ᱠᱟᱱᱫᱤᱞ ᱵᱟᱞᱚᱪ
ᱠᱟᱱᱫᱤᱞ ᱵᱟᱞᱚᱪ (ᱩᱨᱫᱩ: قندیل بلوچ; ᱑ ᱢᱟᱨᱪ ᱑᱙᱙᱐ - ᱑᱕ ᱡᱩᱞᱟᱭ ᱒᱐᱑᱖), ᱡᱟᱱᱟᱢ ᱧᱩᱛᱩᱢ ᱯᱷᱚᱣᱡᱤᱭᱟ ᱟᱡᱤᱢ (ᱩᱨᱫᱩ: فوزیہ عظیم), ᱫᱚ ᱢᱤᱫ ᱯᱟᱠᱤᱥᱛᱟᱱᱤ ᱢᱚᱰᱮᱞ, ᱮᱠᱴᱨᱮᱥ ᱟᱨ ᱯᱷᱮᱢᱤᱱᱤᱥᱴ ᱮᱠᱴᱤᱵᱤᱥᱴ ᱮ ᱛᱟᱦᱮᱸ ᱠᱟᱱᱟ᱾ ᱩᱱᱤ ᱫᱚ ᱫᱤᱥᱚᱢ ᱨᱤᱱᱤᱡ ᱯᱩᱭᱞᱩ ᱥᱚᱥᱟᱞ ᱢᱤᱰᱤᱭᱟ ᱥᱮᱞᱤᱵᱽᱨᱤᱴᱤ ᱮ ᱛᱟᱦᱮᱸ ᱠᱟᱱᱟ᱾ ᱟᱡᱤᱢ ᱫᱚ ᱟᱡᱟᱜ ᱫᱤᱱᱟᱹᱢ ᱠᱟᱹᱢᱤ ᱠᱚ, ᱢᱤᱫ ᱯᱟᱠᱤᱥᱛᱟᱱᱤ ᱛᱤᱨᱞᱟᱹ ᱞᱮᱠᱟᱛᱮ ᱟᱡᱟᱜ ᱚᱫᱷᱤᱠᱟᱨ ᱠᱚ, ᱟᱨ ᱟᱹᱰᱤ ᱜᱟᱱ ᱵᱤᱵᱟᱹᱫᱤᱭᱟᱹ ᱠᱟᱛᱷᱟ ᱠᱚ ᱤᱫᱤ ᱠᱟᱛᱮ ᱥᱚᱥᱟᱞ ᱱᱮᱴᱣᱟᱨᱠ ᱨᱮ ᱵᱤᱰᱤᱭᱳ ᱠᱷᱟᱹᱛᱤᱨ ᱧᱩᱛᱩᱢ ᱮ ᱟᱢᱮᱴ ᱠᱮᱫᱟ᱾[᱑][᱒]
ᱵᱟᱞᱚᱪ ᱫᱚ ᱯᱩᱭᱞᱩ ᱫᱷᱟᱣ ᱒᱐᱑᱓ ᱨᱮ ᱢᱤᱰᱤᱭᱟ ᱠᱷᱚᱱ ᱩᱨᱩᱢ ᱧᱟᱢ ᱠᱮᱫᱟ, ᱡᱚᱠᱷᱚᱱ ᱩᱱᱤ ᱫᱚ ᱯᱟᱠᱤᱥᱛᱟᱱ ᱟᱭᱰᱚᱞ ᱞᱟᱹᱜᱤᱫ ᱮ ᱚᱰᱤᱥᱚᱱ ᱮᱢ ᱞᱮᱫᱟ; ᱩᱱᱤᱭᱟᱜ ᱚᱰᱤᱥᱚᱱ ᱫᱚ ᱧᱩᱛᱩᱢ ᱮ ᱟᱢᱮᱴ ᱠᱮᱫᱟ ᱟᱨ ᱩᱱᱤ ᱫᱚ ᱢᱤᱫ ᱤᱱᱴᱚᱨᱱᱮᱴ ᱥᱮᱞᱤᱵᱽᱨᱤᱴᱤ ᱮ ᱵᱮᱱᱟᱣ ᱮᱱᱟ᱾ ᱩᱱᱤ ᱫᱚ ᱯᱟᱠᱤᱥᱛᱟᱱ ᱨᱮ ᱤᱱᱴᱚᱨᱱᱮᱴ ᱨᱮ ᱡᱟᱹᱥᱛᱤ ᱠᱷᱚᱡᱟᱜ ᱠᱟᱱ ᱑᱐ ᱦᱚᱲ ᱠᱷᱚᱱ ᱢᱤᱫᱴᱟᱹᱝ ᱠᱟᱱᱟᱭ ᱟᱨ ᱟᱡᱟᱜ ᱵᱤᱰᱤᱭᱳ ᱟᱨ ᱯᱳᱥᱴ ᱠᱚᱣᱟᱜ ᱵᱤᱥᱚᱭ ᱞᱟᱹᱜᱤᱫ ᱥᱟᱨᱦᱟᱣ ᱟᱨ ᱵᱤᱨᱳᱫᱷ ᱵᱟᱱᱟᱨ ᱜᱮ ᱦᱩᱭ ᱞᱮᱱᱟ᱾[᱓]
ᱮᱛᱚᱦᱚᱵ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱠᱟᱱᱫᱤᱞ ᱫᱚ ᱑ ᱢᱟᱨᱪ, ᱑᱙᱙᱐ ᱨᱮ ᱯᱟᱠᱤᱥᱛᱟᱱ ᱨᱮᱭᱟᱜ ᱯᱚᱧᱡᱟᱵᱽ ᱯᱚᱱᱚᱛ ᱨᱮᱭᱟᱜ ᱮᱛᱚᱢ ᱯᱟᱦᱴᱟ ᱨᱮ ᱢᱮᱱᱟᱜ ᱰᱮᱨᱟ ᱜᱟᱡᱤ ᱠᱷᱟᱱ ᱦᱚᱱᱚᱛ ᱨᱮᱭᱟᱜ ᱢᱤᱫ ᱱᱟᱜᱟᱨ ᱥᱟᱦ ᱥᱟᱫᱟᱨ ᱫᱤᱱ ᱨᱮᱭ ᱡᱟᱱᱟᱢ ᱞᱮᱱᱟ, ᱢᱤᱫ ᱥᱟᱨᱟᱭᱤᱠᱤ ᱨᱚᱲ ᱟᱱ, ᱮᱛᱷᱱᱤᱠ ᱵᱟᱞᱚᱪ ᱜᱷᱟᱨᱚᱸᱡᱽ ᱨᱮ᱾ ᱩᱱᱤ ᱫᱚ ᱢᱤᱫ ᱟᱱᱟᱴ ᱜᱷᱟᱨᱚᱸᱡᱽ ᱠᱷᱚᱱ ᱮ ᱦᱮᱡ ᱞᱮᱱᱟ, ᱟᱱᱣᱟᱨ ᱵᱤᱵᱤ ᱟᱨ ᱢᱩᱦᱟᱢᱢᱟᱫ ᱟᱡᱤᱢ ᱨᱤᱱᱤᱡ ᱠᱩᱲᱤ ᱜᱤᱫᱽᱨᱟᱹ, ᱡᱟᱦᱟᱸᱭ ᱫᱚ ᱴᱚᱴᱷᱟᱣᱟᱨᱤ ᱪᱟᱥ ᱠᱷᱚᱱ ᱠᱟᱹᱣᱰᱤ ᱠᱚ ᱠᱷᱟᱴᱟᱣᱮᱫ ᱛᱟᱦᱮᱸᱫ᱾ ᱩᱱᱤ ᱫᱚ ᱛᱩᱨᱩᱭ ᱜᱚᱴᱟᱝ ᱵᱚᱭᱦᱟ ᱟᱨ ᱵᱟᱨᱭᱟ ᱢᱤᱥᱨᱟ ᱠᱚ ᱛᱟᱦᱮᱸ ᱠᱟᱱᱟ᱾ ᱡᱩᱣᱟᱹᱱ ᱚᱠᱛᱚ ᱠᱷᱚᱱ ᱜᱮ ᱩᱱᱤ ᱫᱚ ᱟᱡᱟᱜ ᱯᱟᱲᱦᱟᱣ ᱥᱟᱶᱛᱮ ᱮᱠᱴᱤᱝ ᱟᱨ ᱥᱮᱨᱮᱧ ᱨᱮ ᱦᱚᱸ ᱨᱟᱹᱥᱠᱟᱹ ᱛᱟᱦᱮᱸ ᱠᱟᱱᱟ᱾ ᱧᱩᱛᱩᱢ ᱦᱟᱢᱮᱴ ᱞᱟᱦᱟ ᱨᱮ ᱟᱡᱟᱜ ᱯᱩᱭᱞᱩ ᱠᱟᱹᱢᱤ ᱫᱚ ᱵᱟᱥ ᱦᱚᱥᱴᱮᱥ ᱞᱮᱠᱟᱛᱮ ᱛᱟᱦᱮᱸ ᱠᱟᱱᱟ᱾
ᱠᱟᱹᱢᱤ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]ᱵᱟᱞᱚᱪ ᱟᱜ ᱧᱩᱛᱩᱢ ᱫᱚ ᱟᱡᱟᱜ ᱥᱚᱥᱟᱞ ᱢᱤᱰᱤᱭᱟ ᱯᱳᱥᱴ ᱠᱚ - ᱪᱤᱛᱟᱹᱨ, ᱵᱤᱰᱤᱭᱳ ᱟᱨ ᱠᱚᱢᱮᱱᱴ ᱠᱚ ᱪᱮᱛᱟᱱ ᱨᱮ ᱛᱟᱦᱮᱸ ᱠᱟᱱᱟ᱾ ᱱᱚᱣᱟ ᱠᱚᱫᱚ ᱡᱟᱹᱥᱛᱤ ᱠᱟᱭᱛᱮ ᱠᱚᱱᱡᱟᱨᱵᱮᱴᱤᱵᱷ ᱯᱟᱠᱤᱥᱛᱟᱱᱤ ᱠᱚᱢᱩᱱᱤᱴᱤ ᱦᱚᱛᱮᱛᱮ ᱵᱟᱹᱲᱛᱤ ᱟᱨ ᱵᱟᱹᱲᱤᱡ ᱢᱮᱱᱛᱮ ᱠᱚ ᱢᱟᱱᱟᱣᱮᱫ ᱛᱟᱦᱮᱸᱫ᱾ ᱟᱡᱟᱜ ᱡᱚᱛᱚ ᱠᱷᱚᱱ ᱧᱩᱛᱩᱢᱟᱱ ᱵᱤᱰᱤᱭᱳ ᱠᱚᱫᱚ ᱩᱱᱤᱭᱟᱜ ᱠᱮᱪᱯᱷᱨᱮᱡᱽ "ᱦᱟᱣ ᱮᱢ ᱞᱩᱠᱤᱝ?" (ᱤᱧ ᱪᱮᱫ ᱞᱮᱠᱟᱧ ᱧᱮᱞᱚᱜ ᱠᱟᱱᱟ?) ᱟᱨ ᱩᱱᱤᱭᱟᱜ ᱱᱚᱣᱟ ᱢᱮᱱ ᱛᱟᱦᱮᱸ ᱠᱟᱱᱟ "ᱢᱟᱭᱨᱮ ᱥᱟᱨ ᱢᱟᱭ ᱯᱮᱭᱱ ᱦᱳ ᱨᱟᱦᱟ ᱦᱟᱭ" (ᱤᱧᱟᱜ ᱞᱩᱛᱩᱨ ᱨᱮ ᱦᱟᱹᱥᱩ ᱠᱟᱱᱟ) ᱢᱤᱫ ᱢᱟᱱᱟᱣ ᱟᱨ ᱠᱟᱵᱽᱡᱟ ᱴᱚᱱ ᱨᱮ᱾ ᱟᱡᱟᱜ ᱠᱮᱪᱯᱷᱨᱮᱡᱽ ᱠᱚᱫᱚ ᱧᱩᱛᱩᱢᱟᱱ ᱮᱱᱟ ᱟᱨ ᱯᱟᱠᱤᱥᱛᱟᱱᱤ ᱡᱩᱣᱟᱹᱱ ᱦᱚᱲ ᱠᱚ ᱦᱟᱹᱥᱤ ᱞᱮᱠᱟᱛᱮ ᱠᱚ ᱟᱯᱱᱟᱨ ᱠᱮᱫᱟ᱾ ᱱᱚᱣᱟ ᱠᱚᱫᱚ ᱰᱚᱵᱤᱝ ᱥᱚᱥᱟᱞ ᱢᱤᱰᱤᱭᱟ ᱥᱟᱭᱤᱴ ᱰᱚᱵᱥᱢᱮᱥ ᱦᱚᱸ ᱠᱚ ᱩᱫᱩᱜ ᱥᱚᱫᱚᱨ ᱠᱮᱫᱟ ᱟᱨ ᱱᱚᱣᱟ ᱫᱚ ᱥᱤᱧᱚᱛᱤᱭᱟᱹ ᱟᱨ ᱯᱟᱠᱤᱥᱛᱟᱱᱤ ᱡᱩᱣᱟᱹᱱ ᱵᱟᱱᱟᱨ ᱴᱷᱮᱱ ᱦᱚᱲ ᱠᱚ ᱠᱩᱥᱤ ᱠᱮᱫᱟ᱾ ᱠᱤᱪᱷᱩ ᱡᱮᱜᱮᱛᱟᱹᱨᱤ ᱠᱷᱚᱵᱚᱨ ᱢᱤᱰᱤᱭᱟ ᱫᱚ ᱩᱱᱤ ᱠᱤᱢ ᱠᱟᱨᱰᱮᱥᱤᱭᱟᱱ ᱥᱟᱶ ᱠᱚ ᱵᱟᱨᱟᱵᱟᱹᱨᱤ ᱠᱮᱫᱮᱭᱟ; ᱛᱚᱵᱮ ᱴᱚᱴᱷᱟᱣᱟᱨᱤ ᱠᱚᱢᱮᱱᱴᱮᱴᱚᱨ ᱠᱚ ᱢᱮᱱ ᱠᱮᱫᱟ ᱡᱮ ᱩᱱᱤ ᱫᱚ ᱠᱟᱨᱰᱮᱥᱤᱭᱟᱱ ᱠᱷᱚᱱ ᱦᱚᱸ ᱡᱟᱹᱥᱛᱤ ᱢᱟᱱᱟᱣ ᱵᱟᱛᱟᱣᱟ, ᱪᱮᱫᱟᱜ ᱥᱮ ᱵᱟᱞᱚᱪ ᱫᱚ "ᱥᱟᱶᱛᱟ ᱨᱮᱭᱟᱜ ᱱᱤᱭᱚᱢ ᱠᱚ ᱵᱤᱨᱩᱫᱽ ᱨᱮᱭ ᱪᱟᱞᱟᱣ ᱞᱮᱱᱟ" ᱟᱨ ᱟᱡᱟᱜ ᱡᱤᱭᱚᱱ ᱟᱡᱟᱜ ᱟᱠᱛᱤᱭᱟᱹᱨ ᱛᱮᱭ ᱠᱷᱮᱢᱟᱣ ᱞᱮᱫᱟ᱾ ᱒᱐᱑᱔ ᱥᱟᱞ ᱠᱷᱚᱱ ᱩᱱᱤ ᱫᱚ ᱯᱟᱠᱤᱥᱛᱟᱱᱤ ᱴᱚᱠ ᱥᱳ ᱨᱮ ᱨᱮᱜᱩᱞᱟᱨ ᱞᱮᱠᱟᱛᱮ ᱧᱮᱞ ᱧᱟᱢ ᱮᱛᱚᱦᱚᱵ ᱠᱮᱫᱟ, ᱥᱮᱨᱮᱧ ᱥᱮᱨᱮᱧ ᱞᱟᱹᱜᱤᱫ ᱵᱟᱝᱢᱟ ᱟᱡᱟᱜ ᱥᱚᱥᱟᱞ ᱢᱤᱰᱤᱭᱟ ᱧᱩᱛᱩᱢ ᱤᱫᱤ ᱠᱟᱛᱮ ᱜᱟᱞᱢᱟᱨᱟᱣ ᱞᱟᱹᱜᱤᱫ᱾ ᱩᱱᱤ ᱫᱚ ᱢᱤᱫ ᱠᱚᱱᱴᱮᱥᱴᱮᱱᱴ ᱞᱮᱠᱟᱛᱮ "ᱫᱮᱥᱤ ᱠᱩᱨᱤᱭᱟᱱ (ᱥᱤᱡᱚᱱ ᱔)" ᱨᱮᱭ ᱥᱮᱞᱮᱫ ᱞᱮᱱᱟ᱾ ᱩᱱᱤ ᱫᱚ ᱱᱮᱯᱴᱩᱱᱟᱨ ᱣᱮᱵᱽ ᱥᱚᱞᱩᱥᱚᱱ ᱨᱮ ᱰᱤᱡᱤᱴᱟᱞ ᱢᱮᱱᱮᱡᱟᱨ ᱞᱮᱠᱟᱛᱮ ᱦᱚᱸᱭ ᱠᱟᱹᱢᱤ ᱟᱠᱟᱫᱟ᱾
ᱡᱩᱱ ᱒᱐᱑᱖ ᱨᱮ, ᱵᱟᱞᱚᱪ ᱫᱚ ᱟᱡᱟᱜ ᱫᱷᱚᱨᱚᱢ ᱵᱟᱰᱟᱭ ᱡᱟᱹᱥᱛᱤ ᱞᱟᱹᱜᱤᱫ ᱢᱤᱫ ᱦᱳᱴᱮᱞ ᱨᱮ ᱥᱤᱱᱤᱭᱚᱨ ᱠᱞᱮᱨᱤᱠ ᱢᱩᱯᱷᱛᱤ ᱟᱵᱽᱫᱩᱞ ᱠᱟᱣᱤ ᱥᱟᱶ ᱮ ᱧᱟᱯᱟᱢ ᱞᱮᱱᱟ; ᱩᱱᱠᱤᱱ ᱵᱟᱱᱟᱨ ᱛᱟᱞᱟ ᱨᱮ ᱧᱟᱯᱟᱢ ᱫᱚ ᱥᱚᱥᱟᱞ ᱢᱤᱰᱤᱭᱟ ᱯᱞᱮᱴᱯᱷᱚᱨᱢ ᱨᱮ ᱦᱩᱞᱥᱟᱹᱭ ᱮ ᱟᱹᱜᱩ ᱞᱮᱫᱟ, ᱪᱮᱫᱟᱜ ᱥᱮ ᱩᱱᱠᱩᱣᱟᱜ ᱪᱤᱛᱟᱹᱨ ᱫᱚ ᱚᱱᱞᱟᱭᱤᱱ ᱨᱮ ᱧᱩᱛᱩᱢ ᱮ ᱟᱢᱮᱴ ᱞᱮᱫᱟ᱾ ᱩᱱᱤ ᱫᱚ ᱢᱩᱯᱷᱛᱤᱭᱟᱜ ᱥᱤᱜᱱᱮᱪᱟᱨ ᱥᱟᱶ ᱢᱤᱫ ᱴᱳᱯᱤ ᱦᱚᱸᱭ ᱦᱚᱨᱚᱜ ᱞᱮᱫᱟ᱾ ᱱᱚᱣᱟ ᱧᱟᱯᱟᱢ ᱫᱚ ᱯᱟᱠᱤᱥᱛᱟᱱ ᱨᱮᱭᱟᱜ ᱫᱷᱚᱨᱚᱢ ᱠᱚᱢᱤᱴᱤ ᱠᱷᱚᱱ ᱢᱩᱯᱷᱛᱤᱭᱟᱜ ᱯᱚᱫᱽ ᱠᱷᱚᱱ ᱥᱚᱥᱯᱮᱱᱰ ᱦᱩᱭ ᱥᱮᱴᱮᱨ ᱞᱮᱱᱟ, ᱟᱨ ᱵᱟᱞᱚᱪ ᱫᱚ ᱧᱩᱛᱩᱢᱟᱱ ᱯᱟᱠᱤᱥᱛᱟᱱᱤ ᱱᱤᱛᱚᱜ ᱚᱠᱛᱚ ᱟᱨ ᱠᱷᱚᱵᱚᱨ ᱯᱨᱚᱜᱨᱟᱢ ᱨᱮ ᱨᱮᱜᱩᱞᱟᱨ ᱞᱮᱠᱟᱛᱮᱭ ᱦᱤᱡᱩᱜ ᱮᱛᱚᱦᱚᱵ ᱞᱮᱫᱟ᱾ ᱩᱱᱤ ᱫᱚ ᱧᱩᱛᱩᱢᱟᱱ ᱯᱟᱠᱤᱥᱛᱟᱱᱤ ᱴᱤᱵᱷᱤ ᱥᱳ ᱨᱮ ᱢᱩᱵᱟᱥᱤᱨ ᱞᱩᱠᱢᱟᱱ ᱞᱮᱠᱟᱱ ᱥᱤᱱᱤᱭᱚᱨ ᱮᱝᱠᱚᱨ ᱥᱟᱶᱛᱮᱭ ᱧᱮᱞ ᱞᱮᱱᱟ᱾ ᱩᱱᱤ ᱫᱚ ᱡᱟᱹᱥᱛᱤ ᱠᱟᱭᱛᱮ ᱴᱚᱠ ᱥᱳ ᱨᱮ ᱟᱡᱟᱜ ᱣᱮᱥᱴᱟᱨᱱ ᱟᱨ ᱵᱤᱵᱟᱹᱫᱤᱭᱟᱹ ᱠᱟᱹᱢᱤ ᱟᱨ ᱡᱤᱭᱚᱱ ᱥᱴᱟᱭᱤᱞ ᱪᱮᱛᱟᱱ ᱨᱮ ᱫᱷᱚᱨᱚᱢ ᱥᱠᱚᱞᱟᱨ ᱥᱟᱶ ᱵᱟᱦᱟᱥ ᱞᱟᱹᱜᱤᱫ ᱮ ᱛᱟᱦᱮᱸᱱ ᱠᱟᱱ ᱛᱟᱦᱮᱸᱫ᱾
ᱢᱤᱫ ᱞᱟᱦᱟᱱᱛᱤᱭᱟᱹ ᱥᱴᱚᱱᱴ ᱡᱟᱦᱟᱸ ᱫᱚ ᱥᱚᱥᱟᱞ ᱢᱤᱰᱤᱭᱟ ᱨᱮ ᱧᱩᱛᱩᱢ ᱮ ᱟᱢᱮᱴ ᱞᱮᱫᱟ, ᱩᱱᱤ ᱫᱚ ᱟᱡᱟᱜ ᱯᱷᱳᱞᱳᱣᱟᱨ ᱞᱟᱹᱜᱤᱫ ᱢᱤᱫ ᱥᱴᱨᱤᱯ ᱰᱟᱱᱥ ᱮᱢᱚᱜ ᱨᱮᱱᱟᱜ ᱟᱨ ᱑᱙ ᱢᱟᱨᱪ ᱒᱐᱑᱖ ᱨᱮ ᱥᱤᱧᱚᱛ ᱵᱤᱨᱩᱫᱷ ᱨᱮ ᱯᱟᱠᱤᱥᱛᱟᱱ ᱴᱣᱮᱱᱴᱤ᱒᱐ ᱢᱮᱪ ᱮ ᱡᱤᱛᱠᱟᱹᱨ ᱞᱮᱱᱠᱷᱟᱱ ᱟᱡᱟᱜ ᱰᱟᱱᱥ ᱠᱨᱤᱠᱮᱴᱟᱨ ᱥᱟᱦᱤᱫ ᱟᱯᱷᱨᱤᱫᱤ ᱞᱟᱹᱜᱤᱫ ᱮ ᱟᱞᱟᱭᱟ᱾ ᱩᱱᱤ ᱫᱚ ᱥᱚᱥᱟᱞ ᱢᱤᱰᱤᱭᱟ ᱨᱮ ᱢᱤᱫ ᱴᱤᱡᱟᱨ ᱮ ᱨᱤᱞᱤᱡ ᱞᱮᱫᱟ, ᱡᱟᱦᱟᱸ ᱫᱚ ᱧᱩᱛᱩᱢ ᱮ ᱟᱢᱮᱴ ᱠᱮᱫᱟ, ᱢᱮᱱᱠᱷᱟᱱ ᱯᱟᱠᱤᱥᱛᱟᱱ ᱫᱚ ᱢᱮᱪ ᱨᱮᱭ ᱦᱟᱨᱟᱣ ᱮᱱᱟ᱾ ᱠᱤᱪᱷᱩ ᱥᱤᱧᱚᱛᱤᱭᱟᱹ ᱢᱤᱰᱤᱭᱟ ᱫᱚ ᱩᱱᱤ ᱯᱩᱱᱚᱢ ᱯᱟᱱᱰᱮ ᱥᱟᱶ ᱠᱚ ᱵᱟᱨᱟᱵᱟᱹᱨᱤ ᱠᱮᱫᱮᱭᱟ᱾
ᱡᱮᱞᱮᱠᱟ ᱟᱡᱟᱜ ᱢᱤᱰᱤᱭᱟ ᱦᱟᱡᱤᱨ ᱵᱟᱹᱲᱛᱤ ᱮᱱᱟ, ᱵᱟᱞᱚᱪ ᱫᱚ ᱟᱡᱟᱜ ᱯᱚᱫᱽ ᱯᱟᱠᱤᱥᱛᱟᱱᱤ ᱥᱟᱶᱛᱟ ᱨᱮ ᱛᱤᱨᱞᱟᱹ ᱠᱚᱣᱟᱜ ᱯᱚᱫᱽ ᱤᱫᱤ ᱠᱟᱛᱮ ᱠᱚᱢᱮᱱᱴ ᱞᱟᱹᱜᱤᱫ ᱵᱮᱵᱷᱟᱨ ᱮ ᱮᱛᱚᱦᱚᱵ ᱠᱮᱫᱟ᱾ ᱩᱱᱤ ᱜᱚᱡ ᱮᱱ ᱢᱤᱫ ᱦᱟᱯᱛᱟ ᱞᱟᱦᱟ ᱨᱮ, ᱩᱱᱤ ᱫᱚ ᱵᱟᱱ ᱧᱩᱛᱩᱢ ᱛᱮ ᱢᱤᱫ ᱢᱤᱭᱩᱡᱤᱠ ᱵᱤᱰᱤᱭᱳ ᱮ ᱨᱤᱞᱤᱡ ᱞᱮᱫᱟ, ᱡᱟᱦᱟᱸ ᱫᱚ ᱫᱤᱥᱚᱢ ᱨᱮ ᱛᱤᱨᱞᱟᱹ ᱠᱚ ᱪᱮᱛᱟᱱ ᱨᱮ ᱞᱟᱜᱟᱣ ᱟᱠᱟᱱ ᱵᱟᱫᱽ ᱠᱚ ᱤᱫᱤ ᱠᱟᱛᱮ ᱦᱟᱹᱥᱤ ᱮ ᱛᱟᱦᱮᱸ ᱠᱟᱱᱟ᱾ ᱵᱤᱵᱟᱹᱫᱤᱭᱟᱹ ᱮᱝᱠᱚᱨ ᱢᱩᱵᱟᱥᱤᱨ ᱞᱩᱠᱢᱟᱱ ᱥᱟᱶ ᱢᱤᱫ ᱤᱱᱴᱚᱨᱵᱷᱤᱭᱩ ᱨᱮ, ᱵᱟᱞᱚᱪ ᱫᱚ ᱥᱟᱱᱤ ᱞᱤᱭᱳᱱᱤ, ᱨᱟᱠᱷᱤ ᱥᱟᱣᱟᱱᱛ ᱟᱨ ᱯᱩᱱᱚᱢ ᱯᱟᱱᱰᱮ ᱟᱡᱟᱜ ᱤᱱᱥᱯᱤᱨᱮᱥᱚᱱ ᱞᱮᱠᱟᱛᱮᱭ ᱧᱩᱛᱩᱢ ᱞᱮᱫ ᱠᱚᱣᱟ᱾ ᱩᱱᱤ ᱫᱚ ᱱᱚᱣᱟ ᱦᱚᱸᱭ ᱢᱮᱱ ᱞᱮᱫᱟ ᱡᱮ ᱟᱹᱰᱤ ᱜᱟᱱ ᱚᱨᱜᱟᱱᱤᱡᱮᱥᱚᱱ, ᱦᱚᱲ ᱟᱨ ᱢᱤᱰᱤᱭᱟ ᱜᱩᱴ ᱟᱡ ᱱᱩᱠᱩᱣᱟᱜ ᱥᱳ ᱨᱮ ᱧᱮᱞᱚᱜ ᱞᱟᱹᱜᱤᱫ ᱠᱚ ᱱᱮᱣᱛᱟᱭ ᱠᱟᱱᱟ ᱛᱟᱠᱤ ᱱᱩᱠᱩᱣᱟᱜ ᱨᱮᱴᱤᱝ ᱠᱚ ᱵᱟᱹᱲᱛᱤ ᱫᱟᱲᱮᱭᱟᱜᱼᱟ᱾
ᱥᱩᱨᱚᱠᱷᱟ ᱵᱟᱵᱚᱛ ᱪᱤᱱᱛᱟᱹ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱑᱖ ᱨᱮ ᱠᱟᱣᱤ ᱥᱟᱶ ᱧᱟᱯᱟᱢ ᱛᱟᱭᱚᱢ, ᱠᱟᱱᱫᱤᱞ ᱫᱚ ᱢᱤᱫ ᱯᱨᱮᱥ ᱠᱚᱱᱯᱷᱮᱨᱮᱱᱥ ᱮ ᱦᱩᱭ ᱠᱮᱫᱟ ᱟᱨ ᱱᱚᱣᱟ ᱨᱮ ᱩᱱᱤ ᱫᱚ ᱵᱟᱰᱟᱭ ᱮᱢ ᱠᱮᱫᱟ ᱡᱮ ᱩᱱᱤ ᱫᱚ ᱩᱱᱤ ᱟᱨ ᱮᱴᱟᱜ ᱠᱚ ᱴᱷᱮᱱ ᱠᱷᱚᱱ ᱦᱚᱸ ᱜᱚᱡ ᱨᱮᱭᱟᱜ ᱫᱷᱚᱢᱠᱤ ᱧᱟᱢ ᱟᱠᱟᱫᱟ ᱟᱨ ᱯᱚᱱᱚᱛ ᱴᱷᱮᱱ ᱠᱷᱚᱱ ᱯᱩᱞᱤᱥ ᱥᱩᱨᱚᱠᱷᱟ ᱮ ᱠᱷᱚᱡᱽ ᱞᱮᱫᱟ᱾ ᱡᱩᱱ ᱨᱮᱭᱟᱜ ᱢᱩᱪᱟᱹᱫ ᱨᱮ, ᱵᱟᱞᱚᱪ ᱟᱜ ᱯᱟᱥᱯᱳᱨᱴ ᱟᱨ ᱡᱟᱹᱛᱤᱭᱟᱹᱨᱤ ᱯᱟᱹᱨᱤᱪᱟᱹᱭ ᱠᱟᱨᱰ ᱨᱮᱭᱟᱜ ᱪᱤᱛᱟᱹᱨ ᱠᱷᱚᱵᱚᱨ ᱨᱮ ᱯᱟᱥᱱᱟᱣ ᱮᱱᱟ, ᱡᱟᱦᱟᱸ ᱫᱚ ᱟᱡᱟᱜ ᱟᱹᱛᱩ ᱟᱨ ᱵᱟᱵᱟ ᱣᱟᱜ ᱧᱩᱛᱩᱢ ᱮ ᱩᱫᱩᱜ ᱥᱚᱫᱚᱨ ᱠᱮᱫᱟ᱾
ᱚᱱᱟ ᱚᱠᱛᱚ ᱥᱩᱨ ᱨᱮᱜᱮ, ᱵᱟᱞᱚᱪ ᱨᱤᱱᱤᱡ ᱢᱟᱨᱮ ᱡᱟᱶᱟᱭ ᱢᱤᱰᱤᱭᱟ ᱨᱮ ᱱᱩᱠᱩᱣᱟᱜ ᱠᱷᱟᱴᱚ ᱵᱟᱯᱞᱟ ᱨᱮᱭᱟᱜ ᱵᱚᱨᱱᱚᱱ ᱠᱮᱫᱟ, ᱩᱱᱠᱩᱣᱟᱜ ᱥᱟᱹᱜᱟᱹᱭ ᱨᱮᱭᱟᱜ ᱵᱷᱤᱛᱨᱤ ᱵᱤᱵᱚᱨᱚᱱ ᱮ ᱥᱚᱫᱚᱨ ᱠᱮᱫᱟ᱾ ᱵᱟᱞᱚᱪ ᱫᱚ ᱫᱟᱹᱵᱤ ᱠᱮᱫᱟ ᱡᱮ ᱟᱡᱤᱡ ᱡᱟᱶᱟᱭ ᱫᱚ ᱱᱤᱨᱫᱟᱹᱭ ᱮ ᱛᱟᱦᱮᱸ ᱠᱟᱱᱟ ᱟᱨ ᱵᱟᱯᱞᱟ ᱨᱮᱭᱟᱜ ᱦᱟᱹᱥᱩ ᱤᱫᱤ ᱠᱟᱛᱮ ᱦᱚᱲ ᱥᱟᱢᱟᱝ ᱨᱮ ᱨᱟᱜ ᱠᱮᱫᱟ᱾ ᱑᱔ ᱡᱩᱞᱟᱭ ᱒᱐᱑᱖ ᱥᱩᱨ ᱨᱮ, ᱵᱟᱞᱚᱪ ᱮᱠᱥᱯᱨᱮᱥ ᱴᱨᱤᱵᱭᱩᱱ ᱨᱤᱱᱤᱡ ᱢᱤᱫ ᱨᱤᱯᱳᱨᱴᱟᱨ ᱥᱟᱶ ᱯᱷᱳᱱ ᱛᱮᱭ ᱨᱚᱯᱚᱲ ᱠᱮᱫᱟ ᱟᱨ ᱢᱮᱱ ᱠᱮᱫᱟ ᱡᱮ ᱩᱱᱤ ᱟᱡᱟᱜ ᱡᱤᱣᱤ ᱞᱟᱹᱜᱤᱫ ᱮ ᱵᱚᱛᱚᱨᱚᱜ ᱠᱟᱱᱟ᱾ ᱩᱱᱤ ᱫᱚ ᱨᱤᱯᱳᱨᱴᱟᱨ ᱮ ᱞᱟᱹᱭᱟᱫ ᱮ ᱛᱟᱦᱮᱸᱫ ᱡᱮ ᱩᱱᱤ ᱫᱚ ᱯᱩᱞᱤᱥ ᱴᱷᱮᱱ ᱠᱷᱚᱱ ᱥᱩᱨᱚᱠᱷᱟ ᱮ ᱠᱷᱚᱡᱽ ᱟᱠᱟᱫᱟ ᱢᱮᱱᱠᱷᱟᱱ ᱪᱮᱫ ᱦᱚᱸ ᱨᱤᱥᱯᱳᱱᱥ ᱵᱟᱭ ᱧᱟᱢ ᱠᱷᱟᱹᱛᱤᱨ, ᱩᱱᱤ ᱫᱚ ᱤᱫᱽ ᱟᱞᱼᱯᱷᱤᱛᱟᱨ ᱪᱷᱩᱴᱤ ᱛᱟᱭᱚᱢ ᱟᱡ ᱨᱤᱱ ᱟᱭᱳ ᱵᱟᱵᱟ ᱥᱟᱶᱛᱮ ᱵᱟᱦᱨᱮ ᱫᱤᱥᱚᱢ ᱥᱮᱱᱚᱜ ᱨᱮᱭᱟᱜ ᱮ ᱴᱷᱟᱹᱣᱠᱟᱹ ᱠᱮᱫᱟ ᱪᱮᱫᱟᱜ ᱥᱮ ᱩᱱᱤ ᱯᱟᱠᱤᱥᱛᱟᱱ ᱨᱮ ᱥᱩᱨᱚᱠᱷᱤᱛ ᱵᱟᱭ ᱵᱩᱡᱷᱟᱹᱣᱮᱫ ᱛᱟᱦᱮᱸᱫ᱾
ᱱᱤᱡᱮᱨᱟᱜ ᱡᱤᱭᱚᱱ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱒᱐᱐᱘ ᱨᱮ, ᱑᱗ ᱥᱮᱨᱢᱟ ᱩᱢᱮᱨ ᱨᱮ, ᱵᱟᱞᱚᱪ ᱫᱚ ᱟᱥᱤᱠ ᱦᱩᱥᱮᱱ ᱧᱩᱛᱩᱢ ᱟᱱ ᱢᱤᱫ ᱴᱚᱴᱷᱟᱣᱟᱨᱤ ᱦᱚᱲ ᱥᱟᱶ ᱮ ᱵᱟᱯᱞᱟ ᱞᱮᱱᱟ, ᱟᱡ ᱟᱭᱳ ᱣᱤᱱ ᱠᱟᱠᱟᱭ᱾ ᱩᱱᱤ ᱫᱚ ᱩᱱᱤ ᱥᱟᱶ ᱢᱤᱫ ᱠᱚᱲᱟ ᱜᱤᱫᱽᱨᱟᱹ ᱛᱟᱦᱮᱸ ᱠᱟᱱᱟ᱾ ᱟᱡ ᱡᱟᱶᱟᱭ ᱫᱚ ᱩᱱᱤᱭ ᱫᱟᱞ ᱮᱫ ᱛᱟᱦᱮᱸᱫ ᱟᱨ ᱱᱤᱨᱫᱟᱹᱭ ᱮ ᱛᱟᱦᱮᱸ ᱠᱟᱱᱟ ᱟᱨ ᱵᱟᱯᱞᱟ ᱨᱮᱭᱟᱜ ᱵᱟᱨ ᱥᱮᱨᱢᱟ ᱛᱟᱭᱚᱢ ᱩᱱᱤ ᱫᱚ ᱫᱟᱹᱲ ᱠᱮᱫᱟ᱾ (ᱵᱟᱞᱚᱪ ᱨᱤᱱᱤᱡ ᱟᱭᱳ, ᱟᱡ ᱠᱩᱲᱤ ᱜᱤᱫᱽᱨᱟᱹ ᱟᱜ ᱜᱩᱨ ᱨᱮᱭᱟᱜ ᱞᱟᱦᱟ ᱨᱮ ᱩᱱᱤᱭᱟᱜ ᱦᱚᱲᱢᱚᱭ ᱥᱟᱯᱲᱟᱣ ᱚᱠᱛᱚ ᱩᱱᱤ ᱟᱡᱟᱜ ᱛᱤ ᱨᱮ ᱥᱤᱜᱟᱨᱮᱴ ᱪᱷᱟᱯᱟ ᱧᱟᱢ ᱠᱮᱫᱟ)᱾ ᱩᱱᱤ ᱫᱚ ᱟᱡ ᱠᱚᱲᱟ ᱜᱤᱫᱽᱨᱟᱹ ᱟᱡ ᱵᱟᱵᱟ ᱥᱟᱶᱛᱮ ᱛᱟᱦᱮᱸ ᱫᱚᱦᱚ ᱠᱟᱛᱮ ᱠᱟᱨᱟᱪᱤ ᱥᱮᱱ ᱮᱱᱟ᱾[᱔]
ᱜᱩᱨ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]᱑᱕ ᱡᱩᱞᱟᱭ ᱒᱐᱑᱖ ᱨᱮ, ᱵᱟᱞᱚᱪ ᱫᱚ ᱟᱡ ᱵᱚᱭᱦᱟ ᱮᱢ. ᱣᱟᱥᱤᱢ ᱦᱚᱛᱮᱛᱮ ᱰᱨᱚᱜ ᱠᱟᱛᱮ ᱟᱨ ᱛᱟᱭᱚᱢ ᱟᱡ ᱮᱸᱜᱟᱛ ᱵᱟᱵᱟ ᱣᱟᱜ ᱚᱲᱟᱜ ᱢᱩᱞᱛᱟᱱ ᱨᱮ ᱡᱟᱹᱯᱤᱫ ᱚᱠᱛᱚ ᱮ ᱜᱚᱡ ᱠᱮᱫᱮᱭᱟ᱾ ᱟᱡᱟᱜ ᱜᱩᱨ ᱨᱮᱭᱟᱜ ᱠᱷᱚᱵᱚᱨ ᱫᱚ ᱟᱡ ᱵᱟᱵᱟ ᱟᱡᱤᱢ ᱮ ᱵᱟᱰᱟᱭ ᱮᱢ ᱠᱮᱫᱟ᱾ ᱱᱚᱣᱟ ᱫᱚ ᱯᱩᱭᱞᱩ ᱫᱷᱟᱣ ᱜᱩᱞᱤ ᱠᱷᱮᱞᱚᱜ ᱞᱮᱠᱟᱛᱮ ᱨᱤᱯᱳᱨᱴ ᱦᱩᱭ ᱞᱮᱱᱟ ᱢᱮᱱᱠᱷᱟᱱ ᱢᱤᱫ ᱚᱴᱳᱯᱥᱤ ᱨᱤᱯᱳᱨᱴ ᱯᱩᱥᱴᱟᱹᱣ ᱠᱮᱫᱟ ᱡᱮ ᱵᱟᱞᱚᱪ ᱫᱚ ᱡᱟᱹᱯᱤᱫ ᱚᱠᱛᱚ ᱑᱕ᱼ᱑᱖ ᱡᱩᱞᱟᱭ ᱨᱮᱭᱟᱜ ᱧᱤᱫᱟᱹ ᱑᱑:᱑᱕ ᱠᱷᱚᱱ ᱑᱑:᱓᱐ ᱵᱟᱡᱟᱣ ᱥᱩᱨ ᱥᱩᱯᱩᱨ ᱮ ᱜᱚᱡ ᱮᱱᱟ᱾ ᱛᱤᱱ ᱨᱮ ᱟᱡᱟᱜ ᱦᱚᱲᱢᱚ ᱠᱚ ᱧᱟᱢ ᱠᱮᱫᱟ, ᱩᱱ ᱚᱠᱛᱚ ᱫᱷᱟᱹᱵᱤᱡ ᱑᱕ ᱠᱷᱚᱱ ᱓᱖ ᱴᱟᱲᱟᱝ ᱢᱩᱫᱽ ᱨᱮ ᱩᱱᱤ ᱫᱚ ᱜᱚᱡ ᱮ ᱛᱟᱦᱮᱸ ᱠᱟᱱᱟ᱾ ᱵᱟᱞᱚᱪ ᱟᱜ ᱦᱚᱲᱢᱚ ᱨᱮ ᱪᱤᱱᱦᱟᱹ ᱠᱚ ᱥᱚᱫᱚᱨ ᱠᱮᱫᱟ ᱡᱮ ᱟᱡᱟᱜ ᱢᱚᱪᱟ ᱟᱨ ᱧᱟᱠ ᱫᱚ ᱟᱡ ᱜᱚᱡ ᱞᱟᱹᱜᱤᱫ ᱠᱚ ᱵᱚᱸᱫᱽ ᱫᱚᱦᱚ ᱞᱮᱫ ᱛᱟᱦᱮᱸᱫ᱾ ᱯᱩᱞᱤᱥ ᱠᱚ ᱢᱮᱱ ᱠᱮᱫᱟ ᱡᱮ ᱱᱩᱠᱩ ᱫᱚ ᱜᱚᱡ ᱨᱮᱭᱟᱜ ᱡᱚᱛᱚ ᱫᱤᱥᱟᱹ ᱠᱚ ᱵᱤᱱᱤᱰ ᱟᱭ ᱡᱟᱦᱟᱸ ᱨᱮ ᱢᱟᱹᱱ ᱞᱟᱹᱜᱤᱫ ᱜᱚᱡ ᱦᱚᱸ ᱥᱮᱞᱮᱫ ᱢᱮᱱᱟᱜᱼᱟ᱾
ᱥᱟᱹᱠᱷᱭᱟᱹᱛ
[ᱥᱟᱯᱲᱟᱣ | ᱯᱷᱮᱰᱟᱛ ᱥᱟᱯᱲᱟᱣ]- ↑ Raza, Sarah; Rehman, Ayesha (9 September 2015). "Self proclaimed drama queen: Qandeel Baloch". Samaa TV.
- ↑ Alam, Zainab B. (2020). "Do-it-Yourself Activism in Pakistan: The Fatal Celebrity of Qandeel Baloch". Perspectives on Politics (in ᱟᱝᱜᱽᱨᱮᱡᱤ). 18 (1): 76–90. doi:10.1017/S1537592719002408. ISSN 1537-5927. S2CID 201390494.
- ↑ "Qandeel Baloch murder: This video gives an insight into the Pakistani model's life". 16 July 2016. Retrieved 17 July 2016.
- ↑ "They Wanted Her Body". Longreads. 2018-12-19. Retrieved 2021-04-18.