ᱠᱟᱝᱜᱽᱲᱤ ᱯᱟᱹᱨᱥᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱠᱟᱝᱜᱽᱲᱤ
𑚊𑚭𑚫𑚌𑚪𑚯, कांगड़ी
Kangr.png
ᱴᱟᱠᱨᱤ ᱛᱮ ᱠᱟᱝᱜᱽᱲᱤ ᱚᱞ
ᱡᱟᱱᱟᱢ ᱴᱷᱟᱶ ᱥᱤᱧᱚᱛ
ᱮᱞᱟᱠᱟ ᱦᱤᱢᱟᱪᱚᱞ ᱯᱨᱚᱫᱮᱥ, ᱯᱟᱧᱡᱟᱵᱽ
ᱡᱟᱱᱟᱢ ᱯᱟᱹᱨᱥᱤ ᱞᱮᱠᱟ
᱑᱗ ᱞᱟᱠᱷ (᱑᱙᱙᱖)
ᱚᱞ ᱛᱚᱦᱚᱨ
ᱴᱟᱠᱨᱤ,
ᱫᱮᱵᱽᱱᱟᱜᱽᱨᱤ
ᱯᱟᱹᱨᱥᱤ ᱠᱳᱰ
ISO 639-3 xnr
ᱜᱽᱞᱚᱴᱴᱚᱞᱚᱜᱽ kang1280[᱑]

ᱠᱟᱝᱜᱽᱲᱤ (ᱴᱟᱠᱨᱤ: 𑚊𑚭𑚫𑚌𑚪𑚯) ᱫᱚ ᱢᱤᱫ ᱤᱱᱫᱳᱼᱟᱨᱡᱚ ᱯᱟᱹᱨᱥᱤ ᱠᱟᱱᱟ, ᱡᱟᱦᱟᱸ ᱫᱚ ᱠᱚᱸᱭᱮ ᱥᱤᱧᱚᱛ ᱨᱮᱠᱚ ᱨᱚᱲᱼᱟ, ᱢᱩᱬᱩᱛ ᱫᱚ ᱦᱤᱢᱟᱪᱚᱞ ᱯᱨᱚᱫᱮᱥ ᱨᱮᱭᱟᱜ ᱠᱟᱝᱜᱽᱲᱟ, ᱢᱟᱢᱤᱨᱯᱩᱨ ᱟᱨ ᱩᱱᱟ ᱦᱚᱱᱚᱛ ᱟᱨ ᱯᱟᱧᱡᱟᱵᱽ ᱨᱮᱭᱟᱜ ᱜᱩᱨᱫᱟᱥᱯᱩᱨ ᱟᱨ ᱦᱚᱥᱤᱭᱟᱨᱯᱩᱨ ᱦᱚᱱᱚᱛ ᱠᱚᱨᱮ ᱾ ᱯᱟᱠᱤᱥᱛᱟᱱ ᱨᱮᱭᱟᱜ ᱯᱟᱧᱡᱟᱵᱽ ᱨᱮᱦᱚᱸ ᱟᱫᱚᱢ ᱦᱚᱲ ᱱᱚᱣᱟ ᱯᱟᱹᱨᱥᱤ ᱠᱚ ᱨᱚᱲᱼᱟ ᱾ ᱱᱚᱣᱟ ᱯᱟᱹᱨᱥᱤ ᱫᱚ ᱠᱟᱝᱜᱽᱲᱟ ᱵᱮᱰᱟ ᱨᱮᱱ ᱦᱚᱲ ᱠᱚ ᱥᱟᱶ ᱡᱚᱯᱲᱟᱣ ᱢᱮᱱᱟᱜᱼᱟ ᱾ ᱑᱙᱙᱖ ᱨᱮᱭᱟᱜ ᱦᱤᱥᱟᱹᱵᱽ ᱞᱮᱠᱟᱛᱮ ᱜᱩᱴ ᱑᱗ ᱞᱟᱠᱷ ᱜᱟᱱ ᱦᱚᱲ ᱱᱚᱣᱟ ᱯᱟᱹᱨᱥᱤ ᱛᱮᱠᱚ ᱨᱚᱲᱼᱮᱫ ᱠᱟᱱᱟ ᱾ ᱒᱐᱑᱑ ᱨᱮᱭᱟᱜ ᱦᱚᱲᱞᱮᱠᱷᱟ ᱨᱮ ᱟᱭᱚ ᱟᱲᱟᱝ ᱞᱮᱠᱟᱛᱮ ᱠᱟᱝᱜᱽᱲᱤ ᱠᱚ ᱚᱞ ᱟᱠᱟᱫ ᱦᱚᱲ ᱠᱚᱣᱟᱜ ᱮᱞᱠᱷᱟ ᱫᱚ ᱑᱑.᱗ ᱞᱟᱠᱷ ᱾[᱒]

ᱠᱟᱝᱜᱽᱲᱤ ᱯᱟᱹᱨᱥᱤ ᱢᱮ ᱒᱐᱒᱑ ᱠᱷᱚᱱ ᱱᱤᱛᱟᱜ ᱭᱩ.ᱰᱤ ᱯᱟᱹᱨᱥᱤᱠᱚ ᱨᱮᱭᱟᱜ ᱰᱮᱴᱟᱵᱮᱥ ᱨᱮ ᱢᱮᱱᱟᱜᱼᱟ ᱾ ᱠᱷᱟᱹᱞᱤ ᱜᱮᱞ ᱜᱚᱴᱟᱱ ᱥᱤᱧᱚᱛᱤᱭᱟᱹ ᱯᱟᱹᱨᱥᱤ ᱜᱮ ᱱᱚᱣᱟ ᱰᱮᱴᱟᱵᱮᱥ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱟᱨ ᱠᱟᱝᱜᱽᱲᱤ ᱚᱱᱟ ᱠᱚ ᱢᱩᱸᱫᱽ ᱨᱮ ᱢᱤᱫ ᱴᱟᱝ ᱯᱟᱹᱨᱥᱤ ᱠᱟᱱᱟ ᱾ ᱜᱩᱜᱚᱞ ᱱᱤᱛ ᱟᱡᱟᱜ ᱡᱤᱵᱳᱨᱰ ᱨᱮ ᱠᱟᱝᱜᱽᱲᱤ ᱚᱞ ᱞᱟᱹᱜᱤᱫ ᱠᱟᱝᱜᱽᱲᱤ ᱡᱤᱵᱳᱨᱰ ᱨᱮ ᱥᱚᱫᱚᱨ ᱟᱠᱟᱫᱟ ᱾

ᱚᱞ ᱛᱚᱦᱚᱨ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱝᱜᱽᱲᱤ ᱯᱟᱹᱨᱥᱤ ᱨᱮᱭᱟᱜ ᱟᱹᱫᱤᱢ ᱪᱤᱠᱤ ᱫᱚ ᱴᱟᱠᱨᱤ ᱪᱤᱠᱤ ᱠᱟᱱᱟ, ᱛᱚᱵᱮ ᱱᱤᱛ ᱦᱚᱲ ᱠᱚ ᱠᱟᱝᱜᱽᱲᱤ ᱚᱞ ᱞᱟᱹᱜᱤᱫ ᱫᱮᱵᱽᱱᱟᱜᱽᱨᱤ ᱠᱚ ᱵᱮᱵᱷᱟᱨᱮᱫ ᱠᱟᱱᱟ ᱾

ᱠᱟᱝᱜᱽᱲᱤ ᱯᱟᱹᱨᱥᱤ ᱨᱮᱭᱟᱜ ᱫᱟᱹᱭᱠᱟᱹ

ᱦᱟᱞᱚᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱱᱚᱣᱟ ᱯᱟᱹᱨᱥᱤ ᱫᱚ ᱱᱮᱼᱦᱚᱲ ᱯᱟᱦᱟᱲᱤ ᱟᱨᱵᱟᱝ ᱦᱤᱢᱟᱪᱚᱞᱤ ᱠᱚ ᱢᱮᱛᱟᱜᱼᱟ ᱾ ᱡᱟᱹᱛᱤ ᱜᱟᱫᱮᱞ ᱥᱮᱪᱮᱫ, ᱥᱟᱬᱮᱥ ᱟᱨ ᱞᱟᱠᱪᱟᱨ ᱜᱟᱶᱛᱟ (ᱭᱩᱱᱮᱥᱠᱳ) ᱞᱮᱠᱟᱛᱮ ᱱᱚᱣᱟ ᱯᱟᱹᱨᱥᱤ ᱫᱚ ᱮᱠᱟᱞ ᱜᱮ ᱟᱫᱚᱜ (definitely endangered) ᱛᱷᱚᱠ ᱨᱮ ᱢᱮᱱᱟᱜᱼᱟ, ᱢᱮᱱᱫᱚ ᱟᱭᱢᱟ ᱠᱟᱝᱜᱽᱲᱤ ᱜᱤᱫᱽᱨᱟᱹ ᱜᱮ ᱟᱨ ᱟᱭᱚ ᱟᱲᱟᱝ ᱞᱮᱠᱟᱛᱮ ᱠᱟᱝᱜᱽᱲᱤ ᱵᱟᱝᱠᱚ ᱥᱮᱬᱟᱭᱮᱫ ᱠᱟᱱᱟ ᱾

ᱵᱟᱦᱨᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱟ.ᱠᱷᱭᱟ.ᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. Hammarström, Harald; Forkel, Robert; Haspelmath, Martin, eds. (2017). "Kangri". Glottolog 3.0. Jena, Germany: Max Planck Institute for the Science of Human History. 
  2. "2011 Census tables: C-16, population by mother tongue". Census of India Website. Retrieved 4 ᱱᱚᱵᱷᱮᱢᱵᱚᱨ 2018.  The precise figure is 1,117,342