ᱠᱟᱞᱯᱚᱱᱟ ᱥᱟᱨᱚᱡᱽ
| ᱠᱟᱞᱯᱚᱱᱟ ᱥᱟᱨᱚᱡᱽ | |
|---|---|
 Kalpana Saroj receiving Padma Shri Award in 2013 | |
| ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ ᱟᱨ ᱡᱟᱱᱟᱢ ᱴᱷᱟᱶ | Error: Need valid year, month, day ᱨᱚᱯᱮᱠᱷᱮᱲᱟ, ᱟᱠᱚᱞᱟ, ᱢᱚᱦᱟᱨᱟᱥᱴᱨᱚ, ᱥᱤᱧᱚᱛ |
| ᱫᱤᱥᱚᱢᱤᱭᱟᱹ | ᱥᱤᱧᱚᱛᱤᱭᱟᱹ |
| ᱠᱟᱹᱢᱤ | Business woman & Entrepreneur |
| ᱮᱢᱤᱡ | Kamani Tubes |
| ᱡᱤᱭᱚᱱ ᱥᱚᱦᱮᱫ | Samir Saroj (m. 1980; died 1989) Shubhkaran |
| ᱦᱚᱯᱚᱱ | Timon Saroj, Amar Saroj |
| ᱥᱤᱨᱯᱷᱟᱹ | ᱯᱚᱫᱽᱢᱚᱥᱨᱤ (2013) |
ᱠᱟᱞᱯᱚᱱᱟ ᱥᱟᱨᱚᱡᱽ (ᱡᱟᱱᱟᱢ ᱑᱙᱖᱑) ᱫᱚ ᱢᱤᱫ ᱵᱷᱟᱨᱚᱛᱤᱭᱚ ᱵᱤᱡᱽᱱᱮᱥ ᱛᱤᱨᱞᱟᱹ, ᱵᱮᱯᱟᱨᱤᱭᱟᱹ ᱟᱨ ᱢᱤᱫ TEDx ᱨᱚᱲ ᱦᱚᱲ ᱠᱟᱱᱟᱭ, ᱟᱨ ᱢᱩᱢᱵᱟᱭ, ᱵᱷᱟᱨᱚᱛ ᱨᱮ ᱠᱟᱢᱟᱱᱤ ᱴᱩᱵᱥ ᱨᱤᱱᱤᱡ ᱪᱮᱭᱟᱨᱯᱟᱨᱥᱚᱱ ᱠᱟᱱᱟᱭ᱾ ᱵᱷᱟᱨᱚᱛᱤᱭᱚ ᱛᱤᱨᱞᱟᱹ ᱵᱮᱯᱟᱨᱤᱭᱟᱹ ᱞᱮᱠᱟᱛᱮ ᱩᱯᱨᱩᱢ ᱢᱮᱱᱟᱜ ᱟᱭᱟ, ᱩᱱᱤ ᱫᱚ ᱠᱟᱢᱟᱱᱤ ᱴᱩᱵᱥ ᱠᱚᱢᱯᱟᱱᱤ ᱨᱮᱱᱟᱜ ᱵᱚᱫᱽᱱᱟᱢ ᱟᱥᱮᱴ ᱠᱤᱨᱤᱧ ᱠᱮᱫᱟ ᱟᱨ ᱠᱚᱢᱯᱟᱱᱤ ᱫᱚ ᱱᱟᱯᱟᱭ ᱛᱮ ᱟᱨᱦᱚᱸ ᱞᱟᱵᱷ ᱨᱩᱣᱟᱲ ᱞᱮᱫ ᱠᱚᱣᱟ᱾[᱑]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱨᱚᱡᱽ ᱫᱚ ᱑᱙᱖᱑ ᱨᱮ ᱟᱠᱳᱞᱟ, ᱢᱚᱦᱟᱨᱟᱥᱴᱨᱚ, ᱵᱷᱟᱨᱚᱛ ᱨᱮᱱᱟᱜ ᱨᱳᱯᱮᱨᱠᱷᱮᱰᱟ ᱟᱹᱛᱩ ᱨᱮ ᱢᱤᱫ ᱢᱟᱨᱟᱴᱷᱤ ᱵᱩᱫᱷᱤᱥᱴ ᱜᱷᱟᱨᱚᱸᱡᱽ ᱨᱮ ᱡᱟᱱᱟᱢ ᱞᱮᱱᱟᱭ, ᱯᱮᱭᱟ ᱠᱩᱲᱤ ᱜᱤᱫᱽᱨᱟᱹ ᱟᱨ ᱵᱟᱨᱭᱟ ᱠᱚᱲᱟ ᱜᱤᱫᱽᱨᱟᱹ ᱨᱮ ᱡᱚᱛᱚ ᱠᱷᱚᱱ ᱢᱟᱨᱟᱝ ᱜᱤᱫᱽᱨᱟᱹᱭ ᱛᱟᱦᱮᱸ ᱠᱟᱱᱟ᱾ ᱥᱟᱨᱚᱡᱽ ᱨᱤᱱ ᱟᱯᱟᱛ ᱫᱚ ᱟᱠᱳᱞᱟ ᱨᱮᱱᱟᱜ ᱨᱮᱯᱟᱴᱠᱷᱮᱰ ᱟᱹᱛᱩ ᱨᱮ ᱯᱩᱞᱤᱥ ᱠᱚᱱᱥᱴᱮᱵᱚᱞ ᱞᱮᱠᱟᱛᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ᱾ ᱠᱟᱞᱯᱚᱱᱟ ᱥᱟᱨᱚᱡᱽ ᱫᱚ ᱑᱒ ᱥᱮᱨᱢᱟ ᱩᱢᱮᱨ ᱨᱮ ᱵᱟᱯᱞᱟ ᱮᱱᱟ ᱟᱨ ᱟᱡᱤᱡ ᱡᱟᱶᱟᱭ ᱜᱷᱟᱨᱚᱸᱡᱽ ᱥᱟᱶ ᱢᱩᱢᱵᱟᱭ ᱨᱮᱱᱟᱜ ᱢᱤᱫ ᱵᱟᱹᱲᱛᱤ ᱡᱟᱭᱜᱟ ᱨᱮᱭ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ᱾ ᱟᱡᱤᱡ ᱡᱟᱶᱟᱭ ᱜᱷᱟᱨᱚᱸᱡᱽ ᱨᱤᱱ ᱥᱚᱦᱮᱫ ᱠᱚ ᱦᱚᱛᱮᱛᱮ ᱦᱚᱲᱢᱚ ᱦᱟᱹᱥᱩ ᱧᱟᱢ ᱠᱟᱛᱮ, ᱩᱱᱤ ᱫᱚ ᱟᱡᱤᱡ ᱟᱯᱟᱛ ᱠᱤᱱ ᱵᱟᱧᱪᱟᱣ ᱠᱮᱫᱮᱭᱟ, ᱟᱡᱤᱡ ᱡᱟᱶᱟᱭ ᱮ ᱵᱟᱹᱜᱤ ᱠᱮᱫᱮᱭᱟ ᱟᱨ ᱟᱡ ᱨᱤᱱ ᱟᱭᱳ ᱵᱟᱵᱟ ᱥᱟᱶ ᱵᱟᱥᱟᱜ ᱞᱟᱹᱜᱤᱫ ᱟᱡᱟᱜ ᱟᱹᱛᱩ ᱛᱮ ᱨᱩᱣᱟᱹᱲ ᱮᱱᱟ᱾ ᱟᱹᱛᱩ ᱦᱚᱲ ᱠᱚ ᱦᱚᱛᱮᱛᱮ ᱵᱟᱦᱨᱮ ᱠᱮᱫᱮ ᱠᱷᱟᱹᱛᱤᱨ ᱩᱱᱤ ᱫᱚ ᱟᱡᱛᱮ ᱜᱚᱡᱚᱜ ᱨᱮᱱᱟᱜ ᱠᱩᱨᱩᱢᱩᱴᱩ ᱠᱮᱫᱟ᱾ ᱑᱖ ᱥᱮᱨᱢᱟ ᱩᱢᱮᱨ ᱨᱮ, ᱩᱱᱤ ᱫᱚ ᱟᱡᱤᱡ ᱠᱟᱠᱟ ᱥᱟᱶ ᱵᱟᱥᱟᱜ ᱞᱟᱹᱜᱤᱫ ᱟᱨᱦᱚᱸ ᱢᱩᱢᱵᱟᱭ ᱛᱮ ᱨᱩᱣᱟᱹᱲ ᱮᱱᱟ᱾ ᱩᱱᱤ ᱫᱚ ᱟᱡᱟᱜ ᱜᱷᱟᱨᱚᱸᱡᱽ ᱜᱚᱲᱚ ᱞᱟᱹᱜᱤᱫ ᱢᱤᱫ ᱠᱤᱪᱨᱤᱡ ᱵᱮᱱᱟᱣ ᱠᱟᱹᱨᱠᱷᱟᱱᱟ ᱨᱮ ᱠᱟᱹᱢᱤ ᱮᱦᱚᱵ ᱠᱮᱫᱟ᱾ ᱥᱤᱰᱩᱞ ᱠᱟᱥᱴ ᱦᱚᱲ ᱠᱚ ᱞᱟᱹᱜᱤᱫ ᱥᱚᱨᱠᱟᱨ ᱞᱚᱱ ᱵᱮᱵᱷᱟᱨ ᱠᱟᱛᱮ, ᱩᱱᱤ ᱫᱚ ᱢᱤᱫ ᱠᱟᱹᱴᱤᱡ ᱪᱮᱸᱫᱟᱣ ᱵᱮᱯᱟᱨ ᱟᱨ ᱛᱟᱭᱚᱢ ᱛᱮ ᱢᱤᱫ ᱯᱷᱟᱨᱱᱤᱪᱟᱨ ᱫᱚᱠᱟᱱ ᱮ ᱱᱟᱯᱟᱭ ᱛᱮ ᱮᱦᱚᱵ ᱠᱮᱫᱟ᱾[᱒]
ᱵᱮᱯᱟᱨᱤ ᱡᱚᱡᱽᱱᱟ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱯᱚᱱᱟ ᱥᱟᱨᱚᱡᱽ ᱫᱚ KS ᱯᱷᱤᱞᱢ ᱯᱨᱚᱰᱚᱠᱥᱚᱱ ᱮ ᱮᱦᱚᱵ ᱠᱮᱫᱟ ᱟᱨ ᱟᱡᱟᱜ ᱯᱩᱭᱞᱩ ᱢᱩᱵᱷᱤ ᱯᱨᱚᱰᱩᱥ ᱠᱮᱫᱟ ᱡᱟᱦᱟᱸ ᱫᱚ ᱤᱝᱜᱽᱞᱤᱥ, ᱛᱮᱞᱩᱜᱩ ᱟᱨ ᱦᱤᱱᱫᱤ ᱨᱮ ᱰᱟᱵ ᱞᱮᱱ ᱛᱟᱦᱮᱸᱫ᱾ ᱠᱷᱮᱭᱨᱟᱞᱟᱱᱡᱤ ᱢᱩᱵᱷᱤ ᱫᱚ ᱫᱤᱞᱤᱯ ᱢᱷᱟᱥᱠᱮ, ᱡᱭᱳᱛᱤ ᱨᱮᱰᱤ ᱟᱨ ᱢᱟᱱᱟᱱ ᱜᱳᱨᱮ ᱠᱟᱞᱯᱚᱱᱟ ᱥᱟᱨᱚᱡᱽ ᱭᱟᱜ ᱵᱮᱱᱟᱨ ᱛᱟᱹᱨᱤ ᱨᱮ ᱯᱨᱚᱰᱩᱥ ᱟᱠᱟᱱᱟ᱾
ᱩᱱᱤ ᱫᱚ ᱢᱤᱫ ᱱᱟᱯᱟᱭ ᱨᱤᱭᱟᱞ ᱮᱥᱴᱮᱴ ᱵᱤᱡᱽᱱᱮᱥ ᱵᱮᱱᱟᱣ ᱠᱮᱫᱟ ᱟᱨ ᱟᱡᱟᱜ ᱡᱳᱜᱟᱡᱳᱜᱽ ᱟᱨ ᱵᱮᱯᱟᱨᱤ ᱥᱠᱤᱞ ᱞᱟᱹᱜᱤᱫ ᱩᱯᱨᱩᱢ ᱮ ᱦᱟᱢᱮᱴ ᱠᱮᱫᱟ᱾ ᱩᱱᱤ ᱫᱚ ᱠᱟᱢᱟᱱᱤ ᱴᱩᱵᱥ ᱨᱮᱱᱟᱜ ᱵᱳᱨᱰ ᱨᱮᱭ ᱛᱟᱦᱮᱸ ᱠᱟᱱᱟ ᱡᱚᱠᱷᱚᱱ ᱱᱚᱣᱟ ᱫᱚ ᱒᱐᱐᱑ ᱨᱮ ᱞᱤᱠᱣᱤᱰᱮᱥᱚᱱ ᱨᱮ ᱪᱟᱞᱟᱣ ᱞᱮᱱ ᱛᱟᱦᱮᱸᱫ, ᱟᱨ ᱠᱚᱢᱯᱟᱱᱤ ᱪᱟᱞᱟᱣ ᱠᱟᱛᱮ ᱛᱟᱭᱚᱢ ᱛᱮ ᱩᱱᱤ ᱫᱚ ᱱᱟᱣᱟ ᱛᱮ ᱵᱮᱱᱟᱣ ᱠᱮᱫᱟ ᱟᱨ ᱟᱨᱦᱚᱸ ᱞᱟᱵᱷ ᱨᱩᱣᱟᱹᱲ ᱠᱮᱫᱟ᱾
ᱟᱡᱟᱜ ᱟᱹᱭᱩᱢᱟᱹᱱ ᱞᱮᱠᱟᱛᱮ, ᱩᱱᱤ ᱴᱷᱮᱱ ᱑᱑᱒ ᱢᱤᱞᱤᱭᱚᱱ ᱰᱚᱞᱟᱨ ᱨᱮᱱᱟᱜ ᱯᱟᱨᱥᱟᱱᱟᱞ ᱟᱥᱮᱴ ᱢᱮᱱᱟᱜᱼᱟ᱾
ᱯᱟᱨᱥᱟᱱᱟᱞ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱨᱚᱡᱽ ᱫᱚ ᱢᱤᱫ ᱵᱩᱫᱷᱤᱥᱴ ᱠᱟᱱᱟᱭ᱾ ᱩᱱᱤ ᱫᱚ ᱰᱨ. ᱟᱢᱵᱮᱫᱠᱟᱨ ᱟᱜ ᱪᱮᱫ ᱠᱷᱚᱱ ᱮ ᱤᱱᱥᱯᱟᱭᱟᱨ ᱟᱠᱟᱱᱟ ᱟᱨ ᱱᱚᱣᱟᱭ ᱯᱷᱳᱞᱳᱭᱟ᱾ ᱑᱙᱘᱐ ᱨᱮ, ᱩᱱᱤ ᱫᱚ ᱒᱒ ᱥᱮᱨᱢᱟ ᱩᱢᱮᱨ ᱨᱮ ᱥᱟᱢᱤᱨ ᱥᱟᱨᱚᱡᱽ ᱥᱟᱶ ᱟᱨᱦᱚᱸᱭ ᱵᱟᱯᱞᱟ ᱮᱱᱟ, ᱡᱟᱦᱟᱸ ᱥᱟᱶ ᱩᱱᱤ ᱨᱤᱱ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱟᱢᱟᱨ ᱥᱟᱨᱚᱡᱽ (ᱡᱟᱱᱟᱢ ᱑᱙᱘᱕), ᱟᱨ ᱢᱤᱫ ᱠᱩᱲᱤ ᱜᱤᱫᱽᱨᱟᱹ ᱥᱤᱢᱟ ᱥᱟᱨᱚᱡᱽ (ᱡᱟᱱᱟᱢ ᱑᱙᱘᱗) ᱢᱮᱱᱟᱜ ᱠᱤᱱᱟ᱾ ᱑᱙᱘᱙ ᱨᱮ, ᱟᱡᱤᱡ ᱡᱟᱶᱟᱭ ᱜᱚᱡ ᱮᱱᱟ, ᱟᱨ ᱥᱟᱨᱚᱡᱽ ᱫᱚ ᱩᱱᱤᱭᱟᱜ ᱤᱥᱴᱤᱞ ᱠᱟᱯᱵᱚᱨᱰ ᱵᱮᱱᱟᱣ ᱵᱤᱡᱽᱱᱮᱥ ᱮ ᱦᱟᱢᱮᱴ ᱠᱮᱫᱟ᱾
ᱥᱤᱨᱯᱷᱟᱹ ᱟᱨ ᱩᱯᱨᱩᱢ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱞᱯᱚᱱᱟ ᱥᱟᱨᱚᱡᱽ ᱫᱚ ᱒᱐᱑᱓ ᱨᱮ ᱴᱨᱮᱰ ᱟᱨ ᱤᱱᱰᱚᱥᱴᱨᱤ ᱞᱟᱹᱜᱤᱫ ᱯᱟᱫᱽᱢᱟ ᱥᱨᱤ ᱥᱤᱨᱯᱷᱟᱹᱭ ᱧᱟᱢ ᱠᱮᱫᱟ᱾
ᱩᱱᱤ ᱫᱚ ᱵᱷᱟᱨᱚᱛ ᱥᱚᱨᱠᱟᱨ ᱦᱚᱛᱮᱛᱮ ᱵᱷᱟᱨᱚᱛᱤᱭᱚ ᱢᱟᱦᱤᱞᱟ ᱵᱮᱸᱠ ᱨᱤᱱ ᱰᱟᱭᱨᱮᱠᱴᱚᱨ ᱨᱮᱱᱟᱜ ᱵᱳᱨᱰ ᱨᱮ ᱵᱟᱦᱟᱞ ᱦᱩᱭ ᱞᱮᱱ ᱛᱟᱦᱮᱸᱫ, ᱱᱚᱣᱟ ᱵᱮᱸᱠ ᱫᱚ ᱢᱩᱬ ᱞᱮᱠᱟᱛᱮ ᱛᱤᱨᱞᱟᱹ ᱠᱚ ᱞᱟᱹᱜᱤᱫ ᱛᱮ ᱠᱟᱱᱟ᱾
ᱩᱱᱤ ᱫᱚ ᱤᱱᱰᱤᱭᱟᱱ ᱤᱱᱥᱴᱤᱴᱭᱩᱴ ᱚᱯᱷ ᱢᱮᱱᱮᱡᱽᱢᱮᱱᱴ ᱵᱟᱸᱜᱽᱞᱳᱨ ᱨᱤᱱ ᱜᱚᱵᱷᱚᱨᱱᱚᱨ ᱨᱮᱱᱟᱜ ᱵᱳᱨᱰ ᱨᱮ ᱦᱚᱸᱭ ᱠᱟᱹᱢᱤᱭᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ "From child bride to multi-millionaire in India". BBC News. Retrieved 10 April 2013.
- ↑ Choudhury, Snigdha. "Child Marriage, Domestic Abuse And Padma Shri: Kalpana Saroj". www.india.com (in ᱟᱝᱜᱽᱨᱮᱡᱤ). Retrieved 2023-12-31.