ᱟᱵᱚᱣᱟᱜ ᱫᱚᱨᱵᱟᱨ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ

ᱥᱟᱶᱛᱟ ᱫᱚᱨᱵᱟᱨ ᱡᱟᱦᱟᱸ ᱛᱤᱥ ᱢᱤᱫ ᱮᱴᱠᱮᱴᱚᱬᱮ ᱥᱚᱞᱦᱮ ᱞᱟᱹᱜᱤᱫ ᱛᱮ ᱟᱹᱰᱤ ᱦᱚᱲ ᱠᱚ ᱫᱩᱲᱩᱵᱼᱟ ᱟᱨ ᱚᱱᱟ ᱜᱷᱚᱴᱚᱱ ᱥᱚᱞᱦᱮ ᱞᱟᱹᱜᱤᱫ ᱛᱮ ᱠᱟᱛᱷᱟ ᱠᱚᱠᱚ ᱛᱩᱞᱟᱹ ᱯᱟᱹᱭᱞᱟᱹᱭᱟ ᱾ ᱟᱨ ᱚᱱᱟ ᱫᱩᱯᱲᱩᱵ ᱨᱮ ᱫᱚᱥ ᱵᱤᱥ ᱯᱟᱱᱛᱮ ᱧᱟᱢ ᱜᱮ ᱫᱚᱨᱵᱟᱨ ᱫᱚᱵᱚ ᱢᱮᱛᱟ ᱟᱜ ᱠᱟᱱᱟ ᱾ ᱟᱵᱚ ᱥᱟᱶᱛᱟ ᱨᱮᱫᱚ ᱢᱚᱬᱮ (᱕) ᱜᱚᱴᱟᱝ ᱫᱚᱨᱵᱟᱨ ᱢᱮᱱᱟᱜᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ :-

ᱟᱹᱛᱩ ᱫᱚᱨᱵᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱡᱟᱦᱟᱸ ᱫᱚᱨᱵᱟᱨ ᱨᱮ ᱟᱹᱛᱩ ᱦᱚᱲ ᱥᱩᱢᱩᱝ ᱫᱩᱲᱩᱵ ᱠᱟᱛᱮ ᱠᱚ ᱵᱤᱪᱟᱹᱨ ᱟᱪᱟᱨᱟ ᱟᱨ ᱢᱩᱲᱩᱛ ᱵᱤᱪᱟᱹᱨᱤᱭᱟᱹ ᱫᱚ ᱟᱹᱛᱩ ᱢᱟᱺᱡᱷᱤᱭ ᱛᱟᱦᱮᱸᱱᱟ ᱾ ᱚᱱᱟ ᱫᱚᱨᱵᱟᱨ ᱫᱚ ᱟᱹᱛᱩ ᱛᱟᱞᱟᱨᱮ ᱦᱩᱭᱩᱜᱼᱟ ᱾ ᱱᱚᱶᱟ ᱫᱚᱨᱵᱟᱨ ᱜᱮ ᱟᱹᱛᱩ ᱫᱚᱨᱵᱟᱨ ᱫᱚ ᱵᱚᱱ ᱢᱮᱛᱟᱜ ᱠᱟᱱᱟ ᱾

ᱵᱟᱦᱨᱮ ᱫᱚᱨᱵᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱹᱛᱩ ᱠᱷᱚᱱ ᱵᱟᱦᱨᱮ ᱨᱮ ᱡᱟᱦᱟᱸ ᱫᱚᱨᱵᱟᱨ ᱨᱮ ᱵᱤᱪᱟᱹᱨ ᱟᱪᱟᱨ ᱞᱟᱹᱜᱤᱫ ᱠᱚ ᱫᱩᱲᱩᱵᱼᱟ, ᱚᱱᱟ ᱫᱚ ᱵᱟᱦᱨᱮ ᱫᱚᱨᱵᱟᱨ ᱵᱚ ᱢᱮᱛᱟᱜ ᱠᱟᱱᱟ ᱾ ᱚᱱᱟ ᱫᱚᱨᱵᱟᱨ ᱨᱤᱱᱤᱠ ᱢᱩᱲᱩᱛ ᱵᱤᱪᱟᱹᱨᱤᱭᱟᱹ ᱫᱚ ᱯᱤᱲ ᱯᱟᱨᱜᱟᱱᱟᱭ ᱛᱟᱦᱮᱸᱱᱟ ᱾ ᱥᱟᱶᱛᱮ ᱵᱤᱪᱟᱹᱨ ᱨᱮᱠᱚ ᱜᱚᱲᱚ ᱟᱭᱟ, ᱟᱹᱛᱩ ᱢᱟᱺᱡᱷᱤ, ᱟᱨ ᱜᱚᱰᱮᱛ, ᱯᱟᱨᱟᱱᱤᱠ ᱮᱢᱟᱱ ᱠᱚ ᱾ ᱟᱨ ᱤᱱᱟᱹ ᱥᱩᱨ ᱥᱩᱯᱩᱨ ᱨᱤᱱ ᱦᱮᱡ ᱥᱮᱴᱮᱨ ᱟᱠᱟᱱ ᱢᱟᱱᱚᱛᱟᱱ ᱜᱩᱱᱢᱟᱹᱱ ᱜᱟᱹᱠᱷᱩᱲ ᱜᱚᱢᱠᱮ ᱠᱚ ᱾ ᱡᱚᱛᱚ ᱠᱚᱛᱮ ᱵᱟᱦᱨᱮ ᱫᱚᱨᱵᱟᱨ ᱨᱮ ᱩᱪᱷᱟᱹᱱ ᱟᱠᱟᱱ ᱮᱴᱠᱮᱴᱚᱬᱮ ᱠᱚ ᱥᱚᱞᱦᱮ ᱥᱟᱹᱛ ᱟ ᱾

ᱜᱷᱟᱴ ᱫᱚᱨᱵᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱶᱟ ᱫᱚᱨᱵᱟᱨ ᱫᱚ ᱛᱩᱯᱩᱱᱟᱺᱭ ᱜᱷᱟᱴ ᱨᱮᱠᱚ ᱫᱚᱨᱵᱟᱨᱟ ᱾ ᱱᱚᱶᱟ ᱜᱮ ᱜᱷᱟᱴ ᱫᱚᱨᱵᱟᱨ ᱫᱚᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱫᱚᱨᱵᱟᱨ ᱨᱮ ᱵᱤᱪᱟᱹᱨ ᱞᱟ.ᱜᱤᱫ ᱛᱮ ᱫᱚ ᱢᱩᱲᱩᱛ ᱵᱤᱪᱟᱹᱨᱤᱭᱟᱹ ᱞᱮᱠᱟᱛᱮ ᱜᱷᱟᱴ ᱯᱟᱨᱜᱟᱱᱟᱭ ᱛᱟᱦᱮᱸᱱᱟ ᱾ ᱟᱨ ᱚᱱᱟ ᱥᱟᱶᱛᱮ ᱠᱚ ᱜᱚᱲᱚ ᱟᱭᱟ ᱢᱟᱺᱡᱷᱤ, ᱡᱚᱜᱽ ᱢᱟᱺᱡᱷᱤ, ᱜᱚᱰᱮᱛ ᱟᱨ ᱚᱱᱟ ᱜᱷᱟᱴ ᱨᱮᱠᱚ ᱦᱮᱡ ᱥᱮᱴᱮᱨ ᱟᱠᱟᱱ ᱡᱮᱛᱮ ᱞᱮᱠᱟᱱ ᱜᱟᱹᱠᱷᱩᱲ ᱜᱚᱢᱠᱮ, ᱵᱩᱫᱽ ᱜᱮᱭᱟᱱ ᱟᱱ ᱦᱚᱲ ᱠᱚ ᱾

ᱫᱤᱥᱚᱢ ᱫᱚᱨᱵᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱫᱤᱥᱚᱢ ᱫᱚᱨᱵᱟᱨ ᱨᱤᱱᱤᱡ ᱢᱩᱲᱩᱛ ᱫᱚᱨᱵᱟᱨᱤᱭᱟᱹ ᱫᱮᱥ ᱯᱟᱨᱜᱟᱱᱟᱭ ᱛᱟᱦᱮᱸᱱᱟ ᱾ ᱟᱨ ᱚᱱᱟ ᱫᱚᱨᱵᱟᱨ ᱜᱮ ᱫᱮᱥ ᱫᱚᱨᱵᱟᱨ ᱫᱚᱵᱚ ᱢᱮᱛᱟᱜ ᱠᱟᱱᱟ ᱾ ᱱᱚᱶᱟ ᱵᱤᱪᱟᱹᱨ ᱟᱠᱷᱲᱟ ᱨᱮᱫᱚ ᱠᱟᱛᱷᱟ ᱥᱚᱞᱦᱮ ᱞᱮᱠᱟᱛᱮ ᱠᱚ ᱜᱚᱲᱚ ᱟᱭᱟ ᱜᱷᱟᱴ ᱯᱟᱨᱜᱟᱱᱟ, ᱯᱤᱲ ᱯᱟᱨᱜᱟᱱᱟ ᱟᱨ ᱦᱮᱡ ᱥᱮᱴᱮᱨ ᱟᱠᱟᱱ ᱯᱟᱨᱟᱱᱤᱠ, ᱜᱚᱰᱮᱛ ᱥᱟᱶᱛᱮ ᱥᱩᱨ ᱥᱩᱯᱩᱨ ᱨᱤᱱ ᱦᱮᱡ ᱥᱮᱴᱮᱨ ᱟᱠᱟᱱ ᱜᱟᱹᱠᱷᱩᱲ ᱜᱚᱢᱠᱮ ᱠᱚ ᱾ ᱱᱚᱶᱟ ᱫᱚᱨᱵᱟᱨ ᱫᱚ ᱧᱮᱞ ᱴᱷᱤᱠ ᱠᱟᱛᱮ ᱢᱤᱫ ᱱᱟᱯᱟᱭ ᱴᱷᱟᱶ ᱠᱚ ᱵᱟᱪᱷᱚᱱᱟ ᱟᱨ ᱚᱱᱟ ᱴᱷᱟᱶ ᱨᱮ ᱫᱩᱲᱩᱵ ᱠᱟᱛᱮ ᱠᱚ ᱵᱤᱪᱟᱹᱨ ᱟᱪᱟᱨᱟ ᱾

ᱞᱳ ᱵᱤᱨ ᱫᱚᱨᱵᱟᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

(Supreme court of Santals) ᱱᱚᱶᱟ ᱫᱚᱨᱵᱟᱨ ᱫᱚ ᱥᱮᱸᱫᱽᱨᱟ ᱴᱟᱺᱰᱤ ᱟᱨ ᱵᱟᱝ ᱱᱤᱪᱚᱞ ᱡᱟᱭᱜᱟ ᱠᱚᱨᱮ ᱠᱚ ᱵᱤᱪᱟᱹᱨᱟ ᱾ ᱱᱚᱶᱟ ᱫᱚᱨᱵᱟᱨ ᱫᱚ ᱟᱵᱚ ᱥᱟᱶᱛᱟ ᱨᱮᱭᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱨ ᱢᱩᱪᱟᱹᱫ ᱫᱚᱨᱵᱟᱨ ᱠᱟᱱᱟ ᱾ ᱱᱚᱶᱟ ᱫᱚᱨᱵᱟᱨ ᱦᱤᱞᱚᱜ ᱫᱚ ᱫᱮᱥ ᱯᱟᱨᱜᱟᱱᱟ ᱠᱚ ᱢᱟᱹᱫᱽ ᱨᱮ ᱱᱚᱶᱟ ᱫᱚᱨᱵᱟᱨ ᱞᱟᱹᱜᱤᱫ ᱛᱮ ᱢᱤᱫ ᱟᱹᱠᱤᱞᱟᱱ ᱯᱩᱨᱩᱫᱷᱩᱞ ᱠᱚ ᱵᱟᱪᱷᱚᱱ ᱮᱭᱟ ᱾ ᱩᱱᱤ ᱛᱮ ᱱᱚᱶᱟ ᱫᱚᱨᱵᱟᱨ ᱨᱤᱱᱤᱡ ᱢᱩᱲᱩᱛ ᱵᱤᱪᱟᱹᱨᱤᱭᱟᱹ ᱞᱮᱠᱟ ᱛᱮᱫᱚᱭ ᱛᱟᱦᱮᱸᱱᱟ ᱾ ᱵᱤᱪᱟᱹᱨ ᱞᱟᱹᱜᱤᱫ ᱫᱚᱠᱚ ᱜᱚᱲᱚ ᱟᱭᱟ ᱫᱮᱥ ᱯᱟᱨᱜᱟᱱᱟ, ᱜᱷᱟᱴ ᱯᱟᱨᱜᱟᱱᱟ ᱟᱨ ᱯᱤᱲ ᱯᱟᱨᱜᱟᱱᱟ ᱾

ᱟᱵᱚ ᱥᱟᱶᱛᱟ ᱨᱮᱦᱚᱸ ᱱᱩᱱᱟᱹᱜ ᱱᱟᱯᱟᱭ-ᱱᱟᱯᱟᱭ ᱫᱚᱨᱵᱟᱨ ᱠᱚ ᱢᱮᱱᱟᱜᱼᱟ ᱟᱵᱚᱣᱟᱜ ᱱᱟᱯᱟᱭ ᱞᱟᱹᱜᱤᱫ ᱛᱮ ᱾ ᱚᱱᱟᱛᱮ ᱟᱵᱚ ᱥᱟᱶᱛᱟ ᱨᱮᱭᱟᱜ ᱮᱴᱠᱮᱴᱚᱬᱮ ᱠᱚᱫᱚ ᱟᱵᱚᱣᱟᱜ ᱫᱚᱨᱵᱟᱨ ᱨᱮᱜᱮ ᱵᱚᱱ ᱵᱤᱪᱟᱹᱨ ᱢᱟ ᱾

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]