ᱠᱚᱨᱚᱢᱡᱭᱚᱛᱤ ᱫᱟᱞᱟᱞ
ᱠᱚᱨᱚᱢᱡᱭᱚᱛᱤ ᱫᱟᱞᱟᱞ (ᱡᱟᱱᱟᱢ ᱓᱐ ᱱᱚᱵᱷᱮᱢᱵᱚᱨ ᱑᱙᱘᱗) ᱫᱚ ᱦᱚᱨᱤᱭᱟᱱᱟ ᱨᱮᱱ ᱢᱤᱫ ᱵᱷᱟᱨᱚᱛᱤᱭᱚ ᱯᱟᱨᱟ-ᱮᱛᱷᱞᱤᱴ ᱠᱟᱱᱟᱭ᱾ ᱩᱱᱤ ᱫᱚ ᱰᱤᱥᱠᱚᱥ ᱛᱷᱨᱚ F᱕᱕ ᱛᱷᱚᱠ ᱨᱮ ᱦᱮᱯᱨᱟᱣ ᱮᱫᱟ᱾ ᱩᱱᱤ ᱫᱚ ᱒᱐᱑᱖ ᱥᱟᱢᱟᱨ ᱯᱟᱨᱟᱞᱤᱢᱯᱤᱠᱥ ᱟᱨ ᱒᱐᱒᱔ ᱥᱟᱢᱟᱨ ᱯᱟᱨᱟᱞᱤᱢᱯᱤᱠᱥ ᱨᱮ ᱨᱮᱯᱨᱮᱡᱮᱱᱴ ᱞᱟᱹᱜᱤᱫ ᱮ ᱠᱣᱟᱞᱤᱯᱷᱟᱭ ᱟᱠᱟᱱᱟ᱾
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱫᱟᱞᱟᱞ ᱫᱚ ᱨᱚᱦᱛᱟᱠ, ᱦᱚᱨᱤᱭᱟᱱᱟ ᱨᱮᱱ ᱠᱟᱱᱟᱭ᱾ ᱩᱱᱤ ᱫᱚ ᱢᱟᱦᱟᱨᱤᱥᱤ ᱫᱟᱭᱟᱱᱟᱸᱫᱽ ᱡᱮᱜᱮᱛ ᱵᱤᱨᱫᱟᱹᱜᱟᱲ, ᱨᱚᱦᱛᱟᱠ ᱨᱮ ᱯᱟᱲᱦᱟᱣ ᱟᱠᱟᱱᱟ᱾ ᱩᱱᱤ ᱫᱚ ᱒᱐᱐᱘ ᱨᱮ ᱟᱡᱟᱜ ᱫᱩᱨᱜᱷᱚᱴᱚᱱᱟ ᱢᱟᱲᱟᱝ ᱡᱟᱹᱛᱤᱭᱟᱹᱨᱤ ᱛᱷᱚᱠ ᱨᱮ ᱡᱩᱰᱳ ᱟᱨ ᱠᱟᱵᱟᱰᱤ ᱨᱮ ᱦᱚᱨᱤᱭᱟᱱᱟ ᱨᱮᱭ ᱨᱮᱯᱨᱮᱡᱮᱱᱴ ᱞᱮᱫᱟ, ᱡᱟᱦᱟᱸ ᱨᱮ ᱩᱱᱤ ᱫᱚ ᱴᱮᱨᱮᱥ ᱠᱷᱚᱱ ᱞᱤᱸᱜᱤᱱ ᱞᱮᱱᱟ ᱡᱟᱦᱟᱸ ᱫᱚ ᱟᱡᱟᱜ ᱢᱚᱴᱚᱨ ᱥᱮᱱᱥᱮᱥᱚᱱ ᱮ ᱮᱯᱷᱮᱠᱴ ᱞᱮᱫᱟ᱾ ᱩᱱᱤ ᱫᱚ ᱢᱤᱫ ᱰᱤᱥᱠᱚᱥ ᱛᱷᱨᱚᱣᱟᱨ ᱟᱨ ᱢᱤᱫ ᱠᱳᱪ ᱠᱟᱱᱟᱭ᱾ ᱩᱱᱤ ᱫᱚ ᱦᱚᱨᱤᱭᱟᱱᱟ ᱨᱮᱱᱟᱜ ᱠᱷᱮᱞᱚᱸᱰ ᱟᱨ ᱭᱩᱛᱷ ᱮᱯᱷᱮᱭᱟᱨᱥ ᱰᱤᱯᱟᱨᱴᱢᱮᱱᱴ ᱨᱮ ᱠᱳᱪ ᱞᱮᱠᱟᱛᱮ ᱠᱟᱹᱢᱤ ᱠᱟᱱᱟᱭ᱾ ᱩᱱᱤ ᱫᱚ ᱟᱡᱟᱜ ᱠᱟᱠᱟ ᱛᱟᱞᱟᱛᱮ ᱯᱟᱨᱟ ᱮᱛᱷᱞᱮᱴᱤᱠᱥ ᱵᱟᱰᱟᱭ ᱧᱟᱢ ᱞᱮᱫᱟ᱾
ᱠᱮᱨᱤᱭᱚᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱔ ᱨᱮ, ᱩᱱᱤ ᱫᱚ ᱤᱱᱪᱮᱭᱚᱱ ᱮᱥᱤᱭᱟᱱ ᱜᱮᱢᱥ ᱨᱮ ᱟᱡᱟᱜ ᱡᱮᱡᱟᱹᱛᱤᱭᱟᱹᱨᱤ ᱮᱛᱚᱦᱚᱵ ᱮ ᱠᱚᱨᱟᱣ ᱞᱮᱫᱟ ᱡᱟᱦᱟᱸ ᱨᱮ ᱩᱱᱤ ᱫᱚ ᱯᱩᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾
᱒᱐᱑᱕ ᱣᱟᱨᱞᱰ ᱯᱟᱨᱟ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ, ᱩᱱᱤ ᱫᱚ ᱰᱤᱥᱠᱚᱥ ᱛᱷᱨᱚ ᱨᱮ ᱔ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾
ᱩᱱᱤ ᱫᱚ ᱒᱐᱑᱖ ᱥᱟᱢᱟᱨ ᱯᱟᱨᱟᱞᱤᱢᱯᱤᱠᱥ ᱨᱮ ᱟᱡᱟᱜ ᱴᱷᱟᱶ ᱞᱟᱹᱜᱤᱫ ᱦᱮᱯᱨᱟᱣ ᱦᱩᱭ ᱞᱮᱱ ᱛᱟᱭᱟ, ᱣᱟᱨᱞᱰ ᱪᱟᱢᱯᱤᱭᱟᱱᱥᱤᱯ ᱨᱮ ᱟᱡᱟᱜ ᱥᱟᱠᱥᱮᱥ ᱛᱟᱭᱚᱢ ᱵᱷᱟᱨᱚᱛ ᱞᱟᱹᱜᱤᱫ ᱴᱷᱟᱶ ᱮ ᱡᱤᱛᱠᱟᱹᱨ ᱠᱮᱫ ᱨᱮᱦᱚᱸ, ᱫᱤᱯᱟ ᱢᱟᱞᱤᱠ ᱫᱚ ᱵᱟᱪᱷᱟᱣ ᱦᱩᱭ ᱞᱮᱱᱟ ᱩᱱᱤᱭᱟᱜ ᱵᱟᱪᱷᱟᱣ ᱟᱠᱟᱱ ᱤᱵᱷᱮᱱᱴ ᱫᱚ ᱥᱳᱴᱯᱩᱴ ᱛᱟᱦᱮᱸ ᱠᱟᱱ ᱨᱮᱦᱚᱸ ᱩᱱᱤ ᱵᱟᱪᱷᱟᱣ ᱦᱩᱭ ᱞᱮᱱᱟ᱾ ᱱᱚᱣᱟ ᱫᱚ ᱠᱳᱨᱴ ᱛᱮ ᱤᱫᱤ ᱦᱩᱭ ᱞᱮᱱ ᱛᱟᱭᱚᱢ, ᱵᱟᱱᱟᱨ ᱜᱮ ᱯᱟᱨᱟᱞᱤᱢᱯᱤᱠ ᱜᱮᱢᱥ ᱨᱮ ᱦᱮᱯᱨᱟᱣ ᱞᱮᱫᱟ᱾ ᱵᱷᱟᱹᱜᱽᱭᱚ ᱵᱟᱹᱲᱤᱡ ᱛᱮ, ᱩᱱᱤ ᱫᱚ ᱵᱷᱮᱞᱤᱰ ᱛᱷᱨᱚᱣ ᱵᱟᱭ ᱠᱚᱨᱟᱣ ᱫᱟᱲᱮᱭᱟᱫᱟ᱾
ᱫᱟᱞᱟᱞ ᱫᱚ ᱟᱭᱯᱤᱥᱤ ᱣᱟᱨᱞᱰ ᱯᱟᱨᱟ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱒᱐᱑᱗ ᱨᱮ ᱰᱤᱥᱠᱚᱥ ᱛᱷᱨᱚ ᱨᱮ ᱵᱨᱳᱸᱡᱽ ᱢᱮᱰᱮᱞ ᱮ ᱡᱤᱛᱠᱟᱹᱨ ᱞᱮᱱᱟ᱾ ᱩᱱᱤ ᱫᱚ ᱥᱳᱴᱯᱩᱴ ᱨᱮ ᱦᱚᱸ ᱘ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾ ᱒᱐᱑᱗ ᱨᱮᱱᱟᱜ ᱢᱟᱨᱪ ᱨᱮ ᱢᱟᱲᱟᱝ ᱠᱷᱚᱱ, ᱩᱱᱤ ᱫᱚ ᱫᱩᱵᱟᱭ ᱨᱮ ᱯᱷᱟᱡᱟ ᱤᱱᱴᱟᱨᱱᱮᱥᱱᱟᱞ ᱟᱭᱯᱤᱥᱤ ᱮᱛᱷᱞᱮᱴᱤᱠᱥ ᱜᱨᱟᱸᱰ ᱯᱨᱤᱠᱥ ᱨᱮ ᱥᱚᱱᱟ ᱢᱮᱰᱮᱞ ᱮ ᱡᱤᱛᱠᱟᱹᱨ ᱞᱮᱱᱟ᱾
᱒᱐᱑᱙ ᱣᱟᱨᱞᱰ ᱯᱟᱨᱟ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ, ᱩᱱᱤ ᱫᱚ ᱰᱤᱥᱠᱚᱥ ᱛᱷᱨᱚ ᱨᱮ ᱖ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾
ᱩᱱᱤ ᱫᱚ ᱒᱐᱑᱔ ᱨᱮ ᱞᱚᱱᱰᱚᱱ ᱨᱮ ᱦᱩᱭ ᱞᱮᱱ ᱣᱟᱨᱞᱰ ᱯᱟᱨᱟ ᱮᱛᱷᱞᱮᱴᱤᱠ ᱪᱟᱢᱯᱤᱭᱟᱱᱥᱤᱯ ᱨᱮ ᱦᱚᱸ ᱵᱨᱳᱸᱡᱽ ᱮ ᱡᱤᱛᱠᱟᱹᱨ ᱞᱮᱫᱟ᱾ ᱩᱱᱤ ᱫᱚ ᱒᱐᱒᱓ ᱨᱮ ᱪᱤᱱ ᱨᱮᱱᱟᱜ ᱦᱟᱝᱡᱳᱣ ᱨᱮ ᱦᱩᱭ ᱞᱮᱱ ᱒᱐᱒᱒ ᱮᱥᱤᱭᱟᱱ ᱯᱟᱨᱟ ᱜᱮᱢᱥ ᱨᱮ ᱨᱩᱯᱟᱹ ᱮ ᱡᱤᱛᱠᱟᱹᱨ ᱞᱮᱫᱟ᱾
᱒᱐᱒᱓ ᱣᱟᱨᱞᱰ ᱯᱟᱨᱟ ᱮᱛᱷᱞᱮᱴᱤᱠᱥ ᱪᱟᱢᱯᱤᱭᱟᱱᱥᱤᱯ ᱨᱮ ᱩᱱᱤ ᱫᱚ ᱰᱤᱥᱠᱚᱥ ᱛᱷᱨᱚ ᱨᱮ ᱙ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾
ᱫᱟᱞᱟᱞ ᱫᱚ ᱥᱟᱠᱥᱤ ᱠᱟᱥᱟᱱᱟ ᱥᱟᱶᱛᱮ ᱒᱐᱒᱔ ᱥᱟᱢᱟᱨ ᱯᱟᱨᱟᱞᱤᱢᱯᱤᱠᱥ ᱨᱮ ᱰᱤᱥᱠᱚᱥ ᱛᱷᱨᱚ ᱞᱟᱹᱜᱤᱫ ᱮ ᱠᱣᱟᱞᱤᱯᱷᱟᱭ ᱞᱮᱱᱟ᱾ ᱩᱱᱤ ᱫᱚ ᱒᱐.᱒᱒ ᱢᱤᱴᱚᱨ ᱨᱮᱱᱟᱜ ᱥᱤᱡᱚᱱ ᱵᱮᱥᱴ ᱥᱟᱶᱛᱮ ᱙ ᱟᱱᱟᱜ ᱴᱷᱟᱶ ᱮ ᱟᱢᱮᱴ ᱞᱮᱫᱟ᱾