ᱠᱟᱢᱟᱞ ᱞᱳᱦᱟᱱᱤ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
Jump to navigation Jump to search
ᱠᱟᱢᱟᱞ ᱞᱳᱦᱟᱱᱤ
Kamal Lohani.jpg
᱒᱐᱑᱘ ᱥᱮᱨᱢᱟ ᱨᱮ ᱞᱳᱦᱟᱱᱤ
Director General of Shilpakala Academy
ᱟᱹᱢᱟᱹᱞᱤ ᱨᱮ
᱒᱐ ᱮᱯᱨᱤᱞ ᱒᱐᱐᱙ – ᱑᱐ ᱮᱯᱨᱤᱞ ᱒᱐᱑᱑
ᱢᱟᱬᱟᱝ ᱟᱹᱢᱟᱹᱞᱤᱭᱟᱹ Bhuiyan Shafiqul Islam[᱑]
ᱛᱟᱭᱚᱢ ᱟᱹᱢᱟᱹᱞᱤᱭᱟᱹ ᱞᱤᱭᱟᱠᱚᱛ ᱟᱞᱤ ᱞᱟᱠᱤ
ᱯᱟᱨᱥᱚᱱᱟᱞ ᱵᱤᱵᱚᱨᱚᱱ
ᱡᱟᱱᱟᱢ ᱒᱖ ᱡᱩᱱ ᱑᱙᱓᱔ (1934-06-26) (᱘᱖ ᱥᱮᱨᱢᱟ)
ᱜᱩᱨ ᱒᱐ ᱡᱩᱱ ᱒᱐᱒᱐
ᱡᱤᱭᱚᱱ ᱥᱚᱦᱮᱫ
ᱫᱤᱯᱛᱤ ᱨᱟᱱᱤ
(m. 1960; died 2007)
ᱠᱟᱹᱢᱤ ᱥᱟᱝᱵᱟᱫᱤᱠ

ᱠᱟᱢᱟᱞ ᱞᱳᱦᱟᱱᱤ (᱒᱖ ᱡᱩᱱ - ᱒᱐ ᱡᱩᱱ ᱒᱐᱒᱐) ᱫᱚ ᱵᱟᱝᱞᱟᱫᱮᱥ ᱨᱮᱱ ᱢᱤᱫ ᱟᱹᱨᱤᱪᱟᱹᱞᱤ ᱢᱟᱹᱱᱢᱤ, ᱥᱟᱝᱵᱟᱫᱤᱠ ᱟᱨ ᱵᱟᱝᱞᱟᱫᱮᱥ ᱥᱤᱞᱯᱚᱠᱚᱞᱟ ᱮᱠᱟᱰᱮᱹᱢᱤ ᱨᱮᱱ ᱢᱚᱦᱟᱯᱚᱨᱤᱪᱟᱞᱚᱠᱮ ᱛᱟᱸᱦᱮᱸᱠᱟᱱᱟ᱾ ᱑᱙᱗᱑ ᱥᱮᱨᱢᱟ ᱨᱮ ᱵᱟᱝᱞᱟᱫᱮᱥ ᱯᱷᱩᱨᱜᱟᱹᱞ ᱞᱟᱹᱲᱦᱟᱹᱭ ᱚᱠᱛᱚᱨᱮ ᱩᱱᱤ ᱫᱚ ᱯᱷᱩᱨᱜᱟᱹᱞ ᱵᱟᱝᱞᱟ ᱨᱮᱹᱰᱤᱭᱳ ᱨᱮᱱ ᱠᱷᱚᱵᱚᱨ ᱵᱤᱵᱷᱟᱜᱽ ᱨᱮᱱ ᱢᱩᱬᱩᱛ ᱦᱚᱲᱮ ᱛᱟᱸᱦᱮᱸᱠᱟᱱᱟ᱾ ᱑᱖ ᱰᱤᱥᱮᱢᱵᱚᱨ ᱵᱟᱝᱞᱟᱫᱮᱥ ᱨᱮᱱᱟᱜ ᱡᱤᱛᱠᱟᱹᱨ ᱠᱷᱚᱵᱚᱨ ᱫᱚ ᱩᱱᱤᱜᱮ ᱯᱟᱹᱦᱤᱞ ᱫᱷᱟᱣ ᱨᱮᱰᱤᱭᱳ ᱨᱮ ᱠᱷᱚᱵᱚᱨᱮ ᱯᱟᱲᱦᱟᱣ ᱞᱮᱫᱟ᱾ ᱥᱟᱝᱵᱟᱫᱤᱠᱚᱛᱚ ᱨᱮ ᱮᱱᱮᱢ ᱫᱚᱦᱚ ᱵᱟᱠᱷᱨᱟ ᱵᱟᱝᱞᱟᱫᱮᱥ ᱥᱚᱨᱠᱟᱨ ᱩᱱᱤ ᱫᱚ ᱮᱠᱩᱥᱮ ᱥᱤᱨᱯᱟᱹᱭ ᱮᱢ ᱞᱤᱫᱤᱭᱟ᱾

ᱮᱛᱦᱚᱵ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱢᱟᱞ ᱞᱳᱦᱟᱱᱤ ᱑᱙᱓᱔ ᱥᱮᱨᱢᱟ ᱨᱮᱱᱟᱜ ᱒᱖ ᱡᱩᱱ ᱯᱟᱵᱽᱱᱟ ᱦᱚᱱᱚᱛ ᱨᱮᱱᱟᱜ (ᱱᱮᱛᱟᱨ ᱫᱚ ᱥᱤᱨᱟᱡᱽᱜᱚᱸᱡᱽ ᱡᱮᱞᱟ ᱨᱮᱱᱟᱜ ᱩᱞᱞᱟᱯᱟᱲᱟ ᱩᱯᱳᱡᱮᱞᱟ) ᱥᱚᱱᱛᱚᱞᱟ ᱟᱛᱚ ᱨᱮᱭ ᱡᱟᱱᱟᱢ ᱞᱮᱱᱟ᱾ ᱟᱡ ᱵᱟᱵᱟ ᱫᱚ ᱟᱵᱩ ᱤᱣᱥᱩᱯᱷ ᱢᱳᱦᱟᱢᱢᱚᱫᱽ ᱢᱩᱥᱟ ᱠᱷᱟᱱ ᱞᱳᱦᱟᱱᱤ ᱟᱨ ᱟᱡ ᱜᱚᱜᱚ ᱫᱚ ᱨᱳᱠᱮᱭᱟ ᱠᱷᱟᱱ ᱞᱳᱦᱟᱱᱤ᱾ ᱟᱭᱟᱜ ᱟᱥᱚᱞ ᱧᱩᱛᱩᱢ ᱫᱚ ᱦᱩᱭᱩᱜ ᱠᱟᱱ ᱛᱟᱭᱟ ᱟᱵᱩ ᱱᱚᱭᱤᱢ ᱢᱳᱦᱟᱢᱢᱚᱫᱽ ᱢᱳᱥᱛᱳᱯᱷᱟ ᱠᱟᱢᱟᱞ ᱠᱷᱟᱱ ᱞᱳᱦᱟᱱᱤ᱾ ᱠᱟᱢᱟᱞ ᱫᱚ ᱠᱳᱞᱠᱟᱛᱟᱨᱮ ᱚᱞ ᱯᱟᱲᱦᱟᱣ ᱣ ᱮᱛᱦᱚᱵ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱥᱤᱧᱚᱛ ᱵᱷᱟᱜᱽ ᱛᱟᱭᱚᱢ ᱑᱙᱔᱘ ᱥᱮᱨᱢᱟ ᱩᱱᱠᱩ ᱫᱚ ᱯᱟᱵᱽᱱᱟ ᱨᱮᱠᱚ ᱦᱮᱡ ᱮᱱᱟ᱾ ᱑᱙᱕᱒ ᱥᱮᱨᱢᱟ ᱨᱮ ᱯᱟᱵᱽᱱᱟ ᱡᱮᱞᱟ ᱤᱥᱠᱩᱞ ᱠᱷᱚᱱ ᱮᱥ ᱮᱥ ᱥᱤ ᱵᱤᱱᱤᱰ ᱮ ᱮᱢ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱮᱰᱣᱟᱨᱰ ᱠᱚᱞᱮᱡᱽ ᱠᱷᱚᱱ ᱮᱤᱭᱤᱪ ᱮᱥ ᱥᱤᱭ ᱯᱟᱥ ᱠᱮᱫᱟ᱾

ᱨᱟᱡᱟᱨᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱢᱟᱞ ᱞᱳᱦᱟᱱᱤ ᱡᱚᱠᱷᱚᱱᱮ ᱯᱟᱲᱦᱟᱜ ᱠᱟᱱ ᱛᱟᱸᱦᱮᱸᱱᱟ ᱩᱱ ᱡᱚᱠᱷᱚᱡ ᱠᱷᱚᱱ ᱜᱮ ᱨᱟᱡᱟᱨᱤ ᱥᱟᱶᱛᱮᱭ ᱥᱮᱞᱮᱫᱽ ᱞᱮᱱᱟ᱾ ᱑᱙᱕᱒ ᱥᱮᱨᱢᱟ ᱨᱮ ᱵᱟᱝᱞᱟ ᱯᱟᱹᱨᱥᱤ ᱟᱱᱫᱚᱞᱚᱱ ᱨᱮᱭ ᱥᱮᱞᱮᱫᱽ ᱞᱮᱱᱟ᱾ ᱑᱙᱕᱓ ᱥᱮᱨᱢᱟ ᱨᱮ ᱮᱰᱣᱨᱰ ᱠᱚᱞᱮᱡᱽ ᱨᱮ ᱱᱩᱨᱩᱞ ᱟᱢᱤᱱ ᱟᱨ ᱮᱴᱟᱜ ᱢᱩᱥᱞᱤᱢ ᱞᱤᱜᱽ ᱱᱮᱛᱟ ᱠᱩ ᱦᱟᱹᱡᱩᱜ ᱵᱤᱨᱩᱫᱷ ᱨᱮ ᱦᱩᱭᱞᱮᱱ ᱢᱤᱫ ᱵᱤᱠᱠᱷᱚᱵᱽ ᱨᱮ ᱥᱮᱞᱮᱫᱽ ᱠᱷᱟᱹᱛᱤᱨ ᱯᱩᱞᱤᱥ ᱠᱩ ᱜᱨᱮᱯᱷᱛᱟᱨ ᱞᱤᱫᱤᱭᱟ᱾ ᱑᱙᱕᱔ ᱥᱮᱨᱢᱟ ᱨᱮ ᱡᱩᱠᱛᱚᱯᱷᱨᱚᱱᱴ ᱥᱟᱶᱛᱮ ᱥᱮᱞᱮᱫᱽ ᱛᱟᱸᱦᱮᱸᱱ ᱠᱷᱟᱹᱛᱤᱨ ᱫᱚᱲᱦᱟ ᱛᱮᱭ ᱜᱨᱮᱯᱷᱛᱟᱨ ᱚᱪᱚᱞᱮᱱᱟ᱾ ᱥᱮᱠᱷ ᱢᱩᱡᱤᱵᱩᱨ ᱨᱚᱦᱚᱢᱟᱱ, ᱛᱟᱡᱽᱩᱫᱫᱤᱱ ᱟᱦᱢᱮᱫᱽ ᱟᱨᱦᱚᱸ ᱥᱟᱶᱛᱮᱱᱠᱩ ᱱᱮᱛᱟ ᱠᱩ ᱥᱟᱶᱛᱮ ᱡᱮᱦᱮᱞ ᱮ ᱠᱷᱟᱴᱟᱣ ᱟᱠᱟᱱᱟ᱾ ᱑᱙᱕᱕ ᱥᱮᱨᱢᱟ ᱨᱮᱱᱟᱜ ᱡᱩᱞᱟᱭ ᱪᱟᱸᱫᱚ ᱡᱮᱦᱮᱞ ᱠᱷᱚᱱ ᱢᱩᱠᱛᱤ ᱧᱟᱢ ᱠᱟᱛᱮ ᱰᱷᱟᱠᱟᱭ ᱦᱮᱡ ᱮᱱᱟ ᱟᱨ ᱩᱱ ᱡᱚᱠᱷᱚᱡ ᱢᱟᱨᱠᱥᱵᱟᱫᱽ ᱥᱟᱶᱛᱮᱭ ᱡᱚᱲᱟᱣ ᱞᱮᱱᱟ᱾ ᱩᱱ ᱚᱠᱛᱚ ᱨᱮ ᱩᱱᱤ ᱫᱚ ᱱᱮᱥᱱᱟᱞ ᱟᱣᱟᱢᱤ ᱯᱟᱨᱴᱤᱭ ᱠᱚᱨᱟᱣ ᱮᱛ ᱛᱟᱸᱦᱮᱸᱱᱟ᱾ ᱑᱙᱕᱘ ᱥᱮᱨᱢᱟ ᱨᱮ ᱥᱟᱢᱚᱨᱤᱠ ᱥᱟᱥᱚᱱ ᱡᱚᱠᱷᱚᱡ ᱮᱴᱟᱜ ᱠᱩ ᱥᱟᱶᱛᱮ ᱟᱡ ᱦᱚᱸᱭ ᱩᱠᱩ ᱫᱟᱱᱟᱝ ᱞᱮᱱᱟ᱾ ᱤᱱᱟᱹ ᱛᱟᱭᱚᱢ ᱑᱙᱖᱒ ᱥᱮᱨᱢᱟ ᱨᱮ ᱟᱨᱦᱚᱸ ᱡᱮᱦᱮᱞ ᱨᱮᱭ ᱪᱟᱞᱟᱣ ᱞᱮᱱᱟ᱾ ᱜᱚᱡᱚᱜ ᱞᱟᱦᱟ ᱫᱷᱟᱹᱵᱤᱡ ᱩᱱᱤ ᱫᱚ ᱵᱟᱝᱞᱟᱫᱮᱥ ᱠᱚᱢᱤᱣᱱᱤᱥᱴ ᱯᱟᱨᱴᱤ ᱨᱮᱱ ᱥᱚᱦᱮᱫ ᱮ ᱛᱟᱸᱦᱮᱸᱠᱟᱱᱟ᱾

ᱠᱟᱹᱢᱤ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱕᱕-᱑᱙᱗᱐

ᱠᱟᱢᱟᱞ ᱞᱳᱦᱟᱱᱤ ᱰᱷᱟᱠᱟ ᱨᱮ ᱡᱚᱠᱷᱚᱱᱮ ᱦᱮᱡ ᱮᱱᱟ ᱩᱱ ᱡᱚᱠᱷᱚᱡ ᱟᱡ ᱪᱟᱪᱟ ᱨᱮᱱ ᱦᱚᱯᱚᱱᱛᱮᱭᱟᱜ ᱜᱚᱸᱲᱚᱸ ᱛᱮ ᱫᱳᱭᱱᱤᱠ ᱢᱤᱞᱞᱟᱛ ᱠᱷᱚᱵᱚᱨ ᱠᱟᱜᱚᱡᱽ ᱨᱮ ᱠᱟᱹᱢᱤᱭ ᱮᱛᱦᱚᱵ ᱞᱮᱫᱟ᱾ ᱤᱱᱟᱹ ᱛᱟᱭᱚᱢ ᱫᱳᱭᱱᱤᱠ ᱟᱡᱟᱫᱽ, ᱫᱳᱭᱱᱤᱠ ᱥᱚᱝᱵᱟᱫᱽ, ᱫᱳᱭᱱᱤᱠ ᱯᱩᱨᱵᱳᱫᱮᱥ, ᱫᱳᱭᱱᱤᱠ ᱵᱟᱨᱛᱟ ᱮᱢᱟᱱᱛᱮᱭᱟᱜ ᱠᱷᱚᱵᱚᱨ ᱠᱟᱜᱚᱡᱽ ᱨᱮᱭ ᱠᱟᱹᱢᱤ ᱟᱠᱟᱫᱟ᱾ ᱩᱱᱤ ᱫᱚ ᱥᱟᱝᱵᱟᱫᱤᱠ ᱤᱣᱱᱤᱭᱚᱱ ᱨᱮ ᱵᱟᱨ ᱫᱷᱟᱣ ᱛᱮ ᱡᱚᱱᱚᱲ ᱥᱩᱛᱨᱮᱛ ᱞᱮᱠᱟᱛᱮᱭ ᱛᱟᱸᱦᱮᱸᱠᱟᱱᱟ ᱟᱨ ᱰᱷᱟᱠᱟ ᱥᱟᱝᱵᱟᱫᱤᱠ ᱤᱣᱱᱤᱭᱚᱱ ᱨᱮ ᱫᱚ ᱯᱟᱨᱥᱮᱛ ᱦᱚᱸᱭ ᱛᱟᱸᱦᱮᱸᱠᱟᱱᱟ᱾

ᱜᱷᱟᱸᱨᱚᱡᱽ ᱡᱤᱭᱚᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱠᱟᱢᱟᱞ ᱞᱳᱦᱟᱱᱤ ᱫᱚ ᱑᱙᱖᱐ ᱥᱮᱨᱢᱟ ᱨᱮ ᱟᱡ ᱪᱟᱪᱟ ᱨᱮᱱ ᱦᱚᱯᱚ ᱟᱨᱟᱛ ᱫᱤᱯᱛᱤ ᱞᱳᱦᱟᱱᱤ ᱥᱟᱶᱮ ᱵᱟᱯᱞᱟ ᱞᱮᱱᱟ᱾ ᱱᱩᱠᱤᱱ ᱵᱟᱱᱟ ᱦᱚᱲ ᱨᱮᱱ ᱵᱟᱨᱮᱭᱟ ᱠᱩᱲᱤ ᱜᱤᱫᱽᱨᱟᱹ ᱟᱨ ᱢᱤᱫᱴᱮᱱ ᱠᱚᱲᱟ ᱜᱤᱫᱽᱨᱟᱹ ᱢᱮᱱᱟᱜ ᱠᱤᱱᱟ᱾ ᱟᱡ ᱵᱟᱹᱦᱩ ᱫᱚ ᱒᱐᱐᱗ ᱥᱮᱨᱢᱟ ᱨᱮᱱᱟᱜ ᱒᱔ ᱱᱚᱵᱷᱮᱢᱵᱚᱨ ᱨᱮᱭ ᱵᱚᱸᱜᱟ ᱛᱟᱞᱟᱣ ᱟᱠᱟᱱᱟ᱾

ᱵᱟᱨᱦᱮ ᱡᱚᱱᱚᱲ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱯᱷᱮᱰᱟᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

  1. "New reshuffle in admin". The Daily Star (in ᱟᱝᱜᱽᱨᱮᱡᱤ). 2008-04-01. Retrieved 2019-02-13.