ᱠᱟᱞᱮᱱᱡᱤᱱ ᱦᱚᱲ
Biikap Kuutiit ('ᱨᱚᱲ ᱜᱟᱛᱟᱠ'), Miot | |
|---|---|
 ᱢᱤᱫ ᱠᱤᱯᱥᱤᱜᱤᱥ ᱠᱟᱞᱮᱱᱡᱤᱱ ᱛᱤᱨᱞᱟᱹ | |
| ᱜᱩᱴ ᱦᱚᱲ ᱮᱞ | |
| ᱟᱢᱫᱟᱡᱽ ᱗.᱕ ᱢᱤᱞᱤᱭᱚᱱ (ᱮᱛᱚᱢ ᱟᱯᱷᱨᱤᱠᱟ)[᱑] | |
| ᱰᱷᱮᱨ ᱧᱚᱜ ᱦᱚᱲ ᱮᱞ ᱢᱮᱱᱟᱜ ᱠᱚ ᱴᱚᱴᱷᱟ | |
| ᱮᱛᱚᱢ ᱟᱯᱷᱨᱤᱠᱟ (ᱠᱮᱱᱤᱭᱟ, ᱩᱜᱟᱱᱰᱟ, ᱛᱟᱱᱡᱟᱱᱤᱭᱟ, ᱮᱛᱚᱢ ᱥᱩᱫᱟᱱ, ᱟᱨ ᱤᱛᱷᱤᱭᱳᱯᱤᱭᱟ) | |
| ᱖,᱓᱕᱘,᱑᱑᱓ (᱒᱐᱑᱙ ᱦᱚᱲ ᱞᱮᱠᱷᱟ) | |
| ᱯᱟᱹᱨᱥᱤ ᱠᱚ | |
| ᱠᱟᱞᱮᱱᱡᱤᱱ ᱯᱟᱹᱨᱥᱤ ᱠᱚ, ᱤᱝᱞᱤᱥ, ᱥᱳᱭᱟᱦᱤᱞᱤ | |
| ᱫᱷᱚᱨᱚᱢ | |
| ᱠᱟᱞᱮᱱᱡᱤᱱ ᱫᱷᱚᱨᱚᱢ, ᱤᱥᱟᱹᱭ ᱫᱷᱚᱨᱚᱢ, ᱟᱯᱷᱨᱤᱠᱟᱱ ᱟᱹᱨᱤᱪᱟᱹᱞᱤ ᱫᱷᱚᱨᱚᱢ |
ᱠᱟᱞᱮᱱᱡᱤᱱ ᱫᱚ ᱮᱛᱚᱢ ᱟᱯᱷᱨᱤᱠᱟ ᱨᱮᱱ ᱢᱤᱫ ᱥᱟᱣᱛᱷ ᱱᱤᱞᱳᱴᱤᱠ ᱡᱟᱹᱛᱤ ᱜᱟᱫᱮᱞ ᱠᱟᱱᱟ ᱠᱚ, ᱡᱟᱦᱟᱸ ᱨᱮ ᱒᱐ ᱠᱷᱚᱱ ᱵᱟᱹᱲᱛᱤ ᱠᱟᱞᱮᱱᱡᱤᱱ ᱨᱚᱲ ᱟᱹᱫᱤᱵᱟᱹᱥᱤ ᱟᱨ ᱪᱟᱸᱜᱟᱼᱜᱟᱫᱮᱞ ᱠᱚ ᱢᱮᱱᱟᱜ ᱠᱚᱣᱟ ᱾ ᱱᱩᱠᱩᱣᱟᱜ ᱞᱟᱠᱪᱟᱨ ᱟᱨ ᱯᱟᱹᱨᱥᱤ ᱨᱮᱱᱟᱜ ᱢᱤᱫ ᱱᱟᱜᱟᱢ ᱢᱮᱱᱟᱜᱼᱟ ᱾ ᱠᱮᱱᱤᱭᱟ ᱨᱮ ᱱᱩᱠᱩ ᱫᱚ ᱛᱮᱥᱟᱨ ᱢᱟᱨᱟᱝ ᱡᱟᱹᱛᱤ ᱜᱟᱫᱮᱞ ᱠᱟᱱᱟ ᱠᱚ, ᱒᱐᱑᱙ ᱦᱚᱲ ᱞᱮᱠᱷᱟ ᱞᱮᱠᱟᱛᱮ ᱱᱩᱠᱩᱣᱟᱜ ᱞᱮᱠᱷᱟ ᱫᱚ ᱖,᱓᱕᱘,᱑᱑᱓ ᱦᱚᱲ ᱾
ᱱᱩᱠᱩ ᱫᱚ ᱡᱮᱜᱮᱛ ᱨᱮ ᱟᱠᱚᱣᱟᱜ ᱡᱷᱟᱹᱞ ᱥᱟᱸᱜᱤᱧ ᱫᱟᱹᱲ ᱞᱟᱹᱜᱤᱫ ᱟᱹᱰᱤ ᱜᱮ ᱧᱩᱛᱩᱢ ᱢᱮᱱᱟᱜ ᱛᱟᱠᱚᱣᱟ ᱾ ᱮᱞᱤᱩᱰ ᱠᱤᱯᱪᱳᱜᱮ, ᱯᱷᱮᱛᱷ ᱠᱤᱯᱭᱮᱜᱳᱱ ᱟᱨ ᱵᱤᱴᱨᱤᱥ ᱪᱮᱵᱮᱛ ᱞᱮᱠᱟᱱ ᱧᱩᱛᱩᱢᱟᱱ ᱠᱷᱮᱞᱚᱸᱰᱤᱭᱟᱹ ᱠᱚ ᱱᱚᱣᱟ ᱡᱟᱹᱛᱤ ᱨᱤᱱ ᱠᱟᱱᱟ ᱠᱚ ᱾
.svg)
ᱠᱟᱞᱮᱱᱡᱤᱱ ᱦᱚᱲ ᱠᱚᱣᱟᱜ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱩᱱᱠᱩᱣᱟᱜ ᱢᱟᱨᱮ ᱜᱷᱟᱨᱚᱸᱡᱽ ᱫᱚ ᱱᱟᱭᱤᱞ ᱵᱷᱮᱞᱤ ᱟᱨ ᱤᱛᱷᱤᱭᱳᱯᱤᱭᱟ ᱨᱮᱱᱟᱜ ᱩᱥᱩᱞ ᱴᱚᱴᱷᱟ ᱥᱟᱶ ᱡᱚᱯᱚᱲᱟᱣ ᱢᱮᱱᱟᱜᱼᱟ ᱾ ᱩᱱᱠᱩᱣᱟᱜ ᱫᱷᱚᱨᱚᱢ ᱟᱨ ᱯᱟᱹᱨᱥᱤ ᱨᱮ ᱢᱟᱨᱮ ᱢᱤᱥᱚᱨ ᱨᱮᱱᱟᱜ ᱛᱤᱱᱟᱹᱜ ᱜᱟᱱ ᱪᱤᱱᱦᱟᱹ ᱠᱚ ᱧᱮᱞᱚᱜᱼᱟ ᱾ ᱡᱮᱞᱮᱠᱟ, ᱩᱱᱠᱩᱣᱟᱜ ᱵᱮᱲᱟ (ᱥᱤᱧ ᱪᱟᱸᱫᱚ) ᱵᱚᱸᱜᱟ ᱟᱥᱤᱥ ᱫᱚ ᱢᱤᱥᱚᱨ ᱨᱤᱱᱤᱡ ᱵᱚᱸᱜᱟ ᱤᱥᱤᱥ ᱥᱟᱶ ᱛᱩᱞᱩᱡ ᱦᱩᱭᱩᱜᱼᱟ ᱢᱮᱱᱛᱮ ᱛᱤᱱᱟᱹᱜ ᱜᱟᱱ ᱜᱟᱹᱠᱷᱩᱲᱤᱭᱟᱹ ᱠᱚ ᱞᱟᱹᱭᱟ ᱾
ᱱᱤᱛᱚᱜ ᱠᱟᱞᱮᱱᱡᱤᱱ ᱦᱚᱲ ᱠᱚᱫᱚ ᱡᱟᱹᱥᱛᱤ ᱠᱟᱭᱛᱮ ᱠᱮᱱᱤᱭᱟ ᱨᱮᱱᱟᱜ ᱨᱤᱯᱷᱴ ᱵᱷᱮᱞᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ, ᱥᱟᱶᱛᱮ ᱩᱜᱟᱱᱰᱟ, ᱛᱟᱱᱡᱟᱱᱤᱭᱟ, ᱮᱛᱚᱢ ᱥᱩᱫᱟᱱ ᱟᱨ ᱤᱛᱷᱤᱭᱳᱯᱤᱭᱟ ᱨᱮ ᱦᱚᱸ ᱠᱚ ᱢᱮᱱᱟᱜ ᱠᱚᱣᱟ ᱾
ᱱᱚᱣᱟ ᱱᱟᱜᱟᱢ ᱫᱚ ᱮᱛᱚᱢ ᱟᱨ ᱥᱟᱢᱟᱝ ᱠᱩᱥᱤᱴᱤᱠᱼᱨᱚᱲ ᱦᱚᱲ ᱠᱚ ᱥᱟᱶ ᱞᱟᱠᱪᱟᱨ ᱢᱮᱥᱟᱼᱢᱤᱥᱤ ᱛᱮ ᱯᱮᱨᱮᱡ ᱟᱠᱟᱱᱟ, ᱡᱟᱦᱟᱸ ᱠᱷᱚᱱ ᱠᱟᱞᱮᱱᱡᱤᱱ ᱦᱚᱲ ᱫᱚ ᱟᱭᱢᱟ ᱞᱟᱹᱠᱛᱤᱭᱟᱱ ᱥᱟᱶᱛᱟ ᱟᱹᱨᱤ ᱠᱚ ᱟᱯᱱᱟᱨ ᱟᱠᱟᱫᱼᱟ ᱾ ᱱᱚᱣᱟ ᱠᱚ ᱢᱩᱫᱽ ᱨᱮ ᱩᱢᱮᱨᱼᱜᱟᱫᱮᱞ ᱰᱷᱟᱸᱪᱟ, ᱥᱩᱱᱱᱟᱹᱛ ᱟᱹᱨᱤ, ᱟᱨ ᱜᱟᱹᱭᱼᱰᱟᱝᱜᱽᱨᱟ ᱟᱨ ᱥᱟᱶᱛᱟ ᱜᱟᱶᱛᱟ ᱥᱟᱶ ᱡᱚᱯᱚᱲᱟᱣ ᱟᱭᱢᱟ ᱟᱹᱲᱟᱹ ᱠᱚ ᱥᱮᱞᱮᱫ ᱢᱮᱱᱟᱜᱼᱟ ᱾[᱒] ᱠᱤᱯᱥᱤᱜᱤᱥ ᱟᱹᱫᱤᱵᱟᱹᱥᱤ ᱠᱚᱣᱟᱜ ᱢᱟᱨᱮ ᱠᱟᱛᱷᱟ ᱞᱮᱠᱟᱛᱮ, ᱩᱱᱠᱩ ᱫᱚ ᱠᱚᱧᱮ ᱱᱟᱠᱷᱟ ᱢᱤᱥᱚᱨ ᱨᱤᱱᱤᱡ ᱯᱷᱟᱨᱳᱣᱟᱜ ᱯᱷᱟᱹᱫᱽ ᱥᱟᱶ ᱡᱚᱯᱚᱲᱟᱣ ᱠᱚ ᱛᱟᱦᱮᱸ ᱠᱟᱱᱟ ᱾ ᱞᱟᱹᱭᱟᱠᱚ ᱡᱮ ᱯᱷᱟᱨᱳᱣᱟᱜ ᱞᱟᱹᱲᱦᱟᱹᱭ ᱡᱤᱛᱠᱟᱹᱨᱚᱜ ᱨᱮᱱᱟᱜ ᱫᱟᱲᱮ ᱠᱚᱢ ᱤᱫᱤ ᱮᱱ ᱠᱷᱟᱱ, ᱩᱱᱠᱩ ᱫᱚ ᱟᱠᱚᱣᱟᱜ ᱵᱷᱮᱜᱟᱨ ᱦᱚᱨ ᱠᱚ ᱯᱟᱸᱡᱟ ᱠᱮᱫᱼᱟ ᱾ ᱮᱛᱚᱢ ᱥᱮᱫ ᱩᱪᱟᱹᱲ ᱚᱠᱛᱚ ᱨᱮ ᱩᱱᱠᱩ ᱫᱚ ᱞᱩᱣᱳ, ᱜᱩᱥᱤ (ᱠᱤᱥᱤ), ᱟᱨ ᱢᱟᱥᱟᱭ ᱠᱚᱣᱟᱜ ᱴᱚᱴᱷᱟ ᱠᱚ ᱟᱢᱮᱴ ᱞᱮᱫᱼᱟ ᱾ ᱠᱤᱯᱥᱤᱜᱤᱥ ᱠᱚᱣᱟᱜ ᱞᱟᱹᱲᱦᱟᱹᱭ ᱦᱩᱱᱟᱹᱨ ᱟᱨ ᱠᱮᱴᱮᱡ ᱦᱟᱛᱭᱟᱨ, ᱡᱮᱞᱮᱠᱟ ᱠᱟᱰᱟ ᱦᱟᱨᱛᱟ ᱨᱮᱱᱟᱜ ᱰᱷᱟᱞ ᱵᱮᱵᱷᱟᱨ ᱠᱷᱟᱹᱛᱤᱨ ᱩᱱᱠᱩ ᱫᱚ ᱟᱹᱰᱤ ᱫᱟᱲᱮ ᱠᱚ ᱧᱟᱢ ᱞᱮᱫᱼᱟ ᱾[᱓]
ᱠᱟᱞᱮᱱᱡᱤᱱ ᱟᱹᱨᱤᱪᱟᱹᱞᱤ ᱞᱮᱠᱟᱛᱮ, ᱩᱱᱠᱩᱣᱟᱜ ᱡᱟᱱᱟᱢ ᱴᱷᱟᱶ ᱫᱚ ᱱᱟᱭᱤᱞ ᱵᱷᱮᱞᱤ ᱨᱮᱱᱟᱜ 'ᱢᱤᱥᱤᱨᱤ' ᱠᱟᱱᱟ ᱾ ᱰᱨ. ᱠᱤᱯᱠᱳᱭᱮᱪ ᱟᱨᱟᱯ ᱥᱟᱢᱵᱩ ᱞᱮᱠᱟᱱ ᱜᱟᱹᱠᱷᱩᱲᱤᱭᱟᱹ ᱠᱚᱣᱟᱜ ᱢᱮᱱ ᱞᱮᱠᱟᱛᱮ, ᱠᱟᱞᱮᱱᱡᱤᱱ ᱟᱹᱲᱟᱹ ᱠᱚ ᱢᱟᱨᱮ ᱢᱤᱥᱚᱨ ᱯᱟᱹᱨᱥᱤ ᱥᱟᱶ ᱟᱹᱰᱤ ᱢᱮᱥᱟ ᱢᱮᱱᱟᱜᱼᱟ; ᱡᱮᱞᱮᱠᱟ ᱚᱛᱼᱦᱟᱥᱟ ᱞᱟᱹᱜᱤᱫ ᱠᱟᱞᱮᱱᱡᱤᱱ ᱟᱹᱲᱟᱹ ᱤᱢᱮᱴ ᱫᱚ ᱢᱤᱥᱚᱨ ᱨᱮᱱᱟᱜ ᱠᱮᱢᱮᱴ ᱥᱟᱶ ᱛᱩᱞᱩᱡ ᱦᱩᱭ ᱫᱟᱲᱮᱭᱟᱜᱼᱟ ᱾[᱔] ᱛᱤᱱᱟᱹᱜ ᱜᱟᱱ ᱛᱷᱤᱭᱚᱨᱤ ᱞᱮᱠᱟᱛᱮ ᱩᱱᱠᱩ ᱫᱚ ᱤᱥᱨᱟᱭᱮᱞᱤ ᱠᱚ ᱥᱟᱶ ᱢᱤᱫ ᱥᱟᱶᱛᱮ ᱢᱤᱥᱚᱨ ᱠᱚ ᱵᱟᱹᱜᱤ ᱞᱮᱫᱼᱟ, ᱢᱮᱱᱠᱷᱟᱱ ᱤᱥᱨᱟᱭᱮᱞᱤ ᱠᱚ ᱠᱚᱧᱮ ᱥᱮᱫ ᱠᱚ ᱥᱮᱱ ᱮᱱ ᱠᱷᱟᱱ ᱠᱟᱞᱮᱱᱡᱤᱱ ᱦᱚᱲ ᱫᱚ ᱮᱛᱚᱢ ᱥᱮᱫ ᱨᱤᱯᱷᱴ ᱵᱷᱮᱞᱤ ᱛᱮ ᱠᱚ ᱦᱮᱡ ᱮᱱᱟ ᱾
ᱱᱤᱛᱚᱜ ᱠᱟᱞᱮᱱᱡᱤᱱ ᱦᱚᱲ ᱫᱚ ᱢᱩᱬ ᱠᱟᱭᱛᱮ ᱠᱮᱱᱤᱭᱟ ᱨᱮᱱᱟᱜ ᱨᱤᱯᱷᱴ ᱵᱷᱮᱞᱤ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ, ᱡᱮᱞᱮᱠᱟ ᱠᱮᱨᱤᱪᱳ, ᱱᱟᱱᱰᱤ, ᱵᱳᱢᱮᱴ, ᱟᱨ ᱵᱟᱨᱤᱱᱜᱳ ᱠᱚᱣᱩᱱᱴᱤ ᱠᱚᱨᱮ ᱾ ᱩᱜᱟᱱᱰᱟ ᱨᱮ ᱩᱱᱠᱩ ᱫᱚ ᱢᱟᱭᱩᱱᱴ ᱮᱞᱜᱳᱱ ᱟᱨ ᱠᱟᱨᱟᱢᱳᱡᱟ ᱴᱚᱴᱷᱟ ᱨᱮ ᱠᱚ ᱛᱟᱦᱮᱸᱱᱟ, ᱡᱟᱦᱟᱸ ᱨᱮ ᱩᱱᱠᱩᱣᱟᱜ ᱞᱮᱠᱷᱟ ᱫᱚ ᱓,᱐᱐,᱐᱐᱐ ᱠᱷᱚᱱ ᱔,᱐᱐,᱐᱐᱐ ᱜᱟᱱ ᱦᱩᱭᱩᱜᱼᱟ ᱾[᱕] ᱛᱟᱱᱡᱟᱱᱤᱭᱟ ᱨᱮ ᱫᱚ ᱰᱟᱴᱳᱜᱟ ᱜᱟᱫᱮᱞ ᱞᱮᱠᱟᱛᱮ ᱟᱢᱫᱟᱡᱽ ᱒,᱑᱐,᱐᱐᱐ ᱦᱚᱲ ᱢᱮᱱᱟᱜ ᱠᱚᱣᱟ ᱾[᱖]
ᱯᱨᱳᱴᱳᱼᱠᱟᱞᱮᱱᱡᱤᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱜᱟᱢ ᱢᱟᱬᱟᱝ ᱟᱨ ᱡᱟᱱᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱤᱞᱳᱴᱤᱠᱼᱨᱚᱲ ᱦᱚᱲ ᱠᱚᱨᱤᱱ ᱢᱟᱨᱮ ᱦᱟᱯᱲᱟᱢ ᱠᱚᱫᱚ ᱮᱛᱚᱦᱚᱵ ᱦᱳᱞᱳᱥᱤᱱ ᱟᱢᱫᱟᱡᱽ ᱑᱐᱐᱐᱐ᱼ᱖᱐᱐᱐ ᱵᱤ.ᱥᱤ ᱚᱠᱛᱚ ᱨᱮ ᱞᱟᱛᱟᱨ ᱣᱟᱫᱤ ᱦᱟᱣᱟᱨ ᱴᱚᱴᱷᱟ ᱨᱮ ᱢᱟᱨᱮ ᱢᱤᱥᱚᱨ ᱜᱟᱫᱮᱞ ᱥᱟᱶ ᱢᱮᱥᱟ ᱠᱟᱛᱮ ᱠᱚ ᱛᱟᱦᱮᱸ ᱠᱟᱱᱟ ᱾[᱗] ᱱᱩᱠᱩ ᱜᱟᱫᱮᱞ ᱫᱚ ᱰᱟᱝᱜᱽᱨᱟ ᱟᱹᱥᱩᱞ, ᱦᱟᱹᱠᱩ ᱥᱟᱵ ᱟᱨ ᱪᱟᱥᱼᱵᱟᱥ ᱠᱟᱹᱢᱤ ᱠᱚ ᱠᱚᱨᱟᱣ ᱮᱫ ᱛᱟᱦᱮᱸᱫ ᱾ ᱱᱟᱭᱤᱞ ᱵᱷᱮᱞᱤ ᱨᱤᱱ ᱱᱩᱵᱤᱭᱟᱱ ᱥᱟᱶᱛᱟ ᱥᱟᱶ ᱩᱱᱠᱩᱣᱟᱜ ᱟᱹᱰᱤ ᱠᱮᱴᱮᱡ ᱞᱟᱠᱪᱟᱨ ᱡᱚᱯᱚᱲᱟᱣ ᱛᱟᱦᱮᱸ ᱠᱟᱱᱟ ᱾
᱔᱐᱐᱐ ᱵᱤ.ᱥᱤ ᱛᱟᱭᱚᱢ ᱡᱚᱠᱷᱚᱱ ᱥᱟᱦᱟᱨᱟ ᱜᱤᱛᱤᱞ ᱛᱷᱟᱹᱨ ᱨᱳᱦᱚᱲ ᱤᱫᱤ ᱮᱱᱟ, ᱩᱱᱠᱩ ᱫᱚ ᱥᱟᱢᱟᱝ ᱥᱮᱫ ᱱᱟᱭᱤᱞ ᱵᱷᱮᱞᱤ ᱟᱨ ᱯᱩᱸᱰ ᱱᱟᱭᱤᱞ ᱴᱚᱴᱷᱟ ᱛᱮ ᱠᱚ ᱩᱪᱟᱹᱲ ᱮᱱᱟ ᱾ ᱱᱚᱸᱰᱮ ᱜᱮ ᱱᱤᱞᱳᱴᱤᱠᱼᱨᱚᱲ ᱦᱚᱲ ᱠᱚᱣᱟᱜ ᱞᱟᱠᱪᱟᱨ ᱨᱮᱱᱟᱜ ᱨᱮᱦᱮᱫ ᱫᱚ ᱵᱮᱱᱟᱣ ᱮᱱᱟ ᱾[᱘] ᱩᱱᱠᱩ ᱫᱚ ᱢᱟᱨᱮ ᱢᱤᱥᱚᱨ ᱥᱤᱵᱤᱞᱟᱭᱡᱮᱥᱚᱱ ᱨᱤᱱ ᱵᱚᱝᱥᱚ ᱞᱮᱠᱟᱛᱮ 'ᱱᱮᱦᱮᱥᱤ' ( ᱮᱛᱚᱢ ᱦᱚᱲ), ᱜᱨᱤᱠ ᱠᱚ ᱦᱚᱛᱮᱛᱮ 'ᱤᱛᱷᱤᱭᱳᱯᱤᱭᱟᱱᱥ' ᱟᱨ ᱤᱥᱨᱟᱭᱮᱞᱤ ᱠᱚ ᱦᱚᱛᱮᱛᱮ 'ᱠᱩᱥᱤ' ᱢᱮᱱᱛᱮ ᱠᱚ ᱵᱟᱰᱟᱭᱚᱜ ᱛᱟᱦᱮᱸᱫ ᱾
ᱠᱟᱞᱮᱱᱡᱤᱱ ᱞᱟᱠᱪᱟᱨ ᱠᱟᱛᱷᱟ ᱞᱮᱠᱟᱛᱮ, "ᱢᱤᱥᱤᱨᱤ" ᱞᱮᱡᱮᱱᱰ ᱞᱟᱹᱭᱟ ᱡᱮ ᱩᱱᱠᱩᱣᱟᱜ ᱦᱟᱯᱲᱟᱢ ᱠᱚᱫᱚ ᱯᱷᱟᱨᱳ ᱣᱟᱜ ᱥᱤᱵᱤᱞᱟᱭᱡᱮᱥᱚᱱ ᱨᱤᱱ ᱦᱤᱸᱥ ᱠᱚ ᱛᱟᱦᱮᱸ ᱠᱟᱱᱟ ᱟᱨ ᱱᱟᱭᱤᱞ ᱜᱟᱰᱟ ᱟᱲᱮ ᱟᱲᱮ ᱛᱮ ᱮᱛᱚᱢ ᱥᱮᱫ ᱠᱚ ᱦᱮᱡ ᱟᱠᱟᱱᱟ ᱾ ᱛᱤᱱᱟᱹᱜ ᱜᱟᱱ ᱠᱟᱛᱷᱟ ᱞᱮᱠᱟᱛᱮ, ᱕᱒᱕ ᱵᱤ.ᱥᱤ ᱚᱠᱛᱚ ᱨᱮ ᱢᱤᱥᱚᱨ ᱪᱮᱛᱟᱱ ᱨᱮ ᱯᱟᱨᱥᱤᱭᱟᱱ ᱠᱚᱣᱟᱜ ᱟᱠᱨᱚᱢᱚᱱ ᱠᱷᱚᱱ ᱵᱟᱧᱪᱟᱣ ᱞᱟᱹᱜᱤᱫ ᱩᱱᱠᱩ ᱫᱚ ᱠᱚ ᱩᱪᱟᱹᱲ ᱞᱮᱱᱟ ᱾
ᱯᱨᱳᱴᱳᱼᱱᱤᱞᱳᱴᱤᱠ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱮᱥᱟᱨ ᱥᱚᱦᱚᱥᱨᱟᱵᱽᱫᱤ ᱥᱮᱫ ᱛᱮ ᱢᱤᱫ ᱯᱨᱳᱴᱳᱼᱱᱤᱞᱳᱴᱤᱠ ᱩᱨᱩᱢ ᱵᱮᱱᱟᱣ ᱞᱮᱱᱟ, ᱡᱟᱦᱟᱸ ᱫᱚ ᱰᱟᱝᱜᱽᱨᱟ ᱟᱹᱥᱩᱞ ᱟᱹᱨᱤ ᱪᱮᱛᱟᱱ ᱨᱮ ᱴᱷᱟᱶ ᱟᱠᱟᱱ ᱛᱟᱦᱮᱸᱫ ᱾ ᱯᱟᱹᱨᱥᱤ ᱥᱟᱬᱮᱥ ᱞᱮᱠᱟᱛᱮ, ᱱᱤᱞᱳᱴᱤᱠ ᱯᱟᱹᱨᱥᱤ ᱠᱚᱣᱟᱜ ᱡᱟᱱᱟᱢ ᱫᱚ ᱥᱟᱢᱟᱝ ᱛᱟᱞᱟ ᱱᱟᱭᱤᱞ ᱵᱮᱥᱤᱱ ᱨᱮ ᱦᱩᱭ ᱞᱮᱱᱟ ᱼ ᱡᱟᱦᱟᱸ ᱫᱚ ᱱᱟᱦᱟᱜ ᱠᱷᱟᱨᱛᱩᱢ ᱥᱚᱦᱚᱨ ᱨᱮᱱᱟᱜ ᱮᱛᱚᱢᱼᱥᱟᱢᱟᱝ ᱥᱮᱫ ᱾[᱙] ᱠᱟᱰᱮᱨᱳ ᱞᱮᱠᱟᱱ ᱟᱨᱠᱤᱭᱳᱞᱚᱡᱤᱠᱟᱞ ᱴᱷᱟᱶ ᱠᱚ ᱥᱟᱹᱵᱩᱛᱟ ᱡᱮ ᱱᱚᱣᱟ ᱴᱚᱴᱷᱟ ᱨᱮ ᱱᱤᱞᱳᱴᱤᱠ ᱞᱟᱠᱪᱟᱨ ᱫᱚ ᱟᱹᱰᱤ ᱢᱟᱨᱮ ᱠᱷᱚᱱ ᱜᱮ ᱠᱮᱴᱮᱡ ᱛᱟᱦᱮᱸ ᱠᱟᱱᱟ ᱾
ᱱᱚᱣᱟ ᱥᱟᱶᱛᱟ ᱨᱮ ᱰᱟᱝᱜᱽᱨᱟ ᱟᱹᱥᱩᱞ, ᱦᱟᱹᱠᱩ ᱥᱟᱵ ᱟᱨ ᱪᱟᱥᱼᱵᱟᱥ ᱥᱟᱶᱛᱮ ᱥᱟᱸᱜᱤᱧ ᱵᱮᱯᱟᱨ ᱟᱨ ᱵᱷᱮᱜᱟᱨ ᱦᱚᱨᱟ ᱛᱮ ᱛᱳᱯᱟ ᱟᱹᱨᱤ ᱛᱟᱦᱮᱸ ᱠᱟᱱᱟ, ᱡᱟᱦᱟᱸ ᱫᱚ ᱛᱟᱭᱚᱢ ᱛᱮ ᱱᱤᱞᱳᱴᱤᱠ ᱜᱟᱫᱮᱞ ᱠᱚᱨᱮ ᱧᱮᱞ ᱟᱠᱟᱱᱟ ᱾
ᱱᱟᱜᱟᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱛᱟᱞᱟ ᱡᱩᱜᱽ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱑ ᱟᱱᱟᱜ ᱥᱚᱛᱟᱵᱽᱫᱤ ᱥᱮᱫ ᱛᱮ ᱱᱤᱞᱳᱴᱤᱠ ᱩᱪᱟᱹᱲ ᱫᱚ ᱟᱨᱦᱚᱸ ᱡᱳᱨ ᱮᱱᱟ, ᱡᱚᱠᱷᱚᱱ ᱛᱟᱞᱟ ᱥᱩᱫᱟᱱ ᱨᱮ ᱟᱨᱚᱵᱽ ᱵᱮᱯᱟᱨᱤ ᱠᱚ ᱥᱮᱴᱮᱨ ᱮᱱᱟ ᱾ ᱱᱚᱣᱟ ᱛᱟᱭᱚᱢ ᱛᱮᱱᱟᱜ ᱩᱪᱟᱹᱲ ᱫᱚ ᱤᱥᱟᱹᱭ ᱱᱩᱵᱤᱭᱟᱱ ᱨᱟᱡᱽ ᱡᱮᱞᱮᱠᱟ ᱢᱟᱠᱩᱨᱤᱭᱟ ᱟᱨ ᱟᱞᱳᱰᱤᱭᱟ ᱨᱟᱹᱯᱩᱫᱚᱜ (ᱟᱢᱫᱟᱡᱽ ᱑᱕᱐᱐ ᱥᱤ.ᱤ) ᱠᱷᱚᱱ ᱟᱹᱰᱤ ᱢᱟᱬᱟᱝ ᱨᱮ ᱦᱩᱭ ᱞᱮᱱᱟ ᱾ ᱢᱮᱱᱠᱷᱟᱱ ᱟᱨᱚᱵᱽ ᱠᱚ ᱥᱟᱶ ᱮᱛᱚᱦᱚᱵ ᱡᱚᱯᱚᱲᱟᱣ (c. ᱙ᱼ᱑᱐ ᱥᱚᱛᱟᱵᱽᱫᱤ) ᱛᱟᱭᱚᱢ, ᱩᱱᱠᱩ ᱴᱷᱮᱱ ᱟᱭᱢᱟ ᱱᱟᱣᱟ ᱞᱟᱠᱪᱟᱨ ᱟᱨ ᱴᱮᱠᱱᱚᱞᱚᱡᱤ ᱥᱮᱴᱮᱨ ᱞᱮᱱᱟ, ᱡᱮᱞᱮᱠᱟ ᱠᱩᱸᱫᱽ ᱵᱟᱹᱱᱩᱜ ᱰᱟᱝᱜᱽᱨᱟ ᱟᱹᱥᱩᱞ ᱾[᱑᱐] ᱱᱚᱣᱟ ᱚᱠᱛᱚ ᱨᱮᱜᱮ ᱮᱛᱚᱢ ᱱᱤᱞᱳᱴᱤᱠ ᱨᱤᱱ ᱦᱟᱯᱲᱟᱢ ᱠᱚᱫᱚ ᱱᱟᱦᱟᱜ ᱮᱛᱚᱢ ᱥᱩᱫᱟᱱ, ᱩᱜᱟᱱᱰᱟ ᱟᱨ ᱯᱟᱪᱮ ᱠᱮᱱᱤᱭᱟ ᱨᱮᱱᱟᱜ ᱜᱟᱥ ᱴᱟᱹᱱᱤ ᱟᱨ ᱡᱚᱞᱟ ᱴᱚᱴᱷᱟ ᱛᱮ ᱠᱚ ᱩᱪᱟᱹᱲ ᱮᱱᱟ ᱾ ᱱᱚᱣᱟ ᱛᱮᱜᱮ ᱮᱛᱚᱢ ᱟᱯᱷᱨᱤᱠᱟ ᱨᱮ ᱮᱛᱚᱦᱚᱵ ᱢᱮᱬᱦᱮᱫ ᱡᱩᱜᱽ ᱨᱮᱱᱟᱜ ᱞᱟᱠᱪᱟᱨ ᱵᱚᱫᱚᱞ ᱫᱚ ᱮᱦᱚᱵ ᱞᱮᱱᱟ ᱾[᱙][᱑᱑]
ᱡᱟᱹᱛᱤ ᱟᱨ ᱪᱟᱸᱜᱟᱼᱜᱟᱫᱮᱞ ᱠᱚ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱮᱱᱡᱤᱱᱼᱨᱚᱲ ᱦᱚᱲ ᱠᱚ ᱢᱩᱫᱽ ᱨᱮ ᱮᱛᱚᱢ ᱟᱯᱷᱨᱤᱠᱟ ᱨᱮ ᱒᱕ ᱠᱷᱚᱱ ᱵᱟᱹᱲᱛᱤ ᱵᱷᱮᱜᱟᱨ ᱵᱷᱮᱜᱟᱨ ᱡᱟᱹᱛᱤ ᱟᱨ ᱪᱟᱸᱜᱟᱼᱜᱟᱫᱮᱞ ᱢᱮᱱᱟᱜ ᱠᱚᱣᱟ ᱾ ᱱᱟᱜᱟᱢ ᱟᱨ ᱯᱟᱹᱨᱥᱤ ᱞᱮᱠᱟᱛᱮ, ᱱᱚᱣᱟ ᱜᱟᱫᱮᱞ ᱠᱚᱫᱚ ᱚᱛᱱᱚᱜ ᱦᱟᱹᱴᱤᱧ ᱟᱨ ᱦᱟᱯᱲᱟᱢ ᱡᱚᱯᱚᱲᱟᱣ ᱞᱮᱠᱟᱛᱮ ᱟᱭᱢᱟ ᱢᱟᱨᱟᱝ ᱠᱞᱟᱥᱴᱟᱨ ᱨᱮ ᱦᱟᱹᱴᱤᱧ ᱟᱠᱟᱱᱟ:[᱑᱒][᱑᱓]
ᱞᱟᱠᱪᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱮᱱᱡᱤᱱ ᱦᱚᱲ ᱠᱚᱣᱟᱜ ᱡᱟᱭᱜᱟᱼᱡᱟᱭᱜᱟ ᱰᱟᱝᱜᱽᱨᱟ ᱟᱹᱥᱩᱞ ᱨᱮᱱᱟᱜ ᱢᱤᱫ ᱟᱹᱰᱤ ᱢᱟᱨᱟᱝ ᱱᱟᱜᱟᱢ ᱢᱮᱱᱟᱜᱼᱟ, ᱢᱮᱱᱠᱷᱟᱱ ᱱᱤᱛᱚᱜ ᱟᱭᱢᱟ ᱜᱟᱫᱮᱞ ᱡᱮᱞᱮᱠᱟ ᱩᱥᱩᱞ ᱴᱚᱴᱷᱟ ᱨᱤᱱ ᱠᱤᱯᱥᱤᱜᱤᱥ ᱟᱨ ᱱᱟᱱᱰᱤ ᱫᱚ ᱪᱟᱥᱼᱵᱟᱥ ᱠᱟᱹᱢᱤ ᱨᱮ ᱠᱚ ᱟᱹᱥᱩᱞᱚᱜ ᱠᱟᱱᱟ ᱾[᱑᱔] ᱱᱟᱦᱟᱜ ᱠᱟᱞᱮᱱᱡᱤᱱ ᱞᱟᱠᱪᱟᱨ ᱫᱚ ᱟᱠᱚᱣᱟᱜ ᱢᱟᱨᱮ ᱦᱮᱨᱤᱴᱮᱡᱽ, ᱵᱨᱤᱴᱤᱥ ᱩᱯᱚᱱᱤᱵᱮᱥ ᱚᱠᱛᱚ ᱨᱮᱱᱟᱜ ᱟᱹᱨᱤᱪᱟᱹᱞᱤ ᱟᱨ ᱱᱟᱦᱟᱜ ᱠᱮᱱᱤᱭᱟᱱ ᱩᱨᱩᱢ ᱨᱮᱱᱟᱜ ᱢᱤᱫ ᱢᱮᱥᱟ ᱠᱟᱱᱟ ᱾
ᱯᱟᱹᱨᱥᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱮᱱᱡᱤᱱ ᱦᱚᱲ ᱫᱚ ᱟᱠᱚᱣᱟᱜ ᱡᱟᱱᱟᱢ ᱟᱲᱟᱝ ᱞᱮᱠᱟᱛᱮ ᱠᱟᱞᱮᱱᱡᱤᱱ ᱯᱟᱹᱨᱥᱤ ᱠᱚ ᱠᱚ ᱨᱚᱲᱟ ᱾ ᱱᱚᱣᱟ ᱯᱟᱹᱨᱥᱤ ᱜᱷᱟᱨᱚᱸᱡᱽ ᱫᱚ ᱱᱤᱞᱳᱴᱤᱠ ᱜᱟᱫᱮᱞ ᱨᱮᱱᱟᱜ ᱠᱟᱱᱟ ᱾ ᱡᱟᱹᱥᱛᱤ ᱠᱟᱭᱛᱮ ᱠᱟᱞᱮᱱᱡᱤᱱ ᱨᱚᱲ ᱦᱚᱲ ᱫᱚ ᱠᱮᱱᱤᱭᱟ ᱨᱮ ᱢᱮᱱᱟᱜ ᱠᱚᱣᱟ, ᱟᱨ ᱠᱚᱢ ᱢᱟᱪᱷᱟ ᱛᱟᱱᱡᱟᱱᱤᱭᱟ (ᱡᱮᱞᱮᱠᱟ: ᱟᱠᱤ) ᱟᱨ ᱩᱜᱟᱱᱰᱟ (ᱡᱮᱞᱮᱠᱟ: ᱠᱩᱯᱥᱟᱵᱤᱱᱤ) ᱨᱮ ᱠᱚ ᱧᱟᱢᱚᱜᱼᱟ ᱾
ᱥᱳᱭᱟᱦᱤᱞᱤ ᱟᱨ ᱤᱝᱞᱤᱥ ᱫᱚ ᱠᱮᱱᱤᱭᱟ ᱨᱮᱱᱟᱜ ᱡᱟᱹᱛᱤᱭᱟᱹᱨᱤ ᱟᱨ ᱨᱟᱡᱽ ᱯᱟᱹᱨᱥᱤ ᱠᱟᱱ ᱛᱮ, ᱟᱭᱢᱟ ᱠᱟᱞᱮᱱᱡᱤᱱ ᱦᱚᱲ ᱱᱚᱣᱟ ᱠᱚ ᱫᱚ ᱫᱚᱥᱟᱨ ᱥᱮ ᱛᱮᱥᱟᱨ ᱯᱟᱹᱨᱥᱤ ᱞᱮᱠᱟᱛᱮ ᱠᱚ ᱵᱮᱵᱷᱟᱨᱟ ᱾
ᱧᱩᱛᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱮᱱᱡᱤᱱ ᱧᱩᱛᱩᱢ ᱫᱚ ᱠᱮᱱᱤᱭᱟ ᱨᱤᱱ ᱠᱟᱞᱮᱱᱡᱤᱱ ᱦᱚᱲ, ᱩᱜᱟᱱᱰᱟ ᱨᱤᱱ ᱥᱮᱵᱮᱭ ᱟᱨ ᱛᱟᱱᱡᱟᱱᱤᱭᱟ ᱨᱤᱱ ᱟᱠᱤ ᱦᱚᱲ ᱠᱚ ᱵᱮᱵᱷᱟᱨᱟ ᱾
ᱟᱹᱨᱤᱪᱟᱹᱞᱤ ᱞᱮᱠᱟᱛᱮ ᱢᱤᱫ ᱦᱚᱲ ᱟᱜ ᱵᱟᱨᱭᱟ ᱢᱩᱬᱩᱛ ᱧᱩᱛᱩᱢ ᱛᱟᱦᱮᱸᱱᱟ, ᱢᱮᱱᱠᱷᱟᱱ ᱱᱟᱦᱟᱜ ᱡᱟᱱᱟᱢ ᱚᱠᱛᱚ ᱨᱮ ᱢᱤᱫᱴᱟᱹᱝ ᱤᱥᱟᱹᱭ ᱥᱮ ᱟᱨᱚᱵᱤᱠ ᱧᱩᱛᱩᱢ ᱦᱚᱸ ᱠᱚ ᱮᱢᱟ ᱠᱚᱣᱟ ᱾ ᱚᱱᱟᱛᱮ ᱛᱮᱦᱮᱧ ᱟᱭᱢᱟ ᱠᱟᱞᱮᱱᱡᱤᱱ ᱦᱚᱲᱟᱜ ᱯᱮᱭᱟ ᱧᱩᱛᱩᱢ ᱛᱟᱦᱮᱸᱱᱟ ᱾ ᱟᱯᱟᱛ ᱟᱜ ᱧᱩᱛᱩᱢ ᱥᱟᱶ ᱡᱚᱲᱟᱣ 'ᱟᱨᱟᱯ' ᱫᱚ ᱛᱟᱭᱚᱢ ᱛᱮ ᱦᱟᱨᱟ ᱠᱟᱛᱮ ᱠᱚ ᱧᱟᱢᱟ, ᱡᱮᱞᱮᱠᱟ: ᱰᱮᱱᱤᱭᱮᱞ ᱴᱳᱨᱳᱭᱴᱤᱪ ᱟᱨᱟᱯ ᱢᱳᱭ ᱾
ᱫᱷᱚᱨᱚᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱱᱟᱦᱟᱜ ᱠᱟᱞᱮᱱᱡᱤᱱ ᱦᱚᱲ ᱠᱚ ᱢᱩᱫᱽ ᱨᱮ ᱡᱟᱹᱥᱛᱤ ᱦᱚᱲ ᱜᱮ ᱤᱥᱟᱹᱭ ᱫᱷᱚᱨᱚᱢ ᱠᱚ ᱢᱟᱱᱟᱣᱟ ᱟᱨ ᱛᱤᱱᱟᱹᱜ ᱜᱟᱱ ᱫᱚ ᱤᱥᱞᱟᱢ ᱫᱷᱚᱨᱚᱢ ᱨᱤᱱ ᱠᱟᱱᱟ ᱠᱚ ᱾
ᱞᱟᱠᱪᱟᱨ ᱠᱟᱛᱷᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱮᱱᱡᱤᱱ ᱥᱟᱶᱛᱟ ᱨᱮ ᱟᱹᱰᱤ ᱠᱤᱥᱟᱹᱬ ᱞᱟᱠᱪᱟᱨ ᱠᱟᱛᱷᱟ ᱢᱮᱱᱟᱜᱼᱟ ᱾ ᱜᱤᱫᱽᱨᱟᱹ ᱠᱚ ᱥᱮᱪᱮᱫ ᱮᱢ ᱞᱟᱹᱜᱤᱫ ᱟᱭᱢᱟ ᱠᱟᱹᱦᱱᱤ ᱠᱚ ᱞᱟᱹᱭ ᱟᱠᱚᱣᱟ ᱾ ᱚᱱᱟ ᱢᱩᱫᱽ ᱨᱮ 'ᱪᱮᱢᱳᱥᱤᱛ' ᱧᱩᱛᱩᱢᱟᱱ ᱢᱤᱫ ᱵᱚᱛᱚᱨᱟᱱ ᱨᱟᱠᱥᱟᱥ ᱟᱜ ᱠᱟᱛᱷᱟ ᱟᱹᱰᱤ ᱧᱩᱛᱩᱢᱟᱱᱟ, ᱡᱟᱦᱟᱸᱭ ᱫᱚ ᱵᱟᱝ ᱢᱟᱱᱟᱣ ᱜᱤᱫᱽᱨᱟᱹ ᱠᱚᱣᱟᱜ ᱢᱚᱡᱟ ᱡᱚᱢ ᱛᱟᱠᱚᱣᱟ ᱢᱮᱱᱛᱮ ᱠᱚ ᱞᱟᱹᱭᱟ ᱾
ᱦᱩᱱᱟᱹᱨ ᱟᱨ ᱠᱟᱹᱥᱵᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱞᱮᱱᱡᱤᱱ ᱞᱟᱠᱪᱟᱨ ᱨᱮ ᱦᱩᱱᱟᱹᱨ ᱟᱨ ᱠᱟᱹᱥᱵᱤ ᱨᱮᱱᱟᱜ ᱟᱹᱰᱤ ᱢᱟᱨᱟᱝ ᱴᱷᱟᱶ ᱢᱮᱱᱟᱜᱼᱟ, ᱡᱟᱸᱦᱟ ᱨᱮ ᱯᱩᱛᱷᱤ ᱢᱟᱞᱟ ᱛᱮ ᱥᱟᱡᱟᱣ ᱦᱩᱱᱟᱹᱨ ᱫᱚ ᱡᱚᱛᱚ ᱠᱷᱚᱱ ᱵᱟᱹᱲᱛᱤ ᱞᱟᱦᱟ ᱟᱠᱟᱱᱟ ᱾[᱑᱕] ᱠᱟᱞᱮᱱᱡᱤᱱ ᱦᱚᱲ ᱫᱚ ᱦᱩᱱᱟᱹᱨ ᱠᱟᱹᱢᱤ ᱞᱟᱹᱜᱤᱫ ᱩᱱᱟᱹᱜ ᱵᱟᱝ ᱠᱚ ᱧᱩᱛᱩᱢᱟᱱ ᱨᱮᱦᱚᱸ, ᱛᱤᱨᱞᱟᱹ ᱦᱚᱲ ᱫᱚ ᱥᱟᱡᱟᱣ ᱟᱠᱟᱱ ᱞᱟᱣᱟ ᱞᱟᱹᱣᱲᱤ ᱠᱚ ᱵᱮᱱᱟᱣᱟ ᱟᱨ ᱦᱟᱴᱼᱵᱟᱡᱟᱨ ᱨᱮ ᱠᱚ ᱟᱹᱠᱷᱨᱤᱧᱟ ᱾ ᱱᱚᱣᱟ ᱞᱟᱣᱟ ᱞᱟᱹᱣᱲᱤ ᱫᱚ ᱠᱟᱞᱮᱱᱡᱤᱱ ᱛᱮ ᱥᱳᱛᱮᱛ ᱠᱚ ᱢᱮᱛᱟᱜᱼᱟ ᱾ ᱱᱚᱣᱟ ᱨᱮ ᱥᱩᱱᱩᱢ ᱠᱚ ᱜᱚᱥᱚᱣᱟ ᱟᱨ ᱨᱚᱝᱼᱵᱮᱨᱚᱝ ᱯᱩᱛᱷᱤ ᱛᱮ ᱠᱚ ᱥᱟᱡᱟᱣᱟ ᱾ ᱱᱚᱣᱟ ᱥᱳᱛᱮᱛ ᱜᱮ ᱟᱹᱨᱤᱪᱟᱹᱞᱤ ᱛᱳᱣᱟ ᱢᱩᱨᱥᱤᱠ ᱫᱚᱦᱚ ᱞᱟᱹᱜᱤᱫ ᱦᱚᱸ ᱠᱚ ᱵᱮᱵᱷᱟᱨᱟ ᱾[᱑᱖]
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "2019 Kenya Population and Housing Census".
- ↑ "Kalenjin People | History, Culture & Subdivisions".
- ↑ "A HISTORY OF THE KIPSIGIS By Henry A. Mwanzi".
- ↑ "Kalenjin: Another lost tribe of Israel?".
- ↑ "Uganda people groups".
- ↑ "Tanzania people groups".
- ↑ Becker, E. (2011). The prehistoric inhabitants of the Wadi Howar. Germany.
- ↑ North Africa in the Hellenistic and Roman periods, Cambridge University Press, 1979
- 1 2 Ehret, Christopher. An African Classical Age, 1998, p.7
- ↑ Robertshaw 1987, pp. 177–189.
- ↑ Clark, J., & Brandt, St, From Hunters to Farmers: The Causes and Consequences of Food Production in Africa. University of California Press, 1984, p.234
- ↑ "2019 Kenya Population and Housing Census Volume IV: Distribution of Population by Socio-Economic Characteristics". Kenya National Bureau of Statistics. Retrieved 24 March 2020.
- ↑ "Kalenjin Cluster".
- ↑ Appiah, Anthony; Gates (Jr.), Henry Louis (2005). Africana: The Encyclopedia of the African and African American Experience (in ᱟᱝᱜᱽᱨᱮᱡᱤ). Oxford University Press. p. 429. ISBN 978-0-19-517055-9.
- ↑ Nandi and Other Kalenjin Peoples, Encyclopedia
- ↑ Gall, T. and Hobby, J., Kalenjin, Worldmark Encyclopedia of Cultures and Everyday Life
- Evans-Pritchard, E.E. (1965) 'The political structure of the Nandi-speaking peoples of Kenya'.
- Kipchumba Foundation (2017) Aspects of Indigenous Religion among the Marakwet of Kenya, Nairobi: Kipchumba Foundation.
- Omosule, Monone (1989). "Kalenjin: the emergence of a corporate name for the 'Nandi-speaking tribes' of East Africa". Genève-Afrique.
- Sutton, J.E.G. (1978) 'The Kalenjin', in Ogot, B.A. (ed.) Kenya before 1900.
- Tanser, Toby (2008) More Fire. How to Run the Kenyan Way.