ᱠᱟᱧᱪᱟᱱ ᱪᱚᱣᱫᱷᱚᱨᱤ ᱵᱷᱚᱴᱟᱪᱟᱨᱡᱚ
ᱠᱟᱧᱪᱟᱱ ᱪᱚᱣᱫᱷᱚᱨᱤ ᱵᱷᱚᱴᱟᱪᱟᱨᱡᱚ (c. ᱑᱙᱔᱗ - ᱒᱖ ᱚᱜᱚᱥᱴ ᱒᱐᱑᱙) ᱫᱚ ᱥᱤᱧᱚᱛ ᱨᱮᱱᱟᱜ ᱤᱱᱰᱤᱭᱟᱱ ᱯᱚᱞᱤᱥ ᱥᱟᱨᱵᱷᱤᱥ (ᱟᱭ. ᱯᱤ. ᱮᱥ.) ᱨᱮ ᱫᱚᱥᱟᱨ ᱛᱤᱨᱞᱟᱹ ᱚᱯᱷᱤᱥᱚᱨ ᱮ ᱛᱟᱦᱮᱸ ᱠᱟᱱᱟ, ᱯᱩᱭᱞᱩ ᱫᱚ ᱠᱤᱨᱚᱱ ᱵᱮᱫᱤ ᱠᱟᱱᱟᱭ᱾ ᱑᱙᱗᱓ ᱵᱮᱪ ᱨᱮᱱᱟᱜ ᱟᱭ. ᱯᱤ. ᱮᱥ. ᱚᱯᱷᱤᱥᱚᱨ ᱦᱤᱥᱟᱹᱵᱽ ᱛᱮ, ᱩᱱᱤ ᱫᱚ ᱢᱤᱫ ᱯᱚᱱᱚᱛ ᱨᱮᱱᱟᱜ ᱰᱤᱨᱮᱠᱴᱚᱨ ᱡᱮᱱᱮᱨᱟᱞ ᱚᱯᱷ ᱯᱚᱞᱤᱥ ᱵᱮᱱᱟᱣ ᱟᱠᱟᱱ ᱯᱩᱭᱞᱩ ᱛᱤᱨᱞᱟᱹ ᱛᱟᱦᱮᱸ ᱠᱟᱱᱟ ᱟᱨ ᱓᱑ ᱚᱠᱴᱚᱵᱚᱨ ᱒᱐᱐᱗ ᱨᱮ ᱓᱓ ᱥᱮᱨᱢᱟ ᱥᱟᱨᱵᱷᱤᱥ ᱛᱟᱭᱚᱢ ᱨᱤᱴᱟᱭᱟᱨ ᱮᱱᱟᱭ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱨᱟᱡᱽᱟᱹᱨᱤ ᱨᱮ ᱥᱮᱞᱮᱫ ᱮᱱᱟᱭ ᱟᱨ ᱒᱐᱑᱔ ᱨᱮᱱᱟᱜ ᱥᱤᱧᱚᱛᱤᱭᱟᱹ ᱡᱮᱱᱮᱨᱟᱞ ᱵᱟᱪᱷᱱᱟᱣ ᱨᱮ ᱦᱟᱨᱤᱫᱽᱣᱟᱨ, ᱩᱛᱛᱚᱨᱟᱠᱷᱚᱸᱰ ᱠᱷᱚᱱ ᱟᱢ ᱟᱫᱽᱢᱤ ᱯᱟᱨᱴᱤ ᱨᱮᱱ ᱠᱟᱱᱰᱤᱰᱮᱴ ᱞᱮᱠᱟᱛᱮ ᱫᱟᱹᱲ ᱠᱮᱫᱟᱭ᱾[᱑]
ᱮᱛᱚᱦᱚᱵ ᱡᱤᱭᱚᱱ ᱟᱨ ᱥᱮᱪᱮᱫ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱚᱣᱫᱷᱚᱨᱤ ᱫᱚ ᱦᱤᱢᱟᱪᱚᱞ ᱨᱮ ᱡᱟᱱᱟᱢ ᱞᱮᱱᱟᱭ ᱟᱨ ᱟᱢᱨᱤᱛᱥᱚᱨ ᱟᱨ ᱫᱤᱞᱞᱤ ᱨᱮ ᱛᱟᱦᱮᱸ ᱞᱮᱱᱟᱭ᱾ ᱩᱱᱤ ᱫᱚ ᱢᱟᱫᱟᱱ ᱢᱚᱦᱚᱱ ᱪᱚᱣᱫᱷᱚᱨᱤ ᱨᱮᱱ ᱯᱩᱭᱞᱩ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟᱭ᱾[᱒] ᱪᱚᱣᱫᱷᱚᱨᱤ ᱫᱚ ᱜᱚᱵᱷᱚᱨᱱᱢᱮᱱᱴ ᱠᱚᱞᱮᱡᱽ ᱯᱷᱚᱨ ᱣᱤᱢᱮᱱ, ᱟᱢᱨᱤᱛᱥᱚᱨ ᱨᱮ ᱥᱮᱞᱮᱫ ᱞᱮᱱᱟᱭ᱾ ᱛᱟᱭᱚᱢ ᱛᱮ, ᱠᱟᱧᱪᱟᱱ ᱫᱚ ᱤᱸᱜᱽᱞᱤᱥ ᱞᱤᱴᱮᱨᱮᱪᱚᱨ ᱨᱮ ᱢᱟᱥᱴᱚᱨ ᱚᱯᱷ ᱟᱨᱴᱥ (ᱮᱢ. ᱮ.) ᱤᱱᱫᱽᱨᱚᱯᱨᱚᱥᱛᱷᱚ ᱠᱚᱞᱮᱡᱽ, ᱫᱤᱞᱞᱤ ᱭᱩᱱᱤᱵᱷᱚᱨᱥᱤᱴᱤ ᱠᱷᱚᱱ ᱯᱩᱨᱟᱹᱣ ᱠᱮᱫᱟᱭ, ᱚᱱᱟ ᱛᱟᱭᱚᱢ ᱑᱙᱙᱓ ᱨᱮ ᱭᱩᱱᱤᱵᱷᱚᱨᱥᱤᱴᱤ ᱚᱯᱷ ᱣᱩᱞᱞᱚᱝᱜᱚᱝ, ᱱᱭᱩ ᱥᱟᱣᱛᱷ ᱣᱮᱞᱥ, ᱚᱥᱴᱨᱮᱞᱤᱭᱟ ᱠᱷᱚᱱ ᱢᱟᱥᱴᱚᱨ ᱚᱯᱷ ᱵᱤᱡᱽᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ (ᱮᱢ. ᱵᱤ. ᱮ.) ᱰᱤᱜᱽᱨᱤ ᱧᱟᱢ ᱠᱮᱫᱟᱭ᱾
᱒᱐᱑᱔ ᱨᱮ ᱢᱤᱫ ᱤᱱᱴᱟᱨᱵᱷᱤᱭᱩ ᱨᱮ, ᱠᱟᱧᱪᱟᱱ ᱮ ᱞᱟᱹᱭ ᱟᱠᱟᱫᱟ ᱡᱮ ᱩᱱᱤ ᱫᱚ ᱯᱩᱞᱤᱥ ᱚᱯᱷᱤᱥᱚᱨ ᱵᱮᱱᱟᱣ ᱞᱟᱹᱜᱤᱫ ᱮ ᱤᱱᱥᱯᱟᱭᱟᱨ ᱞᱮᱱᱟ ᱪᱮᱫᱟᱜ ᱥᱮ ᱟᱡ ᱵᱟᱵᱟ ᱫᱚ ᱢᱤᱫ ᱯᱨᱚᱯᱚᱨᱴᱤ ᱢᱟᱢᱞᱟ ᱨᱮ ᱯᱟᱲᱟᱣ ᱞᱮᱱᱟᱭ ᱟᱨ ᱩᱱᱤ ᱪᱮᱛᱟᱱ ᱨᱮ ᱦᱟᱢᱞᱟ ᱦᱩᱭ ᱞᱮᱱᱟ; ᱚᱱᱟ ᱚᱠᱛᱚ ᱨᱮ ᱯᱩᱞᱤᱥ ᱚᱯᱷᱤᱥᱚᱨ ᱠᱚ ᱦᱟᱢᱞᱟ ᱟᱠᱟᱫ ᱠᱚ ᱵᱤᱨᱩᱫᱽ ᱨᱮ ᱠᱮᱥ ᱨᱮᱡᱤᱥᱴᱟᱨ ᱞᱟᱹᱜᱤᱫ ᱵᱟᱝ ᱠᱚ ᱨᱮᱰᱤ ᱛᱟᱦᱮᱸ ᱠᱟᱱᱟ᱾ ᱚᱱᱟᱛᱮ ᱡᱚᱠᱷᱚᱱ ᱩᱱᱤ ᱫᱚ ᱥᱤᱵᱷᱤᱞ ᱥᱟᱨᱵᱷᱤᱥ ᱮᱜᱽᱡᱟᱢ ᱯᱟᱥ ᱠᱮᱫᱟ, ᱩᱱ ᱚᱠᱛᱚ ᱜᱮ ᱩᱱᱤ ᱫᱚ ᱥᱚᱯᱚᱥᱴᱚ ᱛᱟᱦᱮᱸ ᱠᱟᱱᱟ ᱡᱮ ᱩᱱᱤ ᱫᱚ ᱡᱟᱥᱴᱤᱥ ᱮᱢ ᱞᱟᱹᱜᱤᱫ ᱤᱱᱰᱤᱭᱟᱱ ᱯᱩᱞᱤᱥ ᱥᱟᱨᱵᱷᱤᱥ ᱨᱮ ᱥᱮᱞᱮᱫᱚᱜᱼᱟ᱾
ᱠᱮᱨᱤᱭᱟᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱪᱚᱣᱫᱷᱚᱨᱤ ᱭᱟᱜ ᱠᱮᱨᱤᱭᱟᱨ ᱫᱚ ᱤᱱᱰᱤᱭᱟᱱ ᱯᱩᱞᱤᱥ ᱥᱟᱨᱵᱷᱤᱥ ᱨᱮ ᱓᱓ ᱥᱮᱨᱢᱟ ᱫᱷᱟᱹᱵᱤᱡ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱠᱤᱨᱚᱱ ᱵᱮᱫᱤ ᱛᱟᱭᱚᱢ ᱫᱚᱥᱟᱨ ᱛᱤᱨᱞᱟᱹ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱟᱭ. ᱯᱤ. ᱮᱥ. ᱚᱯᱷᱤᱥᱚᱨ ᱮ ᱵᱮᱱᱟᱣ ᱮᱱᱟ᱾ ᱟᱡᱟᱜ ᱵᱮᱪ ᱨᱮ ᱩᱱᱤ ᱫᱚ ᱢᱤᱫᱴᱟᱹᱝ ᱛᱤᱨᱞᱟᱹ ᱴᱨᱮᱱᱤ ᱮ ᱛᱟᱦᱮᱸ ᱠᱟᱱᱟ᱾ ᱩᱛᱛᱚᱨ ᱯᱨᱚᱫᱮᱥ ᱨᱮ ᱩᱱᱤ ᱫᱚ ᱯᱩᱭᱞᱩ ᱛᱤᱨᱞᱟᱹ ᱟᱭ. ᱯᱤ. ᱮᱥ. ᱚᱯᱷᱤᱥᱚᱨ ᱮ ᱛᱟᱦᱮᱸ ᱠᱟᱱᱟ ᱟᱨ ᱵᱚᱨᱮᱞᱤ, ᱩᱛᱛᱚᱨ ᱯᱨᱚᱫᱮᱥ ᱨᱮ ᱯᱩᱭᱞᱩ ᱛᱤᱨᱞᱟᱹ ᱰᱮᱯᱩᱴᱤ ᱤᱱᱥᱯᱮᱠᱴᱚᱨ ᱡᱮᱱᱮᱨᱟᱞ ᱚᱯᱷ ᱯᱩᱞᱤᱥ ᱮ ᱵᱟᱦᱟᱞ ᱮᱱᱟ᱾ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱩᱛᱛᱚᱨ ᱯᱨᱚᱫᱮᱥ ᱯᱩᱞᱤᱥ ᱨᱮᱱ ᱯᱩᱭᱞᱩ ᱛᱤᱨᱞᱟᱹ ᱤᱱᱥᱯᱮᱠᱴᱚᱨ ᱡᱮᱱᱮᱨᱟᱞ ᱮ ᱯᱨᱚᱢᱚᱴ ᱮᱱᱟ᱾ ᱩᱛᱛᱚᱨᱟᱧᱪᱟᱞ ᱨᱮ ᱯᱩᱭᱞᱩ ᱛᱤᱨᱞᱟᱹ ᱮᱰᱤᱥᱚᱱᱟᱞ ᱰᱤᱨᱮᱠᱴᱚᱨ ᱡᱮᱱᱮᱨᱟᱞ ᱚᱯᱷ ᱯᱩᱞᱤᱥ ᱞᱮᱠᱟᱛᱮ ᱠᱟᱹᱢᱤ ᱠᱮᱫᱟᱭ ᱟᱨ ᱤᱱᱟᱹ ᱛᱟᱭᱚᱢ ᱩᱱᱤ ᱫᱚ ᱚᱱᱟ ᱯᱚᱱᱚᱛ ᱨᱮ ᱰᱤᱨᱮᱠᱴᱚᱨ ᱡᱮᱱᱮᱨᱟᱞ ᱚᱯᱷ ᱯᱩᱞᱤᱥ ᱨᱮ ᱯᱨᱚᱢᱚᱴ ᱟᱠᱟᱱ ᱯᱩᱭᱞᱩ ᱛᱤᱨᱞᱟᱹ ᱮ ᱛᱟᱦᱮᱸ ᱠᱟᱱᱟ᱾
ᱪᱚᱣᱫᱷᱚᱨᱤ ᱟᱡᱟᱜ ᱠᱮᱨᱤᱭᱟᱨ ᱨᱮ ᱡᱟᱦᱟᱸ ᱠᱮᱥ ᱠᱚ ᱦᱮᱸᱰᱮᱞ ᱞᱮᱫᱟ, ᱚᱱᱟ ᱠᱚ ᱢᱩᱫᱽ ᱨᱮ ᱑᱙᱘᱗ ᱨᱮ ᱥᱟᱛ ᱫᱷᱟᱣ ᱡᱟᱹᱛᱤᱭᱟᱹᱨᱤ ᱵᱮᱰᱢᱤᱱᱴᱚᱱ ᱪᱟᱢᱯᱤᱭᱚᱱ ᱥᱟᱭᱚᱫᱽ ᱢᱚᱫᱤ ᱭᱟᱜ ᱜᱚᱡ ᱟᱨ ᱑᱙᱘᱙ ᱨᱮ ᱨᱤᱞᱟᱭᱮᱱᱥᱼᱵᱚᱢᱵᱮ ᱰᱟᱭᱤᱝ ᱠᱮᱥ ᱥᱮᱞᱮᱫ ᱢᱮᱱᱟᱜᱼᱟ᱾ ᱩᱛᱛᱚᱨ ᱯᱨᱚᱫᱮᱥ ᱨᱮᱱ ᱢᱟᱞᱤᱦᱟᱵᱟᱫᱽ ᱨᱮ ᱮᱥᱤᱥᱴᱮᱱᱴ ᱥᱩᱯᱚᱨᱤᱱᱴᱮᱱᱰᱮᱱᱴ ᱚᱯᱷ ᱯᱩᱞᱤᱥ ᱞᱮᱠᱟᱛᱮ ᱛᱟᱦᱮᱸ ᱠᱟᱱ ᱚᱠᱛᱚ ᱨᱮ, ᱩᱱᱤ ᱫᱚ ᱢᱤᱫ ᱥᱮᱨᱢᱟ ᱨᱮ ᱑᱓ ᱜᱚᱴᱟᱝ ᱰᱟᱠᱚᱭᱛ ᱠᱚ ᱯᱟᱸᱡᱟ ᱧᱟᱢ ᱞᱮᱫ ᱠᱚᱣᱟ᱾ ᱩᱱᱤ ᱫᱚ ᱵᱮᱸᱠ ᱟᱨ ᱯᱚᱵᱽᱞᱤᱠ ᱥᱮᱠᱴᱚᱨ ᱨᱮ ᱟᱭᱢᱟ ᱣᱟᱭᱤᱴ ᱠᱚᱞᱟᱨ ᱠᱨᱟᱭᱤᱢ ᱨᱮᱱᱟᱜ ᱦᱚᱸ ᱤᱱᱵᱷᱮᱥᱴᱤᱜᱮᱥᱚᱱ ᱠᱮᱫᱟ᱾
ᱪᱚᱣᱫᱷᱚᱨᱤ ᱫᱚ ᱒᱐᱐᱔ ᱨᱮ ᱠᱟᱱᱠᱩᱱ, ᱢᱮᱠᱥᱤᱠᱳ ᱨᱮ ᱤᱱᱴᱟᱨᱯᱚᱞ ᱨᱮᱱᱟᱜ ᱢᱤᱴᱤᱝ ᱨᱮ ᱥᱤᱧᱚᱛ ᱨᱮᱱ ᱯᱨᱚᱛᱤᱱᱤᱫᱷᱤ ᱞᱮᱠᱟᱛᱮ ᱵᱟᱪᱷᱟᱣ ᱞᱮᱱᱟᱭ᱾ ᱩᱱᱤ ᱫᱚ ᱒᱗ ᱡᱩᱞᱟᱭ ᱒᱐᱐᱕ ᱨᱮ ᱢᱩᱥᱥᱩᱨᱤ ᱨᱮ ᱒ ᱭᱤᱡ ᱣᱤᱢᱮᱱ ᱤᱱ ᱯᱩᱞᱤᱥ ᱠᱚᱱᱯᱷᱮᱨᱮᱱᱥ ᱮ ᱦᱚᱥᱴ ᱠᱮᱫᱟ, ᱡᱟᱦᱟᱸ ᱨᱮ ᱥᱤᱧᱚᱛ ᱨᱮᱱ ᱯᱨᱮᱥᱤᱰᱮᱱᱴ, ᱮ. ᱯᱤ. ᱡᱮ. ᱟᱵᱽᱫᱩᱞ ᱠᱟᱞᱟᱢ ᱢᱩᱬ ᱜᱚᱠᱮ ᱛᱟᱦᱮᱸ ᱠᱟᱱᱟᱭ᱾ ᱪᱚᱣᱫᱷᱚᱨᱤ ᱫᱚ ᱰᱤ. ᱡᱤ. ᱯᱤ. ᱭᱟᱜ ᱮᱱᱩᱣᱟᱞ ᱠᱚᱱᱯᱷᱮᱨᱮᱱᱥ ᱨᱮ ᱟᱨ ᱯᱩᱞᱤᱥ ᱨᱤᱥᱟᱨᱪ ᱮᱱᱰ ᱰᱮᱵᱽᱞᱚᱯᱢᱮᱱᱴ ᱨᱮᱱᱟᱜ ᱵᱤᱵᱷᱟᱜᱽ ᱠᱷᱚᱱ ᱫᱤᱥᱚᱢ ᱵᱷᱚᱨ ᱨᱮᱱᱟᱜ ᱴᱨᱮᱱᱤᱝ ᱦᱮᱰᱥ ᱠᱚ ᱥᱟᱢᱟᱝ ᱨᱮ ᱥᱤᱧᱚᱛ ᱨᱮ ᱯᱩᱞᱤᱥ ᱨᱮ ᱛᱤᱨᱞᱟᱹ ᱠᱚ ᱵᱷᱚᱨᱛᱤ, ᱴᱨᱮᱱᱤᱝ ᱟᱨ ᱠᱟᱹᱢᱤ ᱪᱟᱞᱟᱣ ᱥᱟᱹᱜᱟᱹᱭ ᱠᱟᱛᱮ ᱢᱟᱢᱞᱟ ᱪᱮᱛᱟᱱ ᱨᱮ ᱯᱨᱮᱡᱮᱱᱴ ᱠᱮᱫᱟᱭ᱾
ᱪᱚᱣᱫᱷᱚᱨᱤ ᱭᱟᱜ ᱮᱴᱟᱜ ᱨᱩᱪᱤ ᱠᱚ ᱢᱩᱫᱽ ᱨᱮ ᱚᱱᱚᱬᱦᱮᱸ ᱚᱞ ᱟᱨ ᱰᱨᱟᱢᱟᱴᱤᱠᱥ ᱨᱮ ᱦᱟᱛᱟᱣ ᱥᱮᱞᱮᱫ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱴᱤᱵᱷᱤ ᱥᱤᱨᱤᱡᱽ ᱩᱰᱟᱱ ᱨᱮ ᱜᱮᱥᱴ ᱮᱯᱤᱭᱟᱨᱮᱱᱥ ᱦᱚᱸ ᱠᱮᱫᱟ, ᱡᱟᱦᱟᱸ ᱫᱚ ᱟᱡᱟᱜ ᱡᱤᱭᱚᱱ ᱠᱟᱹᱦᱱᱤ ᱠᱷᱚᱱ ᱤᱱᱥᱯᱟᱭᱟᱨ ᱛᱟᱦᱮᱸ ᱠᱟᱱᱟ᱾ ᱚᱱᱟ ᱥᱤᱨᱤᱡᱽ ᱫᱚ ᱟᱡᱤᱡ ᱵᱚᱭᱦᱟ ᱠᱚᱵᱤᱛᱟ ᱪᱚᱣᱫᱷᱚᱨᱤ ᱚᱞ ᱟᱨ ᱰᱤᱨᱮᱠᱴ ᱞᱮᱫᱟ᱾
ᱜᱚᱡ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱖ ᱚᱜᱚᱥᱴ ᱒᱐᱑᱙ ᱨᱮ, ᱵᱷᱚᱴᱟᱪᱟᱨᱡᱚ ᱫᱚ ᱢᱩᱢᱵᱟᱭ ᱨᱮᱱᱟᱜ ᱢᱤᱫ ᱦᱟᱥᱯᱟᱛᱟᱞ ᱨᱮ ᱜᱚᱡ ᱮᱱᱟᱭ ᱡᱟᱦᱟᱸ ᱨᱮ ᱩᱱᱤ ᱫᱚ ᱵᱟᱨᱼᱯᱮ ᱪᱟᱸᱫᱚ ᱠᱷᱚᱱ ᱪᱟᱞᱟᱣ ᱦᱟᱹᱵᱤᱡ ᱠᱮᱭᱟᱨ ᱮ ᱧᱟᱢᱮᱫ ᱛᱟᱦᱮᱸᱱᱟ᱾ ᱟᱡᱟᱜ ᱦᱚᱲᱢᱚ ᱫᱚ ᱢᱩᱢᱵᱟᱭ ᱨᱮᱱᱟᱜ ᱣᱚᱨᱞᱤ ᱠᱨᱮᱢᱮᱴᱚᱨᱤᱭᱚᱢ ᱨᱮ ᱪᱟᱸᱫᱚ ᱞᱮᱱᱟ᱾ ᱩᱱᱤ ᱫᱚ ᱟᱡᱤᱡ ᱡᱟᱶᱟᱭ ᱟᱨ ᱵᱟᱨᱭᱟ ᱠᱩᱲᱤ ᱜᱤᱫᱽᱨᱟᱹ ᱠᱚ ᱫᱚᱦᱚ ᱠᱟᱛᱮ ᱫᱟᱲᱮᱭᱮᱱᱟ᱾ ᱩᱛᱛᱚᱨᱟᱠᱷᱚᱸᱰ ᱯᱩᱞᱤᱥ ᱰᱤᱨᱮᱠᱴᱚᱨ ᱡᱮᱱᱮᱨᱟᱞ ᱞᱚ ᱮᱱᱰ ᱚᱨᱰᱚᱨ ᱟᱥᱚᱠ ᱠᱩᱢᱟᱨ ᱵᱷᱚᱴᱟᱪᱟᱨᱡᱚ ᱴᱷᱮᱱ ᱴᱨᱤᱵᱩᱴ ᱮᱢ ᱠᱮᱫᱟᱭ ᱢᱮᱱᱛᱮ "ᱩᱱᱤ ᱫᱚ ᱢᱤᱫ ᱥᱤᱫᱷᱟᱹ ᱟᱨ ᱢᱤᱦᱩᱸ ᱱᱟᱯᱟᱭ ᱦᱚᱲ ᱮ ᱛᱟᱦᱮᱸ ᱠᱟᱱᱟ ᱡᱟᱦᱟᱸᱭ ᱫᱚ ᱟᱞᱮ ᱰᱤ. ᱡᱤ. ᱯᱤ. ᱛᱟᱦᱮᱸ ᱠᱟᱱ ᱚᱠᱛᱚ ᱟᱞᱮ ᱟᱡᱟᱜ ᱪᱟᱹᱛᱤᱨ ᱨᱮ ᱠᱟᱹᱢᱤ ᱚᱠᱛᱚ ᱯᱷᱨᱤ ᱦᱮᱸᱰ ᱮ ᱮᱢᱟᱫ ᱟᱞᱮ ᱛᱟᱦᱮᱸᱱᱟ᱾" ᱒᱗ ᱚᱜᱚᱥᱴ ᱨᱮ ᱰᱤᱯᱟᱨᱴᱢᱮᱱᱴ ᱨᱮᱱᱟᱜ ᱦᱮᱰᱠᱩᱣᱟᱴᱚᱨ ᱨᱮ ᱢᱤᱫ ᱚᱯᱷᱤᱥᱤᱭᱟᱞ ᱴᱨᱤᱵᱩᱴ ᱤᱵᱷᱮᱱᱴ ᱦᱩᱭ ᱞᱮᱱᱟ᱾[᱓]
ᱥᱤᱨᱯᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Singh, Kautilya (12 March 2014). "India's first woman DGP wants AAP ticket from Haridwar". The Times of India. Retrieved 2019-08-31.
- ↑ "First Woman Director General of Police (DGP) of India". WomenPlanet.in (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2013-12-23. Archived from the original on 28 October 2017. Retrieved 2017-10-28.
- ↑ "India's first woman DGP Kanchan Chaudhary Bhattacharya dies at 72". Hindustan Times (in ᱟᱝᱜᱽᱨᱮᱡᱤ). 27 August 2019. Retrieved 27 August 2019.
- ↑ "Rise of Women in Policing". The Protector (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 10 November 2018. Retrieved 2019-08-31.
- ↑ "Who was Kanchan Chaudhary Bhattacharya? Fearless IPS officer who went on to become country's first woman DGP". The Financial Express (in ᱟᱢᱮᱨᱤᱠᱟᱱ ᱟᱝᱜᱽᱨᱮᱡᱤ). 2019-08-27. Retrieved 2019-08-31.
- ↑ "India's first woman DGP Kanchan Chaudhary Bhattacharya dies at 72". Hindustan Times (in ᱟᱝᱜᱽᱨᱮᱡᱤ). 2019-08-27. Retrieved 2019-08-31.