ᱟᱵᱟᱞᱟ ᱵᱳᱥ
ᱟᱵᱟᱞᱟ, ᱞᱮᱰᱤ ᱵᱳᱥ (᱘ ᱚᱜᱚᱥᱴ ᱑᱘᱖᱔ – ᱒᱕ ᱮᱯᱨᱤᱞ ᱑᱙᱕᱑) ᱫᱚ ᱥᱤᱧᱚᱛ ᱨᱮᱱᱤᱡ ᱢᱤᱫ ᱥᱚᱢᱟᱡᱽ ᱠᱟᱹᱢᱤᱭᱟᱹ ᱟᱨ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱥᱮᱪᱮᱫ ᱨᱮ ᱠᱩᱨᱩᱢᱩᱴᱩ ᱞᱟᱹᱜᱤᱫ ᱟᱨ ᱨᱟᱹᱰᱤ ᱦᱚᱲ (widows) ᱠᱚ ᱜᱚᱲᱚ ᱮᱢ ᱨᱮ ᱟᱡᱟᱜ ᱮᱱᱮᱢ ᱞᱟᱹᱜᱤᱫ ᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱫ᱾ ᱟᱡ ᱵᱟᱵᱟ ᱫᱚ ᱥᱚᱢᱟᱡᱽ ᱥᱩᱫᱷᱟᱹᱨᱤᱭᱟᱹ (social reformer) ᱫᱩᱨᱜᱟᱢᱳᱦᱟᱱ ᱫᱟᱥ (Durgamohan Das) ᱟᱨ ᱟᱡ ᱟᱭᱳ ᱫᱚ ᱵᱨᱟᱦᱢᱟᱢᱳᱭᱤ ᱫᱮᱵᱤ (Brahmamoyee Devi) ᱠᱤᱱ ᱛᱟᱦᱮᱸ ᱠᱟᱱᱟ᱾[᱑] ᱟᱵᱟᱞᱟ ᱵᱳᱥ ᱫᱚ ᱠᱚᱞᱠᱟᱛᱟ (ᱩᱱ ᱡᱚᱠᱷᱚᱡ ᱠᱚᱞᱠᱟᱛᱟ ᱠᱚ ᱢᱮᱛᱟᱜ ᱠᱟᱱ ᱛᱟᱦᱮᱸᱫ) ᱨᱮ ᱵᱨᱟᱦᱢᱟ ᱵᱟᱞᱤᱠᱟ ᱵᱤᱫᱽᱭᱟᱞᱟᱭ (Brahma Balika Vidyalay) ᱨᱮᱱ ᱯᱟᱹᱴᱷᱩᱣᱟᱹ ᱮ ᱛᱟᱦᱮᱸ ᱠᱟᱱᱟ ᱟᱨ ᱛᱟᱭᱚᱢ ᱛᱮ ᱵᱮᱛᱷᱩᱱ ᱥᱠᱩᱞ (Bethune School) ᱨᱮᱭ ᱧᱩᱛᱩᱢ ᱚᱞ ᱠᱮᱫᱟ ᱡᱟᱦᱟᱸ ᱠᱷᱚᱱ ᱩᱱᱤ ᱑᱘᱘᱑ ᱨᱮ ᱮᱱᱴᱨᱮᱱᱥ ᱮᱠᱡᱟᱢᱤᱱᱮᱥᱚᱱ (Entrance Examination) ᱮ ᱯᱟᱥ ᱠᱮᱫᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱘᱘᱐ ᱥᱟᱞ ᱨᱮ, ᱟᱵᱟᱞᱟ ᱫᱚ ᱠᱚᱞᱠᱟᱛᱟ ᱢᱮᱰᱤᱠᱟᱞ ᱠᱚᱞᱮᱡᱽ (Calcutta Medical College) ᱨᱮ ᱧᱩᱛᱩᱢ ᱚᱞ ᱵᱟᱠᱚ ᱮᱢᱟᱫᱮᱭᱟ ᱪᱮᱫᱟᱜ ᱥᱮ ᱠᱩᱲᱤ ᱯᱟᱹᱴᱷᱩᱣᱟᱹ ᱠᱚ ᱩᱱ ᱡᱚᱠᱷᱚᱡ ᱠᱚᱞᱮᱡᱽ ᱨᱮ ᱵᱟᱠᱚ ᱦᱟᱛᱟᱣᱮᱫ ᱠᱚ ᱛᱟᱦᱮᱸᱫ᱾ ᱩᱱᱤ ᱑᱘᱘᱒ ᱨᱮ ᱵᱮᱝᱜᱚᱞ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱢᱮᱰᱤᱠᱟᱞ ᱯᱟᱲᱦᱟᱣ ᱞᱟᱹᱜᱤᱫ ᱥᱠᱳᱞᱟᱨᱥᱤᱯ (scholarship) ᱛᱮ ᱢᱟᱫᱽᱨᱟᱥ (Madras) (ᱱᱮᱛᱟᱨ ᱪᱮᱱᱱᱟᱭ (Chennai) ᱠᱚ ᱢᱮᱛᱟᱜ ᱠᱟᱱᱟ) ᱮ ᱪᱟᱞᱟᱣ ᱮᱱᱟ ᱢᱮᱱᱠᱷᱟᱱ ᱦᱚᱲᱢᱚ ᱵᱟᱹᱲᱤᱡ ᱠᱷᱟᱹᱛᱤᱨ ᱛᱮ ᱵᱟᱹᱜᱤ ᱦᱩᱭ ᱟᱫᱮᱭᱟ᱾ ᱢᱮᱱᱠᱷᱟᱱ, ᱢᱟᱫᱽᱨᱟᱥ ᱢᱮᱰᱤᱠᱟᱞ ᱠᱚᱞᱮᱡᱽ ᱫᱚ ᱩᱱᱤ ᱥᱟᱨᱴᱤᱯᱷᱤᱠᱮᱴ ᱳᱯᱷ ᱚᱱᱟᱨ (Certificate of Honour) ᱛᱮᱠᱚ ᱢᱟᱱ ᱠᱮᱫᱮᱭᱟ᱾[᱒]
᱑᱘᱘᱗ ᱨᱮ, ᱩᱱᱤ ᱥᱟᱬᱮᱥᱤᱭᱟᱹ (scientist) ᱡᱟᱜᱟᱫᱤᱥ ᱪᱚᱱᱫᱽᱨᱚ ᱵᱳᱥ (Jagadish Chandra Bose) ᱥᱟᱶ ᱮ ᱵᱟᱯᱞᱟ ᱮᱱᱟ᱾ ᱛᱟᱭᱚᱢ ᱥᱮᱨᱢᱟ ᱠᱚᱨᱮ ᱩᱱᱤ ᱟᱡ ᱡᱟᱶᱟᱭ ᱥᱟᱶ ᱫᱤᱥᱚᱢ ᱵᱟᱦᱨᱮ ᱟᱹᱰᱤ ᱜᱟᱱ ᱥᱟᱸᱜᱷᱟᱨ ᱨᱮᱭ ᱥᱮᱞᱮᱫ ᱞᱮᱱᱟ᱾[᱓]
ᱥᱮᱪᱮᱫᱤᱭᱟᱹ ᱞᱮᱠᱟᱛᱮ ᱠᱟᱹᱢᱤ ᱠᱷᱚᱱ ᱵᱟᱦᱨᱮ ᱵᱳᱥ ᱫᱚ ᱢᱤᱫ ᱮᱛᱚᱦᱚᱵ ᱛᱤᱨᱞᱟᱹ ᱟᱹᱭᱫᱟᱹᱨᱤ ᱠᱟᱹᱢᱤᱭᱟᱹᱭ ᱛᱟᱦᱮᱸ ᱠᱟᱱᱟ᱾ ᱤᱝᱞᱤᱥ ᱢᱮᱜᱟᱡᱤᱱ ᱢᱳᱰᱟᱨᱱ ᱨᱤᱵᱷᱤᱭᱩ (Modern Review) ᱨᱮ ᱚᱞ ᱠᱟᱛᱮ ᱩᱱᱤ ᱞᱟᱹᱭ ᱟᱠᱟᱫᱟ ᱡᱮ ᱛᱤᱨᱞᱟᱹ ᱠᱚ ᱱᱟᱯᱟᱭ ᱥᱮᱪᱮᱫ ᱧᱟᱢ ᱫᱚᱨᱠᱟᱨ, "ᱵᱟᱝ ᱪᱮᱫᱟᱜ ᱥᱮ ᱟᱵᱚ ᱟᱵᱚ ᱨᱮᱱ ᱠᱩᱲᱤ ᱜᱤᱫᱽᱨᱟᱹ ᱞᱟᱹᱜᱤᱫ ᱱᱟᱯᱟᱭ ᱡᱩᱨᱤ ᱵᱟᱵᱚ ᱵᱮᱱᱟᱣ ᱫᱟᱲᱮᱭᱟᱜᱼᱟ ... ᱵᱟᱝ ᱦᱚᱸ ᱪᱮᱫᱟᱜ ᱥᱮ ᱵᱚᱦᱩ ᱨᱮᱱᱟᱜ ᱥᱮᱵᱟ ᱟᱡᱟᱜ ᱟᱥᱨᱟ ᱚᱲᱟᱜ ᱨᱮ ᱟᱹᱰᱤ ᱜᱚᱱ ᱢᱟᱱᱟᱱ ᱦᱩᱭ ᱫᱟᱲᱮᱭᱟᱜᱼᱟ, ᱢᱮᱱᱠᱷᱟᱱ ᱪᱮᱫᱟᱜ ᱥᱮ ᱛᱤᱨᱞᱟᱹ ᱦᱚᱸ ᱠᱚᱲᱟ ᱞᱮᱠᱟ ᱯᱩᱭᱞᱩ ᱢᱤᱫ ᱢᱚᱱᱮ ᱜᱮᱠᱚ ᱛᱟᱦᱮᱸᱱᱟ, ᱟᱨ ᱫᱚᱥᱟᱨ ᱨᱮ ᱦᱚᱲᱢᱚ ᱟᱨ ᱦᱟᱢᱟᱞ ᱜᱮᱠᱚ ᱛᱟᱦᱮᱸᱱᱟ"᱾
᱑᱙᱑᱖ ᱨᱮ ᱟᱡ ᱡᱟᱶᱟᱭ ᱠᱚ ᱱᱟᱭᱤᱴᱦᱩᱰ (knighthood) ᱮᱢᱟᱭ ᱛᱟᱭᱚᱢ ᱩᱱᱤ ᱫᱚ ᱞᱮᱰᱤ ᱵᱳᱥ ᱮ ᱵᱮᱱᱟᱣ ᱮᱱᱟ᱾
ᱞᱮᱰᱤ ᱵᱳᱥ ᱫᱚ ᱑᱙᱑᱐ ᱠᱷᱚᱱ ᱑᱙᱓᱖ ᱫᱷᱟᱹᱵᱤᱡ ᱵᱨᱟᱦᱢᱚ ᱵᱟᱞᱤᱠᱟ ᱥᱤᱠᱥᱟᱞᱟᱭᱟ (Brahmo Balika Shikshalaya) ᱨᱮ ᱥᱮᱠᱨᱮᱴᱟᱨᱤ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱒᱕ ᱮᱯᱨᱤᱞ ᱑᱙᱕᱑ ᱨᱮ ᱘᱕ ᱥᱮᱨᱢᱟ ᱩᱢᱮᱨ ᱨᱮᱭ ᱜᱚᱡ ᱮᱱᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Sengupta, Subodh Chandra and Bose, Anjali (editors), 1976/1998, Sansad Bangali Charitabhidhan (Biographical dictionary) Vol I, Lua error in ᱢᱳᱰᱩᱞ:In_lang at line 40: attempt to call local 'name_from_tag' (a nil value)., p23, ISBN 81-85626-65-0
- ↑ Sengupta, Subodh Chandra and Bose, Anjali (editors), 1976/1998, Sansad Bangali Charitabhidhan (Biographical dictionary) Vol I, p23, ISBN 8185626650
- ↑ Ray, Bharati (1990). "Women in Calcutta: the Years of Change". In Chaudhuri, Sukanta (ed.). Calcutta: The Living City. Vol. II. Oxford University Press. p. 36. ISBN 978-0-19-563697-0.