ᱠᱚᱢᱞᱟ ᱯᱟᱱᱛ
| ᱠᱚᱢᱞᱟ ᱯᱟᱱᱛ | |
|---|---|
 ᱠᱚᱢᱞᱟ ᱯᱟᱱᱛ | |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
ᱠᱚᱢᱞᱟ ᱯᱟᱱᱛ, ᱡᱟᱱᱟᱢ (᱑᱘ ᱰᱤᱥᱮᱢᱵᱚᱨ ᱑᱙᱕᱖), ᱪᱟᱢᱚᱞᱤ (ᱩᱛᱛᱚᱨᱟᱠᱷᱚᱱᱰ), ᱫᱚ ᱢᱤᱫ ᱯᱷᱮᱢᱤᱱᱤᱥᱴ, ᱨᱟᱡᱽᱟᱹᱨᱤᱭᱟᱹ ᱟᱨ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱠᱟᱹᱢᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱩᱛᱛᱚᱨᱟᱠᱷᱚᱱᱰ ᱦᱤᱞᱟᱹᱣ ᱨᱮᱭᱟᱜ ᱠᱟᱹᱢᱤ ᱞᱟᱹᱜᱤᱫ ᱦᱚᱸᱭ ᱵᱟᱰᱟᱭᱚᱜᱼᱟ, ᱡᱟᱦᱟᱸ ᱫᱚ ᱒᱐᱐᱐ ᱥᱟᱞ ᱨᱮ ᱩᱛᱛᱚᱨᱟᱠᱷᱚᱱᱰ ᱫᱚ ᱢᱤᱫ ᱵᱷᱮᱜᱟᱨ ᱥᱤᱧᱚᱛᱤᱭᱟᱹ ᱯᱚᱱᱚᱛ ᱦᱩᱭ ᱮᱱᱟ᱾
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱢᱤᱫ ᱠᱟᱹᱢᱤ ᱟᱱ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱠᱟᱛᱮ, ᱯᱟᱱᱛ ᱫᱚ ᱟᱥᱲᱟ ᱨᱮ ᱛᱟᱦᱮᱸᱱ ᱚᱠᱛᱮ ᱨᱮᱜᱮ ᱵᱷᱮᱜᱟᱨ ᱵᱷᱮᱜᱟᱨ ᱯᱟᱹᱴᱷᱩᱣᱟᱹ ᱦᱤᱞᱟᱹᱣ ᱨᱮ ᱦᱟᱹᱴᱤᱧ ᱮ ᱦᱟᱛᱟᱣ ᱮᱦᱚᱵ ᱠᱮᱫᱟ ᱾[᱑] ᱩᱱᱤᱭᱟᱜ ᱥᱟᱶᱛᱟᱨᱤ ᱠᱟᱹᱢᱤ ᱫᱚ ᱩᱱ ᱮᱦᱚᱵ ᱮᱱᱟ ᱡᱚᱠᱷᱚᱱ ᱩᱱᱤ ᱪᱤᱯᱠᱳ ᱦᱤᱞᱟᱹᱣ ᱨᱮ ᱥᱮᱞᱮᱫ ᱟᱠᱟᱱ ᱠᱟᱹᱢᱤᱭᱟᱹ ᱥᱟᱶ ᱮ ᱧᱟᱯᱟᱢ ᱮᱱᱟ᱾ ᱩᱱᱤ ᱫᱚ ᱟᱨᱴᱥ ᱨᱮ ᱢᱤᱫ ᱯᱳᱥᱴ ᱜᱨᱮᱡᱩᱭᱮᱴ ᱢᱮᱱᱟᱜᱼᱟ ᱟᱨ ᱠᱩᱢᱟᱣᱩᱱ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱢᱤᱫ ᱞᱳ ᱰᱤᱜᱽᱨᱤ ᱦᱚᱸ ᱢᱮᱱᱟᱜ ᱛᱟᱭᱟ᱾ ᱘᱐ ᱜᱮᱞᱟᱝ ᱨᱮ ᱩᱱᱤ ᱫᱚ ᱠᱩᱢᱟᱣᱩᱱ ᱨᱮ ᱢᱤᱫ ᱣᱟᱠᱤᱞ ᱞᱮᱠᱟᱛᱮᱭ ᱠᱟᱹᱢᱤ ᱠᱮᱫᱟ, ᱚᱱᱟ ᱴᱚᱴᱷᱟ ᱨᱮ ᱠᱤᱪᱷᱩ ᱠᱩᱲᱤ ᱣᱟᱠᱤᱞ ᱠᱷᱚᱱ ᱢᱤᱫᱴᱟᱹᱝ ᱮ ᱦᱩᱭ ᱮᱱᱟ᱾
ᱥᱟᱢᱥᱮᱨ ᱥᱤᱝ ᱵᱤᱥᱴ ᱫᱚ ᱩᱛᱛᱚᱨᱟᱠᱷᱚᱱᱰ ᱥᱟᱝᱜᱟᱨᱥ ᱵᱟᱦᱤᱱᱤ ᱨᱮᱱ ᱮᱴᱟᱜ ᱢᱩᱲᱩᱛ ᱟᱹᱭᱩᱨᱤᱭᱟᱹ ᱠᱚ ᱥᱟᱶᱛᱮ ᱪᱤᱯᱠᱳ ᱦᱤᱞᱟᱹᱣ ᱨᱮ ᱥᱮᱞᱮᱫ ᱮ ᱛᱟᱦᱮᱸ ᱠᱟᱱᱟ᱾ ᱯᱟᱱᱛᱟᱜ ᱥᱟᱶᱛᱟᱨᱤ ᱠᱟᱹᱢᱤ ᱟᱨ ᱦᱟᱞᱚᱪᱟᱞᱚ ᱨᱟᱡᱽᱟᱹᱨᱤ ᱨᱮᱭᱟᱜ ᱵᱮᱠᱜᱽᱨᱟᱣᱩᱱᱰ ᱫᱚ ᱑᱙᱘᱔ ᱚᱠᱛᱮ ᱱᱟᱣᱟ ᱩᱥᱩᱞ ᱮ ᱧᱟᱢ ᱠᱮᱫᱟ ᱡᱚᱠᱷᱚᱱ ᱩᱱᱤ ᱩᱛᱛᱚᱨᱟᱠᱷᱚᱱᱰ ᱥᱟᱝᱜᱟᱨᱥ ᱵᱟᱦᱤᱱᱤ ᱨᱮᱱ ᱟᱹᱭᱩᱨᱤᱭᱟᱹ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱩᱢᱟᱣᱩᱱ ᱨᱮ ᱧᱩᱛᱩᱢᱟᱱ ᱱᱟᱥᱟ ᱱᱟᱹᱦᱤ ᱨᱳᱡᱽᱜᱟᱨ ᱫᱳ ᱦᱤᱞᱟᱹᱣ ᱮ ᱟᱹᱭᱩᱨ ᱞᱮᱫᱟ, ᱡᱟᱦᱟᱸ ᱚᱠᱛᱮ ᱨᱮ ᱩᱱᱤ ᱦᱟᱞᱚᱪᱟᱞᱚ ᱠᱮᱫᱟ ᱟᱨ ᱑᱑ ᱢᱟᱦᱟᱸ ᱦᱟᱹᱵᱤᱡ ᱮ ᱵᱚᱝᱜᱟ ᱠᱮᱫᱟ, ᱱᱚᱣᱟ ᱫᱚ ᱩᱱ ᱡᱚᱠᱷᱚᱱ ᱜᱮ ᱵᱟᱹᱜᱤ ᱠᱮᱫᱟ ᱡᱚᱠᱷᱚᱱ ᱩᱱ ᱡᱚᱠᱷᱚᱱ ᱤᱭᱩ.ᱯᱤ. ᱥᱚᱨᱠᱟᱨ ᱠᱩᱢᱟᱣᱩᱱ ᱨᱮᱭᱟᱜ ᱟᱹᱛᱩ ᱴᱚᱞᱟ ᱨᱮ ᱥᱩᱨᱩᱵᱽ ᱮᱠᱟᱞ ᱵᱚᱸᱫᱽ ᱨᱮᱭᱟᱜ ᱮ ᱚᱰᱚᱠ ᱠᱮᱫᱟ᱾ ᱩᱱᱤ ᱠᱩᱢᱟᱣᱩᱱ ᱨᱮᱭᱟᱜ ᱛᱟᱨᱟᱭ ᱴᱚᱴᱷᱟ ᱨᱮ ᱠᱤᱨᱟᱹᱭᱟᱹ ᱪᱟᱹᱥᱤ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱮ ᱠᱟᱹᱢᱤ ᱠᱮᱫᱟ᱾ ᱩᱱᱤ ᱫᱚ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱦᱚᱸᱭ ᱠᱟᱹᱢᱤ ᱠᱮᱫᱟ, ᱡᱮᱞᱮᱠᱟ ᱛᱤᱨᱞᱟᱹ ᱠᱚ ᱫᱟᱞᱟᱞᱤ ᱪᱮᱛᱟᱱ ᱨᱮ ᱫᱷᱭᱟᱱ ᱮ ᱮᱢᱟᱫ ᱠᱚᱣᱟ᱾
᱑᱙᱙᱐ ᱨᱮ ᱯᱟᱱᱛ, ᱩᱢᱟ ᱵᱷᱟᱴ, ᱥᱤᱞᱟ ᱨᱟᱡᱽᱣᱟᱨ ᱟᱨ ᱵᱟᱥᱟᱱᱛᱤ ᱯᱟᱴᱷᱟᱠ ᱠᱚ ᱢᱤᱫᱩᱜ ᱠᱟᱛᱮ ᱚᱱᱟ ᱴᱚᱴᱷᱟ ᱨᱮᱭᱟᱜ ᱯᱩᱭᱞᱩ ᱢᱮᱜᱟᱡᱤᱱ ᱠᱚ ᱵᱮᱨᱮᱫ ᱠᱮᱫᱟ, ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚ ᱟᱨ ᱥᱟᱶᱛᱟᱨᱤ ᱮᱴᱠᱮᱴᱚᱬᱮ ᱪᱮᱛᱟᱱ ᱨᱮ ᱫᱷᱭᱟᱱ ᱮ ᱮᱢ ᱠᱮᱫᱟ, ᱚᱱᱟ ᱢᱮᱜᱟᱡᱤᱱ ᱨᱮᱭᱟᱜ ᱧᱩᱛᱩᱢ ᱫᱚ ᱛᱟᱦᱮᱸ ᱠᱟᱱᱟ ᱩᱛᱛᱚᱨᱟ, ᱡᱟᱦᱟᱸ ᱨᱮᱭᱟᱜ ᱢᱮᱱᱮᱛ ᱫᱚ "ᱠᱚᱧᱮ ᱨᱮᱱᱟᱜ" ᱠᱟᱱᱟ᱾ ᱩᱛᱛᱚᱨᱟ, ᱡᱟᱦᱟᱸ ᱫᱚ ᱒᱐᱑᱕ ᱨᱮ ᱯᱟᱨᱥᱟᱞ ᱨᱮᱱᱟᱜ ᱒᱕ ᱥᱮᱨᱢᱟ ᱮ ᱢᱟᱱᱟᱣ ᱠᱮᱫᱟ, ᱩᱛᱛᱚᱨᱟᱠᱷᱚᱱᱰ ᱨᱮ ᱛᱟᱦᱮᱸᱱ ᱠᱟᱱ ᱟᱹᱰᱤ ᱜᱟᱱ ᱛᱤᱨᱞᱟᱹ ᱠᱚ ᱢᱤᱫ ᱟᱲᱟᱝ ᱮ ᱮᱢ ᱜᱚᱲᱚ ᱟᱫ ᱠᱚᱣᱟ, ᱛᱤᱨᱞᱟᱹ ᱠᱚ ᱫᱚ "ᱢᱤᱫ ᱥᱚᱢᱟᱱ ᱡᱤᱱᱤᱥ ᱞᱮᱠᱟᱛᱮᱭ ᱩᱫᱩᱜ ᱠᱮᱫ ᱠᱚᱣᱟ ᱡᱟᱦᱟᱸ ᱫᱚ ᱜᱚᱲᱚ ᱪᱮᱛᱟᱱ ᱨᱮ ᱢᱟᱹᱱ ᱮ ᱞᱟᱹᱠᱛᱤᱜᱼᱟ"᱾ ᱚᱱᱟ ᱛᱟᱭᱚᱢ ᱑᱙᱙᱒ ᱨᱮ ᱯᱨᱚᱜᱟᱛᱤᱥᱤᱞ ᱢᱟᱦᱤᱞᱟ ᱢᱟᱱᱪ ᱵᱮᱱᱟᱣ ᱮᱱᱟ, ᱫᱮᱦᱨᱟᱫᱩᱱ ᱴᱚᱴᱷᱟ ᱨᱮ ᱮᱴᱟᱜ ᱛᱤᱨᱞᱟᱹ ᱠᱚ ᱥᱟᱶᱛᱮ ᱾ ᱚᱱᱟ ᱢᱟᱱᱪ ᱫᱚ ᱵᱷᱮᱜᱟᱨ ᱯᱚᱱᱚᱛ ᱵᱮᱱᱟᱣ ᱦᱤᱞᱟᱹᱣ ᱨᱮ ᱮᱱᱴᱤ-ᱨᱤᱡᱚᱨᱵᱮᱥᱚᱱ ᱵᱚᱫᱚᱞ ᱨᱮ ᱢᱩᱲᱩᱛ ᱮ ᱛᱟᱦᱮᱸ ᱠᱟᱱᱟ᱾
᱑᱙᱙᱔ ᱨᱮ ᱩᱭᱦᱟᱹᱨ ᱜᱮᱭᱟᱱ ᱢᱩᱡᱟᱯᱷᱚᱨᱱᱟᱜᱟᱨ ᱠᱟᱱᱰ ᱛᱟᱭᱚᱢ, ᱯᱟᱱᱛ ᱫᱚ ᱢᱟᱬᱟᱝ ᱠᱷᱚᱱ ᱟᱹᱭᱩᱨ ᱮ ᱮᱢ ᱠᱮᱫᱟ ᱟᱨ ᱚᱱᱟ ᱴᱚᱴᱷᱟ ᱨᱮᱱ ᱥᱟᱱᱟᱢ ᱴᱚᱴᱷᱟ ᱨᱮᱱ ᱛᱤᱨᱞᱟᱹ ᱠᱚᱭ ᱢᱤᱫ ᱠᱮᱫ ᱠᱚᱣᱟ ᱢᱤᱫ ᱢᱟᱨᱟᱝ ᱜᱟᱶᱛᱟ ᱵᱮᱱᱟᱣ ᱞᱟᱹᱜᱤᱫ ᱡᱟᱦᱟᱸ ᱫᱚ ᱵᱷᱮᱜᱟᱨ ᱯᱚᱱᱚᱛ ᱵᱮᱱᱟᱣ ᱨᱮᱭᱟᱜ ᱮ ᱫᱟᱹᱵᱤ ᱠᱮᱫᱟ, ᱚᱱᱟ ᱜᱟᱶᱛᱟ ᱨᱮᱭᱟᱜ ᱧᱩᱛᱩᱢ ᱫᱚ ᱩᱛᱛᱚᱨᱟᱠᱷᱚᱱᱰ ᱢᱟᱦᱤᱞᱟ ᱢᱟᱱᱪ (ᱭᱩ.ᱮᱢ.ᱮᱢ.) ᱛᱟᱦᱮᱸ ᱠᱟᱱᱟ᱾ ᱚᱱᱟ ᱜᱟᱶᱛᱟ ᱫᱚ ᱵᱷᱮᱜᱟᱨ ᱯᱚᱱᱚᱛ ᱵᱮᱱᱟᱣ ᱞᱟᱹᱜᱤᱫ ᱦᱟᱞᱚᱪᱟᱞᱚ ᱞᱟᱹᱜᱤᱫ ᱜᱮ ᱢᱟᱬᱟᱝ ᱫᱟᱹᱲ ᱟᱨ ᱡᱚᱱᱰᱟ ᱵᱚᱦᱚᱜ ᱵᱟᱦᱟ ᱜᱮ ᱵᱟᱝ ᱛᱟᱦᱮᱸ ᱠᱟᱱᱟ ᱢᱮᱱᱠᱷᱟᱱ ᱡᱮᱜᱮᱛ ᱨᱮ ᱡᱟᱦᱟᱸ ᱨᱮᱜᱮ ᱠᱚᱲᱟ ᱦᱚᱯᱚᱱ ᱵᱟᱹᱱᱩᱜ ᱠᱚᱣᱟ ᱩᱱᱠᱩ ᱛᱤᱨᱞᱟᱹ ᱦᱟᱞᱚᱪᱟᱞᱚ ᱯᱷᱳᱨᱥ ᱠᱷᱚᱱ ᱢᱤᱫᱴᱟᱹᱝ ᱮ ᱛᱟᱦᱮᱸ ᱠᱟᱱᱟ᱾ ᱭᱩ.ᱮᱢ.ᱮᱢ., ᱩᱱᱤᱭᱟᱜ ᱟᱹᱭᱩᱨ ᱛᱮ ᱫᱟᱹᱵᱤ ᱮ ᱮᱢ ᱠᱮᱫᱟ ᱡᱮ ᱜᱮᱨᱥᱟᱭᱤᱱ (ᱯᱚᱱᱚᱛ ᱨᱮᱭᱟᱜ ᱵᱟᱨᱭᱟ ᱢᱩᱬᱩᱛ ᱴᱚᱴᱷᱟ ᱡᱮᱞᱮᱠᱟ ᱠᱩᱢᱟᱣᱩᱱ ᱟᱨ ᱜᱟᱲᱣᱟᱞ ᱛᱟᱞᱟ ᱨᱮ ᱢᱤᱫ ᱦᱩᱰᱤᱧ ᱵᱩᱨᱩ ᱵᱟᱡᱟᱨ) ᱫᱚ ᱯᱚᱱᱚᱛ ᱨᱮᱭᱟᱜ ᱨᱟᱡᱽᱜᱟᱲ ᱞᱮᱠᱟᱛᱮ ᱞᱟᱹᱭ ᱥᱚᱫᱚᱨᱚᱜ ᱢᱟ, ᱡᱟᱦᱟᱸ ᱫᱚ ᱯᱚᱱᱚᱛ ᱨᱮᱱ ᱱᱟᱜᱟᱨᱤᱭᱟᱹ ᱠᱚᱣᱟᱜ ᱟᱹᱰᱤ ᱫᱤᱱ ᱠᱷᱚᱱ ᱵᱚᱸᱫᱽ ᱟᱠᱟᱱ ᱫᱟᱹᱵᱤ ᱛᱟᱦᱮᱸ ᱠᱟᱱᱟ᱾
ᱮᱠᱟᱞ ᱯᱚᱱᱚᱛ ᱧᱟᱢ ᱠᱟᱛᱮ ᱦᱚᱸ, ᱭᱩ.ᱮᱢ.ᱮᱢ. ᱫᱚ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ, ᱯᱚᱱᱚᱛ ᱨᱮᱱ ᱨᱮᱸᱜᱮᱡ ᱛᱟᱦᱮᱸᱱ ᱠᱟᱱ ᱦᱚᱲ ᱠᱚᱣᱟᱜ ᱵᱩᱱᱤᱭᱟᱹᱫᱤ ᱦᱚᱠ, ᱥᱩᱨᱩᱵᱽ ᱵᱚᱸᱫᱽ, ᱛᱤᱨᱞᱟᱹ ᱠᱚ ᱛᱟᱞᱟ ᱨᱮ ᱫᱟᱞᱟᱞᱤ, ᱥᱚᱨᱠᱟᱨ ᱪᱟᱞᱟᱣᱮᱫ ᱟᱥᱲᱟ ᱨᱮ ᱥᱮᱪᱮᱫ ᱥᱩᱫᱷᱟᱹᱨ, ᱜᱽᱨᱟᱢ ᱥᱚᱵᱷᱟ ᱠᱚᱣᱟᱜ ᱫᱟᱲᱮ ᱮᱢᱟᱫ ᱠᱚᱣᱟᱭ ᱟᱨ ᱡᱟᱞ, ᱡᱟᱝᱜᱟᱞ ᱟᱨ ᱡᱟᱢᱤᱱ ᱨᱮᱭᱟᱜ ᱮᱴᱠᱮᱴᱚᱬᱮ ᱨᱮ ᱞᱟᱹᱲᱦᱟᱹᱭ ᱮᱫᱟᱭ᱾ ᱱᱤᱛ ᱚᱠᱛᱮ ᱨᱮ ᱭᱩ.ᱮᱢ.ᱮᱢ ᱟᱹᱭᱩᱨ ᱥᱟᱶᱛᱮ ᱥᱮᱱᱟ ᱯᱟᱱᱛ ᱩᱛᱛᱚᱨᱟᱠᱷᱚᱱᱰ ᱨᱮ ᱥᱣᱟᱨᱟᱡᱽ ᱟᱵᱷᱤᱭᱟᱱ ᱨᱮᱱ ᱠᱚᱱᱵᱷᱮᱱᱟᱨ ᱞᱮᱠᱟᱛᱮ ᱢᱟᱬᱟᱝ ᱠᱷᱚᱱ ᱮ ᱟᱹᱭᱩᱨ ᱮᱫᱟ ᱟᱡ ᱨᱮᱱ ᱟᱹᱰᱤ ᱜᱟᱱ ᱠᱩᱲᱤ ᱟᱨ ᱠᱚᱲᱟ ᱜᱟᱛᱮ ᱥᱟᱶᱛᱮ᱾ ᱯᱟᱱᱛ ᱟᱡ ᱨᱮᱱ ᱯᱚᱱᱚᱛ ᱨᱮᱱ ᱢᱟᱨᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱮ ᱨᱚᱲ ᱟᱠᱟᱫᱟ, ᱱᱚᱣᱟ ᱠᱟᱛᱷᱟ ᱞᱟᱹᱭ ᱠᱟᱛᱮ ᱡᱮ ᱒᱐᱑᱔ ᱨᱮ ᱢᱩᱬᱩᱛ ᱢᱚᱱᱛᱨᱤ ᱦᱟᱨᱤᱥ ᱨᱟᱣᱟᱛ ᱢᱩᱪᱟᱹᱫ ᱨᱮ ᱢᱟᱨᱮ ᱦᱚᱲ ᱠᱚ ᱜᱚᱲᱚ ᱞᱟᱹᱜᱤᱫ ᱢᱤᱫ ᱡᱚᱢᱟᱜ ᱥᱩᱨᱚᱠᱪᱷᱟ ᱯᱨᱚᱜᱽᱨᱟᱢ ᱮ ᱞᱟᱹᱜᱩ ᱠᱮᱫᱟ᱾ ᱩᱱᱤ ᱢᱮᱱ ᱠᱮᱫᱟ, "᱖᱐ ᱥᱮᱨᱢᱟ ᱠᱷᱚᱱ ᱪᱮᱛᱟᱱ ᱨᱮᱱ ᱠᱩᱲᱤ ᱠᱚᱣᱟᱜ ᱢᱤᱫ ᱟᱹᱰᱤ ᱵᱟᱹᱲᱛᱤ ᱮᱞᱮᱞ ᱫᱚ ᱢᱟᱬᱟᱝ ᱥᱚᱨᱠᱟᱨ ᱦᱚᱛᱮᱛᱮ ᱠᱚᱞᱭᱟᱱ ᱢᱟᱬᱟᱝ ᱨᱮ ᱟᱹᱰᱤ ᱵᱟᱹᱲᱛᱤ ᱵᱟᱹᱲᱤᱡ ᱠᱚ ᱧᱮᱞ ᱵᱟᱲᱟ ᱠᱮᱫ ᱠᱚᱣᱟ"᱾
ᱯᱟᱱᱛ, ᱮᱴᱟᱜ ᱠᱚ ᱥᱟᱶᱛᱮ ᱒᱐᱑᱒ ᱨᱮ ᱱᱟᱣᱟ ᱫᱤᱞᱞᱤ ᱨᱮᱱ ᱢᱤᱫ ᱠᱩᱲᱤ ᱠᱚ ᱜᱮᱝᱜᱽ ᱨᱮᱯ ᱞᱮᱫᱮᱭᱟ ᱚᱱᱟ ᱪᱮᱛᱟᱱ ᱨᱮ ᱦᱚᱸᱭ ᱦᱟᱞᱚᱪᱟᱞᱚ ᱠᱮᱫᱟ᱾
᱒᱐᱑᱕ ᱨᱮ ᱩᱱᱤ ᱩᱛᱛᱚᱨᱟᱠᱷᱚᱱᱰ ᱯᱚᱱᱚᱛ ᱛᱤᱨᱞᱟᱹ ᱠᱚᱢᱤᱥᱚᱱ ᱨᱮᱱ ᱵᱷᱟᱭᱤᱥ-ᱪᱮᱭᱟᱨᱯᱟᱨᱥᱚᱱ ᱞᱮᱠᱟᱛᱮ ᱢᱤᱫ ᱴᱨᱟᱱᱥᱡᱮᱱᱰᱟᱨ ᱦᱚᱲ ᱵᱟᱦᱟᱞ ᱵᱤᱨᱩᱫᱷ ᱨᱮᱭ ᱛᱟᱦᱮᱸ ᱠᱟᱱᱟ ᱪᱮᱫᱟᱜ ᱥᱮ ᱩᱱᱤ ᱵᱟᱭ ᱵᱩᱡᱷᱟᱹᱣ ᱞᱮᱫᱟ ᱡᱮ ᱢᱤᱫ ᱴᱨᱟᱱᱥᱡᱮᱱᱰᱟᱨ ᱛᱤᱨᱞᱟᱹ ᱫᱚ "ᱛᱤᱨᱞᱟᱹ ᱠᱚᱣᱟᱜ ᱮᱴᱠᱮᱴᱚᱬᱮ ᱵᱟᱭ ᱵᱩᱡᱷᱟᱹᱣ ᱫᱟᱲᱮᱭᱟᱜᱼᱟ ᱟᱨ ᱵᱟᱭ ᱥᱚᱦᱚᱫ ᱫᱟᱲᱮᱭᱟᱜᱼᱟ"᱾
ᱩᱱᱤ ᱫᱚ ᱱᱮᱛᱟᱨ ᱜᱮ ᱟᱥᱲᱟ ᱠᱚᱨᱮ ᱵᱟᱰᱟᱭ ᱟᱠᱟᱱ ᱥᱮᱪᱮᱫ ᱯᱷᱤᱥ ᱞᱟᱹᱜᱤᱫ ᱦᱚᱸᱭ ᱦᱚᱦᱚ ᱟᱠᱟᱫᱟ, ᱵᱤᱥᱮᱥ ᱠᱟᱛᱮ ᱯᱨᱟᱭᱵᱷᱮᱴ ᱟᱥᱲᱟ ᱠᱚᱨᱮ ᱡᱟᱦᱟᱸ ᱫᱚ ᱟᱥᱲᱟ ᱯᱷᱤᱥ ᱠᱚ ᱵᱟᱹᱲᱛᱤ ᱮᱫᱟ᱾ ᱩᱱᱤ ᱦᱟᱞᱚᱪᱟᱞᱚ ᱥᱟᱯᱲᱟᱣ ᱨᱮ ᱮ ᱜᱚᱲᱚ ᱮᱢ ᱟᱠᱟᱫᱟ ᱟᱨ ᱩᱛᱛᱚᱨᱟᱠᱷᱚᱱᱰ ᱨᱮ ᱯᱨᱟᱭᱵᱷᱮᱴ ᱟᱥᱲᱟ ᱥᱩᱨ ᱨᱮ ᱛᱟᱦᱮᱸᱱ ᱮᱴᱠᱮᱴᱚᱬᱮ ᱪᱮᱛᱟᱱ ᱨᱮ ᱵᱟᱰᱟᱭ ᱧᱟᱢ ᱨᱮᱭᱟᱜ "ᱦᱤᱞᱟᱹᱣ ᱮ ᱮᱛᱚᱦᱚᱵ ᱠᱮᱫᱟ"᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Agrawal, Rakesh (August 2015). "Hill State's Dam Dilemma". Civil Society Online. Archived from the original on 22 November 2015. Retrieved 20 August 2015.