ᱠᱚᱠᱵᱚᱨᱚᱠ ᱢᱟᱦᱟ
ᱠᱚᱠᱵᱚᱨᱚᱠ ᱢᱟᱦᱟ (ᱛᱨᱤᱯᱩᱨᱤ ᱯᱟᱹᱨᱥᱤ ᱢᱟᱦᱟ) ᱫᱚ ᱥᱤᱧᱚᱛ ᱨᱮᱱᱟᱜ ᱛᱨᱤᱯᱩᱨᱟ ᱯᱚᱱᱚᱛ ᱨᱮ ᱠᱚᱠᱵᱚᱨᱚᱠ ᱯᱟᱹᱨᱥᱤ ᱨᱮᱱᱟᱜ ᱞᱟᱦᱟᱱᱛᱤ ᱢᱟᱱᱟᱣ ᱞᱟᱹᱜᱤᱫ ᱢᱤᱫ ᱯᱚᱨᱚᱵᱽ ᱠᱟᱱᱟ᱾ ᱱᱚᱣᱟ ᱫᱚ ᱥᱮᱨᱢᱟ ᱨᱮᱱᱟᱜ ᱑᱙ ᱡᱟᱱᱩᱣᱟᱨᱤ ᱦᱤᱞᱚᱜ ᱢᱟᱱᱟᱣ ᱦᱩᱭᱩᱜᱼᱟ᱾ ᱠᱚᱠᱵᱚᱨᱚᱠ ᱯᱟᱹᱨᱥᱤ ᱫᱚ ᱛᱨᱤᱯᱩᱨᱟ ᱨᱮᱱᱟᱜ ᱢᱤᱫ ᱥᱚᱨᱠᱟᱨᱤ ᱯᱟᱹᱨᱥᱤ ᱠᱟᱱᱟ᱾ ᱑᱙᱗᱙ ᱥᱮᱨᱢᱟ ᱨᱮ ᱱᱚᱣᱟ ᱯᱟᱹᱨᱥᱤ ᱫᱚ ᱯᱩᱭᱞᱩ ᱫᱷᱟᱣ ᱥᱚᱨᱠᱟᱨᱤ ᱯᱟᱹᱨᱥᱤ ᱞᱮᱠᱟᱛᱮ ᱢᱟᱱᱚᱛ ᱮ ᱧᱟᱢ ᱞᱮᱫ ᱛᱮ ᱱᱚᱣᱟ ᱢᱟᱦᱟ ᱫᱚ ᱵᱟᱪᱷᱟᱣ ᱟᱠᱟᱱᱟ᱾[᱑][᱒] ᱱᱚᱣᱟ ᱦᱤᱞᱚᱜ ᱫᱚ ᱞᱟᱠᱪᱟᱨ ᱟᱠᱷᱲᱟ ᱟᱨ ᱥᱟᱶᱦᱮᱫ ᱠᱟᱹᱢᱤᱦᱚᱨᱟ ᱠᱚ ᱥᱟᱯᱲᱟᱣ ᱦᱩᱭᱩᱜᱼᱟ᱾[᱓]
ᱠᱚᱠᱵᱚᱨᱚᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱚᱠᱵᱚᱨᱚᱠ/ᱛᱨᱤᱯᱩᱨᱤ ᱫᱚ ᱛᱨᱤᱯᱩᱨᱟ ᱨᱮᱱᱟᱜ ᱢᱩᱲᱩᱫ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱛᱨᱤᱯᱩᱨᱟ ᱨᱮᱱ ᱛᱨᱤᱯᱩᱨᱤ ᱜᱟᱛᱟᱠ ᱨᱮᱱ ᱦᱚᱲ ᱠᱚ ᱛᱟᱞᱟ ᱨᱮ ᱥᱟᱭ ᱥᱟᱭ ᱥᱮᱨᱢᱟ ᱠᱷᱚᱱ ᱨᱚᱲᱚᱜ ᱠᱟᱱᱟ᱾ ᱱᱚᱣᱟ ᱫᱚ ᱠᱚᱸᱭᱮ-ᱥᱟᱢᱟᱝ ᱥᱤᱧᱚᱛ ᱨᱮᱱᱟᱜ ᱢᱤᱫ ᱢᱟᱨᱮ ᱯᱟᱹᱨᱥᱤ ᱠᱟᱱᱟ᱾ ᱠᱚᱠ ᱢᱮᱱᱮᱛ ᱫᱚ ᱯᱟᱹᱨᱥᱤ ᱟᱨ ᱵᱚᱨᱚᱠ ᱢᱮᱱᱮᱛ ᱫᱚ ᱦᱚᱲ᱾ ᱠᱚᱠᱵᱚᱨᱚᱠ ᱫᱚ ᱞᱟᱦᱟ ᱛᱮ ᱛᱤᱯᱨᱟᱠᱚᱠ/ᱛᱨᱤᱯᱩᱨᱤᱠᱚᱠ ᱢᱮᱱᱛᱮ ᱵᱟᱰᱟᱭᱚᱜ ᱠᱟᱱ ᱛᱟᱦᱮᱸᱱᱟ᱾ ᱠᱚᱠᱵᱚᱨᱚᱠ (ᱛᱨᱤᱯᱩᱨᱤ) ᱫᱚ ᱛᱤᱵᱵᱚᱛᱤ-ᱵᱚᱨᱢᱟ ᱯᱟᱹᱨᱥᱤᱠᱚ ᱢᱩᱫᱽ ᱨᱮ ᱢᱤᱫᱴᱟᱝ ᱠᱟᱱᱟ ᱡᱟᱦᱟᱸ ᱫᱚ ᱥᱤᱧᱚᱛ ᱨᱮᱱᱟᱜ ᱛᱨᱤᱯᱩᱨᱟ ᱯᱚᱱᱚᱛ ᱟᱨ ᱵᱟᱝᱞᱟᱫᱮᱥ ᱨᱮᱱᱟᱜ ᱪᱚᱴᱴᱚᱜᱨᱟᱢ ᱵᱩᱨᱩ ᱴᱚᱴᱷᱟ (CHT) ᱨᱮ ᱟᱹᱰᱤ ᱵᱟᱹᱲᱛᱤ ᱨᱚᱲᱚᱜᱼᱟ᱾ ᱱᱚᱣᱟ ᱴᱚᱴᱷᱟ ᱨᱮ ᱠᱚᱠᱵᱚᱨᱚᱠ ᱯᱟᱹᱨᱥᱤ ᱫᱚ ᱟᱹᱰᱤ ᱞᱚᱜᱚᱱ ᱦᱟᱨᱟ ᱵᱩᱨᱩᱜ ᱠᱟᱱ ᱛᱤᱵᱵᱚᱛᱤ-ᱵᱚᱨᱢᱟ ᱯᱟᱹᱨᱥᱤ ᱠᱟᱱᱟ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱟᱥᱚᱠᱟᱭ ᱛᱮ ᱛᱨᱤᱯᱩᱨᱤ ᱜᱷᱟᱨᱚᱸᱡᱽ ᱨᱮᱱ ᱫᱮᱵᱽᱵᱚᱨᱢᱟ, ᱠᱟᱞᱟᱭ, ᱨᱤᱭᱟᱝ, ᱡᱟᱢᱟᱛᱤᱭᱟ, ᱛᱨᱤᱯᱩᱨᱟ, ᱱᱳᱣᱟᱛᱤᱭᱟ, ᱨᱩᱯᱤᱱᱤ, ᱢᱩᱨᱟᱥᱤᱝ ᱟᱨ ᱩᱪᱚᱭᱤ ᱦᱚᱲ ᱠᱚ ᱨᱚᱲᱟ᱾ ᱡᱟᱦᱟᱸᱭ ᱦᱚᱲ ᱠᱚ ᱠᱚᱠᱵᱚᱨᱚᱠ ᱛᱮᱠᱚ ᱨᱚᱲᱟ, ᱩᱱᱠᱩ ᱫᱚ "ᱛᱨᱤᱯᱩᱨᱤ" ᱢᱮᱱᱛᱮ ᱠᱚ ᱵᱟᱰᱟᱭᱚᱜᱼᱟ᱾ ᱛᱨᱤᱯᱩᱨᱟ ᱨᱮᱱ ᱨᱟᱡᱟ ᱠᱚᱣᱟᱜ ᱱᱟᱜᱟᱢ ᱨᱮ ᱚᱞ ᱢᱮᱱᱟᱜᱼᱟ ᱡᱮ (᱑᱘᱔ ᱜᱚᱴᱟᱝ ᱨᱟᱡᱟ) ᱵᱟᱨ ᱦᱟᱡᱟᱨ ᱥᱮᱨᱢᱟ ᱠᱷᱚᱱ ᱵᱟᱹᱲᱛᱤ ᱛᱨᱤᱯᱩᱨᱟ ᱨᱮᱠᱚ ᱨᱟᱡᱽ ᱞᱮᱫᱟ, ᱩᱱ ᱡᱚᱠᱷᱮᱡ "ᱠᱚᱞᱳᱢᱟ" (Koloma) ᱫᱚ ᱠᱚᱠᱵᱚᱨᱚᱠ ᱨᱮᱱᱟᱜ ᱪᱤᱠᱤ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱪᱤᱠᱤ ᱨᱩᱣᱟᱹᱲ ᱟᱹᱜᱩ ᱨᱮᱱᱟᱜ ᱠᱟᱹᱢᱤ ᱪᱟᱞᱟᱜ ᱠᱟᱱᱟ᱾ ᱥᱟᱶᱛᱟ-ᱨᱟᱡᱽᱟᱹᱨᱤ ᱵᱮᱵᱷᱟᱨ ᱠᱷᱟᱹᱛᱤᱨ ᱠᱚᱠᱵᱚᱨᱚᱠ ᱨᱮᱱᱟᱜ ᱪᱤᱠᱤ ᱫᱚ ᱱᱤᱛ ᱦᱚᱸ ᱵᱟᱭ ᱴᱷᱟᱹᱣᱠᱟᱹ ᱟᱠᱟᱱᱟ, ᱢᱮᱱᱠᱷᱟᱱ ᱟᱭᱢᱟ ᱦᱚᱲ ᱜᱮ "ᱞᱟᱴᱤᱱ ᱪᱤᱠᱤ" ᱛᱮ ᱚᱞ ᱠᱚ ᱠᱩᱥᱤᱭᱟᱜᱼᱟ᱾ "ᱠᱚᱠᱵᱚᱨᱚᱠ ᱛᱮᱭ ᱦᱩᱠᱩᱢᱩ ᱢᱤᱥᱚᱱ", ᱟᱨ ᱟᱭᱢᱟ ᱥᱚᱨᱠᱟᱨᱤ ᱟᱨ ᱵᱮ-ᱥᱚᱨᱠᱟᱨᱤ ᱜᱟᱶᱛᱟ ᱠᱚ ᱠᱚᱠᱵᱚᱨᱚᱠ ᱯᱟᱹᱨᱥᱤ, ᱟᱨᱴ, ᱥᱟᱶᱦᱮᱫ ᱟᱨ ᱯᱷᱤᱞᱢ/ᱥᱮᱨᱮᱧ ᱞᱟᱦᱟᱱᱛᱤ ᱞᱟᱹᱜᱤᱫ ᱞᱮᱛᱟᱲ ᱠᱚ ᱠᱩᱨᱩᱢᱩᱴᱩ ᱮᱫᱟ᱾ ᱛᱨᱤᱯᱩᱨᱟ ᱨᱮᱱ ᱦᱚᱲ ᱠᱚ ᱞᱟᱹᱜᱤᱫ ᱱᱚᱣᱟ ᱫᱚ ᱢᱤᱫ ᱢᱟᱨᱟᱝ ᱡᱤᱛᱠᱟᱹᱨ ᱠᱟᱱᱟ ᱡᱮ ᱠᱚᱠᱵᱚᱨᱚᱠ ᱯᱟᱹᱨᱥᱤ ᱫᱚ ᱱᱤᱛᱚᱜ ᱥᱚᱨᱠᱟᱨᱤ ᱟᱥᱲᱟ, ᱠᱚᱞᱮᱡᱽ ᱟᱨ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚᱨᱮ ᱯᱟᱲᱦᱟᱣ ᱦᱩᱭᱩᱜ ᱠᱟᱱᱟ᱾ ᱯᱟᱹᱨᱥᱤ ᱟᱨᱦᱚᱸ ᱞᱟᱦᱟᱱᱛᱤ ᱟᱨ ᱢᱩᱵᱩᱫ ᱫᱷᱟᱨᱟ ᱛᱮ ᱟᱹᱜᱩ ᱞᱟᱹᱜᱤᱫ ᱠᱩᱨᱩᱢᱩᱴᱩ ᱪᱟᱞᱟᱜ ᱠᱟᱱ ᱜᱮᱭᱟ᱾
ᱱᱚᱣᱟ ᱦᱚᱸ ᱧᱮᱞ ᱢᱮ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "tripura state prepares to observe kokborok day". Archived from the original on 1 ᱯᱷᱮᱵᱽᱨᱩᱣᱟᱨᱤ 2015. Retrieved 1 ᱯᱷᱮᱵᱽᱨᱩᱣᱟᱨᱤ 2015.
- ↑ Ali, Syed Sajjad (20 ᱡᱟᱱᱩᱣᱟᱨᱤ 2015). "Kokborok day observed". The Hindu. Retrieved 31 ᱡᱟᱱᱩᱣᱟᱨᱤ 2018.
- ↑ "Language Wing - TTAADC" (PDF). Archived from the original (PDF) on 22 ᱰᱤᱥᱮᱢᱵᱚᱨ 2014. Retrieved 1 ᱯᱷᱮᱵᱽᱨᱩᱣᱟᱨᱤ 2015.