ᱠᱟᱞᱪᱟᱨ ᱦᱮᱨᱤᱴᱮᱡᱽ ᱢᱮᱱᱮᱡᱽᱢᱮᱱᱴ

᱒᱐᱐᱒ ᱥᱮᱨᱢᱟ ᱨᱮ ᱣᱮᱞᱥ ᱨᱮᱱᱟᱜ ᱱᱤᱣᱯᱳᱨᱴ ᱨᱮ ᱧᱟᱢ ᱟᱠᱟᱱ ᱱᱤᱣᱯᱳᱨᱴ ᱡᱟᱹᱦᱟᱹᱡᱽ

ᱞᱟᱠᱪᱟᱨ ᱦᱮᱨᱤᱴᱮᱡᱽ ᱢᱮᱱᱮᱡᱽᱢᱮᱱᱴ (CHM) ᱫᱚ ᱦᱩᱭᱩᱜ ᱠᱟᱱᱟ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱡᱚᱜᱟᱣ ᱡᱚᱛᱚᱱ ᱟᱨ ᱥᱟᱢᱵᱽᱲᱟᱣ ᱨᱮᱱᱟᱜ ᱢᱤᱫ ᱠᱟᱹᱢᱤ ᱦᱚᱨᱟ ᱾ ᱱᱚᱣᱟ ᱫᱚ ᱞᱟᱠᱪᱟᱨ ᱨᱤᱥᱳᱨᱥ ᱢᱮᱱᱮᱡᱽᱢᱮᱱᱴ (CRM) ᱨᱮᱱᱟᱜ ᱢᱤᱫ ᱦᱟᱹᱴᱤᱧ ᱠᱟᱱᱟ, ᱡᱟᱦᱟᱸ ᱫᱚ ᱞᱟᱠᱪᱟᱨ ᱡᱚᱜᱟᱣ, ᱫᱚᱦᱚᱲᱟ ᱛᱷᱟᱯᱚᱱ, ᱢᱤᱣᱡᱤᱭᱚᱞᱚᱡᱤ, ᱟᱨᱠᱭᱚᱞᱚᱡᱤ, ᱱᱟᱜᱟᱢ ᱟᱨ ᱟᱨᱠᱤᱴᱮᱠᱪᱟᱨ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ ᱾ ᱤᱣᱨᱳᱯ ᱨᱮ "ᱞᱟᱠᱪᱟᱨ ᱦᱮᱨᱤᱴᱮᱡᱽ" ᱟᱹᱲᱟᱹ ᱡᱟᱹᱥᱛᱤ ᱵᱮᱵᱷᱟᱨᱚᱜ ᱠᱟᱱ ᱨᱮᱦᱚᱸ, ᱟᱢᱮᱨᱤᱠᱟ ᱨᱮᱫᱚ "ᱞᱟᱠᱪᱟᱨ ᱨᱤᱥᱳᱨᱥ" ᱟᱹᱲᱟᱹ ᱜᱮ ᱡᱟᱹᱥᱛᱤ ᱠᱚ ᱵᱮᱵᱷᱟᱨᱟ ᱾

ᱞᱟᱠᱪᱟᱨ ᱦᱮᱨᱤᱴᱮᱡᱽ ᱢᱮᱱᱮᱡᱽᱢᱮᱱᱴ ᱫᱚ ᱢᱩᱬ ᱠᱟᱭᱛᱮ ᱞᱟᱠᱪᱟᱨ ᱴᱷᱟᱶ ᱠᱚ ᱪᱤᱱᱦᱟᱹᱣᱟ, ᱚᱱᱟ ᱨᱮᱱᱟᱜ ᱵᱮᱠᱷᱭᱟ, ᱡᱚᱜᱟᱣ ᱡᱚᱛᱚᱱ ᱟᱨ ᱦᱮᱨᱤᱴᱮᱡᱽ ᱥᱚᱢᱯᱚᱛᱤ ᱠᱚ ᱵᱟᱧᱪᱟᱣ ᱫᱚᱦᱚ ᱨᱮᱱᱟᱜ ᱠᱟᱹᱢᱤ ᱠᱟᱱᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ ᱵᱟᱝᱼᱧᱮᱞᱚᱜ ᱞᱟᱠᱪᱟᱨ ᱡᱮᱞᱮᱠᱟ: ᱟᱹᱨᱤᱪᱟᱹᱞᱤ ᱦᱩᱱᱟᱹᱨ, ᱞᱟᱠᱪᱟᱨ ᱟᱨ ᱯᱟᱹᱨᱥᱤ ᱠᱚ ᱦᱚᱸ ᱱᱚᱣᱟ ᱨᱮ ᱥᱮᱞᱮᱫ ᱢᱮᱱᱟᱜᱼᱟ ᱾ ᱡᱚᱠᱷᱚᱱ ᱱᱟᱜᱟᱢᱤᱭᱟᱹ ᱴᱷᱟᱶ ᱠᱚ ᱪᱮᱛᱟᱱ ᱨᱮ ᱵᱟᱹᱲᱤᱡ ᱚᱨᱥᱚᱝ ᱦᱤᱡᱩᱜ ᱨᱮᱱᱟᱜ ᱵᱚᱛᱚᱨ ᱛᱟᱦᱮᱸᱱᱟ, ᱩᱱ ᱡᱚᱠᱷᱚᱡ ᱱᱚᱣᱟ ᱠᱟᱹᱢᱤ ᱨᱮ ᱡᱟᱹᱥᱛᱤ ᱫᱷᱮᱭᱟᱱ ᱮᱢ ᱦᱩᱭᱩᱜᱼᱟ ᱾

ᱩᱛᱱᱟᱹᱣ

CHM ᱨᱮᱱᱟᱜ ᱥᱤᱨᱡᱚᱱ ᱫᱚ ᱫᱚᱥᱟᱨ ᱡᱮᱜᱮᱛ ᱞᱟᱹᱲᱦᱟᱹᱭ ᱛᱟᱭᱚᱢ ᱠᱚᱸᱧᱮ ᱟᱢᱮᱨᱤᱠᱟ ᱟᱨ ᱤᱣᱨᱳᱯ ᱨᱮ ᱦᱩᱭ ᱟᱠᱟᱱ ᱨᱮᱥᱠᱭᱩ ᱟᱨᱠᱭᱚᱞᱚᱡᱤ ᱠᱷᱚᱱ ᱮᱛᱚᱦᱚᱵ ᱟᱠᱟᱱᱟ ᱾ ᱥᱮᱫᱟᱭ ᱫᱚ ᱢᱟᱨᱟᱝ ᱥᱚᱲᱚᱠ ᱥᱮ ᱵᱤᱞᱰᱤᱝ ᱵᱮᱱᱟᱣ ᱚᱠᱛᱚ ᱨᱮ ᱧᱟᱢᱚᱜ ᱠᱟᱱ ᱢᱟᱨᱮ ᱡᱤᱱᱤᱥ ᱠᱚ ᱞᱚᱜᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱱᱚᱣᱟ ᱠᱟᱹᱢᱤ ᱦᱩᱭᱩᱜ ᱠᱟᱱ ᱛᱟᱦᱮᱸᱫ ᱾

ᱱᱟᱦᱟᱜ ᱚᱠᱛᱚ ᱨᱮ ᱟᱭᱢᱟ ᱫᱤᱥᱚᱢ ᱨᱮ ᱱᱚᱣᱟ ᱞᱟᱹᱜᱤᱫ ᱠᱮᱴᱮᱡ ᱟᱹᱭᱤᱱ ᱵᱮᱱᱟᱣ ᱟᱠᱟᱱᱟ ᱾ ᱟᱢᱮᱨᱤᱠᱟ ᱨᱮ ᱡᱟᱹᱛᱤᱭᱟᱹᱨᱤ ᱱᱟᱜᱟᱢᱟᱱᱟᱜ ᱨᱩᱠᱤᱭᱟᱹ ᱟᱹᱱ ᱟᱨ ᱤᱣᱱᱟᱭᱴᱮᱰ ᱠᱤᱝᱰᱚᱢ ᱨᱮ ᱯᱤᱯᱤᱡᱤ ᱑᱖ (PPG 16) ᱱᱚᱣᱟ ᱠᱟᱹᱢᱤ ᱨᱮ ᱜᱚᱲᱚ ᱮᱢᱚᱜ ᱠᱟᱱᱟ ᱾ ᱱᱚᱣᱟ ᱟᱹᱭᱤᱱ ᱞᱮᱠᱟᱛᱮ, ᱥᱚᱨᱠᱟᱨᱤ ᱦᱟᱥᱟ ᱨᱮ ᱡᱟᱦᱟᱸᱱᱟᱜ ᱵᱮᱱᱟᱣ ᱢᱟᱬᱟᱝ ᱨᱮ ᱚᱸᱰᱮ ᱞᱟᱠᱪᱟᱨ ᱨᱤᱥᱳᱨᱥ ᱥᱟᱨᱵᱷᱮ ᱠᱚᱨᱟᱣ ᱞᱟᱹᱠᱛᱤᱭᱟᱱ ᱠᱟᱱᱟ ᱾

ᱱᱚᱣᱟ ᱥᱟᱛᱟᱢ ᱫᱚ ᱥᱩᱢᱩᱝ ᱢᱟᱨᱮ ᱡᱤᱱᱤᱥ ᱡᱚᱜᱟᱣ ᱠᱷᱚᱱ ᱩᱛᱱᱟᱹᱣ ᱠᱟᱛᱮ ᱱᱤᱛᱚᱜ ᱴᱚᱴᱷᱟᱠᱤᱭᱟᱹ ᱜᱟᱫᱮᱞ ᱟᱨ ᱩᱱᱠᱩᱣᱟᱜ ᱞᱟᱠᱪᱟᱨ ᱥᱟᱶ ᱡᱚᱯᱚᱲᱟᱣ ᱟᱠᱟᱱᱟ ᱾ ᱱᱟᱦᱟᱜ ᱩᱭᱦᱟᱹᱨ ᱞᱮᱠᱟᱛᱮ, ᱞᱟᱠᱪᱟᱨ ᱦᱮᱨᱤᱴᱮᱡᱽ ᱫᱚ ᱦᱚᱲ ᱠᱚᱣᱟᱜ ᱠᱟᱱᱟ, ᱚᱱᱟᱛᱮ ᱱᱚᱣᱟ ᱨᱮ ᱡᱚᱛᱚ ᱦᱚᱲᱟᱜ ᱟᱹᱭᱫᱟᱹᱨᱤ ᱛᱟᱦᱮᱸᱱ ᱞᱟᱹᱠᱛᱤ ᱾ ᱟᱭᱢᱟ ᱫᱤᱥᱚᱢ ᱨᱮᱱᱟᱜ ᱟᱹᱭᱤᱱ ᱫᱚ ᱭᱩᱱᱮᱥᱠᱚ ᱟᱜ ᱟᱹᱨᱤ ᱞᱮᱠᱟᱛᱮ ᱵᱮᱱᱟᱣ ᱟᱠᱟᱱᱟ, ᱡᱮᱞᱮᱠᱟ ᱑᱙᱗᱒ ᱡᱮᱜᱮᱛ ᱦᱮᱨᱤᱴᱮᱡᱽ ᱠᱚᱱᱵᱷᱮᱱᱥᱚᱱ ᱾

ᱥᱮᱞᱮᱫ ᱟᱨ ᱱᱟᱣᱟ ᱠᱚᱱᱴᱮᱠᱥᱪᱩᱣᱟᱞᱤᱥᱴ ᱰᱟᱦᱟᱨ

ᱞᱟᱠᱪᱟᱨ ᱦᱮᱨᱤᱴᱮᱡᱽ ᱢᱮᱱᱮᱡᱽᱢᱮᱱᱴ (CHM) ᱨᱮᱱᱟᱜ ᱱᱟᱦᱟᱜ ᱵᱚᱫᱚᱞ ᱫᱚ "ᱢᱟᱱᱚᱛᱼᱟᱫᱷᱟᱨᱤᱛ" ᱢᱮᱱᱮᱡᱽᱢᱮᱱᱴ ᱥᱮᱫ ᱥᱮᱱᱚᱜ ᱠᱟᱱᱟ ᱾ ᱱᱚᱣᱟ ᱫᱚ ᱥᱤᱠᱟᱹᱨᱟᱭ ᱡᱮ ᱦᱮᱨᱤᱴᱮᱡᱽ ᱨᱮᱱᱟᱜ ᱜᱚᱱᱚᱝ ᱫᱚ ᱥᱩᱢᱩᱝ ᱚᱱᱟ ᱡᱤᱱᱤᱥ ᱨᱮ ᱫᱚ ᱵᱟᱝ, ᱵᱚᱨᱚᱢ ᱥᱚᱢᱟᱡᱽ ᱦᱚᱛᱮᱛᱮ ᱵᱮᱱᱟᱣ ᱟᱠᱟᱱᱟ ᱾ ᱱᱚᱣᱟ ᱨᱮᱱᱟᱜ ᱢᱤᱫ ᱱᱟᱣᱟ ᱩᱛᱱᱟᱹᱣ ᱫᱚ ᱦᱩᱭᱩᱜ ᱠᱟᱱᱟ "ᱱᱟᱣᱟ ᱠᱚᱱᱴᱮᱠᱥᱪᱩᱣᱟᱞᱤᱥᱴ" ᱰᱷᱟᱸᱪᱟ, ᱡᱟᱦᱟᱸ ᱫᱚ ᱦᱮᱨᱤᱴᱮᱡᱽ ᱴᱷᱟᱶ ᱠᱚ "ᱢᱤᱣᱡᱤᱭᱚᱢᱤᱯᱷᱤᱠᱮᱥᱚᱱ" ᱠᱚᱨᱟᱣ ᱮ ᱵᱤᱨᱩᱫᱽ ᱮᱫᱼᱟ ᱾ ᱢᱤᱣᱡᱤᱭᱚᱢᱤᱯᱷᱤᱠᱮᱥᱚᱱ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱱᱟᱜᱟᱢᱤᱭᱟᱹ ᱴᱷᱟᱶ ᱠᱚ ᱥᱩᱢᱩᱝ ᱢᱤᱫ ᱛᱷᱟᱹᱣᱠᱟᱹ ᱢᱟᱨᱮ ᱡᱤᱱᱤᱥ ᱞᱮᱠᱟ ᱧᱮᱞ, ᱡᱟᱦᱟᱸ ᱫᱚ ᱱᱟᱦᱟᱜ ᱡᱤᱭᱚᱱ ᱟᱨ ᱫᱷᱚᱨᱚᱢ ᱞᱟᱠᱪᱟᱨ ᱠᱷᱚᱱ ᱵᱷᱮᱜᱟᱨ ᱜᱮ ᱛᱟᱦᱮᱸᱱᱟ ᱾

ᱱᱟᱣᱟ ᱠᱚᱱᱴᱮᱠᱥᱪᱩᱣᱟᱞᱤᱥᱴ ᱰᱟᱦᱟᱨ ᱫᱚ ᱥᱚᱢᱟᱡᱽ, ᱠᱟᱹᱣᱰᱤᱼᱟᱹᱨᱤ, ᱥᱟᱶᱛᱟ ᱟᱨ ᱵᱟᱝᱼᱧᱮᱞᱚᱜ ᱫᱷᱚᱨᱚᱢ ᱞᱟᱠᱪᱟᱨ ᱠᱚ ᱢᱮᱥᱟ ᱠᱟᱛᱮ ᱥᱟᱢᱵᱽᱲᱟᱣ ᱨᱮᱱᱟᱜ ᱮ ᱞᱟᱹᱭᱟ ᱾ ᱱᱚᱣᱟ ᱰᱷᱟᱸᱪᱟ ᱫᱚ ᱦᱮᱨᱤᱴᱮᱡᱽ ᱫᱚ ᱢᱤᱫ ᱡᱤᱭᱟᱹᱛ ᱞᱮᱱᱰᱥᱠᱮᱯ ᱞᱮᱠᱟᱛᱮ ᱧᱮᱞ ᱨᱮᱱᱟᱜ ᱮ ᱞᱟᱹᱭᱟ ᱾ ᱱᱚᱣᱟ ᱢᱚᱰᱮᱞ ᱨᱮ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚᱣᱟᱜ ᱥᱮᱞᱮᱫ ᱟᱨ ᱟᱹᱨᱤᱪᱟᱹᱞᱤ ᱠᱚ ᱡᱚᱜᱟᱣ ᱫᱚᱦᱚ ᱨᱮᱱᱟᱜ ᱠᱟᱛᱷᱟ ᱢᱮᱱᱟᱜᱼᱟ, ᱡᱮᱞᱮᱠᱟ ᱥᱳᱢᱯᱩᱨᱟ ᱢᱚᱦᱟᱵᱤᱦᱟᱨ ᱞᱮᱠᱟᱱ ᱴᱷᱟᱶ ᱠᱚ ᱱᱟᱦᱟᱜ ᱚᱠᱛᱚ ᱨᱮᱦᱚᱸ ᱞᱟᱹᱠᱛᱤᱭᱟᱱ ᱵᱮᱱᱟᱣ ᱫᱚᱦᱚ ᱾

ᱞᱟᱠᱪᱟᱨ ᱦᱮᱨᱤᱴᱮᱡᱽ ᱢᱟᱱᱚᱛ

ᱟᱨᱠᱤᱭᱳᱞᱳᱡᱤᱠᱟᱞ ᱴᱷᱟᱶ ᱠᱚ ᱢᱩᱬᱩᱛ ᱛᱟᱦᱮᱸᱱ ᱨᱮᱦᱚᱸ, ᱟᱭᱢᱟ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱢᱮᱱᱮᱡᱽᱢᱮᱱᱴ (CHM) ᱯᱨᱚᱯᱷᱮᱥᱚᱱᱟᱞ ᱠᱚ ᱱᱟᱜᱟᱢᱤᱭᱟᱹ ᱨᱮᱠᱚᱨᱰ ᱟᱨ ᱮᱛᱷᱱᱳᱦᱤᱥᱴᱳᱨᱤ ᱯᱨᱳᱡᱮᱠᱴ ᱠᱚ ᱪᱮᱛᱟᱱ ᱨᱮ ᱠᱷᱚᱸᱫᱽᱨᱚᱸᱫᱽ ᱮᱫᱼᱟ ᱾ ᱢᱤᱫ ᱱᱟᱣᱟ ᱫᱷᱟᱨᱬᱟ ᱫᱚ ᱦᱩᱭᱩᱜ ᱠᱟᱱᱟ "ᱟᱹᱨᱤᱪᱟᱹᱞᱤ ᱞᱟᱠᱪᱟᱨ ᱥᱚᱢᱯᱚᱛᱤ" (TCP) ᱾ ᱱᱚᱣᱟ ᱠᱚᱫᱚ ᱚᱱᱠᱟᱱ ᱴᱷᱟᱶ ᱠᱟᱱᱟ ᱡᱟᱦᱟᱸ ᱨᱮᱱᱟᱜ ᱞᱟᱠᱪᱟᱨ ᱞᱟᱹᱠᱛᱤ ᱢᱮᱱᱟᱜᱼᱟ, ᱨᱮᱦᱚᱸ ᱚᱸᱰᱮ ᱦᱩᱭ ᱫᱟᱲᱮᱭᱟᱜᱼᱟ ᱡᱟᱦᱟᱸᱱ ᱢᱟᱨᱮ ᱨᱟᱹᱯᱩᱫ ᱥᱟᱨᱮᱡ ᱵᱟᱹᱱᱩᱜᱼᱟ ᱾ ᱡᱮᱞᱮᱠᱟ, ᱟᱹᱫᱤᱵᱟᱹᱥᱤ ᱠᱚᱣᱟᱜ ᱫᱷᱚᱨᱚᱢ ᱴᱷᱟᱶ ᱡᱟᱦᱟᱸ ᱨᱮ ᱡᱟᱦᱟᱸᱱ ᱢᱟᱨᱮ ᱫᱚᱞᱟᱱ ᱵᱟᱹᱱᱩᱜᱼᱟ, ᱢᱮᱱᱠᱷᱟᱱ ᱚᱱᱟ ᱴᱷᱟᱶ ᱫᱚ ᱩᱱᱠᱩ ᱞᱟᱹᱜᱤᱫ ᱟᱹᱰᱤ ᱜᱚᱱᱚᱝᱟᱱᱟ ᱾

ᱢᱤᱫ ᱦᱮᱨᱤᱴᱮᱡᱽ ᱴᱷᱟᱶ ᱨᱮᱱᱟᱜ ᱢᱟᱱᱚᱛ ᱠᱚᱨᱟᱣ ᱚᱠᱛᱚ ᱨᱮ ᱚᱱᱟ ᱴᱷᱟᱶ ᱵᱟᱵᱚᱛ ᱚᱞ ᱟᱠᱟᱱ ᱠᱟᱛᱷᱟ ᱠᱚ ᱯᱟᱲᱦᱟᱣ, ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚ ᱥᱟᱶ ᱠᱩᱞᱤᱼᱨᱚᱯᱚᱲ, ᱟᱨ ᱚᱱᱟ ᱡᱟᱭᱜᱟ ᱨᱮᱱᱟᱜ ᱥᱟᱨᱵᱷᱮ ᱠᱚᱨᱟᱣ ᱦᱩᱭᱩᱜᱼᱟ ᱾ ᱠᱚᱸᱧᱮ ᱟᱢᱮᱨᱤᱠᱟ ᱨᱮ, ᱱᱚᱣᱟ ᱞᱟᱹᱜᱤᱫ ᱦᱟᱥᱟ ᱞᱟ ᱠᱟᱛᱮ ᱚᱱᱟ ᱦᱟᱥᱟ ᱪᱟᱞᱟᱱᱤ ᱛᱮ ᱪᱟᱞᱟᱣ ᱠᱟᱛᱮ ᱢᱟᱨᱮ ᱡᱤᱱᱤᱥ ᱠᱚ ᱯᱟᱸᱡᱟ ᱦᱩᱭᱩᱜᱼᱟ ᱾ ᱡᱩᱫᱤ ᱡᱟᱦᱟᱸᱱ ᱡᱤᱱᱤᱥ ᱧᱟᱢᱚᱜᱼᱟ, ᱛᱚᱵᱮ ᱚᱱᱟ ᱴᱷᱟᱶ ᱛᱤᱱᱟᱹᱜ ᱢᱟᱨᱟᱝᱼᱟ ᱚᱱᱟ ᱵᱟᱰᱟᱭ ᱞᱟᱹᱜᱤᱫ ᱢᱤᱫ ᱜᱽᱨᱤᱰ ᱵᱮᱱᱟᱣ ᱠᱟᱛᱮ ᱰᱷᱮᱨ ᱠᱟᱛᱮ ᱞᱟ ᱦᱩᱭᱩᱜᱼᱟ ᱾

ᱢᱤᱴᱤᱜᱮᱥᱚᱱ

ᱤᱣᱱᱟᱭᱴᱮᱰ ᱠᱤᱝᱰᱚᱢ ᱟᱨ ᱠᱟᱱᱟᱰᱟ ᱨᱮ, ᱥᱚᱨᱠᱟᱨᱤ ᱟᱨ ᱱᱤᱡᱮᱨᱟᱜ ᱡᱚᱛᱚ ᱞᱮᱠᱟᱱ ᱩᱛᱱᱟᱹᱣ ᱠᱟᱹᱢᱤ ᱞᱟᱹᱜᱤᱫ ᱟᱨᱠᱤᱭᱳᱞᱳᱡᱤᱠᱟᱞ ᱟᱹᱭᱤᱱ ᱢᱟᱱᱟᱣ ᱞᱟᱹᱠᱛᱤᱭᱟᱱ ᱜᱮᱭᱟ ᱾ ᱢᱮᱱᱠᱷᱟᱱ ᱟᱢᱮᱨᱤᱠᱟ ᱨᱮᱫᱚ ᱱᱚᱣᱟ ᱠᱟᱹᱢᱤ ᱥᱩᱢᱩᱝ ᱯᱷᱮᱰᱮᱨᱟᱞ ᱯᱷᱟᱱᱰ ᱛᱮ ᱦᱩᱭᱩᱜ ᱠᱟᱱ ᱯᱨᱳᱡᱮᱠᱴ ᱥᱮ ᱥᱚᱨᱠᱟᱨᱤ ᱦᱟᱥᱟ ᱨᱮᱜᱮ ᱞᱟᱹᱜᱩᱜᱼᱟ ᱾

ᱡᱚᱠᱷᱚᱱ ᱢᱤᱫ ᱩᱛᱱᱟᱹᱣ ᱴᱷᱟᱶ ᱨᱮ ᱟᱨᱠᱤᱭᱳᱞᱳᱡᱤᱠᱟᱞ ᱞᱟᱹᱠᱛᱤ ᱛᱟᱦᱮᱸᱱᱟ, ᱟᱨ ᱚᱸᱰᱮ ᱡᱟᱦᱟᱸᱱ ᱞᱟᱹᱠᱛᱤᱭᱟᱱ ᱢᱟᱨᱮ ᱡᱤᱱᱤᱥ ᱵᱟᱝ ᱧᱟᱢᱚᱜᱼᱟ, ᱛᱚᱵᱮ ᱵᱮᱱᱟᱣ ᱠᱟᱹᱢᱤ ᱞᱟᱦᱟ ᱫᱟᱲᱮᱭᱟᱜᱼᱟ ᱾ ᱢᱮᱱᱠᱷᱟᱱ ᱟᱭᱢᱟ ᱚᱠᱛᱚ ᱨᱮ ᱟᱨᱠᱤᱭᱳᱞᱳᱡᱤᱥᱴ ᱠᱚ ᱚᱸᱰᱮ ᱛᱟᱦᱮᱸ ᱠᱟᱛᱮ "ᱧᱮᱞ ᱥᱟᱢᱵᱽᱲᱟᱣ" ᱠᱚ ᱮᱢᱟ ᱾ ᱡᱩᱫᱤ ᱚᱸᱰᱮ ᱡᱟᱦᱟᱸᱱ ᱞᱟᱹᱠᱛᱤᱭᱟᱱ ᱢᱟᱨᱮ ᱥᱟᱨᱮᱡ ᱧᱟᱢᱚᱜᱼᱟ, ᱛᱚᱵᱮ ᱚᱱᱟ ᱴᱷᱟᱶ ᱨᱮᱱᱟᱜ ᱥᱟᱹᱨᱤ ᱜᱚᱱᱚᱝ ᱵᱟᱰᱟᱭ ᱞᱟᱹᱜᱤᱫ ᱵᱮᱱᱟᱣ ᱠᱟᱹᱢᱤ ᱛᱷᱩᱠᱟᱹᱢ ᱫᱚᱦᱚ ᱦᱩᱭ ᱫᱟᱲᱮᱭᱟᱜᱼᱟ ᱾

ᱡᱩᱫᱤ ᱟᱨᱠᱤᱭᱳᱞᱳᱡᱤᱥᱴ ᱠᱚ ᱴᱷᱟᱹᱣᱠᱟᱹᱭᱟ ᱡᱮ ᱚᱱᱟ ᱴᱷᱟᱶ ᱨᱮ ᱟᱹᱰᱤ ᱞᱟᱹᱠᱛᱤᱭᱟᱱ ᱞᱟᱠᱪᱟᱨ ᱥᱟᱨᱮᱡ ᱢᱮᱱᱟᱜᱼᱟ, ᱛᱚᱵᱮ ᱚᱱᱟ ᱪᱮᱛᱟᱱ ᱨᱮ ᱵᱟᱹᱲᱤᱡ ᱚᱨᱥᱚᱝ ᱠᱚᱢ ᱞᱟᱹᱜᱤᱫ ᱠᱟᱹᱢᱤ ᱦᱩᱭᱩᱜᱼᱟ ᱾ ᱢᱤᱴᱤᱜᱮᱥᱚᱱ ᱨᱮ ᱞᱟᱛᱟᱨ ᱨᱮ ᱮᱢ ᱟᱠᱟᱱ ᱰᱟᱦᱟᱨ ᱠᱚ ᱥᱮᱞᱮᱫ ᱛᱟᱦᱮᱸ ᱫᱟᱲᱮᱭᱟᱜᱼᱟ:

• ᱰᱤᱡᱟᱭᱤᱱ ᱵᱚᱫᱚᱞ:ᱚᱱᱟ ᱴᱷᱟᱶ ᱵᱟᱹᱜᱤ ᱠᱟᱛᱮ ᱮᱴᱟᱜ ᱥᱮᱫ ᱛᱮ ᱯᱨᱳᱡᱮᱠᱴ ᱵᱮᱱᱟᱣ ᱾
• ᱠᱮᱴᱮᱡ ᱞᱟ:ᱚᱱᱟ ᱴᱷᱟᱶ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱦᱟᱹᱴᱤᱧ ᱞᱟ ᱠᱟᱛᱮ ᱢᱟᱨᱮ ᱡᱤᱱᱤᱥ ᱠᱚ ᱵᱟᱧᱪᱟᱣ ᱾
• ᱨᱮᱠᱚᱨᱰ ᱟᱛᱮ ᱨᱩᱠᱷᱤᱭᱟᱹ ᱫᱚᱦᱚ:ᱡᱩᱫᱤ ᱵᱮᱱᱟᱣ ᱠᱟᱹᱢᱤ ᱠᱷᱟᱹᱛᱤᱨ ᱚᱱᱟ ᱴᱷᱟᱶ ᱨᱟᱹᱯᱩᱫᱚᱜ ᱠᱷᱟᱱ, ᱚᱱᱟ ᱢᱟᱬᱟᱝ ᱨᱮ ᱟᱨᱠᱤᱭᱳᱞᱳᱡᱤᱥᱴ ᱠᱚ ᱚᱸᱰᱮ ᱞᱟ ᱠᱟᱛᱮ ᱡᱚᱛᱚ ᱠᱟᱛᱷᱟ ᱨᱮᱠᱳᱨᱰ ᱠᱟᱛᱮ ᱡᱚᱛᱚᱱ ᱨᱮ ᱠᱚ ᱫᱚᱦᱚᱭᱟ ᱾
• ᱡᱚᱜᱟᱣ ᱫᱚᱦᱚ ᱛᱟᱹᱨᱤ :ᱚᱱᱠᱟᱱ ᱵᱮᱱᱟᱣ ᱦᱚᱨᱟ ᱵᱮᱵᱷᱟᱨ ᱡᱟᱦᱟᱸ ᱛᱮ ᱢᱟᱨᱮ ᱥᱟᱨᱮᱡ ᱠᱚ ᱫᱚᱞᱟᱱ ᱞᱟᱛᱟᱨ ᱨᱮ ᱵᱟᱝ ᱨᱟᱹᱯᱩᱫ ᱠᱟᱛᱮ ᱡᱚᱜᱟᱣ ᱛᱟᱦᱮᱸᱱᱟ ᱾ ᱡᱮᱞᱮᱠᱟ ᱭᱚᱨᱠ ᱨᱮᱱᱟᱜ ᱵᱷᱟᱭᱠᱤᱝ ᱥᱟᱨᱮᱡ ᱠᱚ ᱾

ᱟᱹᱰᱤ ᱜᱚᱱᱚᱝᱟᱱ ᱴᱷᱟᱶ ᱠᱚᱫᱚ ᱥᱚᱨᱠᱟᱨ ᱦᱚᱛᱮᱛᱮ "ᱨᱩᱠᱷᱤᱭᱟᱹᱭᱟᱱ ᱴᱚᱴᱷᱟ" ᱞᱮᱠᱟᱛᱮ ᱵᱟᱪᱷᱚᱱᱚᱜᱼᱟ, ᱡᱟᱦᱟᱸ ᱨᱮ ᱡᱟᱦᱟᱸᱱ ᱩᱛᱱᱟᱹᱣ ᱠᱟᱹᱢᱤ ᱜᱮ ᱵᱟᱝ ᱦᱩᱭ ᱫᱟᱲᱮᱭᱟᱜᱼᱟ ᱾

ᱟᱨᱠᱤᱭᱳᱞᱳᱡᱤ ᱪᱮᱛᱟᱱ ᱨᱮ ᱚᱨᱥᱚᱝ

CHM ᱫᱚ ᱟᱨᱠᱤᱭᱳᱞᱳᱡᱤ ᱞᱟᱹᱜᱤᱫ ᱢᱤᱫ ᱢᱮᱥᱟᱼᱢᱮᱥᱤ ᱟᱹᱥᱤᱨᱵᱟᱫᱽ ᱞᱮᱠᱟ ᱠᱟᱱᱟ ᱾ ᱡᱚᱜᱟᱣ ᱡᱚᱛᱚᱱ ᱟᱹᱭᱤᱱ ᱠᱷᱟᱹᱛᱤᱨ ᱡᱟᱦᱟᱸᱱᱟᱜ ᱜᱚᱱᱚᱝᱟᱱ ᱴᱷᱟᱶ ᱵᱤᱱ ᱯᱟᱲᱦᱟᱣ ᱛᱮ ᱵᱟᱝ ᱨᱟᱹᱯᱩᱫᱚᱜᱼᱟ, ᱢᱮᱱᱠᱷᱟᱱ ᱨᱮᱥᱠᱤᱣ ᱟᱨᱠᱤᱭᱳᱞᱳᱡᱤᱥᱴ ᱠᱚᱣᱟᱜ ᱠᱟᱹᱢᱤ ᱫᱚ ᱟᱭᱢᱟ ᱚᱠᱛᱚ ᱨᱮ ᱵᱤᱪᱟᱹᱨ ᱨᱮᱱᱟᱜ ᱥᱟᱛᱟᱢ ᱵᱮᱱᱟᱣᱜᱼᱟ ᱾ ᱛᱤᱱᱟᱹᱜ ᱜᱟᱱ ᱮᱠᱟᱰᱮᱢᱤᱠ ᱟᱨᱠᱤᱭᱳᱞᱳᱡᱤᱥᱴ ᱫᱚ ᱨᱮᱥᱠᱤᱣ ᱠᱟᱹᱢᱤ ᱫᱚ ᱟᱹᱰᱤ ᱜᱟᱹᱦᱤᱨ ᱛᱮ ᱵᱟᱠᱚ ᱦᱟᱛᱟᱣᱟ, ᱪᱮᱫᱟᱜ ᱥᱮ ᱱᱚᱣᱟ ᱨᱮ ᱜᱟᱹᱦᱤᱨ ᱠᱷᱚᱸᱫᱽᱨᱚᱸᱫᱽ ᱠᱷᱚᱱ ᱡᱟᱹᱥᱛᱤ ᱴᱷᱟᱶ ᱪᱤᱱᱦᱟᱹᱣ ᱟᱨ ᱵᱟᱧᱪᱟᱣ ᱨᱮ ᱫᱷᱮᱭᱟᱱ ᱮᱢ ᱦᱩᱭᱩᱜᱼᱟ ᱾

ᱱᱚᱣᱟ ᱠᱟᱹᱢᱤ ᱨᱮ ᱢᱤᱫ ᱢᱟᱨᱟᱝ ᱮᱴᱠᱮᱴᱚᱬᱮ ᱫᱚ ᱦᱩᱭᱩᱜ ᱠᱟᱱᱟ 'ᱰᱟᱠᱨᱟ" ᱛᱚᱝᱜᱮ᱾ ᱵᱮᱱᱟᱣ ᱠᱟᱹᱢᱤᱭᱟᱹ ᱫᱚ ᱡᱟᱹᱥᱛᱤ ᱠᱟᱭᱛᱮ ᱚᱱᱠᱟᱱ ᱟᱨᱠᱤᱭᱳᱞᱳᱡᱤ ᱠᱚᱢᱯᱟᱱᱤ ᱠᱚ ᱵᱟᱪᱷᱚᱱ ᱠᱚᱣᱟ ᱡᱟᱦᱟᱸᱭ ᱫᱚ ᱠᱚᱢ ᱠᱟᱹᱣᱰᱤ ᱛᱮ ᱟᱨ ᱞᱚᱜᱚᱱ ᱠᱟᱹᱢᱤ ᱠᱚ ᱯᱩᱨᱟᱹᱣᱟ, ᱡᱟᱦᱟᱸ ᱠᱷᱟᱹᱛᱤᱨ ᱟᱨᱠᱤᱭᱳᱞᱳᱡᱤᱠᱟᱞ ᱜᱚᱱᱚᱝ ᱫᱚ ᱛᱟᱭᱚᱢ ᱨᱮ ᱛᱟᱦᱮᱸ ᱠᱚᱜᱼᱟ ᱾ ᱱᱚᱣᱟ ᱠᱟᱹᱢᱤ ᱠᱷᱚᱱ ᱚᱰᱚᱠᱚᱜ ᱟᱭᱢᱟ ᱨᱤᱯᱳᱨᱴ ᱫᱚ ᱥᱚᱨᱠᱟᱨᱤ ᱥᱮ ᱥᱟᱱᱟᱢ ᱦᱚᱲ ᱞᱟᱹᱜᱤᱫ ᱵᱟᱝ ᱩᱪᱷᱟᱹᱱᱚᱜᱼᱟ, ᱡᱟᱦᱟᱸ ᱫᱚ "ᱫᱷᱫᱞᱩ ᱥᱟᱶᱦᱮᱫ" ᱠᱚ ᱢᱮᱛᱟᱜᱼᱟ ᱾

ᱦᱮᱨᱤᱴᱮᱡᱽ ᱡᱚᱜᱟᱣ ᱟᱨ ᱵᱮᱠᱷᱭᱟ

ᱥᱤᱴᱚᱱ ᱠᱮᱨᱮᱣ ᱨᱮ ᱵᱟᱧᱪᱟᱣ ᱟᱠᱟᱱ ᱡᱟᱹᱦᱟᱹᱡᱽ ᱨᱟᱹᱯᱩᱫ ᱵᱟᱵᱚᱛ ᱵᱮᱠᱷᱭᱟ ᱵᱳᱨᱰ

ᱠᱤᱣᱨᱮᱥᱚᱱ ᱢᱮᱱᱮᱛ ᱫᱚ ᱦᱩᱭᱩᱜ ᱠᱟᱱᱟ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱠᱚ ᱟᱹᱰᱤ ᱫᱤᱱ ᱞᱟᱹᱜᱤᱫ ᱡᱚᱜᱟᱣ ᱫᱚᱦᱚ ᱟᱨ ᱦᱚᱲ ᱠᱚ ᱞᱟᱹᱜᱤᱫ ᱚᱱᱟ ᱧᱮᱞ ᱨᱮᱱᱟᱜ ᱥᱩᱵᱤᱫᱷᱟ ᱮᱢ ᱾ ᱱᱟᱯᱟᱭ ᱛᱮ ᱡᱚᱜᱟᱣ ᱞᱟᱹᱜᱤᱫ ᱛᱤᱱᱟᱹᱜ ᱜᱟᱱ ᱡᱤᱱᱤᱥ ᱫᱚ ᱵᱤᱥᱮᱥ ᱞᱟᱭᱤᱴ, ᱞᱚᱞᱚᱥᱚᱝ ᱟᱨ ᱦᱚᱭᱼᱦᱤᱥᱤᱫ ᱠᱷᱚᱱ ᱵᱟᱧᱪᱟᱣ ᱫᱚᱦᱚ ᱦᱩᱭᱩᱜᱼᱟ ᱾ ᱢᱟᱨᱟᱝ ᱢᱤᱣᱡᱤᱭᱚᱢ ᱠᱚᱨᱮ ᱱᱚᱣᱟ ᱞᱟᱹᱜᱤᱫ ᱵᱤᱥᱮᱥ ᱠᱟᱹᱢᱤᱭᱟᱹ ᱠᱚ ᱛᱟᱦᱮᱸᱱᱟ ᱾

ᱢᱤᱣᱡᱤᱭᱚᱢ ᱠᱚ ᱵᱟᱨ ᱞᱮᱠᱟᱛᱮ ᱦᱮᱨᱤᱴᱮᱡᱽ ᱠᱚ ᱩᱫᱩᱜᱟ: ᱑. ᱟᱹᱨᱤᱪᱟᱹᱞᱤ ᱢᱤᱣᱡᱤᱭᱚᱢ:ᱡᱟᱦᱟᱸ ᱨᱮ ᱠᱟᱸᱪ ᱵᱷᱤᱛᱤᱨ ᱨᱮ ᱡᱤᱱᱤᱥ ᱠᱚ ᱫᱚᱦᱚ ᱠᱟᱛᱮ ᱚᱱᱟ ᱨᱮᱱᱟᱜ ᱧᱩᱛᱩᱢ ᱟᱨ ᱱᱟᱜᱟᱢ ᱚᱞ ᱛᱟᱦᱮᱸᱱᱟ ᱾ ᱒. ᱡᱤᱭᱟᱹᱛ ᱢᱤᱣᱡᱤᱭᱚᱢ:ᱡᱟᱦᱟᱸ ᱨᱮ ᱢᱤᱫ ᱢᱟᱨᱮ ᱚᱠᱛᱚ ᱥᱮ ᱡᱟᱭᱜᱟ ᱨᱮᱱᱟᱜ ᱨᱩᱯ ᱵᱮᱱᱟᱣ ᱠᱟᱛᱮ ᱦᱚᱲ ᱠᱚ ᱚᱱᱟ ᱚᱠᱛᱚ ᱨᱮᱱᱟᱜ ᱟᱹᱭᱠᱟᱹᱣ ᱠᱚ ᱮᱢᱟ ᱠᱚᱣᱟ ᱾

ᱤᱣᱱᱟᱭᱴᱮᱰ ᱠᱤᱝᱰᱚᱢ ᱨᱮ "ᱵᱽᱞᱩ ᱯᱞᱟᱠ" (Blue Plaques) ᱞᱮᱠᱟᱱ ᱪᱤᱱᱦᱟᱹ ᱠᱚ ᱵᱮᱵᱷᱟᱨᱚᱜᱼᱟ, ᱡᱟᱦᱟᱸ ᱛᱮ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚ ᱟᱠᱚᱣᱟᱜ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱵᱟᱵᱚᱛ ᱠᱚ ᱵᱟᱰᱟᱭ ᱫᱟᱲᱮᱭᱟᱜᱼᱟ ᱾

ᱱᱟᱜᱟᱢᱤᱭᱟᱹ ᱡᱚᱜᱟᱣ ᱟᱨ ᱥᱟᱡᱟᱣ ᱨᱩᱣᱟᱹᱲ

ᱣᱮᱥᱴ ᱥᱳᱢᱟᱨᱥᱮᱴ ᱨᱮᱞᱣᱮ ᱨᱮᱱᱟᱜ ᱢᱤᱫ ᱪᱤᱛᱟᱹᱨ

ᱡᱚᱜᱟᱣ ᱟᱨ ᱥᱟᱡᱟᱣ ᱨᱩᱣᱟᱹᱲ ᱫᱚ ᱢᱩᱬ ᱠᱟᱭᱛᱮ ᱟᱨᱠᱤᱴᱮᱠᱪᱟᱨ ᱥᱮ ᱤᱧᱡᱤᱱᱤᱭᱟᱹᱨᱤᱝ ᱦᱮᱨᱤᱴᱮᱡᱽ ᱡᱮᱞᱮᱠᱟ ᱢᱟᱨᱮ ᱫᱚᱞᱟᱱ, ᱵᱮᱱᱟᱣ ᱟᱠᱟᱱ ᱠᱟᱴᱷᱟᱢᱳ ᱟᱨ ᱦᱮᱨᱤᱴᱮᱡᱽ ᱨᱮᱞᱣᱮ ᱠᱚ ᱵᱩᱡᱷᱟᱹᱣᱟ ᱾ ᱤᱣᱱᱟᱭᱴᱮᱰ ᱠᱤᱝᱰᱚᱢ ᱨᱮ ᱵᱤᱞᱰᱤᱝ ᱠᱚ ᱵᱟᱧᱪᱟᱣ ᱞᱟᱹᱜᱤᱫ ᱛᱟᱹᱞᱠᱟᱹ ᱟᱠᱟᱱ ᱫᱚᱞᱟᱱ ᱠᱚ ᱟᱨ ᱞᱮᱠᱷᱟᱥᱤᱫ ᱩᱭᱦᱟᱹᱨ ᱪᱤᱱᱦᱟᱹ ᱞᱮᱠᱟᱱ ᱟᱹᱭᱤᱱ ᱢᱮᱱᱟᱜᱼᱟ ᱾ ᱯᱷᱨᱟᱱᱥ ᱨᱮ ᱱᱚᱣᱟ ᱫᱚ ᱩᱭᱦᱟᱹᱨᱟᱱᱟᱜ ᱪᱤᱱᱦᱟᱹ ᱱᱟᱜᱟᱢ ᱠᱚ ᱢᱮᱛᱟᱜᱼᱟ ᱾ ᱢᱤᱫ ᱫᱚᱞᱟᱱ ᱱᱟᱯᱟᱭ ᱛᱮ ᱡᱚᱜᱟᱣ ᱞᱟᱹᱜᱤᱫ ᱠᱷᱟᱱ ᱚᱱᱟ ᱫᱚ ᱵᱮᱵᱷᱟᱨ ᱨᱮ ᱛᱟᱦᱮᱸᱱ ᱞᱟᱹᱠᱛᱤᱭᱟ, ᱪᱮᱫᱟᱜ ᱥᱮ ᱵᱟᱝ ᱵᱮᱵᱷᱟᱨᱚᱜ ᱠᱟᱱ ᱵᱤᱞᱰᱤᱝ ᱫᱚ ᱞᱚᱜᱚᱱ ᱨᱟᱹᱯᱩᱫᱚᱜᱼᱟ ᱾ ᱡᱩᱫᱤ ᱢᱤᱫ ᱵᱤᱞᱰᱤᱝ ᱡᱟᱦᱟᱸ ᱠᱟᱹᱢᱤ ᱞᱟᱹᱜᱤᱫ ᱵᱮᱱᱟᱣ ᱞᱮᱱᱟ ᱚᱱᱟ ᱱᱤᱛᱚᱜ ᱵᱟᱝ ᱦᱩᱭ ᱫᱟᱲᱮᱭᱟᱜ ᱠᱟᱱᱟ, ᱛᱚᱵᱮ ᱚᱱᱟ ᱨᱮᱱᱟᱜ ᱨᱩᱯ ᱛᱤᱱᱟᱹᱜ ᱜᱟᱱ ᱵᱚᱫᱚᱞ ᱠᱟᱛᱮ ᱮᱴᱟᱜ ᱠᱟᱹᱢᱤ ᱨᱮ ᱞᱟᱜᱟᱣ ᱦᱩᱭ ᱫᱟᱲᱮᱭᱟᱜᱼᱟ ᱾

ᱦᱮᱨᱤᱴᱮᱡᱽ ᱢᱤᱥᱤᱱ ᱠᱚ, ᱡᱮᱞᱮᱠᱟ ᱢᱟᱨᱮ ᱢᱳᱴᱚᱨ ᱜᱟᱹᱰᱤ ᱟᱨ ᱦᱮᱨᱤᱴᱮᱡᱽ ᱨᱮᱞᱣᱮ ᱠᱚᱫᱚ ᱡᱚᱛᱚ ᱠᱷᱚᱱ ᱱᱟᱯᱟᱭ ᱛᱮ ᱩᱱ ᱡᱚᱠᱷᱚᱡ ᱜᱮ ᱵᱩᱡᱷᱟᱹᱣ ᱧᱟᱢᱚᱜᱼᱟ ᱡᱚᱠᱷᱚᱱ ᱚᱱᱟ ᱠᱚ ᱪᱟᱹᱞᱩ ᱦᱟᱞᱚᱛ ᱨᱮ ᱛᱟᱦᱮᱸᱱᱟ ᱾ ᱱᱚᱣᱟ ᱵᱮᱜᱚᱨ ᱦᱚᱸ, ᱵᱷᱟᱯ ᱤᱧᱡᱤᱱ ᱪᱟᱞᱟᱣ ᱞᱮᱠᱟᱱ ᱦᱮᱨᱤᱴᱮᱡᱽ ᱦᱩᱱᱟᱹᱨ ᱠᱚᱫᱚ ᱩᱱ ᱡᱚᱠᱷᱚᱡ ᱜᱮ ᱵᱟᱧᱪᱟᱣ ᱛᱟᱦᱮᱸᱱᱟ ᱡᱚᱠᱷᱚᱱ ᱚᱱᱟ ᱢᱤᱥᱤᱱ ᱠᱚ ᱵᱮᱵᱷᱟᱨᱚᱜᱼᱟ ᱾

ᱵᱟᱝᱼᱧᱮᱞᱚᱜ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱥᱟᱢᱵᱽᱲᱟᱣ

ᱯᱞᱟᱜ ᱯᱷᱮᱱ ᱨᱮ ᱢᱤᱫ ᱵᱨᱳᱸᱡᱽ ᱡᱩᱜᱽ ᱚᱲᱟᱜ ᱨᱮᱱᱟᱜ ᱫᱟᱹᱭᱠᱟᱹ

ᱵᱟᱝᱼᱧᱮᱞᱚᱜ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱨᱮᱫᱚ ᱟᱹᱨᱤᱪᱟᱹᱞᱤ ᱦᱩᱱᱟᱹᱨ, ᱯᱟᱹᱛᱭᱟᱹᱣ, ᱟᱹᱨᱤᱪᱟᱹᱞᱤ, ᱢᱚᱪᱟ ᱛᱮ ᱦᱮᱡ ᱟᱠᱟᱱ ᱠᱟᱛᱷᱟ, ᱨᱟᱦᱟ, ᱥᱮᱨᱮᱧ, ᱮᱱᱮᱡ, ᱟᱨ ᱮᱱᱮᱡᱼᱛᱷᱤᱭᱮᱴᱚᱨ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾ ᱱᱚᱣᱟ ᱠᱚᱫᱚ ᱢᱤᱣᱡᱤᱭᱚᱢ ᱨᱮ ᱵᱟᱝ ᱫᱚᱦᱚ ᱠᱟᱛᱮ ᱦᱚᱲ ᱠᱚᱣᱟᱜ ᱡᱤᱭᱚᱱ ᱛᱟᱞᱟ ᱨᱮ ᱡᱟᱭᱡᱩᱜᱽ ᱵᱚᱫᱚᱞᱚᱜ ᱛᱟᱦᱮᱸᱱᱟ ᱾ ᱵᱟᱝᱼᱧᱮᱞᱚᱜ ᱞᱟᱠᱪᱟᱨ ᱦᱮᱨᱤᱴᱮᱡᱽ ᱥᱟᱢᱵᱽᱲᱟᱣ ᱫᱚ ᱟᱹᱰᱤ ᱟᱸᱴ ᱠᱟᱹᱢᱤ ᱠᱟᱱᱟ, ᱪᱮᱫᱟᱜ ᱥᱮ ᱱᱚᱣᱟ ᱞᱟᱹᱜᱤᱫ ᱴᱚᱴᱷᱟᱠᱤᱭᱟᱹ ᱦᱚᱲ ᱠᱚᱣᱟᱜ ᱡᱤᱭᱚᱱ ᱦᱟᱞᱚᱛ ᱪᱮᱛᱟᱱ ᱨᱮ ᱫᱷᱮᱭᱟᱱ ᱮᱢ ᱦᱩᱭᱩᱜᱼᱟ ᱾ ᱥᱤᱧᱚᱛ ᱞᱮᱠᱟᱱ ᱫᱤᱥᱚᱢ ᱠᱚᱫᱚ ᱞᱟᱠᱪᱟᱨ ᱨᱤᱥᱳᱨᱥ ᱨᱮᱱᱟᱜ ᱞᱟᱹᱠᱛᱤ ᱠᱚ ᱥᱤᱠᱟᱹᱨ ᱟᱠᱟᱫᱼᱟ ᱟᱨ ᱱᱚᱣᱟ ᱠᱚ ᱥᱟᱢᱵᱽᱲᱟᱣ ᱞᱟᱹᱜᱤᱫ ᱥᱚᱨᱠᱟᱨᱤ ᱵᱤᱵᱷᱟᱜᱽ ᱠᱚ ᱵᱮᱱᱟᱣ ᱟᱠᱟᱫᱼᱟ ᱾

ᱵᱟᱹᱲᱛᱤ ᱯᱟᱲᱦᱟᱣᱠᱚ

• American Cultural Resources Association. 2013. The Cultural Resources Management Industry: Providing Critical Support for Building Our Nation's Infrastructure through Expertise in Historic Preservation. Electronic document.
• Hutchings, Richard M. 2016. Maritime Heritage in Crisis: Indigenous Landscapes and Global Ecological Breakdown. Routledge.
• Hutchings, Rich and Marina La Salle. 2015. Archaeology as Disaster Capitalism. International Journal of Historical Archaeology 19(4): 699–720.
• Hutchings, Rich and Marina La Salle. 2015. Why Archaeologists Misrepresent Their Practice—A North American Perspective. Journal of Contemporary Archaeology 2(2):S11–S17.
• Hutchings, Rich and Marina La Salle. 2013. Five Thoughts on Commercial Archaeology. Institute for Critical Heritage and Tourism Bulletin 2013-1.
• King, Thomas F. 2012. Cultural Resource Laws and Practice: An Introductory Guide (4th Edition). Altamira Press.
• King, Thomas F. 2009. Our Unprotected Heritage: Whitewashing the Destruction of Our Cultural and Natural Environment. Left Coast Press.
• King, Thomas F. 2005. Doing Archaeology: A Cultural Resource Management Perspective. Left Coast Press.
• La Salle, Marina and Rich Hutchings. 2012. Commercial Archaeology in British Columbia. The Midden 44(2):8–16.
• Mayor, A., Négri, V., & Huysecom, E. (eds.) 2015. African Memory in Danger - Mémoire africaine en péril. Africa Magna, Frankfurt a. M.
• Neumann, Thomas W. and Robert M. Sanford. 2010. Cultural Resources Archaeology: An Introduction (2nd Edition). Rowman and Littlefield.
• Neumann, Thomas W. and Robert M. Sanford. 2010. Practicing Archaeology: A Training Manual for Cultural Resources Archaeology (2nd Edition). Rowman and Littlefield.
• Nissley, Claudia and Thomas F. King. 2014. Consultation and Cultural Heritage: Let Us Reason Together. Left Coast Press.
• Smith, Laurajane. 2004. Archaeological Theory and Politics of Cultural Heritage. Routledge.
• Smith, Laurajane. 2001. Archaeology and the Governance of Material Culture: A Case Study from South-Eastern Australia. Norwegian Archaeological Review 34(2): 97–105.
• Smith, Laurajane. 2000. A History of Aboriginal Heritage Legislation in South-Eastern Australia. Australian Archaeology 50: 109–18.
• Stapp, Darby and Julia J. Longenecker. 2009. Avoiding Archaeological Disasters: A Risk Management Approach. Left Coast Press.
• White, Gregory G. and Thomas F. King. 2007. The Archaeological Survey Manual. Left Coast Press.
• Zorzin, Nicolas. 2014. Heritage Management and Aboriginal Australians: Relations in a Global, Neoliberal Economy—A Contemporary Case Study from Victoria. Archaeologies: The Journal of the World Archaeological Congress 10(2): 132–67.
• Zorzin, Nicolas. 2011. Contextualising Contract Archaeology in Quebec: Political Economy and Economic Dependencies. Archaeological Review from Cambridge 26(1): 119–35.
• Zuckermann, Ghil'ad et al. 2015. ENGAGING - A Guide to Interacting Respectfully and Reciprocally with Aboriginal and Torres Strait Islander People, and their Arts Practices and Intellectual Property, Australian Government: Indigenous Culture Support.