ᱟᱵᱷᱤᱭᱟᱞ

ᱟᱵᱷᱤᱭᱟᱞ
ᱮᱴᱟᱜ ᱧᱩᱛᱩᱢ	അവിയൽ
ᱡᱟᱱᱟᱢ ᱴᱷᱟᱶ	ᱥᱤᱧᱚᱛ
ᱴᱚᱴᱷᱟ ᱟᱨᱵᱟᱝ ᱯᱚᱱᱚᱛ	ᱠᱮᱨᱟᱞᱟ
ᱡᱚᱲᱟᱣᱟᱱ ᱫᱤᱥᱟᱹᱢ ᱤᱥᱤᱱᱵᱟᱥᱟᱝ	ᱠᱮᱨᱟᱞᱟ ᱡᱚᱢᱟᱜ ᱠᱚ
ᱢᱩᱬ ᱤᱱᱜᱨᱤᱰᱮᱸᱴ	ᱥᱚᱵᱽᱡᱤ ᱠᱚ, ᱱᱟᱹᱬᱠᱚᱲ, ᱫᱟᱹᱦᱤ
	Cookbook: ᱟᱵᱷᱤᱭᱟᱞ at Wikibooks; Media related to Media: ᱟᱵᱷᱤᱭᱟᱞ at Wikimedia Commons;

ᱟᱵᱷᱤᱭᱟᱞ ᱥᱮ ᱟᱵᱷᱤᱭᱟᱞ (Malayalam: അവിയല്‍, pronounced ml) ᱫᱚ ᱥᱤᱧᱚᱛ ᱨᱮᱭᱟᱜ ᱠᱮᱨᱟᱞᱟ ᱠᱷᱚᱱ ᱮᱦᱚᱵ ᱟᱠᱟᱱ ᱢᱤᱫ ᱥᱤᱧᱚᱛᱤᱭᱟᱹ ᱡᱚᱢᱟᱜ ᱠᱟᱱᱟ ᱾^[᱑] ᱱᱚᱣᱟ ᱫᱚ ᱵᱟᱹᱲᱛᱤ ᱠᱟᱛᱮ ᱯᱟᱪᱮ ᱜᱷᱟᱴ ᱨᱮ ᱧᱟᱢᱚᱜ ᱠᱟᱱ ᱑᱓ ᱜᱚᱴᱟᱝ ᱥᱚᱵᱽᱡᱤ ᱟᱨ ᱱᱟᱨᱠᱚᱲ ᱨᱮᱭᱟᱜ ᱢᱤᱫ ᱜᱟᱰᱷᱟ ᱥᱴᱤᱣ ᱠᱟᱱᱟ, ᱡᱟᱦᱟᱸ ᱫᱚ ᱱᱟᱨᱠᱚᱲ ᱥᱩᱱᱩᱢ ᱟᱨ ᱠᱟᱹᱨᱤ ᱥᱟᱠᱟᱢ ᱛᱮ ᱪᱷᱩᱸᱠᱟᱹᱣ ᱠᱚᱜᱼᱟ ᱾ ᱟᱵᱷᱤᱭᱟᱞ ᱫᱚ ᱠᱮᱨᱟᱞᱟ ᱨᱮᱭᱟᱜ ᱢᱩᱬᱩᱛ ᱡᱚᱢᱟᱜ ᱨᱮᱭᱟᱜ ᱢᱤᱫ ᱞᱟᱹᱠᱛᱤᱭᱟᱱ ᱦᱟᱹᱴᱤᱧ ᱞᱮᱠᱟᱛᱮ ᱢᱟᱱᱟᱣᱚᱜᱼᱟ (ᱢᱟᱞᱟᱭᱟᱞᱟᱢ ᱛᱮ ᱩᱱᱩ), ᱟᱭᱢᱟ ᱚᱠᱛᱚ ᱢᱤᱫ ᱟᱹᱨᱤᱪᱟᱹᱞᱤ ᱠᱮᱨᱟᱞᱟ ᱥᱟᱫᱽᱭᱟ ᱨᱮᱭᱟᱜ ᱢᱩᱬᱩᱛ ᱡᱚᱢᱟᱜ ᱠᱟᱱᱟ ᱟᱨ ᱮᱛᱚᱢ ᱥᱤᱧᱚᱛ ᱨᱮᱦᱚᱸ ᱢᱤᱫ ᱥᱤᱵᱤᱞ ᱡᱚᱢᱟᱜ ᱞᱮᱠᱟᱛᱮ ᱠᱚ ᱮᱢᱟᱜᱼᱟ ᱾ ᱡᱟᱦᱟᱸᱱᱟᱜ ᱜᱮ ᱟᱵᱷᱤᱭᱟᱞ ᱢᱮᱱ ᱫᱚ ᱢᱤᱫ ᱥᱟᱫᱷᱟᱨᱚᱱ ᱠᱟᱛᱷᱟ ᱠᱟᱱᱟ ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ ᱚᱱᱟ ᱡᱤᱱᱤᱥ ᱜᱷᱟᱱᱴᱟ ᱢᱮᱥᱟ ᱜᱮᱭᱟ ᱾^[᱒]

ᱛᱟᱞᱢᱟ ᱛᱨᱟᱵᱷᱟᱱᱠᱳᱨ ᱨᱮᱫᱚ ᱯᱟᱛᱞᱟ ᱨᱟᱥᱮ ᱥᱟᱶ ᱱᱟᱥᱮ ᱡᱩᱫᱟᱹ ᱞᱮᱠᱟᱱ ᱟᱵᱷᱤᱭᱟᱞ ᱧᱟᱢᱚᱜᱼᱟ; ᱢᱮᱱᱠᱷᱟᱱ ᱟᱹᱨᱤᱪᱟᱹᱞᱤ ᱟᱵᱷᱤᱭᱟᱞ ᱫᱚ ᱜᱟᱰᱷᱟ ᱜᱮᱭᱟ ᱾

ᱡᱤᱱᱤᱥ ᱠᱚ

ᱥᱟᱫᱷᱟᱨᱚᱱ ᱞᱮᱠᱟᱛᱮ, ᱟᱵᱷᱤᱭᱟᱞ ᱨᱮᱫᱚ ᱮᱠᱮᱱ ᱨᱚᱯᱚᱫ ᱥᱚᱵᱽᱡᱤ ᱜᱮᱠᱚ ᱵᱮᱵᱷᱟᱨᱟ ᱾ ᱟᱵᱷᱤᱭᱟᱞ ᱨᱮ ᱵᱟᱹᱲᱛᱤ ᱵᱮᱵᱷᱟᱨᱚᱜ ᱠᱟᱱ ᱥᱚᱵᱽᱡᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱳᱞ ᱯᱤᱸᱰᱟᱹ, ᱠᱟᱭᱨᱟ, ᱯᱩᱸᱰ ᱠᱚᱦᱰᱟ (ᱣᱟᱠᱥ ᱜᱳᱨᱰ), ᱜᱟᱡᱚᱨ, ᱵᱤᱱᱥ, ᱵᱮᱸᱜᱟᱲ, ᱛᱟᱦᱮᱨ, ᱢᱩᱱᱜᱟᱹ ᱥᱩᱴᱤ, ᱪᱤᱪᱤᱸᱜᱟ ᱟᱨ ᱢᱟᱨᱟᱝ ᱵᱤᱱᱥ, ᱮᱢᱟᱱ ᱠᱚᱫᱚ ᱱᱟᱣᱟ ᱛᱮ ᱥᱮᱞᱮᱫ ᱟᱠᱟᱱᱟ, ᱢᱮᱱᱠᱷᱟᱱ ᱠᱳᱡᱷᱤᱠᱳᱰ ᱴᱚᱴᱷᱟ ᱨᱮᱭᱟᱜ ᱟᱵᱷᱤᱭᱟᱞ ᱨᱮᱫᱚ ᱠᱚᱨᱞᱟ ᱥᱮᱞᱮᱫ ᱛᱟᱦᱮᱸᱱᱟ ᱾ ᱠᱳᱞᱞᱟᱢ ᱴᱚᱴᱷᱟ ᱨᱮᱭᱟᱜ ᱟᱵᱷᱤᱭᱟᱞ ᱨᱮᱭᱟᱜ ᱵᱷᱮᱜᱟᱨ ᱨᱮᱫᱚ ᱮᱴᱟᱜ ᱥᱚᱵᱽᱡᱤ ᱠᱚ ᱥᱟᱶ ᱵᱤᱞᱟᱹᱛᱤ ᱦᱚᱸ ᱥᱮᱞᱮᱫ ᱛᱟᱦᱮᱸᱱᱟ ᱾ ᱟᱫᱚᱢ ᱦᱚᱲ ᱫᱚ ᱫᱟᱹᱦᱤ ᱵᱟᱝ ᱠᱚ ᱮᱢᱟ ᱥᱮ ᱚᱱᱟ ᱵᱚᱫᱚᱞ ᱛᱮ ᱵᱮᱨᱮᱞ ᱩᱞ ᱥᱮ ᱡᱚᱡᱚ ᱠᱚ ᱮᱢᱟ ᱾ ᱱᱚᱣᱟ ᱡᱚᱢᱟᱜ ᱫᱚ ᱢᱤᱫ ᱨᱟᱥᱮ ᱞᱮᱠᱟᱛᱮ ᱥᱮ ᱟᱫᱷᱟ-ᱨᱚᱦᱚᱲ ᱥᱟᱭᱤᱰ ᱰᱤᱥ ᱞᱮᱠᱟᱛᱮ ᱵᱮᱱᱟᱣ ᱜᱟᱱᱚᱜᱼᱟ ᱾ ᱱᱚᱣᱟ ᱫᱚ ᱥᱟᱫᱷᱟᱨᱚᱱ ᱞᱮᱠᱟᱛᱮ ᱫᱟᱠᱟ ᱥᱟᱶ ᱠᱚ ᱡᱚᱢᱟ ᱾ "ᱟᱵᱷᱤᱭᱟᱞ" ᱟᱹᱲᱟᱹ ᱫᱚ 'ᱦᱮᱰᱮᱡ' ᱥᱮ 'ᱫᱟᱜ ᱨᱮ ᱤᱥᱤᱱ' ᱵᱩᱡᱷᱟᱹᱣ ᱚᱪᱚᱭ ᱞᱟᱹᱜᱤᱫ ᱦᱚᱸ ᱵᱮᱵᱷᱟᱨᱚᱜᱼᱟ — ᱱᱚᱣᱟ ᱢᱮᱱᱮᱛ ᱫᱚ ᱡᱚᱢᱟᱜ ᱵᱮᱱᱟᱣ ᱦᱚᱨᱟ ᱠᱷᱚᱱ ᱦᱮᱡ ᱟᱠᱟᱱᱟ ᱾

ᱢᱟᱭᱛᱷᱳᱞᱳᱡᱤ

ᱯᱟᱹᱛᱭᱟᱹᱣ ᱢᱮᱱᱟᱜᱼᱟ ᱡᱮ ᱟᱵᱷᱤᱭᱟᱞ ᱫᱚ ᱵᱤᱨᱵᱟᱱᱴᱟ ᱵᱷᱤᱢ ᱟᱡᱟᱜ ᱵᱚᱱᱵᱟᱥ ᱚᱠᱛᱚ ᱨᱮᱭ ᱵᱮᱱᱟᱣ ᱞᱮᱫᱟ ᱾ ᱠᱟᱛᱷᱟ ᱞᱮᱠᱟᱛᱮ, ᱡᱚᱠᱷᱚᱱ ᱵᱟᱞᱞᱟᱵᱷᱟ (ᱱᱚᱣᱟ ᱚᱠᱛᱚ ᱨᱮ ᱵᱷᱤᱢ ᱟᱜ ᱧᱩᱛᱩᱢ) ᱵᱤᱨᱟᱴᱟ ᱟᱜ ᱪᱩᱞᱦᱟᱹᱥᱟᱲ ᱨᱮ ᱤᱥᱤᱱᱤᱡ ᱞᱮᱠᱟᱛᱮ ᱠᱟᱹᱢᱤᱭ ᱦᱟᱛᱟᱣ ᱠᱮᱫᱟ, ᱩᱱᱤ ᱫᱚ ᱤᱥᱤᱱ ᱵᱟᱭ ᱵᱟᱰᱟᱭ ᱛᱟᱦᱮᱸᱫ ᱾ ᱩᱱᱤᱭᱟᱜ ᱯᱩᱭᱞᱩ ᱠᱟᱹᱢᱤ ᱠᱷᱚᱱ ᱢᱤᱫᱴᱟᱹᱝ ᱫᱚ ᱛᱟᱦᱮᱸ ᱠᱟᱱᱟ ᱟᱭᱢᱟ ᱞᱮᱠᱟᱱ ᱥᱚᱵᱽᱡᱤ ᱜᱮᱫ, ᱢᱤᱫ ᱥᱟᱶᱛᱮ ᱦᱮᱰᱮᱡ ᱟᱨ ᱩᱛᱩ ᱪᱮᱛᱟᱱ ᱨᱮ ᱨᱤᱫ ᱟᱠᱟᱱ ᱱᱟᱹᱬᱠᱚᱲ ᱮᱢ ᱾^[᱓]^[᱔] ᱱᱟᱜᱟᱢᱤᱭᱟᱹ ᱵᱷᱮᱜᱟᱨ ᱠᱚᱦᱚᱸ ᱢᱮᱱᱟᱜᱼᱟ ᱾ ᱠᱟᱛᱷᱟ ᱢᱮᱱᱟᱜᱼᱟ ᱡᱮ ᱵᱷᱤᱢ ᱫᱚ ᱟᱵᱷᱤᱭᱟᱞ ᱮ ᱵᱮᱱᱟᱣ ᱞᱮᱫᱟ, ᱡᱚᱠᱷᱚᱱ ᱨᱟᱡᱟ ᱵᱤᱨᱟᱴᱟ ᱴᱷᱮᱱ ᱟᱪᱠᱟ ᱯᱮᱲᱟ ᱠᱚ ᱦᱮᱡ ᱮᱱᱟ ᱟᱨ ᱩᱱᱠᱩ ᱞᱟᱹᱜᱤᱫ ᱡᱚᱢᱟᱜ ᱮᱢᱚᱜ ᱞᱟᱹᱠᱛᱤ ᱯᱟᱲᱟᱣ ᱮᱱᱟ ᱾ ᱢᱤᱫᱴᱟᱹᱝ ᱥᱟᱭᱤᱰ ᱰᱤᱥ ᱨᱮᱥᱤᱯᱤ ᱤᱥᱤᱱ ᱞᱟᱹᱜᱤᱫ ᱯᱩᱨᱟᱹᱣ ᱥᱚᱵᱽᱡᱤ ᱵᱟᱝ ᱛᱟᱦᱮᱸ ᱠᱟᱱᱟ, ᱚᱱᱟᱛᱮ ᱵᱷᱤᱢ ᱫᱚ ᱡᱟᱦᱟᱸ ᱥᱚᱵᱽᱡᱤ ᱠᱚ ᱛᱟᱦᱮᱸ ᱠᱟᱱᱟ ᱚᱱᱟ ᱛᱮᱜᱮ ᱢᱤᱫ ᱱᱟᱣᱟ ᱡᱚᱢᱟᱜ ᱮ ᱵᱮᱱᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱟᱵᱷᱤᱭᱟᱞ ᱧᱩᱛᱩᱢ ᱛᱮ ᱵᱟᱰᱟᱭ ᱮᱱᱟ ᱾

ᱟᱨᱢᱤᱫ ᱠᱟᱛᱷᱟ ᱫᱚ ᱠᱚᱣᱨᱚᱵᱽ ᱠᱚ ᱦᱚᱛᱮᱛᱮ ᱵᱷᱤᱢ ᱜᱚᱡ ᱨᱮᱭᱟᱜ ᱨᱤᱠᱟᱹ ᱥᱟᱶ ᱡᱩᱲᱟᱹᱣ ᱢᱮᱱᱟᱜᱼᱟ ᱾ ᱵᱷᱤᱢ ᱵᱤᱥ ᱮᱢᱟᱫᱮ ᱛᱟᱭᱚᱢ, ᱠᱚᱣᱨᱚᱵᱽ ᱠᱚᱫᱚ ᱵᱷᱤᱢ ᱠᱚ ᱛᱚᱞ ᱠᱮᱫᱮᱭᱟ ᱟᱨ ᱫᱟᱜ ᱨᱮᱠᱚ ᱜᱤᱰᱤ ᱠᱟᱫᱮᱭᱟ ᱾ ᱠᱚᱣᱨᱚᱵᱽ ᱠᱚᱫᱚ ᱱᱚᱣᱟ ᱦᱚᱸᱠᱚ ᱞᱟᱹᱭ ᱠᱮᱫᱟ ᱡᱮ ᱩᱱᱠᱩ ᱫᱚ ᱵᱷᱤᱢ ᱫᱟᱜ ᱨᱮ ᱩᱱᱩᱢᱚᱜ ᱠᱚ ᱧᱮᱞ ᱠᱮᱫᱮᱭᱟ ᱾ ᱫᱩᱠᱷ ᱢᱟᱱᱟᱣ ᱢᱟᱦᱟᱸ ᱯᱩᱨᱟᱹᱣᱮᱱ ᱛᱟᱭᱚᱢ, ᱢᱤᱫ ᱵᱷᱟᱸᱰᱟᱱ ᱵᱷᱳᱡᱽ ᱨᱮᱭᱟᱜ ᱜᱚᱴᱟ ᱦᱩᱭᱮᱱᱟ ᱟᱨ ᱥᱟᱯᱲᱟᱣ ᱠᱚ ᱪᱟᱞᱟᱜ ᱠᱟᱱ ᱛᱟᱦᱮᱸᱫ ᱾ ᱟᱪᱠᱟ ᱜᱮ, ᱵᱷᱤᱢ ᱫᱟᱜ ᱠᱷᱚᱱ ᱮ ᱚᱰᱚᱠ ᱮᱱᱟ, ᱡᱟᱦᱟᱸᱭ ᱫᱚ ᱱᱟᱜᱟ ᱠᱚ ᱠᱚ ᱵᱟᱧᱪᱟᱣ ᱞᱮᱫᱮᱭᱟ ᱾ ᱱᱚᱣᱟ ᱥᱟᱶᱛᱮ, ᱵᱷᱳᱡᱽ ᱨᱮᱭᱟᱜ ᱥᱟᱯᱲᱟᱣ ᱠᱚᱫᱚ ᱵᱚᱸᱫᱚ ᱮᱱᱟ ᱾ ᱮᱱᱦᱚᱸ, ᱵᱷᱤᱢ ᱫᱚ ᱱᱚᱣᱟ ᱜᱚᱴᱟ ᱛᱮ ᱵᱟᱭ ᱠᱩᱥᱤ ᱞᱮᱱᱟ, ᱟᱨ ᱡᱚᱛᱚ ᱥᱚᱵᱽᱡᱤ ᱢᱮᱥᱟ ᱠᱟᱛᱮ ᱢᱤᱫ ᱱᱟᱣᱟ ᱡᱚᱢᱟᱜ ᱵᱮᱱᱟᱣ ᱨᱮᱭᱟᱜ ᱮ ᱜᱚᱴᱟ ᱠᱮᱫᱟ ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱟᱵᱷᱤᱭᱟᱞ ᱞᱮᱠᱟᱛᱮ ᱧᱩᱛᱩᱢᱟᱱ ᱮᱱᱟ ᱾

ᱟᱨᱢᱤᱫ ᱧᱩᱛᱩᱢᱟᱱ ᱢᱟᱨᱮ ᱠᱟᱛᱷᱟ ᱫᱚ ᱱᱚᱣᱟ ᱠᱟᱱᱟ ᱡᱮ ᱠᱮᱨᱟᱞᱟ ᱨᱮᱭᱟᱜ ᱛᱨᱟᱵᱷᱟᱱᱠᱳᱨ ᱨᱟᱡᱚᱥᱴᱷᱤ ᱨᱮ ᱨᱟᱡᱟ ᱦᱚᱛᱮᱛᱮ ᱢᱤᱫ ᱢᱟᱨᱟᱝ ᱵᱷᱳᱡᱽ ᱦᱩᱭ ᱞᱮᱱᱟ ᱾ ᱨᱟᱡᱚᱥᱴᱷᱤ ᱨᱮᱱ ᱡᱚᱛᱚ ᱦᱚᱲ ᱡᱚᱢ ᱠᱚ ᱦᱮᱡ ᱞᱮᱱᱟ ᱚᱱᱟᱛᱮ ᱮᱢᱚᱜ ᱞᱟᱹᱜᱤᱫ ᱩᱛᱩ ᱠᱚᱢ ᱮᱱᱟ ᱾ ᱢᱮᱱᱠᱷᱟᱱ ᱪᱩᱞᱦᱟᱹᱥᱟᱲ ᱨᱮᱦᱚᱸ ᱡᱤᱱᱤᱥ ᱠᱚᱢ ᱛᱟᱦᱮᱸ ᱠᱟᱱᱟ ᱚᱱᱟᱛᱮ ᱡᱚᱠᱷᱚᱱ ᱨᱟᱡᱟ ᱪᱩᱞᱦᱟᱹᱥᱟᱲ ᱮ ᱧᱮᱞ ᱠᱮᱫᱟ ᱩᱱᱤᱭ ᱧᱟᱢ ᱠᱮᱫᱟ ᱡᱮ ᱥᱚᱵᱽᱡᱤ ᱩᱨᱩᱜ ᱚᱠᱛᱚ ᱟᱭᱢᱟ ᱥᱚᱵᱽᱡᱤ ᱵᱟᱹᱲᱤᱡ ᱟᱠᱟᱱᱟ ᱾ ᱨᱟᱡᱟ ᱫᱚ ᱤᱥᱤᱱᱤᱡ ᱮ ᱦᱩᱠᱩᱢ ᱟᱫᱮᱭᱟ ᱡᱮ ᱱᱚᱣᱟ ᱥᱟᱶ ᱮᱴᱟᱜ ᱡᱤᱱᱤᱥ ᱠᱚ ᱢᱮᱥᱟ ᱠᱟᱛᱮ ᱢᱤᱫ ᱩᱛᱩ ᱵᱮᱱᱟᱣ ᱢᱮ ᱚᱱᱟᱛᱮ ᱟᱵᱷᱤᱭᱟᱞ ᱨᱮᱭᱟᱜ ᱡᱟᱱᱟᱢ ᱦᱩᱭᱮᱱᱟ ᱾ ᱨᱟᱡᱟ ᱫᱚ ᱱᱚᱣᱟ ᱯᱩᱭᱞᱩ ᱡᱚᱢᱟᱜ ᱞᱮᱠᱟᱛᱮ ᱮᱢᱚᱜ ᱨᱮᱭᱟᱜ ᱦᱚᱸᱭ ᱦᱩᱠᱩᱢ ᱞᱮᱫᱟ ᱾ ᱚᱱᱟᱛᱮ ᱥᱟᱫᱽᱭᱟ ᱨᱮ ᱟᱵᱷᱤᱭᱟᱞ ᱫᱚ ᱯᱩᱭᱞᱩ ᱨᱮᱠᱚ ᱮᱢᱟᱜᱼᱟ ᱾^[᱕]^[᱖]^[᱗]

ᱟᱨᱦᱚᱸ ᱧᱮᱞ ᱢᱮ

ᱥᱟᱫᱽᱭᱟ

ᱥᱟᱹᱠᱷᱭᱟᱹᱛ

↑ "Avial". www.tasteatlas.com. Retrieved 14 Aug 2020.
↑ Katz, Solomon H.; Weaver, William Woys (2003). Encyclopedia of Food and Culture: Food production to Nuts. Vol. 2. Scribner. ISBN 978-0-684-80566-5. Certain vegetable specialities, although eaten by all Keralites, have special Nair associations. Aviyal is a mixture of green bananas, drumsticks, various beans, and green cashews (distinct to Nair cuisine), cooked with ground coconut"
↑ "Avial". recipes.keralaglobal.com. Archived from the original on 29 October 2008. Retrieved 30 May 2017.
↑ Gupta, Siddhartha. "Avial, Recipe of Avial, Avial Recipe". www.onamfestival.org. Retrieved 30 May 2017.
↑ "Bhima and the Story of Avial – Origin of Vegetable Dish Aviyal". www.hindu-blog.com. Retrieved 30 May 2017.
↑ "Mahabharat Live Blog - The Isha Blog". 11 February 2012. Archived from the original on 12 June 2014. Retrieved 30 May 2017.
↑ "Avial, The Dish Some Say Was Invented By One Of The Pandavas". food.ndtv.com. Retrieved 14 Aug 2020.^{[permanent dead link]}

ᱵᱟᱦᱨᱮ ᱡᱚᱱᱚᱲ

ᱠᱮᱨᱟᱞᱟ ᱥᱴᱟᱭᱤᱞ ᱟᱵᱷᱤᱭᱟᱞ

[1] "Avial". www.tasteatlas.com. Retrieved 14 Aug 2020.

[2] Katz, Solomon H.; Weaver, William Woys (2003). Encyclopedia of Food and Culture: Food production to Nuts. Vol. 2. Scribner. ISBN 978-0-684-80566-5. Certain vegetable specialities, although eaten by all Keralites, have special Nair associations. Aviyal is a mixture of green bananas, drumsticks, various beans, and green cashews (distinct to Nair cuisine), cooked with ground coconut"

[3] "Avial". recipes.keralaglobal.com. Archived from the original on 29 October 2008. Retrieved 30 May 2017.

[4] Gupta, Siddhartha. "Avial, Recipe of Avial, Avial Recipe". www.onamfestival.org. Retrieved 30 May 2017.

[5] "Bhima and the Story of Avial – Origin of Vegetable Dish Aviyal". www.hindu-blog.com. Retrieved 30 May 2017.

[6] "Mahabharat Live Blog - The Isha Blog". 11 February 2012. Archived from the original on 12 June 2014. Retrieved 30 May 2017.

[7] "Avial, The Dish Some Say Was Invented By One Of The Pandavas". food.ndtv.com. Retrieved 14 Aug 2020.^{[permanent dead link]}

[᱑]

[᱒]

[᱓]

[᱔]

[᱕]

[᱖]

[᱗]