Jump to content

ᱠᱟᱨᱢᱮᱞ ᱵᱮᱨᱠᱥᱚᱱ

ᱣᱤᱠᱤᱯᱤᱰᱤᱭᱟ, ᱨᱟᱲᱟ ᱜᱮᱭᱟᱱ ᱯᱩᱛᱷᱤ ᱠᱷᱚᱱ
ᱠᱟᱨᱢᱮᱞ ᱵᱮᱨᱠᱥᱚᱱ
ᱡᱟᱱᱟᱢ ᱧᱩᱛᱩᱢ ᱡᱟᱱᱟᱢ ᱢᱟᱹᱦᱤᱛ  ᱟᱨ  ᱡᱟᱱᱟᱢ ᱴᱷᱟᱶᱱᱚᱵᱷᱮᱢᱵᱚᱨ ᱘, ᱑᱙᱒᱔ (1924-11-08) (᱑᱐᱒ ᱥᱮᱨᱢᱟ)
ᱱᱤᱭᱩ ᱭᱚᱨᱠ ᱥᱤᱴᱤ, ᱟᱢᱮᱨᱤᱠᱟ
ᱠᱟᱹᱢᱤᱢᱩᱨᱛᱤ ᱵᱮᱱᱟᱣᱤᱡ
ᱥᱤᱨᱯᱷᱟᱹᱯᱚᱫᱽᱢᱚᱥᱨᱤ (᱒᱐᱑᱐)

ᱠᱟᱨᱢᱮᱞ ᱵᱮᱨᱠᱥᱚᱱ (ᱡᱟᱱᱟᱢ ᱘ ᱱᱚᱵᱷᱮᱢᱵᱚᱨ ᱑᱙᱒᱔) ᱫᱚ ᱢᱤᱫ ᱟᱢᱮᱨᱤᱠᱟᱱ ᱢᱩᱨᱛᱤ ᱵᱮᱱᱟᱣᱤᱡ ᱠᱟᱱᱟᱭ ᱡᱟᱦᱟᱸᱭ ᱫᱚ ᱥᱤᱧᱚᱛᱤᱭᱟᱹ ᱵᱟᱰᱚᱦᱤ, ᱮᱥᱛᱷᱮᱴᱤᱠᱥ ᱟᱨ ᱵᱟᱥᱛᱩᱠᱚᱞᱟ ᱨᱮᱱᱟᱜ ᱰᱚᱠᱩᱢᱮᱱᱴᱮᱥᱚᱱ ᱟᱨ ᱯᱚᱛᱚᱵ ᱠᱚ ᱞᱟᱹᱜᱤᱫ ᱮ ᱵᱟᱰᱟᱭᱚᱜᱼᱟ ᱾ ᱩᱱᱤ ᱫᱚ ᱒᱐᱑᱐ ᱥᱟᱞᱮ ᱨᱮ ᱥᱤᱧᱚᱛ ᱥᱚᱨᱠᱟᱨ ᱯᱟᱦᱴᱟ ᱠᱷᱚᱱ ᱯᱚᱫᱽᱢᱚᱥᱨᱤ ᱥᱤᱨᱯᱷᱟᱹ ᱛᱮᱭ ᱢᱟᱹᱱ ᱦᱟᱞᱟᱝ ᱞᱮᱱᱟ ᱾[᱑][᱒]

ᱯᱩᱭᱞᱩ ᱡᱤᱭᱚᱱ ᱟᱨ ᱥᱮᱪᱮᱫ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱵᱮᱨᱠᱥᱚᱱ ᱫᱚ ᱘ ᱱᱚᱵᱷᱮᱢᱵᱚᱨ ᱑᱙᱒᱔ ᱨᱮ ᱱᱤᱭᱩ ᱭᱚᱨᱠ ᱥᱤᱴᱤ ᱨᱮ ᱡᱟᱱᱟᱢ ᱞᱮᱱᱟᱭ ᱾[᱓] ᱩᱱᱤ ᱫᱚ ᱰᱤᱭᱩᱠ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱠᱷᱚᱱ ᱱᱟᱜᱟᱢ ᱨᱮ ᱢᱮᱡᱚᱨ ᱮ ᱠᱚᱨᱟᱣ ᱞᱮᱫᱼᱟ ᱟᱨ ᱜᱨᱮᱡᱩᱭᱮᱥᱚᱱ ᱛᱟᱭᱚᱢ, ᱠᱚᱞᱚᱢᱵᱤᱭᱟ ᱡᱮᱜᱮᱛ ᱵᱤᱨᱫᱟᱹᱜᱟᱲ ᱨᱮ ᱢᱤᱞᱴᱚᱱ ᱦᱮᱵᱟᱞᱰ ᱟᱜ ᱛᱟᱹᱨᱤ ᱨᱮ ᱢᱩᱨᱛᱤ ᱵᱮᱱᱟᱣ ᱮ ᱪᱮᱫ ᱞᱮᱫᱼᱟ ᱾ ᱩᱱᱤ ᱫᱚ ᱰᱤᱭᱩᱠ ᱨᱤᱱᱤᱡ ᱟᱡᱤᱡ ᱵᱮᱪᱢᱮᱴ ᱢᱟᱨᱴᱤᱱ ᱯᱷᱞᱮᱭᱥᱚᱨ ᱥᱟᱶ ᱮ ᱵᱟᱯᱞᱟ ᱞᱮᱱᱟ ᱾[᱔]

ᱥᱤᱧᱚᱛ ᱨᱮ ᱠᱟᱹᱢᱤ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

᱑᱙᱗᱐ ᱨᱮ ᱯᱩᱭᱞᱩ ᱫᱷᱟᱣ ᱥᱤᱧᱚᱛ ᱮ ᱦᱤᱡᱩᱜ ᱚᱠᱛᱚ ᱨᱮ ᱵᱮᱨᱠᱥᱚᱱ ᱫᱚ ᱒᱒ ᱥᱮᱨᱢᱟ ᱠᱷᱚᱱ ᱢᱩᱨᱛᱤ ᱵᱮᱱᱟᱣ ᱨᱮ ᱠᱟᱹᱢᱤ ᱠᱟᱱ ᱛᱟᱦᱮᱸᱫ ᱾ ᱚᱱᱟ ᱥᱟᱸᱜᱷᱟᱨ ᱨᱮ, ᱡᱟᱦᱟᱸ ᱨᱮ ᱩᱱᱤ ᱮᱞᱤᱯᱷᱮᱱᱴᱟ, ᱮᱞᱳᱨᱟ ᱟᱨ ᱢᱚᱦᱟᱵᱚᱞᱤᱯᱩᱨᱚᱢ ᱮ ᱦᱤᱨᱤ ᱞᱮᱫᱼᱟ, ᱚᱱᱟ ᱫᱚ ᱟᱡ ᱞᱟᱹᱜᱤᱫ ᱢᱤᱫ ᱟᱹᱰᱤ ᱵᱚᱫᱚᱞᱟᱱ ᱥᱟᱸᱜᱷᱟᱨ ᱛᱟᱦᱮᱸ ᱠᱟᱱᱟ ᱾ ᱵᱮᱨᱠᱥᱚᱱ ᱫᱚ ᱟᱹᱰᱤ ᱞᱚᱜᱚᱱ ᱜᱮ ᱢᱩᱨᱛᱤ ᱵᱮᱱᱟᱣᱤᱡ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱦᱚᱨᱟᱭ ᱵᱟᱹᱜᱤᱭᱟᱫᱼᱟ ᱟᱨ ᱥᱤᱧᱚᱛ ᱨᱮᱱᱟᱜ ᱢᱩᱬ ᱵᱟᱥᱛᱩᱠᱚᱞᱟ ᱟᱨ ᱞᱟᱠᱪᱟᱨᱟᱱ ᱴᱷᱟᱶ ᱠᱚ ᱯᱟᱲᱦᱟᱣ ᱞᱟᱹᱜᱤᱫ ᱛᱮ ᱥᱟᱸᱜᱷᱟᱨ ᱮ ᱮᱦᱚᱵ ᱠᱮᱫᱼᱟ ᱾ ᱑᱙৭᱗ ᱥᱟᱞᱮ ᱨᱮ ᱩᱱᱤ ᱫᱚ ᱟᱡᱟᱜ ᱢᱩᱬᱩᱛ ᱵᱟᱥᱟ ᱫᱚ ᱥᱤᱧᱚᱛ ᱨᱮᱱᱟᱜ ᱢᱩᱢᱵᱟᱭ ᱛᱮᱭ ᱩᱪᱟᱹᱲ ᱠᱮᱫᱼᱟ ᱡᱟᱛᱮ ᱥᱤᱧᱚᱛᱤᱭᱟᱹ ᱢᱩᱨᱛᱤ ᱨᱮᱱᱟᱜ ᱯᱷᱤᱞᱚᱥᱚᱯᱷᱤ, ᱢᱟᱭᱛᱷᱚᱞᱚᱡᱤ ᱟᱨ ᱵᱟᱰᱚᱦᱤ ᱩᱛᱱᱟᱹᱣ ᱤᱫᱤ ᱛᱮ ᱟᱡᱟᱜ ᱠᱷᱚᱸᱫᱽᱨᱚᱸᱫᱽ ᱮ ᱞᱟᱦᱟ ᱤᱫᱤ ᱫᱟᱲᱮᱭᱟᱜ ᱢᱟ ᱾[᱕]

ᱧᱩᱢᱟᱱ ᱠᱟᱹᱢᱤ ᱠᱚ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱨᱢᱮᱞ ᱵᱮᱨᱠᱥᱚᱱ ᱥᱤᱧᱚᱛ ᱨᱤᱱᱤᱡ ᱞᱟᱠᱪᱟᱨ ᱢᱚᱱᱛᱨᱤ, ᱠᱩᱢᱟᱨᱤ ᱥᱮᱞᱡᱟ ᱥᱟᱶ ᱒᱐᱑᱑ ᱨᱮ

ᱵᱮᱨᱠᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱵᱟᱰᱚᱦᱤ ᱨᱮᱱᱟᱜ ᱰᱚᱠᱩᱢᱮᱱᱴᱮᱥᱚᱱ ᱟᱨ ᱠᱚᱢᱮᱱᱴᱨᱤ ᱥᱟᱶᱛᱮ ᱢᱤᱫ ᱢᱩᱨᱛᱤ ᱵᱮᱱᱟᱣᱤᱡ ᱞᱮᱠᱟᱛᱮ ᱟᱡᱟᱜ ᱠᱟᱹᱢᱤ ᱞᱟᱹᱜᱤᱫ ᱦᱚᱸᱭ ᱧᱩᱢᱚᱜᱼᱟ ᱾ ᱯᱮ ᱜᱮᱞᱟᱝ ᱥᱮᱨᱢᱟ ᱨᱮᱱᱟᱜ ᱵᱤᱨᱟᱢ ᱛᱟᱭᱚᱢ ᱒᱐᱐᱑ ᱥᱟᱞᱮ ᱨᱮ ᱩᱱᱤ ᱫᱚ ᱫᱚᱦᱲᱟ ᱛᱮ ᱢᱩᱨᱛᱤ ᱵᱮᱱᱟᱣ ᱮ ᱮᱦᱚᱵ ᱨᱩᱣᱟᱹᱲ ᱠᱮᱫᱼᱟ ᱾ ᱟᱡᱟᱜ ᱡᱟᱹᱥᱛᱤ ᱜᱟᱱ ᱢᱩᱨᱛᱤ ᱠᱚᱫᱚ ᱥᱤᱧᱚᱛᱤᱭᱟᱹ ᱢᱟᱭᱛᱷᱚᱞᱚᱡᱤ ᱨᱮᱱ ᱪᱩᱨᱤᱛ ᱠᱚ ᱠᱟᱱᱟ ᱠᱚ ᱢᱮᱱᱠᱷᱟᱱ ᱩᱱᱠᱩᱣᱟᱜ ᱪᱤᱛᱟᱹᱨ ᱨᱮ ᱠᱤᱭᱩᱵᱤᱥᱴ ᱚᱨᱥᱚᱝ ᱧᱮᱞᱚᱜᱼᱟ ᱾[᱖] ᱟᱡᱟᱜ ᱠᱟᱹᱢᱤ ᱡᱟᱦᱟᱸ ᱫᱚ ᱦᱤᱱᱫᱩ, ᱤᱥᱟᱹᱭ ᱟᱨ ᱵᱩᱫᱫᱷᱚ ᱢᱟᱭᱛᱷᱚᱞᱚᱡᱤ ᱠᱷᱚᱱ ᱦᱟᱛᱟᱣ ᱟᱨ ᱥᱚᱫᱚᱨ ᱟᱠᱟᱱᱟ, ᱚᱱᱟ ᱠᱚᱫᱚ ᱟᱠᱚᱣᱟᱜ ᱟᱞᱜᱟ, ᱯᱷᱚᱨᱪᱟ ᱨᱩᱯ ᱞᱟᱹᱜᱤᱫ ᱧᱩᱢᱚᱜᱼᱟ ᱡᱟᱦᱟᱸ ᱫᱚ ᱢᱤᱫ ᱱᱟᱦᱟᱜ ᱮᱥᱛᱷᱮᱴᱤᱠ ᱮ ᱩᱫᱩᱜᱟ ᱾[᱗] ᱟᱡᱟᱜ ᱠᱤᱪᱷᱩ ᱢᱩᱨᱛᱤ ᱠᱚᱫᱚ ᱦᱩᱭᱩᱜ ᱠᱟᱱᱟ ᱞᱚᱠᱷᱢᱤ ᱟᱨ ᱵᱤᱥᱱᱩ ᱥᱟᱫᱚᱢ ᱟᱨ ᱮᱸᱜᱟ ᱥᱟᱫᱚᱢ ᱞᱮᱠᱟᱛᱮ, ᱵᱨᱳᱸᱡᱽ ᱛᱮ ᱵᱮᱱᱟᱣ ᱟᱠᱟᱱ ᱥᱤᱵᱽ ᱟᱜ ᱢᱩᱨᱛᱤ ᱚᱯᱥᱚᱢᱟᱨᱟ ᱞᱮᱠᱟᱛᱮ ᱟᱨ ᱜᱚᱨᱩᱲ ᱪᱮᱛᱟᱱ ᱨᱮ ᱵᱤᱥᱱᱩ ᱟᱜ ᱢᱩᱨᱛᱤ ᱾ ᱢᱮᱴᱨᱚᱯᱚᱞᱤᱴᱟᱱ ᱢᱤᱭᱩᱡᱤᱭᱚᱢ ᱚᱯᱷ ᱟᱨᱴ, ᱱᱤᱭᱩ ᱭᱚᱨᱠ ᱨᱮ ᱟᱡᱟᱜ ᱢᱟᱨᱮ ᱥᱤᱧᱚᱛᱤᱭᱟᱹ ᱢᱩᱨᱛᱤ ᱨᱮᱱᱟᱜ ᱯᱷᱚᱴᱚ ᱠᱚ ᱥᱟᱧᱪᱟᱣ ᱢᱮᱱᱟᱜᱼᱟ ᱾[᱖]

ᱵᱮᱨᱠᱥᱚᱱ ᱫᱚ ᱥᱤᱧᱚᱛᱤᱭᱟᱹ ᱵᱟᱰᱚᱦᱤ ᱪᱮᱛᱟᱱ ᱨᱮ ᱟᱭᱢᱟ ᱯᱚᱛᱚᱵ ᱮ ᱚᱞ ᱟᱠᱟᱫᱼᱟ ᱾ ᱚᱱᱟ ᱠᱚᱫᱚ ᱦᱩᱭᱩᱜ ᱠᱟᱱᱟ: ᱮᱞᱤᱯᱷᱮᱱᱴᱟ, ᱫᱟ ᱠᱮᱵᱷ ᱚᱯᱷ ᱥᱤᱵᱟ ᱫᱟ ᱠᱮᱵᱽᱥ ᱮᱴ ᱚᱣᱨᱚᱝᱜᱟᱵᱟᱫᱽ: ᱟᱨᱞᱤ ᱵᱩᱫᱫᱷᱤᱥᱴ ᱛᱟᱱᱛᱨᱤᱠ ᱟᱨᱴ ᱤᱱ ᱤᱱᱰᱤᱭᱟ

  • ᱫᱟ ᱰᱤᱵᱷᱟᱭᱤᱱ ᱮᱱᱰ ᱰᱮᱢᱳᱱᱤᱭᱟᱠ: ᱢᱚᱦᱤᱥᱟᱥ ᱦᱤᱨᱳᱭᱤᱠ ᱥᱴᱨᱟᱜᱚᱞ ᱣᱤᱛᱷ ᱫᱩᱨᱜᱟ
  • ᱮᱞᱳᱨᱟ, ᱠᱚᱱᱥᱮᱯᱴ ᱮᱱᱰ ᱥᱴᱟᱭᱤᱞ
  • ᱫᱟ ᱞᱟᱭᱤᱯᱷ ᱚᱯᱷ ᱯᱷᱚᱨᱢ ᱤᱱ ᱤᱱᱰᱤᱭᱟᱱ ᱥᱠᱚᱞᱯᱪᱟᱨ
  • ᱤᱱᱰᱤᱭᱟᱱ ᱥᱠᱚᱞᱯᱪᱟᱨ : ᱴᱩᱣᱟᱨᱰᱥ ᱫᱟ ᱨᱤᱵᱟᱨᱛᱷ ᱚᱯᱷ ᱮᱥᱛᱷᱮᱴᱤᱠᱥ ᱾[᱘]

ᱥᱤᱨᱯᱷᱟᱹ ᱟᱨ ᱢᱟᱹᱱ

[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]

ᱥᱤᱧᱚᱛ ᱥᱚᱨᱠᱟᱨ ᱫᱚ ᱒᱐᱑᱐ ᱥᱟᱞᱮ ᱨᱮ ᱵᱮᱨᱠᱥᱚᱱ ᱫᱚ ᱯᱚᱫᱽᱢᱚ ᱥᱨᱤ ᱮᱢ ᱠᱟᱛᱮᱭ ᱢᱟᱹᱱ ᱦᱟᱞᱟᱝ ᱞᱮᱫᱮᱭᱟ ᱾[᱙] ᱵᱮᱨᱠᱥᱚᱱ ᱫᱚ ᱟᱡᱟᱜ ᱠᱟᱹᱢᱤ ᱠᱷᱚᱱ ᱡᱤᱨᱟᱹᱣ ᱨᱮᱱᱟᱜ ᱮ ᱜᱷᱚᱥᱬᱟ ᱠᱮᱫᱼᱟ ᱟᱨ ᱚᱱᱟ ᱥᱮᱨᱢᱟ ᱜᱮ ᱛᱟᱭᱚᱢ ᱛᱮ ᱟᱢᱮᱨᱤᱠᱟ ᱨᱩᱣᱟᱹᱲ ᱨᱮᱱᱟᱜ ᱯᱞᱟᱱ ᱮ ᱵᱮᱱᱟᱣ ᱠᱮᱫᱼᱟ ᱾[᱖] ᱩᱱᱤ ᱫᱚ ᱒᱐᱑᱑ ᱥᱟᱞᱮ ᱨᱮ ᱱᱮᱥᱱᱟᱞ ᱜᱮᱞᱮᱨᱤ ᱚᱯᱷ ᱢᱚᱰᱟᱨᱱ ᱟᱨᱴ, ᱢᱩᱢᱵᱟᱭ ᱨᱮᱱᱟᱜ ᱯᱟᱨᱢᱟᱱᱮᱱᱴ ᱠᱚᱞᱮᱠᱥᱚᱱ ᱨᱮ ᱟᱡᱟᱜ ᱓᱘ ᱜᱚᱴᱟᱝ ᱢᱩᱨᱛᱤ ᱮᱢᱟᱫ ᱠᱚᱣᱟᱭ ᱾[᱑᱐]

  1. ↑ "ᱯᱚᱫᱽᱢᱚ ᱮᱣᱟᱨᱰᱥ". 2010.
  2. ↑ "ᱯᱨᱮᱥᱤᱰᱮᱱᱴ ᱠᱚᱱᱯᱷᱟᱨᱥ". March 31, 2010.
  3. ↑ "ᱠᱟᱨᱢᱮᱞ ᱵᱮᱨᱠᱥᱚᱱ". New York, New York, U.S., Birth Index, 1910–1965. Retrieved 30 September 2025.
  4. ↑ "ᱤᱱᱥᱯᱟᱭᱟᱨᱰ ᱵᱟᱭ ᱮᱱᱥᱤᱭᱮᱱᱴ ᱤᱱᱰᱤᱭᱟᱱ ᱟᱨᱴ: ᱠᱟᱨᱢᱮᱞ ᱵᱮᱨᱠᱥᱚᱱ '᱔᱖". ᱰᱤᱭᱩᱠ ᱢᱮᱜᱟᱡᱤᱱ. Retrieved January 28, 2013.
  5. ↑ "ᱠᱟᱨᱢᱮᱞ ᱵᱮᱨᱠᱥᱚᱱ". ᱥᱟᱯᱷᱨᱚᱱ ᱟᱨᱴ. Retrieved January 28, 2013.
  6. 1 2 3 "ᱥᱟᱭᱤᱱᱤᱝ ᱚᱯᱷ". ᱫᱟ ᱤᱱᱰᱤᱭᱟᱱ ᱮᱠᱥᱯᱨᱮᱥ. October 7, 2010. Retrieved January 28, 2013.
  7. ↑ "ᱮᱱ ᱮᱱᱟᱞᱟᱭᱥᱤᱥ ᱚᱯᱷ ᱠᱚᱱᱴᱮᱢᱯᱳᱨᱟᱨᱤ ᱥᱠᱚᱞᱯᱪᱟᱨ". ᱫᱟ ᱦᱤᱱᱫᱩ. December 1, 2009. Retrieved January 28, 2013.[permanent dead link]
  8. ↑ "ᱢᱚᱥᱴ ᱣᱟᱭᱤᱰᱞᱤ ᱦᱮᱞᱰ ᱣᱟᱨᱠᱥ ᱵᱟᱭ ᱠᱟᱨᱢᱮᱞ ᱵᱮᱨᱠᱥᱚᱱ". Retrieved January 28, 2013.
  9. ↑ "ᱯᱨᱮᱥᱤᱰᱮᱱᱴ ᱯᱨᱮᱡᱮᱱᱴᱥ ᱯᱚᱫᱽᱢᱚ ᱮᱣᱟᱨᱰᱥ". ᱫᱟ ᱦᱤᱱᱫᱩ. March 31, 2010. Archived from the original on December 5, 2014. Retrieved January 28, 2013.
  10. ↑ "ᱟᱢᱮᱨᱤᱠᱟᱱ ᱟᱨᱴᱤᱥᱴ ᱠᱟᱨᱢᱮᱞ ᱵᱮᱨᱠᱥᱚᱱ ᱰᱳᱱᱮᱴᱥ ᱓᱘ ᱥᱠᱚᱞᱯᱪᱟᱨᱥ ᱴᱩ ᱮᱱ.ᱡᱤ.ᱮᱢ.ᱮ." Archived from the original on September 15, 2016. Retrieved January 28, 2013.