ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ

ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ
ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ
काठमाडौं विश्वविद्यालय
	ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮᱭᱟᱜ ᱯᱚᱨᱥᱟᱥᱚᱱᱤᱠ ᱵᱷᱚᱵᱚᱱ
ᱩᱱᱩᱭᱦᱟᱹᱨ	ᱟᱹᱭᱩᱨᱤᱡᱽ ᱞᱟᱹᱜᱤᱫ ᱜᱩᱱᱚᱵᱚᱛᱟ ᱥᱮᱪᱮᱫ
ᱛᱷᱟᱯᱚᱱ	1991
ᱞᱮᱠᱟᱱ	ᱥᱟᱭᱚᱛᱛᱚ ᱥᱟᱨᱵᱚᱡᱚᱱᱤᱠ ᱥᱚᱝᱥᱛᱷᱟ
Endowment	NPR ᱓᱐᱑,᱑᱙᱒,᱐᱘᱔.᱐᱐
ᱪᱟᱱᱥᱮᱞᱚᱨ	ᱱᱮᱯᱟᱞ ᱨᱤᱱᱤᱡ ᱯᱨᱚᱫᱷᱟᱱ ᱢᱚᱱᱛᱨᱤ
ᱵᱷᱟᱭᱤᱥ ᱪᱟᱱᱥᱮᱞᱚᱨ	ᱰᱨ. ᱚᱪᱭᱩᱛ ᱯᱨᱚᱥᱟᱫ ᱣᱟᱜᱞᱮ
ᱟᱪᱮᱫᱤᱭᱟᱹ ᱮᱞᱮᱞ	᱒᱑᱐᱐᱐+
ᱴᱷᱟᱶ	ᱫᱷᱩᱞᱤᱠᱷᱮᱞ, ᱱᱮᱯᱟᱞ
ᱣᱮᱵᱽᱥᱟᱭᱤᱴ	ku.edu.np
	ᱨᱮᱫ:Kathmandu University Logo.svg

ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ (ᱠᱮᱭᱩ) (ᱱᱮᱯᱟᱞᱤ: काठमाण्डौ विश्वविद्यालय) ᱫᱚ ᱱᱮᱯᱟᱞ ᱨᱮᱭᱟᱜ ᱢᱤᱫ ᱥᱟᱭᱚᱛᱛᱚ ᱡᱮᱜᱮᱛᱵᱤᱨᱫᱟᱹᱜᱟᱲ ᱠᱟᱱᱟ᱾ ᱱᱚᱣᱟ ᱫᱚ ᱱᱮᱯᱟᱞ ᱨᱮᱭᱟᱜ ᱛᱮᱥᱟᱨ ᱥᱟᱱᱟᱢ ᱠᱷᱚᱱ ᱢᱟᱨᱮ ᱡᱮᱜᱮᱛᱵᱤᱨᱫᱟᱹᱜᱟᱲ ᱠᱟᱱᱟ, ᱡᱟᱦᱟᱸ ᱫᱚ ᱠᱟᱴᱷᱢᱟᱱᱰᱩ ᱠᱷᱚᱱ ᱓᱐ ᱠᱤᱞᱚᱢᱤᱴᱟᱨ ᱥᱟᱢᱟᱝ ᱥᱮᱡ, ᱠᱟᱵᱷᱨᱮᱯᱟᱞᱟᱱᱪᱚᱠ ᱦᱚᱱᱚᱛ ᱨᱮᱭᱟᱜ ᱫᱷᱩᱞᱤᱠᱷᱮᱞ ᱨᱮ ᱢᱮᱱᱟᱜᱼᱟ᱾ ᱱᱚᱣᱟ ᱫᱚ ᱑᱙᱙᱑ ᱥᱟᱞ ᱨᱮ "ᱟᱹᱭᱩᱨᱤᱡᱽ ᱞᱟᱹᱜᱤᱫ ᱜᱩᱱᱚᱵᱚᱛᱟ ᱥᱮᱪᱮᱫ" ᱫᱷᱮᱭᱚ ᱣᱟᱠᱭᱚ ᱥᱟᱶ ᱛᱷᱟᱯᱚᱱ ᱞᱮᱱᱟ᱾ ᱠᱮᱭᱩ ᱫᱚ ᱟᱡᱟᱜ ᱮᱭᱟᱭ ᱜᱚᱴᱮᱱ ᱤᱥᱠᱩᱞ ᱟᱨ ᱫᱷᱩᱞᱤᱠᱷᱮᱞ, ᱞᱚᱞᱤᱛᱯᱩᱨ ᱟᱨ ᱯᱟᱧᱪᱠᱷᱟᱞ ᱨᱮᱭᱟᱜ ᱠᱮᱢᱯᱚᱥ ᱠᱚ ᱛᱟᱞᱟᱛᱮ ᱪᱟᱞᱟᱜᱼᱟ᱾ ᱡᱮᱜᱮᱛᱵᱤᱨᱫᱟᱹᱜᱟᱲ ᱫᱚ ᱟᱭᱢᱟ ᱞᱮᱠᱟᱱ ᱵᱤᱥᱚᱭ ᱠᱚᱨᱮ ᱟᱱᱰᱚᱨᱜᱮᱨᱮᱡᱩᱮᱴ, ᱜᱮᱨᱮᱡᱩᱮᱴ ᱟᱨ ᱯᱚᱥᱴᱜᱮᱨᱮᱡᱩᱮᱴ ᱠᱚᱨᱥ ᱠᱚ ᱮᱢᱟᱭᱟ᱾^[᱒]

ᱱᱟᱜᱟᱢ

ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮᱭᱟᱜ ᱯᱩᱭᱞᱩ ᱨᱩᱯ, ᱠᱟᱴᱷᱢᱟᱱᱰᱩ ᱜᱷᱟᱴᱤ ᱠᱮᱢᱯᱚᱥ (ᱛᱨᱤᱵᱷᱩᱵᱚᱱ ᱡᱮᱜᱮᱛᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜ ᱢᱤᱫ ᱱᱤᱡᱤ ᱠᱮᱢᱯᱚᱥ) ᱑᱙᱘᱕ ᱥᱟᱞ ᱨᱮ ᱛᱷᱟᱯᱚᱱ ᱞᱮᱱᱟ, ᱡᱟᱦᱟᱸ ᱫᱚ ᱤᱱᱴᱚᱨᱢᱤᱰᱤᱭᱮᱴ ᱚᱯᱷ ᱥᱟᱭᱤᱱᱥ (ISc) ᱛᱷᱚᱠ ᱨᱮ ᱠᱚᱨᱥ ᱮᱢᱚᱜ ᱠᱟᱱ ᱛᱟᱦᱮᱸᱫ᱾ ᱯᱚᱨᱮ ᱛᱮ ᱡᱮᱜᱮᱛᱵᱤᱨᱫᱟᱹᱜᱟᱲ ᱛᱷᱟᱯᱚᱱ ᱨᱮᱭᱟᱜ ᱯᱨᱚᱥᱛᱟᱵᱽ ᱥᱚᱝᱥᱚᱫ ᱨᱮ ᱜᱟᱞᱢᱟᱨᱟᱣ ᱞᱮᱱᱟ, ᱟᱨ ᱱᱚᱣᱟ ᱑᱑ ᱰᱤᱥᱮᱢᱵᱚᱨ ᱑᱙᱙᱑ ᱨᱮ ᱢᱤᱫ ᱚᱫᱷᱤᱱᱤᱭᱚᱢ ᱛᱟᱞᱟᱛᱮ ᱢᱚᱧᱡᱩᱨᱤ ᱮᱢᱟᱱᱟ᱾

ᱛᱷᱟᱯᱚᱱ

ᱱᱚᱵᱮᱢᱵᱚᱨ ᱑᱙᱙᱑ ᱨᱮ ᱢᱤᱫ ᱚᱫᱷᱤᱱᱤᱭᱚᱢ ᱛᱟᱞᱟᱛᱮ ᱢᱤᱫ ᱵᱮᱥᱚᱨᱠᱟᱨᱤ, ᱥᱟᱭᱚᱛᱛᱚ, ᱥᱟᱨᱵᱚᱡᱚᱱᱤᱠ ᱡᱮᱜᱮᱛᱵᱤᱨᱫᱟᱹᱜᱟᱲ ᱞᱮᱠᱟᱛᱮ ᱛᱷᱟᱯᱚᱱ ᱮᱱ ᱠᱷᱟᱱ^[᱓] , ᱠᱮᱭᱩ ᱫᱚ ᱱᱮᱯᱟᱞ ᱨᱮᱭᱟᱜ ᱯᱩᱭᱞᱩ ᱱᱤᱡᱤ ᱨᱩᱯᱛᱮ ᱪᱟᱞᱟᱜ ᱠᱟᱱ ᱪᱮᱛᱟᱱ ᱥᱮᱪᱮᱫ ᱨᱮᱭᱟᱜ ᱥᱟᱨᱵᱚᱡᱚᱱᱤᱠ ᱥᱚᱝᱥᱛᱷᱟ ᱵᱮᱱᱟᱣᱮᱱᱟ᱾^[᱔] ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮᱭᱟᱜ ᱯᱩᱭᱞᱩ ᱨᱩᱯ ᱫᱚ ᱑᱙᱘᱕ ᱨᱮ ᱛᱷᱟᱯᱚᱱ ᱞᱮᱱ ᱠᱟᱴᱷᱢᱟᱱᱰᱩ ᱜᱷᱟᱴᱤ ᱠᱮᱢᱯᱚᱥ ᱛᱟᱦᱮᱸᱠᱟᱱᱟ᱾ ᱱᱚᱣᱟ ᱠᱮᱢᱯᱚᱥ ᱫᱚ ᱛᱨᱤᱵᱷᱩᱵᱚᱱ ᱡᱮᱜᱮᱛᱵᱤᱨᱫᱟᱹᱜᱟᱲ ᱥᱟᱶ ᱡᱚᱲᱟᱣ ᱢᱮᱱᱟᱜ ᱢᱤᱫ ᱱᱤᱡᱤ ᱠᱮᱢᱯᱚᱥ ᱞᱮᱠᱟᱛᱮ ᱮᱛᱚᱦᱚᱵ ᱞᱮᱱᱟ ᱟᱨ ᱵᱤᱡᱽଞᱟᱱ ᱨᱮ ᱤᱱᱴᱚᱨᱢᱤᱰᱤᱭᱮᱴ ᱛᱷᱚᱠ (I. SC) ᱨᱮ ᱠᱚᱨᱥ ᱠᱚ ᱮᱢᱚᱜ ᱠᱟᱱ ᱛᱟᱦᱮᱸᱫ᱾ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ ᱫᱚ ᱑᱙᱙᱒ ᱥᱟᱞ ᱨᱮ ᱤᱱᱴᱚᱨᱢᱤᱰᱤᱭᱮᱴ ᱤᱱ ᱥᱟᱭᱤᱱᱥ ᱯᱨᱚᱜᱮᱨᱟᱢ ᱥᱟᱶ ᱟᱡᱟᱜ ᱥᱮᱪᱮᱫᱤᱭᱟᱹ ᱠᱟᱹᱢᱤᱦᱚᱨᱟᱭ ᱮᱛᱚᱦᱚᱵ ᱠᱮᱫᱟ᱾ ᱑᱙᱙᱔ ᱥᱟᱞ ᱨᱮ, ᱡᱮᱜᱮᱛᱵᱤᱨᱫᱟᱹᱜᱟᱲ ᱫᱚ ᱯᱷᱟᱨᱢᱮᱥᱤ, ᱡᱤᱣ ᱵᱤᱜᱽᱭᱟᱱ, ᱟᱨ ᱤᱧᱡᱤᱱᱤᱭᱚᱨᱤᱝ (ᱤᱞᱮᱠᱴᱨᱤᱠᱟᱞ ᱟᱨ ᱤᱞᱮᱠᱴᱨᱚᱱᱤᱠᱥ, ᱠᱚᱢᱯᱤᱭᱩᱴᱚᱨ, ᱟᱨ ᱢᱮᱠᱟᱱᱤᱠᱟᱞ) ᱨᱮ ᱵᱮᱪᱮᱞᱚᱨ ᱯᱨᱚᱜᱮᱨᱟᱢ ᱠᱚᱭ ᱮᱛᱚᱦᱚᱵ ᱠᱮᱫᱟ᱾ ᱯᱚᱨᱮ ᱛᱮ, ᱯᱟᱹᱨᱤᱵᱮᱥᱤᱠ ᱤᱧᱡᱤᱱᱤᱭᱚᱨᱤᱝ ᱟᱨ ᱵᱤᱜᱽᱭᱟᱱ ᱠᱚ ᱦᱚᱸ ᱟᱡᱟᱜ ᱥᱮᱪᱮᱫᱤᱭᱟᱹ ᱠᱟᱹᱢᱤᱦᱚᱨᱟ ᱨᱮ ᱥᱮᱞᱮᱫ ᱮᱱᱟ᱾ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ ᱫᱚ ᱑᱙᱙᱗ ᱨᱮ ᱵᱮᱪᱮᱞᱚᱨ ᱚᱯᱷ ᱵᱤᱡᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ (BBA) ᱟᱨ ᱑᱙᱙᱙ ᱨᱮ ᱵᱮᱪᱮᱞᱚᱨ ᱚᱯᱷ ᱵᱤᱡᱱᱮᱥ ᱤᱱᱯᱷᱚᱨᱢᱮᱥᱚᱱ ᱥᱤᱥᱴᱚᱢ (BBIS) ᱨᱮ ᱟᱱᱰᱚᱨᱜᱮᱨᱮᱡᱩᱮᱴ ᱯᱨᱚᱜᱮᱨᱟᱢ ᱮ ᱮᱛᱚᱦᱚᱵ ᱠᱮᱫᱟ᱾^[᱕] ᱮᱢ.ᱯᱷᱤᱞ. ᱟᱨ ᱯᱤ.ᱮᱪ.ᱰᱤ. ᱯᱨᱚᱜᱮᱨᱟᱢ ᱠᱚ ᱑᱙᱙᱗ ᱥᱟᱞ ᱨᱮ ᱮᱛᱚᱦᱚᱵ ᱮᱱᱟ᱾ ᱡᱮᱜᱮᱛᱵᱤᱨᱫᱟᱹᱜᱟᱲ ᱫᱚ ᱰᱤᱥᱮᱢᱵᱚᱨ ᱒᱐᱑᱓ ᱨᱮ ᱤᱥᱠᱩᱞ ᱚᱯᱷ ᱞᱚ ᱛᱟᱞᱟᱛᱮ ᱢᱤᱫ ᱟᱹᱭᱤᱱ ᱯᱨᱚᱜᱮᱨᱟᱢ ᱦᱚᱸᱭ ᱮᱛᱚᱦᱚᱵ ᱠᱮᱫᱟ᱾^[᱖]

ᱢᱩᱬᱩᱛ ᱜᱷᱚᱴᱚᱱᱟ ᱠᱚ

ᱥᱟᱹᱠᱷᱭᱟᱹᱛ:^[᱗]

ᱚᱜᱚᱥᱴ ᱑᱙᱘᱕ ᱛᱨᱤᱵᱷᱩᱵᱚᱱ ᱡᱮᱜᱮᱛᱵᱤᱨᱫᱟᱹᱜᱟᱲ ᱥᱟᱶ ᱥᱮᱪᱮᱫᱤᱭᱟᱹ ᱡᱚᱲᱟᱣ ᱥᱟᱶᱛᱮ ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ ᱜᱷᱟᱴᱤ ᱠᱮᱢᱯᱚᱥ ᱨᱮᱭᱟᱜ ᱛᱷᱟᱯᱚᱱ᱾ ᱤᱱᱴᱚᱨᱢᱤᱰᱤᱭᱮᱴ ᱚᱯᱷ ᱥᱟᱭᱤᱱᱥ ᱠᱚᱨᱥ ᱨᱮᱭᱟᱜ ᱮᱛᱚᱦᱚᱵ᱾
ᱱᱚᱵᱮᱢᱵᱚᱨ ᱑᱙᱙᱑ ᱥᱚᱝᱥᱚᱫ ᱨᱮᱭᱟᱜ ᱢᱤᱫ ᱚᱫᱷᱤᱱᱤᱭᱚᱢ ᱛᱟᱞᱟᱛᱮ ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ ᱪᱟᱨᱴᱚᱨ ᱮᱱᱟ᱾
ᱰᱤᱥᱮᱢᱵᱚᱨ ᱑᱙᱙᱑ ᱯᱩᱭᱞᱩ ᱥᱤᱱᱮᱴ ᱫᱩᱯᱲᱩᱵ ᱫᱚ ᱯᱨᱚᱫᱷᱟᱱ ᱢᱚᱱᱛᱨᱤ ᱟᱨ ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱤᱱᱤᱡ ᱪᱟᱱᱥᱮᱞᱚᱨ, ᱜᱤᱨᱤᱡᱟ ᱯᱨᱚᱥᱟᱫ ᱠᱚᱭᱨᱟᱞᱟ ᱣᱟᱜ ᱟᱹᱭᱩᱨ ᱛᱮ ᱦᱩᱭᱮᱱᱟ᱾ ᱰᱨ. ᱥᱩᱨᱮᱥ ᱨᱟᱡ ᱥᱚᱨᱢᱟ ᱟᱜ ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮᱭᱟᱜ ᱩᱯᱚᱼᱠᱩᱞᱚᱯᱚᱛᱤ ᱞᱮᱠᱟᱛᱮ ᱵᱟᱦᱟᱞᱤ᱾
ᱡᱟᱱᱩᱣᱟᱨᱤ ᱑᱙᱙᱒ ᱰᱨ. ᱥᱤᱛᱟᱨᱟᱢ ᱚᱫᱷᱤᱠᱟᱨᱤᱭᱟᱜ ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮᱭᱟᱜ ᱨᱮᱡᱤᱥᱴᱨᱟᱨ ᱞᱮᱠᱟᱛᱮ ᱵᱟᱦᱟᱞᱤ᱾
ᱡᱩᱞᱟᱭ ᱑᱙᱙᱒ ᱴᱟᱝᱜᱟᱞ ᱨᱮ ᱤᱥᱠᱩᱞ ᱚᱯᱷ ᱥᱟᱭᱤᱱᱥ ᱡᱷᱤᱡᱽ ᱮᱱᱟ᱾ ᱰᱨ. ᱵᱷᱚᱫᱨᱚ ᱢᱟᱱ ᱛᱩᱞᱟᱫᱷᱚᱨᱟᱜ ᱤᱥᱠᱩᱞ ᱚᱯᱷ ᱥᱟᱭᱤᱱᱥ ᱨᱮᱭᱟᱜ ᱰᱤᱱ ᱞᱮᱠᱟᱛᱮ ᱵᱟᱦᱟᱞᱤ᱾ ᱠᱟᱴᱷᱢᱟᱱᱰᱩ ᱡᱮᱜᱮᱛᱵᱤᱨᱫᱟᱹᱜᱟᱲ ᱨᱮᱭᱟᱜ ᱟᱯᱱᱟᱨᱟᱜ ᱤᱱᱴᱚᱨᱢᱤᱰᱤᱭᱮᱴ ᱚᱯᱷ ᱥᱟᱭᱤᱱᱥ ᱠᱚᱨᱥ ᱨᱮᱭᱟᱜ ᱮᱛᱚᱦᱚᱵ᱾
ᱚᱜᱚᱥᱴ ᱑᱙᱙᱓ ᱱᱤᱭᱩ ᱵᱟᱱᱮᱥᱣᱚᱨ ᱨᱮ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ ᱡᱷᱤᱡᱽ ᱮᱱᱟ᱾ ᱯᱨᱚᱯᱷᱮᱥᱚᱨ ᱠᱨᱤᱥᱱᱟ ᱥᱣᱟᱢᱤᱱᱟᱛᱷᱚᱱᱟᱜ ᱤᱥᱠᱩᱞ ᱚᱯᱷ ᱢᱮᱱᱮᱡᱢᱮᱱᱴ ᱨᱮᱭᱟᱜ ᱰᱤᱱ ᱞᱮᱠᱟᱛᱮ ᱵᱟᱦᱟᱞᱤ᱾ ᱢᱟᱥᱴᱟᱨᱥ ᱚᱯᱷ ᱵᱤᱡᱱᱮᱥ ᱮᱰᱢᱤᱱᱤᱥᱴᱨᱮᱥᱚᱱ ᱯᱨᱚᱜᱮᱨᱟᱢ ᱨᱮᱭᱟᱜ ᱮᱛᱚᱦᱚᱵ᱾
ᱢᱟᱨᱪ ᱑᱙᱙᱔ ᱥᱮᱪᱮᱫᱤᱭᱟᱹ ᱯᱟᱹᱨᱤᱥᱚᱫ ᱫᱚ ᱵᱤ.ᱮ./ᱵᱤ.ᱮᱥ.ᱥᱤ. ᱯᱟᱥ ᱞᱟᱹᱜᱤᱫ ᱯᱮ ᱥᱮᱨᱢᱟ ᱨᱮᱭᱟᱜ ᱰᱤᱜᱽᱨᱤ ᱯᱨᱚᱜᱮᱨᱟᱢ, ᱟᱨ ᱵᱤ.ᱮ., ᱵᱤ.ᱤ. ᱞᱟᱹᱜᱤᱫ ᱯᱩᱱ ᱥᱮᱨᱢᱟ ᱨᱮᱭᱟᱜ ᱰᱤᱜᱽᱨᱤ ᱯᱨᱚᱜᱮᱨᱟᱢ ᱮᱛᱚᱦᱚᱵ ᱨᱮᱭᱟᱜ ᱜᱚᱴᱟ ᱦᱟᱛᱟᱣ ᱠᱮᱫᱟ᱾^[᱘]

ᱥᱟᱹᱠᱷᱭᱟᱹᱛ

↑ "Achyut Wagle appointed as vice chancellor of Kathmandu University". The Kathmandu Post. Retrieved 7 July 2025.
↑ "Kathmandu University". Edu Sanjal.
↑ "SCIENCE, RESEARCH, AND TECHNOLOGY IN NEPAL" (PDF). Bajracharya, Dayanand; Bhuju, Dinesh Raj; Pokhrel, Jiba Raj. UNESCO Kathmandu Office. Retrieved 3 November 2007.
↑ "KU Act 2048/1991". Ministry of Education, Nepal. Retrieved 13 March 2016.
↑ Kathmandu University School of Management. "About Us". Kathmandu University School of Management Website. Retrieved 17 October 2023.
↑ Kathmandu University School of law. "About Us". Kathmandu University School of law Website. Retrieved 10 January 2022.
↑ "Important Milestones of Kathmandu University". ku.edu.np. Retrieved 13 March 2016.
↑ "History of Kathmandu University and Important Milestone". Edu Sanjal.

ᱵᱟᱦᱨᱮ ᱡᱚᱱᱚᱲ

Kathmandu University Scholarships for Undergraduate Students

[1] "Achyut Wagle appointed as vice chancellor of Kathmandu University". The Kathmandu Post. Retrieved 7 July 2025.

[2] "Kathmandu University". Edu Sanjal.

[3] "SCIENCE, RESEARCH, AND TECHNOLOGY IN NEPAL" (PDF). Bajracharya, Dayanand; Bhuju, Dinesh Raj; Pokhrel, Jiba Raj. UNESCO Kathmandu Office. Retrieved 3 November 2007.

[4] "KU Act 2048/1991". Ministry of Education, Nepal. Retrieved 13 March 2016.

[5] Kathmandu University School of Management. "About Us". Kathmandu University School of Management Website. Retrieved 17 October 2023.

[6] Kathmandu University School of law. "About Us". Kathmandu University School of law Website. Retrieved 10 January 2022.

[7] "Important Milestones of Kathmandu University". ku.edu.np. Retrieved 13 March 2016.

[8] "History of Kathmandu University and Important Milestone". Edu Sanjal.

[᱑]

[᱒]

[᱓]

[᱔]

[᱕]

[᱖]

[᱗]

[᱘]