ᱠᱚᱱᱠᱟᱤ ᱜᱟᱰᱟ
ᱠᱚᱱᱠᱟᱤ ᱜᱟᱰᱟ (Kankai River) ᱱᱮᱯᱟᱞ ᱨᱮᱱᱟᱜ ᱢᱮᱪᱤ ᱚᱱᱪᱚᱞ ᱨᱮᱱᱟᱜ ᱡᱚᱛᱚᱠᱷᱚᱱ ᱢᱟᱲᱟᱝ ᱜᱟᱰᱟ ᱠᱟᱱᱟ ᱾ ᱱᱩᱶᱟ ᱜᱟᱰᱟ ᱤᱞᱟᱢ ᱨᱮᱱᱟᱜ ᱯᱩᱱᱭᱟᱹ ᱡᱳᱜᱢᱟᱤ ᱜᱟᱰᱟ, ᱢᱟᱤ ᱜᱟᱰᱟ, ᱯᱩᱣᱟᱢᱟᱤ ᱜᱟᱰᱟ ᱟᱨ ᱫᱮᱩᱢᱟᱤ ᱜᱟᱰᱟ ᱡᱩᱰᱟᱣ ᱠᱟᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱩᱶᱟ ᱜᱟᱰᱟ ᱢᱟᱦᱟᱵᱷᱟᱨᱚᱛ ᱯᱚᱨᱵᱚᱛ ᱥᱨᱤᱸᱠᱷᱚᱞᱚᱟ ᱠᱷᱚᱱ ᱮᱛᱚᱦᱚᱵ ᱠᱟᱛᱮ ᱡᱷᱟᱯᱟ ᱡᱤᱞᱞᱟ ᱨᱮᱱᱟᱜ ᱫᱳᱢᱩᱠᱷᱟ ᱪᱷᱮᱛᱨᱚ ᱠᱷᱚᱱ ᱵᱚᱞᱚ ᱠᱟᱛᱮ ᱠᱳᱥᱤ ᱜᱟᱰᱟ ᱨᱮ ᱢᱤᱞᱟᱣ ᱠᱟᱛᱮ ᱵᱚᱝᱜᱟᱞ ᱨᱮᱱᱟᱜ ᱠᱷᱟᱰᱤ ᱨᱮ ᱢᱤᱥᱟᱞᱚᱜᱼᱟ ᱾ ᱢᱚᱦᱮᱱᱫᱨᱚ ᱨᱟᱡᱽᱢᱟᱨᱜᱚ ᱰᱟᱦᱟᱨ ᱨᱮ ᱢᱮᱱᱟᱜ ᱠᱚᱱᱠᱟᱤ ᱜᱟᱰᱟ ᱨᱮ ᱵᱮᱱᱟᱣ ᱟᱠᱟᱱ ᱗᱐᱓ ᱢᱤᱴᱚᱨ ᱯᱩᱞ (Bridge) ᱱᱮᱯᱟᱞ ᱨᱮᱱᱟᱜ ᱫᱩᱥᱟᱨ ᱡᱤᱞᱤᱧ ᱯᱩᱞ (Bridge) ᱠᱟᱱᱟ ᱾ ᱢᱟᱜᱷᱚ ᱢᱟᱹᱦᱤᱱᱟᱹ ᱨᱮ ᱱᱩᱣᱟ ᱯᱩᱞ ᱥᱩᱨ ᱨᱮ ᱢᱮᱱᱟᱜ ᱢᱚᱱᱫᱤᱨ ᱨᱮ ᱢᱮᱞᱟ ᱦᱩᱭᱩᱜᱼᱟ ᱡᱟᱦᱟ ᱫᱚ ᱢᱟᱤ ᱢᱮᱞᱟ ᱠᱚ ᱢᱮᱛᱟᱜᱼᱟ ᱾ ᱱᱩᱣᱟ ᱜᱟᱰᱟ ᱫᱚ ᱯᱚᱵᱤᱛᱨᱚ ᱜᱟᱰᱟ ᱢᱮᱛᱱᱮ ᱵᱚᱸᱜᱟ ᱵᱩᱨᱩ ᱦᱩᱭᱩᱜ ᱠᱟᱱᱟ ᱾ ᱱᱚᱣᱟ ᱜᱟᱰᱟ ᱠᱷᱚᱱ ᱱᱚᱦᱚᱨ ᱩᱰᱩᱝ ᱠᱟᱛᱮ ᱡᱷᱟᱯᱟ ᱨᱮᱱᱟᱜ ᱠᱤᱪᱷᱩ ᱡᱟᱭᱜᱟ ᱨᱮ ᱪᱟᱥᱟ ᱠᱟᱹᱢᱤ ᱞᱟᱹᱜᱤᱫ ᱫᱟᱜᱽ ᱠᱚ ᱤᱫᱤ ᱮᱫᱟ ᱾