ᱠᱚᱞᱯᱚᱱᱟ ᱯᱟᱱᱰᱤᱛ

ᱠᱚᱞᱯᱚᱱᱟ ᱯᱟᱱᱰᱤᱛ (ᱡᱟᱱᱟᱢ ᱒᱐ ᱡᱟᱱᱩᱣᱟᱨᱤ ᱑᱙᱖᱗) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱮᱠᱴᱨᱮᱥ, ᱢᱚᱰᱮᱞ ᱟᱨ ᱮᱢᱟᱨᱡᱮᱱᱥᱤ ᱯᱷᱤᱡᱤᱥᱤᱭᱟᱱ ᱠᱟᱱᱟᱭ᱾ ᱩᱱᱤ ᱯᱷᱤᱞᱢ ᱯᱨᱚᱰᱚᱠᱥᱚᱱ ᱠᱚᱢᱯᱟᱱᱤ ᱦᱟᱣᱩᱥ ᱚᱯᱷ ᱯᱟᱱᱰᱤᱛ (ᱴᱤ ᱮᱢ) ᱨᱤᱱᱤᱡ ᱢᱟᱹᱞᱤᱠ ᱠᱟᱱᱟᱭ᱾ ᱩᱱᱤ ᱫᱚ ᱵᱳᱞᱤᱣᱩᱰ ᱟᱨ ᱠᱟᱱᱱᱟᱰᱟ ᱥᱤᱱᱮᱢᱟ ᱨᱮ ᱟᱡᱟᱜ ᱠᱟᱹᱢᱤ ᱠᱷᱟᱹᱛᱤᱨ ᱩᱯᱨᱩᱢ ᱢᱮᱱᱟᱜ ᱛᱟᱭᱟ᱾ ᱒᱐᱐᱘ ᱨᱮ, ᱩᱱᱤ ᱞᱚᱱᱰᱚᱱ ᱨᱮ ᱡᱤ ᱥᱤᱱ ᱟᱣᱟᱨᱰᱥ ᱨᱮᱭᱟᱜ ᱴᱮᱠᱱᱤᱠᱟᱞ ᱟᱣᱟᱨᱰ ᱥᱮᱨᱮᱢᱚᱱᱤ ᱮ ᱦᱳᱥᱴ ᱞᱮᱫᱟ᱾ ᱯᱟᱱᱰᱤᱛ ᱒᱐᱑᱒ ᱨᱮ ᱢᱤᱥᱮᱥ ᱟᱢᱮᱨᱤᱠᱟ ᱯᱮᱡᱮᱱᱴ ᱨᱮᱱᱟᱜ ᱡᱩᱨᱤ ᱠᱷᱚᱱ ᱢᱤᱫᱴᱟᱝ ᱞᱮᱠᱟᱛᱮ ᱠᱟᱹᱢᱤ ᱞᱮᱫᱟ, ᱡᱟᱦᱟᱸ ᱫᱚ ᱒᱙ ᱚᱜᱚᱥᱴ ᱒᱐᱑᱒ ᱨᱮ ᱴᱩᱠᱥᱚᱱ, ᱮᱨᱤᱡᱳᱱᱟ ᱨᱮ ᱦᱩᱭ ᱞᱮᱱᱟ᱾ ᱱᱚᱵᱷᱮᱢᱵᱚᱨ ᱒᱐᱑᱓ ᱨᱮ, ᱯᱟᱱᱰᱤᱛ ᱪᱤᱱ ᱨᱮᱭᱟᱜ ᱜᱩᱣᱟᱝᱡᱳ ᱨᱮ ᱦᱩᱭ ᱞᱮᱱ "ᱢᱤᱥᱮᱥ ᱣᱟᱨᱞᱰ ᱒᱐᱑᱓" ᱨᱮᱱᱟᱜ ᱥᱮᱞᱤᱵᱽᱨᱤᱴᱤ ᱡᱟᱡᱤᱝ ᱯᱮᱱᱮᱞ ᱨᱮᱭ ᱠᱟᱹᱢᱤ ᱞᱮᱫᱟ᱾^[᱑]

ᱮᱛᱚᱦᱚᱵ ᱡᱤᱭᱚᱱ ᱟᱨ ᱠᱮᱨᱤᱭᱚᱨ

ᱠᱚᱞᱯᱚᱱᱟ ᱯᱟᱱᱰᱤᱛ ᱫᱚ ᱟᱭᱩᱨᱵᱮᱫᱤᱠ ᱯᱷᱤᱡᱤᱥᱤᱭᱟᱱ ᱵᱷᱤᱥᱟᱜᱽᱨᱟᱛᱱᱟ ᱟᱭᱩᱨᱵᱮᱫ ᱵᱤᱫᱣᱟᱱ ᱥᱨᱤ ᱵᱤ. ᱵᱷᱤ. ᱯᱟᱱᱰᱤᱛ ᱨᱤᱱ ᱜᱚᱲᱚᱢ ᱠᱩᱲᱤ ᱠᱟᱱᱟᱭ᱾ ᱢᱟᱭᱥᱳᱨ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱨᱤᱥᱟᱨᱪ ᱤᱱᱥᱴᱤᱴᱭᱩᱴ ᱠᱷᱚᱱ ᱮᱢ.ᱵᱤ.ᱵᱤ.ᱮᱥ. ᱰᱤᱜᱽᱨᱤ ᱧᱟᱢ ᱠᱟᱛᱮ ᱛᱟᱭᱚᱢ, ᱩᱱᱤ ᱟᱢᱮᱨᱤᱠᱟ ᱠᱷᱚᱱ ᱤᱱᱴᱟᱨᱱᱟᱞ ᱢᱮᱰᱤᱥᱤᱱ ᱨᱮ ᱮᱢ.ᱰᱤ. ᱮ ᱧᱟᱢ ᱠᱮᱫᱟ᱾ ᱚᱱᱟ ᱛᱟᱭᱚᱢ ᱩᱱᱤ ᱟᱢᱮᱨᱤᱠᱟ ᱨᱮ ᱮᱢᱟᱨᱡᱮᱱᱥᱤ ᱯᱷᱤᱡᱤᱥᱤᱭᱟᱱ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟ᱾^[᱒]

ᱩᱱᱤ ᱵᱷᱟᱨᱚᱛ ᱨᱮ ᱣᱤᱞ ᱰᱤᱴᱟᱨᱡᱮᱱᱴ ᱯᱟᱣᱰᱟᱨ, ᱢᱟᱭᱥᱳᱨ ᱥᱟᱸᱰᱟᱞ ᱴᱟᱞᱠ, ᱱᱟᱭᱞ, ᱨᱟᱱᱤᱯᱟᱞ ᱤᱥᱴᱮᱱ ᱨᱤᱢᱩᱵᱚᱨ ᱟᱨ ᱥᱤᱨᱴᱮᱠᱥ ᱞᱮᱠᱟᱱ ᱯᱨᱚᱰᱚᱠᱴ ᱞᱟᱹᱜᱤᱫ ᱴᱮᱞᱤᱵᱷᱤᱡᱚᱱ ᱠᱚᱢᱟᱨᱥᱤᱭᱟᱞ ᱨᱮ ᱢᱚᱰᱮᱞᱤᱝ ᱠᱮᱫᱟ᱾ ᱒᱐᱐᱐ ᱨᱮ, ᱩᱱᱤ ᱮᱢ. ᱮᱯᱷ. ᱦᱩᱥᱮᱱ ᱦᱚᱛᱮᱛᱮ ᱵᱮᱱᱟᱣ ᱵᱳᱞᱤᱣᱩᱰ ᱯᱷᱤᱞᱢ ᱜᱟᱡᱟ ᱜᱟᱢᱤᱱᱤ ᱥᱟᱶ ᱟᱡᱟᱜ ᱮᱠᱴᱤᱝ ᱮ ᱮᱛᱚᱦᱚᱵ ᱠᱮᱫᱟ᱾

ᱥᱟᱹᱠᱷᱭᱟᱹᱛ

↑ "Kalpana: Actress, House of Pandit owner - Indian Ad Divas". indianaddivas.com. Archived from the original on 16 June 2015. Retrieved 11 February 2015.
↑ "Physician Kalpana Pandit Makes Debut in Bollywood". Indiawest. 2012-09-14. Archived from the original on 5 June 2013. Retrieved 2012-11-04.

ᱵᱟᱦᱨᱮ ᱡᱚᱱᱚᱲ

ᱠᱚᱞᱯᱚᱱᱟ ᱯᱟᱱᱰᱤᱛ (ᱤᱱᱴᱚᱨᱱᱮᱴ ᱢᱩᱵᱷᱤ ᱰᱟᱴᱟᱵᱮᱥ ᱨᱮ)

[auto-1] "Kalpana: Actress, House of Pandit owner - Indian Ad Divas". indianaddivas.com. Archived from the original on 16 June 2015. Retrieved 11 February 2015.

[2] "Physician Kalpana Pandit Makes Debut in Bollywood". Indiawest. 2012-09-14. Archived from the original on 5 June 2013. Retrieved 2012-11-04.

[᱑]

[᱒]