ᱟᱱᱰᱟᱞ

ᱟᱱᱰᱟᱞ
ᱟᱱᱰᱟᱞ
	ᱟᱱᱰᱟᱞ ᱟᱜ ᱢᱤᱫ ᱪᱤᱛᱟᱹᱨ
Personal
Born	ᱠᱳᱛᱷᱟᱭ; ᱗᱘᱕ CE; ᱥᱨᱤᱵᱤᱞᱞᱤᱯᱩᱛᱷᱩᱨ, ᱯᱟᱱᱰᱭᱚ ᱨᱟᱡᱽ, ᱛᱟᱢᱤᱞᱟᱠᱟᱢ
Religion	ᱦᱤᱱᱫᱩ ᱫᱷᱚᱨᱚᱢ
Spouse	ᱨᱚᱝᱜᱚᱱᱟᱛᱷᱚ
Parents	ᱯᱮᱨᱤᱭᱟᱞᱵᱷᱟᱨ (ᱦᱟᱨᱟ-ᱵᱩᱨᱩ ᱵᱟᱵᱟ)
Denomination	ᱥᱨᱤ ᱵᱚᱭᱥᱱᱚᱵᱽ ᱫᱷᱚᱨᱚᱢ
Movement	ᱵᱷᱚᱠᱛᱤ
Notable work(s)	ᱛᱤᱨᱩᱯᱯᱟᱵᱷᱟᱭ; ᱱᱟᱪᱤᱭᱟᱨ ᱛᱤᱨᱩᱢᱳᱞᱤ;
Temple	ᱥᱨᱤᱵᱤᱞᱞᱤᱯᱩᱛᱷᱩᱨ ᱟᱱᱰᱟᱞ ᱢᱚᱱᱫᱤᱨ
Philosophy	ᱥᱨᱤ ᱵᱚᱭᱥᱱᱚᱵᱽ ᱫᱷᱚᱨᱚᱢ
Senior posting
Reincarnation	ᱵᱷᱩᱢᱤ

ᱟᱱᱰᱟᱞ (Āṇṭāḷ), ᱡᱟᱦᱟᱸᱭ ᱫᱚ ᱠᱳᱛᱷᱟᱭ ᱟᱨ ᱱᱟᱪᱤᱭᱟᱨ ᱧᱩᱛᱩᱢ ᱛᱮᱦᱚᱸ ᱵᱟᱰᱟᱭᱚᱜᱼᱟ, ᱩᱱᱤ ᱫᱚ ᱑᱒ ᱜᱚᱴᱟᱝ ᱟᱞᱵᱷᱟᱨ ᱠᱚ ᱢᱩᱫᱽ ᱨᱮ ᱢᱤᱫᱴᱟᱹᱝ ᱠᱟᱱᱟᱭ ᱾ ᱟᱞᱵᱷᱟᱨ ᱠᱚᱫᱚ ᱛᱟᱢᱤᱞ ᱥᱟᱹᱫᱷᱩ ᱠᱟᱱᱟ ᱠᱚ ᱡᱟᱦᱟᱸᱭ ᱫᱚ ᱵᱷᱚᱠᱛᱤ ᱞᱟᱲᱟᱣᱱᱟ ᱚᱠᱛᱚ ᱨᱮ ᱵᱚᱭᱥᱱᱚᱵᱽ ᱫᱷᱚᱨᱚᱢ ᱠᱚ ᱯᱟᱥᱱᱟᱣ ᱞᱮᱫᱼᱟ ᱾^[᱑] ᱩᱱᱤ ᱫᱚ ᱮᱠᱞᱟ ᱛᱤᱨᱞᱟᱹ ᱟᱞᱵᱷᱟᱨ ᱠᱟᱱᱟᱭ ᱾^[᱒] ᱩᱱᱤ ᱫᱚ ᱫᱷᱟᱹᱨᱛᱤ ᱫᱮᱵᱤ ᱵᱷᱩᱢᱤ ᱭᱟᱜ ᱚᱵᱚᱛᱟᱨ ᱢᱮᱱᱛᱮ ᱠᱚ ᱢᱟᱱᱟᱣᱟ, ᱡᱟᱦᱟᱸᱭ ᱫᱚ ᱫᱮᱵᱤ ᱞᱚᱠᱷᱢᱤ ᱭᱟᱜ ᱢᱤᱫ ᱨᱩᱯ ᱠᱟᱱᱟᱭ ᱟᱨ ᱵᱷᱚᱜᱚᱵᱟᱱ ᱵᱤᱥᱱᱩ ᱨᱤᱱᱤᱡ ᱮᱨᱟ ᱠᱟᱱᱟᱭ ᱾^[᱓] ᱦᱤᱱᱫᱩ ᱫᱷᱚᱨᱚᱢ ᱠᱟᱛᱷᱟ ᱞᱮᱠᱟᱛᱮ, ᱩᱱᱤ ᱫᱚ ᱥᱨᱤᱵᱤᱞᱞᱤᱯᱩᱛᱷᱩᱨ ᱨᱮ ᱯᱮᱨᱤᱭᱟᱞᱵᱷᱟᱨ ᱦᱚᱛᱮᱛᱮ ᱦᱟᱨᱟ ᱞᱮᱱᱟᱭ, ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱷᱚᱜᱚᱵᱟᱱ ᱠᱨᱤᱥᱱᱚ ᱨᱤᱱᱤᱡ ᱢᱤᱫ ᱢᱟᱨᱟᱝ ᱵᱷᱚᱠᱛᱚ ᱞᱮᱠᱟᱛᱮᱭ ᱦᱟᱨᱟ ᱞᱮᱱᱟ ᱾^[᱔] ᱘ ᱟᱱᱟᱜ ᱥᱚᱛᱟᱵᱽᱫᱤ ᱨᱮ ᱡᱤᱣᱤᱫ ᱛᱟᱦᱮᱸ ᱠᱟᱱ ᱟᱱᱰᱟᱞ ᱫᱚ ᱛᱟᱢᱤᱞ ᱠᱟᱹᱢᱤ 'ᱛᱤᱨᱩᱯᱯᱟᱵᱷᱟᱭ' ᱟᱨ 'ᱱᱟᱪᱤᱭᱟᱨ ᱛᱤᱨᱩᱢᱳᱞᱤ' ᱚᱞ ᱞᱟᱹᱜᱤᱫ ᱠᱚ ᱩᱭᱦᱟᱹᱨᱮᱭᱟ, ᱡᱟᱦᱟᱸ ᱫᱚ ᱢᱟᱨᱜᱟᱡᱷᱤ ᱪᱟᱸᱫᱚ ᱨᱮ ᱵᱷᱚᱠᱛᱚ ᱠᱚ ᱯᱟᱲᱦᱟᱣᱟ ᱾ ᱟᱱᱰᱟᱞ ᱫᱚ ᱮᱛᱚᱢ ᱥᱤᱧᱚᱛ ᱨᱤᱱ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱢᱤᱫ ᱟᱹᱰᱤ ᱢᱟᱨᱟᱝ ᱩᱫᱽᱜᱟᱹᱣ ᱠᱟᱱᱟᱭ ᱾

ᱱᱟᱜᱟᱢ

ᱫᱷᱚᱨᱚᱢ ᱯᱩᱛᱷᱤ ᱠᱚ ᱞᱮᱠᱟᱛᱮ, ᱯᱮᱨᱤᱭᱟᱞᱵᱷᱟᱨ ᱫᱚ ᱵᱤᱥᱱᱩ ᱨᱤᱱᱤᱡ ᱢᱤᱫ ᱵᱷᱚᱠᱛᱚ ᱛᱟᱦᱮᱸ ᱠᱟᱱᱟᱭ ᱾ ᱟᱡ ᱨᱤᱱ ᱜᱤᱫᱽᱨᱟᱹ ᱵᱟᱝ ᱠᱚ ᱛᱟᱦᱮᱸ ᱠᱟᱱ ᱛᱮ ᱩᱱᱤ ᱫᱚ ᱵᱤᱥᱱᱩ ᱴᱷᱮᱱ ᱜᱤᱫᱽᱨᱟᱹ ᱞᱟᱹᱜᱤᱫ ᱮ ᱱᱮᱦᱚᱨ ᱞᱮᱱᱟ ᱾ ᱢᱤᱫ ᱫᱤᱱ ᱩᱱᱤ ᱫᱚ ᱥᱨᱤᱵᱤᱞᱞᱤᱯᱩᱛᱷᱩᱨ ᱟᱱᱰᱟᱞ ᱢᱚᱱᱫᱤᱨ ᱵᱟᱜᱟᱱ ᱨᱮ ᱢᱤᱫᱴᱟᱹᱝ ᱛᱩᱞᱥᱤ ᱫᱟᱨᱮ ᱞᱟᱛᱟᱨ ᱨᱮ ᱢᱤᱫ ᱠᱩᱲᱤ ᱜᱤᱫᱽᱨᱟᱹ (ᱛᱟᱭᱚᱢ ᱛᱮ ᱟᱱᱰᱟᱞ ᱧᱩᱛᱩᱢ ᱮᱱᱟ) ᱧᱟᱢ ᱠᱮᱫᱮᱭᱟ ᱾ ᱩᱱᱤ ᱫᱚ ᱵᱷᱩᱢᱤ ᱫᱮᱵᱤ ᱭᱟᱜ ᱚᱵᱚᱛᱟᱨ ᱢᱮᱱᱛᱮ ᱠᱚ ᱢᱟᱱᱟᱣ ᱠᱮᱫᱮᱭᱟ ᱾ ᱩᱱᱤ ᱫᱚ ᱜᱤᱫᱽᱨᱟᱹ ᱣᱟᱜ ᱧᱩᱛᱩᱢ ᱠᱳᱛᱷᱟᱭ ᱮ ᱫᱚᱦᱚ ᱠᱮᱫᱼᱟ, ᱡᱟᱦᱟᱸᱭ ᱫᱚ ᱠᱨᱤᱥᱱᱚ ᱣᱟᱜ ᱵᱷᱚᱠᱛᱤ ᱨᱮ ᱦᱟᱨᱟ ᱮᱱᱟᱭ ᱾ ᱠᱳᱛᱷᱟᱭ ᱫᱚ ᱢᱚᱱᱫᱤᱨ ᱨᱮ ᱵᱚᱸᱜᱟ ᱞᱟᱹᱜᱤᱫ ᱵᱮᱱᱟᱣ ᱟᱠᱟᱱ ᱵᱟᱦᱟ ᱢᱟᱞᱟ ᱟᱡ ᱮ ᱦᱚᱨᱚᱜ ᱮᱫ ᱛᱟᱦᱮᱸᱫ ᱾ ᱡᱚᱠᱷᱚᱱ ᱯᱮᱨᱤᱭᱟᱞᱵᱷᱟᱨ ᱱᱚᱣᱟᱭ ᱵᱟᱰᱟᱭ ᱠᱮᱫᱼᱟ, ᱩᱱᱤ ᱫᱚ ᱟᱹᱰᱤ ᱵᱟᱹᱲᱤᱡ ᱮ ᱵᱩᱡᱷᱟᱹᱣ ᱠᱮᱫᱼᱟ ᱾ ᱢᱮᱱᱠᱷᱟᱱ ᱵᱤᱥᱱᱩ ᱫᱚ ᱟᱡᱟᱜ ᱠᱩᱠᱢᱩ ᱨᱮ ᱦᱮᱡ ᱠᱟᱛᱮ ᱢᱮᱱ ᱠᱮᱫᱼᱟᱭ ᱡᱮ ᱩᱱᱤ ᱫᱚ ᱟᱱᱰᱟᱞ ᱦᱚᱨᱚᱜ ᱟᱠᱟᱫ ᱢᱟᱞᱟ ᱜᱮᱭ ᱠᱩᱥᱤᱭᱟᱜᱼᱟ ᱾ ᱚᱱᱟ ᱛᱟᱭᱚᱢ ᱠᱷᱚᱱ ᱩᱱᱤ ᱫᱚ "ᱟᱱᱰᱟᱞ" ᱢᱮᱱᱛᱮ ᱠᱚ ᱢᱮᱛᱟᱫᱮᱭᱟ, ᱡᱟᱦᱟᱸ ᱨᱮᱱᱟᱜ ᱢᱮᱱᱮᱛ ᱫᱚ "ᱥᱟᱥᱚᱱᱤᱭᱟᱹ" ᱾ ᱛᱟᱭᱚᱢ ᱛᱮ ᱟᱱᱰᱟᱞ ᱫᱚ ᱥᱨᱤᱨᱚᱝᱜᱚᱢ ᱨᱮ ᱵᱷᱚᱜᱚᱵᱟᱱ ᱨᱚᱝᱜᱚᱱᱟᱛᱷᱚ ᱥᱟᱶ ᱮ ᱵᱟᱯᱞᱟ ᱮᱱᱟ ᱾

ᱪᱤᱛᱟᱹᱨ ᱠᱚ

ᱟᱱᱰᱟᱞ ᱟᱜ ᱦᱚᱨᱚᱜ-ᱵᱟᱱᱫᱮ ᱟᱨ ᱩᱵ ᱥᱟᱡᱟᱣ ᱫᱚ ᱢᱟᱨᱮ ᱛᱟᱢᱤᱞ ᱞᱟᱠᱪᱟᱨ ᱨᱮᱱᱟᱜ ᱢᱤᱫ ᱮᱴᱟᱜ ᱩᱨᱩᱢ ᱠᱟᱱᱟ ᱾ ᱟᱡᱟᱜ ᱩᱵ ᱫᱚ ᱢᱤᱫ ᱥᱟᱦᱟ ᱨᱮ ᱵᱮᱱᱟᱣ ᱠᱟᱛᱮ ᱵᱮᱞᱤ ᱵᱟᱦᱟ ᱛᱮ ᱥᱟᱡᱟᱣ ᱠᱚᱜ-ᱟ ᱾ ᱥᱨᱤᱵᱤᱞᱞᱤᱯᱩᱛᱷᱩᱨ ᱨᱮ ᱟᱱᱰᱟᱞ ᱟᱜ ᱛᱤ ᱨᱮ ᱢᱤᱫᱴᱟᱹᱝ ᱥᱩᱣᱟᱹ (parrot) ᱛᱟᱦᱮᱸᱱᱟ, ᱡᱟᱦᱟᱸ ᱫᱚ ᱫᱤᱱᱟᱹᱢ ᱦᱤᱞᱳᱜ ᱠᱟᱹᱪ ᱥᱟᱠᱟᱢ ᱛᱮ ᱵᱮᱱᱟᱣ ᱠᱚᱜ-ᱟ ᱾ ᱱᱚᱣᱟ ᱥᱩᱣᱟᱹ ᱫᱚ ᱟᱱᱰᱟᱞ ᱟᱜ ᱞᱮᱸᱜᱟ ᱛᱤ ᱨᱮ ᱠᱚ ᱫᱚᱦᱚᱭᱟ ᱾

ᱥᱟᱶᱦᱮᱫ ᱠᱟᱹᱢᱤ

ᱟᱱᱰᱟᱞ ᱫᱚ ᱵᱟᱨᱭᱟ ᱢᱟᱨᱟᱝ ᱛᱟᱢᱤᱞ ᱯᱩᱛᱷᱤ ᱭ ᱚᱞ ᱟᱠᱟᱫᱼᱟ:

ᱛᱤᱨᱩᱯᱯᱟᱵᱷᱟᱭ

ᱱᱚᱣᱟ ᱫᱚ ᱓᱐ ᱜᱚᱴᱟᱝ ᱥᱮᱨᱮᱧ ᱨᱮᱱᱟᱜ ᱢᱤᱫ ᱛᱩᱢᱟᱹᱞ ᱠᱟᱱᱟ, ᱡᱟᱦᱟᱸ ᱨᱮ ᱟᱱᱰᱟᱞ ᱫᱚ ᱟᱡ ᱛᱮ ᱢᱤᱫ ᱜᱳᱯᱤ ᱞᱮᱠᱟᱭ ᱢᱚᱱᱮ ᱟᱠᱟᱫᱼᱟ ᱾ ᱱᱚᱣᱟ ᱨᱮ ᱩᱱᱤ ᱫᱚ ᱠᱨᱤᱥᱱᱚ ᱣᱟᱜ ᱥᱮᱵᱟ ᱟᱨ ᱵᱷᱚᱠᱛᱤ ᱵᱟᱵᱚᱛ ᱛᱮᱭ ᱚᱞ ᱟᱠᱟᱫᱼᱟ ᱾ ᱢᱮᱱ ᱟᱠᱚ ᱡᱮ ᱛᱤᱨᱩᱯᱯᱟᱵᱷᱟᱭ ᱫᱚ ᱵᱮᱫᱽ ᱨᱮᱱᱟᱜ ᱨᱟᱥᱟ ᱠᱟᱱᱟ ᱾

ᱱᱟᱪᱤᱭᱟᱨ ᱛᱤᱨᱩᱢᱳᱞᱤ

ᱱᱚᱣᱟ ᱫᱚ ᱑᱔᱐ ᱜᱚᱴᱟᱝ ᱥᱮᱨᱮᱧ ᱨᱮᱱᱟᱜ ᱢᱤᱫ ᱚᱱᱚᱲᱦᱮ ᱠᱟᱱᱟ ᱾ "ᱛᱤᱨᱩᱢᱳᱞᱤ" ᱨᱮᱱᱟᱜ ᱢᱮᱱᱮᱛ ᱫᱚ "ᱫᱷᱚᱨᱚᱢ ᱠᱟᱛᱷᱟ" ᱟᱨ "ᱱᱟᱪᱤᱭᱟᱨ" ᱨᱮᱱᱟᱜ ᱢᱮᱱᱮᱛ ᱫᱚ "ᱫᱮᱵᱤ" ᱾ ᱱᱚᱣᱟ ᱯᱩᱛᱷᱤ ᱨᱮ ᱟᱱᱰᱟᱞ ᱟᱜ ᱵᱤᱥᱱᱩ ᱞᱟᱹᱜᱤᱫ ᱢᱟᱨᱟᱝ ᱫᱩᱞᱟᱹᱲ ᱟᱨ ᱟᱸᱥ ᱧᱮᱞᱚᱜᱼᱟ ᱾

ᱮᱛᱚᱢ ᱥᱤᱧᱚᱛ ᱨᱮ ᱢᱩᱦᱤᱛ

ᱟᱱᱰᱟᱞ ᱫᱚ ᱛᱟᱢᱤᱞ ᱱᱟᱰᱩ ᱨᱮ ᱠᱷᱟᱹᱞᱤ ᱢᱤᱫ ᱥᱟᱹᱫᱷᱩ ᱥᱩᱢᱩᱝ ᱫᱚ ᱵᱟᱝ, ᱵᱚᱨᱚᱢ ᱢᱤᱫ ᱫᱮᱵᱤ ᱞᱮᱠᱟ ᱠᱚ ᱵᱚᱸᱜᱟ ᱟᱭᱟ ᱾ ᱢᱟᱨᱜᱟᱡᱷᱤ ᱪᱟᱸᱫᱚ ᱨᱮ (ᱰᱤᱥᱮᱢᱵᱚᱨ-ᱡᱟᱱᱩᱣᱟᱨᱤ) ᱜᱚᱴᱟ ᱥᱤᱧᱚᱛ ᱨᱮ ᱛᱤᱨᱩᱯᱯᱟᱵᱷᱟᱭ ᱨᱮᱱᱟᱜ ᱪᱟᱨᱪᱟ ᱦᱩᱭᱩᱜ-ᱟ ᱾ ᱥᱨᱤᱵᱤᱞᱞᱤᱯᱩᱛᱷᱩᱨ ᱨᱮ ᱟᱡᱟᱜ ᱢᱤᱫ ᱢᱟᱨᱟᱝ ᱢᱚᱱᱫᱤᱨ ᱢᱮᱱᱟᱜ-ᱟ ᱾ "ᱟᱹᱰᱤ ᱯᱩᱨᱚᱢ" ᱯᱟᱨᱟᱵᱽ ᱨᱮ ᱟᱭᱢᱟ ᱦᱚᱲ ᱚᱸᱰᱮ ᱠᱚ ᱡᱟᱣᱨᱟᱜ-ᱟ ᱾ ᱛᱤᱨᱩᱯᱚᱛᱤ ᱵᱮᱸᱠᱚᱴᱮᱥᱚᱨ ᱢᱚᱱᱫᱤᱨ ᱨᱮᱦᱚᱸ ᱟᱱᱰᱟᱞ ᱟᱜ ᱦᱚᱨᱚᱜ ᱟᱠᱟᱫ ᱢᱟᱞᱟ ᱠᱚ ᱤᱫᱤᱭᱟ ᱾

ᱥᱟᱹᱠᱷᱭᱟᱹᱛ

↑ Flood, Gavin D. (13 July 1996). An Introduction to Hinduism. Cambridge University Press. ISBN 978-0-521-43878-0.
↑ Susan de-Gaia, ed. (2018). Encyclopedia of Women in World Religions: Faith and Culture Across History. ABC-CLIO. p. 367.
↑ "Andal / Bhudevi Jayanthi – India Cultural Center and Temple". Retrieved 15 January 2025.
↑ "Andal". Ramanuja.org. Retrieved 15 January 2025.

[1] Flood, Gavin D. (13 July 1996). An Introduction to Hinduism. Cambridge University Press. ISBN 978-0-521-43878-0.

[2] Susan de-Gaia, ed. (2018). Encyclopedia of Women in World Religions: Faith and Culture Across History. ABC-CLIO. p. 367.

[3] "Andal / Bhudevi Jayanthi – India Cultural Center and Temple". Retrieved 15 January 2025.

[4] "Andal". Ramanuja.org. Retrieved 15 January 2025.

[᱑]

[᱒]

[᱓]

[᱔]