ᱠᱚᱨᱚᱱ ᱜᱩᱯᱛᱟ
| ᱠᱚᱨᱚᱱ ᱜᱩᱯᱛᱟ | |
|---|---|
 | |
| ᱡᱟᱱᱟᱢ | May 12,1979 ᱢᱩᱢᱵᱟᱭ, ᱥᱤᱧᱚᱛ |
| ᱠᱟᱹᱢᱤ | activist, speaker, ᱚᱱᱚᱞᱤᱭᱟᱹ |
| ᱡᱟᱹᱛᱤᱭᱟᱹᱛ | ᱥᱤᱧᱚᱛᱤᱭᱟᱹ |
| ᱥᱮᱪᱮᱫ | Harvard Business School; IE Business School |
| ᱥᱤᱨᱯᱷᱟᱹ | Times Genius Award by The Times of India, Times Power Men Award by The Times of India |
| ᱣᱮᱵᱽᱥᱟᱭᱤᱴ | |
| www | |
ᱠᱚᱨᱚᱱ ᱜᱩᱯᱛᱟ (ᱡᱟᱱᱟᱢ ᱢᱮ ᱑᱒, ᱑᱙᱗᱙) ᱫᱚ ᱢᱤᱫ ᱮᱠᱴᱤᱵᱷᱤᱥᱴ, ᱥᱯᱤᱠᱟᱨ, ᱚᱱᱚᱞᱤᱭᱟᱹ ᱠᱟᱱᱟᱭ, ᱟᱨ ᱢᱩᱢᱵᱟᱭ, ᱵᱷᱟᱨᱚᱛ ᱨᱮ ᱠᱚᱨᱚᱱ ᱜᱩᱯᱛᱟ ᱮᱰᱩᱠᱮᱥᱚᱱ ᱯᱷᱟᱣᱩᱱᱰᱮᱥᱚᱱ (KGEF) ᱨᱮᱱ ᱵᱩᱱᱤᱭᱟᱹᱫᱤᱭᱟᱹ ᱠᱟᱱᱟᱭ᱾ ᱩᱱᱤ ᱫᱚ ᱱᱤᱛ IE ᱵᱤᱡᱱᱮᱥ ᱥᱠᱩᱞ – ᱵᱷᱟᱨᱚᱛ ᱟᱨ ᱫᱟᱠᱷᱤᱱ ᱮᱥᱤᱭᱟ ᱨᱮᱱ ᱢᱮᱱᱮᱡᱤᱝ ᱰᱟᱭᱨᱮᱠᱴᱚᱨ ᱦᱚᱸ ᱠᱟᱱᱟᱭ᱾
ᱜᱩᱯᱛᱟ ᱫᱚ ᱦᱟᱨᱵᱟᱨᱰ ᱵᱤᱡᱱᱮᱥ ᱥᱠᱩᱞ ᱟᱨ IE ᱵᱤᱡᱱᱮᱥ ᱥᱠᱩᱞ ᱨᱮᱱ ᱮᱞᱩᱢᱱᱟᱥ ᱠᱟᱱᱟᱭ, ᱩᱱᱤ ᱫᱚ ᱥᱟᱭᱠᱚᱞᱚᱡᱤ, ᱵᱤᱡᱱᱮᱥ ᱟᱨ ᱞᱚ ᱨᱮ ᱰᱤᱜᱽᱨᱤ ᱥᱟᱶᱛᱮ ᱜᱽᱨᱮᱡᱩᱣᱮᱴ ᱟᱠᱟᱱᱟᱭ᱾ ᱩᱱᱤ ᱫᱚ ᱑᱙᱙᱙ ᱥᱮᱨᱢᱟ ᱨᱮ ᱠᱚᱨᱚᱱ ᱜᱩᱯᱛᱟ ᱠᱚᱱᱥᱟᱞᱴᱤᱝ ᱟᱨ ᱟᱡᱟᱜ ᱯᱷᱟᱣᱩᱱᱰᱮᱥᱚᱱ ᱮ ᱡᱷᱤᱡ ᱠᱮᱫᱟ, ᱡᱟᱦᱟᱸ ᱫᱚ ᱠᱮᱨᱤᱭᱟᱨ ᱜᱟᱭᱤᱰᱮᱱᱥ ᱟᱨ ᱡᱮᱜᱮᱛᱟᱹᱨᱤ ᱮᱰᱢᱤᱥᱚᱱ ᱪᱮᱛᱟᱱ ᱨᱮ ᱵᱟᱰᱟᱭ ᱮ ᱮᱢ ᱮᱫᱟ᱾ ᱱᱚᱣᱟ ᱵᱟᱱᱟᱨ ᱤᱱᱥᱴᱤᱴᱭᱩᱥᱚᱱ ᱜᱮ ᱵᱟᱝ ᱞᱟᱵᱷ ᱟᱱ ᱜᱮᱭᱟ ᱟᱨ ᱵᱟᱝ ᱥᱩᱵᱤᱫᱷᱟ ᱧᱟᱢ ᱦᱚᱲ – ᱵᱤᱥᱮᱥ ᱠᱟᱛᱮ ᱛᱤᱨᱞᱟᱹ, ᱜᱤᱫᱽᱨᱟᱹ ᱟᱨ ᱰᱤᱥᱮᱵᱤᱞᱤᱴᱤ ᱛᱮ ᱠᱚᱥᱴᱚ ᱠᱟᱱ ᱦᱚᱲ ᱪᱮᱛᱟᱱ ᱨᱮ ᱡᱩᱨ ᱮ ᱮᱢ ᱮᱫᱟ᱾
ᱜᱩᱯᱛᱟ ᱫᱚ ᱫᱟ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ, ᱮᱰᱩᱠᱮᱥᱚᱱ ᱴᱟᱭᱤᱢᱥ, ᱦᱤᱱᱫᱩᱥᱛᱟᱱ ᱴᱟᱭᱤᱢᱥ, ᱫᱟ ᱯᱷᱨᱤ ᱯᱨᱮᱥ ᱡᱚᱨᱱᱟᱞ ᱟᱨ Rediff.com ᱨᱮ ᱠᱮᱨᱤᱭᱟᱨ ᱠᱟᱣᱩᱱᱥᱮᱞᱤᱝ ᱟᱨ ᱮᱰᱢᱤᱥᱚᱱ ᱥᱟᱞᱟᱦ ᱮᱢ ᱠᱟᱛᱮ ᱚᱞ ᱟᱨ ᱜᱚᱲᱚ ᱮ ᱮᱢ ᱟᱠᱟᱫᱟ᱾ ᱒᱐᱑᱖ ᱥᱮᱨᱢᱟ ᱨᱮ ᱩᱱᱤ ᱫᱚ ᱟᱡᱟᱜ ᱠᱩᱨᱩᱢᱩᱴᱩ ᱞᱟᱹᱜᱤᱫ ᱣᱟᱨᱴᱚᱱ ᱵᱤᱡᱱᱮᱥ ᱥᱠᱩᱞ, ᱱᱮᱥᱱᱟᱞ ᱮᱰᱩᱠᱮᱥᱚᱱ ᱟᱣᱟᱨᱰᱥ ᱯᱷᱚᱨ "ᱟᱣᱩᱴᱥᱴᱮᱱᱰᱤᱝ ᱠᱚᱱᱴᱨᱤᱵᱩᱥᱚᱱ ᱤᱱ ᱮᱰᱩᱠᱮᱥᱚᱱ," ᱟᱨ ᱫᱟ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ ᱦᱚᱛᱮᱛᱮ ᱴᱟᱭᱤᱢᱥ ᱡᱤᱱᱤᱭᱟᱥ ᱟᱣᱟᱨᱰ ᱮ ᱧᱟᱢ ᱠᱮᱫᱟ᱾
ᱮᱯᱨᱤᱞ ᱒᱐᱑᱖ ᱥᱮᱨᱢᱟ ᱨᱮ ᱜᱩᱯᱛᱟ ᱫᱚ I Am Woman ᱧᱩᱛᱩᱢ ᱛᱮ ᱢᱤᱫ ᱤᱵᱷᱮᱱᱴ ᱮ ᱵᱮᱱᱟᱣ ᱠᱮᱫᱟ, ᱡᱟᱦᱟᱸ ᱫᱚ ᱛᱤᱨᱞᱟᱹ ᱠᱚ ᱟᱠᱚᱣᱟᱜ ᱯᱚᱵᱽᱞᱤᱠ ᱠᱚᱱᱴᱨᱤᱵᱩᱥᱚᱱ ᱞᱟᱹᱜᱤᱫ ᱥᱤᱨᱯᱷᱟᱹ ᱮ ᱮᱢᱟᱫ ᱠᱚᱣᱟ᱾ ᱨᱤᱥᱤᱯᱤᱭᱮᱱᱴ ᱠᱚ ᱛᱟᱞᱟ ᱨᱮ ᱞᱚᱠᱤ ᱢᱚᱨᱟᱱᱤ, ᱟᱢᱨᱤᱛᱟ ᱨᱟᱭᱪᱚᱸᱫᱽ, ᱫᱮᱵᱤᱛᱟ ᱥᱚᱨᱚᱯ ᱟᱨ ᱵᱚᱞᱤᱣᱩᱰ ᱮᱠᱴᱨᱮᱥ ᱥᱚᱱᱟᱢ ᱠᱟᱯᱩᱨ ᱱᱤᱨᱡᱟ ᱯᱷᱤᱞᱤᱢ ᱨᱮ ᱟᱡᱟᱜ ᱯᱟᱨᱯᱷᱚᱨᱢᱮᱱᱥ ᱞᱟᱹᱜᱤᱫ ᱮᱢᱟᱱ ᱠᱚ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾
ᱢᱮ ᱒᱐᱑᱖ ᱥᱮᱨᱢᱟ ᱨᱮ ᱜᱩᱯᱛᱟ ᱫᱚ ᱥᱯᱮᱱ ᱨᱮᱱᱟᱜ ᱢᱮᱰᱨᱤᱰ ᱨᱮ IE ᱮᱞᱩᱢᱱᱤ ᱯᱷᱚᱨᱚᱢ ᱨᱮ ᱯᱷᱤᱢᱮᱞ ᱮᱢᱯᱟᱣᱟᱨᱢᱮᱱᱴ ᱵᱟᱵᱚᱛ ᱛᱮ ᱞᱟᱹᱭ ᱥᱚᱫᱚᱨ ᱠᱮᱫᱟ᱾
ᱮᱯᱨᱤᱞ ᱒᱐᱑᱗ ᱥᱮᱨᱢᱟ ᱨᱮ ᱜᱩᱯᱛᱟ ᱫᱚ "I Am Woman" ᱨᱮᱱᱟᱜ ᱫᱚᱥᱟᱨ ᱤᱰᱤᱥᱚᱱ ᱦᱳᱥᱴ ᱠᱮᱫᱟ, ᱟᱢᱨᱩᱛᱟ ᱯᱷᱟᱰᱱᱟᱵᱷᱤᱥ, ᱞᱚᱠᱥᱢᱤ ᱟᱜᱟᱨᱣᱟᱞ, ᱜᱚᱣᱨᱤ ᱥᱟᱣᱚᱸᱛ, ᱠᱨᱤᱥᱤᱠᱟ ᱞᱩᱞᱟ, ᱯᱷᱟᱨᱟ ᱠᱷᱟᱱ ᱟᱞᱤ, ᱢᱟᱞᱤᱱᱤ ᱟᱜᱟᱨᱣᱟᱞ ᱟᱨ ᱥᱟᱦᱤᱱ ᱢᱤᱥᱴᱨᱤ ᱫᱚ ᱛᱤᱨᱞᱟᱹ ᱮᱢᱯᱟᱣᱟᱨᱢᱮᱱᱴ ᱥᱮᱫ ᱨᱮ ᱠᱚᱱᱴᱨᱤᱵᱩᱥᱚᱱ ᱞᱟᱹᱜᱤᱫ ᱥᱤᱨᱯᱷᱟᱹ ᱮ ᱮᱢᱟᱫ ᱠᱚᱣᱟ᱾
ᱠᱚᱨᱚᱱ ᱜᱩᱯᱛᱟ ᱫᱚ ᱢᱮ ᱒᱐᱑᱗ ᱥᱮᱨᱢᱟ ᱨᱮ ᱱᱟᱣᱟ ᱫᱤᱞᱞᱤ ᱨᱮ ᱣᱤᱢᱮᱱ ᱤᱠᱚᱱᱚᱢᱤᱠ ᱯᱷᱚᱨᱚᱢ ᱟᱨ ALL ᱞᱮᱰᱤᱥ ᱞᱤᱜ ᱨᱮ ᱢᱤᱫ ᱥᱯᱤᱠᱟᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱩᱱᱤ ᱫᱚ ᱣᱤᱢᱮᱱ ᱤᱱ ᱢᱤᱰᱤᱭᱟ ᱵᱟᱵᱚᱛ ᱛᱮ ᱞᱟᱹᱭ ᱥᱚᱫᱚᱨ ᱠᱮᱫᱟ᱾ ᱯᱮᱱᱮᱞ ᱨᱮ ᱮᱴᱟᱜ ᱥᱯᱤᱠᱟᱨ ᱠᱚ ᱛᱟᱞᱟ ᱨᱮ ᱯᱨᱤᱭᱚᱸᱠᱟ ᱪᱟᱛᱩᱨᱵᱮᱫᱤ, ᱜᱤᱛᱟ ᱢᱳᱦᱟᱱ, ᱚᱱᱩᱨᱟᱫᱽᱫᱷᱟ ᱯᱨᱟᱥᱟᱫᱽ, ᱟᱭᱥᱟ ᱟᱡᱽᱢᱟᱫᱽ, ᱟᱨ ᱠᱨᱤᱥᱟᱱ ᱛᱮᱣᱟᱨᱤ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾
"I Am Woman" ᱨᱮᱱᱟᱜ ᱛᱮᱥᱟᱨ ᱤᱰᱤᱥᱚᱱ ᱫᱚ ᱮᱯᱨᱤᱞ ᱒᱐᱑᱘ ᱨᱮ ᱜᱩᱯᱛᱟ ᱦᱚᱛᱮᱛᱮ ᱦᱳᱥᱴ ᱦᱩᱭ ᱞᱮᱱᱟ ᱡᱟᱦᱟᱸ ᱨᱮ ᱥᱩᱥᱢᱤᱛᱟ ᱥᱮᱱ, ᱞᱤᱭᱟ ᱴᱟᱴᱟ, ᱢᱤᱥᱮᱞ ᱯᱩᱱᱟᱣᱟᱞᱟ, ᱵᱷᱟᱵᱽᱱᱟ ᱡᱟᱥᱨᱟ, ᱯᱷᱟᱞᱜᱩᱱᱤ ᱯᱤᱠᱚᱠ, ᱢᱟᱞᱤᱥᱠᱟ ᱟᱨᱡᱮ, ᱟᱵᱷᱟ ᱥᱤᱝ, ᱯᱨᱤᱛᱤ ᱥᱨᱤᱱᱤᱵᱟᱥᱚᱱ, ᱟᱨ ᱡᱭᱳᱛᱤ ᱫᱷᱟᱣᱟᱞᱮ ᱮᱢᱟᱱ ᱠᱚ ᱥᱤᱨᱯᱷᱟᱹ ᱠᱚ ᱧᱟᱢ ᱠᱮᱫᱟ᱾ ᱱᱚᱣᱟ ᱤᱵᱷᱮᱱᱴ ᱫᱚ ᱮᱢᱵᱟᱨ ᱣᱤᱜᱽᱢᱳᱨ ᱟᱨ ᱢᱟᱫᱷᱩ ᱠᱤᱱ ᱛᱩᱞᱟᱹ ᱡᱚᱠᱷᱟ ᱠᱮᱫᱟ᱾ ᱥᱩᱥᱢᱤᱛᱟ ᱥᱮᱱ ᱫᱚ ᱠᱚᱨᱚᱱ ᱜᱩᱯᱛᱟ ᱟᱨ ᱙᱒,᱐᱐᱐ ᱜᱤᱫᱽᱨᱟᱹ ᱠᱚᱣᱟᱜ ᱡᱤᱭᱚᱱ ᱪᱮᱛᱟᱱ ᱨᱮ ᱮᱥᱮᱨ ᱠᱟᱛᱮ ᱠᱮᱡᱤᱤᱮᱯ ᱴᱤᱢ ᱦᱚᱛᱮᱛᱮ ᱠᱟᱹᱢᱤ ᱦᱩᱭ ᱟᱠᱟᱱ ᱠᱟᱹᱢᱤᱭ ᱥᱟᱨᱦᱟᱣ ᱠᱮᱫᱟ᱾
ᱡᱩᱞᱟᱭ ᱒᱐᱑᱘ ᱥᱮᱨᱢᱟ ᱨᱮ ᱜᱩᱯᱛᱟ ᱫᱚ ᱢᱩᱢᱵᱟᱭ ᱨᱮ ᱢᱤᱫ TEDx ᱴᱚᱠ ᱨᱮ ᱮᱰᱩᱠᱮᱥᱚᱱ ᱟᱨ ᱮᱢᱯᱟᱣᱟᱨᱢᱮᱱᱴ ᱛᱟᱞᱟ ᱛᱮ ᱨᱮᱯ ᱟᱨ ᱜᱤᱫᱽᱨᱟᱹ ᱥᱮᱠᱥᱩᱣᱟᱞ ᱮᱵᱷᱭᱩᱡ ᱥᱚᱞᱵᱷ ᱵᱟᱵᱚᱛ ᱛᱮ ᱞᱟᱹᱭ ᱥᱚᱫᱚᱨ ᱠᱮᱫᱟ᱾
ᱫᱟ ᱴᱟᱭᱤᱢᱥ ᱚᱯᱷ ᱤᱱᱰᱤᱭᱟ ᱜᱽᱨᱩᱯ ᱫᱚ ᱰᱤᱥᱮᱢᱵᱚᱨ ᱒᱐᱑᱘ ᱨᱮ ᱜᱩᱯᱛᱟ ᱫᱚ ᱴᱟᱭᱤᱢᱥ ᱯᱟᱣᱟᱨ ᱢᱮᱱ ᱞᱮᱠᱟᱛᱮ ᱥᱟᱨᱦᱟᱣ ᱠᱮᱫᱮᱭᱟ ᱟᱨ ᱥᱤᱨᱯᱷᱟᱹ ᱮ ᱮᱢᱟᱫᱮᱭᱟ᱾ ᱱᱚᱣᱟ ᱥᱤᱨᱯᱷᱟᱹ ᱫᱚ ᱜᱩᱯᱛᱟ ᱫᱚ ᱟᱢᱨᱩᱛᱟ ᱯᱷᱟᱰᱱᱟᱵᱷᱤᱥ ᱮ ᱮᱢᱟᱫᱮᱭᱟ᱾
ᱡᱟᱱᱩᱣᱟᱨᱤ ᱒᱐᱑᱙ ᱨᱮ, ᱞᱚᱱᱰᱚᱱ ᱨᱮ ᱦᱩᱭ ᱞᱮᱱ ᱢᱤᱫ ᱥᱮᱨᱮᱢᱚᱱᱤ ᱨᱮ, ᱜᱩᱯᱛᱟ ᱫᱚ ᱞᱳᱨᱰ ᱠᱚᱨᱚᱱ ᱵᱤᱞᱤᱢᱳᱨᱤᱭᱟ ᱟᱨ ᱞᱳᱨᱰ ᱨᱟᱡᱽ ᱞᱩᱢᱵᱟ ᱦᱚᱛᱮᱛᱮ ᱣᱚᱨᱞᱰ ᱞᱤᱰᱟᱨᱥ ᱮᱥᱤᱭᱟ ᱟᱣᱟᱨᱰ ᱮ ᱧᱟᱢ ᱠᱮᱫᱟ᱾
ᱮᱯᱨᱤᱞ ᱒᱐᱑᱙ ᱨᱮ, ᱜᱩᱯᱛᱟ ᱫᱚ I Am Woman ᱟᱣᱟᱨᱰ ᱨᱮᱱᱟᱜ ᱔ ᱟᱱᱟᱜ ᱤᱰᱤᱥᱚᱱ ᱮ ᱦᱳᱥᱴ ᱠᱮᱫᱟ ᱟᱨ ᱥᱳᱱᱟᱞᱤ ᱵᱮᱸᱫᱽᱨᱮ ᱫᱚ ᱣᱩᱢᱮᱱ ᱚᱯᱷ ᱥᱚᱵᱽᱥᱴᱮᱱᱥ ᱟᱣᱟᱨᱰ ᱮ ᱮᱢᱟᱫᱮᱭᱟ᱾ ᱮᱴᱟᱜ ᱟᱣᱟᱨᱰ ᱧᱟᱢ ᱦᱚᱲ ᱠᱚ ᱛᱟᱞᱟ ᱨᱮ ᱱᱤᱛᱟ ᱞᱩᱞᱟ, ᱥᱤᱸᱫᱷᱩᱛᱟᱭᱤ ᱥᱚᱯᱠᱟᱞ, ᱮᱠᱴᱤᱵᱷᱤᱥᱴ ᱱᱤᱦᱟᱨᱤ ᱢᱚᱱᱰᱟᱞᱤ, ᱤᱱᱯᱷᱳᱥᱤᱥ ᱞᱟᱨᱱᱤᱝ ᱦᱮᱰ ᱠᱤᱥᱟ ᱜᱩᱯᱛᱟ, ᱮᱱᱴᱨᱮᱯᱨᱮᱱᱚᱨ ᱫᱤᱯᱤᱠᱟ ᱜᱮᱦᱟᱱᱤ ᱮᱢᱟᱱ ᱠᱚ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱤᱵᱷᱮᱱᱴ ᱞᱟᱹᱜᱤᱫ ᱮᱴᱟᱜ ᱦᱳᱥᱴ ᱠᱚ ᱛᱟᱞᱟ ᱨᱮ ᱢᱟᱱᱚᱥᱤ ᱡᱳᱥᱤ ᱨᱳᱭ, ᱨᱳᱦᱤᱛ ᱨᱳᱭ, ᱯᱟᱨᱵᱤᱱ ᱰᱟᱵᱟᱥ, ᱢᱟᱱᱚᱥᱤ ᱥᱠᱚᱴ ᱟᱨ ᱛᱚᱱᱩᱡᱽ ᱣᱤᱨᱣᱟᱱᱤ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾
ᱡᱩᱞᱟᱭ ᱒᱐᱒᱐ ᱨᱮ, ᱤᱱᱰᱤᱭᱟ ᱴᱩᱰᱮ (TV ᱪᱮᱱᱮᱞ) ᱥᱟᱶ ᱦᱩᱭ ᱞᱮᱱ ᱢᱤᱫ ᱴᱮᱞᱤᱵᱷᱤᱡᱤᱱ ᱤᱱᱴᱟᱨᱵᱷᱤᱭᱩ ᱨᱮ ᱜᱩᱯᱛᱟ ᱫᱚ ᱑᱒ ᱟᱱᱟᱜ ᱜᱽᱨᱮᱰ ᱨᱮᱱᱟᱜ ᱮᱵᱷᱟᱵᱽ ᱮᱵᱷᱮᱨᱮᱡᱽ ᱨᱤᱡᱚᱞᱴ ᱨᱤᱞᱤᱡᱽ ᱞᱟᱹᱜᱤᱫ CBSE ᱵᱳᱨᱰ ᱮ ᱠᱨᱤᱴᱤᱥᱟᱭᱤᱡᱽ ᱠᱮᱫᱟ᱾
ᱵᱷᱟᱨᱚᱛᱤᱭᱟᱹ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱚ ᱟᱠᱚᱣᱟᱜ ᱯᱟᱹᱴᱷᱩᱣᱟᱹ ᱠᱚᱣᱟᱜ ᱯᱷᱟᱭᱱᱟᱞ ᱜᱽᱨᱮᱰ ᱨᱤᱞᱤᱡᱽ ᱞᱟᱹᱜᱤᱫ ᱫᱟᱲᱮ ᱮᱢ ᱠᱟᱛᱮ, ᱜᱩᱯᱛᱟ ᱫᱚ ᱞᱟᱹᱭ ᱠᱮᱫᱟ ᱡᱮ ᱡᱟᱦᱟᱸ ᱯᱟᱹᱴᱷᱩᱣᱟᱹ ᱠᱚ ᱵᱟᱦᱨᱮ ᱫᱤᱥᱚᱢ ᱨᱮ ᱯᱟᱲᱦᱟᱣ ᱥᱟᱱᱟ ᱠᱚ ᱠᱟᱱᱟ ᱩᱱᱠᱩ ᱫᱚ ᱯᱩᱨᱟᱹ ᱥᱮᱨᱢᱟ ᱠᱚ ᱟᱫ ᱫᱟᱲᱮᱭᱟᱜᱼᱟ᱾
ᱥᱮᱯᱴᱮᱢᱵᱚᱨ ᱒᱐᱒᱐ ᱨᱮ, ᱜᱩᱯᱛᱟ ᱫᱚ ᱢᱤᱫ ᱠᱞᱤᱱᱤᱠᱟᱞ ᱴᱨᱟᱭᱮᱞ ᱵᱷᱳᱞᱟᱱᱴᱤᱭᱟᱨ ᱞᱮᱠᱟᱛᱮ ᱚᱠᱥᱯᱷᱳᱨᱰ–ᱮᱥᱴᱨᱟᱡᱮᱱᱮᱠᱟ COVID-19 ᱵᱷᱮᱠᱥᱤᱱ ᱮ ᱦᱟᱛᱟᱣ ᱠᱮᱫᱟ᱾ ᱡᱟᱱᱩᱣᱟᱨᱤ ᱒᱐᱒᱑ ᱨᱮ, ᱵᱷᱮᱠᱥᱤᱱ ᱫᱚ ᱮᱢᱟᱨᱡᱮᱱᱥᱤ ᱭᱩᱡ ᱚᱛᱷᱳᱨᱟᱭᱤᱡᱮᱥᱚᱱ ᱮ ᱧᱟᱢ ᱠᱮᱫ ᱛᱟᱭᱚᱢ, ᱩᱱᱤ ᱫᱚ ᱥᱚᱨᱠᱟᱨ ᱵᱷᱮᱠᱥᱤᱱ ᱥᱴᱚᱰᱤ ᱚᱱᱵᱽᱞᱟᱭᱤᱸᱰ ᱟᱨ ᱯᱞᱮᱥᱤᱵᱳ ᱧᱟᱢ ᱟᱠᱟᱫ ᱵᱷᱳᱞᱟᱱᱴᱤᱭᱟᱨ ᱠᱚ ᱵᱷᱮᱠᱥᱤᱱ ᱥᱚᱴ ᱮ ᱮᱢᱟ ᱠᱚ ᱢᱮᱱᱛᱮ ᱟᱨᱫᱟᱥ ᱠᱮᱫᱟ᱾
ᱚᱠᱴᱳᱵᱚᱨ ᱒᱐᱒᱑ ᱨᱮ, ᱜᱩᱯᱛᱟ ᱫᱚ ᱟᱫᱤᱛᱭᱟ ᱴᱷᱟᱠᱨᱮ ᱟᱨ ᱤᱠᱵᱟᱞ ᱥᱤᱝ ᱪᱟᱦᱟᱞ ᱥᱟᱶ ᱮ ᱧᱟᱯᱟᱢ ᱮᱱᱟ ᱟᱨ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱵᱮᱱᱤᱯᱷᱤᱴ ᱦᱩᱭᱩᱜ ᱞᱮᱠᱟᱱ ᱱᱤᱛᱤ ᱠᱚ ᱵᱮᱱᱟᱣ ᱟᱨ ᱮᱰᱩᱠᱮᱥᱚᱱ ᱨᱮᱱᱟᱜ ᱞᱟᱹᱠᱛᱤ ᱵᱟᱵᱚᱛ ᱛᱮ ᱞᱟᱹᱭ ᱥᱚᱫᱚᱨ ᱠᱮᱫᱟ᱾
ᱜᱤᱫᱽᱨᱟᱹ ᱢᱟᱦᱟᱸ ᱨᱮ, ᱱᱚᱵᱷᱮᱢᱵᱚᱨ ᱒᱐᱒᱒ ᱨᱮ, ᱜᱩᱯᱛᱟ ᱫᱚ ᱞᱳᱠᱢᱟᱱᱭᱟ ᱛᱤᱞᱚᱠ ᱢᱩᱱᱤᱥᱤᱯᱟᱞ ᱢᱮᱰᱤᱠᱟᱞ ᱠᱚᱞᱮᱡᱽ ᱟᱨ ᱡᱮᱱᱮᱨᱟᱞ ᱦᱟᱥᱯᱟᱛᱟᱞ ᱨᱮ ᱴᱟᱨᱢᱤᱱᱟᱞ ᱟᱨ ᱠᱨᱤᱴᱤᱠᱟᱞ ᱵᱷᱟᱵᱽ ᱠᱷᱟᱨᱟᱯ ᱜᱤᱫᱽᱨᱟᱹ ᱠᱚᱣᱟᱜ ᱤᱪᱷᱟᱹ ᱠᱚ ᱯᱩᱨᱟᱹᱣ ᱠᱮᱫᱟ᱾ ᱚᱱᱟ ᱤᱵᱷᱮᱱᱴ ᱨᱮ ᱮᱠᱴᱚᱨ ᱵᱳᱢᱟᱱ ᱤᱨᱟᱱᱤ ᱟᱨ ᱥᱟᱸᱜᱽᱨᱟᱢ ᱥᱤᱝ ᱦᱚᱸ ᱥᱮᱞᱮᱫ ᱠᱤᱱ ᱛᱟᱦᱮᱸ ᱠᱟᱱᱟ᱾
ᱥᱮᱯᱴᱮᱢᱵᱚᱨ ᱒᱐᱒᱓ ᱨᱮ, ᱤᱱᱰᱤᱭᱟ ᱴᱩᱰᱮ (TV ᱪᱮᱱᱮᱞ) ᱟᱨ ᱫᱟ ᱤᱠᱚᱱᱚᱢᱤᱠ ᱴᱟᱭᱤᱢᱥ ᱫᱚ ᱵᱷᱟᱨᱚᱛᱤᱭᱟᱹ ᱯᱟᱹᱴᱷᱩᱣᱟᱹ ᱠᱚ ᱞᱟᱹᱜᱤᱫ ᱠᱟᱱᱟᱰᱟ ᱨᱮ ᱠᱷᱟᱨᱟᱯᱚᱜ ᱠᱟᱱ ᱥᱤᱠᱭᱩᱨᱤᱴᱤ ᱯᱚᱨᱤᱥᱛᱤᱛᱤ ᱟᱨ ᱠᱟᱱᱟᱰᱟ-ᱵᱷᱟᱨᱚᱛ ᱰᱤᱯᱞᱳᱢᱮᱴᱤᱠ ᱨᱳᱣ ᱨᱮᱱᱟᱜ ᱯᱨᱳᱥᱯᱮᱠᱴᱤᱵᱷ ᱯᱟᱹᱴᱷᱩᱣᱟᱹ ᱪᱮᱛᱟᱱ ᱨᱮ ᱪᱮᱫ ᱮᱥᱮᱨ ᱦᱩᱭ ᱫᱟᱲᱮᱭᱟᱜᱼᱟ ᱚᱱᱟ ᱵᱟᱵᱚᱛ ᱛᱮ ᱜᱩᱯᱛᱟ ᱥᱟᱶ ᱠᱤᱱ ᱨᱚᱯᱚᱲ ᱮᱱᱟ᱾
ᱥᱮᱯᱴᱮᱢᱵᱚᱨ ᱒᱐᱒᱔ ᱨᱮ, ᱜᱩᱯᱛᱟ ᱫᱚ I Am Woman ᱟᱣᱟᱨᱰ ᱨᱮᱱᱟᱜ ᱕ ᱟᱱᱟᱜ ᱤᱰᱤᱥᱚᱱ ᱮ ᱦᱳᱥᱴ ᱠᱮᱫᱟ ᱟᱨ ᱨᱤᱪᱟ ᱪᱚᱰᱰᱟ ᱫᱚ ᱣᱩᱢᱮᱱ ᱚᱯᱷ ᱥᱚᱵᱽᱥᱴᱮᱱᱥ ᱟᱣᱟᱨᱰ ᱮ ᱮᱢᱟᱫᱮᱭᱟ᱾ ᱵᱤᱡᱱᱮᱥ ᱨᱮ ᱮᱴᱟᱜ ᱟᱣᱟᱨᱰ ᱧᱟᱢ ᱦᱚᱲ ᱠᱚ ᱛᱟᱞᱟ ᱨᱮ ᱱᱟᱣᱟᱡᱽ ᱢᱳᱫᱤ ᱥᱤᱸᱜᱷᱟᱱᱤᱭᱟ, ᱨᱮᱥᱟᱢ ᱪᱷᱟᱵᱽᱨᱤᱭᱟ, ᱢᱤᱱᱟᱞ ᱫᱮᱥᱯᱟᱸᱰᱮ ᱟᱨ ᱥᱩᱡᱟᱱᱱᱟ ᱢᱩᱛᱩᱴ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱛᱤᱨᱞᱟᱹ ᱠᱚᱣᱟᱜ ᱟᱹᱭᱫᱟᱹᱨᱤ ᱞᱟᱹᱜᱤᱫ ᱟᱣᱟᱨᱰ ᱧᱟᱢ ᱦᱚᱲ ᱠᱚ ᱛᱟᱞᱟ ᱨᱮ ᱰᱨ. ᱨᱤᱥᱢᱟ ᱯᱟᱭ ᱟᱨ ᱥᱤᱱᱤᱭᱚᱨ ᱮᱰᱵᱷᱳᱠᱮᱴ ᱢᱨᱩᱱᱟᱞᱤᱱᱤ ᱫᱮᱥᱢᱩᱠᱷ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾ ᱮᱠᱴᱤᱵᱷᱤᱥᱴ ᱪᱟᱸᱫᱽᱱᱤ ᱰᱤ ᱟᱨ ᱥᱣᱟᱨᱟᱱᱞᱟᱛᱷᱟ ᱡᱮ ᱦᱚᱸ ᱥᱤᱨᱯᱷᱟᱹ ᱠᱤᱱ ᱧᱟᱢ ᱠᱮᱫᱟ᱾ ᱱᱚᱣᱟ ᱤᱵᱷᱮᱱᱴ ᱞᱟᱹᱜᱤᱫ ᱦᱳᱥᱴ ᱠᱚ ᱛᱟᱞᱟ ᱨᱮ ᱨᱳᱦᱤᱛ ᱨᱳᱭ, ᱡᱟᱭᱮᱫ ᱠᱷᱟᱱ, ᱢᱟᱫᱷᱩ ᱟᱨ ᱛᱟᱦᱮᱨ ᱥᱟᱵᱤᱨ ᱥᱮᱞᱮᱫ ᱠᱚ ᱛᱟᱦᱮᱸ ᱠᱟᱱᱟ᱾
ᱚᱠᱴᱳᱵᱚᱨ ᱒᱐᱒᱔ ᱨᱮ, ᱜᱩᱯᱛᱟ ᱫᱚ ᱮᱰᱩᱠᱮᱥᱚᱱ ᱛᱟᱞᱟ ᱛᱮ ᱵᱚᱫᱚᱞ ᱪᱮᱢᱯᱤᱭᱟᱱ ᱟᱨ ᱯᱟᱹᱴᱷᱩᱣᱟᱹ ᱠᱚ ᱟᱭᱵᱷᱤ ᱞᱤᱜ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶᱛᱮ ᱫᱷᱟᱹᱨᱛᱤ ᱨᱮᱱᱟᱜ ᱵᱮᱥᱴ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱵᱷᱤᱛᱨᱤ ᱥᱮᱞᱮᱫᱚᱜ ᱨᱮ ᱜᱚᱲᱚ ᱮᱢ ᱞᱟᱹᱜᱤᱫ ᱯᱷᱮᱢᱤᱱᱟ (ᱵᱷᱟᱨᱚᱛ) ᱨᱮᱱᱟᱜ ᱠᱳᱵᱷᱟᱨ ᱨᱮ ᱯᱷᱤᱪᱟᱨ ᱦᱩᱭ ᱞᱮᱱᱟ᱾
ᱯᱷᱮᱵᱽᱨᱩᱣᱟᱨᱤ ᱒᱐᱒᱕ ᱨᱮ, ᱜᱩᱯᱛᱟ ᱫᱚ IE ᱡᱮᱜᱮᱛ ᱵᱤᱨᱫᱟᱹᱜᱟᱲ ᱥᱟᱶ ᱢᱮᱥᱟ ᱠᱟᱛᱮ ᱵᱚᱫᱚᱞ ᱯᱨᱳᱜᱽᱨᱟᱢ ᱟᱨ ᱨᱤᱥᱟᱨᱪ ᱨᱮ ᱜᱚᱲᱚ ᱞᱟᱹᱜᱤᱫ IIT ᱵᱳᱢᱵᱮ ᱥᱟᱶ ᱢᱤᱫ MOU ᱨᱮ ᱥᱟᱭᱤᱱ ᱠᱮᱫᱟ᱾