ᱠᱚᱞᱞᱟᱠᱟᱭᱤᱞ ᱫᱮᱵᱟᱠᱤ ᱟᱢᱢᱟ

ᱫᱮᱵᱟᱠᱤ ᱟᱢᱢᱟ
ᱠᱚᱞᱞᱟᱠᱟᱭᱤᱞ ᱫᱮᱵᱟᱠᱤ ᱟᱢᱢᱟ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶ	ᱠᱚᱞᱞᱟᱠᱟᱭᱤᱞ ᱫᱮᱵᱟᱠᱤ ᱟᱢᱢᱟ ᱜᱚᱴᱟᱜᱩᱴᱤ 1934 Muthukulam
ᱫᱤᱥᱚᱢᱤᱭᱟᱹ	ᱥᱤᱧᱚᱛᱤᱭᱟᱹ
ᱠᱟᱹᱢᱤ	Forester
ᱧᱩᱢᱱᱟᱢ	Nari Shakti Puraskar

ᱠᱚᱞᱞᱟᱠᱟᱭᱤᱞ ᱫᱮᱵᱟᱠᱤ ᱟᱢᱢᱟ (ᱡᱟᱱᱟᱢ ᱑᱙᱓᱔ ᱥᱟᱞᱮ ᱥᱩᱨᱥᱩᱯᱩᱨᱤ) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱠᱟᱱᱟᱭ ᱡᱟᱦᱟᱸᱭ ᱫᱚ ᱢᱤᱫ ᱠᱟᱨ ᱫᱩᱨᱜᱷᱚᱴᱚᱱᱟ ᱠᱷᱟᱹᱛᱤᱨ ᱪᱟᱥ ᱵᱟᱥ ᱵᱟᱭ ᱠᱟᱹᱢᱤ ᱫᱟᱲᱮᱭᱟᱫ ᱠᱷᱟᱹᱛᱤᱨ ᱵᱤᱨ ᱮ ᱮᱛᱚᱦᱚᱵ ᱠᱮᱫᱟ᱾ ᱱᱤᱛᱚᱜ ᱵᱤᱨ ᱫᱚ ᱔.᱕ ᱮᱠᱚᱨ ᱡᱟᱭᱜᱟ ᱛᱮ ᱴᱚᱯᱟᱨ ᱟᱠᱟᱱᱟ ᱟᱨ ᱓,᱐᱐᱐ ᱠᱷᱚᱱ ᱵᱟᱹᱲᱛᱤ ᱫᱟᱨᱮ ᱢᱮᱱᱟᱜᱼᱟ᱾ ᱩᱱᱤ ᱫᱚ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱟᱭᱢᱟ ᱥᱤᱨᱯᱷᱟᱹ ᱠᱚᱭ ᱧᱟᱢ ᱟᱠᱟᱫᱟ, ᱚᱱᱟ ᱠᱚ ᱢᱩᱫᱽ ᱨᱮ ᱱᱟᱨᱤ ᱥᱟᱠᱛᱤ ᱯᱩᱨᱚᱥᱠᱟᱨ ᱦᱚᱸ ᱢᱮᱱᱟᱜᱼᱟ᱾

ᱮᱛᱚᱦᱚᱵ ᱡᱤᱭᱚᱱ

ᱫᱮᱵᱟᱠᱤ ᱟᱢᱢᱟ ᱫᱚ ᱑᱙᱓᱔ ᱥᱟᱞᱮ ᱥᱩᱨᱥᱩᱯᱩᱨᱤ ᱢᱩᱛᱷᱩᱠᱩᱞᱟᱢ ᱟᱞᱟᱯᱩᱡᱷᱟ ᱦᱚᱱᱚᱛ, ᱠᱮᱨᱟᱞᱟ ᱨᱮ ᱡᱟᱱᱟᱢ ᱞᱮᱱᱟ᱾ ᱦᱚᱨᱴᱤᱠᱟᱹᱞᱪᱟᱨ (horticulture) ᱨᱮ ᱫᱩᱞᱟᱹᱲ ᱫᱚ ᱟᱡ ᱨᱮᱱ ᱟᱯᱟᱛ ᱦᱟᱲᱟᱢ ᱮ ᱩᱫᱜᱟᱹᱣ ᱞᱮᱫᱮᱭᱟ᱾ ᱩᱱᱤ ᱫᱚ ᱜᱚᱯᱟᱞᱟᱠᱨᱤᱥᱱᱟ ᱯᱤᱞᱞᱟᱭ ᱥᱟᱞᱟᱜ ᱮ ᱵᱟᱯᱞᱟ ᱞᱮᱱᱟ, ᱡᱟᱦᱟᱸᱭ ᱫᱚ ᱢᱤᱫ ᱢᱟᱪᱮᱫ ᱮ ᱛᱟᱦᱮᱸ ᱠᱟᱱᱟ, ᱟᱨ ᱦᱳᱲᱳ ᱠᱷᱮᱛ ᱨᱮ ᱦᱳᱲᱳ ᱮ ᱪᱟᱥ ᱮᱫ ᱛᱟᱦᱮᱸᱱᱟ᱾ ᱑᱙᱘᱐ ᱥᱟᱞᱮ ᱨᱮ, ᱫᱮᱵᱟᱠᱤ ᱟᱢᱢᱟ ᱢᱤᱫ ᱵᱷᱚᱭᱟᱝᱠᱚᱨ ᱠᱟᱨ ᱫᱩᱨᱜᱷᱚᱴᱚᱱᱟ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱩᱱᱤ ᱯᱮ ᱥᱮᱨᱢᱟ ᱞᱟᱹᱜᱤᱫ ᱵᱤᱪᱷᱱᱟᱹ ᱨᱮ ᱜᱤᱛᱤᱡ ᱠᱟᱛᱮ ᱫᱚᱦᱚ ᱠᱮᱫᱮᱭᱟ᱾

ᱵᱤᱨ

ᱫᱩᱨᱜᱷᱚᱴᱚᱱᱟ ᱠᱷᱚᱱ ᱵᱮᱥ ᱮᱱ ᱛᱟᱭᱚᱢ, ᱫᱮᱵᱟᱠᱤ ᱟᱢᱢᱟ ᱫᱚ ᱦᱳᱲᱳ ᱠᱷᱮᱛ ᱨᱮ ᱵᱟᱭ ᱠᱟᱹᱢᱤ ᱫᱟᱲᱮᱭᱟᱫ ᱠᱷᱟᱹᱛᱤᱨ ᱟᱡᱟᱜ ᱛᱟᱭᱚᱢ ᱵᱟᱜᱟᱱ ᱨᱮ ᱫᱟᱨᱮ ᱮ ᱨᱚᱦᱚᱭ ᱮᱛᱚᱦᱚᱵ ᱠᱮᱫᱟ᱾ ᱚᱠᱛᱚ ᱥᱟᱶᱛᱮ ᱱᱚᱣᱟ ᱯᱨᱚᱡᱮᱠᱴ ᱫᱚ ᱔.᱕ ᱮᱠᱚᱨ ᱵᱤᱨ ᱨᱮ ᱩᱛᱱᱟᱹᱣ ᱮᱱᱟ᱾ ᱱᱚᱸᱰᱮ ᱫᱚ ᱓,᱐᱐᱐ ᱠᱷᱚᱱ ᱵᱟᱹᱲᱛᱤ ᱫᱟᱨᱮ ᱢᱮᱱᱟᱜᱼᱟ, ᱚᱱᱟ ᱠᱚ ᱢᱩᱫᱽ ᱨᱮ ᱠᱨᱤᱥᱱᱟᱱᱟᱞ, ᱢᱟᱦᱟᱜᱚᱱᱤ, ᱟᱹᱢᱵᱟ, ᱢᱟᱥᱠ, ᱯᱟᱭᱤᱱ, ᱤᱯᱤᱞ ᱟᱨ ᱛᱟᱢᱟᱨᱤᱱᱰ ᱦᱚᱸ ᱢᱮᱱᱟᱜᱼᱟ᱾ ᱱᱚᱸᱰᱮ ᱫᱚ ᱵᱟᱹᱲᱛᱤ ᱧᱟᱢᱚᱜ ᱡᱟᱹᱛ ᱨᱮᱱᱟᱜ ᱫᱟᱨᱮ ᱱᱟᱹᱲᱤ ᱦᱚᱸ ᱢᱮᱱᱟᱜᱼᱟ ᱟᱨ ᱚᱱᱟ ᱠᱟᱴ ᱫᱚ ᱪᱮᱬᱮ ᱠᱚ ᱦᱚᱸ ᱠᱚ ᱟᱵᱚᱜᱼᱟ ᱡᱮᱞᱮᱠᱟ ᱟᱢᱩᱨ ᱯᱷᱟᱞᱠᱚᱱ, ᱵᱞᱩᱛᱷᱨᱳᱴ, ᱵᱞᱮᱠ ᱣᱤᱝᱜᱽᱰ ᱥᱴᱤᱞᱴ, ᱯᱟᱨᱟᱰᱟᱭᱤᱡ ᱯᱷᱞᱟᱭᱠᱮᱪᱟᱨᱥ ᱟᱨ ᱮᱢᱮᱨᱟᱞᱰ ᱰᱳᱵᱷᱥ᱾ ᱫᱮᱵᱟᱠᱤ ᱟᱢᱢᱟ ᱫᱚ ᱯᱮᱜᱮᱞ ᱢᱚᱬᱮ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱚᱠᱛᱚ ᱵᱤᱨ ᱨᱮ ᱠᱟᱹᱢᱤ ᱟᱠᱟᱫᱟ ᱡᱟᱹᱥᱛᱤ ᱠᱟᱛᱮ ᱫᱚ ᱟᱡ ᱛᱮᱜᱮ, ᱜᱟᱹᱭ, ᱢᱮᱥᱟ ᱟᱨ ᱰᱟᱝᱜᱽᱨᱟ ᱠᱚ ᱵᱮᱵᱷᱟᱨ ᱠᱟᱛᱮ ᱟᱨ ᱫᱟᱜ ᱡᱟᱹᱲᱤ ᱡᱟᱣᱨᱟ ᱠᱟᱛᱮ᱾

ᱥᱤᱨᱯᱷᱟᱹ

ᱫᱮᱵᱟᱠᱤ ᱟᱢᱢᱟ ᱫᱚ ᱟᱞᱟᱯᱩᱡᱷᱟ ᱦᱚᱱᱚᱛ ᱯᱟᱦᱴᱟ ᱠᱷᱚᱱ ᱥᱚᱥᱟᱞ ᱯᱷᱚᱨᱮᱥᱴᱨᱤ ᱟᱣᱟᱨᱰ ᱟᱨ ᱵᱷᱤᱡᱽᱱᱟᱱᱟ ᱵᱷᱟᱨᱚᱛᱤ ᱯᱟᱦᱴᱟ ᱠᱷᱚᱱ ᱵᱷᱩᱢᱤᱛᱨᱟ ᱯᱩᱨᱩᱥᱠᱟᱨ ᱮ ᱧᱟᱢ ᱟᱠᱟᱫᱟ᱾ ᱠᱮᱨᱟᱞᱟ ᱯᱚᱱᱚᱛ ᱫᱚ ᱩᱱᱤ ᱦᱟᱨᱤ ᱵᱷᱭᱟᱠᱛᱤ ᱯᱩᱨᱩᱥᱠᱟᱨ ᱮ ᱪᱟᱞ ᱟᱠᱟᱫᱮᱭᱟ᱾ ᱡᱟᱹᱛᱤᱭᱟᱹᱨᱤ ᱞᱮᱵᱮᱞ ᱨᱮ ᱩᱱᱤ ᱫᱚ ᱤᱱᱫᱤᱨᱟ ᱯᱨᱤᱭᱟᱫᱚᱨᱥᱤᱱᱤ ᱵᱨᱤᱠᱥᱷᱟᱢᱤᱛᱨᱟ ᱟᱣᱟᱨᱰ ᱟᱨ ᱱᱟᱨᱤ ᱥᱟᱠᱛᱤ ᱯᱩᱨᱩᱥᱠᱟᱨ ᱮ ᱧᱟᱢ ᱟᱠᱟᱫᱟ᱾ ᱱᱚᱣᱟ ᱫᱚ ᱩᱱᱤ ᱵᱷᱟᱨᱚᱛ ᱨᱮᱱ ᱫᱤᱥᱚᱢ ᱜᱚᱢᱠᱮ, ᱨᱟᱢ ᱱᱟᱛᱷ ᱠᱳᱵᱤᱱᱫᱽ ᱮ ᱪᱟᱞ ᱟᱠᱟᱫᱮᱭᱟ᱾