ᱠᱟᱭᱨᱟ
| Banana | |
|---|---|
| |
| Peeled, whole, and longitudinal section | |
| ᱥᱟᱬᱮᱥ ᱞᱮᱠᱟᱛᱮ ᱦᱟᱹᱴᱤᱧ | |
| ᱡᱮᱜᱮᱛ: | Plantae |
| ᱵᱟᱝᱛᱷᱚᱠ ᱟᱠᱟᱱ: | Angiosperms |
| ᱵᱟᱝᱛᱷᱚᱠ ᱟᱠᱟᱱ: | Monocots |
| ᱵᱟᱝᱛᱷᱚᱠ ᱟᱠᱟᱱ: | Commelinids |
| ᱫᱷᱟᱹᱲ: | Zingiberales |
| ᱜᱷᱟᱨᱚᱡᱽ: | Musaceae |
| ᱯᱨᱚᱡᱟᱹᱛᱤ: | Musa |
ᱠᱟᱭᱨᱟ ᱫᱚ ᱫᱷᱟᱹᱨᱛᱤ ᱨᱮᱱᱟᱜ ᱟᱹᱰᱤ ᱧᱩᱛᱩᱢᱟᱱ ᱡᱚ ᱠᱟᱱᱟ᱾ ᱩᱨᱜᱩᱢ ᱦᱚᱭᱫᱟᱜ ᱫᱤᱥᱟᱹᱢ ᱠᱚᱨᱮ ᱠᱟᱭᱨᱟ ᱫᱚ ᱡᱟᱹᱥᱛᱤ ᱦᱩᱭᱩᱜ-ᱟ᱾ ᱫᱟᱹᱠᱷᱤᱱ ᱯᱩᱨᱩᱵᱽ ᱮᱥᱤᱭᱟᱜᱮ ᱠᱟᱭᱨᱟ ᱨᱮᱭᱟᱜ ᱡᱟᱱᱟᱢ ᱡᱟᱜᱟ ᱦᱤᱥᱟᱹᱵᱽ ᱛᱮᱠᱳ ᱞᱮᱠᱷᱟᱭᱟ᱾ ᱠᱚᱞᱚᱢᱵᱤᱭᱟ ᱞᱮᱠᱟᱱ ᱞᱮᱴᱤᱱ ᱟᱢᱮᱨᱤᱠᱟᱱ ᱫᱤᱥᱟᱹᱢ ᱠᱚᱨᱮ ᱠᱟᱭᱨᱟ ᱫᱚ ᱢᱩᱬᱩᱛ ᱟᱹᱠᱷᱨᱤᱧ ᱡᱚ ᱠᱟᱱᱟ᱾
ᱠᱟᱭᱨᱟ ᱫᱟᱨᱮ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱭᱨᱟ ᱫᱟᱨᱮ ᱫᱚ ᱢᱤᱫ ᱡᱟᱝ ᱨᱚᱦᱚᱭ ᱫᱟᱨᱮ ᱠᱟᱱᱟ᱾ ᱚᱛ ᱞᱟᱛᱟᱨᱨᱮ ᱡᱟᱝ ᱥᱮ ᱨᱮᱦᱮᱛ ᱛᱟᱦᱮᱸᱱᱟ ᱟᱨ ᱪᱮᱛᱟᱱᱨᱮ ᱡᱤᱞᱤᱧᱜᱮ ᱫᱟᱨᱮ ᱛᱟᱦᱮᱸᱱᱟ᱾ ᱠᱟᱭᱨᱟ ᱫᱟᱨᱮ ᱟᱨ ᱡᱚ ᱵᱟᱱᱟᱨᱜᱮ ᱦᱟᱹᱨᱭᱟᱹᱲ ᱜᱮᱭᱟ᱾ ᱵᱮᱨᱮᱞ ᱨᱮ ᱫᱚ ᱠᱟᱭᱨᱟ ᱦᱟᱹᱨᱭᱟᱹᱲ ᱟᱨ ᱵᱤᱞᱤ ᱞᱮᱱ ᱠᱷᱟᱱ ᱥᱟᱥᱟᱝ ᱚᱜ-ᱟ᱾
ᱡᱟᱹᱛ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱭᱨᱟ ᱫᱟᱨᱮ ᱨᱮᱱᱟᱜ ᱕᱐ ᱜᱚᱴᱟᱝ ᱡᱟᱹᱛ ᱢᱮᱱᱟᱜ-ᱟ᱾ ᱪᱟᱢᱯᱟ, ᱪᱤᱱᱤ ᱪᱟᱢᱯᱟ, ᱥᱟᱜᱚᱨ, ᱥᱚᱵᱽᱨᱤ ᱮᱢᱟᱱᱛᱮᱭᱟᱜ ᱱᱟᱱᱟ ᱦᱩᱱᱟᱹᱨ ᱠᱟᱭᱨᱟ ᱧᱮᱞᱚᱜ-ᱟ᱾
ᱜᱩᱱ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱭᱨᱟ ᱨᱮ ᱟᱹᱰᱤ ᱟᱭᱢᱟ ᱜᱩᱱ ᱢᱮᱱᱟᱜ-ᱟ᱾ ᱢᱤᱫᱴᱮᱱ ᱯᱩᱨᱟᱹᱴ ᱠᱟᱭᱨᱟ ᱨᱮ ᱑᱐᱐ ᱠᱮᱞᱚᱨᱤ ᱫᱟᱲᱮ ᱢᱮᱱᱟᱜ-ᱟ᱾
ᱟᱵᱟᱫᱽ[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]
ᱠᱟᱭᱨᱟ ᱫᱚ ᱥᱮᱨᱢᱟᱨᱮ ᱯᱮ ᱫᱷᱟᱣ ᱨᱚᱦᱚᱭ ᱜᱟᱱᱚᱜ-ᱟ᱾ ᱡᱟᱱᱩᱣᱟᱨᱤ ᱠᱷᱚᱱ ᱢᱟᱨᱪ, ᱢᱟᱨᱪ ᱠᱷᱚᱱ ᱢᱮ ᱟᱨ ᱥᱮᱯᱴᱮᱢᱵᱚᱨ ᱠᱷᱚᱱ ᱱᱚᱵᱷᱮᱢᱵᱚᱨ ᱱᱚᱣᱟ ᱯᱮ ᱚᱠᱛᱚᱨᱮ ᱠᱟᱭᱨᱟ ᱠᱳ ᱨᱚᱦᱚᱭᱟ᱾ ᱠᱟᱭᱨᱟ ᱨᱚᱦᱚᱭ ᱞᱟᱹᱜᱤᱫ ᱠᱷᱮᱛ ᱵᱟᱲᱜᱮ ᱟᱹᱰᱤ ᱢᱚᱡᱛᱮ ᱥᱤ ᱞᱟᱜᱟᱣᱜ-ᱟ᱾ ᱚᱱᱟ ᱛᱟᱭᱚᱢ ᱢᱤᱫ ᱥᱟᱹᱨᱛᱮ ᱛᱷᱚᱲᱟ ᱜᱟᱱ ᱯᱷᱟᱸᱠ ᱯᱷᱟᱸᱠ ᱫᱟᱨᱮ ᱨᱚᱦᱚᱭ ᱞᱟᱹᱜᱤᱫ ᱜᱷᱟᱰᱞᱟᱜ ᱠᱳ ᱞᱟᱭᱟ᱾ ᱜᱷᱟᱰᱞᱟᱜ ᱞᱟ ᱵᱟᱲᱟ ᱠᱟᱛᱮ ᱥᱟᱨ ᱠᱳᱠᱲᱳ ᱮᱢᱟ ᱟᱨ ᱦᱟᱥᱟ ᱛᱮᱠᱳ ᱯᱚᱴᱚᱢᱠᱟᱜ-ᱟ᱾ ᱑᱕ ᱢᱟᱦᱟᱸ ᱛᱟᱭᱚᱢ ᱯᱚᱴᱚᱢ ᱦᱟᱥᱟ ᱚᱪᱚᱜ ᱠᱟᱛᱮ ᱪᱟᱨᱟ ᱫᱟᱨᱮᱠᱚ ᱨᱚᱦᱚᱭᱟ᱾ ᱛᱟᱭᱚᱢᱛᱮ ᱑᱕-᱒᱐ ᱢᱟᱦᱟᱸ ᱯᱚᱨ ᱯᱚᱨ ᱫᱟᱜ ᱟᱨᱮᱡ ᱞᱟᱜᱟᱜ-ᱟ᱾
