᱫᱚᱭ ᱥᱮᱭᱟᱨ ᱠᱮᱫᱟ, ᱟᱨ ᱚᱱᱟ ᱫᱚ ᱜᱮᱞ ᱤᱨᱟᱹᱞ ᱯᱟᱹᱨᱥᱤ ᱛᱮ ᱛᱚᱨᱡᱚᱢᱟ ᱠᱮᱫᱟ ᱾[᱒] ᱚᱱᱟ ᱫᱚ ᱣᱟᱨᱞᱰ ᱞᱤᱴᱨᱮᱪᱚᱨ ᱴᱩᱰᱮ ᱦᱚᱛᱮᱛᱮ "ᱢᱚᱰᱚᱨᱱ ᱵᱷᱟᱨᱚᱛᱤᱭᱚ ᱥᱟᱦᱤᱛᱭᱟ ᱨᱮᱱᱟᱜ ᱖᱐ ᱞᱟᱹᱠᱛᱤᱭᱟᱱ ᱤᱝᱜᱽᱞᱤᱥ ᱯᱟᱹᱨᱥᱤ ᱨᱮᱱᱟᱜ ᱠᱟᱹᱢᱤ" ᱦᱚᱛᱮᱛᱮ ᱧᱩᱛᱩᱢ ᱠᱚ ᱮᱢ ᱠᱮᱫᱟ ᱾
ᱥᱞᱤᱯᱤᱝ ᱚᱱ ᱡᱩᱯᱤᱴᱚᱨ, ᱩᱱᱤᱭᱟᱜ ᱛᱮᱥᱟᱨ ᱩᱯᱱᱟᱭᱥ, ᱫᱚ ᱠᱚᱧᱮ ᱮᱥᱤᱭᱟᱭ ᱥᱟᱦᱤᱛᱭᱟ ᱞᱟᱹᱜᱤᱫ ᱰᱤᱮᱥᱥᱤ ᱥᱤᱨᱯᱷᱟᱹ ᱫᱚᱭ ᱡᱤᱛᱟᱹᱣ ᱮᱱᱟ ᱟᱨ ᱩᱱᱤ ᱫᱚ ᱢᱮᱱ ᱵᱩᱠᱚᱨ ᱥᱤᱨᱯᱷᱟᱹ ᱞᱟᱹᱜᱤᱫ ᱦᱚᱸ ᱵᱟᱪᱷᱟᱣ ᱞᱤᱥᱴ ᱨᱮᱭ ᱛᱟᱦᱮᱸ ᱠᱟᱱᱟ ᱾
ᱩᱱᱤᱭᱟᱜ ᱯᱩᱱᱟᱜ ᱩᱯᱱᱟᱭᱥ, ᱚᱞ ᱫᱟ ᱞᱤᱵᱷᱥ ᱵᱷᱤ ᱱᱮᱵᱷᱚᱨ ᱞᱤᱵᱷᱰ, ᱒᱐᱑᱘ ᱞᱟᱹᱜᱤᱫ ᱴᱟᱴᱟ ᱵᱩᱠ ᱚᱯᱷ ᱫᱟ ᱭᱤᱭᱚᱨ ᱟᱣᱟᱨᱰ ᱫᱚᱭ ᱡᱤᱛᱟᱹᱣ ᱮᱱᱟ ᱾ ᱚᱱᱟ ᱫᱚ ᱒᱐᱑᱘ ᱞᱟᱹᱜᱤᱫ ᱦᱤᱥᱴᱚᱨᱤᱠᱚᱞ ᱯᱷᱤᱠᱥᱚᱱ ᱞᱟᱹᱜᱤᱫ ᱣᱟᱞᱴᱟᱨ ᱥᱠᱚᱴ ᱥᱤᱨᱯᱷᱟᱹ ᱨᱮᱱᱟᱜ ᱞᱟᱢᱵᱤ ᱞᱤᱥᱴ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱚᱱᱟ ᱫᱚ ᱒᱐᱒᱐ ᱨᱮ ᱤᱱᱴᱟᱨᱱᱮᱥᱱᱚᱞ ᱰᱚᱵᱞᱤᱱ ᱞᱤᱴᱨᱮᱨᱤ ᱟᱣᱟᱨᱰ ᱞᱟᱹᱜᱤᱫ ᱥᱚᱴ ᱞᱤᱥᱴ ᱨᱮᱭ ᱛᱟᱦᱮᱸ ᱠᱟᱱᱟ ᱾ ᱰᱤᱥᱮᱢᱵᱚᱨ ᱒᱐᱒᱒ ᱨᱮ, ᱚᱱᱟ ᱫᱚ ᱵᱷᱟᱨᱚᱛ ᱨᱮᱱᱟᱜ ᱟᱹᱰᱤ ᱢᱟᱱᱚᱛᱟᱱ ᱥᱟᱦᱤᱛᱭᱟ ᱥᱤᱨᱯᱷᱟᱹ, ᱥᱟᱦᱤᱛᱭᱟ ᱮᱠᱟᱰᱮᱢᱤ ᱮ ᱡᱤᱛᱟᱹᱣ ᱮᱱᱟ, ᱡᱟᱦᱟᱸ ᱫᱚ ᱵᱷᱟᱨᱚᱛ ᱨᱮᱱᱟᱜ ᱥᱟᱦᱤᱛᱭᱟ ᱮᱠᱟᱰᱮᱢᱤ ᱦᱚᱛᱮᱛᱮ ᱤᱝᱜᱽᱞᱤᱥ ᱨᱮ ᱠᱚᱱᱚ ᱥᱮᱞᱤ ᱨᱮ ᱚᱞ ᱦᱩᱭ ᱞᱮᱱ ᱠᱟᱹᱢᱤ ᱠᱚ ᱮᱢᱟᱫᱮᱭᱟ ᱾
ᱫᱟ ᱟᱨᱛᱷᱥᱯᱤᱱᱚᱨ, ᱩᱱᱤᱭᱟᱜ ᱢᱚᱬᱮ ᱟᱱᱟᱜ ᱩᱯᱱᱟᱭᱥ, ᱫᱚ ᱥᱮᱯᱴᱮᱢᱵᱚᱨ ᱒᱐᱒᱑ ᱨᱮ ᱦᱮᱪᱮᱴ ᱵᱷᱟᱨᱚᱛ ᱟᱨ ᱫᱟ ᱢᱟᱣᱩᱱᱴᱮᱱ ᱞᱮᱯᱚᱨᱰ ᱯᱨᱮᱥ, ᱞᱚᱱᱰᱚᱱ ᱦᱚᱛᱮᱛᱮ ᱯᱟᱨᱠᱟᱥᱟᱱ ᱠᱮᱫᱟ ᱾ ᱱᱚᱣᱟ ᱩᱯᱱᱟᱭᱥ ᱫᱚ ᱵᱷᱟᱨᱚᱛ ᱨᱮ ᱢᱤᱫ ᱛᱤᱨᱞᱟᱹ ᱚᱱᱚᱞᱤᱭᱟᱹ ᱦᱚᱛᱮᱛᱮ ᱥᱟᱱᱟᱢ ᱠᱷᱚᱱ ᱱᱟᱯᱟᱭ ᱩᱯᱱᱟᱭᱥ ᱞᱟᱹᱜᱤᱫ ᱥᱩᱥᱤᱞᱟ ᱫᱮᱵᱤ ᱵᱩᱠ ᱟᱣᱟᱨᱰ ᱒᱐᱒᱒ ᱫᱚᱭ ᱡᱤᱛᱟᱹᱣ ᱮᱱᱟ ᱾ ᱚᱱᱟ ᱫᱚ ᱴᱟᱴᱟ ᱵᱩᱠ ᱚᱯᱷ ᱫᱟ ᱭᱤᱭᱚᱨ ᱟᱣᱟᱨᱰ ᱯᱷᱚᱨ ᱯᱷᱤᱠᱥᱚᱱ ᱒᱐᱒᱒ ᱞᱟᱹᱜᱤᱫ, ᱚᱱᱟ ᱥᱟᱶᱛᱮ ᱨᱟᱵᱤᱱᱫᱽᱨᱚᱱᱟᱛᱷ ᱴᱮᱜᱚᱨ ᱥᱟᱦᱤᱛᱭᱟ ᱥᱤᱨᱯᱷᱟᱹ ᱒᱐᱒᱒ ᱞᱟᱹᱜᱤᱫ ᱦᱚᱸ ᱥᱚᱴᱞᱤᱥᱴ ᱠᱮᱫᱟ ᱾ ᱰᱤᱥᱮᱢᱵᱚᱨ ᱒᱐᱒᱓ ᱨᱮ, ᱱᱚᱣᱟ ᱩᱯᱱᱟᱭᱥ ᱨᱮᱱᱟᱜ ᱯᱷᱮᱨᱮᱸᱪ ᱛᱚᱨᱡᱚᱢᱟ, ᱡᱟᱦᱟᱸ ᱨᱮᱱᱟᱜ ᱧᱩᱛᱩᱢ ᱞᱤ ᱪᱷᱮᱵᱟᱞ ᱮᱱ ᱯᱷᱤᱭᱩ, ᱱᱚᱣᱟ ᱥᱮᱨᱢᱟ ᱨᱮᱱᱟᱜ ᱨᱮᱰᱤᱭᱚ ᱯᱷᱟᱨᱟᱱᱥ ᱦᱚᱛᱮᱛᱮ ᱥᱟᱦᱤᱛᱭᱟ ᱠᱷᱚᱡᱟ ᱨᱮ ᱢᱟᱦᱟᱭ ᱟᱴᱮᱫ ᱦᱩᱭ ᱮᱱᱟ ᱾
ᱩᱱᱤᱭᱟᱜ ᱱᱤᱵᱟᱸᱫᱷ ᱟᱨ ᱨᱤᱵᱤᱣ ᱵᱷᱟᱨᱚᱛ ᱨᱮᱱᱟᱜ ᱠᱷᱚᱵᱚᱨ ᱠᱟᱜᱚᱡᱽ ᱟᱨ ᱢᱮᱜᱟᱡᱤᱱ (ᱤᱱᱰᱤᱭᱟᱱ ᱮᱠᱥᱯᱨᱮᱥ; ᱴᱮᱞᱤᱜᱨᱟᱯᱷ; ᱫᱟ ᱦᱤᱱᱫᱩ), ᱟᱢᱮᱨᱤᱠᱟ (ᱚᱨᱤᱭᱚᱱ ᱟᱨ ᱱᱚᱭᱮᱢᱟ) ᱟᱨ ᱵᱨᱤᱴᱮᱱ (ᱜᱟᱨᱰᱤᱭᱚᱱ, ᱫᱟ ᱤᱠᱚᱱᱚᱢᱤᱥᱴ) ᱟᱨ ᱟᱹᱰᱤ ᱛᱟᱭᱚᱢ ᱨᱮ ᱡᱚᱱ ᱯᱷᱨᱤᱢᱟᱱ, ᱮᱰ., ᱴᱮᱞᱥ ᱚᱯᱷ ᱴᱩ ᱯᱞᱟᱱᱮᱴᱥ ᱨᱮ ᱧᱮᱞ ᱧᱟᱢ ᱟᱠᱟᱱᱟ ᱾
ᱯᱟᱨᱠᱟᱥᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱟᱰᱣᱟᱱᱤ ᱟᱨ ᱨᱟᱭ ᱒᱐᱐᱐ ᱨᱮ ᱯᱟᱨᱢᱟᱱᱮᱱᱴ ᱵᱞᱮᱠ ᱛᱷᱟᱯᱚᱱ ᱠᱮᱫᱟ, ᱢᱤᱫ ᱯᱟᱨᱠᱟᱥᱚᱱ ᱠᱚᱢᱯᱚᱱᱤ ᱥᱮᱪᱮᱫ ᱥᱟᱦᱤᱛᱭᱟ ᱪᱮᱛᱟᱱ ᱨᱮ ᱫᱷᱭᱟᱱ ᱮᱢ ᱠᱮᱫᱟ, ᱟᱨ ᱨᱟᱭ ᱫᱚ ᱠᱚᱢᱯᱚᱱᱤ ᱞᱟᱹᱜᱤᱫ ᱢᱤᱫ ᱰᱤᱡᱟᱭᱤᱱᱟᱨ ᱠᱟᱱᱟᱭ ᱾ ᱨᱟᱭ ᱫᱚ ᱱᱚᱣᱟ ᱠᱷᱚᱱ ᱢᱟᱲᱟᱝ ᱠᱚᱞᱠᱟᱛᱟ ᱨᱮ ᱢᱤᱫ ᱵᱷᱟᱨᱚᱛᱤᱭᱚ ᱥᱚᱛᱚᱱᱛᱨᱚ ᱯᱨᱚᱠᱟᱥᱚᱠ ᱥᱛᱨᱤ ᱥᱟᱞᱟᱜ ᱠᱟᱹᱢᱤ ᱠᱮᱫᱟ ᱾ ᱩᱱᱤ ᱫᱚ ᱚᱠᱥᱯᱷᱚᱨᱰ ᱭᱩᱱᱤᱵᱷᱟᱨᱥᱤᱴᱤ ᱯᱨᱮᱥ, ᱵᱷᱟᱨᱚᱛ ᱨᱮ ᱢᱤᱫ ᱠᱚᱢᱤᱥᱚᱱᱤᱝ ᱮᱰᱤᱴᱚᱨ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱠᱟᱹᱢᱤ ᱫᱚ ᱩᱱᱤ ᱒᱐᱐᱐ ᱨᱮᱭ ᱵᱟᱹᱜᱤ ᱠᱮᱫᱟ ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Someshwar, Manreet Sodhi. "Anuradha Roy: Past forward". Punch Magazine (in ᱟᱝᱜᱽᱨᱮᱡᱤ). Retrieved 2020-09-06.
- ↑ Jillian, Lara (23 August 2011). "'An Atlas of Impossible Longing' Has Archeological Roots that Stretch into the Very Hills of Songarh". Pop Matters. Retrieved 12 July 2018.