ᱟᱱᱩᱯᱟᱢ ᱥᱩᱫᱽ

ᱟᱱᱩᱯᱟᱢ ᱥᱩᱫᱽ
ᱟᱱᱩᱯᱟᱢ ᱥᱩᱫᱽ
	᱒᱐᱑᱒ ᱨᱮ ᱟᱱᱩᱯᱟᱢ ᱥᱩᱫᱽ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ	ᱟᱱᱩᱯᱟᱢ ᱥᱩᱫᱽ; 1944; ᱦᱳᱥᱤᱭᱟᱨᱯᱩᱨ, ᱯᱚᱧᱡᱟᱵᱽ, ᱥᱤᱧᱚᱛ, ᱥᱤᱧᱚᱛ
ᱧᱩᱢᱱᱟᱢ	ᱠᱟᱹᱨᱤᱜᱚᱞ, ᱯᱨᱤᱱᱴ ᱵᱮᱱᱟᱣᱤᱡ,

ᱟᱱᱩᱯᱟᱢ ᱥᱩᱫᱽ (ᱡᱟᱱᱟᱢ ᱑᱙᱔᱔) ᱫᱚ ᱢᱤᱫ ᱠᱟᱹᱨᱤᱜᱚᱞ ᱠᱟᱱᱟᱭ ᱡᱟᱦᱟᱸᱭ ᱫᱚ ᱱᱟᱶᱟ ᱫᱤᱞᱞᱤ ᱨᱮᱱᱟᱜ ᱵᱟᱦᱨᱮ ᱥᱮᱦᱮᱫ ᱨᱮ ᱢᱮᱱᱟᱜ ᱢᱤᱫ ᱦᱩᱰᱤᱧ ᱥᱟᱶᱛᱟ ᱢᱟᱱᱰᱤ ᱨᱮᱭ ᱛᱟᱦᱮᱸᱱ ᱟᱨ ᱠᱟᱹᱢᱤᱭᱟ᱾ ᱩᱱᱤ ᱫᱚ ᱯᱚᱧᱡᱟᱵᱽ ᱨᱮᱭ ᱡᱟᱱᱟᱢ ᱞᱮᱱᱟ, ᱢᱮᱱᱠᱷᱟᱱ ᱟᱡᱟᱜ ᱡᱩᱣᱟᱹᱱ ᱚᱠᱛᱚ ᱨᱮᱱᱟᱜ ᱵᱟᱹᱲᱛᱤ ᱦᱤᱸᱥ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱱᱟᱜ ᱢᱟᱨᱮᱱ ᱵᱨᱤᱴᱤᱥ ᱥᱚᱢᱚᱨ ᱨᱟᱡᱽᱜᱟᱲ ᱥᱤᱢᱞᱟ ᱨᱮᱭ ᱠᱷᱮᱢᱟᱣ ᱞᱮᱫᱟ᱾ ᱢᱤᱫ ᱨᱟᱠᱷᱟᱱᱟᱛᱢᱚᱠ ᱜᱷᱟᱨᱚᱸᱡᱽ ᱠᱷᱚᱱ ᱦᱮᱡ ᱠᱟᱛᱮ, ᱟᱡᱟᱜ ᱥᱟᱡᱟᱣ ᱟᱠᱟᱱ ᱵᱟᱯᱞᱟ ᱵᱟᱹᱜᱤ ᱠᱟᱛᱮ ᱥᱮᱪᱮᱫ ᱠᱟᱹᱢᱤ ᱟᱨ ᱠᱟᱹᱨᱤ ᱯᱟᱸᱡᱟ ᱫᱚ ᱟᱹᱰᱤ ᱜᱮ ᱫᱟᱲᱮᱭᱟᱱ ᱟᱨ ᱵᱟᱹᱲᱛᱤ ᱧᱮᱞ ᱧᱟᱢᱚᱜ ᱠᱟᱱ ᱛᱟᱦᱮᱸᱫ᱾^[᱑]

ᱡᱤᱭᱚᱱ ᱠᱟᱹᱦᱱᱤ

ᱥᱩᱫᱽ ᱫᱚ ᱑᱙᱖᱒ ᱠᱷᱚᱱ ᱑᱙᱖᱗ ᱥᱟᱞ ᱫᱷᱟᱹᱵᱤᱡ ᱠᱚᱞᱮᱡᱽ ᱚᱯᱷ ᱟᱨᱴ, ᱫᱤᱞᱞᱤ ᱨᱮᱭ ᱯᱟᱲᱦᱟᱣ ᱞᱮᱱᱟ, ᱚᱱᱟ ᱜᱮ ᱜᱮᱞᱟᱝ ᱨᱮ ᱥᱳᱢᱱᱟᱛᱷ ᱦᱳᱨᱮ ᱫᱚ ᱠᱚᱞᱮᱡᱽ ᱨᱮᱱᱟᱜ ᱯᱨᱤᱱᱴᱢᱮᱠᱤᱝ ᱰᱤᱯᱟᱨᱴᱢᱮᱱᱴ ᱫᱚᱭ ᱟᱹᱨᱩᱯᱷᱮᱨᱟᱣ ᱟᱨ ᱫᱟᱲᱮ ᱮᱢᱟᱫᱮᱭᱟ᱾ ᱟᱱᱩᱯᱟᱢ ᱫᱚ "ᱜᱽᱨᱩᱯ ᱘" ᱨᱮᱱ ᱡᱚᱛᱚ ᱠᱷᱚᱱ ᱠᱚᱢ ᱩᱢᱮᱨᱟᱱ ᱥᱚᱦᱮᱫ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱠᱚᱞᱮᱡᱽ ᱨᱮᱱ ᱠᱟᱹᱨᱤᱜᱚᱞ ᱠᱚᱣᱟᱜ ᱢᱤᱫ ᱥᱚᱝᱜᱚᱴᱷᱚᱱ ᱠᱟᱱᱟ, ᱡᱟᱦᱟᱸ ᱫᱚ ᱟᱱᱩᱯᱟᱢᱤᱡ ᱢᱟᱪᱮᱫ ᱡᱟᱜᱽᱢᱳᱦᱚᱱ ᱪᱳᱯᱲᱟᱭ ᱛᱷᱟᱯᱚᱱ ᱞᱮᱫᱟ ᱟᱨ ᱥᱤᱧᱚᱛ ᱨᱮ ᱯᱨᱤᱱᱴᱢᱮᱠᱤᱝ ᱵᱟᱵᱚᱛ ᱥᱟᱪᱮᱛᱟᱱ ᱵᱟᱲᱦᱟᱣ ᱞᱟᱹᱜᱤᱫ ᱮ ᱟᱞᱟᱭ ᱞᱮᱫᱟ᱾

ᱥᱩᱫᱽ ᱫᱚ ᱛᱟᱭᱚᱢ ᱛᱮ ᱑᱙᱗᱑ ᱠᱷᱚᱱ ᱑᱙᱗᱒ ᱥᱟᱞ ᱫᱷᱟᱹᱵᱤᱡ ᱥᱞᱮᱰ ᱥᱠᱩᱞ ᱚᱯᱷ ᱯᱷᱟᱭᱤᱱ ᱟᱨᱴ, ᱭᱩᱱᱤᱵᱷᱟᱨᱥᱤᱴᱤ ᱠᱚᱞᱮᱡᱽ, ᱞᱚᱱᱰᱚᱱ ᱨᱮ ᱯᱨᱤᱱᱴᱢᱮᱠᱤᱝ ᱮ ᱯᱟᱲᱦᱟᱣ ᱞᱮᱫᱟ᱾ ᱥᱞᱮᱰ ᱠᱷᱚᱱ ᱨᱩᱣᱟᱹᱲ ᱦᱮᱡ ᱛᱟᱭᱚᱢ ᱟᱱᱩᱯᱟᱢ ᱥᱩᱫᱽ ᱫᱚ ᱮᱪᱤᱝ ᱢᱤᱰᱤᱭᱚᱢ ᱛᱟᱞᱟᱛᱮ ᱞᱩᱜᱽᱲᱤ ᱦᱚᱨᱚᱜ ᱟᱨ ᱵᱟᱝ ᱦᱚᱨᱚᱜ ᱟᱠᱟᱱ ᱦᱚᱲᱢᱚ ᱨᱮᱭᱟᱜ ᱨᱩᱯ ᱠᱚ ᱥᱟᱢᱟᱝ ᱫᱚᱦᱚ ᱨᱮ ᱟᱹᱰᱤ ᱜᱮ ᱨᱟᱹᱥᱠᱟᱹᱭ ᱩᱫᱩᱜ ᱞᱮᱫᱟ᱾ ᱟᱱᱩᱯᱟᱢ ᱫᱚ ᱠᱚᱲᱟ ᱟᱨ ᱠᱩᱲᱤ ᱠᱚᱣᱟᱜ ᱡᱟᱭᱱᱚ ᱥᱟᱹᱜᱟᱹᱭ ᱟᱨ ᱩᱯᱨᱩᱢ ᱵᱟᱱᱟᱨ ᱠᱷᱚᱱ ᱜᱮ ᱩᱫᱽᱜᱟᱹᱣ ᱮ ᱧᱟᱢ ᱞᱮᱫᱟ᱾ ᱥᱩᱫᱽ ᱟᱜ ᱠᱟᱹᱨᱤ ᱨᱮ ᱥᱟᱶᱛᱟᱨᱤ ᱠᱟᱛᱷᱟ ᱠᱚ ᱥᱚᱡᱷᱮ ᱫᱚᱦᱚ ᱫᱚ ᱵᱟᱹᱲᱛᱤ ᱧᱮᱞ ᱧᱟᱢᱚᱜᱼᱟ, ᱟᱨ ᱟᱡᱟᱜ ᱨᱩᱯ ᱠᱚᱫᱚ ᱟᱭᱢᱟ ᱚᱠᱛᱚ ᱨᱮ ᱟᱯᱱᱟᱨᱟᱜ ᱨᱮᱜᱮ ᱵᱮᱥᱛᱚ ᱟᱨ ᱩᱫᱟᱹᱥ ᱜᱮᱠᱚ ᱧᱮᱞᱚᱜᱼᱟ᱾ ᱮᱱᱛᱮᱨᱮᱦᱚᱸ, ᱪᱤᱱᱦᱟᱹ ᱟᱨ ᱩᱯᱟᱢ ᱛᱟᱞᱟᱛᱮ ᱥᱩᱫᱽ ᱫᱚ ᱥᱟᱶᱛᱟᱨᱤ ᱞᱟᱹᱠᱛᱤᱭᱟᱱ ᱵᱤᱥᱚᱭ ᱠᱚ ᱥᱟᱶ ᱮ ᱡᱩᱲᱟᱹᱭᱟ, ᱟᱨ ᱠᱚᱲᱟ ᱟᱨ ᱠᱩᱲᱤ ᱠᱚ ᱛᱟᱞᱟ ᱨᱮ ᱦᱟᱞᱚᱛ ᱵᱩᱡᱷᱟᱹᱣ ᱞᱮᱠᱟᱱ ᱥᱟᱹᱜᱟᱹᱭ ᱨᱮᱱᱟᱜ ᱩᱫᱟᱹᱥ ᱪᱤᱛᱟᱹᱨ ᱫᱚ ᱟᱡᱟᱜ ᱠᱟᱹᱢᱤ ᱨᱮ ᱟᱹᱰᱤ ᱠᱩᱥᱤᱭᱟᱱ ᱵᱤᱥᱚᱭ ᱠᱟᱱᱟ᱾ ᱥᱩᱫᱽ ᱟᱜ ᱮᱪᱤᱝ ᱠᱚᱫᱚ ᱡᱤᱝᱠ ᱯᱞᱮᱴ ᱵᱮᱵᱷᱟᱨ ᱠᱟᱛᱮ ᱵᱮᱱᱟᱣ ᱟᱠᱟᱱᱟ, ᱱᱚᱣᱟ ᱫᱚ ᱢᱤᱫ ᱠᱟᱹᱴᱷᱤᱱ ᱢᱤᱰᱤᱭᱚᱢ ᱠᱟᱱᱟ ᱡᱟᱦᱟᱸ ᱫᱚ ᱥᱟᱦᱟᱥ ᱟᱨ ᱥᱚᱴᱷᱤᱠᱛᱟ ᱵᱟᱱᱟᱨ ᱜᱮ ᱞᱟᱹᱠᱛᱤᱭᱟ᱾^[᱒]

ᱥᱩᱫᱽ ᱟᱜ ᱡᱚᱛᱚ ᱠᱷᱚᱱ ᱵᱟᱰᱟᱭᱚᱜ ᱠᱟᱱ ᱠᱟᱹᱢᱤ ᱠᱚ ᱢᱩᱸᱫᱽ ᱨᱮ ᱢᱤᱫ ᱫᱚ "ᱰᱟᱭᱞᱳᱜᱽ ᱥᱤᱨᱤᱡᱽ" ᱠᱟᱱᱟ, ᱡᱟᱦᱟᱸ ᱫᱚ ᱟᱭᱢᱟ ᱞᱮᱠᱟᱱ ᱡᱟᱭᱱᱚ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱢᱟᱪᱤᱨ, ᱪᱩᱯᱪᱟᱯ, ᱟᱯᱱᱟᱨ ᱛᱮ ᱵᱟᱹᱲᱛᱤ ᱠᱩᱥᱤ ᱨᱮᱱᱟᱜ ᱦᱟᱞᱚᱛ ᱛᱟᱞᱟᱛᱮ ᱦᱚᱲ ᱠᱚᱣᱟᱜ ᱨᱚᱯᱚᱲ ᱮ ᱥᱚᱫᱚᱨᱟ᱾ "ᱰᱟᱭᱞᱳᱜᱽ ᱥᱤᱨᱤᱡᱽ" ᱫᱚ ᱦᱚᱲ ᱠᱚᱣᱟᱜ ᱢᱤᱫ ᱥᱟᱶᱛᱮ ᱛᱟᱦᱮᱸᱱ ᱫᱚ ᱟᱹᱰᱤ ᱥᱩᱨ ᱟᱨ ᱵᱟᱝ ᱨᱚᱲ ᱞᱮᱠᱟᱱ ᱞᱮᱠᱟᱛᱮᱭ ᱵᱩᱡᱷᱟᱹᱣᱟ᱾ ᱚᱱᱟ ᱥᱤᱨᱤᱡᱽ ᱨᱮᱱᱟᱜ ᱢᱤᱫ ᱠᱟᱹᱢᱤ ᱨᱮ, ᱢᱤᱫ ᱡᱩᱨᱤ ᱫᱚ ᱢᱤᱫ ᱨᱟᱹᱯᱩᱫ ᱚᱲᱟᱜ ᱥᱟᱢᱟᱝ ᱨᱮ ᱠᱤᱱ ᱫᱩᱲᱩᱵ ᱟᱠᱟᱱᱟ, ᱠᱟᱴᱟᱨ ᱛᱟᱨ ᱛᱮ ᱠᱤᱱ ᱵᱷᱮᱜᱟᱨ ᱟᱠᱟᱱᱟ᱾ ᱩᱱᱠᱤᱱ ᱛᱟᱞᱟ ᱨᱮ ᱵᱟᱹᱲᱛᱤ ᱥᱩᱨ ᱥᱟᱹᱜᱟᱹᱭ ᱫᱚ ᱵᱟᱝ ᱧᱮᱞᱚᱜᱼᱟ᱾ ᱨᱟᱹᱯᱩᱫ ᱩᱛᱟᱹᱨᱚᱜ ᱠᱟᱱ ᱫᱷᱤᱨᱤ ᱯᱷᱟᱥᱟᱰ ᱛᱟᱞᱟ ᱨᱮ ᱛᱟᱦᱮᱸ ᱠᱟᱛᱮ, ᱦᱚᱲ ᱠᱚᱫᱚ ᱵᱚᱫᱚᱞᱚᱜ ᱠᱟᱱ ᱠᱤᱢᱛᱤ ᱠᱟᱛᱷᱟ ᱠᱚᱣᱟᱜ ᱨᱩᱯ ᱠᱟᱱᱟ ᱠᱚ᱾^[᱓]

ᱥᱩᱫᱽ ᱟᱜ ᱠᱟᱹᱢᱤ ᱫᱚ ᱫᱟ ᱱᱮᱥᱱᱟᱞ ᱜᱟᱞᱮᱨᱤ ᱚᱯᱷ ᱢᱚᱰᱟᱨᱱ ᱟᱨᱴ, ᱱᱟᱶᱟ ᱫᱤᱞᱞᱤ, ᱫᱟ ᱵᱷᱤᱠᱴᱳᱨᱤᱭᱟ ᱟᱨ ᱮᱞᱵᱚᱨᱴ ᱢᱤᱭᱩᱡᱤᱭᱚᱢ, ᱞᱚᱱᱰᱚᱱ, ᱫᱟ ᱯᱤᱵᱚᱰᱤ ᱢᱤᱭᱩᱡᱤᱭᱚᱢ, ᱭᱩ.ᱮᱥ.ᱮ., ᱟᱨ ᱫᱟ ᱜᱞᱮᱱᱵᱟᱨᱟ ᱟᱨᱴ ᱢᱤᱭᱩᱡᱤᱭᱚᱢ, ᱡᱟᱯᱟᱱ ᱨᱮᱱᱟᱜ ᱥᱚᱝᱜᱨᱚᱦᱚ ᱨᱮ ᱢᱮᱱᱟᱜᱼᱟ᱾

ᱚᱨᱥᱚᱝ

ᱟᱱᱩᱯᱟᱢ ᱫᱚ ᱟᱡᱟᱜ ᱵᱟᱵᱟᱣᱟᱜ ᱵᱳᱰᱤᱵᱤᱞᱰᱤᱝ ᱨᱮ ᱫᱩᱞᱟᱹᱲ, ᱯᱚᱧᱡᱟᱵᱤ ᱛᱷᱤᱭᱮᱴᱟᱨ, ᱰᱤᱴᱮᱠᱴᱤᱵᱷ ᱠᱟᱹᱦᱱᱤ, ᱟᱡᱤᱡ ᱮᱸᱜᱟᱛᱟᱜ ᱠᱞᱟᱥᱤᱠᱟᱞ ᱥᱮᱨᱮᱧ ᱟᱨ ᱩᱯᱚᱱᱤᱥᱚᱫ ᱯᱟᱲᱦᱟᱣ ᱨᱮ ᱠᱩᱥᱤ ᱫᱚ ᱟᱡᱟᱜ ᱢᱩᱬᱩᱛ ᱚᱨᱥᱚᱝ ᱞᱮᱠᱟᱛᱮ ᱟᱭᱢᱟ ᱚᱠᱛᱚ ᱨᱮᱭ ᱥᱤᱠᱟᱹᱨ ᱟᱠᱟᱫᱟ᱾ ᱩᱱᱤ ᱫᱚ ᱫᱤᱞᱞᱤ ᱨᱮ ᱥᱳᱢᱱᱟᱛᱷ ᱦᱳᱨᱮ ᱟᱜ ᱫᱤᱥᱟᱹ ᱩᱫᱩᱜ ᱛᱟᱞᱟᱛᱮ ᱢᱤᱫ ᱠᱟᱹᱨᱤᱜᱚᱞ ᱞᱮᱠᱟᱛᱮ ᱟᱡᱟᱜ ᱫᱟᱲᱮᱭ ᱵᱮᱱᱟᱣ ᱞᱮᱫᱟ᱾^[᱔]

ᱥᱤᱨᱯᱷᱟᱹ

ᱩᱱᱤ ᱫᱚ ᱞᱚᱞᱤᱛ ᱠᱟᱞᱟ ᱮᱠᱟᱰᱮᱢᱤ, ᱯᱨᱮᱥᱤᱰᱮᱱᱴᱥ ᱜᱳᱞᱰ ᱢᱮᱰᱟᱞ, ᱠᱟᱞᱟ ᱨᱚᱛᱱᱟ, ᱥᱟᱦᱤᱛᱭᱚ ᱠᱟᱞᱟ ᱯᱚᱨᱤᱥᱚᱫᱽ, ᱤᱡᱤᱯᱥᱤᱭᱟᱱ ᱤᱱᱴᱟᱨᱱᱮᱥᱱᱟᱞ ᱯᱨᱤᱱᱴ ᱵᱤᱭᱮᱱᱟᱞᱮ, ᱵᱤ. ᱥᱤ. ᱥᱟᱱᱭᱟᱞ ᱟᱣᱟᱨᱰ ᱟᱨᱦᱚᱸ ᱟᱭᱢᱟ ᱫᱤᱥᱚᱢ ᱟᱨ ᱡᱮᱜᱮᱛᱟᱹᱨᱤ ᱥᱤᱨᱯᱷᱟᱹᱭ ᱡᱤᱛᱠᱟᱹᱨ ᱟᱠᱟᱫᱟ᱾^[᱕]^[᱖]

ᱥᱟᱹᱠᱷᱭᱟᱹᱛ

↑ Gayatri Sinha, Transgression in Print, Palette Art Gallery, 2007 ISBN 978-81-906029-0-7
↑ Amrita Jhaveri, A Guide to 101 Modern and Contemporary Indian Artists, 2005 ISBN 81-7508-423-5
↑ Jhaveri, Amrita. (2005). A guide to 101 modern & contemporary Indian artists. Mumbai: India Book House. ISBN 8175084235. OCLC 62899830.
↑ "Anupam Sud". Saffronart. Retrieved 2019-04-13.
↑ "Artists honoured with BC Sanyal Award". business-standard. 17 January 2017.
↑ Garg & Shah, Atul & Prerna. Footprints - Women in Printmaking. Bhasha Research and Publication Centre.

ᱵᱟᱦᱨᱮ ᱡᱚᱱᱚᱲ

[ReferenceA-1] Gayatri Sinha, Transgression in Print, Palette Art Gallery, 2007 ISBN 978-81-906029-0-7

[2] Amrita Jhaveri, A Guide to 101 Modern and Contemporary Indian Artists, 2005 ISBN 81-7508-423-5

[3] Jhaveri, Amrita. (2005). A guide to 101 modern & contemporary Indian artists. Mumbai: India Book House. ISBN 8175084235. OCLC 62899830.

[4] "Anupam Sud". Saffronart. Retrieved 2019-04-13.

[5] "Artists honoured with BC Sanyal Award". business-standard. 17 January 2017.

[6] Garg & Shah, Atul & Prerna. Footprints - Women in Printmaking. Bhasha Research and Publication Centre.

[᱑]

[᱒]

[᱓]

[᱔]

[᱕]

[᱖]