ᱟᱵᱽᱨᱟᱦᱟᱢ ᱞᱤᱝᱠᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱟᱵᱽᱨᱟᱦᱟᱢ ᱞᱤᱝᱠᱚᱱ

ᱟᱵᱽᱨᱟᱦᱟᱢ ᱞᱤᱝᱠᱚᱱ (ᱯᱷᱮᱵᱽᱨᱩᱣᱟᱨᱤ ᱑᱒ ᱑᱘᱐᱙ - ᱑᱕ ᱮᱯᱨᱤᱞ ᱑᱘᱖᱕ ) ᱟᱢᱮᱨᱤᱠᱟ ᱨᱤᱱᱤᱡ ᱜᱮᱞ ᱟᱨᱮ ᱟ.ᱱᱤᱡ ᱫᱤᱥᱚᱢ ᱜᱚᱝᱠᱮ ( ᱯᱨᱮᱥᱤᱰᱮᱸᱴ) ᱛᱟᱦᱮᱸ ᱠᱟᱱᱟᱭ ᱾ ᱱᱩᱭᱟᱜ ᱠᱟ.ᱢᱤ ᱚᱠᱛᱚ ᱫᱚ ᱑᱘᱖᱑ ᱠᱷᱚᱱ ᱑᱘᱖᱕ ᱫᱷᱟ.ᱵᱤᱡ ᱛᱟᱦᱮᱸ ᱠᱟᱱᱟ ᱾ ᱱᱩᱭ ᱫᱚ ᱨᱤᱯᱚᱵᱞᱤᱠᱟᱱ ᱯᱟᱴᱤ ᱠᱷᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱟᱢᱮᱨᱤᱠᱟ ᱫᱚ ᱟᱡᱟᱜ ᱡᱚᱛᱚ ᱠᱷᱚᱱ ᱢᱟᱨᱟᱝ ᱟᱢᱮᱨᱤᱠᱟᱱ ᱥᱤᱵᱷᱤᱞ ᱣᱟᱨ (American civil war ) ᱠᱷᱚᱱ ᱮ ᱯᱟᱨᱚᱢ ᱞᱮᱫ ᱠᱚᱣᱟ ᱾ ᱟᱢᱮᱨᱤᱠᱟ ᱨᱮᱭᱟᱜ ᱥᱮᱵᱮᱫ ᱨᱤᱛ ᱢᱩᱪᱟ.ᱫᱽ ᱨᱮᱭᱟᱜ ᱢᱟ.ᱱ ᱥᱟᱨᱦᱟᱣ ᱦᱚᱸ ᱟᱵᱽᱨᱟᱦᱟᱢ ᱞᱤᱝᱠᱚᱱ ᱜᱮ ᱧᱟᱢᱼᱟ ᱾

ᱡᱟᱱᱟᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱵᱽᱨᱟᱦᱟᱢ ᱞᱤᱝᱠᱚᱱ ᱫᱚ ᱢᱤᱫ ᱨᱮᱸᱜᱮᱡ ᱚᱲᱟᱜ ᱨᱮ ᱡᱟᱱᱟᱢ ᱞᱮᱱᱟ ᱾ ᱩᱱᱤ ᱫᱚ ᱯᱩᱭᱞᱩ ᱫᱚ ᱨᱤᱯᱚᱵᱞᱤᱠᱚᱱ ᱮ ᱛᱟᱦᱮᱸ ᱠᱟᱱᱟ ᱾ ᱡᱟᱦᱟᱸᱭ ᱫᱚ ᱛᱟᱭᱚᱢ ᱛᱮ ᱟᱢᱮᱨᱤᱠᱟ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ ᱵᱮᱱᱟᱣ ᱮᱱᱟᱭ ᱾ ᱚᱱᱟ ᱢᱟᱬᱟᱝ ᱨᱮ ᱩᱱᱤ ᱫᱚ ᱢᱤᱫ ᱩᱠᱤᱞ ᱮ ᱛᱟᱦᱮᱸ ᱠᱟᱱᱟ , Illinois ᱯᱚᱱᱚᱛ ᱨᱤᱱᱤᱡ ᱢᱤᱫ ᱵᱤᱫᱷᱟᱭᱚᱠ (legislators) , America's house of Representatives ᱨᱮᱱᱤᱡ ᱥᱚᱦᱮᱫ ᱦᱚᱸᱭ ᱛᱟᱦᱮᱸ ᱠᱟᱱᱟ ᱾ ᱩᱱᱤ ᱫᱚ ᱥᱤᱱᱮᱴ ᱨᱮᱭᱟᱜ ᱥᱟᱱᱞᱟ ᱨᱮ ᱦᱚᱸ ᱵᱟᱨ ᱫᱷᱟᱣ ᱮ ᱦᱟᱨᱟᱣ ᱞᱮᱱᱟ ᱾

ᱩᱠᱤᱞ ᱠᱟ.ᱢᱤᱦᱚᱨᱟ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱩᱠᱤᱞ ᱠᱟᱛᱮ ᱟᱨᱡᱟᱣᱟᱜ ᱱᱚᱡᱚᱨ ᱛᱮ ᱧᱮᱞ ᱞᱮᱠᱷᱟᱱ ᱟᱢᱮᱨᱤᱠᱟ ᱨᱤᱱᱤᱡ ᱨᱟᱥᱴᱨᱚᱯᱚᱛᱤ ᱵᱮᱱᱟᱣᱜ ᱢᱟᱬᱟᱝ ᱨᱮ ᱟᱵᱽᱨᱟᱦᱟᱢ ᱞᱤᱝᱠᱚᱱ ᱫᱚ ᱵᱟᱜᱮ ᱵᱚᱪᱷᱚᱨ ᱫᱷᱟ.ᱵᱤᱡ ᱩᱠᱤᱞ ᱠᱟ.ᱢᱤ ᱛᱚᱨᱟᱣ ᱟᱠᱟᱜᱼᱟ ᱾ ᱤᱠᱷᱟ.ᱱ ᱟᱡᱟᱜ ᱩᱠᱤᱞ ᱠᱟ.ᱢᱤ ᱛᱮ ᱟᱡ ᱟᱨ ᱟᱡ ᱨᱤᱱ ᱠᱞᱟᱸᱭᱮᱴᱥ ᱡᱟᱦᱟᱸ ᱛᱤᱱᱟ.ᱜ ᱟ.ᱝᱠᱩᱥ ᱟᱨ ᱢᱚᱱᱮ ᱡᱤᱣᱤᱨᱮ ᱥᱟ.ᱱᱛᱤ ᱠᱚ ᱧᱟᱢ ᱟᱠᱟᱜᱼᱟ, ᱚᱱᱟ ᱟᱨ ᱥᱚᱢᱯᱚᱛᱤ ᱞᱮᱠᱟ ᱫᱚᱦᱚᱭ ᱞᱟ.ᱜᱤᱫ ᱛᱮᱫᱚ ᱪᱮᱫ ᱦᱚᱸ ᱵᱟᱝ ᱠᱟᱱ ᱛᱟᱦᱮᱸᱫ ᱾ ᱟᱡᱟᱜ ᱩᱠᱤᱞ ᱠᱟ.ᱢᱤ ᱚᱠᱛᱚ ᱨᱮᱭᱟᱜ ᱥᱟᱭ-ᱥᱟᱭ ᱥᱚᱛ ᱟᱨ ᱥᱟ.ᱨᱤ ᱠᱟ.ᱦᱱᱤ, ᱟᱡᱟᱜ ᱱᱤᱨᱚᱲ ᱵᱮᱵᱷᱟᱨ ᱟᱨ ᱥᱚᱱᱚᱛ ᱠᱟ.ᱢᱤ ᱪᱮᱛᱟᱱ ᱨᱮ ᱯᱚᱨᱢᱟᱱ ᱧᱟᱢᱚᱜᱼᱟ ᱾

ᱟᱵᱽᱨᱟᱦᱟᱢ ᱞᱤᱝᱠᱚᱱ ᱟᱡ ᱨᱤᱱ ᱩᱱᱠᱩ ᱠᱞᱟᱸᱭᱮᱴᱥ ᱠᱷᱚᱱ ᱫᱚ ᱵᱟ.ᱲᱛᱤ ᱠᱟ.ᱣᱰᱤ ᱵᱟᱭ ᱦᱟᱛᱟᱣ ᱛᱟᱦᱮᱸᱱ, ᱡᱟᱦᱟᱸᱭ ᱫᱚ ᱟᱡ ᱞᱮᱠᱟ ᱜᱮ ᱨᱮᱸᱜᱮᱡ ᱱᱟᱪᱟᱨ ᱠᱚ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱷᱟᱣ ᱟᱡᱤᱡ ᱢᱤᱫ ᱠᱞᱟᱸᱭᱮᱱ ᱩᱱᱤ ᱢᱚᱜᱮᱞ ᱰᱚᱞᱟᱨ ᱮ ᱵᱷᱮᱡᱟ ᱟᱫᱮᱭᱟ ᱤᱠᱷᱟ.ᱱ ᱞᱤᱝᱠᱚᱱ ᱫᱚ ᱚᱸᱰᱮ ᱠᱷᱚᱱ ᱜᱮᱞ ᱰᱚᱞᱟᱨ ᱫᱚ ᱱᱚᱣᱟ ᱢᱮᱱ ᱠᱟᱛᱮᱭ ᱨᱩᱣᱟ.ᱲ ᱟᱫᱮᱭᱟ ᱡᱮ ᱟᱡ ᱞᱟ.ᱜᱤᱫ ᱫᱚ ᱜᱮᱢᱚᱬ ᱰᱚᱞᱟᱨ ᱜᱮ ᱟ.ᱰᱤ ᱰᱷᱮᱨ ᱾ ᱵᱟ.ᱲᱛᱤ ᱞᱮᱠᱟ ᱛᱮᱫᱚ ᱩᱱᱤ ᱟᱡ ᱨᱤᱱ ᱠᱞᱟᱭᱮᱸᱴᱥ ᱫᱚ ᱟᱫᱟᱞᱚᱛ ᱵᱟᱦᱨᱮ ᱨᱮᱜᱮ ᱢᱟᱱᱟᱣ ᱵᱟᱛᱟᱣ ᱦᱚᱪᱚ ᱠᱟᱛᱮ ᱜᱷᱚᱴᱚᱱ ᱮᱴᱠᱮᱴᱚᱬᱮ ᱫᱚ ᱥᱚᱞᱦᱮ ᱞᱟ.ᱜᱤᱫ ᱦᱚᱨ ᱮ ᱩᱫᱩᱜ ᱟᱠᱚ ᱛᱟᱦᱮᱸᱫ ᱾ ᱡᱟᱦᱟᱸ ᱠᱷᱟ.ᱛᱤᱨ ᱵᱟᱱᱟᱨ ᱯᱟᱦᱴᱟ ᱨᱮᱭᱟᱜ ᱴᱟᱠᱟ ᱠᱟ.ᱣᱰᱤ ᱟᱫᱟᱞᱚᱛ ᱠᱟ.ᱢᱤᱨᱮ ᱵᱮᱠᱟᱨ ᱟᱞᱚ ᱪᱟᱞᱟᱣ ᱜᱤᱰᱤᱜ ᱛᱟᱠᱚ ᱢᱟ ᱾ ᱟᱨ ᱱᱚᱣᱟ ᱠᱚ ᱞᱟ.ᱜᱤᱫ ᱛᱮ ᱩᱱᱤ ᱫᱚ ᱠᱩᱲᱟ.ᱭ ᱫᱚ ᱵᱟᱝ ᱧᱟᱢ ᱥᱚᱢᱟᱱ ᱜᱮ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱜᱩᱨ ᱟᱠᱟᱱ ᱥᱮᱱᱟ ᱭᱤᱱ ᱨᱟᱺᱰᱤ ᱮᱨᱟ ᱟᱡᱟᱜ ᱯᱮᱸᱥᱚᱱ ᱔᱐᱐ ᱰᱚᱞᱟᱨ ᱧᱟᱢ ᱚᱪᱚᱣᱟᱭ ᱞᱟ.ᱜᱤᱫ ᱛᱮ ᱯᱮᱱᱥᱚᱱ ᱮᱡᱮᱸᱴ ᱫᱚ ᱒᱐᱐ ᱰᱚᱞᱟᱨ ᱯᱷᱤᱥ ᱞᱮᱠᱟᱛᱮᱭ ᱠᱚᱭ ᱮ ᱠᱟᱱ ᱛᱟᱦᱮᱸᱫ ᱾ ᱞᱤᱝᱠᱚᱱ ᱫᱚ ᱩᱱᱤ ᱠᱩᱲᱤ ᱦᱚᱯᱚᱱ ᱞᱟ.ᱜᱤᱫ ᱠᱷᱟ.ᱞᱤ ᱤᱱᱠᱟ.ᱛᱮᱭ ᱵᱤᱪᱟ.ᱨ ᱟᱫᱮ ᱥᱩᱢᱩᱝ ᱫᱚ ᱵᱟᱝ ᱜᱮ , ᱦᱚᱴᱮᱞ ᱨᱮ ᱛᱟᱦᱮᱸᱱ ᱞᱟ.ᱜᱤᱫ ᱠᱷᱚᱨᱪᱟ ᱟᱨ ᱚᱲᱟᱜ ᱨᱩᱣᱟ.ᱲ ᱞᱟ.ᱜᱤᱫ ᱵᱷᱟᱲᱟ ᱴᱤᱠᱮᱴ ᱦᱚᱸᱭ ᱡᱚᱜᱟᱲ ᱟᱫᱮᱭᱟ ᱾

ᱫᱷᱚᱨᱚᱢ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱟᱵᱽᱨᱟᱦᱟᱢ ᱞᱤᱝᱠᱚᱱ ᱛᱤᱥ ᱨᱮ ᱦᱚᱸ ᱫᱷᱚᱨᱚᱢ ᱪᱮᱛᱟᱱ ᱨᱮ ᱫᱚ ᱵᱟᱭ ᱪᱟᱨᱪᱟ ᱮᱫ ᱛᱟᱦᱮᱸᱫ ᱾ ᱩᱱᱤ ᱫᱚ ᱢᱤᱫ ᱤᱥᱟᱭ ᱦᱩᱭ ᱠᱟᱛᱮ ᱨᱮ ᱦᱚᱸ ᱚᱠᱟ ᱪᱚᱨᱪ ᱥᱟᱶ ᱦᱚᱸ ᱥᱟ.ᱜᱟ.ᱭ ᱫᱚ ᱛᱟᱭ ᱵᱟᱝ ᱛᱟᱦᱮᱸ ᱠᱟᱱᱟ ᱾ ᱢᱤᱫ ᱫᱷᱟᱣ ᱟᱡᱤᱡ ᱢᱤᱫ ᱡᱚᱴᱟᱣ ᱜᱮ ᱟᱡᱟᱜ ᱫᱷᱚᱨᱚᱢ ᱪᱮᱛᱟᱱ ᱨᱮ ᱩᱭᱦᱟ.ᱨ ᱤᱫᱤ ᱠᱟᱛᱮ ᱠᱩᱞᱤ ᱠᱮᱫᱮᱭᱟ ᱾ ᱞᱤᱝᱠᱚᱱ ᱮ ᱢᱮᱱ ᱨᱩᱣᱟ.ᱲ ᱠᱮᱜ-ᱟ, "ᱟ.ᱰᱤ ᱢᱟᱬᱟᱝ ᱨᱮ ᱤᱸᱰᱤᱭᱟᱱᱟ ᱨᱮ ᱤᱧ ᱢᱤᱫ ᱦᱟᱲᱟᱢ ᱦᱚᱲ ᱥᱟᱶ ᱤᱧ ᱧᱟᱯᱟᱢ ᱞᱮᱱᱟ, ᱡᱟᱦᱟᱸᱭ ᱫᱚ ᱱᱚᱣᱟᱭ ᱢᱮᱱᱮᱫ ᱛᱟᱦᱮᱸᱫ , 'ᱤᱧ ᱛᱤᱱ ᱡᱚᱦᱚᱜ ᱵᱩᱜᱤᱧ ᱠᱟ.ᱢᱤᱭᱟ, ᱮᱱᱠᱷᱟᱱ ᱟ.ᱰᱤ ᱱᱟᱯᱟᱭ ᱤᱧ ᱟ.ᱭᱠᱟ.ᱣᱟ ᱟᱨ ᱛᱤᱱ ᱡᱚᱦᱚᱜ ᱵᱟ.ᱲᱤᱡ ᱤᱧ ᱠᱟ.ᱢᱤᱭᱟ, ᱤᱧ ᱟ.ᱭᱠᱟ.ᱣ ᱦᱚᱸ ᱟ.ᱰᱤ ᱵᱟ.ᱲᱤᱡ ᱜᱮᱧ ᱟ.ᱭᱠᱟ.ᱣᱟ ᱾'" ᱱᱚᱣᱟ ᱜᱮ ᱤᱧᱟᱜ ᱫᱷᱚᱨᱚᱢ ᱫᱚ ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]